Follow along with the video below to see how to install our site as a web app on your home screen.
ملاحظة: This feature may not be available in some browsers.
أعضاء ملتقى الشعراء الذين لا يمكنهم تسجيل الدخول او لا يمكنهم تذكر كلمة المرور الخاصة بهم يمكنهم التواصل معنا من خلال خاصية اتصل بنا الموجودة في أسفل الملتقى، وتقديم ما يثبت لاستعادة كلمة المرور.
مشاركة: ::][مــــوعــــد مــع الـــســـــعـــادة][ :: قصه في منتهى الروعه
مهرة: هممممممممممم شو عندكم...
شيخه: طالع بعد تتامر مصدقه عمرها...يالله جب بنيبلج ماي وبنخلط فيه شكر بس هذا عصيرنا...
مهرة: افا حرمة اخويه مايطيع زينج....
عفرا: هههههههههه والله انج يا شويخ...طفرتي بالبنت توها يايه حتى عباتها ماعقتها....
مهرة: صبري عليه شويه بعقه هذا كله وبلبسه بجامه...
آمنه: تولهتي شكلج على البيت...
مهرة: هيه والله ياعموه بشكل ماتتخيلينه...
عفرا: مبونه اول يوم صعب...
شيخه: انا ماحسيت بالصعوبه...
مهرة: وين تحسين بالصعوبه وانتي مسافره..!!.. ومن يتي وانتيكل يوم ناطه بيتكم ؟ اكيد مابتحسين...
شيخه: الله واكبر عليج اشم ريحة حسد...
مهرة: هههههههههههههه لا والله بالعكس مستانسه اني ماسافرت ولا رحت مكان...
عفرا: لا تقولين؟ عيل قالولنا كنتوا في دبي...!!
مهرة: لا اقصد خارج الدوله...تحوطنا فبوظبي ودبي...وماكان شي وقت تراني مرضت...
شيخه: هيييييييييييييييه صح قال لي سهيل....سلامات حبيبتي...
مهرة: الله يسلمج ويسلم غاليج...
فجاه سمعت صوت اعز انسان على قلبي.....يصارخ من المدخل..
سيف: وينها وينها...!!!...
نقزت انا من كرسيه مستانسه بصوته...
مهرة: اناهنيييييييييه...
سيف: ماطريج يالخقاقه اطري البشكاره...!!
برطمت انا...كان سيف بعده بعيد يايني وهو يضحك....والموجودين كلهم يضحكون....
قبل مايوصلني...رفع ايده يحذرني...
سيف: لا تلوين...!!
مهرة: ههههههههههه والله يالوي....تعال...
ظحك سيف يا وحظني بعطف....
بسته على خده...
مهرة: فديتك ياحبيبي انته...شحالك؟
سيف: بخير شحالج انتي... وشو صحتج احين...
مهرة: الحمد لله بخير...
حط سيف ايده على خواصره...
سيف: قالولي عندج موبايل....كيف ماتطرشيلي مسج ولا اتصلتيبي ولا شي....
مهرة: والله ما فتكرت في هذاك الزود....
سيف: زين مبارك هناك في الميلس....
حسيت بقلبي نقز نقزه وصل حلجي...
مبارك في الميلس...يالسمع ناصر..!!... مبارك...!..
مهرة:..آآآآه....
سيف: شو؟
تقربت من سيف وصاصرته...عشان مايسمعن باقي الحريم ويسون تحقيق..
مهرة: اخاف ناصر يعصب ....يمكن يغار والا شي...
بس سيف فظحني..
سيف: شووووووووه؟!...طبيه عنج وتعالي سلمي الحين لانه عقب يمكن ماتقدرين...
مهرة: ليش؟
سيف: خالوه بتي... منو بييبها غير ريلها؟!...راشد في الدوام مايطلع قبل ثلاث...
مهرة: صدقك...
سيف: يالله...
ومشى جدامي للميلس...
التفت انا صوب الحريم...
مهرة: بسلم وبايي....
تنفست احاول اهدي نفسي...وعدلت حجابي....
لكن ثواني ورديت داخل البيت...
عفرا: مسرعج..!!!..
مهرة: اقولكن...انا حاطه وايد ميك ابوالا شوي؟!..شو تشوفنه انتن.؟!..
شيخه: شو حاطه انتي اصلا.؟!!..
مهرة: شوبعد شو حاطه لا تجلطيني انتي..!!!
شيخه: اوكي حاطه بس هذا يسمونه الميك اب الطبيعي...
مهرة: اوكي يعني مب وايد...اوكي باي...
يوم كنت بطلع من الباب اسمعهن يقولن..." شو بلاها هذي"...
اللي بلاني اني ماريد اسمع نزاع ثاني من ناصر...
كفاية اللي شفته حشى شكله متوحش يوم يفاتن ....
عدلت حجابي مره ثانيه..وسكرت عباتي المفتوحه من جدام....
ودخلت الميلس...
المتواجدين كانوا ابويه..ناصر..سيف ومبارك...
اول ماشافني مبارك قام من الكرسي...
مهرة: السلام عليكم...
ردوا علي السلام بابتسامه....
بحركه سريعه اطالعت ناصر... كان حايس بوزه بما يشبه ابتسامه ومنزل عينه للارض...
لا الظاهرانه راضي...
مبارك: شحالج يالعروس...
اوفف زهقت هاللفظ...أي عروس وانااحس نفسي كبرت خمس سنين...كل يوم بسنه..!!..
رفعت نظري لمبارك وابتسمت....
شكله ماتغير عن اخر مره....قريب بيسافر ومابشوفه الا بالمناسبات القليله...!!!..
ابتسمت اكثر...
مهرة: الحمد لله...شحالك انته مبارك؟
مبارك: بخير الله يعافيج..... congratulations
لاحظت ناصر يرفع راسه يطالع مبارك باستغراب...!!..
اكيد استغرب خلطه بالكلام.... اما نحن تعودنا...!!
وقبل ماجاوب انا نط سيف في السالفه..
سيف: هي هي صح congrat. .. ماعرف اييبها الا مختصره الكامله صعبه علي....
مهرة: هههههههههههههههههههههه... الله يبارك فيكم... علموك انته بعد تحيس لسانك...
سيف: هي هيه لازم اتدرب....
ناصر: متى السفر ان شاء الله..!!!..
مبارك: الخميس عرس ابويه...السبت طيارتنا...
ناصر: وانته سيف ضبطت كل امورك...
سيف: هيه نعم كل شي جاهز وظبطنا امورنا مع السفاره وكل شي تمام...
كنت ابا اقعد شوي معاهم يوم سمعت سوالف السفر...ابا اعرف شو سوووا بالضبط...وكيف بيعيشون هناك وكيف امورهمبتم..!!!..
تقربت..ويلست...كوني "زوجه" لناصر..اضطريت اقعد عداله هو...
ويوم حسبي ناصر اني يلست على نفس الكرسي..تراجع وتساند على ظهر الكرسي باسترخاء...
بو حمد: والعايله اللي بتسكن عندها؟!...
سيف: بسكن عندهم مؤقتبس..عقب بطلع عنهم وبسكن انا ومبارك فشقه وحده...
مهرة: جي احسن يوم تكونون رباعه...
سيف: اساسا انا وافقت عالسفره لانه مبارك بيكون وياي ....
ناصر: الله يوفقكم ان شاء الله....
ومع شويه سوالف... نشيت ودخلت عنهم داخل لانه فظيحه فقوم شويخ...
بصراحه..
احس بوناسه مابعدها وناسه...
باقي سهيل...ماشفت سهيل....!
حمد مافتكرت فيه ولو ماشوفه احسن بعد...راقد اون..!!.. ارقد لين باجر بعده احسن...
اما سهيل...
قالولي طالع.. معناته هب في الدوام..!!..وينه.!!
مشاركة: ::][مــــوعــــد مــع الـــســـــعـــادة][ :: قصه في منتهى الروعه
اليوم: الاربعاء..
المكان: سيارة سهيل...
الوقت: الثانية عشره وعشردقائق...
----------------------
(سهيل)
يلستفي السياره وفي ثباني كيسه الادويه اللي عطوني اياها في المستشفى...
