مجنون سارة ,, قصة ٌ في منتهى الروعه

[الشوق]

مشاركة: مجنون سارة ,, قصة ٌ في منتهى الروعه

ساره : اسمحلي ما ابي اودر شغلي تعودت عليه
فهد : بس انا بعوض عليج ضعف الراتب
ساره بعصبيه : ليش منو قال اني اشتغل عشان الراتب شو نسيت نحن قوم منو الحمد لله ما علينا قصور اصلا نحن نحصل بالاف بالشهر الواحد شو نسيت ..وبعدين مب كل حد يشتغل عشان الفلوس لا ..البعض عندهم خير بس عشان الملل او حبهم للشغل
فهد : بس حبيبتي انتي ما بتفضين لشي بتكونين عروس
ساره : انا خذت اجازه شهر ونص يعني عادي
فهد : بس
ساره : شوف فهد اذا انا بودر شغي ترى من ذاتي لااتم تغصبني انا ما احب حد يتحكم فيه ..واذا ما عايبنك ترى بعدنا في البر يعني تقدر تنفصل عني
فهد اتضايق وايد من كلام وجفاء وقسوة ساره بس ما يقدر يسوي شي..
فهد: على راحتج
ساره انقهرت هي تبى تسوي اي شي عشان تخليه يودرها وبالعمد تقسي عليه وتشرط شروط غريبه بس هو يراضيها بكل شي
ساره : زين عيل بخليك تراني مشغوله
فهد : اوكي حبيبتي يالله مع السلامه
ساره : باي

ساره متضايقه لانه فهد بعده مصر عليها يعني خطتنا ما نجحت
ساره ترمس عمرها: يالله كيف اخليه يمل مني شو اسوي ..


الريم من مده ما زارت ساره فقررت انها تزورها اليوم عشان تساعد ساره بتجهيزاتها لزواجها من اخوها

الريم وساره وهم يكتبون تجهيزات ساره
الريم : زين وشو عن فستانج
ساره : فستان عرسي خلاص اخترته
الريم : عند منو بتفصلين
ساره : عند المصمم زهير مراد
الريم مستغربه :هذا في لبنان
ساره : زين يا حلوه سويت طلبيه على الفستان شفته في الكاتلوج وعيبني
الريم : وشو عن القياس
ساره : بروح لبنان كم يوم باخذ اغراض من هناك ترى اغارضهم حلوه وايد ومره وحده بخليه ياخذ القياس وبختار انا وياه عن الموديل
الريم : بس ما بقى شي
ساره : لا تخافين اتفقت وياه
الريم : ويا منو بتروحين
ساره : ويا امي بس 3 ايام
الريم : زين زين


*******************
وبعد كم يوم
ساره سافرت لبنان وياامها وخذت اغلبية اغراضها من هناك

اما نوره فسوت مفاجأه وردت من السفر بدون ما تقولهم وعلى طول راحت بيتهم

خالد وهند وامهم قاعدين يتعشون
هند: شفتو المتفيجه راحت لبنان
خالد منو
هند : ساره بعد منو
خالد : والله وليش
الام : عشان اغراض عرسها
خالد عصب وايد لانه ما يعرف اصلا متى زواج ساره
هند : حظها والله



خالد ودر الاكل وقام من مكانه
الام : ما كملت اكلك يا خالد
خالد : امايه متى عرس ساره
الام : بعد اسبوع انشاء الله
خالد فتح عيونه : شوووووووووو بهالسرعه
الام : اي سرعه يا خالد هم من اكثر عن 3 اشهر مالجين
خالد انقهر وايد وكان يبى يطلع بس سمع حد يدق الجرس


ولا المفاجاه نوره وعبدالله يايين
خالد استغرب شاف اخته نوره : نوره اختي
الام وهند سمعو خالد ينادي نوره على طول راحو يشوفون منو ياي ولا شافو نوره ..الام وايد متعلقه في بنتها نوره لانها اكبر بناتها
الام راحت تحضن نوره : فديتج يا نوره اشتقتلج وايد
خالد يسلم على عبدالله : الحمد لله على السلامه ياالنسيب
عبدالله : الله يسلمك ..
هند راحت تحب اختها نوره : نورووه صدق اشتقتلج ما توقعت باشتاقلج لهالدرجه
نوره : وانا اكثر والله اشتقتلكم وايد
الام : تفضلو قعدو
نوره : ما بنطول وايد لانه تونا يايين من السفر وبنروح بيت عمتي ام عبدالله
خالد : وليش ما قلتولنا عشان نستقبلكم في المطار
عبدالله : بعد اختك تموت الا وتسوي مفاجاه
الام : بس صدق مفاجأه حلوه
نوره : والله اشتقت حق ساره ابي اشوفها
هند : ساره سافرت عشان تفصل فستان في لبنان
نوره : حسافه كنت ابي اشوفها ..ومتى بترد ؟
هند : يمكن باجر او اللي عقبه


وبعد ما قعدت شوي نوره وياهم وسولفو راحت نوره عند عمتها ام عبدالله


*********************
اما ساره فردت من لبنان بعد ما فصلت الفستان وخذت وايد اغراض من هناك .. بس اكيد تاخذ اغراض وهي تتخيل ان اللي تاخذه خالد ودايما تقول في نفسها ( لو انت يا خالد اللي باخده كنت بكون اسعد انسانه في العالم)..
وساره ما تعرف برجوع نوره من السفر




هالاحداث اللي صارت
وشو اللي بيصير في الجزء اللي بعده
وكيف بتكون حياة ساره وفهد وعرسهم ؟؟
ونوره شو اللي ينتظرها ؟
وهل راح تصير مشاكل بين عايلة شيخه ومحمد ؟؟
انتظروني بالجزء اللي بعده
مع تفاصيل زواج ساره مع فهد اللي الكل ينتظره وكيف بتكون حياتهم؟؟

 

[الشوق]

مشاركة: مجنون سارة ,, قصة ٌ في منتهى الروعه

الجزء الخامس والعشرون



وبعد رجوع ساره من لبنان .. وساره ماتعرف برجوع نوره من السفر ..

في اليوم الثاني :
نوره على طول راحت بيتكم ساره لانها صدق اشتاقتلها وكانت تبى تسويلها مفاجأه ..
ساره وهي تجهز الاغراض بعدها ولا تسمع حد يدق باب غرفتها فهي فهي قالت اكيد امها لان محد في البيت غيرهم ولا يوم نوره تدخل
نوره بصوت عالي : مفاااااااااااااااااجأه
ساره تصد ولا تشوف نوره ( ساره فاتحه عيونها ) وعلى طول فرت البدله اللي كانت في ايدينها وراحت بسرعه حضنت نوره وهي تقول: فديتج نوره اشتقتلج والله اشتقتلج موت
نوره : والله وانا اكثر ما توقعت اني بشتاقلج لهالدرجه
ساره تنغمز نوره : علينا علينا
نوره مستغربه : شو فيج
ساره : اونج اشتقتيلنا ..ليش انتي فكرتي في حد اصلا ..
نوره تضرب ساره : ساروووه بلا حركات
ساره : انتي اصلا ما فكرتي في حد كيف تفكرين في حد وفارس احلامج وياج ..
نوره تقعد على الغنفه: لا حبيبتي انا مب من النوع اللي انسى حبايبي
ساره : بنحاول نصدق ...تعالي متى يايه
نوره : البارحه وسالت عنج قالولي مسافره
ساره : هي والله رحت لبنان كان في خاطري اروح هناك تعرفين بعد اغرب الاشياء في لبنان
نوره : زين شو شاريه راويني
ساره طلعت الاغراض والماركات وكل شي
نوره وهي مندهشه: واااااااااااااو الصراحه ولا احلى الاغراض تخبل ولا ( تاشر على الشنط ) ولا هالشنطه ديور مانزلت عندنا بعدها .
ساره : هي ترى في ديزاينات تنزل في لبنان قبل دول الخليج.
نوره : ذوقج رووعه
ساره : ما يغلى عليج حبيبتي
نوره : تسلمين كلج ذوق
نوره فجاه سرحت وفي خاطرها تقول شي
ساره لاحظت ان نوره في خاطرها تقول شي..
ساره : نوره بلاج شو فخاطرج قولي
نوره : لا وووولا ..شي
ساره : عليه قولي تراني فاهمتنج
نوره : بقولج بس لا تفهميني غلط
ساره : لا افا عليج قولي
نوره : ساره انا اللي اعرفه انج ما تحبين فهد ..بس اللي تسوينه يبين انج مستانسه وتحبينه
ساره ملامحها تغيرت والحزن بدى فملامحها : قصدج لاني روحت لبنان وتشريت من هناك يعني اني مستانسه لعرسي صح
نوره : لا تضايقين من كلامي انا ..
ساره : اعرف قصدج .. صح اني رحت لبنان عشان اتشرى بس هذا مب يعني اني مستانسه بس والله احاول اسلي عمري بهالاشياء .. بعدين انا احب اتلبس وأتكشخ واهتم في عمري حتى لو انا ما احب هالشخص ..
نوره : يعني بعدج ما تحبين فهد
ساره : لا طبعا ما احبه ولا بحبه في يوم
نوره : غريبه ما قدر يغير طبعج حتى في الملجه ..ليش هو مب رومانسي
ساره : بالعكس كلامه وايد حلو وعذب واي وحده بتستانس من هالكلام الا انا لان قلبي لانسان ثاني ..
نوره : الله يهديج يا ساره ويسعدج



نسيت احط هالجزء


ساره تبى تغير السالفه : ولا تعالي يا الشيطانه شو عن شهر العسل شو استانستي
نوره ويها احمر : اكيد بستانس لان اللي تمنيته كان ويايه
ساره : ربي يهنيج
نوره : وبعرف اخبارج ترى ما بقى على عرسج شي ..ان شاء الله باجر عرسج
ساره : صدق الايام بسرعه تمر
ساره : نوره كوني ويايه في عرسي في كل خطوه اوكي
نوره : من دون ما تقولين .. كيف ما اكون ويا اختي
ساره : فديتج والله ..

ساره تحاول تسلي عمرها في الاغراض وفي اي شي ..بس هي لين الحينه مب متخيله كيف بتعيش ويا انسان ما تحبه ..

اما خالد فهو متضايق على الاخر لان كل يوم يمر وهو يتخيل ان ساره بتنفصل عن فهد ..بس الايام مرت وفهد بيكون لساره ..
خالد قرر ان يتصل في ساره ويعرف شو السالفه ..
ساره كانت توها راده من الصالون ولا تسمه موباليها يرن
ساره : الو
خالد بحزن وشوق : شحالج ساره
ساره يوم سمعت صوت خالد تضايقت مره ثانيه لانها ما بتكون له : ساره بحزن ورقه: خالد
خالد : هي خالد ليش ما توقعتي اتصالي صح
ساره : خالد قلت لك لا تتصل ما فيه على المشاكل
خالد : ما يهمني شي ..بس ابي اعرف ليش ما وفيتي بوعدج
ساره : والله حاولت بكل الطرق عشان ينفصل عني وجفيت معاه وغيرت اخلاقي وكنت جافه وياه بس ما شي فايده شو اسوي
خالد بعصبيه : والحينه بتكونين وياه ..قولي ( بصريخ ) كيف بعيش بدونج كيف اتخيل انج لانسان ثاني ..كييف كيف
ساره والدموع بعيونها : خالد كافي لاتعذبني اكثثر والله اني متعذبه اكثر منك بس شو اسوي قولي شو ؟؟
خالد : عند يحل
ساره : حل مثل شو ؟
خالد بجديه : شو رايج ...( متردد) نشرد
ساره فتحت عيونها: شوووووووووووووووووووو
خالد : هيه نشرد ونتزوج بدون ما يعرف فهد يعني بس اهلنا وبعدين يوم بيعرف انج متزوجه غيرج بيودرج
ساره : انت وايد متاثر في الافلام الهنديه
خالد : ليش منو قال ان وايد من قصص الافلام والمسلسلات منواقعنا بس نحن ولا ندري
ساره : الله يهديك شو نشرد ..ما سوينا شي .. شو نسيت تهديدات فهد ما فيه على المشاكل والصراحه خايفه عليك وعلى امي من فهد
خالد بعصبيه : خلا يولي ..ما اخاف منه اصلا .
ساره : لا تعصب خالد ما بي احس اني السبب في عذابك
خالد : ساره يعني ما شي فايده ... حتى لو تزوجتيه بعد حاولي تكونين اخس من قبل يعني اقسى عشان يودرج وانا اوعدج اني باخذج
ساره : يعني اكون مطلقه
خالد : شو فايده اتكون انسانه متزوجه بس بتعاسه ومع انسان ما تحبينه وبعدين انتي ما بتكونين مطلقه لاني باخذج ..
ساره : وانت ما بتزوج غيري وبتترياني
خالد : اوعدج اني ما بتزوج حتى لو طول حياتي وبترايج لين ما انتي تقولين انج ماتبيني
ساره : مستحيل اقول اني ما اباك .مستحيل وبعد حرام انك ما تزوج عشاني ما ارضى عليك
خالد : افا يا ساره قولي كيف باخذ انسانه وقلبي معاج وقلبي ما ينبض الا باسمج ..
ساره استحت : خالد .



خالد : ما اقدر يا ساره لازم اعبر عن حبي لج ...سنين وانا اباج وبخاطري اقول وايد اشياء وكنت انتظر عشان نتزوج واقولج اللي قي خاطري.. بس حرمني منج هالنذل
ساره : خالد خالد الله يخليك بس
خالد : ساره بتودين موبايلج في السفر
ساره : ليش
خالد : بس ابي اعرف
ساره : هيه بودي موبايلي على الاقل اتسلى
خالد : لا تنسين انج تقسين عليه عشان يودرج وتكونين لي
ساره : اوعدك يا خالد ان اغير طبعي واكون قاسيه لاخر حدود بس عشانك يا خالد ..
خالد : اوكي يا ساره وانا بترياج العمر كله

ساره مستحيل تتقرب من فهد لان خالد دايما يذكرها بالوعد وبالحب اللي كان بينهم ..


*****************

اما في بيتكم شيخه..
ام شيخه راحت عند شيخه وهي متردده تفاتحها بالسالفه
ام شيخه : شيخه يمه بقولج شي لا تتضايقين
شيخه حست باالسالفه : خيريمه
ام شيخه : بعدج يا يمه مب مرتاحه لمحمد
شيخه متضايقه : هيه يمه ما ابيه مابيه خلاص
ام شيخه : ماعرف كيف افاتح مرت عمج اخاف تزعل
شيخه : هذا زواج .. والزواج قسمه ونصيب ..ومرت عمري انسانه فاهمه ومستحيل تقطع الصله عشان هالسالفه
ام شيخه : الله يعينا يارب

************************

وفي المساء ساره وايد تحاتي لان ما بقى شي على عرسها وهي وايد خايفه ..
فهد اتصل في ساره وهو ميت من الوناسه لان واخيرا بيجتمع مع ساره ..
ساره من غير نفس : الو
فهد : هلا اللي باجر بتكون ويايه طول العمر
ساره ماردت وهي منقهره
فهد : تصدقين مااقدر انام من الفرحه
ساره في خاطرها ( وانا ما اقدر انام من القهر )
فهد : تعرفين سار ه اني حجزت لالمانيا وبلجيكا ترى فرق شويه بينهم يعني بننتقل بين المانيا وبلجيكا بالقطاروفرق بينهم ساعتين
ساره : اوكي
فهد : اتصدقين اني اشتقتلج موت من زمان ما شفت ويهج القمر
ساره : بتشوفني باجر شو ما تقدر تصبر يعني
فهد : كيف اصبر على الروح اللي سكنت روحي
ساره من غير نفس : فهد بخليك الحينه ابي انام تعبانه
فهد : خلاص يا عمري بخليج وترى احلى يوم عمري هو يوم اشوفج
ساره : يالله مع السلامه
فهد وهو مستانس : مع السلامه حبيبتي

فهد ماسك الموبايل وحاطنه عند قلبه والابتسامه بشفاته : فديتج يا ساره والله اني اموت فيج

اما ساره فالدموع في عيونها لانها ما بتكون لخالد

وياهاليوم اللي هو احلى يوم عند فهد واخس يوم عند ساره

ساره من الصبح قايمه وهي تجهز على عرسها


والريم وهي طايره من الفرح لسعادة اخوها ولان مرت اخوها بتكون اعز رباعتها اللي هي ساره

ام ساره مستانسه وايد لان بنتها الوحيده بتزوج وهي ما تعرف ان ساره مب مستانسه بهاليوم ..وزعلانه بنفس الوقت لفراقها

ولا فهد الله على فهد يتريه متى يستوي المساء بس عشان يشوف ساره

اما الريم فلبست الفستان الفوشي وحاطه ورده بنفس اللون على ينب من شعرها ..وهي ويا العروس ساره ونوره بعد متكشخه مع الفستان الاسود مع التطريز الاحمر وكانت بعد حلوه.. وهم يشوفون ساره لين ما يخلصون شعرها ومتخبلين عليها ومع مكياجها
الممكيجه اللبنانيه : بعملك شعراتك على شكل رولات وانتي ما بتعرفي حالك عن جد تغيرتي يا ساره
ساره تبتسم : يالله اتريه اشوف عمري
نوره : هي بدون مكياج حلوه والحينه صدق ماشاء الله تخبلين
الريم : يا حظ اخويه فيج

والحينه الساعه 10 ونص وقت العروس عشان تطلع ..وساره مسويه حركه حلوه يايه على عربانه كانها سندريلا مع الحصان صدق على شكل سندريلا وهي داخل العربانه ونوره والريم يمشون مع العربانه والكل مستغرب من الحركه الحلوه .. اما الكوشه فلا احلى على شكل طبيعه وشلالات واصوات العصافير ونزلت ساره من العربانه وكانت احلى من الحلى نفسه .. شعرها صابغتنه بلون العسلي مع الهايلات الشقر ورافعتنه شوي مع رولات نازلين على كتفها والفستان كان بسيط وحلو فستان الابيض وشوي مع التطريز الذهبي كانها اميره.. ومكياجها على درجات البني والذهبي وياي على شكل الاسموك .. وعيونها طبعا طبيعيات عسليات ..وكانت حلوه ومتغيره واااايد وساره وهي تمشي بروحها طبعا مع ابتسامه حلوه مع غمازاتها والكل منبهر بجمالها وكل اللي يشوفها يذكرون الله لانهم يخافون يحسدونها..
ساره بعد ما وصلت للكوشه وباتسامتها الرقيقه قعدت والمغنيه تغني باحدث الاغاني ويايبين رقاصات وسالفه ..

ام ساره وهي تكلم ام خالد والدموع بعيونها : فديتها بنتروح عني
ام خالد : هاي سنة الحياه .. نربي عيالنا ونتعب عليهم وسبحان الله اي واحد جاهز مجهز وياخدها
ام ساره : اهم شي يكونون متفاهمين وعلى حب
ام خالد : الله يهينهم..
ام ساره : امين

 

[الشوق]

مشاركة: مجنون سارة ,, قصة ٌ في منتهى الروعه

الريم وهي تروح عند ساره عشان تصور وياها ..
الرريم يالسه عندها : ساره تصدقين ان رباعتي متخبلين عليج
ساره بابتسامه : والله ...
الريم : يقولون شكلها كانها اميره مع الفستان والمكباج
ساره : يحليلهم والله كلهم نظر
الريم : وانا عاد مستانسه اوني فخوره
ساره : ههههههههههههه ..عاد انتي ما صدقتي
نوره يايه ركض عندهم: سارووه
ساره : هلا
نوره شوي شوي ترمس : ساره قريتي على عمرج
ساره : وايد متفيجه انتي يايه من هناك عشان جذي
نوره : كل ما امر عند طاوله الكل يمدح فيج والله اخاف يضربونج بعين ترى العين لها حق
ساره : والله نسيت
نوره : انا بقرى عليج
الريم : هههههههههههههه
نوره : بلاج
الريم : اول مره اعرف ان شي وحده تعترف انها بقره
ساره :ههههههههههههههههه ..ايه لا تضحكوني فضيحه الكل بيشوفنا بيقولون بلاهم هالخبال
نوره : هههههههههه اعترفتي انج من الخبال يعني
ساره : لازم من عاشر قوم ............ كملوها

الناس والكل توقعو ان ساره مستانسه بهاليوم لانها خدعت الناس بابتسامتها الرقيقه .. وهم ما يعرفون بلي بداخلها ..

وياوقت دخول فهد ...
وطبعا العروس لازم توقف تتريه المعرس وساره قلبها يدق ومتوتره وايد والحزن مالي قلبها ..
اما فهد متصل في الريم
فهد : تعالي برع الريم اترياج
الريم: وانا شو خصني انت ادخل بلاك
فهد : استحي
الريم : متفيج والله
فهد : دخلي ويا ويهج
الريم : سب بيوم عرسك عفان الله
فهد : الريم
الريم : زين يايتنك ..
فهد متوتر واااايد ومستحي لانه داخل على الحريم بس هو متشوق يشوف حبيبة عمره اللي من مده ماشافها وهو ميت يبى يشوفها
المغنيه : تغطو يا الحريم ترى المعرس ياي
وفهد ويا بشته يمشي وهو مستحي منزل راسه بس فهد صدق بهاليوم بعد يخبل لانه مستحيل حد يشوفه وما يتخبلون على شكله..( عيونه وساع وشعره سايح واسود وخشمه مثل السيف ولونه حنطاوي يعني لا ابيض ولا اسمر وعليه جسم وطول).. يعني صدق لايقين على بعض..
دخل فهد وساره منزله الطرحه على ويها ومنزله راسها ومتوتره
فهد راح عند ساره وقف ورفع الطرحه وبابتسامه باس فوق راسها من الوقار ووقف عندها
والمصوره تصورهم ..
والكل تخبل على فهد وبالذات بالبنات لانه غااااااوي

الريم وهي ترمس هند : ماشاء الله عليهم اثنينتهم غاوين
هند : هيه
نوره : صدق ساره قمر و...( استحت ما كملت )
الريم: ادري اخويه بعد غاوي الكل يمدح بجماله
هند : حتى خالد اخويه حلو وايد الكل يقول انه وسيم
نوره : هي صح خالد اخويه حلو ماشاء الله عليه بس كلمة الحق تنقال ان فهد اوسم عنه
هند مستغربه : ايه هذا اخوج
نوره : زين يعني اخويه لازم اجذب ... انا اقول ان خالد غاوي وايد بس فهد اوسم عنه ..شو يعني
الريم: انتو ايه شو داشين تنتخبون ملك جمال الكون ولا شو ؟
نوره : اذا عن الانتخاب انا بتنخب ريلي فديته
الريم : بدت تتغزل فيه الحينه منو بيسكتها
هند ونوره : هههههههههههههه

فهد بعد ما قعد ويا ساره على الكوشه وهو يهمس لها بابتسامه حلوه
فهد : ساره مبروك عليج
ساره بضيق: الله يبارك ....
فهد متخبل على ساره : ساره طالعه اليوم احلى من القمر
ساره ما تصد حتى صوبه : تسلم

وام ساره حالتها حاله الدموع بعيونها لان وحيدتها بتروح وام خالد اللي هي اختها تواسيها
ام خالد : بس يا ويخيتي قطعتي قلبي
ام ساره واالدموع بعيونها : هاي بنتي الوحيده هي اللي منوره البيت كيف بتم بدونها
ام خالد: بس كم يوم وشهر عسلها مب اكثر عن اسبوعين وان شاء الله باجر بتي قبل ما تروح وبتسلم عليج ..
ام ساره : فديتها بنتي بتروح عني
ساره وهي تفكر بامها وتشوفها من بعيد وقلبها متقطع عليها ..
وبعد ما الاغلبيه روحو والحينه دور العروسين
ساره نزلت من عند الكوشه وراحت صوب امها وهي تحضنها وتصيح : امايه فديتج بروح عنج
ام ساره : لا تصيحين حبيبتي ان شاء الله بشوفج دوم
ام ساره : ما اقدر بدونج يا امايه
ام ساره : عيب روحي ويا ريلج الحينه لا تخلينه واقف يالله روحي
ساره وهي حاضنه امها : لا ما بي اروح ابيج انتي
ام ساره: بلا فضايح ساره يالله روحي حبيبتي وعسى الله يهنيكم يارب
ساره راحت ويا فهد والدموع بعيونها ..

