• أعضاء ملتقى الشعراء الذين لا يمكنهم تسجيل الدخول او لا يمكنهم تذكر كلمة المرور الخاصة بهم يمكنهم التواصل معنا من خلال خاصية اتصل بنا الموجودة في أسفل الملتقى، وتقديم ما يثبت لاستعادة كلمة المرور.

::][مــــوعــــد مــع الـــســـــعـــادة][ :: قصه في منتهى الروعه

مشاركة: ::][مــــوعــــد مــع الـــســـــعـــادة][ :: قصه في منتهى الروعه

اليوم: الثلاثاء..
المكان: بيت بو محمد..
الوقت: الرابعه والنصف مساءا..
-----------------------------------
( مهرة)...



قلبي كان مثل الطبل....

مهرة: خايفه....
ناصر: لاتخافين اهلي ماياكلون حد...شوي شوي بتنسين نفسج معاهم.... بس لاتنسين مهرة...عشانخاطر اعز شخص عندج....تظاهري عالاقل بانج مرتاحه معاي عشان محد يشك بشي....ممكن؟

الطلب كان غالي... لكني هزيت راسي بالايجاب...
ناصر: شكرا.... اظنياخواني موجودين...خلج متغشيه لين مانسير الميلس.... او انتن تروحن الصالةالصغيره...اوكي؟
مهرة: اوكي... كم اخو عندك؟
ابتسم ناصر...
ناصر: اثنينه... ابويه بتعرفينه...محمد اخويه العود معرس وعنده عيال...ماخذ بنتعمي...يوسف الصغير اللي اكبر من منى...خاطب بنت عمي بعد...
لاحظت ان اخوانهكلهم شابكين مع بنات العم....شمعنى هو ماخذ وحده منهن؟!... ياترى كم بنت عمعنده؟!..
ناصر: ننزل؟
كنت متردده وخايفه موت...ومرتبكه..صديت صوبه اتاكد منمكياجي...
مهرة: شكلي زين؟!..
ابتسم ناصر وهو يتامل فيني...
ناصر: والله انج قمر....

غصبن عني انحرجت... اليوم وامس عانيت من احراج فظيع... منها الرقاد...وكيف تميت احوص في الحجره قبل ما اقرر اني ارقد وافتك....
ومنهايوم نشيت وحصلته يطالعني..!!.. خيبه ياترى كيف كان شكلي وانا راقده؟...ومن متى هويطالعني؟!..
ومنها المسجات.. الي اثرت في نفسي غصب طيب.....
هذا غيرتنغيزاته طول اليوم...بكلام حلو احيانا..بكلام عتاب احيانا...
الله يستر مناللي ياي....

حطيت الغشاة على راسي....ومسكت شنطتي الصغيره...

مهرة: يالله انا جاهزه...
نزل ناصر ونزلت انا بعد..ريولي تتنافض ... كيف بوصل للباب...اشوفهبعييد مع انه خطوات...
ما تقدمت خطوتين الا وبمجموعه من الحريم طالعه براتستقبلنا....
ميزت منهن منى... وعمتي....ام ناصر...
بشكل لا ارادي... لصقتفي ناصر...
شي غريب..
هالانسان يوم يكون عندي بروحنا ماحس بالامان...
لكن يوم نكون بين الناس....الجأ له بشكل لا ارادي...
ام محمد: مرحبا مرحباالساع...مرحبا بالمعاريس...
ابتسمت انا من ورا غشوتي بتوتر..مادري يشوفوني اولاا... المهم ابتسم..
سلم ناصر على امه...اللي تمت لاويه عليه فتره لاباس فيهاوهو يظحك...اما انا ..
يت منى تسلم عليه ..وحرمه ثانيه قالولي انها حرمهعمهم... والثالثه حرمه اخو ناصر..
يعني هذي الحرمه الثانيه تستوي امها...!!..
وقالولي ان البقية داخل....
واخيرا فجت الام عن ناصر..ويت صوبي تحظنيانا...
ماعرف حسيت باحساس غريب.... ريحتها ذكرتني بريحه امايه...
بشكل لاارادي تمسكت فيها متمتعه بحنانها رغم خجلي وتوتري....
لكنها فعلا تحسسبالحنان....
يوم فجتني... حبيتها على راسها...
احتراما لها...
مثلماوصتني خالووه..
ام محمد: شحالج يابنتي... عساج مرتاحه؟!
انا من وراغشوتي...
مهرة: بخير الله يعافيج عموه...مرتاحه الحمد لله..شحالج انتي؟
اممحمد: بخير يالغاليه...قربوا قربوا داخل...
ناصر: وينهم عيل قوم ابويه؟
اممحمد: فديتك ابوك واخوانك داخل قلنالهم عن تزيغون البنت لا تطلعون....
ظحكت اناوظحك ناصر...
ناصر: زين سويتي..
دخلنا كلنا داخل.... انتبهت لنفسي اني امشيعدال منى اخت ناصر..وحرمه راشد.... حسيتها تقرب لي بشكل من الاشكال..عشان جي لصقتفيها....
داخل.. قالولي هذا عمج بو محمد...
حسيته ريال غريب بس لازم اسلمعليه وواحب راسه مثل ماوصتني خالتي بعد...
بتردد كبير تقربت وانا مازلتبغشوتي...وايهته وحبيته على راسه مع انه كان طويل بس هو مسكين وخى لي عشان يمنعالحرج عني...
ام محمد: منى وين يدتج سارت؟
منى: قتلهم يدخلون الميلسالصغير... هناك بتاخذ مهرة راحتها اكثر...
كنت اسمع كلامهم باذن...وباذن ثانيهاسمع سلام اخوان ناصر لي وتبريكاتهم...وارد انا عليهم بصوت واطي... وانا اتراجعوالصق في منى مره ثانيه...
من ورا غشوتي ماقدرت اشوف اشكالهم زين... لو ماكنت متمكيجه وايد جان عقيت الغشاة...لكن الميك اب كامل وفتنه.مب زين اني اكشف ويهيلهم... لكن بشكل عام عرفت انه كلهم شباب دون الثلاثين...
حسيت بناصر يراقب كل حركاتي....


اما انا...حسيت بالضياع التام... مثل الخبله اتلفت كل شوي حوالي اشوف حد الصق فيه...

منى: تعالي مهرة نسير الميلس الصغير هناك يدوه وكنوووهوبنات عمي لطوف وعويش...
مهرة: اوكي...
وجذي..
فصلوني عن ناصر...
انا فصاله مع ناس غرب...وهو في صاله ثانيه مع ابوه واخوانه...
عقيت غشاتياول مادخلت الميلس...
شافوا شكلي وابتسموا اكثر....وشفت انا اشكالهم وابتسمت بعد....ولاحظت ان عمتي ام ناصر تخلفت عنا وتمت عند ولدها برااا
تقربت من اليدهاسلم عليها...
وحبيت راسها هي الثانيه....
ام سلطان: مرحبتيييييييين الساع بعروسنا...شحالج فديتج؟
مهرة: احم..الحمد لله يدوه شحالج انتي عساج طيبه؟
ام سلطان: بخير وسهاله يوم شفناج مبروك غناتي...
مهرة: الله يبارك فيج...
وسلمت على كنه اللي عيبني شكلها المرح...وخواتها الثانيات....
واخيرا...يلسنا...
منى: هااااااااااه مهرة علوم العرس؟!..
ابتسمت انا ....فخاطري اقول لوووعه....
لكن...
مهرة: الحمد لله...
ام سلطان: عسىمب ملعوزنج ولدنا؟...ترا بهالعصا على ظهره ان طلع منه قصور...
كنه: ههههههههههههههههههههه عنبوووو يدوه برايه هو وحرمته شوهالسؤال...
ام سلطان: لازم نسال... نبا نطمن على بنت الناس اذا مرتاحه ويا ولدنا او لا...
انا ظحكت على طريقه اليده بالكلام.... مسكينه برقعها عود وماشي يبين غير عيونهاويبهتها....!!!..
وسكت ماجاوبتهم...شو بقولهم بالله...!
قالت ميثا حرمهمحمد..
ميثا: احين بتفتح لج التحقيق المعتاد مع كل عروس...تحملي...
قالتحرمه عمهم...
ام مايد: هيه نعم اني اذكرها عقب ماعرست انا نفس الاسئله تسالني...
ميثا: اووه يعني هذا دستور موضوع...!!
ام سلطان: هااه ام سلطان اشوفج تتشكين.؟!
ميثا: لا حشى يدوه ادريبج من كثر ماتعزينا وتحبينا تحاتين...بس البنت تستحي...
ام سلطان: لا ماتستحي يالله بالستر شو يخليها تستحي...
منى: جاوبي يابوج بتنشب مشكله...
مهرة: ههههههه على شو؟
ام سلطان: شو علومهنويصر وياج...؟!
فقط ويهي...
مهرة: الحمد لله يدوه...
ام سلطان: يعني مرتاحه وياه؟ ماعليج بنتي لا تستحين قولي ترا والله امطه من اذنه لج...
تخيلت شكل ناصر...
وظحكت.
مهرة: هههههههههههههههههه.... لا الحمد لله يدووه ناصرهب مقصر وياي...
ويوم فكرت فيها....
انه فعلا ماقصر معاي بشي....لو مب الموقف اللي بينا.... جان نحن مرتاحين....!
دارت السوالف بين الموجودين اغلبه اكانت ادور حوالينا انا وناصر...
وشوي يخبروني عن سوالفهم ويعرفوني عليهم اكثر....
باختصار يحاولون يدخلوني في جو العايله....
لين مايت ام ناصر بعدماشبعت من ولدها ....كانت يايبه معاها حرمه ثانيه ....
قالولي انها شما اخت ناصر الكبيره.....
ماشاء الله احس عقلي انترس اسماء كم بحفظ....؟!
سلمت عليها ويلسنا...
ام محمد: هاااه مهرة علومه ناصر وايج؟!..


هني ارتفعتالحسوس...من ميثا..ومنى..وكنه....كلهن اعتراض..مافهمت غير كلام منى لانه عدالي...
منى: اوهوووو لالالالالا امايه دخيلج لا تفجين السالفه هذي توهم مسوين تحقيقويا البنت...
ام محمد: وابوووويه كلتوني بقشووري وانا شقلت؟
منى: لا تسالينترا يدوه اطمنت على حال مهرة قبلج وطلع الامن مستتب...بدلي السالفه سالي عن شي يديدمبتكر..
ام محمد: هههههههههههههه حسبي الله عبليسج من بنت شو عنه بسال يعني... ماعليه دام اليده اطمنت على حال مهرة...وسوت وياها تحقيق على قولتكم...انا بعد سويت تحقيق ويا ناصر توني واطمنت...بس بغيت اسمعها منها...

هني انا تم قلبي يدقويدق...
ياترى شو قالها ناصر عني؟!!.


قعدن يسولفن وحطن الفواله وكلشوي يغصبوني اكل شي معين....المشكله انا بطني متروس من البرياني الهندي اللذيذ الليكلته عالغدا....!!..
بصراحه انا اول مره اقعد في جو جذي...
محد يسمع الثاني...
كل حد يصارخ من صوب....
لمة حريم فظيعه....
انا تنازعتني رغبتين...
رغبة في اني اقعد مع منى وكنه والبنات الثانيات بحيث انهن من سني...
ورغبة ثانيه في اني اقعد مع ام ناصر واليده والحريم بحيث اني صرت من الحريم..!!
حتى لو كنت مب حاسه بهالشي....

