Follow along with the video below to see how to install our site as a web app on your home screen.
ملاحظة: This feature may not be available in some browsers.
أعضاء ملتقى الشعراء الذين لا يمكنهم تسجيل الدخول او لا يمكنهم تذكر كلمة المرور الخاصة بهم يمكنهم التواصل معنا من خلال خاصية اتصل بنا الموجودة في أسفل الملتقى، وتقديم ما يثبت لاستعادة كلمة المرور.
بعد ما خالد قال لساره ان محمد يبى الريم .. ساره مستانسه وايد لان الريم غاليه عليها واي شي يفرح بالريم اكيد بيفرح ساره ..
فهد يتريى ساره في السياره ..
ركبت ساره السياره والريم طبعا وراء
فهد يصد لساره : هلا والله
ساره برقه : اهلين
فهد : ها يا عمري شو الملجه
ساره : حلوه وعاديه بنفس الوقت لانه محد ياه ..
الريم : بس شفتي هند كيف متوتره
ساره : اكيد تتوتر ..اول مره سالم يدش ويشوفها ..
فهد : الله تذكرين يوم ملجتنا .. صح انج ما قصرتي ما عطيتيني ويه ..بس بعد الملجه حلوه لاني شفتج ياالقمر
ساره اونها استحت ..ا
الريم تضحك : ههههههههه عاد فهد ما ايووز عن طبعه
فهد يصد للريم : اوووه انتي من وين طلعتي ..نسيت اتحريتج مب موجوده ..خذت راحتي
الريم وساره : ههههههههههههههههههه
فهد وقف سيارته ..
ساره : ليش وقفت السياره
الريم وهي ماسكه قلبها : وويييييييييي لا تقول السياره اختربت ..واااااااا فضيحه
فهد : باسم الله على سيارتي ويا ويهج لا تفاولين عليها
الريم : عيل ليش وقفت
فهد بخبث: اقول انزلي شوي يالريم وانا باخذ لفه وبعدين بركبج
الريم عاقده حوايبها : وليش ان شاء الله
فهد : ابي شوي اتغزل في مرتي وانتي مخربه علينا .. بتغزل فيها شوي وبعدين باخذج شو رايج
ساره ابتسمت .
الريم : اقول فهود لا تتفلسف علينا اونك تطلع روميو على اخر زمانك.. تبى تتغزل في مرتك حبيبي اتغزل فيها بغرفتك لين ما تشبع
ساره ويها احمرر
فهد : ههههههههههههه .. ابي كل دقيقه من حياتي اتغزل في ساره .. الغاليه .. الحبيبيه .ال......
الريم : بس بس بس لا تكمل لا تنسى اني موجوده
فهد : اففففففففف مشكله
الريم : ههههههههههه
فهد معرووف باسلوبه الحلو ..وهو وايد يحب يتغشمر .. ومعرووف بقلبه الكبير الطيب والمسامح ..
اما هند فبدلت لبسها ..واتصلت في منى
منى : هلا بالعرووس
هند زعلانه : ما عليه يا منى ما بييه ملجتج
منى : خلا اول شي انخطب ..
هند : لا صدق زعلانه منج
منى : ليش بعد شو سويت
هند : يعني اونج ما تعرفين شو سويتي .. ليش ما ييتي اليوم ملجتي
منى وهي منقهره:: شو اسوي هالشيبه مرض اليوم وامي ما خلتني اطلع
هند مستغربه : منو الشيبه؟؟
منى : ابويه بعد منو
هند :حرام لا تقولين حق ابوج جي لا تنسين انه ابووج
منى : الله يخليج ولا مهتمه ..
هند : ليش بلاه
منى : ما ادري عنه ارتفع عنده السكري وطاح علينا وعاد امي مسويه مناحه .. وما خلتني اطلع .. قالت لازم اتم عند اخواني الصغار ..
هند : هيه صح نسيت انج اكبر وحده
منى : الحمد لله اني اكبر وحده ماعندي الا اخو واخت واثنينتهم بالابتدائيه ..احسن عسب محد يتحكم فيه
هند : اها يعني قصدج تاخذين راحتج بطلعاتج
منى : هيه حبيبتي لان الاخو وايد يتحكم ..
هند : حتى الابو يتحكم
منى : حسب مب الكل .. بالذات اذا كان كبير بالسن مب متفيج
هند : يعني انتي يا منى تقولين حق اهلج وين بتطلعين
منى : احيانا اطلع من دون ما اقولهم ..
هند : وما يقولون شي
منى : امي تعصب وتقول ليش ما تقوليلي بس انا اطنشها
هند : حرام هذيله اهلج
منى : الله يخليج .. لا تتفلسفين .. المهم شو كانت ملجتج
هند بدلع : حلوووه كافي اني واخيرا صرت لسالم
منى من دون نفس : يالله مبرووك
هند : الله يبارك فيج عقبااااااالج
منى : الله كريم حبيبتي ..
هند : اوووه بالخط الثاني سالم متصل انزين يا منى اخليج الحينه
منى : زين يالله باي
هند ردت على الخط الثاني
سالم : هلا والله بزوجتي
هند تضحك بدلع : وووييييي مره وحده زوجتك
سالم : هي مدام ملجنا يعني استويتي مرتي خلاص
هند استحت
سالم : اشحالج يا الغاليه
هند : بخير الله يسلمك انت جيف حالك
سالم : بخير يا عمري الصراحه يا هند ما توقعتج بهالحلاه ..
هند : اكيد لانك شايفني قبل بالشيله والعبايه
سالم : لا طلعتي مزيوونه
هند استحت : تسلم حتى انت حلو
سالم : والله مشكوووره
هند : واخيرا حلمنا تحقق
سالم : كنت اتريه هاليوم من زمان
هند : وانا بعد والله ..
سالم : يعني يا هند خلاص اقدر اطلع وياج صح نروح يا بعض المطعم والسناتر
هند : مممممم ماعرف بسال اهلي
سالم : شو بعد تسالين اهلج كلمتي انا اللي تمشي ..انا ريلج وكلمتي تمشي قبل اهلج
هند : هيه صح .. بس بشوفهم شو يقولون
سالم : يعني اتريه الرد منج
هند : ان شا ءالله
سالم : زين حبيبتي اعرف انج تعبانه والوقت تاخر بخليج الحينه عسب ترتاحين وباجر ان شاء الله بكلمج
هند : ليش تو الناس توك اتصلت
سالم : ماعليه يا عمري اكلمج مره اليايه ان شاء الله ..
هند : خلاص ما عليه يالله تصبح على خير يا حبيبي
سالم : وانتي من اهله حبيبتي ..
هند وهي ماسكه التلفون ومستانسه لان حلمها واخير تحقق ..
#################################
وفي اليوم الثاني
ساره قامت قبل فهد .. وعلى طول راحت عند الريم لانها فرصه تكلم الريم عن محمد
ساره راحت غرفة الريم وهي تدق الباب
الريم كانت واعيه بس تشوف التلفزيون
الريم راحت تفتح الباب ..وشافت ساره
الريم بابتسامه : هلا والله بمرت اخويه
ساره : هلا فيج .. شو لا يكون نايمه
الريم : لا واعيه .. من زمان ..( تاشر بايدينها ) تفضلي
ساره : دام فضلج حبيبتي
الريم: شو تريقتي
ساره : لا والله بعدني ما فطرت .. لاني اباج بسالفه ضروريه وما ابي فهد يعرف
الريم عاقده حوايبها : شو مستوي
ساره : مب مستوي الا الخير .. تعرفين محمد
الريم : اي محمد
ساره : محمد ربيع خالد
الريم قلبها دق : هيه بلاه
ساره : يفكر يخطب وحده
الريم وقفت : زين وانا شو دخلني
ساره انزين ليش وقفتي يلسي خلااكمل
الريم يلست ..
ساره : يفكر في وحده من زمااااااان ..
الريم : وبعدين
ساره : الريم بلا عبط يعني اونج ما فهمتيني
الريم : وانا شو دراني شو تبين تقولين .. واحد يفكر يخطب انزين وبعدين
ساره : محمد يا حبيبتي من زمان يحبج ويفكر يخطبج
الريم ماعرفت شو تسوي وشو تقول ويها استوى احمر واخضر : ها شوو منو انا
ساره : ههههههههههه .. بلاج ..
الريم : ساره لا تتغشمرين ويايه
ساره : والله ما اتغشمر .واتكلم وياج بكل جديه
الريم : يفكر يخطبني انا ..وانتي شو دراج
ساره : محمد كلم خالد .. وخالد قالي انا .. المهم هو يبى يعرف رايج اذا ما عندج مانع بييه يخطبج ..
الريم وقفت ويها احمر ..
ساره : وين بتروحين
الريم بخجل : ممما عرف بروح ..مم
ساره : انا اللي بطلع حبيبتي خذي راحتج ..وفكري عدل .. اذا موافقه عليه خلي اييه يخطبج ..
الريم منزله راسها ومستحيه
ساره قبل ما تروح صدت : ترى على فكره يالريم
الريم رفعت راسها ..
ساره : محمد ما يتعوض .. وهو معرووف من زمان ويا خالد ونعرف عنه كل شي ..
الريم ..ساكته
ساره بابتسامه : وانا متاكده انج بتوافقين ( غمزتلها ) صح
الريم صدت صوب ثاني وابتسمت
ساره طلعت من الغرفه وهي مستانسه للريم وايد ..
الريم لامه ايدينهاالاثنتين عند قلبها وبفرح تقول : معقوله يا محمد انت تباني وتفكر فيه .. يعني نفس الاحساس .. بس عمري ما توقعت انك بتخطبني .. توقعت بس اعجاب ..
فهد قام من رقاده ويوم يشوف السرير ما يشوف ساره
فهد وعيونه نص مفتوحه : وين ساره عيل
فهد راح يغسل ويه ..
ساره دخلت الغرفه
فهد طلع من الحمام : ساره حبيبتي وين كنتي
ساره : مممممممممم كنت عند الريم
فهد : ليش بلاها
ساره : ما فيها شي بس رحت اسولف وياها
فهد : وليش ماقومتيني
ساره : ما حبيت ازعجك
فهد اتقرب من ساره : ساره حبيبيتي
ساره : نعم
فهد : شو رايج اليوم نروح المزرعه
ساره مستغربه : المزرعه ..ليش عندك مزرعه
فهد : لا مب مزرعتي .. مزرعة الوالد الله يرحمه ومزرعة عمي
ساره : اها
فهد : شو رايج حبيتبي نروح هناك رووعه والله ما بتملين بتشوفين احلى شي
ساره : شو
فهد : الحصااان
ساره : عندك حصان
فهد : هي من زمان .. اموت فيه
ساره : والله انت تركب حصان شي حلو
فهد :الحصان ربيعي من زمان
ساره : شو اسمه
فهد : اسمه ( boss) ؟؟
ساره : بوس
فهد : هيه يعني الزعيم
ساره : شي حلو
فهد : هناك ما تملين شي حوض وانواع ثانيه من الحيوانات ..شو رايج انا وانتي والريم نروح
ساره: ممممممممممممم
فهد : يالله يا عمري ..
ساره : ليش لا ..خلا نشوف المزرعه والحصان ترى احب الحصان وايد
فهد : يعني نفس ريلج
ساره استحت : ..
فهد : عيل يالله نفطر ونروح هناك ..
ساره : الظهر .
فهد : ترى شي غرف في المزرعه يعني مثل الشاليه
ساره : اها اوكي عيل بروح اخبر الريم
فهد : يالله انا بترياج تحت عسب نفطر اوكي يا بعد هلي
ساره :اوكي
نوره تشوف عبدالله يقرى الجريده
نوره وهي يايبه كوب الحليب : الله الله على المثقف
عبدالله يبتسم : بعد ما تعرفين ريلج يحب يعرف الاخبار
نوره : زين عيل اسمع اخر اخباري
عبدالله يصد لنوره: اونه نوره يايبه اخبار .. يعني انتي استويتي اخبار متنقله
نوره : هههههههههههه ..زين شو رايك يا عمري اليوم نعزم امك وابوك واختك على الغدى برع في احلى المطاعم
عبدالله :يا سلااام فكره حلوه .. بس صعبه اختي مريم اتيه ..لانها في بوظبي ويبالها وقت لين اتيه
نوره: مممممممممم زين عيل بنخلي العزيمه على العشاء ..