وبعد ما نوره والريم سلمو على ساره وفهد
ساره ويا فهد راحو الغرفه في الفندق طبعا والمصوره تترياهم عشان تكمل باقي الصور ..
وساره بعد ما مسحت دموعها وشوي عدلت مكياجها ..
المصوره تقول لساره انها تتقرب من فهدشوي عشان التصوير..
ساره بعصبيه : بسنا تصوير من الصبح ونحن نتصور
المصوره : ايه بس الصور مش طالعه حلوه كتير لانك ما بتتأربي من جوزك كانه غريب ..
ساره : والله انا على راحتي
المصوره : بس هيك الصور ما بتطلع حلوه كلها عاديه اول مره اشوف عروس ما بتتارب من جوزها هيك الالبوم ما بيطلع حلو يعني بس صور عايلتكن
فهد حس ان ساره متضايقه : ماعليه خليها هي شوي متضايقه بسنا صور
المصوره : على راحتكن المهم الف مبروك ان شاء الله تتهنو .
ساره : تسلمين

وطبعا الحينه محد غير فهد وساره في الغرفه
ساره واقفه مكانها وهي مستحيه لانها ويافهد بروحهم ..
فهد يكلم ساره وساره منزله راسها : الف مبرك يا ساره
ساره بحزن : الله يبارك فيك
فهد : تصدقين يا ساره اني مب مصدق عمري اني وياج واخيرا يهاليوم اللي تكونين زوجتي وملكي
ساره مب قادره تعلق على شي ..
فهد يرفع راس ساره : وهالجمال كله بيكون لي صدق اليوم متغيره وطالعه مثل الاميرات
ساره كانت واقفه عشان تتهرب شوي قعدت ..
وفهد راح عندها : ساره ابي اقولج اني اسعد انسان في العالم واوعدج اني راح اسعد ج قد ما اقدر ولو اعطيج روحي ما بترخصلج واتمنى تعطيني فرصه
ساره ما تقدرت تكلمه ولا تحط عينها بعينه لانها متضايقه وشوي تبى تصيح ..
وفهد شاف ان يايبين العشاء والكيكه على طول ياب صوب ساره
فهد : تفضلي يا زوجتي
ساره طبعا ميته يوع بس عشان ماتبى تاكل ويا فهد قالت انها : مب يوعانه
فهد : افا كيف مب يوعانه وانتي من الصبح مب ماكله شي.. تعالي كلي على الاقل قطعه
ساره قربت عشان تاكل شوي ..
فهد مسك الشوكه عشان يأكل ساره ..
ساره بجديه مسكت الشوكه ..فهد استغرب : بلاج
ساره : اعتقد اني اعرف ااكل عمري
فهد مستغرب : بس حبيبتي انا بخاطري أأكلج
ساره : بس انا ما ارتاح جذي .. باكل بروحي
فهد بضيق: على راحتج
ساره كلت كم لقمه وقفت مكانها
فهد يشوفها : وين ما كلتي شي
ساره: شبعت


فهد وقف وياها ...ومسك ايدنها : ساره انا
ساره بعصبيه ..( هدت ايدينه ) لو سمحت فهد بقولك شي
فهد مستغرب : خير
ساره: بقولك شي واتمنى انك تفهمني ..انت قايل انك ما تبى تزعلني صح ؟
فهد : اكيد
ساره وهي رافعه حواجبها :اولا انا ما ابيك تلمسني ابدا
فهد مبطل عيونه مثل البومه : بس انا زوجج ويحق لي
ساره : انا ما اتكلم عن الحقوق بس انا ما ابيه وتعرف السبب ..
فهد : لا ما اعرف السبب يمكن اعرف ؟
ساره : لاني ماخذتنك عن غصب يعني ما ابيك تلمسني
فهد ماسك عمره ويحاول ما يقول شي عشان مايزعلها من اول يوم
ساره بكل ثقه : ويمكن لو سمحت تنام باي مكان يعني مب ( بخجل ) مب عندي
فهد : ساره كاني غرييب بلاج انا زوجج
ساره : ادري بس ما ابي انا وياك ..بنام على الغنفه وانت نام على السرير..
فهد والقهر مالي قلبه : وبعد شو اوامرج
ساره : وهالحال حتى في شهر العسل اباك تاخذ شقه مب فندق عشان كل حد بغرفه عشان محد يعرف وننفضح
فهد : ساره انتي شو تقولين ما في وحده في العالم جذي تقول حتى الحريم اللي يستحون من رياييلهم ما يقولون هالكلام
ساره بحزن : بس انا وضعي غير( بعصبيه ) ..انا ماخذتنك غصب فهمت فهمت
فهد يحاول يلبي طلباتها لانه متوقع ان ساره منصدمه لين الحينه ومستحيه ويمكن تغير رايها في السفر : على امرج
ساره : اتمنى تكون عند كلمتك
فهد بحزن : اوكي يا ساره اهم شي عندي راحتج
ساره : والحينه عن اذنك بروح ابدل ..
راحت ساره في الحمام عشان تبدل ..اما فهد فهو منصدم من طلبات ساره .. بس عنده امل ان ساره تتغير في يوم من الايام ..بس اللي مفرح قلبه ان ساره زوجته وبتكون له للابد ودايما بيكحل عيونه بشوفتها لان فهد ميت فيها ..

طلعت ساره من الحمام وهي لابسه بجامه بس قطعتها حلوه وفخمه بس مستووووره ولا كانها عروس وفتحت شعرها السايح بعد ما خوزت المكياج ..

فهد : ساره انتي نامي على السرير وانا بنام على الغنفه
ساره : ليش عادي بنام انا على الغنفه
فهد : ما ارضاها عليج ..عروس وتنام على الغنفه بس عطيني وساده عشان انام فيها وشي لحافين رفيع وغليظ عطيني الرفيع اوكي ..
ساره عطته اللي يباه ..
راح فهد وجهز الوساده واالحاف على الغنفه
اما ساره فهي على السرير بس بعد مستحيه لان فهد معاها بنفس الغرفه حتى لو هو بعيد شوي عنها بس بعد مب ماخذه راحتها ..
فهد بكل رقه: تصبحين على خير يا عمري
ساره : وانت من اهله
ساره مستيحه مغطيه شوي باللحاف على ويها ..
اما فهد فهو يترقب حركات ساره ويبتسم ومستانس مع جفاء ساره لانه بيمسي وبيصبح على ويه ساره وعلى وجودها..





.... شو اللي بيصير لساره وفهد ..
وكيف بيقضون شهر عسلهم بسعاده ولا بحزن ونكد وضيق؟
وساره هل بيلين قلبها وبتحب فهد ولا بتم على نفس الموال ؟
ساره وفهد راح يتمون للنهايه ولا بينفصلون ؟؟
وفهد هل بيستحمل على شروط ساره وقسوتها ؟؟
وخالد شو مصيره صدق ما بيتزوج لين ماساره ترجعله؟؟

 

[الشوق]

مشاركة: مجنون سارة ,, قصة ٌ في منتهى الروعه

وبعد زواج ساره ..



ساره طبعا نامت على السرير وهي مستحيه اما فهد فنام على الغنفه ..

والصبح :
فهد قام قبل ساره طبعا من الوناسه ويوم قام شاف ساره نايمه بكل برائه وحلاوه على السرير وفهد ابتسم وراح وقف عند سريرها وهو يتأمل ملامحها ويقول في نفسه : فديتج يا زوجتي والله اني اموت فيج ومب مصدق انج صرتي لي بروحي .. وملامحج ما تبين انج بهالقسوه .. بس اتمنى تتغيرين عليه وتحبيني لو جزء بسيط .
.وراح فهد عشان يطلب الفطور وغير لبسه وكل شي
ساره قامت وشافت فهد متلبس ومتكشخ وهو قاعد على الطاوله يتريه ساره تقوم عشان يفطر وياها ..
ساره قامت شافت فهد استحت وقامت من مكانها ..
فهد بكل رقه وابتسامه حلوه : صباح الخير يا احلى عروس بالعالم كله
ساره وهي منزله راسها ومستحيه : صباح النور
راحت ساره عشان تغسل ويها .
وبعدين وقفت مستحيه
فهد بابتسامه وهو يأشر على الفطور / تفضلي يا زوجتي الغاليه ..
ساره بجديه وعناد : لا ما ابي
فهد مستغرب: شو ما تبين الله يهديج تعالي حبيبتي ترى مستحيل افطر بدونج ..
ساره : بس انا ما ابي
فهد : يالله تعالي يبت لج احلىوألذ الانواع .
ساره لانها يوعانه قعدت وفطرت وهي مستحيه ..
اما فهد فميت من الوناسه حس كانه في حلم وهو يشوف ساره كيف تاكل برقه ..
فهد وهو يتامل في ملامح ساره : تصدقين ساره ماشاء الله عليج بدون مكياج وانتي اطيرين العقل ملامحج كلها طفوله وبرائه .
ساره اونها ما سمعت شي ..
فهد : يالله بعد الاكل بنروح بيت اهلج عشان بعد صلاه العصر تقريبا بنروح المطار ان شاء الله ..
ساره يوم سمعت المطار ما كملت اكلها اتذكرت انها بتكون ويافهد وانها بتودر امها
فهد شاف ضيج ساره : ساره بلاج ليش تضايقتي
ساره : ما شي تذكرت امي .
فهد : يالله حبيبتي كلي وان شاء الله الحينه بنروح عندها ونحن ما بتطول في السفر وايد ..
ساره قامت من مكانها عشان تتلبس وتتكشخ ..
ولبست في يوم صباحيتها لبس مغربي روعه عل شكل بنطلون مطرز بلون الفضي والقميس ياي طويل لين ركبتها تقريبا ومفتوح ومطرز بلون الوردي والفضي وفلت شعرها العسلي السايح واتمكيجت مكياج خفيف علىوردي وفضي وكانت حلوه وعيونها طبعا روحها عسليات وكانت صدق حلوه ..

فهد كان برع ويوم دخل شاف ساره بكامل زينتها وقف مكانه مب مصدق ان ساره بهالجمال ..
ساره وهي تتكشخ شافت من المنظره فهد مبطل عيونه واقف مكانه صدت تشوفه : بلاك
فهد راح عندها : ماشاء الله عليج يا ساره مع ان مكياج البيت ..بس الصراحه حرام كلمت قمر عليج .. صدق اني محظوظ ..
ساره في قلبها مستانسه من مدح فهد بس هي مبيه العكس ولا علقت على شي وكملت زينتها ..
فهد : يالله يا بعد عمري نروح
ساره :اوكي يالله

وفهد طبعا وهو كاشخ لابس اللبس الاماراتي كندوره بلون الابيض والغتره حمراء وكان صدق غاوي ..


وظهر ويا ساره ووصلو بيتكم ساره


وطبعا بيت ساره الكل كان ينتظرهم نوره وهند وامهم وحتى الريم واكيد اول وحده هي ام ساره اللي مانامت البارحه عدل من كثر صياحها على بعد وغياب ساره ..

ساره بعد مادخلت بيتهم شافت الكل ينتظرها وعلى طول حضنت امها والدموع في عيونها
ام ساره وهي تحضن بنتها وتمسح على شعرها : فديتج بنتي مشتاقتلج وايد
ساره : والله انا اللي مشتاقتلج اكثر يا امايه
نوره : بلا مناحه الله يخليكم
ساره ابتسمت وراحت عند خالتها اول شي وسلمت عليها .. وسلمت على كل حد
ام ساره : وين ريلج ياساره
ساره : راح يقول عنده شغل عشان السفر واستحى يدخل قال اكيد كل اهلي موجودين
نوره : ومتى ان شاء الله بتسافرون
ساره : بعد صلاة العصر تقريبا بنروح المطار
ام ساره : انا بيي وياكم
ساره : لا يا امايه لا تعبين عمرج خليج
نوره : ونحن بعد
ساره : ليش والله ماله داعي كافي تواجدكم هني
ام نوره : لا يا بنتي لازم نودعج تراج غاليه على الكل
ساره باتسامه : تسلمين خالو
نوره : ماشاء الله عليج يا اساره كنتي البارحه احلى من الحلى نفسه صدق اطيرين العقل
ساره مستحيه: لا عاد من لهالدرجه
هند منقهره لانها من الصغر تغار من جمال ساره : بس ما تغيرتي وايد
نوره تصد لهند : حرام عليج اذا ساره ما تغيرت عيل منو تغير
وبعد السواف رن موبايل ساره وشافت الرقم فتحت عيونها وراحت شوي مكان بعد عن اهلها : عن اذنكم

ساره مستغربه من اتصال ..........خالد
ساره : الو
خالد الحزن بنبرات صوته والدموع بعيونه : ساره
ساره متوتره : خالد
خالد : هيه خالد .. خالد اللي متعذب الف مره عشانج ..خالد اللي ما يقدر يمحيج من باله ولو لحظه ..خالد اللي محترق لانج ويا انسان ثاني مب وياه
ساره ادمعت : خالد الله يخليك كافي عشان الحب اللي بينا
خالد : اسمحيلي يا ساره والله غصبن عني يوم اتخيل ان احلامنا تبخرت انقهر ..انا اللي كنت اتخيل انج بتكونين شريكة حياتي اترييتج متى تتخريجين عشان اخطبج ويوم خطبتج حسيت اني مالك الدنيا لانج حلم طفولتي واختياري الوحيد وبعد هذا كل شي يختفي.. ليش ليش قولي شو ذنبي انا قولي كيف اقدر استحمل قولي كيف ؟
ساره : وانا بعد شو ذنبي ..وانا عيل شو اقول وانا متزوجه بانسان هو السبب بتدمير حياتي .
خالد : ساره بطلب منج طلب واتمنى ما ترديني
ساره : اطلب يا خالد باللي تباه اهم شي ما اشوفك متعذب
خالد : سمعي انا بيي بيتكم بعد دقايق بعطيج شي وبروح
ساره مستغربه : شو ؟ لا مستحيل كيف اطلع برع صعبه وايد
خالد : ساره انا ما اقدر ادخل وتعرفين السبب وبعدين ابي اعطيج شي تذكار الله يخليج لا تضايقيني اكثر بس بعطيج وبروح
ساره : بس اذا حد شافنا
خالد : دقايق والله ساره اذا صدق تحبيني وافقي
ساره طبعا من زود حبها لخالد " اوكي يا خالد انته طرشلي مسج اذا وصلت وانا بطلع بس دقايق اوكي
خالد :حتى لو ثواني الاهم اني اشوفج واعطيج التذكار

بعد ما صكت ساره من خالد وقلبها تقطع اكثر بسماع صوت خالد وهو متعذب ويعاني واكيد الكراهيه لفهد زادت لانه هو سبب كل عذابهم

وبعد دقايق مثل ماقال خالد واقف عند باب بيتكم ساره وطرشلها مسج

ساره يالسه ويا اهلها سمعت صوت المسج وقفت
نوره : على وين ؟
ساره بتوتر : ها ممم راجعه بروح المطبخ وبيي
ام ساره : ليش يا بنتي شو اللي تبينه قولي للخدامه بتيبه بدقايق
ساره : لا عادي ثواني وراده لكم


ساره ما قدرت تطلع من باب الصاله لانهم بيشكون ليش طالعه عشان جذي طلعت من باب الخارجي اونها رايحه المطبخ

ساره بعد ما لبست الشيله وتغطت طلعت
خالد نزل الجامه من سيارته وشاف ساره وكان يشوفها وهو مستانس لانه واخيرا شافها لانه صدق كان مشتاقلها..
ساره وقفت عند سيارته ويوم خالد نزل الجامه شافته وتذكرت ايامهم واحلامها وقلبها تقطع ..
خالد بكل حب وشوق: شحالج يا اغلى ناسي
ساره منزله راسها : تمام ..خالد الله يخليك بسرعه اخاف حد يشوفني
خالد : ان شاء الله ( خذ من سيارته علبه صغيره ) تفضلي
ساره : شو هذا
خالد : هاي تذكار مني لج اتمنى دوم تحتفظين فيه عشان ما تنسيني وبالذات وانتي مسافره
ساره : بس ما اقدر
خالد: ساره الله يخليج اقبلي مني هالهديه البسيطه عشان احس انج تذكريني
ساره : ليش اللي يحب بسرعه ينسى
خالد : اخاف هالوغد ينسيج وعودنا
ساره : مستحيل هالشي يصير والله اني اقسى عليه قد ما اقدر
خالد: واتمنى الله يجمعنا يا ساره
ساره : اوكي خالد مشكور والحينه عن اذنك ما فيه اتاخر
خالد : بحفظ الله يا ساره
ساره روحت ..
خالد : ساره
ساره صدت :نعم
خالد بكل حزن: لا تنسين حبنا ولا تنسين وعدنا بانج تكونين قاسيه وانا بترياج العمر كله
ساره بابتسامة حزن : اكيد وانا بكون عند وعدي

بعد مادخلت ساره راحت من الباب الخلفي وراحت غرفتها وفتحت الهديه ولا تشوف سلسله فيها قلب من جدام فيه حرفها ومن وراء القلب فيه حرف خالد ومنقش عليه من الجوانب بالماس .. وبطاقه من خالد كاتب عليه :
مستحيل احب غيرج .. لان قلبي مايقدر يحب غيرج ..
واخر شي كتب : اتمنى تلبسين هالقلاده دايما..
وساره ادمعت يوم شافت القلاده .. وتاكدت ان خالد يحبها ومستحيل يتخلى عنها ..

 

[الشوق]

مشاركة: مجنون سارة ,, قصة ٌ في منتهى الروعه

ساره نزلت والحزن بملامحها ..
نوره : وين كنتي ساروونه وايد تاخرتي
ساره سرحانه
ام ساره : ساره بلاج ؟
ساره : ها ووو ولا شي
نوره : اقول وين كنتي
ساره : رحت المطبخ وبعدين رحت اممممممممممممممم غرفتي شوي
نوره : يالله ما بقى شي على سفرتكم ان شاء الله جهزتي اغراضج
ساره : هي من زمان ..
الريم : فديته اخويه متى بيي ابي اشوفه البارحه صحت لين ما قلت بس والله البيت بدونه ظلمه .تصد لساره ).متى بيي فهد
ساره بعصبيه : وانا شو دراني عن اخوج
هند : ليش مب ريلج
ساره : هيه ريلي بس عاد مب لازم اعرف كل شي عنه
الكل سكت وما علق على شي..
وبعد دقايق اتصل فهد
ساره من غير نفس : الو
فهد : هلا بحياتي
ساره : خير
فهد : اقول ساره جهزي اغراضج حبيبتي لانا الحينه بنروح ( اتضايقت ساره وايد ) .. اوكي وانا بسلم على امج برع عشان حريم داخل
ساره : اوكي
ساره وقفت : امايه خلا البشاكير يشلون الشنط ويودونه برع لانه الحينه بنروح المطار ..
ام ساره زعلانه : والله الحينه
ساره : هيه والله للاسف
الريم : الله يعني اخويه فديته الحينه بيي واخيرا بشوفه
ساره تصد لامها : امايه يمكن اطلب منج طلب
ام ساره : فديتج بنتي طلبي اللي تبيه

ساره : تسلمين ..اقول رقدي بيت خالتي لين ما اايي
ام ساره : لا ليش
ساره : حرام بتمين بروحج
ام نوره ( اخت ام ساره ) هيه والله انا من متى اقولها بس ما تسمع كلامي
ام ساره :/ يعني ياساره انتي بتمين بيت ريلج ان شاء الله للابد تبيني انام بيت خالتج للابد
ساره : على الاقل فترة سفري.. وبعدين عادي لان ان شاء الله مرتين في الاسبوع بنام عندج
ام ساره مستانسه : والله صدق ..كلمتي ريلج
ساره : مب لازم وبعدين اذا هو ما يبى ينام كيفه انا بنام كل اربعاء وخميس
ساره : زين الحمدلله
ساره : زين امايه عشان خاطري ترى محد في البيت غيرج وغيرالبشاكير
ام ساره: خلاص عشانج يا ساره عشان ماتحاتيني هناك ..عيل بروح البس عباتي عشان اروح وياج المطار
ام نوره : وانا بتصل في بو خالد عشان ياخذنا

والكل تجهز عشان يروحون المطار وساره على طول لبست القلاده مثل ما طلب منها خالد ..
وساره راحت بدلت ولبست بنطلون واسع وقميص طويل لين الركب بس فيه مديل حلو وغريب وقصات ولونه احمر ولبست شيلتها وعباتها ومسحت المكياج وبس خلت جلوس ( لمعه) وكحل ..

وفهد ياي واقف برع لانه استحى يدخل وسلم على ام ساره اما الريم فنقزت على اخوها
الريم : فديتك اخويه ..والله اشتقتلك موت
فهد : والله انا بعد وكنت احاتيج البارحه
الريم ترمس فهد صوت واطي : ما اعتقد كنت تحاتيني لانك اصلا ما قدرت تفكر بحد لان حلم حياتك وياك... عليه يا الجذاب ..
فهد يضحك : حسبي الله على بليسج يا ريمان ما تيوزين ..معلي يوم بتزوجين بلعوزج
الريم استحت ..
فهد : اقول الريم
الريم : خير يا اخويه
فهد : سمعي انا اتصلت في عمي وقلت له عشان ترقدين بيتهم لين مارد من السفر
الريم : شوووووووووووووو ما ابي اصلا انا ما اشوفهم الا في المناسبات وهو ما يتذكر حتى ان عنده بنات اخو
فهد : الريم تعرفين انه مب منه من زوجته وبعدين ما اقدر اخليج بروحج ما يستوي
الريم : ويايه البشكاره
فهد : ما يستوي بعد لازم اتمين ويا حد من الرياييل .. وبعدين هناك محد غريب ترى بنات عمج معرسات ومافي غير عمج ومرت عمج
الريم : ما ابي
فهد بجديه : ريم بلا دلع يالله ترى عمي بيمر بعد ساعتين تقريبا
الريم : يعني بروح بوظبي
فهد : هيه يالله عشاني
الريم: كل شي عشانك يهون يا اخويه

والكل راح المطار وقاعدين يتريون الطياره
وحان وقت السفر
ساره بضيج : اويه دورنا
نوره تضحك : والله كانج بامتحان اخر السنه
ساره : نوروه لا تضحكين عليه ..احر ماعندي ابرد ما عندج
فهد بعد ما خلص تجهيزات السفر : يالله ساره مشينا
الكل وقف يسلم على ساره
نوره تقرص ساره : بنشوف الحلوه كيف بتتغير
ساره : نوروه يوزي
نوره : تذكرين يوم لعوزتيني يوم تزوجت
ساره تضحك
وام ساره والدموع بعيونها : ساره فديتج والله كيف بقدر ايلس بدونج
ساره دموعها اربع اربع : امي لا تعورين قلبي انا اللي كيف بتم هناك بدونج ..اقول ما يستوي اتين ويانا
نوره : ههههههههههههههههههههه الحمد لله والشكر امي انتي بشهر عسل شو نسيتي ولا تناسيتي
ساره : اي شهر عسل الله يخليج
ام ساره : يالله روحي ترى ريلج يترياج



فهد : شربي شي على الاقل
ساره : فهد الله يخليك خلني على راحتي يوم ابى بزقرها زين
فهد يعرف ان ساره متضايجه بس هو يحاول يونسها ويغير مزاجها قد مايقدر..
فهد ساكت ولا يقول شي
ساره تذكرت شي: هيه صح اقول فهد سويت مثل ما قلت لك
فهد : شو
ساره : ان بناخذ شقه فيها غرفتين مب فندق
فهد : ما حصلت شقه بدايه قلت يوم واحد بناخذ فندق وبعدين بدور
ساره بعصبيه : بس انا قلت لك ما ابي
فهد : ادري ادري فاهم شو بتقولين بس ما قدرت بالذات في بلجيكا اكثر شي عندهم فنادق ..بس يوم واحد لاتحاتين وانا بنام على الغنفه زين
ساره ما قالت شي سكتت وهي منقهره ..
ساره حطت راسها ونامت شوي لانها تعبانه ..اما فهد فهو حاط راسه بس مب نايم ..
ولا فجاه |................الطياره اهتزت لانها مرت بمطبات هوايئه وصدق الكل قام من الزياغ وساره خافت ولا لا اراديا ايد ساره لامست ايد فهد
فهد صد فجاه واستغرب من سلوك ساره : بلاج
ساره حست ان ايدها تلامس ايد فهد ويها احمر مثل الطماط واستحت : ها ولا شي بس كنت نايمه وحسيت كانه الطياره اهتزت
فهد يبتسم : لا عادي حبيبتي اكيد الطياره مرت بمطبات ..غريبه خفتي مع انج وايد تسافرين
ساره مستحيه : ادري بس هالمره كنت نايمه عشان جذي.. يعني نقزت
فهد : لو ادري ان اهتزاز الطياره بيخليج تلمسين ايديني كنت من زمان دعين ربي ان الطياره كل دقيقه تمر بمطبات
ساره نزلت راسها واستحت وماقالت شي ..روحها استغربت كيف لمست ايد فهد ..
اما فهد فحس بشعور غريب وكان مستانس .. يحليله فهد ما ينلام ..