مر الوقت ولا حسينابه بصراحه.... شويشوي اندمجت معاهن وحفظت اسماءهن...صحيح استحي اكلمهن انا...
بس اخذ راحتي بالجواب على استفساراتهم وفضولهن ....
اذن المغرب...

منى: خلووواالحرمه ترتاح شوي...تعالي مهرة بدليج غرفتج وين... عشان تصلين وترتاحين...

العرض كان مغري...
مهرة: اوكي...
قمت مع منى.... وركبنا فوق...
كانت تاشر لي منى وتقول لي هذي غرفة يوسف...هذي غرفتي...هذا قسم محمد...وهذيغرفتكم...
كنت امشي معاها وانا متاكده اني مابعرف طريق النزله يوم برجعانزل....
مع انه البيت مب صعب....
لكن بس لمجرد انه غريب لا اكثر....
اشتقت لبيتنا....!!...بيتنا وايد بسيط....
 
مشاركة: ::][مــــوعــــد مــع الـــســـــعـــادة][ :: قصه في منتهى الروعه

دخلت غرفة ناصر.. اللي سمتها منى غرفة المعاريس... كانت حلوه ومرتبه..وريحتها اجنن...

الظاهر انهمرتبوها واعتنوا فيها قبل ما ني....
منى: الشنط حطوهن في غرفة الملابس...يومتبين تنزلين دقيلي وباييج....
مهرة: ماعرف رقمج....
منى: هيه صح... اناعطتني شيخه من قبل رقمج..بسويلج مسد كول وانتي احفظي الرقم عندج...
وفعلا سوتلي منى مسد كول.. وحفظته باسمها.."منى"...
وبعدها تركتني وراحت....

قفلت انا الباب....ويلست عالشبريه...

امسك راسي بين ايدي....

يالله ماشاء الله عليهم كيف حشره...!!!..
هم دوم جي حالتهم والامتيمعين عشانا؟!!..

رفعت راسي اتصدد حوالي...
الغرفه كانت انيق هوحلوه...
صوره ناصر كانت تحتل جزء من الجدار... صوره حسستني انه المالك لهالمكان...وياويلي منه..!!!
تجاهلت صورته وقعدت افتش....
بطلت الكبت حصلت اثنينه منهن فاظيات..وواحد من الكبتات احتلته اغراض ناصر وكناديره...
بطلتعيني...
ويت في بالي فكره ما انتبهت لها من قبل....!..

انا وناصر مالناقسم لانه ناصر مستقر في بوظبي....
انا وناصر لنا هالغرفه بس...


هذي هي الغرفه الوحيده؟!!!....


******************************

تابعونا
 
مشاركة: ::][مــــوعــــد مــع الـــســـــعـــادة][ :: قصه في منتهى الروعه

مشكوووووووووووورة خيووووووووووووووه
 
مشاركة: ::][مــــوعــــد مــع الـــســـــعـــادة][ :: قصه في منتهى الروعه

العفووووووووووووووو حبيبتي

:)
 
مشاركة: ::][مــــوعــــد مــع الـــســـــعـــادة][ :: قصه في منتهى الروعه

الجزء التاسع والاربعون.
------------------------------
اليوم: الثلاثاء
المكان: بيت سلطان
الوقت: السابعه مساءا.
------------------------------
(ناصر)....

من شوي كنت راد منالمسيد وين صلينا المغرب....
وحاليا يالس في الصالة... ربشة اهلي اليوم شي مبطبيعي...معقوله عرسي جي مسوبهم...؟!..
ومن وصلنا البيت ماشفت مهرة..
اللهاعلم شومسويبها اكيد مخبليبها..!!.
ويدوه هني بعد.... لاااا ويالسه عندنايقولون لين الجمعه؟!.
صح فرحني وجودها بس ادري بالضغط اللي ممكن يدوه تمارسهعلى مهرة...ومهرة على نياتها مسكينه.!
اطالعت ساعتي
وتنهدت...ابااشوفها...ابا اعرف رايها باهلي... ابا اشوف نفسيتها كيف..!!.
شفت سلطان ولدمحمد توه داش الصاله مادري من وين ياي..
ناصر: تعال تعال.
مسكته ورمستهبصوت واطي ويوسف عينه عليه...!!
ناصر: وين مهرة؟!..شفتها؟!
سلطان: همممممممممممممم... العروسه؟!
ناصر: هيه العروسه؟!..
سلطان: عموه منى ودتهافووق...
ناصر: وعموه منى عندها الحين؟
سلطان: لا عموه منى في المطبخ.
ناصر: خلاص روح...
راح عني سلطان الصغير وانا نشيت بستغل الفرصه وبلحق علىمهروه...
يوسف: هاااه ناصر وين؟!
ناصر: بروح شوي وبايي...
ابتسم..
يوسف: شوي والا وايد.؟!
ابتسمت انا بعد...
ناصر: شوي...
يوسف: البس خوذه...تحمل على راسك...!
بطلت عيني انا اهدد يوسف على كلمته.... شو البس خوذه بعد بيشكون قوم ابويه...بس الحمد لله انهم كانوا مشغولين في رمسهاروحهم....ويوسف تم ميت من الضحك... وحاط ايده على بطنه..
خليتهم وطلعت منالصاله وركبت فوق...
توني بوصل حجرتي الا وبالباب ينفتح ...منى طالعه وماسكه ايد مهرة...وتمشيها وراها...
ناصر: ها ها وين شاله حرمتي وسايره..؟!
ومسكتايد مهرة الثانيه
ومهرة في النص انا ماسك من صوب ومنى ماسكه من صوب.
منى: ياخي بسك عندك هيه من اسبوع خلها عندنا شوي.
ناصر: باييبها لكمبعدين احين اباها شوي..
منى: شو تباها.؟
ناصر: ابااااهاا .
وسحبتمنى ايد مهرة اكثر.
منى: بنرجعها لك الساعه 11 في الليل احين رخصها.
مهرة: شو رايكم تجلعون ايدي بعد...!! ترا مب محتاجتنها....
انا مسكت ايدمهرة اكثر وظربت منى على ايدها ظربه تلسع....
ناصر: فجيها...!!...دقايق وبتردتنزل...مسرعكم تعلقتوبها...!!..
حطت منى ايدها على خصرها وهي اطالعني بنظرهماكره...
منى: ومسرعك ياخويه ماتصبر عنها..!!!!.
فقط ويهي...!
ومهرةطبعا انعفس ويهها...!!
سحبت مهرة لداخل الحجره..وانا اقول لمنى.
ناصر: بردها لكم بعد دقايق..عن اذنج اختاه.
ظحكت منى وراحت...سكرت انا بابالغرفه علينا..
التفت لها حصلتها اطالعني بنظره معصبه.
مهرة: اففف....لو خليتني اسير..!
ناصر: ليش؟
مهرة: احين شو بيقولون عنا؟!
 
مشاركة: ::][مــــوعــــد مــع الـــســـــعـــادة][ :: قصه في منتهى الروعه

ناصر: شو بيقولون يعني؟!.. ريال وحرمته شو خصهم فينا...

مهرة: لي يسمعكيقول صدق ريال وحرمته....
تقربت من مهرة وانا اقولها بمكر...بلهجة غياظ ومزح لااكثر ولا اقل...
ناصر: ترانا صدق ريال وحرمته...والا عندج شك بهالشي؟!...
رفعت مهرة صبعها السبابه فويهي تحذرني...
مهرة: طلع الافكار الخبيثه منراسك.... وجودنا فغرفه وحده مايعني انك تسوي اللي يخطر عبالك...!
استغربت.... لهجة يديده.... نظره يديده....
برود وتصميم يديد...

ادركت ان وجودها بين اهلي...بين ناس يعزونها رغم معرفتهم القليله بها.... هي اللي قوتها علي...

سكت لدقيقه وملامحي جامده ماتفصح عن شي...

ناصر: شو قصدج؟
مهرة: انته مابترقد في هالغرفه....
رفعت انا حواجبي بتعجب....
ناصر: هذي غرفتي..وين برقد عيل؟
مهرة: غرفة منى فاظيه....يوم يرقدون...اطلع من الغرفه هذي وروح غرفه منى ارقد... والصبح ارجع...
ناصر: ياسلام....متى فكرتي بهذا كله؟


مهرة: معاك الواحد لازم يتعلم يفكر بسرعه.... لاتتصور ان سكوتي معناته موافقه على كل اللي يصير... قلت لك من قبل...لا تحملني فوقطاقتي.... رقدت معاك امس مضطره...ماريد اكررها مره ثانيه...
عقدت انا حياتيوعصبت....
ناصر: شي ياج امس؟!!!!... نقصت منج ريل والا ايد ولا نشيتي بفلعه عراسج؟!!!...بالعكس انتي اللي يلستي ترافسيني طول الليل وساكت عنج...
نزلت مهرةعينها...
مهرة: انته عارف شو اقصد....
تقربت منها اكثر وانا معصب وافاتن...
ناصر: لا هب عارف شو تقصدين بصراحه....باي طريقه تبينا نصلح اللي بينا؟...كيفتتوقعين ان أي شي بيتصلح وانتي كل ماحسيتي نفسج تجاوبتي معاي اكثر تقومين تبتعدين عني اكثر واكثر... هذي هي الفرصه اللي بتعطيني اياها؟!!!...
مهرة: تشوفني قلتشي لاهلك؟...تظاهرت اني عروس مب مستانسه؟!!!... تراني امثل...حلجي انطرر اليوم من الضحك معاهم وفجوجي عورتني من الابتسامه الدايمه... لا تحملني فوق طاقتي....
ناصر: احين الرقاد معاي فوق طاقتج؟؟
صرخت مهرة...
مهرة: هيييه....

سكت.... وانا اتنفس بصعوبه......انجرحت..ماقولكم ماانجرحت...
صعب عالشخص انه يسمع من الانسان اللي يحبه انه مايطيق قربه... هذا وانا اللي كنت اتمتع بكلدقيقه تمر علي وانا معاها.... انا اللي ماصبرت بلاها ساعتين مع انه فبيتواحد...وييت اتفقد حالها...!!!!... واشوفها...!
 
مشاركة: ::][مــــوعــــد مــع الـــســـــعـــادة][ :: قصه في منتهى الروعه

ناصر: تدرين....؟!... اناييت اطمن عليج... ييت اشوف نفسيتج بعد ماتعرفتي على اهلي...بصراحه...ييت لاني اشتقلج مهرة.....بس لو دريت انج بتسمعيني هالكلام والله لا ركبت ولا ييت اشوفج....

طلعت من الغرفه واتنهد بظيج وقهر....
ماصدقت على الله اشوفها تفاهمتشوي....جلبت عليه مثل الظبعه..!!!!...
متى بتتصلح هالحاله يعني...!!..وقسم بالله زهقت...
اووفففففففف....وين اروح؟!