عبد الله : خلاص ولا يهمج
نوره : عيل روح اتصل في اختك عسب تعزمها
عبدالله : لا يا عمري انتي صاحبة هالفكره يعني انتي اللي لازم تعزيمينهم ..عسب يعرفون ان زوجتي الحبيبه تفكر فيهم
نوره : اونه
عبدالله : فديت نوره اللي تفكر باهلي
نوره : ترى اهلك هم اهلي
عبدلله : فديييييييتج والله ..
نوره: عبدالله بس عاد
عبدالله: اونها استحت
نوره: وليش ما استحي
عبداللخ : خلاص انا ريلج لازم ما تستحين
نوره : حتى لو ريلي بعد استحي ..
عبدالله : زين عيل روحي اتصلي في مريم اختي ومره وحده بنخبر امايه وابوي على العزيمه ..
نوره : اوكي
##################################
هند وهي تفطر راحت عند امها
هند : امايه بقولج شي
الام : شو بغيتي
هند : الصراحه سالم البارحه قالي انه يبى يطلع ويايه
الام عاقده حياتها : اليوم
هند : هي ليش لاء
الام : ماعرف لازم اكلم ابوج واخوج
هند : وليش اخويه .. الاهم ابويه
الام : مب حلوه نسوي شي بدون ما يعرف
هند : ما بي تقولين لخالد
خالد طلع من الغرفه وراح يحب راس امه : صبحج الله بالخير يا امايه الغاليه
الام : صبحك الله بالنور حبيبي
خالد : ها يالعروس شو اخبارج
هند بدلع : اخباري ميه بميه بخير الحمد لله
الام : خالد
خالد توه يالس ويصب الحليب : هلا امايه
الام :: سالم يبى يطلع مع هند اليوم
خالد هد فلاس الحليب : شووو
هند : هيه يبى يطلع ويايه ..وهالشي مب غريب لا تنسى انه ريلي
خالد :توكم مالجين ..وبعدين اذا يبى يطلع وياكم ..لازم على الاقل حد يكون موجود اخته ولا اي حد
هند بعصبيه : ليش ان شاء الله طالعه مع واحد غريب .. وبعدين ليش نوره خليتها تطلع مع عبدالله
خالد : الصراحه عبدالله ما يتقارن مع سالم ..عبدالله معرووف باخلاقه ودينه ..اما سالم فما سمعنا شي طيب
هند وصلت حدها : والله هالشي ما يخصه بسالفتنا ..وبعدين سالم تاب عن هالسوالف ..واغلبية الشباب قبل الزواج جي واخس يمكن بعد
خالد : المهم انا واحد ما اثق في سالم
الام : ما عليه يا خالد خلهم مب كل يوم بيطلعون
خالد : امايه هذا سالم ما داش خاطري والصراحه ما احب يطلع ويا هند بروحهم
هند : بس نحن مالجين يعني حلال وعادي
خالد : حلال صح .. بس مب عادي عندي ما اثق فيه هند وقفت من مكانها ودموعها اربع اربع : انت دوم جي تفرق بيني وبين نوره كل شي لنوره عادي وانا لا ..
راحت هند تصيح بغرفتها ..وهي تصيح
الام : لا حول ولا قوه الا بالله..ما عليه يا خالد خلهم يطلعون ..
خالد : امايه هند صغيره بعدها ماتعرف بين الصح والغلط واخاف اذا خليتهم بروحهم سالم يقص عليها ووو ( نزل راسه خالد استحى يقول جدام امه باللي يقصده ))
الام : هي صح صغيره بس ما اتوقع لهالدرجه ساذجه وماتفرق بين الصح والغلط
خالد : ماعرف شو اقول بس انا مب مرتاح من سالم واذا يبون يطلعون بروحهم يطلعون بعد العرس .
.الام : وهند شو نقولها ما فينا على حشرتها ..المشكله انك خليت نوره وهالشي اللي يخليها تحس بالفرق
خالد : امايه عبدالله غير وسالم غير
الام : ماعليه خلها مره بالاسبوع وساعتين بس اوكي
خالد : مب المشكله بالساعات .. ما ابيهم يطلعون ويا بعض بروحهم
الام : ماعليه خلهم يطلعون ..الا هي ايام وترى عرسها ان شاء الله جريب ..
خالد وقف : خلاص سوو اللي تبونه
الام : ما تريقت يا خالد
خالد : سدت نفسي هالبنت
الام : عسى الله يهديكم ويسعدكم ..
ساره وهي تجهز الاغراض عسب المزرعه
فهد : ها يا عمري جهزتي الاغراض
ساره : ليش نحن بنام هناك
فهد : تبين هالشي
ساره : لا .. بس جي أسال
فهد : على هواج يا عمري .. بس نحن بنروح اليوم لين المساء .. شو رايج
ساره : اوكي
فهد : اقول يا بعد هلي جهزي ملابس السباحه
ساره رفعت راسها : بتسبح هناك
فهد : افا عليج تبين اودر الحوض الغاوي
ساره : اوكي .. بس ماعرف وين ملابسك
فهد : بالكبت باخر السده
ساره : اوكي
الريم تدق الباب : ادخل
فهد : حياج يالريم
\الريم : اقول ساروه شو رايج نييب انواع الحلويات هناك
فهد : ليش حد قال انا بنتم هناك اسبوع \
الريم : ماتعرف اني اموت على الحلويات
ساره : انا جهزت كل شي ..
الريم : يالله بسرعه ما عندي صبر
فهد : حشى حشى هذا وانتي رايحه قبل وجي عيل ساره حبيبتي شو تقول
الريم : اكيد بتحب هالمكان
ساره : والله حمستوني ارووح ..وانتي يا الريم ما عندج حصان
الريم : مممممممم لا .. اخاف اركب الحصان مع اني احبهم
فهد :يالله انا جهزت كل شي .. يالله نروووح
ساره وهي مبنده الشنطه .. : يالله
*************************
خالد يتصل في نوره ..
نوره : هلا اخويه
خالد : شحالج اختي
نوره : بخير مدامك بخير
خالد : اقول اختي اتصلي في ساره . ترى ربيعي محمد ذابحني يبى يعرف ردها
نوره : خلاص الحينه بتصل فيها وبرد عليك
خالد : اترياج يا عمري .. اقول اقول نوره
نوره : هلا
خالد : سلمي عليها
نوره عصبت : خالد هالكلام قبل ما ساره تزوج ... قبل يمكن اسلم عليها .. بس الحينه اسمحلي مب حلوه
خالد : والله انا ما اعتبر انها متزوجه
نوره : انت ما تعتبر هالشي يمكن .. بس الواقع يا خالد يقول انها متزوجه وما ابيك تزعل مني بس الصراحه استحي اقول ان خالد يسلمج عليج ..
خالد تضايق: زين زين ما ابيج تسلمين عليها .. المهم
قوليلي رد الريم اوكي
نوره : اوكي اخويه
نوره اتصلت في ساره
ساره وهي تقفل باب غرفتها
نوره : شحالج يا بنت خالتي
ساره : بخير الله يسلمج وانتي شحالج
نوره : شو تسوين
ساره : والله بطلع الحينه
نوره تشوف الساعه .. : الحينه الظهر وين بتروحين
ساره : نبى نروح المزرعه فهد والريم بالسياره يتريوني
نوره : كشخه .. احب المزرعه
ساره : يالله حياج الله
نوره : الله يحييج تسلمين .. المهم ما بطول عليج بختصر لج .. شو قلتي حق الريم
ساره : هيه قلت لها ..
نوره : والله شو قالت
ساره : استحت وما قالت شي .. والسكوت علامة الرضا
نوره : والله زين الحمد لله .. تستاهل الريم ..عيل بروح اتصل في خالد عسب يبشر ربيعه محمد
ساره : ..يالله ان شاء الله نسمع اخبار حلوه عنهم ..
نوره : ان شا ء الله ..زين حبيبتي يالله مشكوووره ..
ساره : العفو حبيبتي .. مع السلامه ..
نوره اتصلت في خالد وقالت ان الريم مب مخطوبه وهي متقبله محمد ..استانس خالد وايد وعلى طول اتصل في محمد
محمد توه طالع من السباحه ورد
محمد : هلا والله بخالد
خالد : هلا فيك يا محمد شخبارك
محمد : بخير الحمد لله.. شكلك تبى تقول شي ..
خالد يقص عليه : عندي لك خبر بس حزين
محمد : شو مستوي
خالد : ساره قالت حق الريم ..عنك
محمد وهو متحمس : ها شو قالت
خالد : للاسف طلعت البنت مخطوبه
محمد فتح عيونه : احلف والله .. لااااااااااااااا تقول
خالد : هيه صدق
محمد خلاص قلبه شوي بيوقف ..ما قال شي
خالد : محمد محمد وينك
محمد من غير نفس : يعني ما باخذ الريم
خالد : وبقولك شي ثاني بعد
محمد : شوو بعد
خالد : صااادووووووووووووووه
محمد : يعني تقص عليه .. ولد الذين .. طيحت قلبي
خالد : هههههههههههههههه
محمد : ها قول شو ردها بسرعه ترى قلبي بيوقف
خالد : يوم ساره قالت حق الريم الريم ما قالت شي .. سكتت .. والسكوت علامة الرضا
محمد : يعني سكوتها دليل انها تباني
خالد : لانه لو مب موافقه بتعصب او بتقول في الويه انها ما تباك بس مدام سكتت يعني شي تقبل
محمد والابتسامه شاقه حلجه : والله يعني اقدر الحينه اخطبها الحمد لله
خالد : عاد امك كيف بتقنعها
محمد : بسوي المستحيل عسب توافق
خالد : الله يسرك امورك يا محمد وين ما تكون
محمد : تسلم تسلم يا خالد ما قصرت ..
خالد : افا عليك ..ما سوينا شي .. انت غالي علينا وسعادتك تهمنا
محمد : والله مستحيل انسى فضلك
خالد : يالله خل عنك هالرسميات وروح اقنع امك
محمد : ان شا ءالله .. يالله مشكور مره ثانيه ومع السلامه
خالد : في امان الله
خالد توه صك من محمد وهو يكلم نفسه (( والله تستاهل كل خير يا محمد ..وعسى الله يهنيك ))
###########################
ساره وفهد والريم وصلو المزرعه
فهد وهو ينزل الاغراض
ساره توها نازله من السياره..
فهد : ها حبيبتي شو رايج في المزرعه
ساره وهي تشوف المزرعه : وااااااااااااااو حلوه وايد ماشا ءالله عوده
الريم : هي هالمزرعه وايد واسعه انتي ما شفتي من داخل كيف فخمه
فهد : تعالي يا عمري عسب اراويج حصاني بوس
ساره بابتسامه : يالله
فهد راح عند حصانه ..والحصان كان بلون البني ..
فهد : شو رايج
ساره : الله روعه
فهد : هذا ربيع الطفوله .. اموت عليه ..شو رايج ساره تركبين الخيل الغاوي
ساره ترد وراء : لا لا اخاف اطيح
فهد : وانا بعد ما بخليج تركبينه اخاف يا عمري اطيحين باسم الله عليج .. ولاني ( تقرب من ساره وبصوت واطي ) اغار عليج حتى من الحصان ما ابيج تلمسينه
ساره استحت : فهد بسك عاد
الريم : انتو شو تقولون
فهد : اووووووووووه بعد انتي هني.. يعني ما اخذ راحتي
الريم تضحك : هههههههههههههه
فهد : ما اقول شي بس ابي اركب الحصان الحينه
الريم : تو الناس توك ياي اصبر على الاقل نتغدى وبعدين اركب الحصان
فهد : وبعدين بسبح بالحوض يا سلااااام
ساره : ونحن ان شاء الله يايين شو نسوي
فهد : شي غرف هناك شي تلفزيون واللي تبونه
ساره عاده حياتها : يعني في البيت ما شي تلفزيون
فهد : ترى اقولج اركبي الخيل تقولين اخاف ..زين تبين تسبحين في الحوض ..