كيف بيكون شهر عسلهم ؟؟
شو اتلاحداث اللي بتصير؟؟
احداث كثيره تنتظركم عن نوره وعبد الله وهند وسالم ومحمد والريم وشيخه واحداث الاهم ساره وفهد وخالد..

 

[الشوق]

مشاركة: مجنون سارة ,, قصة ٌ في منتهى الروعه

وفهد وساره في الطياره ساره ما قدرت تنام بعد الاهتزاز خافت انها تلامس فهد بالغلط .. اما فهد فمستانس واااايد لانه بيتم بروحه ويا حبيبة العمر .. وعنده امل بسيط ان ساره تحبه مع ان هالشي صعب لان ساره وايد صعبه .

ساره تصد لفهد : فهد
فهد يصد لساره : هلا عمري
ساره : متى بنوصل والله تعبت
فهد : والله ما باجي شي لان من الامارات لبلجيكا تقريبا 6 ساعات ونص يعني جريب ان شاء الله ..
ساره : اف الله يعين

بعد نزول الطياره لمطار بلجيكا
فهد يصد لساره : ساره حبيبتي وصلنا
ساره سرحانه وهي بضيق : واخيرا صدق تعبت
فهد ماسك الشنط وساره قامت وهي تعبانه لانها مانامت من الصبح

بعد نزولهم للمطار وانتهائهم من اجراءات الوصول ..
ركبو فهد وساره تاكسي عشان يوصلون لاحدث وافخم فنادق بلجيكا
وكان عندهم هناك الساعه 9 مساء
ساره قاعده في السياره تتامل بمناطق بلجيكا
فهد يشوف ساره ويبتسم: شو رايج في بلجيكا
ساره من غير نفس : ليش انا نزلت ولا تميت هناك
فهد : لا قصدي بمناظرها
ساره : مبين عليها حلوه وايد
فهد : طبعا بالذات لانا نحن في منطقة بروكسل ..وهالمنطقه وايد حلوه .
ساره : ليش انت رايح بلجيكا قبل
فهد : الصراحه لا ..بس ربعي رايحين وهم اللي مدحولي

بعد وصول فهد وساره للفندق فهد كان متفق ويا اصحاب الفندق ان يسوي لساره مفاجاه داخل الغرفه
فهد فتح باب الغرفه : تفضلي يا احلى عروس
ساره دخلت ولا شافت غرفه وسيعه واثاث راقي وفراش السرير مغطاي بالورود الطبيعيه الحمراء وشي بالطاوله كيكه حمراء مكتوب عليها I love you وشموع حمر وباقه ورد كبيره ..ساره تفاجات لان صدق كل شي حلو وراقي
فهد بابتسامه : ها شو رايج بالمفاجاه ..عشان جذي انا كنت ابى فندق في هاليوم ..تراني مرتب كل شي
وفهد عشان يكمل المفاجاه طلع قلاده مطرزه كلها بالالماس على شكل فراشه ووسط الفراشه حرف ساره .. وكانت حلوه واحلى من قلادة خالد ..
فهد : افتحي الهديه
ساره : فتحت الهديه ولا تشوف القلاده وصدق تخبلت عليها ..
فهد : ان شاء الله تعيبج ..يالله يمكن تخليني البسج
ساره تذكرت انها لابسه قلادة خالد ...ومسكت قلاده خالد ..
فهد : بلاج
ساره : ما اقدر البسها الحينه لاني لابسه قلاده ثانيه
فهد : عادي حبيبتي لبسي قلادتي وبعدين لاحقه على هالقلاده
ساره بعصبيه : لا مستحيل
فهد عاقد حواجبه : ليش شو سالفة هالقلاده يعني
ساره توترت خافت انها تنكشف : ها لا بس هاي هدية اممممممم نوره وانا وعدتها اني ما اعق هالقلاده لمده على الاقل
فهد : زين لبسي قلادتي على الاقل جامليني
ساره غيرت مكانها وبعصبيه : اوووووووووه قلت لك ما ابي غصب .. يوم ثاني بلبسها ..خلاص لا تنكد عليه من اول يوم بعدين ابي انام يمكن
فهد منقهر واااااااااايد ومنزل راسه وما علق : كيفج ..بس كلي قبل ما تنامين تراني مجهز لج الذ الماكولات
ساره : ما اشتهي انت بروحك كل

فهد عصب: ساره
ساره تصد : خير تبى تقول شي
فهد ماسك اعصابه وهو منقهر من سلوك ساره : ساره حبيبتي كلي حرام عليج انا مجهز كل شي عشانج زين على الاقل الكيكه
ساره تفكر : خلاص اوكي بس قطعه
فهد بابتسامه : اوكي حياتي على راحتج يالله تعالي
قعدت ساره مع فهد ..فهد قطع الكيكه وخذ الشوكه عشان يأكل ساره
ساره مسكت ايد فهد : فهد بروحي باكل
فهد وهو ماسك الشوكه : حرام عليج ساره في خاطري تاكلين من ايديه ..ذيج المره ما كليتي هالمره عاد لا تزعليني
ساره : بس انا ما ابيه خلاص ترى ما باكل
فهد زعلان : خلاص اوكي .. اهم شي تاكلين شي
ساره كلت كم قطعه
اما فهد فهو منقهر من اول يوم بجفاء ساره ..


********************************
وفي بيتكم ام خالد الكل قاعد في الصاله مع ام ساره طبعا
ام خالد : بلاج يا ويخيتي كله زعلانه
ام ساره : افكر في ساره ماعرف وصلو ولا لاء
نوره : اكيد بتتصل يوم بتوصل
هند باستهزاء : هه يمكن تنسى لانها في شهر العسل شو نسيتو .. هي ويا الغاوي فهد وين تذكر حد ..
خالد شاف هند كانه يبى يبلعها وبصريخ : هند يمكن تسكتين
هند خافت : وي باسم الله اناشو قلت
خالد: ما قلتي شي ..بس سكتي ترى اللي فيه مكفيني
هند فهمت قصد خالد
خالد منقهر وايد هو يحاول يبين انه مستانس وناسي ساره بس كل ما يتذكر ان ساره وفهد بروحهم ينقهر واايد وقلبه يتقطع اكثر.
ام خالد : يالله يا ام ساره خلا نروح انام

ساره : لا لا ما بنام لين ما اطمن على ساره ..اول مره تسافر بدوني
ام خالد : لا تخافين هي ويا ريلها يعني بامان ان شا ء الله
ام ساره : عسى الله يسعدهم
خالد ماقدر يستحمل اكثر حس بالغيره والضيج قام من مكانه
نوره : خالد وين بتروح
خالد بقهر : بروح انام تصبحون على خير
نوره عرفت بقهر اخوها
نوره قامت من مكانها : يالله امي بروح الحينه وايد تاخرت .
ام خالد : ليش عبد الله ريلج ياي
نوره : هي هو برع الحينه
هند : نشوفج بعد مب تقاطعينا
نوره : ان شاء الله


اما في بلجيكا
ساره بعد ما كلت وطلعت اغراضها
فجاه تذكرت شي
ساره : فهد
فهد : نعم يا عمري
ساره : ابي اتصل في امي قبل ما انام الساعه كم عندهم في الامارات
فهد يشوف ساعته : اممم اذا نحن عندنا 9 ونص يعني عندهم 1 ونص
ساره : يعني راقدين
فهد : انتي اتصلي وشوفي
ساره :اوكي
ساره تتصل في امها ..وطبعا امها مستحيل تنام لانها تفكر بساره وتحاتيها

ام ساره حاطه موبايلها عندها ويوم شافت رقم الخارج استانست .
.ام ساره بفرح : الو
ساره : اماااااااااااااايه
ام ساره والدموع سبقت كلامها : فديتج بنتي شحالج
ساره والدموع بعيونها : بخير انتي شحالج امي اشتقتلج
ام ساره : وانا اكثر والله كانج شهر هناك مب اقل من يوم
ساره : صدقتي والله
ام ساره : شو وصلتو بالسلامه
ساره : هي نحن الحينه في الفندق قلت بتصل قبل ما انام
ام ساره : زين طمنتي قلبي
ساره : زين امايه بطمن عليج كل يوم وديري بالج على نفسج
ام ساره : وانتي بعد يالله يابنتي بحفظ الله
ساره بعد ما صكت من امها كانت تتدمع
فهد راح عندها : بلاج يا عمري ليش كل هالدموع
ساره : كنت ابي ارمسها اكثر
فهد : زين ليش ما رمستيها
ساره : ما اقدر اذا طولت وياها بصيح جدامها وانا ما ابيها تحس اني اصيح عشان ما تزعل وتحاتيني
فهد قعد عندها : ما عليه حبيبتي ان شاء الله عن جريب بتكونين وياها يالله ما ابي اشوف هالدموع عورتي قلبي .
ساره قامت من مكانها عشان تغسل ويها وتغير لبسها

ساره راحت تلبس بجامه بس بجامه هالمره احلى بواااايد صح انها بجامه بس حلوه كلها مطرزه باللون الاحمر على شكل بسيط بس رووعه وهي شارتنها من لبنان وطبعا كالعاده مستووووووووره ..
بعد ماساره لبست.... فهد كان يرتب الغنفه عشان ينام ..
ساره مستحيه وااااااايد ..
فهد يوم شاف ساره صد صوبها وشافها بجمالها الطبيعي وفاتحه شعرها السايح


ساره استحت من نظرات فهد على طول راحت صوب سريرها اونها تبى تنام
فهد وهو مبتسم : تصدقين ساره انج قمر ..وكل يوم تزيدين من الحلاه يا حظي فيج صدق
ساره ويها احمر ماقالت شي
فهد شوي راح صوبها ..ساره خافت ..
فهد : ساره
ساره زايغه: ها ..شووو شش شو تبى
فهد : ملامحج ما تبين انج بهالجفاء والقساوه ..انا اعرف ان ملامحج مثل قلبج مافيه غيرالرقه والبراءه بس انتي تصنعين هالشي وانا متاكد من احساسي ..
ساره توترت لان فهد كشفها : فهد ابي انام يمكن ؟
فهد بكل رقه لحظه شوي ..راح فهد خذ ورده حمراء من الباقه اللي يايبنه ..
فهد ماسك الورده الحمراء وبكل رقه وابتسامه : ابي امسيج بهالورده
ساره مستغربه من تصرفات فهد .. ساره بعد ماخذت الورده : مشكور
ساره بعد ماحطت راسها بالوساده مستغربه من فهد لانه وايد رومانسي ورقيق وياها مع قسوتها وجفائها ..
ساره بخاطرها : والله يا فهد طلعت صعب وايد..كيف بخليك تكرهني وتتخلى عني وانت بهالرومانسيه والحب
اما فهد فهو مستانس بهاليوم وهو حاط راسه على الغنفه طبعا اوامر ساره ..


اما خالد فغصبن عنه الدموع بملامحه الحزينه وهو يضرب الوساده ويقول: كله منك يا فهد خربت حلمي اني اكون ويا الحلم اللي حلمته .. والله لا اخليك تندم يا فهد ..اااااااااااااااااااااه يا ساره حبج كبير بقلبي صعب انساج صعب حتى لو انتي لشخص ثاني
خالد كل ما يتذكر ان ساره خلاص صارت ملك انسان ثاني يتعذب اكثر وغصبن عنه يذرف الدموع ..

 

[الشوق]

مشاركة: مجنون سارة ,, قصة ٌ في منتهى الروعه

وفي الصباح في بلجيــــــــــــــــكا
قامت ساره قبل فهد هالمره ويوم قامت شافت فهد نايم بضيج وريوله برع الغنفه لان الغنفه صغيره وهو طويل فضحكت عليه ..
ساره راحت تغسل ويها ومره وحده تغير لبسها ولبست قميص وتنوره لين الركب بس مع بنطلون وسيع يعني صدق كانت على الموضه بلون التركوازي وحطت مكياج بسيط وكانت تسحي شعرها السايح العسلي وهي ناسيه عمرها تتحرى عمرها في غرفتها وقاعده تلحن وهي تسحي شعرها
قام فهد على لحن ساره وصوتها العذب ويوم قام شاف ساره وهي تسحي شعرها الحلو وهي واقفه جدام المنظره
فهد ووصوته فيها غلاظه شوي لانه توه قايم : الله على هالصباح زوجه كالملاك وصوت حلو
ساره صدت واستحت نست عمرها ..
فهد : صباح الخير يا احلى وارق واعذب زوجه في العالم
ساره بخجل : صباح النور
فهد : شو هالكشخه كلها يا سلام عليج صدق انيقه
ساره :شو اسوي مليت قلت خلا اتلبس
فهد : وليش ما وعيتيني
ساره : بس جذي
فهد : خلاص انا بروح اتلبس بعد عشان نطلع البوفيه تحت اوكي حياتي
ساره طبعا هي ما تتكشخ عشان فهد ..بس هي حتى لو متضايجه تحب تتكشخ وتلبس احلى ما عندها عشان تسلي عمرها
فهد الخطير بعد راح لبس البنطلون البيج والقميس المخطط بلون العنابي والبيج وحاط النظاره الشمسيه فوق شعره بدلع يعني وتسبح بالعطر .. وكان صدق وسيم


فهد : ها شو رايج في ريلج الوسيم
ساره : عادي

فهد بغرور الحينه هذا اللي طلع منج ... تعرفين اني غاوي ومتاكد من هالشي بعد
ساره تشوفه من فوق لتحت : مغرور
فهديضحك : طالع عليج
ساره تبى تغير السالفه : زين يالله نروح
فهد يأشر بصبعه : بتروحين جذي
ساره ليش مغطيه شعري وبعدين لبسي محتشم التنوره طويله لين الركب والبنطلون واسع
فهد : بس انا اغار جذي
ساره بكل غرور مشت وطنشته وقالت : مشكلتك


راح فهد ويا ساره وكل واحد اكشخ واحلى من الثاني تحت البوفيه عشان يفطرون ..
فهد اختار مكان وطبعا يتاكد ان الطاوله ما شي زحمه وماشي بالذات مواطنين لانه يغار على ساره وايد
ساره خذت الصحن وهي تختار فهد واقف وراها ..
ساره خذت فطاير وعصير
ساره : فهد انا بروح خلصت
فهد : بس ما خذتي شي
ساره : لابس وايد خذيت
فهد : الحينه هذا وايد
ساره : المهم انا بقعد مكاني زين
فهد : خلاص انا بيي بعد
ساره تشوف صحن فهد : بس انت ما خذت شي
فهد : لا لا بس ما ابي
فهد ما يحب يودر ساره ولو دقايق
فهد وساره قاعدين وساره تفطر وملامحها لين الحينه فيها الحزن
فهد يوعان لان البارحه ما كل غير الكيك ..
فهد : تصدقين اكلهم حلو
ساره تشرب العصيروماعلقت على شي
فهد : ما قلتي وين بخاطرج تروحين اليوم
ساره : ما يهمني كيفك
فهد : ممممممممم اول شي بنتمشى صوب بمنطقتنا ونشوف الاماكن والطبيعه ونتسوق بعد لاني اعرف ان الحريم يموتون على السوق
ساره : عاد مب كلهم ..انا عادي عندي ..بس ابي اروح عشان اشتري حق اهلي
فهد : زين يالله عيل حبيبتي كلي عشان نروح

في بيت عبد الله
عبدالله قام من الصبح وطبعا يوم الاجازه ..اما نوره فنايمه
عبدالله : نورووووه يالله قومي عاد بسج نوم
نوره تشوف الساعه : تو الناس
عبدالله : افا تخلين ريلج يقوم وانتي نايمه
نوره : والله البارحه ما نمت
عبدالله : ليش تفكرين فيه يعني
نوره : وايد متفيجه
عبدالله فتح عيونه : افا والله هذا ونحن مب مكملين شهر على زواجنا وجذي عيل بعد سنه شو
نوره تضحك : لا حبيبي والله اسولف اصلا انت كل دقيقه بقلبي
عبد الله شاق حلجه : الله على هالصباح جذي الكلام مب مساع ..
عبد الله : لا صدق تفكرين في منو
نوره : الصراحه افكر باخويه خالد ..كاسر خاطري
عبدالله : هيه صدق يحليله ..صدق اللي يحب بصدق صعب ينسى نوره بدلع : يعني اذا ما خذتني بتكون مثل خالد
عبدالله : اكيد لانج دخلتي خاطري من اول نظره وحبيتج الحينه اكثر لان الحب اييه بعد الزواج ويكون اكثر


نوره : هي والله
عبدالله : شو تبينا نفطر في غرفتنا ولا تحت
نوره : لا حرام بنفطر ويا امك اللي هيه عمتي الحبيبه
عبدالله : فديتج والله تفكرين في امي
نوره : طبعا لو لا الله ثم امك جان ما شفتك ولا عرفتك
عبدالله : قولي امين
نوره : امين
عبدالله : عساني ما انحرم منج
نوره بكل رقه : ولا منك
نوره وعبدالله حبهم كل مره يزيد اكثر واكثر وام عبدالله واخته يحبون نوره وااايد لانه نوره صدق تنحب ..


( بلجيـــــــــــــكا )

اما فهد وساره بعد ما فطرو طلعو يتمشون صوب المطاعم والمحلات الصغيره ..
فهد : الله شوفي الجو شو حلاته
ساره تتامل في المناظر
فهد : ها شو رايج في المناطق
ساره : حلوه
فهد ياشر على عربانة الشوكولاته: ساره حبيبتي تبين كاكاو ترى بلجيكا مشهوره بالكاكاو
ساره : حشى تونا فاطرين
فهد : احس إنا وايد مشينا يبالنا كاكاو
ساره : كيفك اذا تبى كل ..
فهد : لا يفوتج ترى كاكاوهم لذيذ
ساره : الحينه إلايسمعك يقول انك مجرب
فهد:هههههههههههههههههه
راح فهد ويا ساره ياخذون الكاكاو ..على اشكال غريبه وحلوه
فهد شاف كرسي بخشب : واخيرا شفت كرسي تعبت بيلس..بتيلسين يا عمري
ساره : لا ما ابي انت ايلس
فهد مالاحظ ان مكتوب بلوحه ان الكرسي مكسورنصه ويحليله اول ما يلس ولا ( تطاح طاح تتطاح طططاح تطاح ) يطيح صدق طاح من الخاطر ايده بصوب وريوله صوب ثاني والخشب على ريوله والناس ميتين من الضحك ..
ساره ما قدرت تيود عمرها شكل فهد صدق يضحك ماتت من الضحك ..
فهد يتويع ومستحي : اخ تعالي ساعديني بدل هالضحك
ساره ميوده بطنها من الضحك وعيونها تدمع :والله شكلك يضحك لا وبعد يقولي يلسي الحمدلله ما سمعت كلامك
فهد يبى يقوم ما يقدر : اخ زين بعدين ضحكي هاتي ايدينج ساعدي ريلج ابي اقوم
ساره بدلع :ما يخصني انا .. قوم بروحك
فهد : والله ما اقدر تعالي
ساره : ما ابي
فهد: يعني اقول حق هالحرمه عشان تساعدني
ساره تشوف فهد مأشر على الحرمه البلجيكيه ..
ساره بغرور: قولها شو يعني
فهد يبى يقهر ساره : زين ..ينادي البلجيكيه
وطبعا بالانجليزي يكلمها
فهد : يمكن لو سمحتي تساعديني ابي اقوم
البلجيكيه بفرح : اكيد
يت البلجيكيه: ومدت ايدينها عشان تساعد فهد يقوم...
وساره واقفه تشوف حست بالقهر يمكن لان البلجيكيه ماسكه فهد بس هي مستغربه ليش منقهره وهي ما تحب فهد يمكن انانيه ..
فهد بالانلجيزي طبعا : شكرا
البلجيكيه بفرح: على الرحب والسعه ..
وساره واقفه ولا تقول شي
البلجيكيه تأشر على ساره :هاي زوجتك
فهد : هيه
البلجيكيه : وااايد حلوه ..

البلجيكيه راحت عند ساره تسلم عليها : سررت بمعرفتج
ساره : شكرا
البلجيكيه : تعرفين انكم وايد تليقون على بعض الصراحه ثنائي رائع وعلى فكره انا ما شفت بوسامة زوجج
فهد : احم احم
البلجيكيه : شكله ووووااااايد حلو
ساره منقهره : ثانكس
البلجيكيه : يمكن اطلب طلب
ساره : اكيد
البلجيكيه : يمكن تصوريني ويا ريلج
ساره فاتحه عيونها وتقول حق فهد ترمسه بالعربي عشان البلجيكيه ما تفهم : شوف هاي تتحرى نحن من بلدهم كل شي عادي عندنا
فهد مستانس يبى يشوف موقف ساره : زين عادي شو انتي تغارين يعني
ساره من القهر عشان تبين انها ما تغار : لا عادي
فهد : عيل يالله وافقي وصورينا
ساره تكلم البلجيكيه : ليش تبين اصوركم يعني شو ما شي شباب عندكم
فهد : هههههههههههههههه فضحتينا
ساره : اسكت اسكت
البلجيكيه بابتسامه : لا عندنا بس اغلبيتهم بيض وايد وزوجج حنطاوي وعيونه وساااع وحلوات ونحن ماعندنا جذي ابي ادلع على رباعتي .
فهد : يالله تقولين ما تغارين ليش معارضه
ساره بعصبيه : تخسي ما اغار زين ..وليش اغار ..اكيد بوافق
وقفت البلجيكيه بالبدايه عند فهد وابتسمت بس ما لمسته ولا شي..وساره منقهره وصورتهم
بعدين البلجيكيه تتحرى عادي عندهم حطت ايدها على كتفه يعني عشان الصوره تكون اوضح وساره فتحت عيونها اما فهد صح كان يبى يغيض ساره بس هو ما يحب حد من البنات يلمسه وعصب وعلى طول خذ ايد البلجيكيه باحترام ونزلها والبلجيكيه فهمت قصد فهد واستحت
المهم شكرت البلجيكيه ساره وفهد
ساره تشوف فهد وفرحت لان فهد كانت شخصيته قويه وماخلاها يعني لو حد ثاني جان ما صدق ..
ساره : اقول ليش هديت ايد الحرمه
فهد صد لساره: شفتها مصختها قلنا صوره عا د مب تلمسني
ساره : ماعرف ليش متخبلين عليك مع اني ما اشوف فيك شي
فهد انقهر : يمكن لانج ما تحبيني عشان جذي ما تشوفين فيني شي زين ..
ساره شافت الحزن بملامح فهد وعرفت ان فهد يعرف انها ما تحبه واستحت من رد فهد ..وقلبها عورها على جفائها ..
فهد وهو يمشي وسار ه وياه ساره كانت تشوف ملامح فهد لاول مره تتامل فيه وقالت في نفسها : من حقهم يتخبلون عليك يا فهد صدق انك غاوي بس انا مالاحظت هالشي الا يوم نبهتني البلجيكيه
فهد حس ان ساره تشوفه وصد : بلاج ساره شو تتاملين فيه اخاف تدعين عليه
ساره استحت نزلت عيونها واستحت
فهد يالله بنختار مطعم راقي عشان الغده ترى الحينه الساعه 1 ونحن وايد مشينا اوكي
ساره : اوكي







شو اللي ينتظر ساره وفهد ؟
ساره هل بيلين قلبها ؟؟ ولا بيقسى اكثر
وباقي الشخصيات شو اللي بيصير فيهم

 

[الشوق]

مشاركة: مجنون سارة ,, قصة ٌ في منتهى الروعه

وبعد طيحة فهد .. فهد وساره راحو يتغدون في ارقى المطاعم ..