ماروم اجابل اهلي بهالويه...!!.. تلفت فالممر... وطاحت عيني على غرفه منى.... غرفة منى فاظيه...
رحت صوبها وفتحت الباب...شغلت ليتها المبند...وسكرت الباب وراي...
يلست عالشبريه امسك راسي بين ايدي...
اهدي نفسي...
واتذكر كلامها المعذّب...
ما اطيق الرقاد معاي؟...ليش؟ هو الا رقاد... ساعات وهي ماتدري حتى بنفسها فكيف بتحس بي؟!...
احيانا ماعرف كيف تفكر هالبنت...!!!..
لكن ماعليه.... بطنش.... انا قررت من قبل اني اصبر عليها... مهما طال صبري....مهرة بترضخ لي في النهاية..!!
تنهدت مره ثانيه....
يا انا...
يا هيه....
وبنشوف يامهرة...

قمت من شبريه منى وطلعت من الغرفه ونزلت تحت...
..توني واصل الصاله شفت يوسف طالع منها وهو ماسك تيلفونه... اول ماشافني ابتسم...
يوسف: هاااه...تعال تعال افحصك...ماشي اصابات...
ومسك راسي بغلاسه بيشوف اذا فيه ضربات...
مسكت ايده وحطيتها على قلبي...
ناصر: الظربه هني.... مب علىراسي...ليتها عالراس والله...
خوز يوسف ايده واطالعني بوجه جدّي.... وكعادتهالعملية...
يوسف: شو سويتبها؟!..
ناصر: اششششششششششش...
عقدت حياتي وسحبته برا البيت....
عشان ماحد يسمعنا...
ناصر: اولا انا ماسويتبها شي..اصلا من خذتها وهي اللي تسويبي بلاوي مب انا اسويبها...!!
يوسف: ياحليلكياخويه ثرك متعذب....قول لي شو صار؟ انته قلت لي الامور بدت تتحسن...!!
ناصر: صح...بس الله يهديها مهرة من تحس نفسها لانت معاي...تبدا تقسى اكثر... احين راغتني ماتباني ارقد في الغرفه...
يوسف: ول....مقواها شكلها لاحول لها ولا قوه..!!!!..
ناصر: اقولك عاد... اظني ردة العين قوتها.... وتساهلها معاي من قبل ماكان الاستار...
يوسف: شو ظنك بتسوي...
ناصر: مايندرا... اخاف تتهور يوم تروح باجرعند اهلها...

يوسف: لا توديها...
ناصر: ماروم ماوديها... بنتغدا عندهم باجركلهم يعرفون هالشي...
يوسف: كلمها انزين ...
ناصر: مب الحين....يوم بنهداانا وهي بشوف شو الحل معاها.... احين انته وين ساير..!!..
يوسف: خالد يباني ... بتي؟
ناصر: ليتني اروم اطلع وياك...ماقدر هذيلا بيستغربون الموضوع..
يوسف: المهم انته طول بالك عليها ترا شكلها ياهل.. وتتصرف حسب عواطفها مب حسب عقلها...
ابتسمت...
ناصر: الله يعينا....يالله برايك....
يوسف: حياك...

تركني يوسف وراح...وانا رديت البيت بتكاسل... اكمل دوري كمعرس مستانس...!
 
مشاركة: ::][مــــوعــــد مــع الـــســـــعـــادة][ :: قصه في منتهى الروعه

اليوم: الثلاثاء..
المكان: غرفةناصر ...
الوقت: السابعه والنصف مساءا..
----------------------------------
(مهرة)...

يلست عالشبريه وانااتافف...
شو يتريا مني...؟!...
كفاية اللي قاعده اعطيه اياه من تكتم وتفاهم...شو يباني اسوي اكثر؟
خلاص خلال يومين يبا كل الامور تتصلح.؟.. القضيةالشائكه اللي بيني وبينه اذا بتتصلح يبالها عالاقل شهر...
وهو في خلال يومينيبا يصلح كل الامور..!!!
الرقاد معاه مايزعجني مثل مافهمته...
لكن انااعاني من الفترتين...قبل..وبعد الرقاد...
لانه خلال النوم تصير وايد اشياءالانسان مايحسبها...وانا ماريد اقوم واحصل نفسي في وضع محرج معاه...
وانا اعرف عدل طريقه رقادي الغريبه...!!..
تذكرت كلمته يوم قال اني كنت ارافسه امس طولالليل...!!
حطيت ايدي على حلجي متفشله وقافط ويهي ومنقهره في نفس الوقت...
ليش انا جي رقادي...ليش ماروم ارقد مثل الناس بهدوء...
مثلا هو...ماحسيت به ابدا ابدا وهو نايم....ولا كان يتحرك وايد....
لكن هذا مايعني أني اسمح له يرقد معاي...
انا اعرف خبث ناصر...اعرفه زين...
بيتقصد يسوي حركات ويحطني فمواقف اخر شي بيقول ماكنت منتبه لعمري..!!..
وكل هالحركات بقصد التقريب بينا...
بصراحه... رغم اني وافقت على اعطاء ناصر هالفرصه والتستر عالفظيحه....
لكنيما احس انه حالتنا بتتحسن...
في نفس الوقت...مادري ليش صرت ماريد اخبر اهلي بموضوعه...
احس انه الخبال بعينه...
في النهاية دامني وافقت على اعطاء ناصرفرصه...ليش اخبر اهلي؟!..
تراهم الا بيغصبوني عليه في النهاية... شوالفايده؟!..
اوففف خاطري احصل حل وسط...

مب قادره اصدق ان قلبي بدا يتعامل مع ناصر كشخص ثاني...مب مصدقه هالخيانه من هالقلب الخبل...
كيف انه يدق بقو من اشوفه...مادري هو خوف...او شي ثاني...
انا والحق ينقال ماقمت اخاف منه... بساخاف منه يوم يعصب...
لكن ما اخاف منه مثل الخوف الاولي.... تحول الخوف هذا الىاهتمام نوعا ما باي تصرف يطلع منه..واي كلمه يقولها...
مايهمني...لكن بس لانيمتاكده ان كل كلمه يقولها واي تصرف بيسويه بياثر علي بشكل او بآخر...
لكنيمازلت ما اتحمل لمسه لي...
تتظارب في فكري خيالات...ومشاعر...
 
مشاركة: ::][مــــوعــــد مــع الـــســـــعـــادة][ :: قصه في منتهى الروعه

خيالات ترجع لذاك اليوم المشؤوم... والمشاعر اليديده اللي مب عارفه كيف افسرها...

اوففف...شو اسوي...ماريد اكون له...ماريد...
ليش احس انه دفاعاتي اطيح واحدورا الثاني كل يوم....
معقوله يكون ذكاء منه؟!
او مجرد تواجده معاي واهتمامه به هو اللي خلاني ضعيفه جدامه جي..!!
لكن لا..دامني في العين وبين اهله ناصر مابيتجرا يجبرني على شي عشان مايسوي فظيحه...
هناك في الشقه يقدريتسلط علي...لكن هني مستحيل...
مسكت تيلفوني واتصلت بمنى...
منى: هلاالعروس..
ابتسمت..
مهرة: هلا منى... انتي وين؟
منى: انا تحت... طلع ناصر؟
مهرة: هيه...
منى: طالع.؟!!..ليش مانزلج؟!!..
مهرة: آآه ..اناكنت بسوي شي ماكنت مستعده للنزله...احين كيف استحي انزل اروحي...
منى: انابترياج عند الدري تحت...انزلي لانه محد في الطابق الفوقي غيرج....
مهرة: اووكي...خلج عند الدري لا تخليني اروحي..
منى: من عيوووووني...
مهرة: تسلم عيونج يارب...اوكي باااي..
منى: باي..


حطيت التيلفون عالشبريه... وطلعت من الغرفه....



وفعلا كانت منى عند الدري تترياني...
منى: تبين تدخلين الميلس عند الحريم والا تدخلين عند ابويه؟..ترا محد هناك غير ناصر وابويه ..يوسف ومحمد طلعوا من شوي...
ولاني ماكنت اريد اجابل ناصر..
مهرة: لا استحي...
منى: شو تستحين انتي مايلستي ويا ابويه ..اعتبريه مثل ابووج....
مهرة: غير المره ان شاء الله ... خلينا نسيرعند الحريم...!
منى: على راحتج...
دخلت الميلس .... ومره ثانيه... ارتفعت حسوسهم بالتراحيب للعروس اليديده...
اللي هيه انا....

بعد ساعه...

يتني منى وصاصرتني...
منى: مهرة...راشد هني ويبا يسلم عليج ويباركلج....
كان احساسي ساعتها...ماشي...لا كره لا أي شعور ثاني باعتباره واحد من الاهل...
مهرة: وينه؟
منى: دخلته الصاله عند ناصر ...
مهرة: عمي وين؟
منى: ياه ريال وراح الميلس العود... بتين والا؟
مهرة: بلى بايي...
نشيتورا منى واستئذنـّـا من الموجودين...
ساعتها...مادري ليش ما حطيت فبالي انياتغشى...
باعتبار انه واحد من الاهل...وعادي....مادري شو ياه راسي افتر ونسيت اتغشى...
تحجبت ودخلت الصاله..
 
مشاركة: ::][مــــوعــــد مــع الـــســـــعـــادة][ :: قصه في منتهى الروعه

خيالات ترجع لذاك اليوم المشؤوم... والمشاعر اليديده اللي مب عارفه كيف افسرها...

اوففف...شو اسوي...ماريد اكون له...ماريد...
ليش احس انه دفاعاتي اطيح واحدورا الثاني كل يوم....
معقوله يكون ذكاء منه؟!
او مجرد تواجده معاي واهتمامه به هو اللي خلاني ضعيفه جدامه جي..!!
لكن لا..دامني في العين وبين اهله ناصر مابيتجرا يجبرني على شي عشان مايسوي فظيحه...
هناك في الشقه يقدريتسلط علي...لكن هني مستحيل...
مسكت تيلفوني واتصلت بمنى...
منى: هلاالعروس..
ابتسمت..
مهرة: هلا منى... انتي وين؟
منى: انا تحت... طلع ناصر؟
مهرة: هيه...
منى: طالع.؟!!..ليش مانزلج؟!!..
مهرة: آآه ..اناكنت بسوي شي ماكنت مستعده للنزله...احين كيف استحي انزل اروحي...
منى: انابترياج عند الدري تحت...انزلي لانه محد في الطابق الفوقي غيرج....
مهرة: اووكي...خلج عند الدري لا تخليني اروحي..
منى: من عيوووووني...
مهرة: تسلم عيونج يارب...اوكي باااي..
منى: باي..

حطيت التيلفون عالشبريه... وطلعت من الغرفه....



وفعلا كانت منى عند الدري تترياني...
منى: تبين تدخلين الميلس عند الحريم والا تدخلين عند ابويه؟..ترا محد هناك غير ناصر وابويه ..يوسف ومحمد طلعوا من شوي...
ولاني ماكنت اريد اجابل ناصر..
مهرة: لا استحي...
منى: شو تستحين انتي مايلستي ويا ابويه ..اعتبريه مثل ابووج....
مهرة: غير المره ان شاء الله ... خلينا نسيرعند الحريم...!
منى: على راحتج...
دخلت الميلس .... ومره ثانيه... ارتفعت حسوسهم بالتراحيب للعروس اليديده...
اللي هيه انا....