ساره ويها احمر وراحت عن فهد : لا طبعا
فهد : ههههههههههههه فديت عمرج والله استحيتي تعالي وين بتروحين
الريم : خلو عنكم هالرمسه . ترى انا يووعانه حدي
ساره ابتسمت : ذكرتيني في اخوج في السفر اربع وعشرين ساعه يوعان
فهد : استري علينا
ساره : هههههههههههه
بعد ما تغدو ..
الريم : الله من زمان ما تغديت في المزرعه ..شو فو الجو محلاته..
ساره وهي تشوف المزرعه : ماشاء الله كل شي موجود انوا ع من الحيوانات
فهد : بعدج ما شفتي شي ..بوديج كل الاماكن في المزرعه
فهد وقف: يالله عن اذنكم
الريم : وين بتروح
فهد : بروح عند الخيل العزيز
الريم : توك ماكل يا فهد .. على طول تركب الخيل مب زين
فهد : متفيج اتريه
الريم : زين شوي شوي تراك من مده ما ركبت الحصان يمكن مب متعود عليه ..
فهد : افا عليج .. boss متعود عليه
ساره : الحينه الحصان استوى الزعيم
فهد : افا عليج يا عمري .. هذا الزعيم ونص انتي شو في كيف يربع ( يركض))
الريم : زين اتريى نحن بنييه وياك نبى نشوف
فهد : يالله بسرعه
فهد وهو على الحصان ومستانس والحصان بالبدايه كان يمشي ..
ساره والريم واقفين برع الحاجز : ها شو رايج في المزرعه
ساره : والله وناسه ..اقول انتي ليش ما تركبين الحصان
الريم : اخاف اطيح ..
فهد وهو راكب الحصان : شوفي شو بسوي الحينه
الريم : شوو
فهد : شوفو حصاني العزيز كيف بيربع ( يركض) وبخليه ينقز بين الحواجز ..
الريم : لا يا فهد .. من زمان ما ركبت الحصان .. لازم على الاقل يدرب ..
فهد : افا عليج هذا البوووس
حسان فهد ينقز بين الحواجز وفهد مع الحصان كانه حد من الفرسان ..
فهد يحك ايده : يييييييييييهه هووووووووووو واااااااااااااااو
الريم : تخبل اخويه
ساره : ههههههههههههه
الحصان وهو يناقز بين الحواجز ولا فــجــــأه
حصانه يتخرطف باحد من الحواجز ويطيح وفهد معاااه وفهد طاح على ايده اليمنى
الريم : يمه اخووووويه
ساره مسكت قلبها : فهد
الريم وساره ركضو عند فهد
وفهد طايح على الارض وماسك ايده
الريم : فهد فهد بلاك
فهد يتويع : اخ اخ ايدي
ساره : بلاك فهد
فهد : ايدي اليمنى تعورني وايد
فهد مغمض عيونه ويتويع
ساره : فهد قوم خلا نوديك المستشفى بسرعه
فهد فاتح عيونه : ليش تخافين عليه ..يا سلااااام واخيرا
ساره : صدق متفيج فهد بلا هالحركات الحينه يالله
فهد : اخخخخخخخخ زين ساعدوني
الريم تمد ايدها :امسك ايدي
فهد : ما اقدر باليمنى
الريم : زين هات ايديك اليسرى ..
الريم وهي تساعد اخوها على الوقفه ..
الريم تصد لساره: ساره تعرفين تسوقين صح
ساره : هيه
الريم : يالله نوديه المستشفى
فهد : ليش اقدر اسووق
الريم : صعب تسوق بايد وحده وبعدين انت متعود على الايد اليمنى
ساره وهي راكبه السياره : يالله بسرعه
فهد ماسك ايده وهو يتالم بس بصمت ..
الريم : الله يهديك يا فهد قلت لك الحصان مب متعود على هالاشياء
ساره : الريم مب وقته ..
ساره ودت فهد على اقرب مستشفى
شو اللي بيصير بفهد وساره .؟؟؟
وام محمد هل راح توافق على الريم ؟؟
وشو اللي بيصيرفي ملجة هند ؟؟
~~~~~~~~~~
خيتووو صج قصة متكاملة من حب من طرف واحد وحب من طرفين
ولعب على الحبلين وقصة الحمل وخوفه يعني خليط من مشاكل تعاني
منها بعض الفتيات بس اللي ماعجبني هو بلجيكا وفرنسا ياعيني صج تأليف
توقعت عند دخولي تكملت الاجزاء ولكن للاسف مالقيت
ياالله ان شاء الله نشوف التكلمة الحلووة والنهاية السعيدة
[glint]توقعاتي لاحداث هذه القصه :[/glint]
) الحمل = سيكون هنالك تأخير يا لسبب موجود في عبدالله او مشيئة رب العالمين
2) فهد = اتوقع وفــاتـــه
3) محمد + الريم = زواج سعيد بس مشاكل مع العمة الا وهي اl محمد
4) خالد + سارة= برجعون الى بعض بالتأكيد وانجاب طفل
5) هند = الندم اللي راح يعذبها
6) سالم = بحب هند بجنووون
7) ام خالد = بتصير جدة
والنهاية سعيدة بكل تأكيد اما عن صديقة السوء منى فاتوقع انها ستنال عذاب
من الدنيا ..
وكانت توقعاتي للقصه واحداثها واتمنى تكون مخيلتي قد ماتوقعت كاتبة القصه وكتبت
بعد طيحة فهد من الحصان ساره ودته على اقرب مستشفى ويوم وصولو راحو عند الدكتور
الدكتور يفحص على ايد فهد ..
وفهد يتويع بصمت .
ساره والريم واقفين ويشوفون شو يقول الدكتور
الريم : ها بشر يا دكتور ان شاء الله ما فيه شي ..
الدكتور : فيه شرخ بايده اليمنى والحمد لله ما وصل للكسر
فهد يضحك : شفتو عضلاتي حمتني
الريم وساره يبتسمون ..
الدكتور : بس لازم يجبسون ايده
ساره مستغربه : بس انت تقول انه ما فيه كسر ليش الجبس
الدكتور: صح بس الشرخ مب شي عادي يعني مؤلم واذا ما خليناله جبس يمكن يحرك ايده وبهالطريقه راح يزيد عليه
فهد : اخخخخخخخخخخ ما احب الجبس احس كاني مسجون ما اخذ راحتي
الريم : اهم شي صحتك يا فهد
فهد يأشر على ظهره : دكتور الصراحه احس بآلام بظهري
الدكتور : اكيد لانك طحت من الخيل يعني مكان مرتفع ويمكن الألم يتم عندك كم يوم وان شاء الله بتخف وانا بعطيك مسكنات عسب ما تحس بشي ان شاء الله ..واذا زاد عليك العوار بظهرك او بايدك تقدر تراجعني ..المهم ( ياشر بصبعه ) ترتاح كم يوم على الشبريه عسب عوار الظهر
فهد : يعني مثل الحوامل اطلع
الدكتوروساره والريم : ههههههههههههه
الدكتور يبتسم : تقدر تقول جي
فهد : عيل خلاص الحينه بيجبسون ايدي واقدر اترخص صح دكتور
دكتور : هيه تقدر تتفضل
بعد ما جبسو ايد فهد اليمنى
فهد وقف: مشكووور دكتور ما قصرت .
الدكتور بابتسامه : واجبني يا اخويه
ساره راحت تسوق سيارة فهد البورش
ساره : الصراحه يا فهد ماعرف اسوق سيارتك
فهد : ليش لانها كشخخه يعني
ساره تشوفها بنظره حقد: جي حد قالك اني ما شايفه خير
فهد : لا افا عليج يا عمري لج الحشيمه بس ليش
ساره : لانها سبورت ومب متعوده اسوق هالسيايير.. احس شكلي غلط
الريم : يمكن لانج تعودتي على سيارتج عسب جي
ساره : يمكن
الريم : اذا تبين انا بسوق عادي ما فينا كنا اليوم نروح المستشفى
ساره تصد وراء : شو قصدج يا الريم
الريم بخبث: قصدي تسوين حادث والكل بصوب بالمستشفى
ساره ماسكه المفتاح : جنكم اليوم تبون تحطون عليه
فهد : هههههههههه .. لا فديتج ..افا زعل العالم كله ولا زعل نور عيني يا بعد هلي
الريم : بدى روميو زمانه
فهد : ههههههههههههه ..
ساره وهي تسوق .. ساره تصد لفهد ..تصدق يا فهد جنك حسدت حصانك بوس بوس واخر شي اثنينتكم طحتو
الريم : ههههههههههههه هي والله
فهد : من عيونكم حسدتو حصاني .. عاد قولو انه بخاطركم تركبونه ..صكيتوني بعين ..
الريم : والله كان بخاطري اركبه بس ما حسدتك
ساره : انا مالي خص ...بالسالفه
فهد : وقت الشده الكل يشرد ..
ساره والريم : هههههههههههههههه
فهد : زين جي الحينه لا اقدر اسوق مثل قبل ولا اكل ..لاني متعود بايد اليمنى اكثر
ساره تصد : وليش باليسرى
فهد :الصراحه ابد مب متعود على اليسرى حبيبتي اليمنى هي البركه
الريم : هيه والله .. افا عليك اخويه اي شي تبى نحن حاضرين واكيد حبيبتك ساره ما بتقصر ( تغمز لساره ) صح يا مرت اخويه
ساره ارتبكت واستحت : ها ..ممم اكيد
فهد بخاطره (( والله فرصه العب لعبتي هالايام . وهالشي على صالحي ..صح اني قاعد اتعور بس بحنان ساره كل شي بيروح وبيخف .. ))
الريم : شو رايكم نروح ناخذلنا اكل شوفو ساعه كم الحينه ولا تغدينا بيستوي المغرب
ساره : يعني مره وحده عشى ومره وحده غدى
الريم : هيه ..بناخذ take away
فهد : احسن ما ابي اروح المطاعم وايدي مجبسه
الريم تفكر : شو ناخذ الاكل وبناكل في البيت
فهد : شو رايكم مشكل يعني من كباب وعرايس وتكه وكل شي مشكل
ساره : فكره
الريم : يا سلاااام يالله صدق يوعانه
ساره : يالله قبل ما تاكلينا
ساره والريم وفهد وصلو البيت ومعاهم الاكل
الريم ماسكه اكياس الاكل: شو ناكل ويا بعض
فهد : لا انا باكل بغرفتي ابي اتساند على الشبريه الصراحه ظهري وايد يعورني
الريم : هيه صح الدكتور قالك هالشي
فهد شوي يحس بالعوار وطبعا هو ماقال بس شكله يبين ..
ساره لاحظت هالشي
الريم : بلاك اخويه
فهد : ما فيني شي
الريم : مبين من شكلك انك تتويع
فهد : شوي ايدي تعورني وهالشي عادي
سار ه: زين روح غرفتك ونحن بنييب الاكل هناك
فهد : خلاص اوكي ..
فهد تساند على الشبريه ..
الريم وهي اطلع الاكل : ها ساره خذي هذا اكلكم
ساره : ما بتين يالريم
الريم : لا حبيبتي روحي دلعي ريلج ..اكيد اذا دخلت بيكفخني
ساره : ما تيوزين انتي عن طبعج
الريم : ههههههههههههه
ساره : بييه هاليوم اللي العوزج ان شاء الله وما بقصر ..بالذات اذا كان الحبيب محمد
الريم وهيا احمر : ساره لا تحرجيني
ساره : ترضين تحطين عليه ويوم انا العوزج ما تبين
الريم : ممممممممممم .. انا عادي احط عليج انتي لا انا استحي
ساره عاقده حواجبها : ليش حد قالج ان ويهي لوح زين انا بعد استحي
الريم : زين زين روحي عند فهووودي اخويه حرام اكيد ميت من اليوع
ساره : زين
ساره دخلت على فهد ومعاها الاكل وشافته متساند على السرير وحاط راسه على المخده ..
فهد : ها يبتي العشاء
ساره : هيه ..شو بتاكل على الشبريه
فهد : هيه والله احس بعوار ..
ساره يلست على الشبريه بس شوي بعيده عنه ويابتله العشاء ..: تفضل هذا اكلك
فهد بدت حركاته : شو لا يكون بتحطين العشاء هني وبتروحين
ساره : ما بروح مكان انا باكل على الكرسي
فهد : وانا منو ياكلني
ساره : كل بروحك
فهد : تعرفين يا ساره اني ما اكل الا باليد اليمنى وماعرف باليسرى وحتى لو اعرف ما احب اكل باليسرى ..