وفي دبـــي:

نوره قاعده ويا ام عبدالله اللي هي عمتها
نوره : اقول عمتي
ام عبدالله : هلا بنيتي
نوره : بنتج مريم متى تزوركم مول مااشوفها
ام عبدالله : والله نادر ما اتيه لانها في بوظبي وتعرفين الدرب
نوره : صدق الله يعينها .. ابي اسولف وياها صدق اشتقتلها
ام عبدالله : ان شاء الله بتي عن جريب لانها اتصلت فيه البارحه ..
نوره : الله يعينج والله كيف يالسه بدون بنتج وايد صعبه
ام عبدالله : هيه والله عشان جذي كنت الح على عبدالله عشان يتزوج ..على الاقل احصل بنت تونسني وطلعتي مثل بنتي والله يانوره
نوره راحت باست فوق راس ام عبدالله : وانا ان شاء الله بونسج ..وترى والله انتي شرات امي
ام عبدالله بابتسامه : والله اصيله يا بنتي ..عرف عبدالله منو يختار
نوره استحت .. بس هي مستانسه وايد لان ام ريلها زينه وطيبه



اما الريم فهي عند عمها وطبعا عمها وايد طيب بس مرت عمها شوي متكبره وهي وايد تتأمر ومتحكمه في ريلها ..
الريم قاعده في غرفتها وحزينه
عمها دخل عليها : السلام عليكم
الريم بحزن : وعليكم السلام هلا عمي تفضل
عمها : افا يالريم شو الحزن كله
الريم والدموع في عيونها: مشتاقه حق اخويه
عمها : ما عليه الا هي ايام وان شاء الله بيرد..زين طلعي عند رباعتج غيري الجو
الريم : هيه والله فكرت اروح بيت نوره لانها تذكرني في ساره وانا وايد وياها بس قلت بستاذن منك
عمها : افا عليج يا بنتي ..انا بوصلج ..
الريم : لا عادي عندي سياره
عمها : لا عادي بنيتي انا بوصلج بس اول شي بنتغده في المطعم بعدين بوصلج
الريم : ومرت عمي بتيه
عمها يرمس بصوت واطي : لا ان شاء الله ما تشوفنا
الريم : ههههههههههههههههههه

الريم اتصلت في نوره عشان يتفقون ييلسون بيت اهلها يعني بيت ابو خالد ونوره قالت انها بتستاذن من ريلها وبتروح ..

الريم بعد ما تلبست وكل شي ظهرت من غرفتها ونزلت عشان تروح ويا عمها ولا مرت عمها قاعده في الصاله
مرت عمها تشوف الريم وهي نازله من عالسلم: ماشاء الله وين رايحه بهالوقت




الريم ما تحب مرت عمها لانها هي السبب في بعد عمها عنهم الريم وهي ترد على مرت عمها : رايحه بيت ربيعتي
مرت عمها : واستاذنتي من منو يالحلوه .. ترى في بيتكم على كيفج تطلعين بس مدامج عندنا نحن نتحكم فيج
الريم بقهر : اسمحيلي بس محد يتحكم فيه غير اخويه
مرت عمج : لا والله بس انا مب موافقه تروحين بيت ربيعتج نحن ما عندنا بنات يروحون بيت رباعتهن
الريم : اولا هاي اكثر من ربيعه انا من الصغر وياهم وبعدين خذت موافقة عمي
عمها دخل ..: السلام عليكم
مرته : انت وافقت ان الريم تروح بيت رباعتها
العم : بسم الله ردي على الاقل وبعدين انا وافقت انها تروح وانا اللي بوصلها .
مرته وقفت : ونحن ماعندنا بنات يروحون بيت رباعتهن
العم : بس هاي مب بنتج عشان تتحكمين فيها لو عيالج ما بقول شي بس هاي على مسؤوليتي انا وانا موافق
الريم استغربت من جراة عمها لانه دوم ما يكون جريئ جذي
مرته : ويعني شو
عمها : الريم يالله حبيبتي تاخرنا
مرته انقهرت وماقالت شي راحت على طول غرفتها
الريم راحت عند عمها : عمي اذا روحتي بتيب المشاكل بينك وبين مرت عمي خلاص ما بروح
عمها حاط ايده على راس الريم : لا حبيبتي عادي ..هاي مرت عمج ادور على المشاكل انا ماعرف كيف مستحملنها كل هالسنبين المهم ما علينا يالله نروح
الريم استانست لانها بتطلع لانها صدق كانت ملانه وضايقه


في بلجيـــــــــكا :
فهد بعد ما تغدى ويا ساره
فهد وهو طالع من المطعم : ها حبيبتي شو رايج بالاكل
ساره : مممممممم لذيذ
فهد مستانس: الحمد لله اول مره تمدحين الاكل
ساره طنشته كانها ماسمعت
فهد : يالله الحينه وين تبينا نرو ح
ساره : اي مكان عادي
فهد ياشر على منطقه : شوفي هناك وين المحلات يقولون عندهم اشياء وايد حلوه وراقيه شو رايج نتشرى من هناك..ترى عندهم اكثر من محل .
ساره : وانت شو عرفك
فهد : افا عليج ترى انا دومي اسال ..شو تتحرين ريلج انسان عادي
ساره : الحينه بتدلع علينا
فهد : ههههههههه ادلع على العالم كله ولاعليج يا بعد نظري
ساره مستحيه : فهد
فهد : عاد قلنا ممنوع اللمس ما قلنا ممنوع المغازله وحتى لو منعتي بعد بغازل
ساره ما قالت شي ..

ساره وفهد وهم يتسوقون طبعا فهد يختار حق الريم
فهد وهو ياشر على قميص: ساره ساره
ساره مندمجه في الاغراض : مممم
فهد ماسك القميص : شو رايج هذا حق الريم

ساره تشوف القميص ولا استغربت من ذوق فهد لانه القميص روووعه وطبعا نادر مالشباب يكون عندهم ذوق في اغراض الحريم .
ساره : : الصراحه وايد حلو تستاهل الريم
ساره تختار حق امها ونوره وهند ..
ساره راحت شوي بعيده عن فهد ولا شافت ميداليه بحرف خالد والميداليه كلها بالاحجار وصدق كانت فخمه وغاليه على طول ساره اشترت لانها تذكرت خالد وخلت الميداليه في شنطتها
فهد اتقرب من ساره : ها حصلتي شي ثاني
ساره بتوتر : ها لا لا ما شي
فهد : خلاص نروح والله تعبت ماخلينا محل ما دخلناه شوفي الاكياس اللي في ادينا تقولين في دبي ما شي محلات
ساره : لازم نشتري حق الكل
فهد : زين فديتج تبين شي ثاني ولا نروح
ساره : لا خلاص
فهد عيل بخلي حد يمسك الاكياس ويوديه الفندق
ساره : اوكي

وهم ماشين ولا تسمع حد يناديها
ساره ساره سااااااااااااره
..وساره تصد ولاتشوف ربيعتها من ايام المدرسه فاطمه ووياها بنت ماتعرفها ..فهد شوي ابتعد عشان البنات ياخذون راحتهم
ساره استانست يوم شافت فاطمه : هلا والله
فاطمه حضنت ساره : شحالج الغاليه
ساره : الحمد لله زينه انتي شحالج وشحال الاهل وينج من زمان ماعرف اخبارج
ساره : بعد تعرفين مشاغل الدنيا
ساره شافت بنت عند فاطمه سلمت عليها ..
فاطمه : اعرفج على بنت عمي اشواق
ساره وهي تسلم على اشواق : هلا والله شحالج اشواق
اشواق : طيبه الحمد لله
..فاطمه تشوف فهد : منو هذا
اشواق من الصبح عيونها على فهد لانه صدق غاوي :
اشواق وهي تشوف فهد : اقول منو هذا ؟؟ تعرفينه
ساره تصد ولا تشوف اشواق تاشر على فهد : هذا ريلي
فاطمه : ماشاء الله عرسي ولا خبرتيني
ساره : والله قلت حق البنات يقولونج لاني ماعندي رقمج وبعدين توني معرسه
اشواق : اها يعني يايه بشهر العسل
ساره بضيج : هيه
اشواق من النوع اللي وايد فريه امها كويتيه وابوها اماراتي ..
اشواق : اقول عادي نسلم على ريلج
ساره استغربت من جرأه اشواق : طبعا
ساره وفاطمه واشواق راحو عند فهد
فهد مستحي منزل راسه مستغرب ليش يايين
فاطمه اول وحده رمست : هذا اكيد خالد اللي خاطبنج من صغرج صح
فهد اول ما سمع اسم خالد عصب ..فهد بعصبيه : لا يالاخت انا فهد مب خالد
فاطمه ويها احمر : اوووه سوري والله ماعرفت ترى اللي اعرفه ان خالد خاطبنها من صغرها وقالت انها بتزوجه



فهد عصب وراح مكان ثاني
فاطمه : اسمحيلي ساره ما كنت قاصده والله
ساره شوي فرحت لان فهد انقهر لانها تبى ينقهر من زمان : لا عادي .. بس الزواج قسمه ونصيب وللاسف انا وخالد ما اجتمعنا ولا كنا من نصيب بعد
اشواق وعيونها على فهد : بس سوري بس انتي وايد محظوظه .
ساره : ليش
اشواق : عندج ريل بهالجمال والاناقه وماتكونين محظوظه سوري ترى انا وايد جريئه
فاطمه تضرب اشواق : ايه فضحتينا صدق انج قوية عين
ساره : لا عادي خلا تاخذ راحتها ...بس يا اشواق مب يعني اذا عندي ريل حلو معناتها اني محظوظه في اهم من هذا كله اللي هو الحب
اشواق : يعني انتي ماتحبينه
ساره ما تبى تبين : لا ما قلت جذي بس حبيت ابين لج
فاطمه : خلاص حبيبتي بخليج روحي عند ريلج فضيحه اخرناج بس وين ساكنين في اي منطقه
ساره تاشر على الشقه اللي مجابله البحر : بهالشقه تشوفين
فاطمه مستغربه : شهر العسل وفي شقه ليش
ساره استحت : ها لا بس جذي لان المكان اوسع والشقه مجابله البحر
فاطمه : تصدقين شقتكم شوي عند شقتنا
ساره: زين الحمد لله عشان اشوفكم
اشواق : والله انج متفيجه في شهر العسل وتشوفين رباعتج
ساره : ما فيها شي عادي
فاطمه : زين عن اذنج بنخليج ..
ساره : يالله نشوفكم على خير باي

 

[الشوق]

مشاركة: مجنون سارة ,, قصة ٌ في منتهى الروعه

ساره راحت عند فهد اما فهد فهو معصب ومنقهر من كلام فاطمه
ساره : يالله نروح
فهد بعصبيه : يالله
ساره تشوف ملامح فهد ومبين عليه انه واصل حده وطبعا من حقه ..
اشواق كانت متخبله على جمال فهد .. اشواق تصد لفاطمه وهي مندهشه : اقول فاطمه
فاطمه : هلا
اشواق : بذمتج هذاانسان
فاطمه : منو
اشواق : فهد بعد منو
فاطمه : ليش لا يكون سمعتي انه من الجن
اشواق وهي تتنهد : ااااااااااااه لا قولي ملاك
فاطمه : ايه استغفر الله شو تخبلتي
اشواق : والله بحياتي يا فاطمه ماشفت بجماله ماشاء الله عليه قمر قمر قمر
فاطمه مستغربه : غريبه اول مره تتخبلين على حد كل مره اطنشين الشباب وهم اللي يتخبلون عليج
اشواق : الا هذا مينني
فاطمه : اقول ترى بذكرج الريال متزوج يا حلوه
اشواق : وشو يعني
فاطمه تمسك ايد اشواق وبعصبيه : ايه لا تنسين انه ريل ربيعتي
اشواق : قلتي ريل ربيعتج مب ربيعتي




فاطمه : اشواق والله بزعل عنج ..صدق يوم قالو هالايام البنات يلحقون ورى الرياييل
اشواق انا ما الحق وراه بس يمكن هيه ما تحب ريلها
فاطمه : ليش الاخت عندها حاسيه السادسه .
اشواق : لا بس لاحظت من كلامها يوم كنتي تتكلمين عن خالد انها ماتحب ريلها اللي هو فهد
فاطمه : الاخت على كيفها تالف
اشواق : والله اني حاسه بهالشي..عيل شي وحده بشهر عسلها بهالحزن
فاطمه : المهم ما يخصج
( اشواق امها كويتيه وابوها اماراتي وهي حلوه ودايما تهتم بشكلها يعني عدسات والشعر نصه برع وصبغ بس هي جذابه وايد بس طبعا مب احلى من جمال ساره لان ساره جمالها وايد طبيعي وطفولي )


اما فهد فرجع الشقه وهو متضايق وايد لانه ما يحب يسمع اسم خالد .. ساره لاحظت ضيق فهد وشافته في غرفته
راحت ساره وغيرت لبسها ولبست جلابيه مغربيه فخمه وايد ورفعت شعرها العسلي وحطت شوي مكياج ..
ساره راحت عند غرفة فهد: فهد
فهد صد صوب ساره واستانس توقع ان ساره بتسال عنه : هلا تفضلي يا عمري
ساره : لا بس حبيت اسال مممممممممم نحن بنطلع مكان لاني الصراحه غيرت لبسي
فهد : على راحتج اذا تبين تروحين اي مكان انا حاضر من عيوني ولو تبين اوديج القمر انا ما بتردد
ساره استغربت من كلام فهد مع انه متضايق بس بعد حنون وكلامه حلو : اوكي عيل عن اذنك بروح انام
ساره قبل ما تطلع صدت صوب فهد: هيه صح تذكرت ترى انا بتصل في امي اوكي
فهد : زين يا عمري سلمي عليها وايد
ساره : وانت بتنام بعد
فهد : الصراحه وايد مصدع اقول ساره عندج حبة بندول ترى صدق مصدع
ساره: هيه عندي ثواني بس
... راحت ساره طلعت حبة بندول وراحت عند فهد ..
ساره برقتها : تفضل
فهد لمس ايدينها وهو متعمد: تسلم هالايدين يا عمري
ساره استحت وعلى طول طلعت برع .. مع انها ما تحبه بس بعد قلبها وايد رقيق وطيب ..
ساره اتصلت في امها وسلمت على ام خالد وعلى الكل ..وكانت صدق مشتاقه لامها وكل ما تسمع صوتها تتدمع لانها اول مره تبتعد عن امها ..



اما في دبي

نوره مع الريم ويا هند في غرفة نوره القبلانيه
نوره وهي يالسه على السرير: الله على غرفتي تصدقون اشتقت على غرفتي وايد
الريم تغمز : معقوله يعني اونج تذكرتي
نوره تضرب ايد الريم : ايه شو قصدج
الريم بدلع : لا اقول يعني انتي تذكرين حد اصلا يوم تكونين ويا حبيب عمرج عبودي
نوره : شوف هاي ادلعه لو سمحتي محد يدلعه غيري
الريم : بعد اونج تغارين
نوره : هيه ليش ما اغار مب ريلي فديته
هند : حشى حشى كلتينا
الريم تصد لهند : هيه صح وانتي متى بتملجين يعني بتعقدين قرانج على سالم .
هند وهي منتقهره : سكتي سكتي من متى اقولهم خلا املج يقولون اتريي ساره
نوره :هيه صح هي اكيد ما بتتاخر يعني حرام ما تتريينها
الريم : ليش بتسوون حفله
هند : لا بس كتب كتاب
الريم : اها .. يالله زين بالبركه مقدما
هند بغرور: الله يبارك فيج .. عاد الامهات اذا شافوني وايد بيزعلون
الريم : ليش
هند بدلع : بيقولون وينها هاي من قبل عشان نعطيها حق ولدنا بس انا ما بكون الا لسلومي حبيبي
نوره : ههههههههههههههههههههههه وايد واثقه من عمرج اقول اللي ما يطول العنب ... كمليها
هند : ليش ان شاء الله حد قال اني مب حلوه
نوره : عاديه الجمال
هند : قولي تغارين
نوره: تف تف تف انا اغار منج ليش حد قال انج احلى مني حبيبتي انا احلى عنج بمليون منج الحمد لله
الريم : انتو متفيجين تضاربون ..
ام خالد تناديهم : يالله يا الحلوات تعالو انزلو ..
نوره : هي والله نسينا ام ساره بعد تحت في الصاله فضيحه
الريم : يالله ننزل



اما في بيتكم محمد ..
ام محمد سرحانه .. محمد دخل عليها وخوفها
محمد : ووووه
ام محمد ماسكه قلبها : حسبي الله على ابليسك خوفتني
محمد : هههههههههههههههههههه..اقول امي الحلوه في شو سرحانه
ام محمد : والله الصراحه كنت افكر في شيخه
محمد قلبه دق :ليش شو صار
ام محمد : مستغربه لين الحينه ما ردو علينا حشى مب صلاة الاستخاره
محمد ":تعرفين امايه لازم البنت تفكر عدل ..عيل في بعضهم يفكرون بالشهور والله
ام محمد : هذيله اذا كانو غرب مب اهل ..وبعدين هي تعرف كل شي عنك يعني ليش محتاره لهالدرجه ..
محمد : ما عليه يا امايه خليهم على راحتهم


ام محمد : يبالي اتصل فيهم
محمد : شوفي انتي خليهم اسبوع تقريبا وااذا ما ردو اتصلي فيهم
ام محمد : على رايك .. ان شاء الله خير

محمد وايد خايف من اللي بيصير بعدين .. خايف على المشاكل اللي بتصير او يرغمون شيخه على الزواج منه وهالشي طبعا هو ما يبيه



شو اللي ينتظر ساره ؟ هل بتحب فهد وبتنسى خالد
وشو ينتظر الباقي
شيخه ومحمد
ونوره وعبد الله
وهند وسالم


انتظـــــــــــــرونا ..

 

[الشوق]

مشاركة: مجنون سارة ,, قصة ٌ في منتهى الروعه

الجزء التاسع والعشرون
اشواق بعد ماشافت فهد صارت كله تسرح فيه لانها صدق كانت متخبله عليه ..
اشواق وهي واقفه عند النافذه وسرحانه .يت فاطمه وشافتها بعالم ثاني
فاطمه وهي واقفه عندها : اشواق اشواق
اشواق سرحانه
فاطمه بصريخ : اشووااااااااااااق
اشواق نقزت : وي باسم الله بلاج خوفتيني
فاطمه عاقده حواجبها : بلاج اشواق ..في شو تفكرين
اشواق قامت من النافذه : ها لا ما شي
فاطمه : علينا قولي بلاج
اشواق يلست على الكرسي : الصراحه بقولج بس لا تعصبين
فاطمه : اكيد بس شو فيج حيرتيني
اشواق حاطه ظفرها في فمها اونها مستحيه : افكر في فهد
فاطمه فتحت عيونها وعصبت :اشواق شو الحركات ؟؟ شو قلت لج انا ما قلت ان الريال متزوج شو انتي ما تفهمين
اشواق : والله مب بايدي والله يخبل هالانسان وااااااي على عيونه الوساع كانهم عيون غزال ولا خشمه كانه سيف ولا شعره السايح الاسود ولا جسمه المعضل يااي ياي حلو حلو
فاطمه تضرب على ايد اشواق : اشواق والله تخبلتي
اشواق : لا تلوميني والله عجبني
فاطمه : بذكرج ان الريال متزوج
اشواق : بس ما اعتقد مستانس في حياته احس ان ساره ما خذتنه عن غصب .. المهم ان الحب مب متبادل بينهم.
فاطمه : ليش الاخت عندها حاسيه ؟
اشواق : لاحظت من كلامها انها تحب خالد والحب لين الحينه موجود بس الدنيا اللي فرقتهم
فاطمه : يعني الحينه فهد بيودر ساره القمر وبياخذج
اشواق : شوفي انا ما انكر ان ساره وايد حلوه وصدق تخبل بس بعد انا حلوه ولا تنسين ان الرياييل يتخبلون عليه
فاطمه : لازم وحده اطلع نص شعرها وعدسات ومكياج لازم بتطلع جذي حلوه
اشواق معصبه : انا احب اتكشخ وبعدين انا بدون مكياج حلوه والاهم اني جذابه
(( اشواق صح ان جمالها عادي بس هي صدق جذابه لان كلامها روحه يجذب وحركاتها بعد ))
فاطمه : المهم يالله قومي خلا نروح انام
اشواق : اوكي يالله ..ويارب اشوف فهودي مره ثانيه
فاطمه تهز راسه : لا حول ولا قوه الا بالله الله يهديج





اما فهد بعد ماخذ حبة البندول حس بالراحه وهو يالس في غرفته على الكرسي الهزاز يفكر بكلام فاطمه يوم

توقعت انه خالد وهو يقول في نفسه (( ليش انا عصبت وانقهرت صح ما احب احد ينادي باسم خالد جدامي بس خلاص مب لازم انقهر الاهم ان ساره صارت ملكي وانا عندي امل انها تحبني واحس انها شوي تغيرت عليه استوت اطيب بوايد )) وهو رافع ايدينه للسماء ( يارب لين قلب ساره عليه وخلها تحبني ونعيش بسلام وحب ومحد يفرقنا ...
فهد شاف عمره ملان وايد قال احسن شي يكتب خاطره حق ساره ويعطيها لانه من زمان شاري بطايق حلوه فتم يكتب ..
اما ساره فلبست بجامه حلوه وانيقه بلون الوردي بس البجامه لين تحت الركب وهي ماتلبس هالشي جدام فهد يعني دوم لبسها طويل وايد .. بس هالمره قالت بلبس هاللبس لانها بتنام وبتقفل الباب كالعاده ..بس قبل ماتنام كانت ترتب اغراض اللي شارتنهم حق الاهل ..
فهد بعد ما كتب شاف باب غرفة ساره مفتوحه فقال اكيد واعيه ومادق الباب كعادته ..
ساره سمعت احد يفتح الباب ولا تشوف فهد ..
فهد اول مره يشوف لبس ساره شوي قصير تخبل الريال مع ان اللبس تحت الركب يعني مب وايد قصير بس بالنسباله شي غير لانها دوم مستوره ..
ساره حطت ايدها على راسها وتصارخ : اااااااااااااااه
فهد مستغرب : باسم الله بلاج ساره
ساره مستحيه وهي تروح عند فهد وادزه عشان يطلع : انا ما قلت لك دق الباب قبل ما اتي
فهد : زين شفت الباب مفتوح قلت عادي
ساره وهي ادز فهد عشان يطلع : اطلع بسرعه
فهد مسك ايد ساره : ساره بلاج ليش مستحيه عادي انا ريلج والله مب سيلاني
ساره : اطلع بسرعه قلت لك
فهد : زين زين صبري بعطيج شي
ساره بصريخ وبخجل : ما ابي برع برع
فهد طلع غصبن عليه
ساره بندت الباب ووقفت عند الباب وهي مستحيه
فهد يدق الباب : ساره حبيبتي زين فتحي والله بعطيج هالبطاقه وبعدين بندي الباب عليه كالعاده
ساره مستحيه وهي مسانده على الباب : ما ابي شي فهد روح
فهد : ساره يا بعد هلي فتحي والله بس خذي البطاقه ..ترى والله ما بروح غرفتي
ساره عرفت ان فهد عنيد ..فتحت الباب شوي خذت البطاقه وبندت الباب بسرعه
ساره : يالله الحينه روح نام
فهد : زين حبي اقري الكلمات ترى هالكلمات من صميم قلبي ..
ساره بعد ماخذت نفس ..يلست على السرير وفتحت البطاقه وكانت البطاقه حمراء ومعطره فتحت وقرت الكمات وفهد كان كاتب بخطه الراقي وحلو
*( يحلي حياتي يوم اناظر عيونك
*يرتاح بالي بالفرح يوم لقياك

كان الزهر ماخذ من حلاتك
سبحان ربي بالحسن كيف سواك
ودي اكحل عيوني بعيونك
واعيش العمر كله معاك
بس ابيك تحس فيني
وتعرف ان قلبي هواك
واختارك بين العالم والناس
لتكون انت شريك حياته
ودي بس ودي بس تعطيني فرصه
لجل اخليك تحس بحبي لك
واني سويت هذا كله لاني اموت فيك ..

ساره بعد ما قرت الكلام حست بحب فهد .
ساره وهي ماسكه البطاقه : يحليلك يا فهد لهالدرجه تحبني .. وهي تتنهد : ااااااااااااه بس انا صعب احبك صعب لان قلبي لين الحينه مع خالد وانا وعدته اني اكون قاسيه معاك ..شو اسوي ياربي ..

اما فهد فهو مستانس لانه قدر يعبر عن اللي بخاطره حتى لو ببطاقه المهم ساره تحس فيه وتعرف مدى حب فهد لها ..