بعد ساعه...

يتني منى وصاصرتني...
منى: مهرة...راشد هني ويبا يسلم عليج ويباركلج....
كان احساسي ساعتها...ماشي...لا كره لا أي شعور ثاني باعتباره واحد من الاهل...
مهرة: وينه؟
منى: دخلته الصاله عند ناصر ...
مهرة: عمي وين؟
منى: ياه ريال وراح الميلس العود... بتين والا؟
مهرة: بلى بايي...
نشيتورا منى واستئذنـّـا من الموجودين...
ساعتها...مادري ليش ما حطيت فبالي انياتغشى...
باعتبار انه واحد من الاهل...وعادي....مادري شو ياه راسي افتر ونسيت اتغشى...
تحجبت ودخلت الصاله..
 
مشاركة: ::][مــــوعــــد مــع الـــســـــعـــادة][ :: قصه في منتهى الروعه

مهرة: السلام عليكم...
ناصر وراشد كانوا قاعدين يسولفون ويوم شافوني قاموا... غصبن عني عيني التفتت لناصر...
شفته زام بوزه ويطالعني بعصبية...
قطع علي افكاري راشد...
راشد: هلا والله بالعروس...وعليج السلام...
التفت لراشد وطنشت ناصر...ابتسمت وانا اعدل حجابي..
مهرة: شحالك راشد؟ عساك طيب..
راشد: مانشكي باس شحالج انتي ؟..
مهرة: الحمد لله...
راشد: مبرووك يا مهرة....
كانت نظره راشد لي غريبه شوي... حسيت به يعايرني بشي....
مهرة: الله يبارك فيك... شحالها خالوه؟ وشويخ...
راشد: يسلمون عليج...انتي بتين باجر عند اهلج؟
اطالعت ناصر وقلت بغياظ...
مهرة: اكيد...
راشد: حلو...امايه بتلاقيج هناك عيل...
مهرة: تمام...
هني ادخلت منى وقالت لناصر..
منى: ناصر قول له يخليني ابااااااات....
التفت انا لمنى مستغربه..
اذا باتت منى ناصر وين بيرقد عيل..!..

ناصر: خلها تبات...
راشد: لا..بسها....
منى: حرااااااااااااااااام...
راشد: اوص انتي يالدلوعه...باجر بعدج بتقوليلي بسير ويا عموه بيت قوم ريل خالوه...
منى: طبعا طبعا...
راشد: طبعا طبعا عيل جهزيعمرج عقب العشا بنرد البيت...وبسج من الحواطه...
ناصر: سمعي كلام ريلج... الحرمه ماتعارض ريلها....
الجمله الاخيره حسيته يعقها فويهي انا لانه كانيطالعني....
طبعا كان يقصدني...
مهرة: آآآه.... عن اذنكم.. تعالي منى...
مسكت منى وسحبتها معاي لبرا الصاله...
ماتحملت نظرته....اقصد نظرة ناصر...
من دخلت وهو يطالعني بشكل غريب...
منى: شفيج مهرة.!!
مهرة: ماشي.. بستذكرت اني متمكيجه ماحبيت اجابل راشد اكثر...فضيحه...
دخلنا الميلس مره ثانيهويلسنا عند الحريم....

------------------------------
اليوم: الثلاثاء..
المكان: سيارة يوسف..
الوقت: الثامنه والنصف مساءا..
------------------------------
(يوسف)....

يوسف: شو قلت؟!...
تنهد خالد واسند راسه عالكرسي...
خالد: هذا اللي صار شو تباني اسوييعني..!!
يوسف: تقوم اطلقها؟!!...ليييييييييش؟!
خالد: انته شكلك ماسمعتنيعدل...اقولك البنت ماتبغيني.... قايله لاختي عشان تقول لي انها ماتباني...اغصبهاعلي يعني؟!!!...
يوسف: وليش ماتباك؟ محصله احسن عنك هي...؟!
خالد: عاد كلشخص وذوقه...يمكن ظاربنها والا عاظنها ونحن صغار وما اذكر؟! ههههههههه....
سكتانا وماشاركت خالد الضحك...
يوسف: لك بارظ تمزح في السالفه..!!!..
خالد: الحمد لله يابوك انها كانت بس ملجه مب عرس...
يوسف: والحين؟
خالد: الحين الله يسلمك انا زقرتك مب عشان اخبرك بهالسالفه..زقرتك عشان اقولك اني بسافر...
يوسف: تسافر؟؟ ليش تسافر..ووين.؟
 
مشاركة: ::][مــــوعــــد مــع الـــســـــعـــادة][ :: قصه في منتهى الروعه

خالد: بحوط على اوروبا ....اهلي يابوك مبطايقين يشوفوون ويهي... لا اهلي ولا اهلها...كلهم يتحسبون الغلط مني...واني لعبتعالبنت اخر شي طلقتها...
يوسف: وليش ماخبرتهم بالصدق...؟!


خالد: مب زين عشان سمعه البنت...مابغيت لها الرمسه...وبعدين هي اصلا طلعت مغصوبه علي...اذا دروااهلها انها سوت هالحركه بيلعنون خيرها...وبيغصبونها علي اكثر ...
يوسف: وهيهليش مارمستمن قبل..!!...ليش حظرتها تريت لين ماملجتوا واخر شي نطقت... وبعدين شودراك انها مغصوبه..؟!...
تنهد خالد مره ثانيه.
خالد: شوف..ترا انا يوم سمعت السالفه من ختيه قلت فخاطري بتاكد اول...قمت اتصلت على بيتهم...
ردت عليه امها...سلمت عليها وقلت لها اني ابا اكلم حرمتي ظرووري..وانا ماكد كلمتها في التيلفون رغم انها حرمتي...ولا شفت ويهها غير مره اللي هي الرؤيةالشرعية...المهم...حاولت عمتي تعترض وجي قلت لها انا ان الموضوع ظروري وخاص والبنت حرمتي ماحد يقدر يمنعني عنها....اخر شي عطتني اياها...

انا هني تحمست...اعتدلت في قعدتي وقلت له..
يوسف: هيه...وبعدين.!!
خالد: رمستها..وسلمت عليها..كانت مرتبكه وعارفه بالضبط بشو بكلمها... سالتها..قلت لهافلانه..انتي مغصوبه علي؟...قالت هيه..قتلها فخاطرج حد ثاني...قالت هيه.....ساعتهاعرفت ان المووضوع مايتعلق فيني انا...قتلها خلاص يا فلانه دامج ماتبيني....انتيطالق... تخييل يسووف...انصدمت...يعني مع انها طالبه الطلاق...انصدمت.. قالت شوو؟.. قتلها شو بعد انتي طالبه هالشي...وانا مابغصبج عليه...قالت شو اقول لاهلي..؟ قتلها قوليلهم اني طلقتج بدون سبب..وانج ماتعرفين شو السالفه...ولا تخافين محد بيغصبنياني اردج على ذمتي...وورقه طلاقج بتوصلج بعد يومين بالكثير...

يوسف: واااااااااااال مقوى قلبك ياخالد..!
خالد: والله مب جي السالفه بس انا كرامتيماتسمح لي اني اغصب بنت عليه....والله يوم نطقت بذيج الكلمه انه قلبي عورني...بس هيتبا شو اسويبها..!
يوسف: مهما كان صعب..هذي حرمتك واكيد حبيتها مع الوقت..!!
حاس خالد بوزه...
خالد: شو بيحببني فيها وانا ماشوفها ولا اقعد معاها ولااكلمها؟!.. انابس...تدري....كيفت نفسي عليها... حطيت فبالي شو تحب شو ماتحب... كانوا دوم يكلموني عنها خصوصا بعد الملجه... بس احين خلاص شليتها من بالي...
يوسف: عيل ليش تسافر؟
خالد: عشان هم ينسوون السالفه شوي... وعشان انا بعداغير جو...عنبو يا يوسف صارلنا اربع سنين نكرف في الجامعه...وباذلين جهد... تخرجنامن صوب واشتغلنا من صوب ثاني.. ولين احين بعدنا نكرف ....
ابتسمت انا..
يوسف: تباني اسافر وياك..؟!
خالد: لا والله...شحقه طالبنك عيل انا عشان اخذاذنك مثلا؟!!!...هيه اباك تسافر وياي...
يوسف: والله مادري يا خلوود اذا ظروفالعايله تسمح احين...
خالد: شو خص العايله انته بعد...
يوسف: مادري والله خالد خلني اشوف الاوضاع..انته متى مقرر؟
خالد: قلت اشوفك اول اذا بتسير بنحجز رباعه اذا مابتسير بحجز اروحي وبسير..
يوسف: شقايل اتحوط روحك انته بعد..!!
خالد: هههههههه قول تبا تسير...
 
مشاركة: ::][مــــوعــــد مــع الـــســـــعـــادة][ :: قصه في منتهى الروعه

يوسف: هي ابا اسير بس خلني اشوف الاوضاع وبرد عليك خبر...
خالد: استعيل بليز...بعدين اشوف اوضاعكم مستقره ماشاء اللهومافيكم شي...والله يا يوسف صدقني ترا بيمر الوقت وانته ماعشت حياتك...مدارس..عقب دوره جيش..عقب جامعه وكراف...وشغل بعد في الجيش... واحين خطبت...وبيشبكونك في العرس وانته بعدك ماعشت حياتك...ولا شفت الدنيا...

قعدت افكر بكلام خالد...صحيحاني متشوق لزواجي من كنوه السباله اللي دوم تخالف شوري.... لكن فعلا الزواج التزام...ومابقدر اخذ راحتي... استغل الفرصه احين احسن...

يوسف: والله انهصدقك...حلت لي السالفه..
خالد: عيل ابوي خبر اهلك وخذ لك اجازه باجر من الشغل انا خذت اجازتي...
يوسف: كم بنتم؟
خالد: شهر..
يوسف: خيبه..شهر..!!!!..
خالد: اقولك بنحوط على اوروبا تقول لي خيبه شهر.!!!..
يوسف: صدقصدق....خلاص بينا اتصال عيل...انزل يالله بيتكم برد بيتنا المعرس عندنا وولد عمي ونسيبي بيتعشون هناك بعد..فظيحه ماكون موجود...
خالد: هههههه اوكي ..سلم عالمعرس...



يوسف: الله يسلمك..يوصل ان شاء الله.... وبرد عليك خبر بخصوص السفر..
خالد: تيكي...يالله فمان الله...
يوسف: الله يحفظك...
نزل خالد ورد بيتهم... وانا شغلت سيارتي ورديت بيتنا..
مسكين ياخالد...مالحق يتهنىبملجته الا وهو مطلق..... مالت عليها من بنت... احين خالد يتعوض؟!!... حد يرفضه..!..
والله لو ادور عشباب الدوله كلهم ماتحصل شراته يداريها ويونسها.....!..
بس ان شاء الله ان الله بيعوضه احسن منها...

اما بخصوص السفر....ليش لا...بسافر مع خالد... وباجر الاربعاء باخذ اجازتي السنويه من الدوام...

وصلت بيتنا وشفت سياره مايد وراشد وسياره ثانيه غريبه...الظاهرانهم متيمعين قبلي...



اليوم: الثلاثاء..
المكان: سيارة راشد...
الوقت: العاشرة مساءا..
--------------------------------
(راشد)...