ساره رافعه حوايبها : والقصد يا فهد
فهد : يعني لازم تفهمينها يا عمري يرضيج ريلج ما يقدر ياكل واطنشينه .. يعني لازم تاكلينه
ساره فتحت عيونها : شو ووو لا ما ابي
فهد : عيل خلاص ما ابي اكل بنام
ساره : بس انت مب ماكل شي من الصبح
فهد : بعد شو اسوي ما اعرف اكل باليسار ..مدام مرتي ما تاكلني
ساره صاده صوب الثاني : بس
فهد : انتي يا حبي ما بتاكليني بايديج ..بتاكليني بالشوكه يعني عادي
ساره تشوف فهد وتقول بخاطرها ( صح حرام يحليله ايدي تعوره )) : زين بس اليوم
فهد بابتسامه : خلا يعدي هاليوم بس
ساره وهي تقطع الكباب صغار صغار وهي مستحيه منزله راسها وفهد يضحك بخاطره ويقول لخاطره (( والله لا اطلع قهري ما ل شهر العسل اليوم يا ساره عيل انا معرس يديد وما تاكليني ومطنشتني انا براويج ))
ساره ويها محمر ماده الشوكه تبى تاكل فهد ..
فهد ياكل وهو يشوف ساره كيف مستحيه
فهد بعد ما كل اونه يكح : ابي ماي
ساره يابتله ماي ..فهد : زين شربيني وكملي جميلج
ساره وهي تشربه فهد يبى يستغل الفرصه ولمس ايد ساره اونه يبى يعدل الكوب ..
ساره من التوتر تبى تهد ايدها ولا ما مسكت الكوب . حتى فهد ما مسك الكوب لانه كان ماسك ايد ساره ..ولا ينصب على فهد الماي ..على ملابسه
فهد فاتح عيونه : وييييييييييييييييي ماي بارد انصب عليه
ساره ميوده بطنها من الضحك : هههههههههههههههههههههههههههههههههههههههههههههههههه ه
فهد : بدل ما تضحكين ييبي فوطه نظفي حرام عليج يا المجرمه الماي بارد
ساره بخبث: احسن عسب مره ثانيه تيوز عن طبعك يا فهد
فهد : زين شو سيوت انا
ساره : اوني ماعرف حركاتك
فهد : زين يا عمري ارحميني الماي وصل لين السرير حرام عليج
ساره : تستاهل ..
فهد : ساروووه ترى هاي شبريتج ( السرير ) بعدين ما بترقيدن
ساره : هي والله تعال وانت ليش نايم على سريري
فهد : صج متفيجه ساروووه الماي خلاص اتسرب بداخلي
ساره تضحك ...
ساره يابت الفوطه : تفضل نظف ولا بعد ما تقدر تنظف باليسار
فهد : ياريت ايديني الثنتين تكسرو عسب تخدميني بكل شي
ساره تشوف فهد بنظرة حقد بس بالغشمره ..
فهد بعد ما كل : مشكوووره يا بعد هلي ما قصرتي ..
ساره : العفو يا فهد
ساره وهي تشل الاكل ..
الريم دخلت : مرحبا يا حلوين
فهد : هلا والله بالريمان
الريم : هلا باخويه ..ها كلت
فهد : لا ما كلت
ساره صدت وفتحت عيونها
الريم : ليش
فهد : من الصبح اقول حق ساره اكليني وهي مطنشتني
الريم تصد لساره : افا يا ساره
ساره تراوي الريم صحن فهد : وان شاء الله هذا منو اللي خصله
فهد : انتي
ساره عصبت : فهد والله لا اصب مره ثانيه عليك الماي وهالمره بييب ماي مثلج
فهد :ههههههههههههههههههه
ساره تصد للريم : تعرفين اخوج هو والجذب اخوان والله اكلته ..وما خلا شي بصحنه
الريم : ادري ان ساره مستحيل تقصر باخويه ..
ساره : عاد هو ايي بعينه .. لا بعد يقول انا خلصت الاكل خيرا تعمل شرا تلقه
فهد ميت من الضحك على شكل ساره وهي معصبه : هههههههههههههههههههههههههه
الريم : مدام جي خلاص اطمنت على اخويه
فهد : مشكووره اختي ما قصرتي
ساره : ليش تو الناس يلسي
الريم : لا ما عليه ياساره بخليكم اكيد فهد يبى يرتاح .. ساره باتسامه : يالله نشوفج ان شاء الله
الريم : باااااي يا حلوين
فهد يحاول يقوم من السرير
ساره : على وين يا فهد
فهد : جهزي فراشي الله يخليج ابي انام
ساره : ليش
فهد : بعد ليش مكاني تحت على الارض ..
ساره : لا اليوم غير
فهد : والله
ساره : انت نام على السرير .وانا على الارض حرام انت تعبان ويمكن ماتاخذ راحتك على الارض
فهد : يا ويلي يا ويلي شو هالطيبه اليوم
ساره : بس لانك تعبان وايدك تعورك
فهد : لو ادري جي بيستوي جان من زماااااااااااا ن طيحت عمري
ساره وهي ماسكه اللحاف : عاد فهد وخبثه
فهد: ههههههههههههه
فهد وهو حاط راسه على المخده وصاك عيونه .حس بالالم مره ثانيه ..يمكن لان الطيحه كانت قويه وهو يتالم طبعا بصمت وساره شافت ملامحه وعرفت انه يتعور بس هو ما يقول ..وتقربت اكثر منه وهو طبعا صاك عيونه
ساره تبى تطمن على فهد وهي تشوفه
فهد فتح عيونه : شو يا القمر تحاتيني
ساره استحت توقعت انه نايم ..وهي تبى تروح ..فهد مسك ايدها بالقو ..
ففهد : يلسي شوي
ساره : ما ابي
فهد وهو ماسك ايدها سحبها بهدوء وخلاها تيلس عنده ..
فهد تقرب منها وايد لدرجه ان ما بينهم الا شبر.. وهو متقرب منها .وساره منزله راسها وتبى تروح بس طبعا مسكت فهد قويه ماسك جتفها بايده اليسرى
فهد بصوت واطي وكله حب وحنان ورقه : ساره انا احبج واعشق التراب اللي تمشين عليه .. ساره انا صدق محتاجلج ومحتاج لحنانج وحبج وابي رووحج ويايه قبل كل شي محتاجلج يا ساره
ساره وهي صاده راسها صوب ثاني : فهد فهد
فهد : لين متى يا ساره تطلبين مني ابتعد عنج .. ترى انا مستحمل هالشي عسبج .. ابي روحج تكون ويايه قبل كل شي ..
ساره : فهد ودرني الله يخليك ودرني
فهد هد ساره ..
ساره طلعت من الغرفه وهي ترتجف وحاطه راسها على الباب وقلبها يدق بسرعه
ساره : ياربي شو يالي ..يوم فهد تقرب مني حسيت اني ارتجف ونبضات قلبي تزيد ..
فهد يكلم نفسه : عندي امل ان ساره بتتغير وبتحبني ولو جزء بسيط ..
ساره ما قدرت تدخل الغرفه وايد كان متوتره ..
راحت الغرفه اللي عند غرفتها وكانت مفروشه وقررت تنام هناك
فهد كل دقيقه يشوف ساعته ووهو يكلم نفسه : وينها وين راحت ..
فهد راح يدورها... ويوم راح الغرفه اللي عند غرفته دخل الغرفه وشاف اضاءه خفيفه ويوم دخل شاف ساره نايمه على السرير بكل حلاه وبرائه ونص شعرها مغطي ويها الملاك
فهد بابتسامه : فديتج والله يا ساره .. والله احس اني مالك الدنيا بس يوم اشوفج ..
فهد رد غرفته وعنده امل انه ساره تحبه ..
اشواق وهي راكبه الطياره ويا اهلها وطبعا فاطمه عندها
اشواق : واخيرا واخيرا برد دبي ..يالله كيف مشتاقه لدبي وهلها
فاطمه تصد لاشواق : عاد عن الجذب اهلنا اغلبيتهم ويانا قولي مشتاقه لفهد
اشواق وهي تتنهد : كلمة الشووو ق شويه عليه .. ماتعرفين كيف سحرني هالانسان
فاطمه : والله انج قاصه على عمرح تفكرين في شخص ما يفكر فيج لا بعد في قلبه زوجته يعني وحده ثانيه
اشواق : ما عليه الاهم انا ابيه وبعدين يمكن بالايام اكون بقلبه
فاطمه : والله يوم اسمعج اشك انج بدوله خليجيه ومسلمه ..صدق حركات الاجانب هاي
اشواق : الحب ما يخصه بالاجانب حبيبتي
فاطمه : صح الحب ماله خص بس عاد مب بحركاتج تحبين واحد متزوج
اشواق : قلت لج بشوف حياتهم اذا شفت انهم مب بسعاده هني بتقرب منه .. عيل هالوسيم مب حرام ما يحصل الحب
فاطمه : وانتي شو دراج انه مب محصل الحب
اشواق : انا يا فاطمه يلست معاه بيوم واحد بس شكله والله بين لي انه منقهر بحياته بالذات يوم سالته عن ساره
فاطمه : زين عاد كيف بتعرفين اذا هو مستانس ولا لاء
اشواق تاشر بصبعها على عقلها : عاد هاي يبالها تفكير وتخطيط ..
فاطمه : الله يعينا والله انا ريلي ما بخليج تشوفينه اخاف تاخذينه ..ترى استويتي خطافة الرياييل
اشواق تشوف فاطمه بنظره حقد : فطوووم جنج تحطين عليه ..وبعدين من زين ريلج
فاطمه : وانتي شو درا ج بشكله ..يمكن اييلي واحد احلى من فهد
اشواق : لا لا مستحيل حد بجمال فهد ..اقولج انا عمري ما شفت حد بجماله
فاطمه : الله خلق فهد يقدر يخلق مثله واحسن
اشواق ما قالت شي.. بس اشواق مصممه على فهد وهي قالت انها بتورده يوم بتعرف انه سعيد بحياته ..
هند طبعا سهرانه لين الصبح مع سالم بالتلفون ..
وبعد ما امها وافقت انهم يطلعون بس مب اكثر من ساعتين
قررو انهم يتعشون برع ...
اما ساره فطلعت من الغرفه بحذر لانها تخاف الريم تشوفها وتشك بالسالفه وتسالها ..
ساره وهي داخله غرفتها وبعدها مستحيه
شافت فهد عند المنظره يسحي شعره ..
ساره استحت ودخلت الغرفه تبى تبدل ملابسها
فهد يصد لساره : صباح الخير يا اغلى انسانه بالوجود
ساره بخجل : صباح النور
فهد : ان شاء الله نمتي مرتاحه ..ترى اللي اعرفه اللي متعود على مكان ما يرتاح بمكان ثاني
ساره ما قالت شي .. ساره اطلع ملابسها ..
فهد وقف عند ساره : بس تصدقين انا البارحه كنت متضايج ..
ساره مطنشتنه ..
فهد : تعرفين ليش ..
ساره تسمع فهد بس اونها تبين العكس
فهد : البارحه ما قدرت انام .. لانه انفاسج ماكانت ويايه .. حتى لو كل واحد نايم مكان .... بس عاد الاهم انا نكون بمكان واحد ..
ساره ما تقول شي ..
فهد : ساره يا عمري .. ليش مستحيه ترى البارحه ما صار شي .. هذا كله لاني شوي تقربت منج ..
ساره وايد مستحيه يمكن اول مره فهد يتقرب منها بهالطريقه ..
فهد : خلاص يا عمري ارمسي .. ترى سكوتج يذبحني
فهد قال خاطره من عنده ..