ادويه احس مالها فايده ولا معنى...
الا تقول لي هذا حق حرقان المعده...وهذا حق مادري اشو...
ماعرفت حتى اطلع شو العوق بالضبط...
خوفتني بدال ما اطمني...
مسكت الكيسه ونزلت من السياره وفريتها في الزباله كلها...
مالت عليكم وعلى مستشفياتكم....
ياي وانا حاس انه مافيني شي بس عشان اطمن شويخ...
طلعت عنهم وانا عندي شك بالموضوع...!!..
اوففففف....
رديت اركب السياره وايدي على بطني...
خايف...
لا يكون مرض الوالده بس وراثي...!!!....
لا ان شاءالله...
لا..
لو كان صدق محد في العايله بيتحمل خبر مثل هذا...
خساره مب مثل خسارتين ومن نفس المرض..!!
خيبه....
ليش انا افاول على عمري جي..!!
ان شاء الله مافيني شي...
كله منها هذي ام كشه صفرا خس الله هالخدود لج...!!!..
شغلت السياره ورفعت راسي للمنظره الامامية... عيوني مازالن حمر..!!...
محد تم ماسال عنهن ليش حمر...
اكيد هذي آثار المعده...!!
بسانا ما اذكر ان الوالده عانت من نفس الاعراض..!!!!...
اصلا ماطلعت لها اعراض...
فجاه دروووبه..!!
الله يرحمج يامايه...
استهديت بالله وحركت السياره راجع البيت...
صاح تيلفوني... وكانت شويخ...
سهيل: هلا الغلا...
شيخه: مرحبا سهيل...وينك؟
سهيل: توني طالع من المستشفى وياينكم...
شيخه: شوقالوا؟!...طمني..
ابتسمت...اكيد اني بطمنها..عيل بخليها تحاتي مثلي..!!
سهيل: مافيني شي الا اروحج تحاتين...حتى ماعطوني ادويه...
شيخه: والله؟!... الله يطمنك ان شاء الله... عيل من شو حرقان المعده؟
وانا ادري ياشويخ..!!!..
سهيل: اكيد اكلي مب صاحي هاليومين ومب مناسب...
شيخه: وحمار العيون؟!
سهيل: قالت لي الدكتوره يمكن حساسية من الجو او الشمس او شي...
شيخه: عنبووو...لحقت راشد؟!..
سهيل: هههههههههههههه ماتدرين بعد يمكن منكثر الربعه عاداني...
شيخه: لا يابويه لا يعاديك ولا تعاديه...تفارقوا...
سهيل: ههههههههههههههههههههه هالشي مستحيل يصير...
شيخه: يالله... لو انا مابتقول عني جي..
سهيل: ليش تقارنين نفسج براشد؟..راشد وضعه غير وانتي غير...هوعشره عمر ماتفارقنا من الصغر...
شيخه: وانا..!!!
سهيل: انتي القلب ... شفتي حد حي بلا قلب..!!!..
شيخه: اوكي اذا تباني تراني سايحه تحت الكرسي...
سهيل: شفيج؟
شيخه: ذبت...!
سهيل: ههههههههههههههههههههههههههههههههه....
شيخه: ويا ويهك...هههه...يالله تعال اختك هني اتخبر عنك...
سهيل: احين بوصل البيت... خالوه يت؟!
شيخه: بعدهاشوي... لين مايرد ابويه من المزرعه...
سهيل: منو هناك؟
شيخه: محد..عمي وسيف ومبارك...وناصر ريل مهرة..
سهيل: خلاص اوكي...ياي احين...
شيخه: تمام الغالي...يالله فمان الله..
سهيل: فمان الكريم...
سكرت عن شيخه وانا مرتاح شوي لانها هيه مرتاحه...
كانت وايد تحاتي سالفه معدتي هذي...
وماخلتني فحالي الا يوم درت اني ساير المستشفى افحص...
لا وتعزم بعمرها اون بسيروياك؟!..
جي ياهل انا تسير وياي..!!..
وصلت بيتنا ونزلت...دخلت الميلس سيده...
سهيل: السلااااااااااااااام عليكم...
ردوا علي السلام ...ونشوا كلهم..
وبعد السلامات...
سرت وزغدت ناصر....
انصدم اول شي ...
سهيل: شحقه تودي اختيه البحر..!!!...
نقع ناصر من الظحك وخوز ايدي...
ناصر: ذبحتووونا ويا هالبحر...والله حرمت اخليها تتسبح فيه..
سهيل: هههههههههههههههههه بالعقل ناصر...سبوح في الليل..!!!.. اكيد بتمرض...
ناصر: عاد توني ماخذنها تباني اقولها سوي ولا تسوين..خليتها على راحتها مادريت ببنتكم انها عالدقه تمرض..
بو حمد: بنتنا هذي حالتها.... امها الله يرحمها عيزت من كثرما توديها المستشفيات..الا مره حمى..مره بلاعيم...اخر شي ماقامت توديها تخليها تصح بروحها ...
يلست انا عدال ناصر وانا ابتسم واتذكر امايه...
يوم مايكون ابويه موجود... وكانت تضطر تودي مهرة المستشفى...كانت تشلني انا وياها...
كانت تعتمدعلي اكثر من حمد...
ناصر: انزين عمي ليش هي جي؟!..مناعتها ضعيفه يعني..!!..
بو حمد: مادري والله بروحها جي من انولدت صحتها ضعيفه...
سيف: هذي بتروحفيها ان حملت ويابت عيال....!!..
التفت ناصر لسيف وهو ويهه محمر....
شكله زاغ عليها صدق...
ناصر: عيل يابوي ماريد عيال انا مستانس جي ...
سهيل: هههههههه زيغتووووه....
ناصر: انتوا البحر يوم وديتها حشرتوني كل حد يحاسبني منصوب... شقايل لو تتبهدل بالحمال والربى.!!!... بتيبون آخرتي...
سهيل: لا لاماعليك منهم... مهرة صح ضعيفه صحيا لكن فيها قوه وتتحمل اكثر عني وعنك ماشاء اللهعليها....
ناصر: شو دراك...
سيف: اظني يطري يوم انكسرت ايدها...
سهيل: هيه... بشكارتنا كانت شارده... وانكرفت مهروه في شغل البيت...والا على طاري مهروه...بسير اسلم عليها...
نشيت عنهم وطلعت ودخلت البيت....
ادور هالضئيله اللي من الصبح نحش فيها....
شفتها تتكركر مع شويخ وعفرا وعموه...لا الحمدلله...شكلها مبسوطه مع هالناصر...!!..
مهرة: هلا والله...
سهيل: كنا نحشفييييييييييج...
توايهت معاها...
مهرة: شحاااالك؟
سهيل: بخير شحالجانتي؟
مهرة: الحمد لله...شوتحشووون فيه..!!
سهيل: ماشي...يالسين نقول لناصرانه صحتج ضعيفه وبسرعه تمرضين...قال سيف الله يعينها يوم بتحمل وبتيب عيال...ريلج زاغ قال ماريد عيال موليه جان جي....
ظحكن الحريم...
لكن مهرة حمر ويهها مثل ريلها....
سهيل: اوني عاد انا...استحيتي..!!..
مهرة: هههههههههه لا....
شيخه: هي هي استوت شجاعه وجريئه....
سهيل: لا يكون طلعت لعلومشويخ...هاااه شويخ؟!
شيخه: ماسالتها ولا سؤاااااااااااااااااااااااااال...
عفرا: جذااااااااااااااابه...!!
سهيل: شويخ؟!..شو قايلج؟!
شيخه: حتى لوسالت اختك ماترمس...
سهيل: زين تسوي فيج...ولا تقوليلها شي تراها فضوليه من اسبوع وهي حاشرتني عليج .....
مهرة: ههههههههههههه لا تحطون على حرمة اخويه فديتها ماقالت شي..عادي سوالف...
سهيل: سوالفكن طفسه... عفرا وين حمد؟
عفرا: راااقد...
سهيل: عنبووو... ماينش يسلم على اخته اوكي ينش للصلاة ماشي باقي...!!..