تنهدت وانا امسك السكان بقو...واعقد حياتي...
مهرة اليوم... شكلها كان غير...
عمري ماشفتها متعدله جي...
الظاهر انها مستانسه مع ناصر...
وليش ماتستانس ... ناصر صحيح انه غامض لكنه "شكليا" يتخطاني بمراحل...
والظاهر انه مهرة من نوع البنات اللي يتاثر بالشكل..
عيل ليش بالله رفضتني وبعدتني عنها وقالت انها تكره الرياييل....
مب عشان تبعدني عنها...
انا ماقول اني بعدني متعلق بها شراقبل...منى ماليه علي حياتي واحبها...
لكن كرامتي مجروحه هذي هي كل السالفه...
مقهور لاني انا كنت اباها وهي فضلت على ولد خالتها الغريب...!!..
لكن خلاص كل حد عرس وراح فطريجه...
وبعدين ليش مالاحظت أي نوع من انواع الموده بينها وبين ناصر..!!!!..
لالا..يمكن بس مايبينون مشاعرهم جدام الناس...
 
مشاركة: ::][مــــوعــــد مــع الـــســـــعـــادة][ :: قصه في منتهى الروعه

منى: رشووود.... انتبه...!


عدلت السكان بسرعه وانا متوتر ومعصب على عمري لاني سرحت..!!
تسوى عليه مهرة احين كنت بنفد عمري انا ومنى بسبتها..!!!!
تنهدت يوم اعتدل طريجي ....
منى: حبيبي شفيك.؟!
راشد: ماشي منى..
منى: صدقوالله.؟..اشوفك غريب..
راشد: لا عادي مافيني شي...
منى: اكيد...؟!
راشد: اكيد...
وابتسمت لها...ومديت ايدي ومسكت ايدها عشان اغير جو شوي...
راشد: تبين تردين البيت؟
منى: وين بتوديني؟
راشد: بندور شويه...
منى: شرط توقفني مكان تنزلني..
راشد: من عيوني ياروح راشد...
ظحكت منى بوناسه...الكلام الحلو دايما ينفع مع البنات...
منى: واي فديت راشد انا...
وتقربت مني وباستني على جتفي.... بحركه خلتني استغرب واظحك....
راشد: هههههههههه حبتج العافيه غناتي...بس شيخ انا تحبيني عجتفي...
منى: توك تدري انكشيخ..!!!!..
راشد: يالله عاد منـّـــوووه عن المجاملات...
وفي مكان البوسهحصلت ظربه....
منى: مالت عليك ....
راشد: شفيج....
منى: ياخي انا امدحكواتغزل فيك وانته اجذبّـي..؟!..
راشد: شو قلت انا احين...
منى: احين انااشوفك شيخ من بد الناس وانته تقول لي مجاملات...ماريد اطلع وياك ردني البيت..!
نقعت انا من الضحك...وتميت اضحك عليها وهي مطنقره...
بعد فتره...
راشد: حبي...
منى: جب...
راشد: افااااا...هذي فيها قبايل...
منى: وماريد بعدارد وياك البيت ردني عند اهليه...
راشد: جب عاد.. حرمتي انا ماترقد بعيدعني....
منى: بس هذا اللي همك...اتم تحت نظرك... انته حتى كلام حلو ماتعرفتقول...
راشد: اعرف اقول... بس لازم يطلع من الخاطر مب عالفاظي والمليان الواحديقول كلام حلو بعدين بيفقد حلاته...!..
منى: شووووووووووووووه؟..يعني احين انتهماتقول لي كلام حلو لانك مابيكون من خاطرك اذا قلته.؟!
راشد: انا شو خلانيانطق..!!!..
منى: لالا قول ارمس...
راشد: ارمس؟
منى: هي قول شوفخاطرك...
راشد: متاكده...
منى: طالع.. اقولك ارمس...
راشد: ....احبج....احبج يالدبه والله اني احبج بس اسوي عليج سوالف تعيبيني يوم تعصبين...!
وابتسمت واطالعتها...
لقيتها متردده بين انها تهزبني..وبين انها تضحكوتهدا....
وفازت طيبتها.... ابتسمت وصدت عني صوب الدريشه...
راشد: احين منواللي يلبس منوووه...قوليها...
منى: اقول شوو..
راشد: قولي انا بعد احبك...
 
مشاركة: ::][مــــوعــــد مــع الـــســـــعـــادة][ :: قصه في منتهى الروعه

منى: مابقول...
راشد: والله ماترقدين الليله الا وانتي قايلتنها....
منى: ههههههههههههههههههه بنشوف...

وعلى هالشله....تمينا انا ومنى غياظ طول سهرتنا لين الساعه 12 وعقبها ردينا البيت مستانسين ومغيرين جو....
غبي انا افكر بمهرة؟!...تلتعن هي وناصر...
انا عندي دررة ماتتعوض...




اليوم: الاربعاء..
المكان: غرفة ناصر..
الوقت: الواحدة صباحا...(بعد منتصف ليل الثلاثاء..)
-------------------------------
(ناصر)...

طلعت مع مايد اللي سهر عندي في الميلس ...(بناءا على طلبي)....
هو كان يبا يروح من وقت على اساس ما اتاخر على حرمتي...
بس انااعرف بالضبط شو اللي يترياني ... عشان جي كنت أاجل السيره لها...
لكن مسكين الريال نفسه معرس ولازم يروح مب زين اتم متشبص فيه...

راح مايد...
ورديت انا للميلس اسكر ليتاته واسكر بابه...وارجع البيت اتمشى بهدوء..

ياترى رقدت؟!..
ماظني..
مابترقد الا يوم تطمن اني راقد بمكان ثاني ....
دخلت البيت وكان الهدوء مخيم عليه...اكيد رقدوا...
ركبت فوق علىطول... وتعمدت ادخل غرفتي بشكل مفاجئ.. وسريع عشان بس اطفربها مثل ماهي مطفرتبي..
وفعلا حصلت مهرة يالسه عالشبريه..لابسه بجامه من بجاماتها اليداد الي شرتهن... شعرها مفتوح...وفي ثبانها شي كانت اطالعه...
فزت مهرة وشهقت يوم سمعت صوت الباب..
مهرة: بسم الله ماتعرف ادق..!!
طنشتها وسكرت الباب...وتميت واقف عنده اطالعها بنظرات نارية...
كنت مقهور منها وودي اصفعها..
عيل ذاك ويه تطلع به جدام راشد..!!!!....
عرفت تتغشى من خواني وماعرفت تتغشى من ولد خالتها..!!!!...
نزلت عيني اطالع اللي في ثبانها...
عقدت حياتي...هذا البومصورري من اربع سنين يوم كنت في استراليا....!!!... مهرة كانت تفتش في غرفتي..!!...
مهرة: شوفيك.؟!..
انتبهت وقتها ان مهرة كانت اطالعني بعيون زايغه.... كعادتها خوافه...
طنشتها وفتحت كبتي اللي فيه من قبل ملابس.... وطلعت وزاروفانيله وفوطه ودخلت اتسبح...
يوم طلعت حصلتها اطالع ملف ثاني كان فيه شهاداتيكلها مال المدارس ومال التقدير في الدوره وبعد شهادة الرماية وغيره من النشاطات...
مادري شو كان شعوري وانا اشوفها تفتش اغراضي جي....!!!
ياترى ليشالتفتيش...ليش الاهتمام..!!..
شو تدور يعني؟... اثبات يدل على اني ماا ستاهلها.!!
كل شي بتحصله في هالغرفة يدل على نجاحي في شغلي واي دوره اشتركتفيها...باختصار يعني نجاحي "العملي"...
تميت واقف انشف شعري واطالعها بويه متجهم... اما هي سكرت الفايل بارتباك..
مهرة: مب قصدي اتطفل...انا بس..


ناصر: انتي شو..!!.. من الصبح يالسه تفتشين... حصلتي شي عليه؟!.. رساله من بنت مثلا؟... والا حد يطالبني بديون..!!!..
ارتبكت مهرة...
مهرة: لا والله مش قصدي جي....
مظهرها البريئ خلاني اسكت.... يمكن فعلا مب هذا قصدها...!!!..
يمكن كانت بس تبا تتعرف علي اكثر...!!..
لكني مابتساهل معاها...
صارلازم تحترم رغباتي....واوامري...
مشيت ساير صوب الباب...ويوم خطفت عدالها..فريت الفوطه الخرسانه على ويهها....
توني بطلع من الباب الا وهي زاقرتني...
ناصر: اوامرج طويلة العمر..!!!..
مهرة: انته...انته ليش جي تعاملني...
ناصر: كيف تبيني اعاملج شيخة مهرة.!!!...
مهرة: عنبو...مايسوى عليك جانعشان سالفه الرقــ...
قاطعتها وانا اتقرب منها ومعقد حياتي ورافع صوتيشوي...تقهرني احيانا وتنرفزني كلماتها....
ناصر: لا يكون اتحسبين اني ميتعالرقاد وياج...بالعكس برتاح عالاقل منج ومن مرافسج....
ابتعدت مهرة عني شوي وهي زايغه....
مهرة: شوف...انته لازم تتفهمني شوي....لازم تعطيني فرصه ماصارلنا خمس ايام معرسين...
ناصر: تراني صابر وبالع لساني شو تبين بعد اكثر من جي...
خافت مهرة اكثر..
مهرة: لا تفاتن علي...
رفعت انا صوتياكثر...وانا ارفع صبعي واحطه جدام حلجي ...
ناصر: اوص ولا كلمه....مسوده ويه شوبعد تتشرطين... يكون فعلمج الصبر ترا له حدود وانا عمري ماصبرت على حرمه تستفزني جي شراتج هالصبر كله... لا تجربين حظج معاي وايد....فهمتي.!
ابتعدت مهرة بخوف اكثر وخلت الشبريه بيني وبينها....
تخاف اني امد ايدي عليها؟!...مينونه.... اقص ايدي وماسويها.... انا بس معصب احين واباها تخف عليه شوي...
مهرة: انزين انا...انا شو سويت....؟!... ليش معصب علي جي...
ناصر: شو سويتي؟ اونج ماتدرين.؟!!...
شفت مهرة قربت تصيح....
مهرة: والله ماعرف عن شو تتكلم...
ناصر: اوكي بنت خلفان....اقولج..... يوم تحيدين ويهج مصبغ... شحقه تكشفينه لراشد هااااااااه؟!!!..
مهرة: هااه؟...هذا اللي معصبّك..!..
ناصر: الليمعصب بي انج تعاملينه احسن من ما تعاملين ريلج.... تعرفين اني بعارض انج تكشفين ويهج وعنادا فيني كشفتيه....لا وداقه سوالف وياه بعد...بصراحه استغربت انج مايلستي اكثر ويانا....
مهرة: انا ما ادري انك بتعارض...و.وو...كنت مرتبكه ونسيت اتغشى... وبعدين معاملتي لراشد مايخصها بمعاملتي لك ...يعني ماشي وجه للمقارنه الوضع هب نفسه....!!!
 