* .. حبيبي تكلم وش فيك ساكت .. ترى سكوتك يعذبني
انا ما غلطت .كل اللي سويته اني عبرت عن حبي اللي بداخلي
وترى يا عمري ما شفت شي هذا جزء من اللي بقلبي
حبك عندي كل شي ووجودك عندي هو الامل اللي اعيشه
ساره ابتسمت : صباح الله خير وتقول خواطر
فهد : فدييييييييييييييت هالابتسامه .. هذا خرابيط ..يوم بكتب بكتب عدل .. اصلا انتي كل اشعاري
ساره : زين انا بنزل تحت . جنك اليوم ما بتخلص
فهد : انا لو بايديه جان صبحتج ومسيتج بغزل بس انتي اطنشيني
ساره : يالله بنزل
فهد : انا بعد بنزل عيل تخليني بروحي ..
ساره وفهد نازلين تحت
الريم : يالله ماشاء الله المعاريس قامو
فهد بابتسامه : هلا باختي صباح الخير
الريم: صباح النور ..ها شو حالك ان شاء الله احسن
فهد : والله الحمد لله الالم خف لازم مدام عندي هالملاك كيف تبيني اعاني
ساره ما قالت شي
الريم رايحه عند اخوها : يالله كيف اخويه رومانسي
فهد : افا عليج حد يكون عنده ( يشوف ساره ) هالقمر وما تبينه يكون رومانسي
الريم : يا بختج يا ساره باخويه
فهد : الله يخليج لا تحسدينا ..ترى والله مب ناقصين
الريم : هههههههههههههه ..بلاك خفت
ساره تبتسم
فهد : والله زين ان في حياتنا الحمد لله شوي تطور ومن عيونج كل شي يختفي
الريم حاطه ايدها على راس فهد : خمس وخميس تف تف تفتف تف
فهد : ايه بلاج استويتي عيوز انا قلت سوي هالخرابيط ..قولي ماشاء الله وبس هذا يكفي
الريم : ههههههههههههههههههه .. شو اسوي عسب ما احسدك
فهد : انتي قولي ماشاء الله بدل خمس وخميس مالج
الريم: ماشا ءالله لا اله الا الله ولا حول ولا قوه الا بالله
فهد يكلم ساره : ساره .. تشوفين ويهي مكتوب اذكار الصباح
ساره والريم : ههههههههههههههههههههههههههههه
ساره : ليش
فهد : قلت لها قولي ماشاء الله اشوفها تقول اذكار .. بعد زين حصلنا اجر من وراج ..خخخخخ
الريم : والله الحينه انااقول اذكار وانت تحصل اجر
فهد : ترى انا اللي ذكرتج .. والنبي صلى الله عليه وسلم قال الدال على الخير كفاعله
ساره : صح
الريم : بعد كلكم ضدي اليوم ..اقول روحو افطرو احسن
ساره : وانتي
الريم : تبوني يعني
ساره : هي اكلي اخوج ..
فهد يصد لساره وفاتح عيونه : وانتي
ساره عاقده حوايبها : ما ابي .. لعوزتي البارحه .. اعرف حركاتك
فهد : خخخخخخخخخخخخخخخ
الريم تشوفهم : شو سالفتكم
فهد : يا ربي بلاج ملقوفه اليوم ..سالفه بين زوج وزوجته لا تدخلين
الريم : عيل ما بأكلك
فهد : لا فديتج لا انتي ولا ساره عيل بموت يووع
الريم : زين عسب تعرف جيمتي
فهد : انتي الغاليه والحبيبه وكل شي بس يالله نفطر..
محمد يكلم خالد : زين وشو الحل يعني
خالد : يالله يا كثر ما تسال يعني لازم اقولك على كل صغيره وكبيره
محمد : ترى هالشي مهم ما فيه اغلط بشي وكل شي ينهدم
خالد : اتصل بشيخه اول شي وقوولهااذا امك سالتها خلا تنتبه وما تقول حتى لو اصرت عليها وبهالطريقه يوم امك بتعرف ان انت مالك دخل بسالفه .ما بتعارض على الريم واخر شي تقدر تتقدم للريم ..بس تبى توضيح اكثر
محمد : اخاف شيخه تعترف حق امي بعد اصرار
خالد معصب: انت دومك تفاول بالشر يا اخي تفاؤل بالخير
محمد : ماعرف اخاف ما تكون من نصيبي الريم
خالد بحزن : كل شي جايز .. عيل حد كان يتوقع بيوم من الايام ما اخذ ساره وما تكون لي بعد ما ربطت اسمي باسمها من الصغر .. وياريت لو اهلي كانو مختاريلي بقول عادي وبدور غيرها انا اللي اخترتها وحبها زاد مع العمر وانا اللي قلت لاهلي اني اباها يعني من اختياري ..واخر شي .... ( سكت ))
محمد : والله حاس فيك يا خالد واعرف ان هالشي وايد صعب عليك بس شو نقول هاي قسمة الله
خالد : بس انا عندي امل انها بتكون لي .
محمد : اي امل الله يهديك البنت تزوجت خلاص
خالد : هي لو متزوجه بس اكيد لين الحينه تحبني وفهد بيعرف هالشي وبينفصل عنها ونفتك منه
محمد : الله كريم يا خالد
خالد: المهم روح اتصل بشيخه وقولها .. عسب تكمل خطتك
محمد : خلاص بخليك الحنيه .. يالله اسمحلي يا خالد خالد : لا تكون مثل البنات اسمحلي واسمحلي نحن ربع واخوان وما بينه هالرسميات
محمد : ههههههههههه .. اوكي عيل يالله في امان الله
خالد : بحفظ الرحمن
خالد بعد ما صك من محمد تذكر ساره وايامهم وقلبه تقطع حسره وقهر مره ثانيه ..
محمد اتصل بشيخه
شيخه شافت الرقم واستغربت من اللي متصل
محمد : السلام عليج بنت عمي
شيخه عرفت صوت محمد : وعليكم السلام
محمد عرفتيني ولا
شيخه : هيه محمد صح
محمد : هيه محمد .. جيف حالج يا شيخه
شيخه : بخير ..
محمد : اكيد معصبه لاني اتصلت
شيخه : الصراحه هيه لاني مب متعوده اتكلم ويا واحد محمد : بس انا ولد عمج مب غريب
شيخه : بالاسلام تعتبر غريب يعني انت مب من محارمي
محمد : ادري والله بس متصل فيج عسب اقولج شي ضروري واصك
شيخه: خير يا محمد
محمد " الوالده قالت انها بتكلمج عني كلمتج ؟
شيخه استغربت : ما يت ولا كلمتني
محمد : يمكن انشغلت بس هي قالت بتكلمج لانها شاكه اني متفق وياج واخاف تحلفج ولا شي وتخليج ترمسين وعاد امي شو بيسكتها
شيخه : لا لا تحاتي انا قلت لك من البدايه اني ما بخبر
محمد : ادري فيج والله بس تعرفين امايه كيف تلح على الشخص
شيخه : بس انا مستحيل اقول شي .. تخيل اقول لامك نحن متفقين اصلا مب حلوه بحقنا
محمد : يعني اطمن
شيخه : انا وعدتك يا محمد .. وما بيصير الا الخير
محمد: طمنتيني والله ..واعرف اني ضايجتج باتصالي او بطلبي بس شو اسوي ما عندي حل ثاني
شيخه : عادي حصل خير
محمد : طيب بنت عمي اخليج الحينه ومشكوره على كل اللي سويتيه ومستحيل انسى جميلج ..ويالله مع السلامه
شيخه : مع السلامه يا محمد
محمد بعد ما صك من عند شيخه اطمن وايد ان مستحيل امهم تعرف بخطتهم وبهالطريقه بيسهل عليه يخطب حبيبته الريم ..
**********************************
هند وهي تجهز ملابسها تبى تطلع ويا سالم
هند فاتحه الكبت ( الخزانه ) وتكلم نفسها
هند : يا ربي شو البس شو البس
هند بعد تصميم اختارت بدله غاويه بلون الكحلي والسماوي ..
هند وهي تحط المكياج ..
خالد دخل عليها : ماشا ء الله شو هالكشخه كلها
هند وهي تتكشخ : بروح مع سالم
خالد : طبعا انا سمحت هالشي وما ابي تاخير ويا ويلج اذا تاخرتي بس عشاء وتردون فهمتي
هنج بقهر : زييييييين
خالد: وبعدين خلصتي المكياج كله اتغشي يوم بتنزلين
هند صدت لخالد : عاد خالد خلاص انا متزوجه يعني سالم لازم يتشرط مب انت
خالد بقهر وبعصبيه : عاد اذا ريلج ما يغار عليج وكان ديوووث انا اطلع مثله وبعدين حبيبتي انتي مدامج بهالبيت لو مالجه بعد بدخل ... ما ابي اختي تخترب اكثر ..
هند : يعني انا خربانه ..
خالد: بعدني ما شفت شي منج ولا اذا عرفت ان عندي اخت حركات جان من زمان ما شفتي الدنيا هاللي ناقص اتيه على اخر عمرنا اتيه وحده وتخرب سمعتنا..
هند وهي تفر المكياج : يعني لازم تخرب مزاجي اليوم يا خالد .دومك عليه والله مع نوره ما سويت شي .. اشك احيانا اني اختك
خالد : نوره عاقله حبيبتي وتفكر بعقلها قبل قلبها مب مثلج ..
هند : وبعدين يا خالد .. يمكن ارووح
خالد تقرب من هند: هند اختي انا ما احقد عليج بس والله اخاف عليج .. ترى البنت ما عندها الا سمعتها على الاقل الريال يشيل عيبه بس البنت خلاص تخرب سمعة العايله كلها ( وبصبعه ياشر) وانتبهي مب يقص عليج سالم بشي ثاني واكيد فاهمه قصدي ترى صح انتو مالجين ويحق له اشياء بس مب كل شي ترى ما تضمنين الدنيا يا هند وما تضمنين انج تكونين له للابد ترى بعدكم في الملجه لا تخربين على عمرج انتبهي وخذي نصيحتي يا هند ترى انا ريال وفاهم اكثر واعرف نص الشباب شو يفكرون واسمحيلي .. بس اكيد سالم من الشباب اللي في بالي وانا متاكد واعرف انج فاهمه قصدي عدل ..صح
هند بخجل: هيه
خالد : اوكي اختي روحي الله يحفظج .
هند فهمت كلام اخوها وعرفت ان خالد يخاف عليها ..
المهم هند بعد ما تكشخت كانت تتريه حبيب القلب سالم اييه ويطلعون باحدث المطاعم
شو اللي بيصير بين فهد وساره هل بيتمون ويا بعض وبتحبه ؟؟
سالم وهند شو اللي ينتظرهم ؟؟
فهد هل راح يتقرب من اشواق ويحبها ؟؟
هند وهي توها راكبه السياره ومستحيه : السلام عليكم
سالم بابتسامه : وعليكم السلام بزوجتي الغاليه
هند مستحيه ومنزله راسها
سالم وهو يسوق : الله شو هالكشخه الصراحه طالعه اليوم قمر
هند بدلع : عيونك الحلوه ..
سالم : دومج جي تطلعين برع بهالكشخه
هند تصد : لا والله بس وياك .. تخيل اروح السوق ولا اي مكان جي ..
سالم : يا عيني يعني هالكشخه حقي
هند بدلع : هيه طبعا لك يا سالم
سالم : يا بختي فيج .. ( مشغل المسجل باعلى صوت) زين سمعي هالاغنيه اهداء لج
هند عاد طايره من الفرح .. حست ان حلمها تحقق بانها حصلت فارس الاحلام .
###########################
ساره وهي تختار بدله ..
فهد دخل : هلا والله بالزين كله
ساره تصد : اهلين
فهد : ها يا عمري وين بتروحين ..
ساره : بروح عند امي ..اتصلت فيه وقالت انها تبى تشوفني
فهد يشوف الساعه : الحينه حبيبتي
ساره : هي بعده الوقت
فهد : ممممممم يعني بتم بروحي
ساره تصد : روح ويا ربعك
فهد : تعالي ذكرتيني .. ربيعي مروان من متى متصل فيه وانا نسيت ارد عليه الحينه بيقول اني اتزوجت ونسيته
ساره : مب حلوه تنسى ربيعك لانك متزوج ..