وفي الصـــــــــباح :
في دبي
هند مع ام ساره وام خالد وهم يفطرون
هند وهي تشرب الحليب: امايه عندي فكره بس شو فكره تجنن
ام خالد : اصبحنا واصبح الملك لله
هند : شو شكلي مكتوب ردوو اذكار الصباح
ام ساره : هههههههههههههههههه
ام خالد : لا تونا قايمين من النوم وين فكرتي بشي
هند وهي تاشر على عقلها: هالمخ مدام عايش يفكر باشياء حلوه
ام خالد : والله لين الحينه ماشوف غير الخراب
ام ساره وهي تضحك : هههههههههه حرام عليج خليها تكمل ..
هند : محد حاس فيه غير خالوتي
ام خالد : قولي يا ام لسانين
هند تشوف امها من طرف عينها : انا ام لسانين يالله انمشيها .. المهم شو رايكم نروح رحله ويابعض شوي نغير الجو ملينا من قعدة البيت ها شو رايكم
ام خالد : وين يعني
هند : البر مثلا
ام خالد : زين ومنو بيودينا يا حلوه
هند : خلود بعد منو
ام خالد : ايه شو خلود بعد اصغر عيالج قولي خالد








هند : زين عادي ادلع اخويه ..اونها ماترضى على ولدها .. لازم ولدها الوحيد
ام خالد : عسى ربي يخليه لي . لا تحسدين الولد
هند : وي الحينه بتضارب ويايه اقول امايه اقنعي ولدج خلا يودينا
ام ساره : يمكن الريال مشغول
هند : وين مشغول .. ليش هذا عايش بالدنيا يحليله اخويه
ام ساره : شو قصدج
هند : ها ووو لا شي
هند قصدها ان اخوها عايش بذكرى وحلم ساره ..
ام خالد : بشوف بكلم نوره
هند : لازم كل شي نوره نوره يا حظها حصلت ام تموت فيها وريل يموت فيها
ام خالد : الله وكبر عليج تحسدين اختج
هند : ماشاء الله عيني عليها بارده .. نوره اكيد بتيه لانها قالت انها بتتغدى ويانا
ام ساره تتلفت يمين يسار : وين خالد عيل
ام خالد : خالد اعتقد بعده في الغرفه ..اكيد البارحه سهران ..
هند : ها شو قلتي
ام خالد : بكلم نوره وبعدين بنكلم خالد بنشوف شو يصير
هند : يارب يارب نروح يارب



في بلجـــــــــــيكا :

ساره قامت من النوم هالمره قبل فهد ..وبعد ماقامت راحت الصاله وماشفت فهد كل مره فهد يدق عليها الباب استغربت ..
ساره ادور يمين يسار ادور على فهد ..وماشافته راحت صوب غرفته شافت شوي الباب مفتوح استحت تتدخل ساره دقت الباب بس فهد بسابع نومه وساره بدها ادق الباب ومحد فتح استغربت ساره
ساره تقول في نفسها ( معقوله فهد طلع برع خلا ادخل واشوف )
ساره وهي تتدخل مثل الحراميه ولا تشوف فهد نايم بس مثل الاطفال يعني برائه الدنيا فيه ..
راحت ساره عنده وهي تتامل في ملامحه ومستحيه وايد ..ساره بكل رقه : فهد فهد
فهد مايدري عن الدنيا نايم
ساره شافت ما شي فايده علت صوتها : فهد فهااااد
فهد فتح عيونه ولا يشوف ملامح مثل الملاك..
فهد مستغرب اول مره ساره تدخل غرفته : يا سلام على هالصباح ..اخاف انا احلم
ساره استحت : يالله قوم بسك رقاد
فهد : لا اخاف احلم معقوله ساره هني
ساره منزله راسها وبخجل : شفتك ما ييت قلت يمكن روحت

 

[الشوق]

مشاركة: مجنون سارة ,, قصة ٌ في منتهى الروعه

فهد : افا اروح بدونج انا من دونج اضيع يا بعد عمري ساره ويها احمر : فهد حشى توك ناش ولحقت تتغزل
فهد قام من الفراش يعني يلس وهو حاط ايدينه على قلبه : هالقلب ما يمل منج ودايما انتي بداخله احبج يا ساره احبج ..
ساره طلعت من الحيا
فهد يزقرها : ساره وين بتروحين
ساره : يوم بتشبع غزل بعدين تعال
فهد : خلاص خلاص ما بقول شي ..زين تعالي قوميني تراني تعبان
ساره صدت تشوفه : الله وكبر على خبثكم يالشباب
فهد : ههههههههههههههههههههههههه .. يا عيني عليكم انتو يالحريم ان كيدهن لعظيم
ساره ابتسمت وطلعت ..
فهد وايد مستانس من تصرفات ساره صح بعدها ما تحبه بس على الاقل تتكلم وياه عدل وتضحك وياه ..

فهد قام وغسل ويهه وطلع واتلبس واتكشخ..ولبس كاب باللون الاحمروقميص احمر وبنطلون جينز يا سلام عليه

.. ساره لبست قميص وردي مع جاكيت على شكل ورود باللون البنفسجي والوردي طبعا لين تحت الركب وبنطلون بنفجسي .. مع شنطه مطرزه باللون البنفسجي والوردي . وكانت انيقه كعادتها ..

فهد طلع من الغرفه :
فهد عند باب غرفة ساره : ها يا عمري شاهزه
ساره وهي تلبس الخواتم : هيه جاهزه..
فهد يشوف ساره من فوق لتحت : يا سلام عليج يا ساره دومج انيقه ..
فهد يدور : ها شورايج بكشخة ريلج
ساره بدلع : عادي
فهد : افا يعني ولا مره قلتي اني حلو
ساره : ليش مب واثق من نفسك
فهد : واثق يا عمري بس ابي اسمع من حبيبة عمري
ساره : فهد تاخرنا
فهد : غيري السالفه شو وراج
ساره ابتسمت ..
فهد : هيه صح بسير اييب كاميرا
ساره : اوكي ..تعال نحن اول شي بنروح الحديقه صح..
فهد : لا حبيبتي اول شي بنروج تلفريك
ساره مسكت قلبها : وي انا اخاف من مكان مرتفع
فهد وقف عند ساره وهو يتامل في عيونها : تخافين وانا معاج ..
ساره استحت : لا بس يعني مكان مرتفع
فهد : ولا تقولين تخافين تركبين العاب مخيفه بعد
ساره : لا عادي احب العب واغامر
فهد : اها زين الحمد لله






ساره وفهد طلعو اول شي يفطرون ..بعدين قررو يروحون تلفريك ..

*******************************

في دبي
هند تحاول ويا نوره : يالله نورووه اقنعي خالد
نوره : اف اف حشره انتي حشى توني يايه ارحميني هند ماسكه ايدين نوره : فديتج اختي اقنعي خالد
نوره : وينه الحينه ..
هند : بغرفته اتوقع ..
نوره : ماظهر يتغده ولا شي
هند : لا
نوره خايفه : بلاه اخويه
نوره راحت غرفة خالد ولا تسمع خالد يغني بصوته الحلو :
خالد وهو يغني مايعرف ان احد يسمعه :
اشواق قلبي تناديك ..وتقولك وينك يا حبيبي
محتاجلك والله موت .. تعال وريح قليبي

نوره دخلت عليه ولا تشوف خالد يالس على السرير وماسك صوره طفولته ويا ساره والدموع بعيونه ..خالد لاحظ ان حد دخل راح مسح دموعه
نوره تقربت من خالد : اشحالك اخويه
خالد بنبره كلها حسره وحزن وهو ماد ايدينه عشان يسلم على نوره : الحمد لله اختي انتي شحالج وشحال عبدالله ريلج..
نوره يلست: الحمد لله ..شو ماشاء الله استويت مغني ..
خالد يتنهد: اااااااااااااااه اللي يحب يا نوره يطلع مغني وشاعر وكل شي
نوره : حق ساره صح
خالد : وليش منو بقلبي غير ساره
نوره وهي تشوف صور : وشو اللي بايدينك
خالد ماسك الصور : هاي صوري مع ساره يوم كنا في الروضه ..
نوره : خالد متى بتنساها
خالد قام من عند السرير : نوره لاتعيدين الموال..
نوره : قلبي يعورني عليك ساره اتزوجت ياخالد اتزوج خلاص ساره صارت ملك انسان ثاني
خالد بصريخ :لا تقولين هالكلام لاتذكريني ..انتي تقطعين قلبي زياده كافي ارحموني ارحموني
خالد حاط ايدينه على راسه وهو يدمع ..
نوره ودموعها اربع اربع : فديتك اخوي انا وربي مب قصدي اجرحك
خالد والدموع بعيونه : نوره انتي تعرفين ان ساره هي الهوى اللي اتنفسه وانا بدونها مستحيل اعيش ..
نوره : بس هي متزوجه يا خالد
خالد : ما عليه بترياها العمر كله حتى لو ما اتزوج بترياها

نوره : بس اذا هي مابغتك
خالد : مستحيل ساره وعدتني انها بتكون لي
نوره : واذا ما بغتك او نستك
خالد : اوعدج يا نوره اذا ساره في يوم من الايام قررت تنساني وتحب فهد انا بخليها وبتزوج بعد ... وانا متاكد في يوم من الايام ان ساره بتكون لي ..مستحيل تنسى حبنا مستحيل تحب انسان فرق بينا مستحيل
نروه : زين يا خالد شو رياك نغير الجو.. ترى قلبي يعورني عليك
خالد شو تبيني اسوي
نوره : شو رايك نطلع اليوم في البر يعني نروح راس الخيمه او حتا اي مكان
خالد : والله مالي نفس
نوره : يالله اخويه عشان خاطري على الاقل نشوف ابتسامتك
خالد : بشرط ما بنطول وايد يعني بعد صلاه المغرب نكون في البيت
نوره : ما عليه الاهم ان نحن نطلع
خالد : عشانج والله
نوره تحضن اخوها : فديتك اخويه عساني ماانحرم منك

نوره قدرت تقنع اخوها انهم يطلعون ويغيرون الجو بالذات عشان يغيرون من نفسية خالد بعد ماشافت دموعه وحزنه ..

هند مستانسه وايد على طول سارت تتلبس وجهزت اغراضها والكل استانس الا ام ساره لانها كانت تتمنى ساره وياهم ..

ساره ويا فهد راحو صوب التلفريك ولا تشوف ساره التلفريك فوق الجبل يعني مكان صدق مرتفع
ساره وهي خايفه : فهد المكان وايد عالي
فهد يبتسم : لا تخافين يا عمري صدقيني بتستانسين على الاقل تشوفين الاماكن من بعيد وتشوفين كل مكان
ساره : ونحن بس بنكون
فهد : هيه انا طالب ان نحن نكون بروحنا احسن
ساره : الله يعين الصراحه خايفه
فهد: ربنا معانا يا عمري يالله نروح يا دورنا
ساره وريولها بتزور تشيلها من حقها الصراحه المكان وايد مرتفع
فهد وساره ركبو التلفريك وفهد مستانس لانه يحب الاماكن المرتفعه ..
ساره كانت خايفه بس بعد ماشفت ان التلفريك شوي شوي يتحرك اطمانت ..
فهد واقف عند ساره : ها يا عمري شو رايج بالمناظر حلوه صح
ساره وهي تشوف تحت : احس كل الاشياء صغيره
فهد : واحلى شي تشوفين الطبيعه كلها من مكان عالي ساره : صدق رووعه
فهد : قلت لج . ان رووعه

ساره وفهد يرمسون وهم يشوفون تحت ..
ولا فجاه التلفريك يهتز بالحيل
ولا ساره كنت واقفه ومن الاهتزاز طاحت وقعدت وفهد واقف لانه كان متمسك عدل ولا على طول يمسك ايدين ساره : باسم الله بلاج يا عمري
ساره مستحيه : ماعرف شو صار
فهد ماسك ايدين ساره وساعدها على الوقفه ..وساره ويها محمر مستحيه وايد .. ولا يوم تصد تشوف فهد ماسك عمره يبى يضحك عيونه تدمع بس ما يضحك عشان ما تزعل ساره
ساره منقهره : تضحك عليه
فهد ما قدر ايود عمره : هههههههههههههههههههههههههههههههههههههههههههههههههه ههههههههههههه
ساره تشوف فهد من فوق لتحت ..: زين يا فهد قوم ما اكلمك
فهد وهو يمسح دموعه من الضحك : لا فديتج والله شكلك يضحك
ساره : بدل ما تقول سلامتج
فهد : اقول تذكرين ذيج المره يوم طحت ضحكتي عليه لا بعد ولا ساعدتيني على الاقل انتي طحتي ومحد شافج انا العالم كله شافني
ساره : لا بارك الله في التلفريك مالك
فهد: هههههههههههههههههههه

فهد وايد مستانس لان كل يوم وساره تتغير وصارت تضحك وتتغشمر ..




هل ساره بتنسى صدق خالد ؟؟ وبتحب فهد
ولا في شي بيفرق ساره عن فهد ..
واشواق هل بتصر وبتلحق وراء فهد ولاهي نزوه ..
وخالد شو اللي بيصير له
وشو ينتظر باقي الشخصيات

 

[الشوق]

مشاركة: مجنون سارة ,, قصة ٌ في منتهى الروعه

(الجزء الثلاثين )


وبعد خوف ساره من التلفريك
نزلت وايدها على قلبها اما فهد فمستانس وايد
فهد وهو يشوف ساره ومبتسم : ها يا عمري شو رايج في التلفريك ؟
ساره تشوفه بطرف عينها : مثل ويهك بايخ
فهد : ههههههههههههههههههههههههه .. عيل عرفت انج جذابه
ساره عاقده حواجبها :/ ليش متى جذبت
فهد: لان ويهي حلو ..
ساره تشوفه من فوق لتحت : والله مغرور
فهد : اكيد مغرور .. ومن حقي اطلع دلوع ومغرور لاني ( ومسك ايد ساره ) لاني متزوجنج
ساره سحبت ايدها بسرعه : فهد بليز عن هالحركات
فهد : اوف نسيت عمري سوري حبي
ساره شافته وراحت عنه
اما فهد .. فهو متعمد طبعا يمسك ايدها..
ابتسم وراح وراها ..
فهد : ساره يا عمري وين نروح
ساره : ممممممممممممممم الحديقه
فهد : اوكي
ساره : شي العاب حلوه
فهد : هي واغلبيتها خطيره
ساره بدلع : عادي انا ما اخاف احب أغامر
فهد : ليش انتي لعبتي العاب مخيفه
ساره بتكبر وهي تمشي : هي لعبت وايد لعبت في دبي في القريه العالميه وفي ماليزيا و...
فهد : زين الحمد لله حصلت وحده شجاعه مثلي ..عيل يا الله نروح قبل ما يستوي الظهر ..


اما في دبــــــــــــي

الكل مستعد للرحله وقررو يروحون الرحله لين المساء
نوره تتصل في عبد الله وتقنعه عشان ايي وياهم
نوره وهي تكلم عبدلله في التلفون : يالله حبيبي تعا ل ويانا والله بتستانس
عبدالله : والله استحي يا نوره هذيله مب هلي
نوره تضايقت : افا يعني هلي الحينه مب اهلك
عبدالله : لا والله مب جي قصدي .. انا اقصد انهم مب من اقاربي يعني ..
نوره : محد غريب بيي ..بس انا وهند اختي وامايه وام ساره واكيد خالد يعني روحنا
عبدالله : زين وين بتروحون ..
نوره : حتا ..والله وناسه
عبدالله : ليش مروحين قبل
نوره : هي نحن كل سنه نروح..
عبدالله : خلاص اوكي الحينه بيي عندكم وبروح وياكم ولا ازعل زوجتي الغاليه





نوره والابتسامه في ويها : عساني ما انحرم منك يا ريلي الغالي
عبدالله : يا ويل حالي لو ادري انج بتتغزلين فيه ..جان من زمان قلت هيه
نوره : ههههههههههه .يالله عاد بسك دلع وتعال بسرعه
عبدالله :دقايق وبكون عندكم ان شا ءالله


ام ساره تحت تساعدهم في الاغراض
نوره وهي تشيل الصحون .. : امايه لا تنسين القهوه
ام خالد وهي في المطبخ : زين ذكرتيني
ام ساره كانت ترتب الاغراض وفجاه وقفت مكانها ..
نوره استغربت وراحت عندها : بلاج خالو
ام ساره صدت وبحزن: ما شي .. بس هاي اول رحله نروحها بدون ساره ..
نوره حاطه ايدها على جتف ام ساره : ما عليه خالو ان شاء الله هاي اخر رحله نروح بدونها .. المره اليايه بتكون ويانا مع ريلها فهد
ام ساره : ان شاءالله ..
هند وهي نازله بركيض ولا تتخرطف على الدري
ام ساره ونوره بسرعه ركضو وراها
هند : ااااااااااااااااااااخ ريولي
ام ساره : ها عسى ما تعورتي
هند وهي تحاول توقف وهي ماسكه ظهرها : لا الحمد لله ما تعورت وايد ..
نوره : دومج هبله حد جي يركض ..
هند وهي منقهره وتحاول تنزل من عالدري : مالت عليج قولي الحمد لله على السلامه
نوره : تستاهلين ولا بقول شي
هند : يالله اليوم سماح ما بقولج شي لانج انتي اللي اقنعتي خالد يودينا
نوره : زين تذكرتي
هند : زين يالله نروح بيستوي الظهر ونحن بعدنا
ام ساره ظاهره من المطبخ : يالله جهزت الغدا وكل شي وين خالد
خالد طلع من الغرفه وملامحه لين الحينه حزينه : انا هني
نوره راحت عند اخوها وهي مبتسمه : ها جاهز
خالد : هيه ..شو عبدالله ما بييه
نوره : الحينه في الدرب ..
خالد شاف ام ساره وتذكر ساره على طول وقلبه متقطع ..

اما في بلجيكا
فهد وساره ووصلو الحديقه اللي هي من اكبر حدايق بلجيكا
ساره تشوف حواليها : وااااااااااااو الحديقه ماشاء الله عوووده
فهد : وحلوه بعد ..شوفي العابهم كيف خطيره يا سلاااااااااااااام ..




والقطار ينزل بسرررررررعه
وساره ماسكه جتف فهد واول ما القطار نزل ساره ما قدرت تيود عمرها
ساره فتحه حلجها:اااااااااااااااااااااااااااااااااااااااااااا ه يا ماما ..ابي انزل ابي انزل هئ هئ ابي انزل
فهد ميت من الضحك : لا تخافين بلاج
ساره : ماما ما ما ..ابي انزل .اااااااااااااااااااااااااا ه الله الله ياخذ هاللعبه ..
فهد : ههههههههههههههههههه امج في دبي مب هني ..ههههههههههه
ساره ماسكه جتف فهد بالقووووووووو ومنزله راسها وتصارخ .: ما عليه يا فهد انا براويك تضحك عليه
فهد.: هههههههههههههههههههههه

بعد ماخلصت اللعبه
فهد ميود بطنه من الضحك : ههههههههههههههههههههههههههههههههههههههههه
وساره معصبه وهي تشوف فهد : ليش تضحك ان شاء الله شو تشوف ويهي نكته
فهد : ههههههههههههههههههه اي بطني بطني يعورني من كثر الضحك .. والله يا ساره عمري ما ضحكت كثر هالمره
ساره معصبه : علك ما ضحكت موليه.. تضحك عليه مسود الويه
فهد : والله لا تلوميني انتي لو تشوفين شكلج بتضحكين على عمرج ..
ساره : كله منك قصيت عليه خليتني اركب اخطر لعبه
فهد : والله قلت لج هاي اخطر لعبه
ساره : متى قلتلي وانا في اللعبه ..تباني يعني انزل عشان الكل يضحك عليه
فهد : وانا شو دراني انج بتخافين .انتي قلتي انج ما تخافين
ساره : شو عرفني اللعبه جي بتخوف ياما ركبت قطار الموت في القريه العالميه وفي باجي الاماكن ماخفت جي
فهد : الله يخليج تسمين القطار الموت ماالقريه العالميه قطار موت قولي قطار اطفال
ساره : زين يا فهد مره ثانيه ما بلعب وياك..والله قلت اكيد ما بشوف امي مره ثانيه
فهد : هههههههههههههههههههههه ..باسم الله عليج يا عمري ..
ساره : زين بسك ضحك قوم خلا نتحرك ..
فهد : زين اي لعبه نلعبها
ساره : ما بي خلاص
فهد : شو خلاص ياعمري يايين هالدرب كله عشان لعبه
ساره : والله هاللعبه عن عشر العاب
فهد : زين بعد بنلعب شو رايج في لعبه الماي والله حلوه
ساره : شو تبى بدلتي تخيس ماي .. عشان تضحك عليه
فهد : والله اللعبه حلوه يالله ..
ساره : زين بس اخر لعبه والله صدعت

فهد يضخك: لازم من الصريخ
ساره عصبت ومسكت شنطتها وضربت على ويه فهد:بسك لاتضحك عليه ..
فهد يستعبط: اخ اخ عورتيني

*****************************

في دبــــــــــــــي
الكل كانو في السياره
وخالد يسوق وعبدالله عنده
اما ام ساره وام خالد ونوره وراء
وفي الدبه هند مع الخدامه
هند تتحرطم : الحينه ما خليتوني الا مع الخدامه
نوره : شو نسوي ما شي مكان
هند : جان انتي يلستي وراء
نوره بدلع : عيب انا متزوجه
عبدالله : ههههههههههههه
هند : شو يخصه الحينه ..ادورين حجه
ام خالد: يالله وراء ولا جدام اهم شي بنوديج البر مثل ما تبين ..
هند : هي والله
ام ساره : اقول خالد متى بنوصل والله تعبت من اليلسه
خالد : ان شاء الله بعد نص ساعه
عبدالله يشوف ملامح خالد اللي مبين عليه التعب والحزن..
وبعد ما وصلو
الكل جهز المكان عشان اليلسه
اما ام ساره وام خالد فقاعدين يجهزون الغداء
نوره ويا هند يساعدونهم
عبدالله وياخالد ..
عبدالله : الله شوف الجو محلاته
خالد : هي الجو حلو وايد بس ناقصنه شي
عبدالله صد : شو
خالد : ها ووولا شي
عبدالله استغرب من غموض خالد .. وعرف ان خالد قصده ساره بس ما احب يذكره

هند وهي تشم مثل الجلاب ..
نوره : بلاج تشمين مثل الجلاب
هند : اشم ريحة سمج
نوره : هيه ترى غدانا سمج
هند وقفت :شووووووووووووووووووو انا ما اكل سمج
هند وهي رايحه عند امها ومعصبه : امايه ليش سويتو سمج
ام خالد : تو الناس الحينه الريحه وصلتج
هند : شو اكل يعني
ام ساره : لا تخافين شي دياي بعد
هند : هيه تحريت بعد ..
ام خالد : زين سيري زقري الشباب عشان يتغدون

هند : ما بغيتو تحطون غدى شوفو الساعه كم الحينه ؟ استوى العصر
ام خالد : بسج يا ام لسان .. ترى نحن واصلين متاخر يالله روحي زقري الشباب
نوره انا بروح
هند : قالو هند مب نوره
نوره بدلع : هناك ريلي واخويه ..يعني اقربلي
هند عاقده حواجبها : يالله على الدلع
نوره ابتسمت وراحت صوب خالد وعبدالله
عبدالله شاف نوره يايه صوبهم : هلا والله باللي يايه عندنا
نوره مستحيه : هلا فيك ..يالله ترى الغداء جاهز
عبدالله صد لخالد : يالله نروح ..
خالد من غير نفس :يالله

الرحله كانت حلوه وايد بس عند خالد وام ساره الرحله مب لين هناك اكيد لان ساره محد وياهم ..