وقفت عفرا...
عفرا: بوعيه احين...
سهيل: والله بتاخذين اجر فيه.... انا برد الميلس...مهرة ناصر بيتغدا عندنا وبيسير؟
مهرة: هيه وانا ببااااات...
سهيل: شو يبيّتج؟... وريلج؟!
مهرة: يالله ياخويه شوووووعايفني؟!
سهيل: لا والله بس ماكملتوا حتى اسبوع وانتي بتخلينه وبتباتين عنه؟!
مهرة: عندي اغراض ارتبها في الغرفه...وكمبيوتري بشله...واشياء وايد..يباله وقت ترتيب كل هذا...
سهيل: حياج الله...البيت بيتج..ودامج بتباتين عيل بنقعد وياج خلاف احين من حق ريلج اليلسه...
مهرة: ههههههههه انزين...
سهيل: برايكم...
خليتهم ورجعت للميلس...لكن ماكملنا وقت طويل...اذن الظهر...
ونشينا كلنا للمسيد...
طبعا حمد مالحق عالصلاة في المسيد...
سيف الخبل اللي هو سيف اكثر منه التزام بالصلاة...
وهو اونه اخونا العود..!! عافان الله...
خلا لرقاد ينفعه...!
لا لا بذبحه...
زين بعد يوم افتكر يخبرني...
يبا يسافر حول اوروبا... !!.. متى ان شاء الله خطرت فباله هالفكره..
لا ويقولها ببرود مسوي عمره زعلان...
انا اراويك يا يوسف...والله ماخليك...
رحت وسويت له مسد كول عشان يدش...
ورديت اتريا....
وصلتني مسج منتيلفونه على ايميلي (اس ام اس)... يوم فتحتها مكتوب فيها" I cant enter now..after one houre”
انقهرت اكثر يوم شفت الرساله....
قمت طرشت له...ايميل..
" بن عروه بيترياك بعد ساعه.."..
وسكرت الكمبيوتر حتى بدون ماسوي ديس كونيكت... من القهر اللي فيني..
نزلت اتغدى وما تهنيت في الغدا اصلا...
وعقب الغدا يلست احني ريول امايه..ويوم خلصت رديت غرفتي وماعرفت شو اسوي غيراني ادش النت...
شو اقول..
فضووووووووول...!!
كنت متاخره عن الموعد تقريبا اربعين دقيقه وماظن انه يالس يترياني..
لكني فعلا انصدمت يوم شفته يالس....
يوسف: متاخره...
كنه: اصلا ماكنت بدش...يابايخ...
يوسف: انا تقوليلي بن عروه يترياني يالبطه...!!
كنه: هي عيل تقول لي بعد ساعه..!!
يوسف: كنت اتغدى كنوه....
مشاركة: ::][مــــوعــــد مــع الـــســـــعـــادة][ :: قصه في منتهى الروعه
الجزء الخمسين
-----------------------
اليوم: الخميس..
المكان: بيت خلفان..
الوقت: الواحده صباحا...( بعد منتصف ليل الاربعاء)..
------------------------
(مهرة)...
صرخت فجاه..!!
مهرة: اشتري...اشتري...اشتري..!!
اطالعني سيف باستغراب.
سيف: عن ينط لج عرج..
قلت انا بصوت عالي..
مهرة: والله بشتري ماخليتولي اراضي كلهن صفيتوهن..
كنا يالسين انا وسيف وسهيل وشويخ نلعب مونوبولي.. سيف وسهيل طبعا غالبينا نحن البنات..وشويخ بالتالي غالبتني انا.. يعني بعدها شويخ ارحم مني ذكية وتفكر...وسريعه البديهه..هب انا..!!!
خليتهم يخمون كل الاراضي عني وماتم غير الاراضي الصفر..
مهرة: دخيلكم خلوووهن لي لا تشتروون الباقي.
سهيل: ياعيوني هاي تجااره ماحد يراعي مشاعرحد..من مصلحتنا نشتريهن عنج عشان ينقع المزاد عقب....شو بتسويين عيل يوم بصف الفندقوصنادق البتان هني؟!!!..
مهرة: انا بعد بصف صنادق..
سيف: هههههههههههههههههه حليلها تعترف بمستواها صنادق بس مب فنادق..!!
شيخه: انت ياشتري كل الاراضي الصفر اول بعدين فكري بالصنادق..
مهرة: شعليج انتي ماسكه سكك الحديد كلهن..
شيخه: ههههههههههههههههاي ياحسوده..هب مثلج اكنزفلوس...فالحه بس تطلبين هالميتين من تخطفين البدايه..!!
عطوني بطاقة ارضي وتاملت فيها مستانسه تقولون ارض صدقية.!!.
كنا يالسين نلعب من الساعه 11.. ولين احين شكلها اللعبه في المنتصف..خيبه متى بنخلص وبنرقد؟!.
متىبرتب ملابسي؟!. اذا سهرت مابنش الصبح..واذا مانشيت الصبح مابيواحيلي ارتب شي قبل ما ايي ناصر ويشلني..!!!
مهرة: اييه مارتبت اغراضي..
سيف: ايوااااااااااااابدينا بالشرده عاد...ماشي.. لعبتوا.. تكملون . لين النهاية لين ماتفلسن..
شيخه: يمكن سهيل يفلس شمعنا نحن يعني؟!
سهيل: هههههههههههه... مسكينه انتي..
ظحكت انا على ضحكة سهيل الواثقة والساخره من شويخ..
بصراحهمر علينا اليوم ولا اروع.. يلست ويا ابويه وخالي يلسه ماتنسى ..شفت تجهيزات عموووه.. حتى الجنين فبطن عفرا تحرك تحت ايدي اليوم.. خالوه ومنى تغدوا عندنا ويلسوا لين العصر..لانه حسب قولهم فاطمه بنت خالوه وريلها وعيالها بيونهم اليوم.. وعلى جذي..فاطمه بتزورني باجر الضحى..!.
مبارك تم عندنا لين المغرب عقبراح... شفته وايد اليوم..لكنه تغير عن قبل...صار متحفظ وايد..
انا نسيت انيانا بعد كنت متحفظه معاه في فتره من الفترات.. يمكن لاني اشتقت له..
اليومتناسيت اني متزوجه... حبيت ارجع بنت هالبيت من اول ويديد.. سويت كل اللي كنت اسويه قبل ما اعرس..!!.
طبعا شفت حمد اخوي... سلامه لي كان بارد وانا بعدما طلبت انه ياخذني بالاحضان مثلا...كل ماكان لقائنا اقل كان احسن..لاني ماطيق شوفته.
يكفي ان كل اللي انا فيه من تحت راسه هو.!
مشاركة: ::][مــــوعــــد مــع الـــســـــعـــادة][ :: قصه في منتهى الروعه
بعد المغرب دخلنا اناوشيخه المطبخ وسوينا عشا...عشا محترم.. تعلمت من شويخ بعض الاكلات يوم يالسه تشرحلي...وخذت من عند عموه كم كتاب للطبخ العربي...وباقي الطبخات والخفايف..
مايصير اتم جذي لازم اتعلم...داخل علينا رمضان بعد كم اسبوع...بنتم جي ناكل من مطاعم؟!..
مهما كانت طبيعه علاقتي بناصر... لازم اني اطبخ.. ولو حق نفسي عالاقل ..!..نقعت جبدي من الاكل الغريب..!!!..
بعدين كل ما ادخل مطبخ الشقةاتحسف...تجهيز المطبخ كامل.... ناصر تارسنه من كل شي يخطر عالبال...الا قيس بينتهي تاريخ انتاجهن وانا بعدني ما استخدمت شي منهن...!!.. حرام..!
وبعدين بالعقل... اذا كنا بنصلح علاقتنا... طبعا انا مجبوره اتقبل هالواقع... ما اتخيل كيف بنصلحها ... لكني واثقة بدهاء هالانسان....!!
مايكفي انه خلاني ماافز كل ماتقرب مني... ما اجز كل مالمسني.. انسى احيانا اللي سواه فيني يوم اتامل فيه..!!.. مايكفي انه خلاني اتحمل النوم معاه..!!..