فهد : خلاص حبي بوصلج وبروحله
ساره عاقده حوايبها : انت توصلني .. كيف ( تاشر على ايده ) وايديك .. صعب تسوق بايد وحده
فهد :اوووووووه نسيت والله .. مممم عادي بسوق باليسرى
ساره : اذا انت متعود على اليسرى يمكن تسوق باليسرى بس انت موووول مب متعود عليها يعني وايد صعب بالذات باللفات والتجاوزات لازم تكون دقيق بالسواقه .. ..
فهد : مممم شو اسوي
ساره : تباني اوصلك بيت ربيعك محمد
فهد : عاد هو اكيد محد مستحيل يتم في البيت بهالوقت
ساره : خلاص اذا تباني اوصلك اي مكان هو موجود .. او تتصل فيه وتخليه اييلك
فهد : لا يا بعد هلي .. ما ابي اتعبج .. انا بتصل فيه وبشوفه وينه ..انتي روحي بحفظ الله .. والريم بتيه
ساره : قلت لها اتيه بس قالت انها مصدعه تبى اتم في البيت
فهد: صعب نخليها بروحها في البيت
ساره : المشكله انا وعدت امايه اني اييلها اليوم .. ماعرف بحاول وياها مره ثانيه ..
فهد : بروح اقنعها انها اتيه اوكي يا عمري
ساره : خلاص وانا بتجهز ..
فهد راح عند الريم وشافها تقرى المجله
فهد ": هلا بالريمان
الريم تبتسم : هلا والله بفهودي
فهد ": شو تسوين
الريم ماسكه المجله : اقرى المجله
فهد : شو تبين بهالخرابيط .. كله اشااعات
الريم : هي صدق نص الاخبار اشاعات بس في اشياء ثانيه نقراها ..مثل الجرايم
فهد فتح عيونه : باسم الله على اخر عمرج يالريم بتكونين محققه ولا مجرمه
الريم تضحك : هههههههههههه ليش لا
فهد : شوفو منو بتكون محققه الله يخليج انتي من الصرصور تخافين
الريم ويها تغير : وعععععععععععع لا تلعوع جبدي الله يخليك
فهد : انا اقول انتي مب ويه التحقيق والاكتشاف .ززين ريم ليش ما تروحين ويا ساره بيت اهلها
الريم : والله مالي نفس يا اخويه
فهد : زين انا بطلع ويا الربع وانتي ما يستوي اتمين بروحج
الريم : ياما طلعت يا فهود وانا تميت بروحي عادي وبعدين البشاكير ( الخدم)موجودين
فهد : الحينه اونج يبتي حل البشكاير شو بيسوولج
الريم : ولا شي ..بس على الاقل حد في البيت لا تحاتيني يا اخويه روح الله يحفظك
فهد : خلاص على راحتج ..
الريم : اقول فهد .. مممممممممممم شو اخبار ساره وياك
فهد يبتسم : الحمد لله تغيرت وايد
الريم : يعني مب مثل معاملتها قبل بالذات في الملجه
فهد : لاااااااا فرق وايد .. ساره قلبها طيب اعرفها بس المشكله اذا راحت وشافت هالنذل خالد تتغير شوي بس يالله الله كريم .. المهم انا زوجتي
الريم : عسى الله يهنيك يا خويه ..ولله من زمان ما شفت الفرحه بشفاتك .. ان شا ء الله دوووم تستانس
فهد : تسلمين يا حلى الريم ..وان شاء الله نفرح فيج ( غمزلها)
الريم استحت ونزلت راسها ..
فهد : يا ويلي على المستحى ..
الريم : فهد لا تقول جي ترى استحي
فهد فاتح عيونها : زين انا ما قلت شي ..هذا وانا بعدني مب قايل شي ويهج مثل الطماط يعني لو قلتج شو بتسوين اخاف ويهج يتحول الا قوس قزح
الريم : هههههههههههههههههه تعايب عليه
فهد يضحك .. لا ابويه خلا اروح احسن قبل ما تفرين عليه المزهريه
الريم : هههههههههههه
فهد طلع من الغرفه وراح عند ساره وخبرها ان الريم ما بتيه..
فهد يشوف كشخه ساره ..
فهد : ساره بقولج شي يمكن
ساره وهي ماسكه شنطتها : خير يا فهد
فهد تقرب منها : انا ولا مره شفتج تلبسين القلاده اللي شارلج اياها ليش
ساره اصلا ماكانت لابسه لا قلادة فهد ولا خالد ..
ساره توترت : هاااا ممم ما يا هالشي على بالي نسيت
فهد : اخاف ما عايبتنج القلاده
ساره : لا صدق هي وايد غاويه بس نسيت
فهد : زين لبسيها عن خاطري
ساره : خلاص اكيد بلبسها بس مب الحينه لاني مستعيله اوكي
فهد يبتسم : خلاص على راحتج يا عمري
ساره : يالله مع السلامه
فهد : ساره
ساره تصد ..
فهد يعطيها بوسه على الهواء : احبج مووووووووووووت ..
ساره استحت واااايد اول مره فهد يسوي هالحركه ما قدرت تقول شي على طول طلعت ..
فهد يكلم عمره : فديت الحياء عليج يا ساره ..بحاول قد ما اقدر اغيرج ..
ساره تذكرت حركات فهد وابتسمت لانها تذكرت يوم الماي انصب عليه .. وهي تسوق ابتسمت ..
##############################
اما هند وسالم
سالم وهند وهم يالسين في المطعم
سالم : ها يا عمري شو رايج في المطعم
هند تشوف المطعم : واااااااايد حلو
سالم : عيونج الاحلى يا الغاليه
هند ساكته ..
سالم : يالله كلي شو مستحيه
هند برقه : هيه شويه اول مره اكل وياك
سالم : لازم تتعودين .. يالله ترى لازم تاكلين اول
هند : انت كل ..
سالم : باكل وياج ..
هند وهي تاكل بكل رقه ..
سالم : تصدقين امايه خاطرها تشوفج حتى اختي عاشه
هند : هي صح عاشه صف كم
سالم : عاشه الحينه سنه اولى تقنيه دبي
هند : ماشاء الله الايام بسرعه تمر تذكر يوم عرفتك كانت بالثانويه العامه
سالم : هيه والله
..هني موبايل سالم اتصل ..وسالم يوم شاف الرقم اتوتر..
سالم وقف وهو ماسك الموبايل : عن اذنج حبيبتي
هند مستغربه : وين بتروح
سالم : برد على المكالمه وبرد عليج بس دقايق..
هند استغربت من هالشي ..
سالم طلع برع المطعم ..
ورد بكل فرح ..: هلا والله بسميره
((سميره وحده من اللي يكلمهم من مده قصيره ..))
سميره : وينك ليش تاخرت بالرد
سالم : شو اسوي شوي مشغول
سميره : اشوفك ما تتصل فيه مثل قبل هذاكله لانك ملجت
سالم : افا عليج افضالج يا حبيبتي كم سميره عندي سميره : ما دري عنك .. ولا خلاص بتزوج وتنساني
سالم : انا زين مني حصلتج بالمذله كلمتيني ..
سميره : بنشوف مع الايام بيبين
سالم : انا صح بتزوج .. بس هذا مب يعني اني بنساج .. زوجتي بتكون زوجتي وام عيالي ..بس انتي بتطلعين الحبيبه
سميره : ترى زوجتك بعد بتكون حبيبتك
سالم : مب كل اللي يتزوجون يموتون على حريمهم في البعض عسب الاستقرار .. وانتي حق الحب
سميره : قصدك حق التسليه وضح اكثر
سالم يضحك بخبث: ليش تعتبرين الحب تسليه .. انا لج يا حلوه
سميره : بنشوف مع الايام كل شي يبين يا سالم
سالم : بتشوفين اني مستحيل اتغير عليج يا عمري .. زين بخليج الحينه وبكلمج بوقت ثاني اوكي يا سموورتي الغاليه
سميره : اوكي حبيبي ..باي
سالم صك التلفون والخبث بعيونه
(( للاسف شي شباب بهالنوع اللي يخدعون حريمهم بس مايعرفون ان لكل شي نهايه ووحده رب العالمين هو اللي يشوف ..وكما تدين تدان ))
سالم رد مكانه ..
سالم وهو يالس : سوري يا عمري ..ان شاء الله ما تاخرت
هند منقهره : لا ماتاخرت بس (نزلت راسها )
ساالم : بس شو
هند رفعت راسها : شوف سالم انا وايد صريحه وما احب اخلي شي بخاطري .. انا مستغربه من شي ..
سالم : الا هو
هند : ليش ما رديت على الاتصال هنيه يعني ليش طلعت برع
سالم : حبيبتي المتصل كان من برع الدوله وتعرفين لازم اعلي صوتي وايد .. مب حلوه ارد على واحد بصوت عالي وانا بمكان راقي ..
هند ما قالت شي
سالم : شو بديتي تشكين فيه
هند : لا انا ما اشك ..بس استغربت من الموقف
سالم وهو يراوي تلفونه : واذا مب مصدقتني خذي الرقم واتصلي وشوفي منو بير د
هند : لا حبيبي انا واثقه فيك ..بس كان فيه فضول
سالم بابتسامه : جي اباااج خلي الثقه بحياتنا ولا تشكين في يوم بحبي لج ..والحينه يمكن نتعشى ..
هند بابتسامه : يالله ..
ساره وهي تكلم امها
ساره : امايه
الام وهي تصب القهوه : هلا حبيبتي
ساره : امايه ليش ما تعيشين ويانا .. ما يستوي اخليج في البيت بروحج
الام : انا مب بروحي الخدم ويايه
ساره : الحينه الخدم شو بيسوولج
الام : فديتج يا امايه لا تحاتيني .. انا بين وبين اتشوفيني عند خالتج ام خالد ..واحيانا هي اتيه .. يعني مب بروحي . وانتي بعد ما تقصرين اتين عندي
ساره : بس ما يستوي تنامين بروحج .. زين عيل انا بختار مرتين بالاسبوع وبنام عندج
الام : لا يا امايه مب حلوه ريلج ينام بروحه
ساره بخاطرها (( يحليلج يا امي ماتعرفين ان فهد تعود اني ما انام عنده ..))
الام : لا تحاتيني ولا شي .. وبعدين يوم ريل خالتج يكون مسافر تشوفيني انام عندها اسلي عمري شويه
ساره : لا صدق عادي ترى فهد ما بيقول شي
الام : البنت لازم تكون عند زوجها تراعيه وتشوف طلباته ..
ساره بخاطرها ( هي والله وايد مقصره ويا فهد ..لو امي تدري جان عطتني محاضره عدله لا ويمكن تزعل مني بعد ))
الام تشوف ساره : وين سرحتي يا ساره
ساره : ها وولا مكان وياج امايه .. زين انتي نامي عندنا على الاقل ترى عادي فهد ريلي يعني عادي يشوفج وكل شي .. يعني مب غريب
الام : لا يا امايه مب حلوه والله استحي ..
ساره : خلاص انا بختار اي يوم وبنام عندج ولا ما تبيني
الام : انا ماعندي حد يا ساره الا انتي كيف ما اباج
ساره راحت تحضن امها : فديييييييييت امايه والله
الام : عسى ربي يخليج لي يا ساره ويسعدج ..
فهد يكلم مروان ..
فهد : مروان لا تطلع مثل البنات اونك بسرعه تزعل
مروان : عيل انا يا فهد تقاطعني مب كاني ربيعك من زمان .صدق يوم قالو اللي يتزوجون يتغيرون
فهد يضحك: لا والله انت في بالي بس تعرف مشاغل الدنيا
مروان : اي مشاغل الله يخليك ..بعد ما كملت مده ويا المدام تذكرت ان عندك ربيع اسمه مروان
فهد : عاااد مروان تاسفنا لا تطلع بايخ
مروان : زين زين يا فهود ..روح روح عند حبيبتك
فهد : مرواااااااااااان بس عاد
مروان : عيل اكثر عن 3 اشهر مقاطعني .. لا واتصل ما ترد عليه
فهد : يا اخي ما تتصل الا بوقت غلط او اكون نايم او اتسبح .. واقول برد عليك وانسى
مروان : ما تنلام .. من لقى احبابه نسى اصحابه
فهد : لا تلومني يا ريال انت تعرف كيف ساره كانت بالنسبالي ..