( اما في بيتكم سالم)

سالم يتغدى ويا امه واخته عاشه
سالم يتغدا بسرعه بسرعه ..
ام سالم: ليش جي تاكل بسرعه كانه كلب يلحق وراك
سالم والاكل بحلجه: مستعيل الربع يتريوني
ام سالم : دومك ويالربع ما اتي البيت الا حق الاكل
عاشه: لازم حق المصلحه
سالم يشوف عاشه : انتي سكتي ما يخصج
عاشه سكتت من الزياغ
سالم راح يغسل ايديه ..:يالله انا بروح
ام سالم : لحظه بقولج شي
سالم صد : خير
ام سالم : شو تجهزت .. ترى ما باجي شي على ملجتك
سالم : اييييييييييييييه تحريت شي مهم الحينه
ام سالم : الحينه الملجه صارت مب مهمه
سالم : والله انا ما يهمني شي لا ملجه ولا خطوبه ولا عرس اهم شي محد يخرب عليه بطلعاتي
سالم : يالله عن اذنكم
سالم كان بيطلع ولا تذكر شي ورد بسرعه
سالم يدور في مخباته ويدور يمين يسار
عاشه : شو تدور
سالم : ما شفتى علبة السجاير
ام سالم : يعني مستحيل تنسى هالسم
سالم : مستحيل متعود عليه
ام سالم : وخطيبتك تعرف انك تدخن
سالم : تعرف ولا ما تعرف ما يهني
ام سالم : الله يهديك بس
سالم : هي تذكرت في السياره العلبه يالله باي يمكن ارجع على الساعه 3 فليل
ام سالم : ليش من وقت ... كمل لين الصبح
سالم شافهم بنظره وراح
ام سالم وقفت عشان تغسل ايديها
عاشه : ما كملتي يا امايه
ام سالم : سد نفسي هالولد
عاشه : دومه جذي طايش لازم تتعودين
ام سالم : عاد انا ابيه يعرس عشان يعقل ويودر هالخرابيط
عاشه : شي امهات وايد يتوقعون ان بزواج عيالهم انهم بيودرون كل شي او بيتغيرون للاحسن والضحيه هي الزوجه ..
ام سالم : شو اسوي ما بايدي شي .. عسى الله يهديه

**********************

 

[الشوق]

مشاركة: مجنون سارة ,, قصة ٌ في منتهى الروعه

( بلجيـــــــــكا )

ساره وفهد بعد ما خلصو لعب
فهد : ها يا عمري ان شاء الله استانستي
ساره وهي تشوف ملابسها : اي استانست كندورتي لين الحينه فيها ماي ..ياريت ما سمعت كلامك
فهد : الاهو ماي وبينشف بسرعه ..
ساره : والحينه وين بنروح ترى تعبت
فهد : بنروح نتغدى ترى انا ميت من اليوع
ساره : اوكي وبعدين بنروح الشقه عشان نرتاح ترى من الصبح نحن واعيين
فهد : اوكي يا عمري يالله خلا ندور على اقرب مطعم وبنرد الشقه ان شاء الله..

فهد وساره بعد ما صلو لاحدث المطاعم
ساره وهي تاكل برقه ..
فهد ياكل من الصوب عيش ومن صوب الثاني يقطع الدياي ..
ساره تضحك : هد اعصابك
فهد : هالدياي ماعرف بلاه ما يتقطع
ساره : انا بقطع لك ..
ساره برقتها وبهدوء قطعت له وخلته بصحنه
فهد رافع حواجبه : يا سلااااام على الرقه
ساره : كل شي بالرقه مب بالدفاشه
فهد : شو اسوي يا حبيبتي ميت من اليوع
ساره : زين يالله كل
فهد وهو ياكل لاحظ على قلادة ساره لانها تبين من الشيله
فهد رفع راسه : ساره
ساره وهي تشرب العصير : مممم
فهد : انا وايد مستغرب من شي ..
ساره : شو
فهد :من اول ما يينا بلجيكا وانتي لابسه هالقلاده وما غيرتيها مع انج تغيرين لبسج دوم وخواتمج وكل شي الا هالقلاده ليش



ساره توترت : ها وووولا شي بس احب هالقلاده وايد لانها هديه غاليه
فهد : زين انا بعد عطيتج قلاده بس ما لبستيها اذا ما عايبتنج باخذلج غيرها
ساره وهي ماسكه القلاده : لا عايبتني ..بس انسى اغير البسها ..
فهد : يالله اتمنى اشوفج لابسه قلادتي ..
ساره بتوتر : ان شاء الله
ساره خافت انها تنكشف او ان فهد يلاحظ على القلاده انها مكتوبه من وراء حرف خالد وساره



(في حــتــا)

الكل قاعد يسولف ومستانس وقاعدين على شكل دايره وخالد وعبدالله مجابيلنهم ..ونوره ويا هند وام ساره ويا ام خالد
ام خالد : ماشاء الله بسرعه استوى المساء
ام ساره : هي والله الحينه الساعه 5 ونص ..
خالد ساكت وما يقول شي.
عبدالله : الصراحه رحلتكم وايد حلوه
هند : افا عليك يالنسيب دوم رحلتنا حلوه
ام ساره : بس ناقصنها شي ..الرحله بتحلى اكثر بوجود ساره
خالد اول ما سمع اسم ساره رفع راسه وشاف خالته ..
هند : يالله ان شاء الله مره اليايه ساره تكون موجوده مع ريلها فهد
خالد قام من مكانه وعصب : ساره اتييه حياها الله بس فهد بالذات ما اييه ولا حتى ابيه اييه في بيتنا ولا ابي اشوفه ..
قام خالد من مكانه وراح صوب النار ..
الكل استغرب من ردة فعل خالد
عبدالله قام على طول وراء خالد وشافه واقف عند النار وحاط ايدينه على بعض ومعصب
عبدالله وقف عنده : خالد الله يهديك بعدك على ساره
خالد : المشكله تعرف شو يا عبد الله
عبدالله : شو
خالد وهو مغمض عيونه ومتالم : ان محد حاس فيه .. الكل يتوقع ان ساره بالنسبه لي شي عادي ومايعرفون انها بدمي وهي كل حياتي ..
عبدالله حط ايده على جتف خالد : والله حاسين فيك .. بس يا خالد البنت تزوجت وترى مب انت اول ريال يخسر حبيبته او خطيبته
خالد صد لعبدالله : هيه صح انا مب اولهم .. بس هذيله يمكن ما حبو مثلي او قدرو ينسون بسهوله .. او ان حبيبتهم رفضتهم بس نحن حبنا كان متبادل .. تخيل كنت خطيبها وما باجي شي على الملجه والله يا عبدالله كنت اتريه متى نخلص الثانويه عشان اخطبها وتكون لي









ويوم صار كل شي راحت عني وصارت ملك غيري غصبن عني وعنها .. .
عبدالله يحرك راسه يمين يسار مايعرف شو يقول : يالله هونها وتهون يا اخوي والله يعوض عليك
خالد : مستحيل احب غيرها مستحيل
عبدالله : زين يا خالد قوم خلا نقعد وياهم ما نبي نخلي الكل بحس بضيجك بالذات ام ساره ترى فضيحه

هند تشوف عبدالله وخالد يرمسون
هند : نوره هذيله شو يقولون
نوره : جي تشوفين عندي اذن فيل عشان اسمع
هند : اييييييييييييييييه يحليله اخوي متعذب كله من هاي ساروووه ..قهر هي مستانسه واخوي متعذب
نوره بعصبيه : مب منها .. انت تعرفين هالشي مب بايدنها ..
هند ما علقت
نوره تزقرهم من بعيد : عبدالله وخالد يالله تعالو

عبدالله : يالله نروح يا خالد ..خلى نخلي الرحله حلوه ومانخرب عليهم يالله
خالد : اوكي بحاول

والكل قعد وكل شخص يقول موقف من مواقفه
هند : تذكرين يا نوره يوم رحتو عني وخليتوني ..
نوره : ههههههههههههههههههههه .. هي والله
عبدالله : كيف نسيتوها
نوره : ترى هند اذا ما تروح هني وهناك ما تعيش نحن كنا بنروح ولا هي اختفت ونحن تحريناها في السياره ويانا ويوم تحركنا شوي ما نسمع حس هند ولا عرفنا انا ناسينها وبسرعه نرد
عبدالله : هههههههههههههههههههههههه
خالد : واقولك يوم ردينا نشوف دموعها اربع اربع شكلها يضحك
هند : عيل تبوني اضحك مودريني بروحي في البر..
وام ساره : واحلى موقف يوم سارووه
نوره : هيه .ههههههههههههه
ام خالد : شو
نوره : تذكرين ذيج الرحله اللي اخر مره رحناها ..الجو كان بارد والهوى شوي بيطيرنا .ولا ساره تبى تعدل شيلتها ولا شيلتها تطير منها وهي تركض ورى شيلتها
الكل : هههههههههههههههههههههههههه
حتى خالد ابتسم تذكر
نوره : ههههههههههه .. زين محد شاف
عبدالله : والله سوالفكم حلوه عيل




(في بلجيكا )

ساره وفهد بعد ما تغدو وصلو الشقه وكانت الساعه عندهم 3 الظهر ..وفي دبي 7 المساء ..
ساره : واخيرا وصلنا والله تعبت
فهد وهو يفصخ الجاكيت : بس شو استانستي
ساره : هي استانست بس في قطار الموت ما استانست
فهد: هههههههههههههههههه
ساره : عيل انا بروح احط راسي شوي بنام على الاقل نص ساعه شو انت بتنام
فهد : مممممممممممممم ما فيني نوم بس بيلس في الصاله بشوف تلفزيون ..روحي حبيبتي نامي .نوم العوافي ان شاء الله
ساره بخجل : يالله عن اذنك
ساره راحت اسبحت ولبست بجامه .. البنطلون تحت الركب ومع بودي كت يعني جتوفها برع وفتحت شعرها السايح ونامت..

اما فهد فراح يشوف التلفزيون ..ويغير قناه من قناه ..وهو لابس بجامه بحد .. ماخذ راحته الاخ ..



شو اللي بيصير بين ساره وفهد
وشو اللي بيصير فيهم؟؟
خالد هل راح يصر على ساره او بينساها ؟
وسالم هل بيتزوج هند ؟
شو اللي ينتظر باقي الشخصيات

 

[الشوق]

مشاركة: مجنون سارة ,, قصة ٌ في منتهى الروعه

الجزء الواحد والثلاثـــون

في بلجيكا

ساره وفهد بعد ما تغدو وصلو الشقه وكانت الساعه عندهم 3 الظهر ..وفي دبي 7 المساء ..
ساره : واخيرا وصلنا والله تعبت
فهد وهو يفصخ الجاكيت : بس شو استانستي
ساره : هي استانست بس في قطار الموت ما استانست
فهد: هههههههههههههههههه
ساره : عيل انا بروح احط راسي شوي بنام على الاقل نص ساعه شو انت بتنام
فهد : مممممممممممممم ما فيني نوم بس بيلس في الصاله بشوف تلفزيون ..روحي حبيبتي نامي .نوم العوافي ان شاء الله
ساره بخجل : يالله عن اذنك
ساره راحت اسبحت ولبست بجامه .. البنطلون تحت الركب ومع بودي كت يعني جتوفها برع وفتحت شعرها السايح ونامت..

اما فهد فراح يشوف التلفزيون ..ويغير قناه من قناه ..وهو لابس بجامه بعد .. ماخذ راحته الاخ..




في حتا . :

ام خالد ترتب الاغراض " يالله بسرعه جهزو الاغراض ولا تنسون شي يالله خلا نروح الوقت تاخر عندنا
هند وهي تافف: اوووه امي تو الناس الساعه بعدها 8
نوره : لاتنسيت الدرب يا حلوه ..
خالد وهو ماسك دلة القهوه : يالله مشينا
هند : ايه مب تنسوني
نوره : يوم تعرفين ان يمكن ننساج اركبي السياره اول وحده
هند : هي والله بروح اركب اعرف نذالتكم
.. الكل ركب السياره .. وهند بعد يالسه وراء مع الخدامه وهي تتحرطم ..
هند تكلم الخدامه : الله ياخذج لا تتلصقين فيه
الكل : ههههههههههههههههههههه
هند وهي منقهره : والله انا منقهره وانتو تضحكون عليه ...مره ثانيه لا تيبونها..
ام خالد : والله ومنو بيساعدنا في الاغراض
هند تاشر على نوره: نوروووه شو خانتها
نوره تصد وراء : ايه شو نورووه بعد اصغر عيالج
هند : عيل هاي حاله .. مقعدينا ويا هالويه ( تأشر على خدامتهم ) والله اختنقت من ريحتها ..
ام ساره : انا ما اشم شي
هند : لا خالو والله ريحتها كله كريمات وخرابيط تقولين الحينه بتروح مكان ويا ويها ..ماعرف هالفلبينيات ليش
يحطون كريمات ورياييلهم مب عندهم حق منو يتكشخون ..
نوره : ههههههههههههههههه هي والله صدقتي ..


*******************
في بلجيـــكا :

فهد حاط ريوله على كرسي الغنفه وياكل مكسرات .. اما ساره فأول ماحطت راسها على الوساده علىطول نامت من التعب ..
وبعد مرور تقريبا ربع ساعه فهد يسمع صريخ ساره وصياحها قام على طول وركض على غرفة ساره ولا يشوف ساره يالسه على السرير وهي تصارخ وتصيح ..
ساره بصريخ ودموعها على خدها :لالاالااااااااااااااااااا مستحيل لااااا
فهد على طول راح وقعد عندها وماسك ايدين ساره وهو متوتر : ساره حبيبتي بلاج شو صار شو فيج ؟؟
ساره وهي قايمه من النوم وهي تصيح : امي يا فهد امي
فهد خايف : بلاها امج شو فيها
ساره وصوتها شوي رايح من الخوف : حلمانه عن امي حلم مخيف وانا خايفه الحلم يتحقق ويمكن امي صار لها شي ..
فهد وهو يمسح على شعر ساره ويحاول يهديها :لا تخافين يا عمري هذا اكيد كابوس مافيهم الا الخير
ساره : لالا لاااااااا اكيد فيهم شي اقولك حلم مخيف عن امي ..اذا صار لها شي انا بموت بدون امي ما اقدر اعيش
فهد : باسم الله عليج يا عمري لا تخافين انا الحينه بتصل في امج عشان نطمن
ساره وهي تمسح دموعها : هيه الله يخليك اتصل فيها بسرعه..
فهد على طول خذ موبايله واتصل في ام ساره ..
ساره : ها شو ..ليش بندت
فهد بتوتر : موبايلها مغلق
ساره فتحت عيونها : شوووووووووو ( تصيح ) عيل اكيد حلمي صدق اكيد امي فيها شي ..
فهد خاف على ساره لاول مره يشوفها بهالحال .وهو ماسك ايدها : ساره حبيبتي هذا مب يعني ان فيها شي يمكن ما شي بطاريه في موبايلها... شو رايح تتصلين في نوره او حد من اهلج
ساره : هي والله فكره عطتي التلقون ..
ساره وهي تتصل ايدها ترتجف من الخوف ..
ساره بعد ما اتصلت شافت موبايل نوره مغلق ..
ساره قامت من مكانها وتصارخ : موبايلاتهم كلهم مغلقه اكيد فيهم شي .. اااااااااااااااااه يا ربي شو صار فيهم ..
فهد راح عند ساره يحاول يهديها وراح عندها : ساره اهدي حبيبتي اهدي

ساره : ما اقدر ما اقدر خايفه عليهم
فهد راح على طول اييب ماي لان ساره وايد متوتره ..
فهد : هاج حبيبتي شربي الماي
ساره وتفر الماي : ما ابي شي ما ابي شي
فهد يلس عند ساره : ساره اهدي حبيبتي
ساره تصيح ..
فهد يبى يهديها ويقنعها ان ما في شي وهو يمسح على شعرها : بس حبيبتي بس ما فيهم شي صدقيني
ساره وهي تترجى فهد وماسكه ايده : فهد الله يخليك اتصرف شوف شو فيهم عشان خاطري
فهد :اوكي حبيبتي خلاص بتصرف
فهد تذكر الريم .. خذ موبايله واتصل فيها
ساره ودموعها اربع اربع : وين تتصل
فهد : بتصل في الريم اكيد تعرف عنهم شي
ساره : هي والله ليش ما فكرت في الريم
فهد اتصل في الريم اخته ..
الريم : هلا والله باخووووي
فهد : هلا بالريم
الريم : بلاك اخوي ليش زعلان
فهد : اقول الريم تعرفين شي عن ام ساره واهلها
الريم مستغربه: ليش
فهد : ساره كله تتصل فيهم بس موبايلاتهم مغلق ..
الريم تذكرت انهم رايحين الرحله : هيه اكيد ما شي ارسال عشان جي تراهم رايحين الرحله وهناك ما شي ارسال ..
فهد : اها والله جي السالفه عيل .. زين مشكوره اختي ما قصرتي وبتصل فيج بعدين ..يالله باااي
ساره / ها بشر شو قالت
فهد: اهلج رايحين رحله من الصبح واكيد ما شي ارسال عسب جي يعطيج مغلق فلا تحاتين
ساره : بس يمكن صايرلهم شي
فهد : خلاص الحينه بنتصل فيهم ..
ساره : يالله بسرعه
فهد اتصل كم مره بعدين علق الخط ..
فهد وهو مستانس : يرن يرن
ساره والابتسامه في شفاتها : والله عطني الموبايل
ساره اتصلت في امها وعلق الخط..
ام ساره : الو
ساره وهي تصيح : امايه فديتج فديت عمرج
ام ساره خافت على بنتها : ساره بلاج ليش تصيحين
خالد اول ما سمع ان ساره تصيح على طول وقف السياره بصوب خاف عليها
ساره : مافيني شي بس حلمانه عنج حلم مخيف وقلت اكيد صايرلج شي
ام ساره : لا فديتج ما فينا شي الحمد لله لا تصدقين الاحلام يا ساره
ساره: لا يا امايه انا خقت زياده لان موبايلج كله مغلق
ام ساره : اكيد ما شي ارسال هناك
.خالد : ها خالو شو صاير؟
ام ساره : ما فيها شي يا ولدي تحرك

ساره : الحمد لله ان ما فيكم شي..والله كنت وايد خايفه عليج
ام ساره : فديتج لا تحاتينا يا بنتي
ساره زين ويا منو رايحين ؟
ام ساره : ويا هند ونوره وعبدالله وام خالد ويا خالد
ساره بصوت واطي : خالد
فهد اول ما سمع اسم خالد صد وشاف ساره وانقهر ..
ساره : زين امايه سلمي عليهم كلهم..
ام ساره : ان شاء الله يوصل
بعد ما صكت التلفون .. ام ساره : تسلم عليكم ساره
الكل : الله يسلمها ..
خالد : خالو شو صار ليش ساره تصيح
ام ساره : ما شي يا ولدي هي حلمانه حلم مب زين عني ويوم شافت موبايلي مغلق خافت عليه
خالد : اها الحمد لله يعني ما فيها شي
ام ساره : لا الحمد لله
هند وهي تكلم نوره بصوت واطي : شوفي هذا اخوج يحاتيها ويا ويه وناسي انها متزوجه
نوره : سكتي لا يسمعج ويذبحج

فهد : ها يا ساره اطمنتي
ساره : هيه الحمد لله
فهد : وبلاه خالد
ساره : ها لا ما فيه شي ليش
فهد : سمعت تقولين خالد
ساره : لابس سالت قلتلها منو وياكم قالت خالد ..فهد : فهد : اها جي السالفه ..يالله عيل انا بطلع وانتي ارتاحي وكملي نومج
ساره قامت من السرير : لا بس ما ابي انام ما فيه بعد احلم كابوس ثاني
ساره لاحظت انها لابسه كت واستحت ..
ساره بخجل : فهد يمكن تطلع ابي ابدل لبسي
فهد يشوف ساره من فوق لتحت : ليش يا عمري لبسج وايد حلو عليج
ساره مستحيه : فهاااااااد اطلع بسرعه
فهد يضحك: فديت اللي تستحي ومن منو من ريلها بعد
ساره بعصبيه : فهد
فهد : زين زين بطلع ولا تزعلين

فهد راح الصاله اما ساره فراحت تبدل ..


في دبي
ام محمد ماسكه التلفون ..
محمد : الله يهديج امايه لازم تتصلين الحينه
ام محمد : هي من متى وانا اتريه حشى مب صلاة الاستخاره هاي
محمد: زين خليهم هم يتصلون



محمد وهي ماسكه التلفون : محمد لا تحشرني وتعور راسي خلني اتصل في مرت عمك واشوف شو سالفتهم .محمد متوتر وايد خايف ان اهل شيخه يقنعونها بالزواج منه وهو ما يباها ..
ام محمد : الو
شيخه اللي ردت : الو
ام محمد : السلام عليكم
شيخه قلبها دق لانها عرفت صوت ام محمد : وعليكم السلام
ام محمد : شيخه وياي صح
شيخه خايفه ان ام محمد تسالها : هلا مرت عمي شحالج
ام محمد : الله يسلمج جيف حالج انتي وينكم ما تنشافون
شيخه : والله مشاغل الدنيا مرت عمي انتي شحالج
ام محمد : بخير يسرج الحال..اقول يمه شيخه وينها امج
شيخه : لحظه بدورها اوكي
شيخه راحت غرفة امها وهي تركض : امايه امايه
ام شيخه وهي تقرا القران .
شيخه : اماااااااااااااااايه
ام شيخه : استغفر الله بلاج ما تشوفيني اقرى القران
شيخه : اسمحيلي بس تلفون
ام شيخه : منو
شيخه : مرت عمي .. ام محمد
ام شيخه قامت من مكانها : وااااا فضيحه اكيد تبى تسال عن ردج .. والله اخاف تسويلنا ضرابه يا شيخه
شيخه : انا مالي خص .. الزواج قسمه ونصيب ..
ام شيخه : الله يعيني عليها ..بروح ارد عليها ..
ام شيخه راحت عند التلفون وهي وايد متوتره ..
ام شيخه: الو سلام عليج
ام محمد : هلا والله عاش من سمع هالصوت وينج يا ويخيتي
ام شيخه : والله موجوده ..انتي جيف حالج
ام محمد : بخير يسرج الحال ..قلنا بنتصل نسال عن سالفة ولدي .. شفتج طنشتي السالفه
ام شيخه : لا والله ما طنشنا ولا شي ..بس
ام محمد : بس شو
ام شيخه : بس مستحيه اتصلج
ام محمد رافعه حواجبها : ليش
ام شيخه بتوتر: مثل ما تعرفين يا ام محمد ان الزواج قسمه ونصيب ومحد يقدر يفرض على حد بالذات الزواج ..
ام محمد : شو قصدج .. قصدج ان بنتج ما تبي ولدي
ام شيخه : لا مب جي السالفه هي صلت استخاره ومارتاحت
ام محمد : يعني ما تبي ولدي
... محمد يالس عند امه ويوم سمع ان شيخه ما تباه استانس وارتاح وايد ..
ام شيخه : والله ماعرف شو اقولج بس ما اقدر اغصب البنت
ام محمد : ليش بلاه ولدي وين بتحصل احسن منه يعني وهو مب ناقصنه شي ..

 

[الشوق]

مشاركة: مجنون سارة ,, قصة ٌ في منتهى الروعه

ام شيخه : والله ولدج سيد الرياييل كلهن بس شو اسوي
ام محمد : ما عليه ماعليه هذا يزايه اني اخترت بنتج من بين كل البنات ..
ام شيخه :ساكته
ام محمد : يالله مع السلامه
ام شيخه: ما ابيج تزعلين من هالشي ترى نحن اهل
ام محمد بعصبيه : يالله عن اذنج مع السلامه
( ام محمد طبعها صعب شوي ..ومن النوع اللي بسرعه يتضايج)
محمد راح عند امه .: ها شو صار
ام محمد بعصبيه : وايد شايفين عمارهم ليش هم منو عشان يرفضونك ما عليه يا ولدي بزوجك احسن البنات ولا تزعل ..
محمد بخاطره ( ليش ازعل ..يحليلج يا امايه ماتعرفين اني طاير من الفرح )
محمد : لا ما بزعل ولا شي الزواج قسمه ونصيب وانتي بعد لاتزعلين
ام محمد قامت من مكانها : شو ما بزعل منو قال عيل هم يرفضونك وتباني اخذهم باالاحضان نحن من الصغر قايلين ان محمد لشيخه ..
ام محمد: بس هذا زواج يا امايه
ام محمد : انت ما يخصك فيه .. انا من اليوم وساير ما بكلمهم ولا بروح بيتهم ...
ام محمد تتحرطم وراحت غرفتها
محمد يكلم عمره : لا بلاه سويت مشاكل بين العايله ..شو اسوي يالله ان شاء الله امي بتغير رايها ..الاهم اني صرت حر واخيرا اقدر اخطب الريم فديت عمرها
خلا اروح اتصل في خالد وابشره بهالخبر الحلو
خالد توه ياي من الرحله وبعده ما بدل راح الغرفه عشان يبدل ملابسه شاف رقم محمد وشل
خالد: الو
محمد : هلا بخالد والله هلا بربيعي
خالد : هلا بو جاسم ..جيف حالك
محمد : والله مستانس حدي
خالد : ان اشاء الله دوم مب يوم بس ليش شو صار؟
محمد : واخيرا افتكين من سالفتي .. شيخه رفضتني واخيرا يا خالد صرت حر
محمد : والله الريال مستانس وهناك الكل يتحراك متضايج..
محمد : اي متضايج ..قول ميت من الوناسه
خالد : تقول الحينه انك خطبت الريم ووافقت
محمد : ان شاء الله جريب
خالد : اقول محمد تخيل بعد كل هذا وهالمشاكل تروح وتخطب الريم ولا تلقاها مخطوبه او يرفضونك والله بموت من الضحك عليك
محمد معصب: ويا ويهك وانت ما تخليني مستانس يعني لازم تخرب عليه وناستي
خالد : هههههههههههههه لا اقول يعني تخيل






محمد : لا ابي اتخيل ولا شي .. يا ويلها اذا رفضتني انا رفضت شيخه بنت عمي اللي ما شي احسن منها واخر شي ترفضني
خالد: بعد محد يقدر يغصب حد
محمد : الحينه اوني ابيك تشاركني بفرحتي واخر شي تنكد عليه زين خالد انا براويك
خالد: هههههههههههههه لا والله اسولف وياك بو جاسم ولا تزعل الله يوففقك حبيبي
محمد : هي هالكلام اللي يونس مب مساع ..
خالد: زين عن اذنك بو جاسم بروح اتسبح ترى توني ياي من الرحله
محمد : خلاص بخليك عيل يالله فمان الله.