اشياء وايد تغيرت...
كل يوم يغير فيني شي يديد..!!..
يمكن انا طيبه زياده عن اللزوم.!!. او هو اللي ذكي زياده عناللزوم؟!..
او الاثنين..!!!..
اووففف مادري... كل ما اشوفه اقعد افكر...باجر شو بيصير؟..باجر كيف بتكون علاقتنا؟ مثل اليوم؟!.. والا بنتقرب اكثر من بعض؟!..
انا معاه مااقدر اتخيل كيف بتمر علي الساعات اليايه...فمابالك فباجر؟..الاسبوع الياي..!..الشهر الياي!
مش قادره اتخيل كيف اني متزوجه الانساناللي حاول يعتدي علي...
مش قادره اتخيل اني فيوم من الايام بسامحه...لكن اعرفاني بسامحه لاني بديت ألين وانا احس بهالشي...!
كيف سمحت لي نفسي بهالشي؟!...
مادري...
لكن عندكم لي حل ثاني؟!... ناصر رافض فكره الطلاق نهائيا....
وبعد التفكير... انا بصراحه...ماريد اكون مطلقه..!!..شو بيصير بي بعدين؟!..شوبيقولون الناس عني.!
اتم معاه واتحمل..محد يعلم شو بيصير بعدين..!
سيف: مهرة دورج...!!..
فزيت من سرحاني وانتبهت..مسكت الزهر وانا اهزه بظيج..
مهرة: ايه والله انه وراي شغل...
سهيل: توج عاد ذكرتيه؟ ماشي يلسي...
مهرة: حلوه اللعبه لو عندي وقت... بس فيني رقاد وانا مارتبت شي مناغراضي..وباجر الصبح بتيني فاطمه بنت خالوه...
سيف: اففففففففف هذي جذي بتملنا... لو درينا مالعبناج.... خلاص سلمي فلوسج وارضج الوحيده هذي للبنك...وفارجي...
شيخه: انا بعد بسني..ظهري عورني...
التفت سهيل لحرمته باستغراب وعصبية..!
سهيل: طالع..!!!!!!..
عصب سيف..
سيف: قومن...قوووومن يالله قومن لابركةفي العدو..مب منكن..من اللي يعطيكن ويه تلعبن تجاره...!..
مهرة: ههههههههههههههههههههه قومي شويخ...بنسير فوق بنخليهم يتناتفون رواحهم...
شيخه: ههههههه يالله... بعلي العزيز لا تخلي سيف يغلبك...
سهيل: افا عليج بس...
مشاركة: ::][مــــوعــــد مــع الـــســـــعـــادة][ :: قصه في منتهى الروعه
سيف: بيوصلج الخبر الصبح...
مهرة: شكله هذا وايد واثق...
سيف: هينعم...احم احم.... هاتي البنك عندي...
سحب سهيل صندوق الفلوس من ايد سيف...
سهيل: لالا عين خير ندريبك تسرق...
انا وشويخ سلمنا فلوسنا والاراضي ورحنا فوق...
كنت عارفه بالضبط شويخ شو تبا..وليش ودرت اللعب... لانها ما اختلتبي لين احين...وشيخه ماتقدر تعيش مع فضول لازم انها تعرف شو صار بيني وبين ناصر..!!.
مهرة: بتساعديني؟ انتي ظهرج يعورج...
شيخه: بساعدج وانااتحرك..ظهرني عورني من اليلسه..!!..
مهرة: اوكي...عليج بالكبت.. وانا بييب لج الشنطه...اهم شي تحطينه بجاماتي مال قطعتين...
اطالعتني شيخه باستغراب...
شيخه: شو تبينهن؟!.. شارين لج قمصان نوم وايده...
مهرة: آآآآه... هذيلا ارتاح فيهن اكثر في الشقه...
شيخه: عنبوج تحوطين جدام ريلج ببجامه هذا وسعها.. بنطلون وقميص..!!!..شحقه ماتتكشخين له؟!..
مهرة: احين انتي لا تقعدين تحاسبيني....
شيخه: لا صدق والله اكلمج...انتي عروس هب زين جي....
مهرة: شيخه انتي حطيهن وخلاص... عندي نقص بهالبجامات وانتي تعرفين اني ارتاح فيهن اكثر..ماداني يوم ادور شي واحتايه ماحصله....!!..
تاففت شيخه ونفذت طلبي...
وانا يبت صندوق شوي كبير حطيت فيه شاشه الكمبيوتر مع الكيبورد وملحقاته الثانيه... وترست الفتحات بين الاغراض جرايد عشان مايحتكن ببعض ويختربن...
مهرة: ماعندنا مكتب في الشقة...
شيخه: شو؟!
مهرة: ماعندنا مكتب للكمبيوتر...ناصر مايستخدم كمبيوتر...
شيخه: مب مشكله...اشتروا مكتب...
مهرة: اففف بعدني بحوط فالسوق.!!!
شيخه: حلاته....
مهرة: تحيديني انتيمب لي هناك ويا الاسواق..!! ماداني تجمعات الشباب الفاظين هذيلا ازيغ منهم....
شيخه: عندج ريلج وتزيغين منهم شو تبيبهم انتي؟!..
تذكرت كيف اني بدون احساسمني الصق في ناصر كل ماشوف مجموعه شباب في أي مكان عام....
ما افكر ساعتها بانه ناصر هو اللي تحرش بي...
افكر فيه على اساس انه وسيله حمايه منهم لا اكثر...
اعرف اني طالما معاه محد بيتجرا يرفع عينه علي...لاني مع ريال... سواء كان اخويريلي ابوي أي حد...
المهم انه يحميني منهم...!
شيخه: هممممم مهرة..!!
ابتسمت وانا احاول اطلع سمجتي من حوضها واحطها فعلبتها الخاصه الي يتمعاها..عشان افضي الحوض واحطه فصندوق ثاني عن ينكسر...
مهرة: هاااه؟..
كنت ابتسم لاني عارفه بالضبط عن شو تبا تسال شيخه...!
شيخه: ماقلتيلي... شو شفتي ناصر.!!..
شي اكيد اني مابخبر شيخه ان ناصر هو نفس الشخص.... شيخه بتتلوم وايدان درت... لانها هي اكثر وحده كانت تقنعني فيه... وتشجعني عليه.. وتمدحه لي..وتطريه جدامي...
حق شو انكد بها واخليها تحاتيني.!!.. احسلها ماتدري...
خلني اعالج الموضوع هذا بروحي...
مهرة: من أي ناحية؟!.
مشاركة: ::][مــــوعــــد مــع الـــســـــعـــادة][ :: قصه في منتهى الروعه
ناصر: لا مهرة...مب جي السالفه..
مهرة: عيل شو..
ناصر: افف...انسي الموضوع ماعرف اشرح لج...
سمعتها تتنهد بتعب...
ناصر: خلصتي ترتيبج؟!
مهرة: هيه... ظنك السيارة بتسد اغراضي كلها..
ناصر: بندبر امورنا... بنحط شي في السيت الوراني ...بيضم ان شاء الله..
مهرة: ومنو بيحمل الاغراض لين الشقه؟؟
ناصر: احمد الحارس...
نشيت من الدري ودخلت البيت لاني بردت... قفلت الباب وركبت فوق...
مهرة: زين...
ناصر: شو سويتي اليوم؟!..استانستي عند اهلج..؟!
مهرة: واااااااااااااااااااااايد...
ناصر: شو سويتي؟
مهرة: يلست وياهم كلهم...يت خالوه مع منى اختك... ولعبنا مونوبولي....
ابتسمت..
ناصر: لا يكون غلبوج..!
مهرة: الا لعنوا خيري...
ناصر: ههههههههههههههههه افاااااا... ماعليج بنتقملج منهم....
دخلت حجرتي وسكرت الباب ....
ناصر: لحظه بعق بجامتي....
حطيت التيلفون وعقيت بجامتي... وانسدحت عالشبريه...!
ناصر: هلا..
مهرة: بترقد؟
ناصر: اكيد باييني الرقاد الحين دام كلمتج...