مشاركة: ::][مــــوعــــد مــع الـــســـــعـــادة][ :: قصه في منتهى الروعه

ناصر: طبعا هب نفسه هذاك راشد هب انا...
مهرة: يعني شو تتوقع ناصر...كفاية الظغط اللي يالسه اتحمله.... راشد ما أذاني بشي انته بلى...
ناصر: انا ماضغطت عليج بشي... بالعكس متسامح ومتساهل معاج وحاطنج بعيوني وجدمت راحتج على راحتي..بس انتي مايملى عينج شي يا مهرة... ماتوقعت انج انانية جي...

واخيرا نزلت دموعها.... بدت بالصياح بس كانت تكابر...
وعقب قالت بصوت مرتجف...
مهرة: طلقني عيل يوم مب متحملني....

قهرتني... مب اول مره تسمعني هالكلام..
احين كل اللي مرينا فيه اخر شي تقول لي طلقني....
مافهمت كلامي لها ذاك اليوم...مافهمت اني ماقدر اعيش بلاها...
وماتحمل أي شخص يرفع نظره عليها.!!!!..
سواء راشد او أي شخص غيره حتى لو خوانها...

ساعتها بغيت اجرحها مثل ماتجرحني بكلامها....
بدون تفكير قلت لها....
ناصر: تدرين شو.... ليتني ماخذتج اصلا....

انفجرت مهرة بالصياح بس هالمره بصوت مسموع...
مادري ليش تصيح....
أي انثى يؤلمها تسمع هالكلام من أي ريال مهما كانت تكرهه وماتباه...
دايما الانثى تحب تكون مرغوبه...
لكن مب هذا اللي هيتباه؟!...
ليش تصيح عيل...
قطعت لي قلبي... لكني لازم ما اضعف جدام صياحها المستمر هذا..
لفيت عنها وطلعت من الغرفه ورحت غرفة منى بعد ماشليت تيلفوني وياي...لاني يمكن احتاجه...
اوففف ياهي حاله تقهر..
شكلي خربت العلاقه بيني وبينها اكثر..
احين بتمسكها علي...بتقول انته اصلا ماتباني وطلقني...
مستحيل اطلقها...
مستحيل..
انسدحت على شبرية منى الصغيره...
مب عارف كيف بقضي الليله هني...


اليوم: الاربعاء...
المكان: غرفة ناصر...
الوقت: التاسعه صباحا...
--------------------------------------
(مهرة)...

طلعت من الحمام والنكد مالي ويهي.... وعيوني ذبلانه من صياح امس...
يزاي يا ناصر...؟!
يزاياني كنت ابا اجبر نفسي عالتقرب منك اكثر..!!..
ياربي كيف اهله جلبوا لي مخي...كنت مستعده فعلا اني اتقبله واتساهل معاه بعد ما عرفتهم...
من كلامه معنه...اكتشفت انه انسان محبوب من قبل اهله...له شخصية بينهم...
لكن كل انسان اهله يحبونه...!!
نبهتني منى لادراج ناصر... قالت انه فيها ذكرياته واشياءبتعيبني...
عشان جي فتشت..والا انا مب عادتي التفتيش ... لو كنت ابا افتش جان فتشت فغرفته في بوظبي...
وفعلا حصلت اشياء حلوه....
كنت مستعده اقوله انيغيرت رايي ويقدر ينام في غرفته اذا يبا...
لكنه هو اصلا ما سوالي سالفه وهب فويهي...
جرحني..
ناصر قام يتمنى انه ماخذني....
مادري ليش ضعفت...لوهبيت فويهه انا بعد جان طلقني ساعتها...فلحظة غضب...
لكني ضعفت....
اولاانا اخاف منه يوم يعصب....
ثانيا ماحب حد يفاتن عليه ...وهو اول مره يفاتن عليه جذي....
ثالثا .... قال لي انانية..!!!..انا عمري ماكنت انانية بالعكس...ابدي راحة اللي معاي على راحتي...

لكن ناصر لازم يتفهم ان الوضع صعب علي...من اشوفه اتذكر الحادثه...
كيف امحيها من مخي وهي غيرت حياتي..!!!..
رابعا قال ليانه يتمنى لو انه ماخذني...
احين جي بيتم متنكد معصب ويفاتن طول الوقت...واناماعندي قوه اني اراضيه... وكرامتي ماتسمح لي لاني ماغلطت عليه..هو بروحه قرر انه يزعل ويفاتن ونفذ قراره...!!!
اووففف...
ياهي حاله...
يلست جدامالتواليت امشط شعري..... والفه عشان احط ميك اب خفيف..لازم اتجهز بسير عند اهلي...
طاحت عيني على التيلفون...
فكرت اتصل بناصر عشان اوعيه من النوم...اكيد بعده راقد لانه اكيد بيمر هني اذا نش عشان يبدل ملابسه..!!..
مسكت التيلفون وتشجعت عشان اتصلبه... لكني انتبهت انه في رساله وارده...
يوم فتحتها..... مادري شو ياني.... ارتحت ارتياح عجيب ويتني رغبه اني اصيح مره ثانيه...
كانت من ناصر.... مطرشنها الظاهر امس في الليل وانا ما انتبهت لها...
كان كاتب " سامحيني غناتي...ماقصدت... صدقيني انتي احلى شي صارلي فحياتي..بس كلمة الطلاق الكريهه عصبت بي"...

مادري ليش ارتحت... لكني ارتحت... وفر علي جهد مراضاته....
ابتسمت واتصلت به..صار لازم يقوم عشان يتجهز ويوديني عند اهلي...
يااي ماصدق اني بشوفهم مره ثانيه....

تم يصيح التيلفون ..وطول على هالحال..لين ما انقطع الخط بروحه....
نومه ثجيل..خيبه لايكون حاطنه عالسايلنت؟!..يسويها...
رديت دقيت له....
ونفس الحاله....
اكيد حاطنه عالسايلنت...
خلني اخلص تجهيز وبعدين بسير اوعيه... ما باليد حيله شواسويبه..!!!..

وفعلا بعد ماتلبست وتجهزت...حطيت مكياج خفيف جدا عشان مااضطر اني اتغشى اذا صادفت حد من خوان ناصر...
وان شاء الله اني ماصادف حد...
طلعت من الغرفه بهدوء وانا لابسه عباتي وشاله شنطتي الصغيره...اتصلت بناصر مره ثانيه عل وعسى يكون نش...
لكن النتيجه هي نفسها....
تنهدت وتجهت للغرفةاللي اذكر انها غرفة منى...دقيت الباب...ومحد رد...قمت دخلت بهدوء..
الغرفة كانت مظلمه.... شغلت الليت وانا خايفه لايكون شخص ثاني اللي راقد...
لكن الحمدلله...هذي هي رقدة ناصر...
وريوله اللي طالعه اخرها من اللحاف...مادري ليش لازم يطلع ريوله...الظاهر انه يحر...!!!...

شهقت وانا احط ايدي على خدي...
ياويلي....قمت اراقبه واحفظ حركاته واهتم بالتفاصيل..!!!!...
الله ياخذ العدو شو ابا بهالسوالف...
سكرت الباب وراي وتنهدت وانا اطالع ناصر... كيف بوعيه احين....
مهرة: ناصر..!!
لا جواب...
درت حوالي الشبريه عشاناجابل ويهه..مديت ايدي ودزيته من جتفه شوي..
مهرة: ناصر قوم...
 
مشاركة: ::][مــــوعــــد مــع الـــســـــعـــادة][ :: قصه في منتهى الروعه

بطل ناصرعيونه بتكاسل وانجلب على ظهره وهو يتمغط...
ناصر: ههممممممممم؟!!..
مهرة: قوم بسك...الساعه تسع...
قلت هالكلام وانا تراجع وافتح الستاير عشان تدخل الشمس....
سمعت صوت تحرك ناصر عالشبريه... ويوم التفت له حصلته يالس عالشبريه ويطالعني...
نظرته الناعسة دخلت في قلبي الرغبة في الشرده...
مهرة: انا... انا بنزل تحت...
وبسرعه مشيت وطلعت من الحجره وتميت اتنفس بقو في الممر....
بسم الله ليش جي يطالعني....
اوففف المهم اني وعيته وخلاص...
احين عندي مصيبه النزله تحت...
استحي..
بس شو اتوقع يعني احصل كل مره حد يزفني.!!!...
لازم اتعود...
توني بنزل الدري الا وبباب ينفتح... تيبست مكاني..وعدلت حجابي مع اني متحجبه.. تصددت اشوف منو طالع...
كان واحد من اخوان ناصر..لابسب جامه نوم بيج...
يوم دققت النظر...افترت بي الدنيا...
انا امس من الغشوه ماشفته زين...ما انتبهت انه نفس الشخص اللي كان فبيتنا مع ناصر... يوم اغمى عليه....
تراجعت وانا امد ايدي اتساند عالايدار...
يوم انتبه لي يوسف...ابتسم .ونزل عينه يلعب بتيلفونه...
يوسف: مرحبتيين حرمه الاخو...شحالج..؟!
مهرة:..........
رفع يوسف نظره واطالعني باستغراب...
يوسف: شوفيج...؟!
مهرة: ..انته....انته....!
يوسف: هيه هيه انا... ولاتخافين محد يعرف غيري... واي شي تحتاجينه مهرة حاظرين...ترا عادي اجلب على اخويه عشانج ههههههههه...
حاولت ابتسم... لكن طلعت ابتسامه جافه....
ياربي هذا هونفس الشخص اللي كان موجود...يمكن هو وشيخه الوحيدين اللي يعرفون السر....!!!...
اكيد انه يعرف...يقصد انه يعرف ان اخوه تحرش بي...ومستعد يوقف معاي ضد اخوه..!!..
والا كيف فسر له ناصر وجودي هناك واغمائي..!!.. اكيد خبره بكل شي....
يالفظيحه..!!!!...
نزلت راسي واحس بويهي حااار...
يوسف: مهرة... اعتبريني ماعرف شي... ولا تخلين موقف يوقف عائق في كل طريج تخطينه...!!... شو رايجتنزلين تحت يدوه يالسه من شوي مخلنها عشان ابدل ثيابي....
مهرة:...اوكي...
ابتسمت يوسف ابتسامه صادقه ونزل قبلي... بتردد...نزلت انا وراه...قافط ويهي...
يوم دخلت الصاله اليده كانت يالسه ..ويوسف مب موجود... يا طلع يا دخل عند امهيمكن...
مهرة: السلام عليكم...
التفتت لي ام سلطان..
ام سلطان: مرحبتييييييين الساع وعليج السلام والرحمه....
هويت على راسها وحبيته...ويلستعدالها...
مهرة: شو اصبحتي يدووه..!!.. عساج بخير...
ام سلطان: الله يسلمج غناتي بخير شو حالج انتي...؟
مهرة: الحمد لله يدوه...
ام سلطان: تريقي فديتج.... ناصر مانش..
مهرة: آآآآه...وعيته اظني يالس يتجهز لاني بسير عند اهليه...
ام سلطان: ياحيه...
صبيت لي كوب حليب... وانا اراقب يدوه شوتسوي...
مهرة: يدوه...اشم ريحة صناع...
ظحكت ام سلطان.... اللي كانت تسوي صناع بالزعفران ...
مهرة: وايد ريحته حلوه يدوه...
ام سلطان: احط لج منه..!!
مهرة: لالالا.... انا متعطره....