***************************

في بلجيـــــــــكا :

ساره يالسه ويا فهد في الصاله ..
يشوفون فلم ..
ساره :/ اقول شو سالفة هالفلم لين الحينه مب فاهمه شي
فهد : وايد حلو شوفي الحينه جريب النهايه
ساره : والله مليت ..
فهد : هذا الله يسلمج فلم رعب بس شو روووعه
سار فتحت عيونها: صج
فهد: هيه
ساره : والله انك نذل ناقصه انا رعب كافي الحلم اللي حلمته عن امايه ..
فهد: هههههههههههههه ليش تخافين
ساره : والله حسب الفلم
فهد : ما عليه يا عمري انتي شوفي الفلم واذا خفتي نامي في غرفتي ..
سارعه قامت من على الغنفه وفرت عليه الوساده الصغيره : وانت تباها من الله.
فهد : هههههههههههههههههه اكيد طبعا على الاقل احس اني متزوج مب عزوبي راقد بروحي
ساره : خلا اروح عنك وايد احسن
فهد ماسك كندورتها : تعالي وين بتروحين القعده بدونج ممله.
ساره تشوف فهد بطرف عينها : فههوووود خلني ارووح
فهد : يا ويل حالي .. اول مره ادلعيني محلاتها وهي ظاهره منج
ساره : والله انك متفيج
فهد : زين شو رايج يا عمري نطلع
ساره : لا تعبانه من الصبح ونحن بالحديقه
فهد : لا بس نتمشى صوب الشقه وصوب البحر ترى البحر مجابلنا ومره وحده نتعشى برع ولله الجو محلاته
ساره : اممممممممممممم زين اوكي ثواني ببدل وبييه اوكي
فهد : وانا بعد بتكشخ ..


ساره لبست وتكشخت وفهد بعد..
طلعو اثنينتهم صوب البحر جريب شقتهم..
فهد واقف صوب البحر يستنشق الجو ومغمض عيونه : يااااااااااااي محلاته الجو
ساره : هي والله الجو وايد حلو
فهد صد صوب ساره : محد محلي الجو غيرج يا بعد هلي انتي يا عمري
ساره استحت : فهد وبعدين وياك
فهد : لا بعدين ولا قبلين بتغزل فيج لين ما اموت..

..اشواق ويا فاطمه ويا اهلهم وهم يتمشون .
اشواق : فطوووووووووووم من العصر ونحن نمشي والله تعبت
فاطمه : زين يالله الحينه بنيلس صوب المطاعم هناك
اشواق وهي تمشي شافت ملامح فهد..
اشواق كانت تمشي وقفت مكانها .
فاطمه تصد صوب اشواق: ايه انتي بلاج ليش وقفتي
اشواق واقفه والضحكه على شفايفها ..
فاطمه : الحمد لله والشكر بلاج تخبلتي
اشواق وهي تاشر على ساره وفهد: شوفي هناك
فاطمه : ما اشوف شي شو فيج
اشواق تتنهد : فهوووووووووووووودي حبيب قلبي هناك
فاطمه: استحي على ويهج ..
اشواق :/قومي خلا نروح هناك بنسلم عليهم
فاطمه : لا ما بروح شو يخصنا فيهم ..خليهم بروحهم
اشواق :كيفج اذا ما ييتي انا برووح
اشواق راحت عن فاطمه
فاطمه لحقتها ..

فهد : زين يا عمري وين نتعشى
ساره : والله على راحتك
فهد شاف فاطمه واشواق يايين صوبهم
فهد : اف هذيله بعد يايين
ساره تصد : منو
فهد : رباعتج
ساره : لا تغلط عليهم ..
فاطمه واشواق بعد ما يو صوبهم
فاطمه : هلا بساره
ساره : هلا فيج حبيبتي
اشواق وهي تلعب باصابعها اونها مستحيه : شحالكم
ساره : بخير
اشووااق وهي تشوف فهد : شحالك فهد
فهد منزل راسه : بخير
اشواق وهي تشوف فهد : من زمان ما شفناكم
ساره : والله موجودين
فاطمه : وين رحتو يالله قولي وين الاماكن اللي رحتوها

ساره تقول حق فاطمه على اسم الحديقه وعلى الاماكن اللي راحوها ..اما اشواق فعيونها على فهد وساره لاحظت هالشي
ساره تصد لاشواق : بلاج اشواق ليش ما ترمسين
اشواق : ها ممم ما شي
ساره بابتسامه : شو معجبه في ريلج جنج ..من الصبح عيونج عليه ..شو عايبنج ..اذا عايبنج خذيه عادي
فهد يوم سمع هالكلام عصب وايد ..وراح بعيد عنهم
اشواق ويها احمر : لا ماشي بس .يذكرني في واحد من اهلنا..
ساره : اها جي السالفه عيل
فهد راح بعيد عنهم وهو معصب حده وهو صوب البحر وماسك الحصا ويفره ويكلم عمره : والله ولا مهتمه معقوله لهالدرجه انا انسان عادي ..لهالدرجه انا ولا شي ..في وحده تقول حق وحده ثانيه خذي زوجي .. اخ يالقهر ..الله يسامحج يا ساره .

فاطمه : زين ساره عن اذنج اخرناج ..روحي عند ريلج
ساره : افا عليج عادي ونستوني
اشواق وهي تشوف فهد : يالله باي

بعد ماراحو
فاطمه: فضحتينا الله ياخذ بليسج ..زين جي البنت حست انج تشوفين ريلها الحمد لله انها ما عصبت ولا قالت شي
اشواق : شو اسوي ما اقدر ما اقدر ايينن والله ايننن اقولج هذا مب ادمي هذا ملاك (شواق اطيح على فاطمه بالغشمره ) ذوبني الريال
فاطمه ادز اشواق : قومي عني بلاج تخبلتي
اشواق : هي تخبلت اينن ماشا ءالله عليه جمال الكون فيه هاي ساروووه صدق محظوظه
اشواق : لا تحسدينهم
اشواق : بحسدهم عشان يودرها وياخذني
فاطمه : والله انج نذله.. ومتفيجه

ساره راحت صوب فهد وشافته معصب
ساره : يالله نروح
فهد واقف مكانه وحواجبه مقروونات من العصبيه وهو يفر الحصا في البحر ..
ساره : بلاك فهد
فهد بعصبيه : ما فيني شي
ساره : شو مافيك شي .. شكلك مبين انك وايد معصب
فهد صد صوب ساره: زين حسيتي يا مدام
ساره مستغربه : ليش شو استوى
فهد : لا ولا شي .. يعني لهالدرجه انا ولا شي عندج .. حتى لو انا ولا شي على الاقل احترميني جدام رباعتج مب تقولين تبينه خذيه .. جي انا لعبه عشان جي تقولين
ساره : بس انا مب قاصده هالشي .. بس لانها كانت تشوفك وايد جي قلت لها
فهد : يعني بدل ما تعصبين لو وحده ثانيه جان تضايقت

ساره بتكبر: هذا لو كان بينهم حب متبادل يا فهد
فهد انجرح وايد : يعني انتي تكرهيني
ساره صدت صوب ثاني : انا ما اكرهك .بس هذا مب يعني اني اموت فيك ..وبعدين يا فهد انت وايد مكبر السالفه
فهد :طبعا كل الي يصير فيه مب مهم عندج وتحسينه شي عادي بس لو عند حبيب القلب خالد بيكون شي ثاني
ساره : شو تقصد
فهد : ما شي بس انا كنت متوقع انج تغيرتي عليه وعندي امل انج تحبيني في يوم من الايام
ساره : محد يقدر يغير القلوب يا فهد
فهدبعصبيه : زين خلا نروح الشقه انا تعبان ابي انام
ساره : بس انت قلت انك يوعان وتبى تاكل
فهد : كلت وشبعت كلت القهر والغصه
فهد : باخذلج شي عشان تاكلينه ..يالله نروح الشقه
ساره راحت ويا فهد الشقه .. وساره ما قصدت تجرحه بس هي كانت واضحه .. وطبعا ساره قبل كانت تكرهه
بشكل واضح بس الحينه هي ما تكرهه ولا تحبه يعني شعورها وايد عادي ..
فهد راح الشقه وعلى طول دخل غرفته وبند الباب بصوت عالي ..
ساره تكلم عمرها : اسمحيلي يا فهد بس انا ما اعرف اجامل وكنت واضحه لاني مستحيل انسى الانسان اللي متعذب هناك وانا استانس..انا ما احب يا فهد اجامل .


شو اللي بيصير بين فهد وساره
هل فهد بيقتنع ان ساره ما تحبه وبيودرها ؟؟
وهل راح تصير مشكله بين عايلة ام شيخه وام محمد؟؟

 

[رهف]

مشاركة: مجنون سارة ,, قصة ٌ في منتهى الروعه

31 جزء خليتيني اقرأ

كملي صرت مدمنة القصه

 

[الشوق]

مشاركة: مجنون سارة ,, قصة ٌ في منتهى الروعه

بصراحة جذي التشجيع و الله بلاش

افا عليش الحين اخلي لش كم جزء

بس ما بخلي وايد علشان عيونش ما تتعب

 

[الشوق]

مشاركة: مجنون سارة ,, قصة ٌ في منتهى الروعه

الجزء الثالث والثلاثون

فهد طلع وهو معصب من ساره ونزل صوب البحر لان البحر مجابله شقتهم على طووول وشي هناك كراسي وطاولات ..
فهد راح صوب البحر لان البحر بنسبه لفهد كل شي وهودايما يشكي للبحر ويحس بالراحه يوم يروح هناك ..
فهد يكلم نفسه وهو واقف صوب البحر وعاقد ذراعه ومغمض عيونه ومنقهر ويقول في خاطره ( ااااااااااااه يا ساره توقعت اني قدرت اخليج تنسين خالد.. بس شفت العكس .. حتى في شهر عسلنا تذكرينه ...(رفع عيونه للسماء ) والله ماعرف شو اسوي .. ساعدني يارب .

اما ساره فكانت متوتره شوي لان فهد طلع وهو معصب بس هي ماكانت تقصد .. ساره يالسه في الصاله وتنتظر رجوع فهد ..


* اما اشواق وفاطمه فهم في شقتهم وطبعا شقتهم وايد جريبه من شقة فهد وساره ..
اشواق وهي يالسه على السرير : افففف مللل مللل
فاطمه وهي ترتب ملابسها :اي ملل الصبح طلعنا ما تملين
اشواق : زين مللل شو اسوي
فاطمه : شوفي تلفزيون
اشواق قامت من مكانها : قومي لا .. من زين البرامج
اشواق راحت صوب الدريشه : خلا افتح الدريشه ( النافذه ) على الاقل اشوف الناس واغير جو
..اشواق وهي تشوف الرايح والراد .. ولا تشوف شوي من بعيد فهد ..
اشواق تفتح عيونها زياده عشان تتاكد ولا تاخذ نفس
فاطمه صدت صوب اشواق : بلاج كانج شفتي حد بيموت
فاطمه تشوف اشواق وهي فاتحه عيونها وشاقه حلجها ..
فاطمه راحت عند اشواق : ايه بلاج يالخبله
اشواق فاتحه عيونها وتاشر صوب فهد ..
فاطمه تشوف يمين يسار : منو .. وين تقصدين
اشواق تصد صوب فاطمه : بلاااااج فهوووووودي هناك
فاطمه اطلع راسها من الدريشه: منو قال ما يبين وايد
اشواق : لانج عميه
فاطمه : زين شفتي فهد شو يعني
اشواق راحت صوب خزانة الملابس ...
فاطمه : ايه شو تسوين
اشواق : سكتي خلا اتكشخ .. هاي فرصتي .. بالذات لان ساره محد
فاطمه فاتحه عيونها: شو قصدج
اشواق وهي ماسكه بدله في ايدنها: قصدي يا حلوه اني بسيرعند فهودي اوني يايه صدفه وبتكلم وياه ..
فاطمه : صدق ما جذبت يوم قلت لج ميونه .. انتي ما تستحين على ويهج ..
اشواق : بلاج هو يعرفنا يعني عادي

اشواق: يالله بروح ابدل واتكشخ وبييه
اشواق راحت لبست احلى ماعندها وتمت تحط مكياج وتعطرت ..
اشواق بدلع : ها شو رايج فيه ... مب قمر
فاطمه : حشى كانج رايحه عزيمه
اشواق : بذمتج انا مب جذااااابه
فاطمه : اشواق بلا هالحركات
اشواق : اصلا انا ليش اضيع الوقت وياج خلا اروووح عند اللي خذا عقلي وتفكيري ابي اعرف عنه كل شي .. يمكن يرتاحلي ويودر زوجته ..
فاطمه : اشواااااااااااااق تعالي وين
اشواق وهي مروحه : بااااااااااااااااااااااي

اشواق راحت عند فهد ..
( اشواق كانت حلوه بالذات لانها جذابه وايد بس طبعا ساره احلى عنها بوايد .. بس اشواق عندها اسلوب حلو

فهد وهو متضايق وبعده واقف عند البحر ..
اشواق يت عنده وبرقه : احم احم
فهد يصد ويشوف اشواق مستغرب
اشواق : شحالك فهد
فهد مستغرب : بخير
اشواق : شو ما تذكرني ..انا اشواق
فهد تذكر بالذات لان ساره فضحته جدامهم : هلا
اشواق وهي تشوف الحزن بويه فهد : ممممممممممم يمكن نسولف
فهد يبى يرووح عنها: لا اسمحيلي مشغول
اشواق : فهد لحظه
فهد يصد : نعم
اشواق برقه ونعومه : يمكن اتكلم وياك .. ابيك بسالفه
فهد :بس انا ما اعرفج كيف تبين تكلميني بسالفه
اشواق : انته زوج ربيعتي .. يعني انا اعرفك ..يالله بليز
فهد يفكر : اوكي بس هنيه بنيلس يعني صوب البحر ترى شي كراسي وطاولات
اشواق : خلاص اي مكان وانا بعزمك على الايس كريم اللي عندهم ترى لذيذ
فهد من غير نفس : اوكي بس دقايق


.*.. ساره وهي تشوف ساعتها حست ان فهد تاخر ..
راحت صوب غرفتها وفتحت الستاره ولا تشوف فهد يالس ويا اشواق ..
ساره استغربت وايد وعرفت انها اشواق وتذكرت كيف اشواق معجبه فيه .. ساره صكت الستاره ..
ساره عاقده حواجبها ومستغربه : غريبه فهد ويا اشواق
وانا ليش مهتمه ..معقوله اغار ..لالا لا مستحيل انا اغار
راحت ساره المطبخ عشان اتييب لها العصير وهي بعدها مستغربه ..






اما اشواق وفهد
فهد منزل راسه وساكت ..
اشواق وهي تتامل فيه : مممممممممممم فهد بلاك ساكت
فهد رفع راسه : اتريه ترمسين ..مب انتي تبيني بسالفه
اشواق ماتعرف شو تقول : ممممممممممم هيه صح بس سالفه عاديه ..ابي ابي هيه صح ابي رقم زوجتك
فهد عاقد حواجبه : الحينه هاي السالفه
اشواق : يعني .. اخاف تسافرون وانا ماعندي رقمها
فهد : خلاص اوكي عندج ورقه
اشواق : لا ماعندي
فهد: وانا بعد
اشواق وهي فاتحه كف ايدها : خلاص اكتب الرقم على ايديه
فهد مستغرب من جراتها : ليش انا اكتب .. ( طلع القلم من قميصه ) انا بعطيج القلم وانتي كتبي
اشواق انحرجت : اوووه صح .. اوكي كم الرقم
فهد : *******
اشواق : مشكووووريا فهد
فهد يبى يوقف: خلاص يمكن ارووح
اشواق مسكت ايده بالغلط عشان توقفه : لا تروح
فهد على طول سحب ايده وعصب ..
اشواق : اسمحلي ما قصدت بس لا تروح
فهد : اسمحيلي بس ما احب ايلس ويا وحده بالذات ما اعرفها والله مب حلوه
اشواق : بس نحن نعرف بعض وبعدين عادي.. ولا تخاف من زوجتك تشوفنا
فهد بخاطره :يا ريت ساره تحس بشي ولا تهتم
اشواق : وين سرحت
فهد : لا ولا مكان .. بس ساره عادي عندها
اشواق وهي تلعب باصابعها : مممممممممم يمكن اقولك شي بس لا تزعل مني ولا تضايق من سؤالي
فهد مستغرب : تفضلي قولي
اشواق : الصراحه انا حاسه ان ساره ما تعزك وايد
فهد تضايق وااايد وعصب ..
اشواق : ما ابيك تزعل ..بس ما احس بينكم حب مثل باقي الازواج
فهد بعصبيه : شو تبينا نبين حق العالم انا نحب بعض .. الحب في القلب
اشواق : هيه ادري بس
فهد وقف : اسمحيلي اشواق انا بروح


اما ساره
( ساره ردت مره ثانيه وفتحت الستاره وشافت اشواق وفهد بعدهم ويا بعض )
ساره : غريبه بلاهم .. شو صاير بينهم ..
حست ساره بالغيره والقهر بس هي ماحسه بهالشي




( عند فهد واشواق )

فهد : اشواق تاخرت وايد بغيتي شي ثاني
اشواق : لا خلاص بس ما عزمتك على الايس كريم
فهد : مره ثانيه
فهد وهو يبى يروح
اشواق :فهد
فهد يصد : خير
اشواق : لا تضايق من شي .. ترى اذا في ناس يضايقونك وما يحبون سعاتدك .. ترى اكيد شي ناس يحبون يشوفون السعاده بقلبك ..
اشواق بابتسامه : مع السلامه يا فهد واتمنى المره اليايه اذا شفتني ما تنسى اسمي .. ترى اسمي مميز اسمي اشواق ..
فهد : ان شاء الله يالله عن اذنج
راح فهد شقته
اما اشواق فتمت تشوفه بابتسامه ..وتقول في نفسها ( ماعرف يا فهد كيف سحرتني ..خليتني جريئه واطلع انسانه ثانيه)


فهد راح لشقته وهو وايد متضايق

دخل فهد ..وساره كانت في الصاله تشوف التلفزيون ويوم سمعت صوت الباب صدت وراء وشافت فهد .. اما فهد فكان معصب .. شافها بنظره كلها غضب وراح ولا سلم عليها ولا قالها شي .. دخل فهد غرفته وصك الباب بالقووو..
ساره استغربت من هالشي وقالت في نفسها : غريبه اول مره فهد ما يعطيني ويه ..مبين صدق انه معصب .. ارووح اراضي..لا لا لا وانا ليش اراضيه .. هو اللي زعل بروحه وانا مب غلطانه .. ما بروحله ..

فهد غير ملابسه وتساند على السرير وحط ايده وراء راسه وكان يفكر بكلام اشواق شو قصدها ان في ناس يحبون سعادته .. .. ورن موبايله
فهد من غير نفس : الو
الريم : هلا بالغايب اللي ما يسال عني
فهد اول ما سمع صوت الريم اخته يلس وبفرحه : هلا بريمااااااان اختي الغاليه
الريم : وينك يالقاطع عاد قلنا شهر العسل عاد مب تنسى ان عندك اخت
فهد : فديتج والله مستحيل انساج ..
الريم : زين جيف حالك وحال سارووونه
فهد اول ما سمع اسم ساره اتنهد ..
الريم : بلاك اخويه شو صار
فهد : والله ماعرف شو اقولج
الريم وهي خايفه : لا يكون استوى في ساره شي
فهد : لا لا باسم الله عليها ما صار فيها شي
الريم : عيل شو صار



فهد : بقولج السالفه
فهد قال حق الريم السالفه كلها
الريم : اها هالسالفه عيل
فهد : هي وانا منقهر اكثر ان حتى ما تاسفت يا الريم تخيلي لهالدرجه انا ولا شي بالنبسالها
الريم: بس هي ماكانت تقصد
فهد : اكيدهو في بالها عشان جي هي تلخبطت وقالتلي خالد بدل فهد .. والله يالريم حاس بالقهر والغصه
الريم : فهد انت تعرف ان ساره ما تباك من البدايه ووافقت على هالشي وقلت انك بتحاول تغيرها وتخليها تحبك صح
فهد : بس انا والله مب مقصر عليها بشي واحاول انسى كلامها الجارح بس هي ابد ما تحس بمشاعري
الريم : انت تعرف هالشي بيصير وانا ياما نبهتك بس انت اصريت .. فلازم تدوس على قلبك وتسامحها او ااطنش السالفه عشان تقدر تخليها تحبك وتستمر علاقتكم ويا بعض .. مب انت تحبها وما تبى تخسرها لازم تحاول ..
فهد : مب بس احبها انا اعشقها .. ساره كل دنيتي
الريم : خلاص .. الحينه اطلع وانسى السالفه ويمكن ساره حاسه بغلطتها بس ما تبى تعترف ..
فهد : يعني تبيني انسى السالفه .. صعبه
فهد : ما في شي صعب .. اذا صدق تحبها انسى هالشي بالذات ان لين الحينه الحب مب متبادل .. اما اذا متبادل كنت بقولك شي ثاني ..
فهد : خلاص بحاول انسى السالفه وابين لها العكس .. والله يعيني ..
الريم : الله يسعدك يا اخويه .. وترى ساره طيبه وايد بس هي متضايقه لانك دمرت حبها
فهد : اوكي بحاول اني اطلعها اليوم وانسى اني متضايق
الريم : اوكي اخويه يالله اخليك وياها ..
فهد : مشكوووره اختي اتصلتي في الوقت المناسب
الريم : افا عليك كم اخو عندي
فهد : هههههههههه تسلمين يالله مع السلامه
الريم : بحفظ الله


راح فهد الصاله عشان يكلم ساره .. ويوم دخل الصاله ما شافها فراح غرفتها
ساره وهي اتشوف المناظر من الدريشه ..
فهد يفتح شوي الباب : احم احم
ساره صدت استغربت : منو
فهد يطلع نص راسه : منو غير ريلج
ساره استغربت لان قبل شوي فهد متضايق منها
فهد دخل الغرفه : شو بلا ج .. ليش مستغربه
ساره صكت الستاره : ها ولا شي
فهد راح عند ساره وقف عندها
ساره مستغربه .. بلاه فهد يبتسم
فهد بابتسامه : شو رايج يا بعد هلي نطلع اليوم
ساره فتحت عيونها : شووووو



فهد : بلاج ..
ساره : توك معصب
فهد يبين العكس ..( مسك ايدها ): عشانج انسى حزني وضيقي وكل شي .. بس عشان ما انحرم منج ..
ساره سحبت ايدها ..وانحرجت
فهد : ها يا عمري وين تبينا نطلع ..
ساره : مممممم ماعرف اي مكان كيفك
فهد حاط صبعه على راسه ويفكر : ممممممممممم شو رايج نروح نتغدى في الباخره ..
ساره : واااااااااو فكره حلوه صوب البحر يا سلام
فهد : وارقى سفينه بعد ..
ساره : فكره حلوه خلاص دقايق واتجهز
فهد : انا بعد بروح اتلبس

راح فهد واتلبس
اما ساره فمستغربه وايد من تصرف فهد .. ماتوقعت هالشي
ساره : سبحان الله منو اللي غير تفكيره ..قبل شوي معصب ومتضايق ..