مهرة: يالله دام رمستيتيب الرقاد ليش قلت لي اتصلي...
ناصر: ههههههههههههههههههههههههههههههههههههههه...
فتنت علي...
مهرة: شوفيك؟!
ناصر: كله تفهمينه غلط انتي؟... غناتي ماياني الرقاد لاني ماسمعت صوتج... بسدامني سمعته احين اكيد اني بقدر ارقد...فهمتي..!!
طول سكوتها....
عرفت انها منحرجه...قمت سكت انا بعد...
ليتها بس عندي...ليييييييييتها....شو مبيتنه اهناك..!!..
ناصر: مهرة...
مهرة: هااه...
ناصر: شوفيج؟
مهرة: ماشي...آآه... انا برقد احين...
ول ..لهالدرجه وصلت القفطه..ماتبا تكلمني احين....
بس ماعليه... انا اصلا ماتوقعت انها تكلمني وتتصل....تطور ملحوظ انها اتصلت...
ناصر: اوكي مهرة... تصبحين على الف خير..
مهرة: وانته من اهله..مع السلامه...
ناصر: فمان الله...
سكرت مهرة التيلفون....
وسكرت انا عيوني من صوب... ياربي محلاة صوتها في التيلفون...
المكان: بيت بو راشد..
الوقت: العاشره والنصف صباحا..
------------------------------
(منى)...
منى: حلفي؟!!!..
كنه: والله العظيم يوسف بروحه قال لي...
منى: ليش طلقها.!!!
كنه: قاللي انها هي ماتباه وهو يوم درا بهالشي طلقها مايبا يغصبها...
منى: هيه ماتباه؟ليش فيه حد يرفض خالد.!!!
كنه: هاااه هااااه يامنى...انتبهي لالفاظج انتي معرسه...
سكت...
مسكين خالد... توه بيبدا حياته ماتوفق فيها...!!..
حسيت بحنين... حنين لذيج الايام اللي كنت فيها اتصيد اخباره وشوفته...
مايستاهل والله...
كنه: زعلانه علشانه..!!
منى: ماجذب عليج كنوه..هيه...
كنه: حتى انا كسر خاطري بس انتي لازم ماتفكرين فيه...
منى: عيل ليش خبرتيني لو ماخبرتيني احسن..
كنه: مادري تعرفيني انتي يوم عندي خبرماحب اخبيه...وخصوصا عنج... وخصوصا خالد يعني قلت اكيد تبين تعرفين...!
منى: الله يوفقه... اكيد انه بيحصل بنت تستاهله وتسعده غير هذي الخبله...
كنه: هههههههههههه شكلج محتره منها...
منى: هيه والله... يعني حسب علمي ومعرفتي خالد شخص مايتفوت... واي بنت بترضى فيه وهي مستانسه بعد...
كنه: انزين يمكن البنتذوقها مختلف.. اكيد لها اسبابها...
منى: وي مالت عليها ويا اسبابها...
كنه: هههههههه المهم... تجهزتي؟
منى: انا من متى لابسه عباتي اترياهم الا يزقروني... ترا فاطمه لين ماتجهز عيالها يبالهم وقت...
كنه: انزين انتي سايره امس..شو تبين تسيرين مره ثانيه..
منى: ياسلام يعني تفوتني السوالف..!!!!!..مابا..ريلي سامحلي انتي شعليج..!!
كنه: الله يعينه هالريل عليج..وينه هو؟ لا يكون راقد وانتي يالسه تقرقرين عداله من الصبح...!!
منى: ههههههههه والله بيشوتني لو حشرته راشد كله ولا رقاده...
كنه: عيل وينه؟
منى: في الميلس يالس ويا عبدالله ريل فاطمه..
كنه: ومنو بيوصلكم بيت قوم مهرة؟
منى: الدريول.. تعالي ليش مايت نوره وياكم يوم الثلاثاء؟!
كنه: افففف دخيلج مانباها تي..
منى: ليش؟
مشاركة: ::][مــــوعــــد مــع الـــســـــعـــادة][ :: قصه في منتهى الروعه
كنه: تعرفينها انتي.. نوره بعدها رغم انها معرسه الا انها بعدها تهتم بناصر.. تبينها تلعوز حرمته مسكينه؟!.لالا ابرك لها عند ريلها..نحن اصلا ماخبرناها انه بنسير..
منى: اسميكم انتوا..انزين بخليج احين اخافهم الا ساروا عني اشوفهم لين احين مازقروني.
كنه: يالله بتموت اذا فاتتها السيره..
منى: هيه عيل شو..هههههههاي.. يالله تامرين بشي عيوني..
كنه: لا سلامتج ياحلوه..
منى: الله يسلمج..فمان الله..
كنه: مع السلامه..
سكرت تيلفوني وحطيته في الشنطه..وتنهدت.
والا خالد طلق.... يوم خطب انا كنت حره..ويوم صار هو حر انا معرسه.
صدق ان كل شي قسمة ونصيب.!!!..
قمت وجابلت المنظره اطالع شكلي قبل ما انزل..ويوم تاكدت من شكلي.. نزلت وسكرت الباب وراي...
تحت كانت عموه يالسه وبين يديها خليفه ولد فاطمه.
منى: هاتيه عنج عموه..
فريت شنطتي وخذت خليفه اللي صار يقدر يحبي احين ويخربط علينا برمساته وايد..
منى: وين فاطمه؟
ام راشد: ملعوزنها فهود الله يبارك فيه... مب طايع يتلبس.
منى: الله يعين فاطمه عليهم ..ماشاء الله عليهم هب خراش فيهم..
ظحكت عموه وسكتت شوي...وعقب قالت..
ام راشد: شياج ماطعتي تروحين ويا ريلج..!!
بطلت اناعيوني مستغربه.
منى: وين؟!
ام راشد: تراه قال بيسير صوب بيت خلفان وبيوصلج وياه بس عقب رد وقال انج بتسيرين ويانا..!
سكت.
شو السالفه.!!!..
منى: متى صار هالكلام عموه.؟!
ام راشد: توه من شوي نازل عنج وماصار له دقايق طالع من البيت..
سكت مره ثانيه..
غمرتني الشكوك والتساؤلات..
راشد يا فوق؟ ليش مادخل..!!!..
لالا انا لازم اتصل به واشوف شو فيه...اذا تميت اتسائل جي بتيبني الافكار وتوديني.
حطيت خليفه عالارض وطلعت تيلفوني... ودخلت الصاله الصغيره..
راشد: آآلوووه..
بعدت شوي الموبايل عناذني...خيبه شفيه يزاعج جي.!!
منى: هلا عيوني...وين انته؟
راشد:......... ساير عند سهيل..
منى: وليش ماوصلتني وياك..؟! قالت لي عموه انك كنت بتوديني لكنك رديت قلت لهم اني انا ماريد اسير وياك.! شو السالفه.!
راشد:................ فكرت انج...تبين تسيرين وياهم..احسن...وبعدين انا ساير ويا عبدالله...
منى: شفيك راشد.!
تميت اسولف ويا عموه لين خلصت فاطمه تجهيزها.
وطلعنا من البيت ..سايرين بيت قوم مهرة.
اليوم: الخميس..
المكان: سيارة راشد.
الوقت: الحاديةعشره صباحا..
-------------------------------
(راشد)...
ما اذكر انه فيه حد من اهل منى اسمه خالد..!!!
منو خالد.!!
ياربي احس اني مب قادر حتى اسوق زين من كثر ما اني ارتجف من الغيظ المكبوت..
لاني مب قادر اطلعه...
بسبب وجود عبدالله معاي...
كنا متفقين اني اودي انا منى..وهو يودي حرمته وامايه...
لكن من سمعت اللي سمعته من ورا الباب.... ماقدرت اجابل منى بهالمزاج..
ادري بنفسي بتهمها ومابعطيها فرصه كافيه للشرح وبوترها وبخليها تخربط بالكلام واخر شي بتزيد المشكله...
احسن لي اصبر شويواهدا قبل ما اسالها...منو خالد هذا..!!!..
منو خالد اللي أي وحده ترضابه وهي مستانسه..!!!