ام سلطان: انتن الحريم ويا عطركن تحطنه وبعد دقايق يروح.... ماشي مثل العطر العربي...والعود والصناع... وهالاشياء الطيبه....احط لج.؟!..
مهرة: ههههههه مابردج يدوه بس انا بحط اروحي...
امسلطان: لالا ماتعرفين تعالي...
مهرة: لا يدوه بتحطيلي وايد...
ام سلطان: وابوي عليج شو بتظرج...!!
مهرة: بتفوح ريحته...
ام سلطان: وشوووو عليج؟!..
مهرة: ههههههههههههههه...
ام سلطان: تعالي بحط لج...
تميت اضحك وامسلطان تحط صناع ورا اذني...حسيت انها حطت وايد لكن ماعليه بمشه في السياره...
فظيحه جي شو عيوز انا احط صناع....!!..
ام سلطان: شفتي عاده....!!..يازينه...يالله شربي حليبج....
ابتسمت وانا اشرب حليبي واراقبها...
مهرة: يدوه ليش ماتسكنين هني دووم....؟!
ام سلطان: ماعرف بنتي بيتي هناك...وهذيلاك يتاما...ماروم اخليهم رواحهم...
مهرة: ليش هم يهال؟!


ام سلطان: لا ماشاء الله اصغر بنت يقولون في الثانوي مادري الاعدادي...
مهرة: عيل هب صغار يدوه يلسي هني...انا اشوفهم كلهم مستانسين بج...
ام سلطان: وانا بعد فرحانه بهم... بس بعد ماروم هذاك بيتي ..
كملت شرب الحليب وانا اراقبها.... اراقب التجعدات حوالي عينها.... شعرها المختلطه فيه ثلاث الوان:... ابيض واحمر واسود....!
ايدها المتعرجه والمحنايه...
كل شي فيها يوحي بالهدوء والتاريخ.... حتى برقعها الكبير...
وجود شخص كبير في السن في البيت يعطيه بركه وثقل ووزن....
كنت اتمنى وجود مثلها في بيتنا....!!..
واحين بعد ماتعرفت عليها... وتعلقت بها....اكره فكره اني ارجع هني وما احصلها فيه...!!
قعدت اراقبها وانااحس بثقل السنين عليها....
صعب الواحد يكون كبير في السن...
بس اللي يعزيه...وجود هالكم من العيال ماشاء الله يحبونها ويتظاربون عليها عشان تكونعندهم...!!..
باندفاع مفاجئ حطيت ايدي حوالي كتوفها وحبيتها على راسها...
تميت مسنده راسي على راسها...فرحانه بها...
يالله محلاة ريحتها.... محلاة هدوءها...صحيح لاحظت عليها المرح وخفة الدم..
لكنها رزينه ...ولها وزن...
احس بهالشي...




اليوم: الاربعاء..
المكان: بيت سلطان...
الوقت: العاشره والنصف صباحا...
------------------------------
(ناصر)....

تميت واقف عند بابالصاله مب مصدق اللي اشوفه....
مهرة شبه لاويه على يدوه..شو مستوي...!!!!...
كملت تسفيرتي وانا احس بمشاعر غريبه....!!..
الظاهر انه مهرة سامحتني عشان امس.... الدليل انها يت توعيني..!!..وماكان على ويهها شي يبين زعلها...
والالايكون الرقاد اثر علي وتخيلت هالاشياء..!!..
والحين اشوف هالتعاطف العلني جدامي..!!
خلصت تسفيرتي وتحنحنت...
ناصر: احم احم...
فزت مهرة وخوزت ايدها عن يدوه وهي اطالعني بعيون مفتوحه....!!
ناصر: صباح الخير...
مهرة: ....صباح النور..
 
مشاركة: ::][مــــوعــــد مــع الـــســـــعـــادة][ :: قصه في منتهى الروعه

ام سلطان: مرحبتين بالغالي هلا والله...نشيتك فديتك... صبّـيلريلج حليب الغاليه...


يلست عدال يدوه وانا ابتسم...ومهرة تصب لي حليب في الكوب...
ناصر: نشيت يالغلا وعوني عرب مزاييين...
ظحكت يدوه ومهرة احمرويهها...تقربت من يدوووه وحبيتها على راسها ولويت عليها كالعاده...
وكالعاده بعد...خشيت خشمي عند اذنها...
وتنشقت ريحتها...ريحة العيايز المشهوره...
ناصر: همممممممممممممم يالله ياحلاة ريحتج يا يدوه... مادري شو تسوين بالضبط... اظني تخلطين العطور كلها.....
ظحكت يدوه...
ام سلطان: ياولديه انته وحرمتك الا تتشابهون..من شوي هي تتخبرني ...هذا الا صناع... تباني احط لك..
ناصر: لاحششششششى لا تقربينه صوبي محلاتني وانا حاط...
ام سلطان: ههههههههههههههههههههههه...
لاحظت انه مهرة تتبسم....
مهرة: اصلا الرياييل مايحطون...
قالتها لي بلهجة غياظ اليهال...
قلدتها انا...
ناصر: ادري... انا بس يعيبني اشمها في يدوه....
ام سلطان: مافيني على تلصيقك انته من تلصق ماتفج...
ناصر: افا يا يدوه...يزاي اني احبج...
ام سلطان: فديتك ياولديه لكنك تلعوزني عاده....
ناصر: شقايل العوزج بعد...
ام سلطان: تسحب شيلتي وتعظظني وتنغزني...مافيني شده عليك اليوم...
ناصر: ههههههههههههه عيل وينافرغ عواطفي....
ام سلطان: والله هذيه حرمتك يالسه....!
رفعت عيني اطالعها... اطالع حرمتي.... كانت اطالع يدوه وويهها محمر مصدومه من تلميح يدوه...
ناصر: هذا اللي تبينه...انزين...
تقربت من مهرة وانسدحت...وراسي على ريولها...ويدوه تظحك... ومهرة مبتعده ورا عني تبا تشرد...
ناصر: يدوه شو مسويه بمهره حتى هي ريحتها صناع....
ام سلطان: هيه حطيتلها شويه....
ناصر: شويه والا وايد... آآي...
فزيت عن مهرة يوم حسيت بقرصه قويه فظهري... الحماره هي اللي قرصتني...!!
ام سلطان: شفيك.!!
ناصر: لا ماشي... وين حليبي..؟!...
اعتقدت في يلستي...ويلست عدال مهرة...اللي كانت بيني وبين يدوووه...
عطتني مهرة كوب الحليب....
ويلسنا نتريق...ونسولف ويا يدوه...

الاجواء كانت طبيعية...مهرة هادية ومتجاوبه.... وانا مسانس على هالشي...
فجاه سمعت صوت يوسف....
يوسف: هااااه نشيت.؟!..
ناصر: هلا يوسف...هيه نشيت...انته شو تسوي هني؟ ماجنك لازم تكون في الدوام.!!!..
يلس يوسف مجابل وهو يلعب بتيلفونه...
يوسف: خذت اجازه من الدوام ورديت...
ناصر: ليش؟!..





يوسف: بسافر...
ناصر: شوووووووه؟!!!
استغربت...
شو هالقرار المفاجئ..!!!
ناصر: شوي سفرك.؟!..
يوسف: حواطه حول اوروبا... نغير جو انا وخالد...
ناصر: قبل ماتعرسون هااااه..!!
يوسف: قبل ماانا اعرس...
ناصر: وخالد؟... لا تقول..!!
يوسف: هي والله..طلق..
ناصر: شياه ؟..
يوسف: والله موضوع يخصه بس ماشي نصيب...هو يبا يغير جو وانا ابا اشوف حياتي قبل ماعرس..بعدين من زمان ماخذتاجازه...
ناصر: تراك تعودت عالكراف وماتحب الفظاوه...
يوسف: ادري بس خالداقنعني... واقتنعت... خلني اغير جو...
ناصر: تسمعينه يدوه..يقول بيسافر عند بنات الحمرا...
ام سلطان: يعلهن يفدن كنه والله مايحصل عوض عنها...
يوسف: ههههههههههههههه ليش انا اعترضت تراني انا طالبنها....ولا اريد غير بنت عمي....
ام سلطان: لالا نعرفها سوالفكم انتوا يوم تسافرون...
يوسف: حرام عليج يدوه الا انا وخالد ماعندنا هالسوالف....زين جي انته بعد لازم تشيشها علي.!!
ناصر: هههههههههههههههههههههههههههه ...
يوسف: يرضيج حرمه اخويه شوفي ريلج ....
التفت لمهرة اشوف ردة فعلها لقيتها تبتسم....
مهرة: لا يدوه بس تمزح...
ام سلطان: كله ولا يوسف عاد...ادريبه بعيد عن الغلط...
ناصر: لا الله يدري بالعصا تترياه ان غلط....
ظحكت مهرة...
مهرة: تظربينهم يدوه.؟!
ناصر: دوووم....
ام سلطان: الا يوم يطفروبي....
مهرة: والله.؟!
يوسف: تظرب الهوا دوم نشرد عنها....
ردت مهرة تظحك....
وظحك يوسف..
يوسف: تذكر يوم اشرد عن ظربتها ويت الظربه على ابويه..!!!!!... انصدم مسكين...

يلسنا نصساعه نسولف ونظحك....وبعدها...
ناصر: هاه مهرة... نسير؟!.
مهرة: هيه...
استسمحنا منهم وطلعنا...
في السياره خيم التوتر علينا...ويوم حركت سيارتي...انتبهت انه مافيها بترول فقررت اخطف عالشيشه...
ناصر: زعلانه؟!!..
مهرة:......لا..
مسكت مهرة كلينكسه ومشت الصناع منها...
وانا اراقب حركاتها...
ناصر: فعلا ماقصدت اللي قلته... بس كن معصب وانا يوم اعصب....ماشوف جدامي ولا اعرف شو اقول..!!..
مهرة: مب مشكله...
قعدت مهرة تلعب بالكلينكس بين صبوعها...
مديت ايدي وخذت الكلينكسه منها... وشميتها....
ناوي احتفظ فيها....
ناصر: جان خليتيه....
كنت اقصد الصناع...
مهرة: ريحته قويه شوي...وانا متعطره...
ناصر: بس انا احب ريحته...
مهرة: حتى انا...بس انا هب عيوز احط صناع...
سكت...وانا انتبه للطريج...
ناصر: اوكي...نحن بنتغدا عندهم... وعقب بخليج وبسير... برد عليج عقب العشا....
مهرة: رد باجر...
ناصر: نعم..؟!!
مهرة: هيه بعد شوو ابا ابات....
ناصر: شو تباتين..طول اليوم مايسدج ؟!!
 