مروان : اكيد ما انسى .. قصدتك ولا في الروايات ..لو تكتب قصتك صدقني بتنجح وايد
فهد : تعلق عليه ويا ويهك
مروان : والله صدق .. ذبحتنا شوي وبتموت علينا حفظنا اسمها من كثر ما تكتب عنها
فهد : ايه شو بعد حافظ اسمها استح على ويهك هاي مرتي
مروان : الحينه انت اللي قايلي اسمها وتحط عليه ..
فهد : والله ما تذكر
فروان : نسيت خبالك .. بس زين من صوتك مبين انك عقلت
فهد بعصبيه : شو تشوفني مينون يعني
مروان : والله مينون في ساره يمكن
فهد يبتسم : اذا جيه ما عليه .. لاني صدق مجنون ساره
مروان : زين ومتى نشوفك ولا بعد ممنوع
فهد: افا عليك مب ممنوع تباني تعال بيتنا
مروان مستغرب: وليش ما اتيه ان شاء الله
فهد : ايدي مجبسه ..طايح من الخيل
مروان : اونك تبى تراوي موهبتك حق زوجتك صح اعرفك يوم تبى تتكبر وتتخقق ..
فهد : ههههههههههههه .. يالله تعال اترياك
مروان : خلاص دقايق واييلك ..
اما نوره فيالسه غرفتها متسانده على الغنفه وفجاه تمت تصيح بهدوء و بروحها..
عبدالله دخل الغرفه: مرحبا يا احلى زوجه
عبدالله على طول شاف نوره لانها مجابلتنه
نوره اول ما شافت عبدالله حاولت تمسح دموعها بايدنها عسب ما يلاحظ عبدالله ..
عبدالله وهو مستغرب تقرب من نوره ويلس على ركبته ورفع راس نوره : بلاج حبيبتي
نوره وصوتها متقطع من الحزن : ما فيني شي
عبدالله : هالدموع كلها وما فيج شي .. نوره حبيبتي فتحي قلبج انا ريلج ..شو فيج منو مضايقبج
نوره تمت تصيح ما قدرت تمسك عمرها ..
عبدالله : فديتج والله يا نوره قطعتي قلبي شو فيج
نوره وشكلها يقطع القلب : احاتي يا عبدالله احاتي ما اييب يهال ..
عبدالله قام من مكانه ويلس عندها وهو ماسك جتفها : حبيبتي انتي ليش جي متشائمه بعدنا ما كملنا الا كم شهر على زواجنا يعني ما كملنا حتى 5 اشهر .. يعني قلنا لو مكملين سنتين نقول يمكن من حقج تحاتين بس تو الناس
نوره : وايد متوتره يا عبدالله . تعرف اني اموت على اليهال .. بس اخاف اخاف (( تصيح ) اخاف ما اييب يهال ..
عبدالله يحاول يمسح دموعها : منو قال هالشي.. انتي ما قلتي انج رحتي عند الدكتوره وقالت ان ما فيج شي
نوره تهز راسها : هيه
عبدالله : زين يا حبيبتي يعني خلاص اطمني .. مع الايام اكيد ان شاء الله بتحملين وترى انا بعدني ما استانست وياج اخاف اتيبين ياهل وتعطينه كل الحنان وانا اطنشيني
نوره ابتسمت : مستحيل اطنشك انت ريلي وحبيبي وكل شي بدنيتي
عبدالله مسك راسه : الله الله على هالكلام حتى وانتي متضايجه ماشاء الله كلامج حلو يا حلو ..زين يالله قومي بدلي ملابسج عشان اعزمج على احلى عشاء باحلى مطعم ..
نوره : الحينه ..مالي نفس
عبدالله يحاول يقوم نوره : شو مالج نفس بعد .. يالله قومي عشاني يالله حبيبتي..
((نوره متضايجه مب بس لانها تحب اليهال بعد لانها خايفه ان الايام تمر وهي ما يابت ياهل وعبدالله يتغير عليها او يفكر بغيرها وهالشي اللي خلاها تحاتي وايد لانها تحب عبدالله وما تبيه تخسره ))
ام محمد وهي متكشخه ..ويالسه تتعطر ..
محمد :احم احم
ام محمد تصد تشوف محمد : هلا يا وليدي
محمد : امايا وين بتروحين
ام محمد حطت العطر : ولا مكان بس ضيوف بيونه اليوم ..
محمد مايعرف كيف يبتدي السالفه : اقول امايه ابي اقولج شي قبل ما روح
ام محمد تصد تشوف محمد وانت ما تذكر سوالفك الا يوم انشغل
محمد : ماشاء الله عليج دومج مشغوله متى بذمتج فضيتي
ام محمد فتحت عيونه : الله وكبر عليك الحينه انا خايفه من الناس ومن عيونهم اخاف انضل وانحسد واخر شي تطلع انت تبى تحسدني قول ماشاء الله لا اطيح عليكن
محمد يضحك : بلاج امايه ماشاء الله ماشاء الله ما احسدج بس يعني كل ما ابي اقول شي اشوفج مشغوله
ام محمد يلست : ها قول شو عندك بس اختصر دخيلك ترى ابي اجهز القهوه والحلويات
محمد يلس عند امه : امايه الصراحه انا من زمان قلت لج اني ابي اتزوج صح ..
ام محمد : ماعندك الا هالسالفه
محمد : الصراحه هيه ما عندي غيرها ..وقلتي اذا شيخه رفضتك بعدين بتخطبين لي اي وحده اباها صح ولا
ام محمد من غير نفس : هيه انزين وبعدين
محمد : شو وبعدين الله يهديج خلاص يالله نروح عسب نخطب الريم
ام محمد : اللي نسيته اني قلتلك اني بشوف شيخه شو سبب رفضها يمكن تكون متفق وياها .. وبعدين يا محمد مب اي وحده بوافق انها تاخذ وليدي .. لا لازم اسال عن اصلها وفصلها .
محمد : زين ما قلنا شي ..روحي عند شيخه وساليها وسالي عن الريم وانا متاكد مليون في الميه انج ما بتسمعين عنها الا الخير ومتاكد يا مايه ان الريم بدش خاطرج من اول نظره ..
ام محمد : الله كريم .. المهم انا ان شاء الله بالكثير بكلم شيخه وبشوفها ..وبعدين بسال عن الريم اللي حاشرني عليها ..
محمد شاق حلجه : ان شاء الله متى اييه هاليوم ..
محمد راح باس فوق راس امه : عساني مانحرم منج يا امايه
ام محمد : انت ما تحب راسي الا يوم ترمس عن الريم ..والله شباب اخر زمن
محمد : هههههههههههههه ..زين عيل يا امايه عن اذنج بروح ..
ام محمد : اذنك معاك يا وليدي ..فداعت الله
(( محمد استانس لانه حاس ان واخيرا حلما بتحقق))
###############################
هند وهي توها واصله البيت وهي بسيارة سالم
سالم : ها يا عمري شو ان شاء الله استانستي اليوم
هند بابتسامه : وايد الظهره كانت حلوه
سالم : ومتى تبينا بعد نطلع ..
هند : ما ادري على هواك ..بس على الاقل خلا يمر كم يوم عسب خالد ما يسولي سالفه
سالم عصب: هذا خالد مادري بلاه عليه .. ليش يكرهني
هند : لا لا حبيبي منو قال .. بس هو يخاف عليه ويحب دايما يهتم فينا
سالم : وابوج مب موجود
هند : ابويه ما يقر في البلاد .. اكثر شي عنده اشغال برع .. يعني تقدر تقول بيزنيز مان ..
سالم : اها عسب جي اخوج قايم فيكم مثل ابوكم
هند : تقدر تقول جي ..
سالم : اوكي حبيتي عيل اشوفج على خير
هند تفتح الباب تبى تنزل : ان شاء الله على خير مع السلامه
سالم : مع السلامه حبيبتي
هند وهي داخله البيت .. شافت خالد يبى يطلع وشاف هند وشاف الساعه ..
هند : السلام عليكم
خالد : وعليكم السلام .. شو تاخرتي عن الوقت خذتني اكثر عن ساعتين
هند وهي تتحرطم : ما حسيت بالوقت ..
خالد : يالله نمشيها لج يا هند .. توج مالجه ومن حقج ..
بس عاد الطلعه ما تكون دايمه اوكي
هند وهي تبى تروح غرفتها : زييييين
هند وهي تتحرطم بداخلها : اففففففف متى تزوج يا خالد وافتك منك .. او ليش اترياه هو يتزوج .. متى انا اتزوج وافتك من التحكم ..لاني اذا اتريت خالد يتزوج اكيد بتريه وايد .. شكله ما يفكر بالزواج من بعد زواج حبيبة القلب ساره . ..
خالد وهو راكب السياره متضايج وايد .. ويقول في نفسه : وينج يا ساره من زمان ما ادري عنج .. اخاف نسيتيني ونسيت الوعد اللي بينا ..ماعرف ليش عندي احساس انج ماعدتي تفكرين فيه مثل قبل بس كيف اتاكد انج بعدج تحبيبني ومتذكره الوعد ممممممممم هي عندي حل ..
خالد اتصل في نوره عشان يسالها عن ساره ..
خالد : مرحبا الساااااع
نوره وهي تتعشى في المطعم ويا عبدالله : مراحب هلا والله باخويه
خالد يتسم : هلا فيج يا احلى اخت .. شو شكلج برع نوره : هي والله طالعه ويا عبدالله
خالد : اها زين عيل ما ابي اخرب عليج ..بس اقول نوره باجر يمكن اتين بيتنا ابيج بسالفه
نوره : خير
خالد : لا ما في شي..سالفه وايد عاديه ..
نور ه: خلاص يا اخويه بستاذن من ريلي وبييكم ان شاء الله
خالد : ان شاء الله على خير ..زين عيل اترياج واذا ما قدرتي اتين خبريني اوكي ..بس حاولي دخييييلج ترى ابيج ضروري
نوره : ولا يهمك اخويه صدق بحاول
خالد : يالله سلمي على النسيب
نوره : الله يسلمك اخويه .
خالد : فامان الله
نوره : فمان الله الكريم
نوره بعد ما صكت من خالد ..
نوره : عبدالله
عبدالله وهو يشرب العصير: هلا يا عمري
نوره : اول شي قبل ما انسى ترى خالد يسلمك عليك
عبدالله يبتسم : الله يسلمه من كل شر..وثانيا
نوره : وثانيا خالد يباني باجر اروحلهم عادي اروح
عبدالله : اكيد حبيبتي اي مكان يفرحج روحي ..
نوره : تسلم يا روحي
اشواق وهي راده بيتهم وتحط الاغراض .. وهي يوم اطلع ملابسها واغراضها من شطنتها شافت قلم فهد
وابتسمت وتنهدت : ااااااااااااااااه متى اشوفك يا اللي سحرتني ..
اشواق بعد ما خلصت وحطت الاغراض في الكبت ( الخزانه ) اتصلت في بنت عمها فاطمه
فاطمه وهي يالسه ويا اهلها : هلا باشواق
اشواق : هلا فيج ..اقول فطيم .متى بنروح عند ساره وفهد
فاطمه رافعه حوايبها : انتي من صدقج
اشواق : لا عيل من جذبي .. هيييه اكيد من صدقي ..
فاطمه : حشى تونا ياييبن من السفر ما مدالنا نرتاح ..
اشواق : والمعنى
فاطمه : اشواقوو عقلي شويه تعرفين يوم حد اييه من السفر لازم الضيوف اييون ويزورونهم يعني تبين اودر الضيوف واروح مب حلوه
اشواق: عيل متى تبينا نروح
فاطمه : اتريي بعد كم يوم يعني 3 ايام
اشواق : بللللللللللللللللللل وايد ما اقدر اتريه
فاطمه : والله قدرتي تتريين وانتي مسافره ما تقدرين تتريين كم يوم
اشواق : بعد شو اسوي امري لله ... اتريه ..ولين ما اييه هاليوم بروح اشتري حقهم هديه
فاطمه مستغربه : هديه ؟ ليش
اشواق : عسب يكون عندنا عذر يا حلوه .. يعني يمكن ساره تستغرب يوم بتعرف انا نبى نييه بيتهم وبالذات انا بقولها اني ابيها وابي فهد وياها وعسب ما تشك ..بقولها مسويه لكم مفاجاه شهر عسلكم وبعطيهم الهديه اثنينتهم عسب ما تشك وهني بلعب لعبتي
فاطمه: صدق طلعتي داهيه ..وشو قصدج انج بتلعبين لعبتج على شو ناويه
اشواق بخبث: بتعرفين يوم بنروح هناك ..