منو خالد اللي زعلانه منى عشانه..!!
فجاه قال لي عبدالله..
عبدالله: انته مابتلف؟!!
راشد: بلى...
عبدالله: عيل شحقه ماسك خط في النص.!!!
تنهدت وانا انتبه لنفسي...
وين عقلي.!!!..
خذت شارع اليمين وحاولت اركز على السواقه قد ماقدر...
اما منى بعدين بتفاهم معاها...
عبدالله: نحن اصلا شحقه سايرين هناك؟!
راشد: ماشي شغل..
عبدالله: هههههههههههههه يعني لا عازمينكم ولا شي..
راشد: لا..بس جي رزه فيس..كلهم بيسيرون قلنا نسير..
عبدالله: مايحتاي نتصل والا شي... يمكن محد في البيت..
راشد: لالا هم في البيت ماعليك انته..وماله داعي نتصل لانه هب غربنحن...
في بيت خالوه...كان عبدالله مندمج بالكلام مع خالي يابر وخلفان ريلخالوه...
فسحبت انا سهيل على ينب...
وكلمته بصوت اعلى شوي من الهمس...
راشد: منو من اهل ناصر اسمه خالد؟!
سهيل: خالد؟؟؟
وعقد سهيل حياته ويلس يفكر ....
سهيل: محد حسب علمي...ولد عمهم اسمه مايد...
راشد: من صوبامهم...!!
سهيل: ماعرف والله... ليش؟
راشد: بس اسال...
سهيل: اكيد فيه سبب...
ترددت اني اقول له...لكن في النهاية هذا سهيل وانا ماغبي عنه شي...حتى لو كان خاص جدا...
راشد: سمعت الحرمه تطريه وماعرفت منو هذا..
سهيل: جان سالتها؟
راشد: همممم كانت ترمس في التيلفون وماحبيت اقاطعها...
مشاركة: ::][مــــوعــــد مــع الـــســـــعـــادة][ :: قصه في منتهى الروعه
مهرة: فغرفتي...
ناصر: جهزتي كل اغراضج...
مهرة: هيه...
ناصر: تغدوا اهلج والا بعدهم..؟!
مهرة: بعدهم... هني قوم خالوه..قوم راشد..وريل فاطمه بنت خالوه..وخواني كلهم في الميلس وخالي بعد..
ناصر: ماشاء الله الجماعه ملتمينعيل..!!
مهرة: هيه يحبون اللمه....
ناصر: انزين انا جدام بيتكم احين... نزلي ..
مهرة: ليش انزل..
ناصر: انتي انزلي بعطيج شي...وهاتي خليفه هذا وياج...
مهرة:.......اوكي..
ناصر: اترياج...باي..
مهرة: باي...
سكرت التيلفون وحطيته فمخباي ... ومديت ايدي لخليفه اللي يالس عالشبريه...
مهرة: يالله حبيبي.. مطلوبين...
شليت خليفه وكنت بطلع من الغرفه...تراجعت فجاه اشوف نفسي في المنتظره..
عقبها حسيت بغبائي...
اففف..شو ابا اشوف عمرييعني عشانه.!!.. المصيبه ادري انه شكلي زين لاني متعدله اساسا لقوم فاطمه..
ليش لازم اني اشيك مادري...
طلعت من غرفتي وانا اعدل شيلتي واغطي شعري...سبحان الله يطلع راشد والا حد وانا قصتي برا...
مريت من الصاله بدون ما اكلم الحريم...وطلعت برا...
ناصر كان توه داخل من الباب الرئيسي ولابس نظارات شمسية....
وقفت انا عند الباب مال البيت....
وهو واقف عند الباب الكبير يطالعني...
يعني حوشنا نسبيا صغير مب لهالدرجه كبير...
ابتسم ناصر....ابتسامه وسيعه...
اما انا ابتسمت ابتسامه صغيره جدا ومتوتره ...ونزلت عيني شوي...قبل ماارفعها يوم تقرب مني...
مشاركة: ::][مــــوعــــد مــع الـــســـــعـــادة][ :: قصه في منتهى الروعه
فاطمه: ماشي فايده هذي دومها لاصقه في الدرايش...
منى: ههههههههههه مادري عاد شو بتطالع ريل يسلم على حرمته مب عيب عليج..!!
مهرة: امحق سلااااااااام....
شيخه: خلي عنج انتي السلام الاصلي ايي عقب....تعالي اشوف اشوف شو في ايدج...
مديت ايدي وانا اضحك على شويخ الخبله...
شمت الياسمين...بعمق..
شيخه: همممممممممممم ياسلام...يارومانسيين انتوا...مانرومعليكم صراحه...
منى: فديت اخويه شو اتحسبين رومانسي تراه..
سحبت ايدي..واناقافطه موت...وويهي محمر...امس ماكنت اقفط يوم كانن يحرجني شوي بالكلام لانه فعلا ماصار شي بيني وبين ناصر...لكن هالحركه شافنها بعيونهن ولازم اني اقفط...
مهرة: شوووووووووو عاد مايعني شي هذا...
شيخه: هي هي مايعني شي...
ظحكنا كلنا على حركات شيخه المينونه... عطيتها خليفه بس عشان تسكت عني...
مهرة: ناصر يقول بنروح بعد الغدا.... بروح اطلع الشنط.... عشان تعرف البشكاره شو تشل وشو ماتشل...
ورحت فوق اجهز اغراضي مثل ماقلت...
اليوم: الخميس..
المكان: بيت بو راشد..
الوقت: الرابعه عصرا...
-------------------------------------
(راشد)...
دخلنا غرفتنا انا ومنى...
وانا متوتر حدي...من شفتها تذكرتكلامها....
خالد ..خالد...خالد....
اسم تم يحن على راسي طول الظهر....
منو خالد..!!!.
راقبت منى وهي تعق عباتها وشيلتها... وتعلقهم في الكبت...
يلست عالشبريه مب عارف كيف ابدا...
لكن اساسا كيف ممكن ابدا...!!!!...
ماشي احسن من الصراحه والاسلوب المباشر..
راشد: منى... تعالي يلسي ابغيج فسالفه....
صدت صوبي منى...
منى: شو السالفه؟!
راشد: تعالي انتي بس....
تقربت مني منى بتوتر ويلست على طرف الشبريه هي بعد...عدالي...
منى: خير راشد؟!
راشد: منى... انا .... اول قوليلي منو كان متصل بج اليوم الظهر قبل ماتنزلين تحت...
فكرت شوي منى...
منى: .... كنه بنت عمي...ليش؟!
راشد: منى... منوو خالد اللي كنتن ترمسن عنه...!!!!!..
فجاه توترت ملامح منى... بطلت عيونها وحلجها بدهشه.... واطالعت فيني باستغراب...
وانا اراقب كل حركه...كل نفس..كل رجفه...وكل نظره..!!!..
منى: انته....انته كنت تسمعنا؟!..
راشد: من دون قصد...
عقدت منى حياتها..
منى: كيف يعني من دون قصد راشد... انته كنت تتسمع....
مشاركة: ::][مــــوعــــد مــع الـــســـــعـــادة][ :: قصه في منتهى الروعه
راشد: مندون قصد...
عقدت منى حياتها..
منى: كيف يعني من دون قصد راشد... انته كنت تتسمع....
راشد: قبل ما ادخل سمعت اسم غريب....خالد...منو خالد..!!!..يلست اسمع عشان اعرف شو السالفه لاني اعرف اني اذا دخلت بتقطعين السالفه .... ومن حقي اعرف منى...
قامت منى من الشبريه بتوتر...
منى: اسلوبك مب حلو راشد.... هذايعتبر تجسس... لو دخلت وسالتني بصراحه بجاوبك...
راشد: احين تبين تقوليلي ..انج بسبب اني تسمعت رمستج مابتجاوبين؟!
عقدت منى يديها جدام صدرها بعناد...
منى: هيه...مابجاوب...
راشد: الا بتجاوبين غصبن عنج...ولا تحاولين تتهربين لانه هالاسلوب ماينفع وياي... قوليلي منو خالد...