مشاركة: ::][مــــوعــــد مــع الـــســـــعـــادة][ :: قصه في منتهى الروعه

مهرة: لا مايسدني....
ناصر: مهرة...عيني خير..ماشي مبيت...
مهرة: ناصر.. خلني اختلي بنفسي شوي وارتاح..بعدين فيه اشياء في غرفتي ابا ارتبها عشان اشلها معاي...
ناصر: مثل شوووو..
مهرة: مثل شوية ملابس وااغراض.... سمجتي.... كنت بشل قطوتي بس ادركت انها ماتقدر تعيش في شقة...
ناصر: شووو..؟!!..سمج وقطاو بعد..!!
مهرة: القطوه مابشلها بخليها لحرمه اخوي...
ناصر: والسمجه؟! بتخيس لنا الشقة بريحتها...
مهرة: يووووووه مافيها ريحه هذي ابدل الماي مالها كل يومين ....
ناصر: انزين ...هذا مايباله مبيت عشان تسوينه..
مهرة: انا مابشرد...برد باجر..
ناصر: مب جي السالفه...
مهرة: شوووه؟...ماتصبر عني مثلا..!!!..
ناصر: هي ماصبر ..
مهرة: على شو ماتصبر؟عالظرايب وياي..!!
ناصر: انتي اللي دوم تبدين....
مهرة: لو مب التاريخ الحافل اللي بيني وبينك ماكنت اعاملك جي..
سكت والغضب يرتفع في نفسي مره ثانيه...
ناصر: حلو بصراحه ذكرج للموضوع كل شوي... هالخطه نافعه عشان نصلح اللي بينا صح...لازم نذكر عمارنا كل شوي بحادثه ماكنت احس بنفسي ساعتها....ياعيني عالفرصه اللي بتعطيني اياها يا مهرة...!!
مهرة: عيل خلني ابات وارتاح شوي وافكروباجر برجع معاك....
قلت لها بعصبية...
ناصر: باتي اسبوع بعد جان تبين انام ابموت بلاج....
صرخت فويهي...
مهرة: احسن بعد...

وتمينا جي طول الطريج...ولا واحد منا يكلم الثاني... انا معصب عليها وهي معصبه علي...
توناكنا حلوين...
الظاهر اني حسدت حظي....
مالت علي صدق وياه حظ....





اليوم: الاربعاء..
المكان: سياره ناصر...
الوقت: الحادية عشره والنصف صباحا...
--------------------------------------
(مهرة)....

مايقهر؟...
بذمتكم..!... احين شو فيها لو ابات عند اهلي يوم ماطلبت اسبوع ولا يومين حتى...يوم واحد بس..!!
يعني انا ماريد اضيع وقتي في تترتيب الاغراض اللي بشلها...
ابا اقعد عندهم واشوف علومهم....!!
والوقت يركظ بسرعه....
شو بيصير عليه يعني؟!...
الا بيرتاح شوي من صدعتي...
اففففف...
اطالعته بطرف عيني وهو يكور الكلينكسه اللي شلها مني...الكلينكسه اللي مشيت بها الصناع...
وشكله بيفرها... من قهره مني...

وعرفت بسرعه انه لو فرها بتؤلمني الحركه هاي...
وعشان اتفادى هالشي... مديت ايدي اخذها منايده...
صد صوبي بسرعه وهو يطالع الكلينكسه اللي سحبتها...
عقد حياته اكثر...ورد خذها مني...
ناصر: مالتي هاي...
مهرة: اصلا مالتي...
ناصر: بس انا خذتها...
مهرة: وتبا تفرها...
فتح ناصر السده اللي بين الكرسييين وعق الكلينكسه فيه وسكرها...
ناصر: انتهى النقاش...لا تسويلي فيها ظرابه بعدهاي...
مهرة: ماكنت ابا اظارب...
ناصر: يعني انتي تدرين اني اباها وخذتهاعشان هالشي..تسحبينها من ايدي ليش ؟ شهالغلاسه..!!..

مهرة: شفتك تكورها تحسبتكبتفرها.....
ناصر: وفريتها...شو يعني.؟!..
مهرة: اوفففففففف...سو الليتبغيه... انته تبا تظارب اصلا....
قال لي بتعجب...
ناصر: اناااااا..؟!!...شوفي لا تبدين تردين علي هاااه...!!..

اطالعته اناباستغراب..

فجاه نقعت من الضحك.....

ضحك مش طبيعي....لين مادمعت عيوني....اضحك واضحك....

لاني فجاه ادركت ان الظرابه كلها على بعضها....سخيفه..!!!!..

سكت عن الضحك ونحن ندخل البيت...مشيت دموعي مع ابتسامه والتفت لناصر..حصلته مكتفي بابتسامه...
وقف السياره واطالعني...
ناصر: خلصتي؟!..
مهرة: هيه..

فجاه تقرب مني ناصر...حط ايده حوالي رقبتي وسحبني...باسني بقو على خدي....
كل صار بسرعه دوختني...
قال لي ناصرعند اذني...
ناصر: لو تهونين علي...جان قرصتج على هالضحك... انا معصب وانتي تظحكين؟!...
ابتعد عني ومازال يبتسم....مسك تيلفونه وفج باب السياره..
ناصر: يالله انزلي ....

نزل عني وسكر الباب....وانا اروحي في السياره بعدني مصدومه من الحركه...!!!
سمعت دق على زجاج السياره الامامي... كان ناصريدق الزجاج يباني انزل...
انتبهت...
رفعت ايدي اعدل شعري وشيلتي...وتلفت حوالي وابتسمت...
غمرتني فرحة عجيبه...

انا في البيت...!!.. يالله كيف كان هالاسبوع او الخمس الايام حسيت بهن خمس شهور...!!

تغيرت وايد اشياء من حياتي... لكن ماظن انه تغير شي عليهم...!!..

نزلت ...وتنشقت الهوا..... حتى اني احس بالهوا هني غير...!!..

كل شي مثل ماكان... ناصر الوحيد شكله غلط....

يوم طاحت عيني عالمطبخ شفت " لولو" واقفه هناك اطالعنا بعيون مفتوحه على وسعها....

ابتسمت....ابتسامه واسعه..
وقلت بصوت عالي واناايلس وامد ايدي...
مهرة: لولوووووووووو.....


التفت ناصر بسرعه مستغرب...الحركه سببت الرعب الظاهر للولو... لانه ناصر شخص غريب ماتعودت عليه فشردت داخل المطبخ...
ناصر: يايبنج عشان تسلمين عالقطاو....!!!.. بسم الله من هالقطوه الساحره....
تذكرت راشد يوم يقول نفس الكلام...فرق بينهم وبين مبارك اللي متخب لعليها...
نشيت ووقلت له وانا اروح للمطبخ...
مهرة: هذي جزء من العايله....
دخلت المطبخ دورت لولو وشليتها وحظنتها وبستها....متولهه عليها بشكل...
طلعت من المطبخ وانا اشوف ناصر عافس ويهه شكله جازني....
ناصر: اخيييييييييج بتخيس عباتج شعر.... نزليييييييييها....!!
لويت على لولو اكثرولصقت ويهها بويهي بمحبه..مثل ماتعودت....
مهرة: حبيبتي هاااااي....
ناصرماتحمل المنظر....
ناصر: حبببببج خنفسانه يالطفسه....!!
طنشته يوم شفت ابويه طالع من البيت... يطالع شو هالحشره في الحوش..
مهرة: ابوووويه..
صدناصر صوبه وانا نزلت لولو ورحت صوبه...
ابتسم ابويه...
بو حمد: مرحبتييين.....
ماسلمت عليها... لويت عليه سيده...
وماحسيت بشي بعدها....
عيوني كانت تتحارق ابا اصيح بس مانعه نفسي....
بو حمد: ههههههههههههههشوفيج بنتي.... خليني اسلم عالريال...
ابتعدت عن ابويه وخليته يسلم على ناصر...
وبعد السلامات....
مهرة: وينهم؟!!..
بو حمد: خوانج؟!... حمد راقد... سهيل طلع...وسواف قال بايي هو وولد خالج عقب...
 
مشاركة: ::][مــــوعــــد مــع الـــســـــعـــادة][ :: قصه في منتهى الروعه

تحركت فبطني مشاعر غريبه....
مبارك بايي.!!..مادري ليش صديت على طول اطالع ناصر.... كان ويهه جامد ومايبين أي مشاعر...
امره غريب صدق...!!
يغار من راشد اللي عمري مافكرت فيه....
ومبارك اللي حبيته فعلا ما اهتم..!!!!...
مهرة: ابويه فديتك مابنوقفك في الشمس...
بو حمد: انا بسير ويا ناصر الميلس وانتي دخلي سلمي على عمتج وحريم خوانج من متى يترينج...
مهرة: ان شاء الله...
دخل ابويه مع ناصر الميلس وانا دخلت بيتنا بسرعه...في الصاله كانن كلهن متيمعات ومتلبسات ومتعدلات....
صرخت عليهن...
مهرة: انا ييييييييييييييييييت....
نشن وهن يرحبن بي ويبتسمن... وبعد السلامات...
مهرة: والله اني تولهت عليكن وايد...
غمزت لي عفرا..
عفرا: معقووووله يعني سمحت لج الفرصه تتولهين..!!..جان هذا المزيون اللي شفته توني هو ريلج صدق انج غبيه تتولهين علينا....!!
صديت انا على شيخه اللي تبتسم بخبث....
مهرة: شويخ...علمتيها التبصبيييييص..!!!..
شيخه: ههههههههههههههههههههه ياختي رحيم ماشاء الله عليه لازم الواحد بيطالعه....بعدين لااصلا نحن كنا متحمسين كنا نطالعج مانطالعه....
مهرة: هيه عليه انا هالحركات.... علومج عموووه..؟!

بحق...تولهت عليها...

آمنه: بخير مهرة شحالج انتي... وشو العرس وياج..! ان شاء الله مرتاحه...
تنهدت كان ودي اشكي....
لكنهم فسروا تنهيدتي بشي ثاني....
شيخه: ياويل حالي.... لهالدرجه حلو مهروووه..!!!!!...
مهرة: يالخسفه مب جي قصدي....!!!...
عفرا: ايه انتي شوهذا عروس ويايه تسبينا....
مهرة: طايحات بي تراكن.... لا ترمسني عنناصر...وتراني ببات عندكم....
عفرا: والله.!!
شيخه: جان استانس... وبطلع لعلوم كلها يااااي عندي طول اليل....!!!..
آمنه: هاااه هاااه عيني خير...جي شوموصنج سهيل..!!
مهرة: شو شو شو السالفه..!!!..
شيخه: سهيل ذابحني مايباني اتخبر واطمن....
مهرة: نفذي اوامر اخويه يالله....
شيخه:هي انزين... احين بنفذ لكن حتى اشعار آخر...
وغمزت لي...
مهرة: اخبار سمجتي..!!!... تطعمينها والا ذبحتيها...
شيخه: اطعمها يابوج..بس صارلي ثلاث ايام مابدلت لها الماي...
مهرة: حسبي الله عبليسج بيخلص الاكسجين عنها...
شيخه: لا تخافين اكيه ترقصرقص...
مهرة: بتحسدييييينها....
شيخه: ان ماتت بياخذ لج ناصر درزن لاتحشرينا....
مهرة: شوف..!!!.. عنلاااتج اوني ظيفه يايتنكم تقوليلي جي...
آمنه : ماتعرفينها انتي تباج تسولفين لها عن ريلج....
مهرة: ماااااااااباااااااااا.... مابسولف عنه...
شيخه: والله يا تسووولفين بس هب الحين خلينا نجاملج شوي..شو تشربين حبيبتي؟!..
 
يجب تسجيل الدخول أو التسجيل كي تتمكن من الرد هنا.
عودة
أعلى