فاطمه : الله يستر
(( اشواق مصره على فهد بشكل فظيع وطبعا هذا اكيد اعجاب .. لانها ماعرفت شي عنه وعلى طول حبته .. يمكن اعجاب لانه فهد اللي يشوفه من اول مره ينعجب بجماله وهيئته ورمسته.. بس شو اللي تخططه اشواق ))
ساره ردت من بيت امها ..ودخلت غرفتها وهي توها تفصخ العبايه والشيله ..
وشافت الغرفه فاضيه يعني فهد بعده ما ياه ..
ساره راحت لبست بجامتها الراهيه والحلوه ..وهي تشوف الساعه وتقول في نفسها : مب جنه تاخر فهد
فهد ويا مروان في السياره : وييييييييي شوف الوقت تاخرت على ساره
مروان وهو يسوق السياره : عادي ما فيها شي هي مب بروحها صح ..
فهد : هيه .. ( خذ الموبايل واتصل فيها ))
ساره ردت : الو
فهد بصوت واطي عشان مروان ما يسمعه : مساء الحب لاغلى حب ف هالدنيا مساء الشوق يا نبع الشوق ..
ساره تبتسم : بلاك جي ترمس كانك ترمس عمرك
فهد حاط ايده على الموبايل عشان مروان ما يسمعني ما ابي ربيعي يشوفني اتغزل في مرتي حبيبتي
ساره : ههههههههههههه .. ليش
فهد : ما احب ..احب الغزل لي ولج وبس
ساره : يعني عطوك ويه وودوك برع
فهد : هيه عطوني ويه بعد ما عصب عليه وما خلا عليه شي .. بس المهم بالاخير طلعوني
ساره : زين الحمد لله
فهد : اقول يابعد هلي بتنامين الحينه
ساره : الصراحه فيه رقاااااااااد ..ناشه الصبح من وقت فهد : افا وانا احاتيج واخر شي ما بتترييني
ساره : السموحه بس والله صدق تعبانه ما عليه ان شاء الله باجر بشوفك
فهد : خلاص نامي يا عمري نوم العوافي
ساره استحت : اوكي يالله عن اذنك
فهد: اذنج معاج وتصبحين على الف خير
ساره : وانت من هله
مروان يضحك : هههههههههههههههههه
فهد يشوفه بنظره : ليش تضحك ؟؟ لا يكون قلت نكته وانا ما دري
مروان : ما ادري عنك ..ليش جي ترمس ..كانك تبى تنخش عن الشرطه وتخاف حد يسمعك
فهد : والله سالفه بيني وبين مرتي وما ابي حد يسمعني
مروان: يالله على الحركات ..
فهد : ما تنلام يوم بتزوج ان شاء الله بتحس فيه
مروان : حاس فيك والله.. بس صدق عليك سوالف حلوه
فهد : زين زين سوق ولا ترمس وايد
مروان بنظرة حقد " دريول وياك مب ربيعك احمد ربك اني طلعتك
فهد/: : بتذلنا يعني ؟
مروان : افا عليك اتغشمر وياك ..
########################
هل ساره راح تتغير على فهد ؟؟
وخالد كيف بيعرف اذا ساره تفكر فيه ومازالت حبه ؟
اشواق شو اللي تخططه ؟؟ وكيف بتتقرب من فهد ؟
ونوره هل صدق احساسها بيصدق وما بتيب عيال؟
هل هند راح تكشف خيانة سالم ومغازلاته ؟
وبعد ما فهدطلع ويا مروان اما ساره فردت البيت عشان تنام لانها كانت تعبانه ..
فهد وهو ياي الغرفه شوي شوي يدخل عشان ما يزعجها
ودخل وشاف الاضاءه الخفيفه وراح عند ساره وشافها نايمه مثل الياهل الصغير بكل حلاه وبرائه
فهد ابتسم وهو يشوفها : عسى ربي لا يحرمني منج ومن وجودج يا اغلى ناسي ..
وفي اليوم الثانــي
منى تكلم هند
منى :هندوووه بلا حركات تعالي بيتنا عاد ما تبيني اراويج سيارتي اليديده
هند : ماعرف بسال اهلي
منى : يالله عاد بلا حركات
هند : لا صدق بحاول اكلم اخويه
منى بعصبيه : الحينه هوماله خص فيج انتي مالجه يعني ريلج هو اللي يتحكم .. ... يالله اترياج اوكي
هند : مممممممممممممم اوكي خلاص ان شاء الله بييج بس استاذن من امي على الاقل
منى " اترياج
************************************
خالد وهو ياكل كاكاو ويكلم نوره : يالله عاد بسرعه تعالي
نوره : حشى اصبر شويه
خالد : والله ابيج بسالفه مهمه وايد بالنسبالي
نوره : خلاص قلت لك دقايق واكون عندك ..
خالد وهو ماسك الكاكاو اللي بايده : يالله تعالي وبعطيج الكاكاو
نوره بدلع : عاد انا مب اي نوع اكل وابيه يديد مب ماكول
خالد : ههههههههه فالج طيب بثلاجتي انواع من الكاكاو بس انتي تعالي ..
نوره : ان شاء الله بييه يالله باي
خالد: بايات
فهد وساره
ساره فاتحه الكبت ( خزانة الملابس) وترتب اغراضها
فهد دخل الغرفه يدورها : وينج ساروه
انا هني
فهد يشوف ساره يالسه علىالارض وترتب ملابسها ..: " شو تسوين
ساره : ارتب اغراضي شوي
فهد يلس عندها : شو يا عمري مب في خاطرج نروح مكان ويا بعض
ساره : والله ماعرف بشوف اذا خلصت اشغالي بعدين
فهد : شو رايج نودي الريم ويانا يحليله بروحها
ساره تصد: اكيد انا كنت بقولك بعد يحليلها ملت من يلست البيت ..
فهد: زين عيل اخليج ويا اغراضج يا بعد ناسي
ساره ابتسمت ..
هند بعد ما استأذنت من امها راحت عند منى
منى وهندبغرفة منى ..
منى : ما بغيتي اتين
هند : شو اسوي زين مني اقنع امايه
منى : ها بشري قولي شو الطلعه وياج ويا سالم
هند بدلع : بقولج شو صار ..
هند تمت تقول لمنى شو اللي استوى وكيف هي مستانسه بحياتها ..
نوره يت واخيرا
خالد يسحب ايد نوره : يالله بسرعه تعالي
نوره : اصبر خلا افصخ عباتي .. اف لعوزتي اليوم يا خالد
خالد : يالله تعالي بسرعه بغرفتي
نوره : يالله يايه
خالد يالس على السرير ونوره مجابلتنه
نوره : ها يا اخويه خير
خالد منزل راسه: بصراحه ابي اقولج شي بس ابيج تجاوبني بصراحه مهما كانت
نوره : اكيد تفضل قول
خالد رفع راسه : نوره .. شو تحسين ساره بدت تنساني وتحب ريلها فهد .. والله مثل قبل تكره وتباني
نوره عاقده حوايبها : الحينه هاي سالفتك
خالد بحزن : الله يخليج ردي عليه
نوره : شوف اخويه انت تبى الصراحه صح
خالد هيه اكيد
نوره : ساره في ايام ملجتها صدق ماكانت تحبه ابد ودايما تتحرطم منه
خالد بخوف : يعني الحينه بدت تحبه
نوره : لا ما قلت جي بس هالايام يا خالد ما ترمس عنه موليه ولا تقول مثل قبل متى انفصل عنه ولا شي
خالد نزل راسه وبحزن : يعني معقوله نستني
نوره : خالد هي لازم تنساك هي متزوجه فكر بعقلك لا تفكر مثل هالمسلسلات
خالد وقف من مكانه : اي مسلسلات الله يهديج . حبي لها اكبر من اي شي بهالدنيا
نوره: زين وشو الحل
خالد : ابي يكون عندي دليل اذا هي نستني ولا
نوره : كيف
خالد : شوفي يا نوره .ابيج اليوم تعزمين ساره عندنا وتشوفين اذا هي لابسه قلاده .واذا لابسه شوفي كيف شكل القلاده وخبريني الله يخليج
نوره مستغربه : والقلاده شو دخلها بسالفتنا
خالد : بعدين بخبرج بس انتي سوي اللي قلتلج عليه الله يخليج
نوره : فالك طيب الحينه بتصل فيها
خالد : فالج ما يخيب اختي .. عيل انا بروح شوي ويا ربيعي محمد وان شاء الله بييه مره وحده عسب ( عشان ) أكحل عيوني بشوفتها ومره وحده عسب اخذ الاخبار منج
نوره تحرك راسها : ماشي فايده وياك مصر على حبك
خالد ياشر على قلبه : هالقلب مستحيل ينسى اول انسانه بهالوجود
نوره : الله يعينك يا اخويه .. خلاص بتصل فيها الحينه
خالد : عيل انا بروح وما بتاخر اوكي
نوره : اوكي اخويه بحفظ الله
نوره وهي تكلم ساره عسب اتيه بيتهم من دون ما تقول لها سبب .
ساره : وليش اليوم بالذات
نوره : بس جي خاطري اشوفج من مده ما شفتج
ساره : مع ان فهد يباني اطلع وياه اليوم
نوره : ما بغصبج حبيبتي .. بس يعني حبيت ايلس وياج
ساره : خلاص بكلمه عيل ..وبييج ان شاء الله
نوره : ردي عليه الخبر اوكي
ساره : اكيد ان شاء الله
فهد يالس يلعب بموبايله : شو السالفه سمعت اسمي
ساره تصد تشوفها : نوره تباني اروح بيتهم
فهد : بيت نوره ولا بيت ابوها
ساره : قصدي بيت ابوها يعني
فهد تضايق لان اذا ساره راحت احتمال كبير تشوف خالد وهو ما يبى هالشي
ساره : بلاك ؟؟ فجاه تضايقت
فهد : الصراحه ما احب اتسيرين هناك
ساره مستغربه : وليش ان شاء الله
فهد : لا تنسين ان خالد هناك وانا ....؟
ساره قاطعته : ولا تنسى يا فهد ان مهما يستوي بيكون بيت خالتي اذا خالد موجود هناك ولا لاء ..وبعدين انا بسير عند نوره وامها .. ولا تباني اقطع عن بيت خالتي اللي بعمري ما قاطعتهم من يوم كنت صغيره .. ترى ماعندي الا هالخاله
فهد : اعرف هالشي يا عمري ..بس تعرفين اني اغار
ساره قامت من مكانها: يعني شو ما اسير خلاص اقاطعهم
فهد : لا انا ما قلت جي يا عمري.. خلاص على راحتج يعني ما بتطلعين ويانا
ساره : اسمحلي بس من زمان ما طلعت ويا نوره بروح اسلم عليهم وان شاء الله الايام يايه
فهد : خلاص على راحتج
ساره : عيل عن اذنك بروح اتلبس
فهد بحزن : اذنج معاج حبيبتي
(( فهد وايد يغار يوم يعرف ان ساره بتروح هناك ..لانه يعرف ان خالد اكيد بيشوفها ويخاف ساره يوم تشوف خالد تذكر خالد وتتغير عليه ..بس هو ما حب يمنعها لانه مهما كان بيت خالتها ..))
ساره بعد ما تلسبت ولبست لبس مغربي وايد حلو وراقي وبلون البنفسجي مطرز بالذهبي ... وهو من انواع لبسات اليشمك ..
ساره وهي لابسه شيلتها وعباتها: يالله عن اذنك يا فهد
فهد بابتسامه : الله وياج حبيبتي .. ولا تسرعين ..شوي شوي في الدرب اوكي ولا تبيني اوصلج
ساره :لا ماله داعي ..وانت بتطلع
فهد : والله ماعرف بشوف ان شاء الله ..
ساره طلعت وراحت بيت خالتها وماتعرف ان نوره متفقه ويا خالد .. عشان يتاكدون اذا ساره حبت ريلها فهد وبدت تنسى خالد ..