منى: راشد...اهدا...الموضوع ابدا مايستحق كل هالاهتمام...كلها خرابيط وسوالف بنات...
راشد: انتي مب بنتاحين منى...انتي حرمه متزوجه وملتزمه بزوجج... منو خالد هذا...!! قولي..
كنت معصب حدي...وصوتي كل شوي يرتفع....
تسرطت منى بخوف... وهي ترفع ايدها تحطها حاجز بيني وبينها....
منى: بقولك...بس شرط تهدا...
صرخت فيها...
راشد: انا هادي..
منى: راشد..!!.. شو هادي وانته تصارخ علي...
ابتعدت وانا امدايدي وافر سفرتي عالشبريه ...تخللت شعري بصبوعي...تنهدت....
كلها محاولات اني اهدا شوي...
وبعد دقايق...
التفت صوبها...
راشد: قولي...منو خالد؟!
منى: آآآه...خالد...خالد....
راشد: قولي خلصيني منو خالد؟!
منى: خالد...ربيع يوسف اخويه..!!
عقدت انا حياتي مستغرب ومعصب.... هذا وانا اللي كنت اتحسبه من الاهل...يطلع ربيع اخوها.!!!!!!!!!!
راشد: شخصج فيه انتي ربيع يوسف..!!!
منى: مايخصني فيه....
راشد: منى لا اطلعيني عن طوري.....
منى: خالد معروف فبيتنا...كلنا نعرفه من كثر ماهو ربيع يوسف وايد ولايتفارقون... يعني نعتبره في البيت مثل واحد من الاهل...
راشد: انزين وبعدين.!!!..
تسرطت منى مره ثانيه بخوف....
منى: كانت...كانت كنه تقول لي انه خالد... هو اصلا كان مالج... كانت تقول لي اليوم انه طلق حرمته لانها هي ماتبغيه...بس ...
راشد: وتقومين تقولين لها خالد أي وحده ياخذها ترضابه وهي مستانسه...!!!!!..
منى: هـــ...هــــي....
صرخت فويهها....
راشد: شخصج انتي فيه باللي ياخذها واللي يطلقها هااااه.!!!!
منى: راشد.... اهدا الله يخلييك...
ناصر: اففففف شو الراي...زحمه...!!
سكتت مهرة وهي تتفحص المتجمعين في مبزره من الدريشه ...
ناصر: يا هالبتـّــان ماخلوا مكان للمواطنين..اففففففففف...
قالت لي مهرة بهدوء..
مهرة: مب لازم مبزره...
ناصر: عيل وين...!!!..
مهرة: انا احين بعلمك بالمناطق..!!
ناصر: اففف..انا كان خاطري فمبزرهعاد...
سكتت مهرة ويلست تلعب بعقد الياسمين اللي يبته لها...
وانا اطالع بطرف عيني...
من شفتها اليوم جدام الباب لين احين وانا احس انه شي ناقص...
سلامنا كان بارد جدا ... احس اني بحاجه لسلام ثاني عشان احس اني فعلا رجعتلي....
تنهدت وانا اتذكر سعاد الله يرحمها.... كيف كانت تستقبلني يوم ارجع البيت....!!..
كيف كنا نسلم على بعض بكل حنان وموده...!!..
متى بيصير بيني وبين مهرة نفس الشي.!!!..
ذكرى سعاد خلتني ساكت معظم الوقت...
طلعت من مبزره وانا متظايق اضعاف..
الرحلة اللي المفروض منها تكون مريحه وحلوه طلعت فاشله...!!!..
احين وين اوديها..!!!..
ناصر: عرفت وين اوديج...
مهرة: وين...
ناصر: بتشوفين... والا اقولج..مابوديج..
مهرة: هههههههههههههههههههههههههههههه...
ابتسمت وانا اسمع ضحكة مهرة اللي شكلها (ولدهشتي).. طالعه من الخاطر...!!!
التفت لها مستغرب...وفي نفس الوقت مب قادراقاوم الابتسام...شكلها يجنن وهي تظحك جي بدون هموم...
فادتها القعده عند اهلها ريحت اعصابها شوي...
ناصر: شفيج؟!..ليش تظحكين؟
سكتت مهرة من الضحك واكتفت بالابتسام...
مهرة: ناصر...ودني البيت احسن..
ناصر: ليش؟
مهرة: مبتلش فيني تراك مب عارف وين توديني..!!!..
ناصر: ترا مبزره زحمه... فكرت بحديقه المطار بس بعيده.... وعقب فكرت اوديج المزرعه...بس قلت ماشي باقي وبيحل الليل... وباجر ترانا بنرد بوظبي...!!..
وسكت شوي وانا افكر...
ناصر: تبين السينما؟
مهرة: لا لا....مالي مزاج عالافلام... اقولك الصدق؟
ناصر: شو..؟!
مهرة: فيني رقاد....افضل اني اروح ارتاح في البيت...
صديت صوب مهرة...
وابتسمتلها ابتسامه...وحده من ابتساماتي اللي اتذكر انهن يذوبن حسب كلام البنات..!!!
ناصر: تشوفين عيوني؟!...من عيوني..
مهرة: يالله عاد...!!!!..
اطالعته اباستغراب هالمره...
ناصر: شو؟!
مهرة: لا اطالعني بهالنظره... ولا تبتسم جي..
ناصر: ليش؟!
صدت مهرة صوب الدريشه وهي تعقد يديها بظيج...
مهرة: نفس النظره والابتسامه اشوفها فويه كل واحد صايع في السوق...!!!!
سكت...
ماكان لي ويه اتكلم.... كان المفروض اعرف....مهرة غير عن البنات اللي كنت افتنهن بهالنظره وهالابتسامه...!!!!
قلت لها بصوت واطي...
ناصر: ماكان هذا قصدي.... وانا اشوف ان نروح البيت احسن...رحلة فاشله...
مهرة: احين بعد قول انيانا خربتها..!.
ناصر: انتي اصلا مالج مزاج للطلعه...
مهرة: انا اللي يمعت البتان في مبزره.... !... وانا اللي خليت حديقه المطار بعيده.....وانا اللي خليت الوقت مساء عشان تكنسل سيرة المزرعه صح؟!...
ناصر: جب...
مهرة: شووو جب بعد...!!!.. انته بس فالح ترد عليه...
ناصر: خلاص مهرة خلاص...سوري...
ماكان لي مزاج للظرابه بصراحه....
انا احس بشي ناقص بينا.... الجو متوتر...
وانا اعرف كيف اخوز هالتوتر بينا لكن الطريقه غير مسموحه لي مع مهرة...!!
وصلنا البيت.... خلينا الاغراض في السياره ونزلنا...
مهرة قعدت عند امايه ويدوه وميثا....
انا روحت سيده فوق... لاني حسيت بتعب مفاجئ ورغبة في النوم....
ماقدر ارقد الحين ادري عسب صلاة المغرب...لكني بنسدح عالاقل...
وفعلا...انسدحت...يمكن غفيت...لاني فزيت فجاه على صوت الباب ينفتح....
وكانت مهرة....
اطالعتني بتوتر..
مهرة: راقد.؟!
ناصر: انسدحت...مادري جان غفيت او لا ...
عقت مهرة شيلتها وعباتها....
تاملتها انا من مكاني بعد ما اعتدلت عالشبريه ويلست...
يلست مهرة جدام المنظره وفتحت شعرها المربوط...
شفتها تفرك فروه راسها...
ناصر: ماتحبين تربطين شعرج صح؟!
مهرة: هيه...يعورني يوم اربطه... فبيتنا كنت دايما افتحه..الا يوم اضطر اني اربطه...
ابتسمت...
احب اعرف تفاصيل صغيره عنها... نشت مهرة ادور شي في شنطتها الظاهر انها بتبدل ملابسها...
قمت انا بعد من الشبريه ووقفت عدالها..
ناصر: مهرة...
اعتدلت مهرة فوقفتها واطالعتني بتوتر....
ناصر: مهرة..احس انه فيه شي ناقص...
زاد استغراب مهرة..
مهرة: شو ناقص؟!
ناصر: انا.... انا فخاطري شي... بس ادريبج بترفضين..
مهرة: شو؟!
ناصر: شي مابيظرج صدقيني...لكنه عالاقل بيكسر التوتر هذا..
هزت مهرة راسها بتوتر..
مهرة: انا ..انا مب فاهمه انته شـــ...
قاطعتها..لكن مب بكلام... قاطعتها باني تقربت منها...ولويت عليها ...لكن مب بعنف عشان ماتخاف مني..
عمليا كانت بينا مسافه بسيطه...عشان اطمن مهرة من اني مب يالس اهاجمها او شي...
لكنه المسافه ماكانت تعني لي شي...
اهم شي مهرة...
مهرة فحظني... والاهم انها فوعيها..مب مغمى عليها كالعاده..!
كنت مصدومه...
شو قاعد يسوي هذا...
كانت ايدي على صدره...كنت بدفعه عني بقو..
لكن...
هديت لاني حسيت باحتضانه لي مايطلب شي غير الاحتضان نفسه...!!!!
سكت...
وسكت...
ومازلنا على حالنا.... غمضت عيني وانا احسب الدفا....
حسيت ان مشاعر غير مرغوبه بدت تتحرك في نفسي...
ليش يحتضني جي...!!!
مهرة: ناصر...!!!!
شد ناصر ايده اكثر...
ناصر: دقيقه بس...
دقيقه..!!!. وايد...
لكني صمدت... لين مافجني بروحه...بدون عنف ...
ابتعد عني لكن تمت ايده وحده ماسكه ويهي....يتامل فيني بنظرات غريبه....
مهرة: ليش سويت جي..!!
ناصر: كنت متظيج...
استغربت...
متظيج.!!! يقوم يسوي جي...
مهرة: شو؟!
ناصر: كنت احس انه سلامنا بارد... وانه في شي ناقص... ولهت عليج ياغبية...!!..
تراجعت وانا احس بويهي احمر وحار...
يعني يوم حضني ما استحيت على كثر ماخفت...بس احين استحيت بس...!!
امري غريب...
انا غبية...حتى فمشاعري غبية..!!!..
ناصر: همممم..انا بدش اتوضى...ماشي باقي عن الصلاة....
دخل ناصر الحمام وتركني اتامل في الهوا....
الهوا اللي ملا مكانه من بعده...
غمضت عيني بتعب.....
انا مرهقة...عشان جي كنت متساهله معاه....وعشان جي بعد حسيت بمشاعر غريبه مالها تفسير...
هالتصرف المفروض مايتكرر..!!!..
لازم اتاكد انه مايتكرر...
مشاعري قامت تخونني...
وهالشي مايعجبني ابدا....
يلست عالشبريه وانا احظن بجامه النوم ..اتريا ناصر يطلع من الحمام عشان ادخل ابدل...
ويوم طلع ناصر.. مسك الفوطه وابتسم وهويمش ويهه..ويديه..
ناصر: نسيت اقولج شي...
مهرة: شو؟
ناصر: كل اسبوع وانتي بخير.... اليوم كملنا اسبوع....
ابتسمت ابتسامه ساخره ونزلت راسي...
مهرة: وانته بخير...
ناصر: بترقدين عقب الصلاة؟
مهرة: هيه...
ناصر: مابتروغيني اليوم صح؟
ضحكت...
غصبن عني اضحك احيانا...
مهرة: ههههههههههههههههههههههههه....لا مابروغك....
ضحك ناصر بعد..
ناصر: زين..لاني انا بعد تعبان...
مسك سفرته وقعد يتسفر بسرعه بدون مايطالع المنظره..!!..احيانا استغرب منه...!
كيف يتسفر بدون مايشوفها في المنظره واخرشي تطلع حلوه..!!!...
ناصر: بروح المسيد....باي..
طلع ناصر من الغرفه وتركني....
تركني في غمره مشاعري الغريبه...
ليش سمحت له يضمني..!!!
ليش؟
يمكن لاني حسيت به مايقصد شي...
يمكن لاني حسيت به صادق ومحتاج هالشي..!!
يمكن لاني انا بغيت اجرب..!!!!
كل شي جايز..
بس اللي المفروض يصير....انه هالشي مايتكرر....
مشاركة: ::][مــــوعــــد مــع الـــســـــعـــادة][ :: قصه في منتهى الروعه
اليوم: الخميس..
المكان: بيت يابر...
الوقت: التاسعه مساءا..
----------------------------
(مبارك)....
تنهدت بظيج وانا اسمع قرقرة سيف على راسي....
سيف: ليش يعني؟!
مبارك: بس سيف ماشتهي عشا مب لازم اتعشى....
سيف: يعني من زود متنك..!!!
مبارك: مب سالفه وزن... ماشتهي..
سيف: انزين خلني انا اشتريلك وشوف تشتهي والا لا..
مبارك: والله ماتشتري...
سيف: اففف منك... انزين تعال اقعد وياناهني كلهم متيمعين..
مبارك: ويين؟
سيف: فميلس سالم الـ(...) .
مبارك: لالالالا...مافيني برقد..
سيف: احين؟!
مبارك: هيه..
سيف: والله انه فيكشي ...خلاص برايك...
مبارك: اووكي سواف..باي..
سيف: باي..
سكرت عنسيف وانا ابتسم... اللي فيني اختك... مب شي ثاني... هي السبب في اللي انا فيه...
ماقدرت الا اني اقارن...معاملتها الحين..ومعاملتها قبل...
ماقدر ابعد صورتها عن عيني وهي تقعد عدال ريلها...
حسيت انها تنتمي له...بشكل من الاشكال...!!!
معقوله..!!.. ماواحالهم..
بس شو كنت افكر... هذا ريلها... اكيد صار بالنسبه لها اقرب من نفسها لنفسها..
اكيد انها بتفضل تقعد عداله على انها تقعد عدال أي شخص ثاني...
وحركته اليوم قبل مايدخل الميلس...!!!.. ماطافتني...
اكيد مهره محتفظه بعقد الياسمين لين احين في ايدها...
غمضت عيني بقهر...
شو صاير فيني..!!!
ليش مب قادر اطلعها من بالي... ليش تهمني كل تصرفاتها..!! وكل اللي يصير وياها...!
لايكون بس حبيتها.!!
لالا مااعتقد... ماوصلت لهالدرجه...
انا بس مهتم...وهالاهتمام لازم انهيه الحين...
مايصير اتم جي مخلنها شغلي الشاغل...
والله لو مب الحرام جان تعرفت على غيرها عشان املي حياتي..وياكثرهن البنات اللي اشوفهن مبين من نظرتهن انهن يبن يتعرفن علي ...!!
لكني اطنشهن... صحيح انا عشت في بريطانيا...وصحيح انه حياتي كلها بين اجانب وفاصخين حيا...
لكن مع هذا تربيتي كانت شديده... انا عيني مليانه مب زايغه عالبنات لاني تعودت على الحياة معاهن...
واذا بتعرف على وحده بتعرف عليها غصبن عني لانها بتعجبني ومابقدر الا اني اعرفها..!!
لكن جذي لعب..!!..لا...
مالي هوس عليهن....
وعشان جي مب قادر املي مكان مهرة ببنت ثانيه...
ماعندي حد من اهلي بنت قريبه مني مثل مهرة....شيخه ماتستلطفني... مهرة وراحت..منو تم؟!
آآخ يالقهر...
مسكت تيلفوني واتصلت بسيف...
سيف: هاااه مارقدت..
مبارك: غيرت راييي... بيت سالم أي منطقه...!!!..
سيف: ههههههه منطقة الـ (....)... بتينا الحين؟
مبارك: هيه..يوم بوصل هناك بتصلبك عشان ادليني...
سيف: تمام...باي
مبارك: باي..
طلعت من حجرتي بعد مابدلت ملابسي وانا مقرر اني اطلع مهرة من بالي نهائيا...
خلاص راحت علي...ذاك اول يوم كان الطريج مفتوح جدامي جرحت البنت ورفضت حبها لي...
الحين ييت اهتم فيها بعدما طلعتني من بالها وعرست؟!
صدق اني ماستحي على ويهي...!!!