ساره لبست لون الاحمر .. بقطعة شيفون .. والقميص كله قصات وشكله وايد راقي ..

فهد طلع من الغرفه ودخل غرفة ساره وشاف ساره تسحي شعرها السايح ..وشعر ساره كان لين اخر الظهر .. وفيه لمعه طبيعيه ..
فهد دخل وراح عندها: فديت الاحمر
ساره مطنشه وهي تسحي شعرها
فهد : الله شكلج طالع حلو وايد بالذات بشعرج السايح
ساره ابتسمت وماردت عليه
ساره قاعده تلف شعرها وتغطيه كامل ..
فهد : يالله يا عمري ..مشينا
ساره : يالله

فهد وساره راحو لاحلى وارق باخره .. عشان يتغدون ..

***************************

 

[الشوق]

مشاركة: مجنون سارة ,, قصة ٌ في منتهى الروعه

اما في دبــــــــــــي
نوره وهي تكلم الريم : زين يالريم عيل انتي جاهزه..
الريم : هيه الحينه بييج .. قلتي حق ريلج انج رايحه العياده عشان الفحص
نوره: انا قلت بروح العياده بس ما قلت له عشان الفحص
الريم : هيه احسن ..يالله عيل انا الحينه بطلع
نوره : اوكي اترياج


نوره ويا الريم راحو العياده عشان تفحص اذا نوره ما فيها شي يمنع الحمل
نوره وهي تتريه دورها : الريم وايد خايفه
الريم : ان شاء الله ما في شي .. لا تحاتين
نوره والخوف بملامحها : اخاف اسمع خبر مب حلو
الريم : يالله كيف توسوسين توكلي على الله
نوره : اويييه .. يا دوري
النيرس : نوره دورج
نوره : اوييييييييييييه دوري
الريم : الله معاج
نوره وقفت عشان تروح : ادعيلي
الريم : الله وياج يانوره

الريم اتريت نوره وايد ..
الريم كل شي تشوف ساعتها ..
نوره طلعت من عند الدكتوره
الريم راحت عندها : ها شو بشري
نوره بابتسامه : الحمد لله ما فيني شي الدكتوره طمنتني وقالت كل شي سليم عندي وقالت اني اقدر احمل في اي وقت..
الريم مستانسه : الحمدلله الحمد لله ..ما قلت لج ما بيستوي شي
نوره :هيه والله كنت خايفه ..
الريم : التاخر شي عادي .. وايد ناس تاخرو في الحمال يمكن اكثر من 4 او 5 سنين وبدون سبب
نوره : هيه صح .. خلا ارووح ابشر ريلي
الريم : وعقبال ما تبشرينه بالحمل
نوره وهي ترفع عيونها للسماء : ان شاء الله .. وربي يسمع منج


هند قاعده تتلبس وتتكشخ ..
ام خالد : وين بتروحين
هند وهي تتمكيج : ولا مكان بس ربيعتي منى بتي بيتنا
ام خالد : والله تقولين خطيبج اللي بييه
هند : بعد لازم بنتج تتكشخ ..عسب محد يكون احلى منها
ام خالد : الجمال يا بنتي جمال الروح مب الشكل
هند : انا عندي كل انواع الجمال
ام خالد : زين خلا اجهز لها العصير
هند : هي والله تسوين خير ..
هند وهي يالسه في الصاله ويا ام ساره وام خالد تتريه ربيعتها وكل دقيقه تشوف ساعتها
ام ساره : بلاج كل ثانيه تشوفين ساعتج
هند : تاخرت ربيعتي وايد
خالد طلع من غرفته عشان يطلع ..قاعد يعدل غترته
ام خالد : بتطلع يا خالد
خالد : هيه امايه بطلع ويا الربع
ام خالد : زين تسوي تغير الجو على الاقل
ومنى يت وهي تدق الجرس
هند وقفت : اكيد منى ربيعتي


هند : بروح استقبلها وبييبها هنيه
خالد : ليش ما بتودينها الميلس
هند : لا هي تبى اتيه غرفتي ابي اراويها اشياء
خالد : عيل انا بطلع يالله من رخصتكم

هند طلعت عشان ادخل ربيعتها
منى وهي تبى تدخل شافت خالد عند باب الصاله
منى طبعا الشيله كانها زينه على رقبتها والمكياج كامل في ويها والعطر لاخر الدنيا ..
خالد منزل عيونه ويبى يطلع
منى تشوف خالد وبدلع : مرحبا
خالد رفع راسه ولا يشوف منى ومن غير نفس مرحبتين
خالد طلع على طول وما سوالها سالفه
منى تصد تشوف خالد وهو يطلع
منى تكلم هند : اقول هذا اخوج
هند : هيه ماعندي غيره
منى : ما قلتي ان عندج اخو بهالجمال والجاذبيه
هند : ليش عايبنج .. بس صعب تاخذينه
منى بغرور: ليش ان شاء الله شو ناقصني
هند : هو اصلا لين الحينه يحب ساره وما يقدر يسناها
منى : ااايييييييييييييه هاي ساره ماعرف شو تسوي في الشباب صدق حظها حلو
منى : زين نحن لين متى بنوقف عند باب الصاله يالله ندخل ..
منى بعد ما سلمت على الكل
راحت غرفة نوره وتشوف اغراضها ..
منى : ها شو رايج بغرفتي حلوه صح
منى : مغيره الاثاث يعني
منى : هيه ..
منى : اقول عندج كمبيوتر صح
هند : هيه ليش
منى تحاول تخرب منى : تعالي بدخلج على شي بتستانسين وايد
منى : والله شو
منى : تعالي
منى دخلتها بالشات
هند يالسه عند منى : هذا شو بعد
منى : صدق مب متطوره هذا شات تكلمين بنات و شباب وهم ما يعرفون اسمج ولا شي
منى : ويييييييييييه انا اكلم شباب لا حبيبتي انا مخطووبه
منى بحقد لان هند مخطوبه : زين شو يعني جي انتي اول وحده تنخطبين عادي
منى : لا لا ما يستوي احس خيانه
منى : مالت عليج صدق غبيه .. اي خيانه جي بتطلعين وياه تكلمينه على الشات وهو شو عرفه فيج ولا في اسمج .. يعني كل واحد يقص على الثاني وناسه
منى : لا لا ما بيه
منى : زين شوفيني كيف ادخل الشات واقص عليهم
هند : اوكيه

((منى .. من البنات اللي في هالزمن منتشر عندنا للاسف وايد .. يعني سمعتهم مب زينه وحركات وما يتمنون للباجي الخير .. ويحبون كل البنات اللي وياهم يكونون مثلهم حركات .)).

ومنى تدخل الشات .. وهند قاعده تشوفها وتتعلم منها
منى : ها شو رايج مب وناسه
منى : الصراحه هيه
منى : يوم تكونين ملانه دخلي وكل يوم تقصين على واحد
هند : وهو مايعرف اميلي ولا شي صح
منى : لا مايعرف شي ..
هند : ماعرف اخاف .. مب خيانه لاني مخطوبه
منى: بس انتي ما سويتي شي غلط .. وبعدين بعد ما تزوجين ودري هالشي
هند : مممممممممم اوكي .

(هند وايد على نياتها وماتحس بالغلط اللي تسويه تحس كل ما منى تقول شي يعني صح وما فيها شي )







اما في بلجيـــــــــــــــكا :

فهد وهو ياكل ويا ساره
فهد : الصراحه ما شي احلى من ام الربيان
ساره : لا شكله يخوف .. انا احب الربيان الصغار
فهد: هههههههههههههه يخوف .. ليش هو حي
ساره : الصراحه كانه حي
فهد : بس لذييييييييييييذ
فهد كمل اكله بعدين وقف عن الاكل وسرح فجاه .. ساره لاحظت هالشي شافت فهد سرحا ن
ساره : بلاك فهد
فهد يشوف ساره : في شي في بالي ما عرف اقوله ولا لاء
ساره : اذا تحس انك تبى تقول قوله
فهد بكل حزن : ساره انا اعرف انج تكرهيني
ساره انصدمت ..
فهد : اعرف ان اللي سويته غلط ان مب من حقي اخذج من خطيبج .. وانا ما الومج اذا عاملتيني هالمعامله
ساره ما تعلق
فهد: بس غصبن عني والله .. يوم شفتج ذيج المره ما قدرت اشيلج من بالي .. عرفت اني مستحيل اعيش بدونج ماعرف شو صارلي .. كانج سحرتيني ويوم عرفت انج مخطوبه حاولت اشيلج من بالي بس ما قدرت والله ما قدرت
ساره : اللي يحب يا فهد يتمنى اللي يحبه السعاده مب انك تاذخني من خطيبي صح
فهد : هيه صح .. بس كل ما تذكر انج ما بتكونين لي ماعرف شو يستوي فيه ..بالذات ان الريم دوم تمدح فيج وتكلمني عنج ..حسيت اني اباج وما بتزوج غيرج ..
ساره : بس اللي يحب ما يسوي اللي سويته
فهد : حاولت انساج ما قدرت والله احس اني بختنق يوم اتذكر انج بتكونين لغيري .. وبالذات انا ياساره عمري ما حبيت من بعد وفاة امي وابوي وانا بامس الحاجه لهم
ساره : بس يا فهد وايد ناس يتامه بس ماصار لهم هالشي
فهد بكل حزن : صح ..بس انا كنت صغير يا ساره يعني قولي صف الرابع واتذكر كل شي ... امي (ادمع فهد ) امي ما عشت وياها فتره طويله .. في اشياء اتذكرها كيف كانت حنونه وياي .. كانت تلاعبني وادلعني اكثر واحد وكنت متعلق فيها بشكل جنون . اكثر عن ابويه .. وتخيلي سعادتنا ما اكتملت ماتت بمرض خبيث ( فهد ما قدر ايود عمره ) نزلت الدمعه
ساره وهي تحاول تخبي دموعها ..
فهد : تخيلي يا ساره انا كنت صغير ويوم ماتت امي قلت حق ابويه وين امي قال راحت من الدنيا .. وانا بامس الحاجه لها ولحنانها .. هي كانت كل شي بالنسبالي .. دايما تنصحني وعمرها ما عصبت عليه كانت حنونه .. وابويه من الصدمه ومن كثر ما تعذب ما ركز في سواقته ومات بحادث في السياره تتخيلين اعز اثنين عندج يرووحون بنفس الوقت .. كيف ما تبيني اتعقد ..




وانا من صغري انحرمت منهم .. وياريت عندي اخو اكبر .. بعدين عمي يلسنا عنده وهناك بدل ما نحصل الحنان حصلنا من مرت عمي العذاب بدل ما تعوضنا الحنان والحب اللي انحرمنا منه ..عاملتنا بجفاء لانها ماتبانا نيلس عندها .. تخلينا مثل الخدم .. وتفرق بيني وبين عيالها .. ودايما تغيضني ..لانه ما عندي احد يهتم فيه واختي صغيره ما تذكر كل شي فانا كنت ادافع عنها يوم مرت عمي تضربها
ساره وهي تمسح دموعها : معقوله في مرت عم بهالقساوه
فهد : نحن دايما نتوقع ان في دنيتنا كل شي زين .. بس مانعرف ان في ناس في الدنيا اخس مما نتصوره .. وانا ياساره تعقدت من بعدها .. انحرمت من كل شي..وطبعا مرت عمي ما قصرت ..بهالطريقه كبرت وقلت اني بعتمد على نفسي وسافرت عشان اشرد من تسلط مرت عمي
ساره : وعمك ماله شخصيه
فهد يتنهد : ااااااااااااااااه .. وايد رياييل مالهم اي سلطه جدام حريمهم .. مع ان عمي طيب وايد ..بس مرته
ساره : وكيف ودرت اختك بروحها وسافرت
فهد : اختي يوم كبرت مرت عمي كانت زينه شوي وياها عشان جي انا اطمنت .. بس طبعا مؤقتا
ساره : ليش يعني
فهد : يوم رديت من السفر فاتحني عمي ان يبى الريم حق حد من عياله .. وهني انا رفضت
ساره /: ليش هو مب زين
فهد : لا ابدا .. من النوع اللي ما يسوي اي شي الا بشور امه يعني تقدرين تقولين ولد امه .. ومايحافظ على صلاته وكان لعوب .. وانا متاكد انه بيبهدل اختي
ساره : اها عشان جي هي تكرها وايد
فهد : هيه وايد وعصبت علينا وماخلت فينا شي ويوم كبرت واعتمدت على نفسي خذت اختي ويلست في بيتنا
ساره : وبيتكم قبل منو عايش فيه
فهد : عمي مأجرنه على ناس وطبعا يوم عرف اني قدرت اعتمد على نفسي استانس لانه يعرف ان مرت عمي بتبهدلنا وعطانا كل فلوسنا مال الايجار ..
ساره : اها هاي قصتك
فهد :هيه وعمري ما شفت السعاده يا ساره الا يوم شفتج فلا تلوميني يا ساره اذا انا تعلقت فيج .. حسيت ان محد يقدر يعوضني عن الحب والحنان غيرج ..وبعدج عني هو موتي .. لاني مستحيل اعيش بدونج يا ساره
ساره نزلت راسها وما قدرت تعلق على شي يمكن لانها اول مره فهد يكسر خاطرها وتحس فيه
فهد رفع راس ساره وبابتسامه : ساره يمكن اقولج خاطره وايد عزيزه علي واهديها لج
ساره بابتسامه : تفضل
فهد : بس عاد ملينا من اليلسه خلا نشوف البحر ... وبقولج على الاقل احس اني في باخره وان البحر عندنا
ساره وقفت : اوكي يالله
فهد واقف عند ساره وساره تشوفه .. اما فهد فهو يشوف البحر ويقول بكل رقه :
** لو كان بيدي اموت مليون مره .
..بختار موتي ولا فراقك ثواني
**لا تظن بعدك في حياتي مسره .
. تفداك روحي وراحتي وكياني
** انت ف حياتي كل امالي
وانا ما اقدر على بعدك يا بعد خلاني
** حبك سكن روحي وقلبي مقره
وعهد الموده لك على طول الزماني
** جمع العذاري ما يسوون شعره منك
ولا بيعوضني عنك ثــــــاني

فهد يصد لساره : ها شو رايج
ساره بابتسامه : الصراحه رووعه ..
فهد تقرب من ساره اكثر: محد اروع منج يا بعد خلاني ..وترى هذا شويه يا ساره ترى اللي في قلبي واااايد .. وحبي لج ماله حدود..
ساره تشوف فهد وهي ما تقدر تقول شي..يمكن اول مره تحس بحب فهد الكبير لها وتحس بمعاناة فهد بحياته وعرفت ان فهد ما يقدر يعيش بدونها







شو اللي بيصير بين ساره وفهد ؟
ساره بتنسى خالد .. وبتفكر بكلام فهد وبتحبه ؟
وهل اشواق بتصر على فهد وما بتورده ؟
ومنى شو اللي تخططه لهند ؟؟ وهل هند بتخترب؟

 

[الشوق]

مشاركة: مجنون سارة ,, قصة ٌ في منتهى الروعه

فهد واقف عند ساره وساره تشوفه .. اما فهد فهو يشوف البحر ويقول بكل رقه :
** لو كان بيدي اموت مليون مره .
..بختار موتي ولا فراقك ثواني
**لا تظن بعدك في حياتي مسره .
. تفداك روحي وراحتي وكياني
** انت ف حياتي كل امالي
وانا ما اقدر على بعدك يا بعد خلاني
** حبك سكن روحي وقلبي مقره
وعهد الموده لك على طول الزماني
** جمع العذاري ما يسوون شعره منك
ولا بيعوضني عنك ثــــــاني

فهد يصد لساره : ها شو رايج
ساره بابتسامه : الصراحه رووعه ..
فهد تقرب من ساره اكثر: محد اروع منج يا بعد خلاني ..وترى هذا شويه يا ساره ترى اللي في قلبي واااايد .. وحبي لج ماله حدود..
ساره تشوف فهد وهي ما تقدر تقول شي..يمكن اول مره تحس بحب فهد الكبير لها وتحس بمعاناة فهد بحياته وعرفت ان فهد ما يقدر يعيش بدونها ..

ساره تصد لفهد : فهد انت من زمان تكتب خواطر واشعار
فهد بابتسامه : والله مب وايد بس من بعد وفاة امي كنت احب اكتب اشعار حزن لان امي خلتني بس يوم شفتج يا باعد هلي استويت شاعر لج
ساره : زين ليش ما اطلع مواهبك في المجلات ..
فهد : الصراحه وايدين نصحوني .. بس ما احس اني اكتب لهالدرجه حلو
ساره : لا صدق روووعه .. زين لو كتبت اشعارك شو راح تخلي لقبك .. مثل ماتعرف كل واحد يكتب لازم يكون له لقب
فهد وهو يمسكك ايدين ساره وبابتسامه رقيقه : اكيد راح يكون لقبي ( مجنون ساره )
ساره وهي تسحب ايد فهد برقه وتصد صوب ثاني : مجنون ساره ..ليش
فهد يمسك ذراع ساره ويبها صوبه : لاني مجنونج يا ساره حبج سحرني وخلاني اصير انسان ثاني .. ساره صدت مره ثانيه صوب البحر وكانت متضايقه وفي خاطرها تقول (( اااااااااااااااااااااه يا ربي ..شو اسوي .. صح ان فهد محتاجلي وايد وهو طيب ومب مقصر عليه بس صعب صعب ابادله لان خالد لين الحينه بقلبي وصعب عليه اكون مستانسه وهو هناك متعذب ماعرف شو اسوي يا ربي
فهد : بلاج ساره في شو سرحتي
ساره : لا ما شي .. بس متى بنرد ...

فهد مستغرب :/ليش شو مليتي
ساره : لا مب جي السالفه .. بس احس بصداع ابي ارتاح
فهد وهو يشوف ساعته : مممممممممم بعد ربع ساعه ان شاء الله .. زين تعالي يا عمري يلسي عشان ما تتعبين اكثر


********************

أما في دبـــــــــــــي:

نوره بعد ما ردت من العياده راحت عند عبدالله
عبدالله وهو يرمس تلفون
نوره تاشر له وتقوله بصوت واطي : ابيك بسرعه
عبدالله يشوفها ومستغرب
نوره : يالله
عبدالله يكلم ربيعه : زين عيل اخليك يا بو علي ان شاء الله اكلمك مره ثانيه ..
عبدالله : بلاج يا عمري .. احسج وايد متحمسه
نوره والابتسامه في ويها : عندي لك خبر حلو
عبدالله : الله يكثر من الاخبار الحلوه.. ها قولي شو استوى
نوره : اليوم رحت العياده عشان اطمن اذا اقدر احمل ولا لاء .. قالت لي الدكتوره ان ما عندي شي يمنع الحمل يعني اقدر احمل متى الله راد
عبدالله : الحمد لله .. بس لش مستعيله على الحمال يا عمري تونا مكملين شهرين
نوره : بس كنت خايفه وابي اطمن .. وايد فرحانه
عبدالله تقرب من نوره وخذها بحضنه : الله يعطينا يارب عشان اشوف الفرحه دوووم ما تفارقج
نوره وهي مستحيه : والله لا يحرمني منك يا اغلى انسان عندي ..

*.. نوره سعادتها كبيره لانها وايد كانت تحاتي من ان شي يصير ويمنع الحمل بس اطمنت اكثر يوم الدكتوره بشرتها ان ما في شي يمنع الحمل عندها ..



اما في بيت ام خالد ..
خالد رد من عند ربعه ودخل الصاله : السلام عليكم
ام خالد وبو خالد : السلام عليكم ورحمه الله وبركاته
راح خالد وباس فوق راس والديه : عيل وين ام ساره
ام خالد: خالتك في غرفتها
خالد : وين هند عيل
ام خالد : اعتقد في غرفتها بعد
خالد : راحت ربيعتها


ام خالد :هيه من زمان
خالد راح غرفة هند ويدق الباب
هند كانت يالسه على الكمبيوتر ومن الخوف صكت بسرعه الكمبيوتر..
خالد يدق الباب : هند فتحي الباب انا خالد
هند وهي متوتره تفتح الباب: ها خالد شو بغيت
خالد دخل غرفتها : شو تسوين
هند بتوتر : ها ممم مما شي بس يالسه في غرفتي
خالد : زين سمعي بقولج شي
هند : خير
خالد : انا بكون وياج صريح .. انا مب مرتاح لربيعتج
هند عاقده حواجبها : منو منى
خالد : اللي يت اليوم بيتنا .. مب مرتاحلها ابدا
هند وهي معصبه : ليش يلست وياها عشان ترتاح لها
خالد : احيانا من الشكل نقدر نحكم على الشخص
هند : ليش بلاها
خالد : شي انسانه محترمه .. ما تلبس الشيله وحاطه مكياج كامل والعطر لاخر الدنيا والعبايه ماعرف ليش لابستنها اذا عباتها مفتوحه بالكامل واللبس ولا كانها مسلمه ...
هند : وانت متى لحقت تشوفها
خالد : لا تنسين انها سلمت عليه وانا فجاه شفتها
هند : بس الاشكال تخدع
خالد : اوكي اذاالاشكال تخدع .. اسلوبها مبين شفتي كيف سلمت عليه وشفتي نظراتها ودلعها ..الانسانه المحترمه تكون ثجيييييييله وما تكون بهالشكل
هند بصريخ : بس انا مرتاحتلها وما يهمني راي حد ثاني
خالد بعصبيه : بس انا اكبر واعرف شو الصح والخطا ترى يا هند الربيعه اللي سمعتها مختربه تخرب رباعتها وترى البنت ماعندها الاسمعتها واذا سمعتها راحت مب بس هي بتضيع حتى اهلها بيضيعون
هند : والله انك مكبر السالفه يا خالد
خالد: انا حذرتج ..واذا يا هند عرفت ان ربيعتج سمعتها مب زينه والله راح تندمين .. بالذات اذا كنتي تعرفين هالشي
هند : خالد لاتنسى اني مخطوبه وانا حره بتصرفاتي
خالد بعصبيه : شوووووووووو .. لا حبيبتي مب يعني انج مخطوبه تسوين اللي تبين
هند : وانت يعني اكيد ما بترتاح .. انت ماترتاح الا مع حبيبة القلب اللي قصت عليك وودرتك
خالد مسك ذراع هند بالقووو : سمعي لا تقارنين ساره بهالانواع ولا ترمسين عنها الا بالزين سمعتي ولا بتوشفين شي ما شفتيه
هند : ااااااي ايدي هد ايدي يا خالد عورتني
خالد هد ايدها : وبعدين ساره ما تساوي ظفر منى ربييعتج وظفر بنات العالم
هند معصبه وما قدرت تقول شي لانها خافت من عصبية خالد ..



خالد وهو يبى يطلع صد صوب هند وياشر بصبعه : انا راح اسال عن منى واذا عرفت عنها شي مب زين غصبن عنج راح تودرينها ويا ويلج يا هند اذا عرفت انج تعرفين عنها شي وساكته
طلع خالد وهو معصب
اما منى فمنقهره من كلام خالد وتهديده لها ..
منى وهي تكلم نفسها : والله راح اقهرك يوم من الايام مثل ما قهرتني يا خالد

**********************

في بلجيـــكا
فهد وهو ماسك ايد ساره عشان تنزل من الباخره : شوي شوي يا عمري اخاف اطيحين
ساره وهي رافعه ملابسها : وي زياااااغ .. اخاف اطيح في البحر
فهد : لا تخافين وانا وياج يا عمري .. لاتنسين اني سباح ماهر
ساره بعد مانزلت من الباخره ..
ساره : الحمد لله وصلنا
فهد: الصراحه كان يوم وايد حلو
ساره : صدقك وايد استانست
فهد : ان شاء الله دوم اشوف الفرحه مالي قلبج
ساره تبتسم
فهد : يالله نرد شقتنا
ساره : يالله
وبعد ما خذو التاكسي ووصلو جريب شقتهم
فهد: ساره يمكن دقايق
ساره : وين بتروح بعد ... لا تقول يوعان
فهد : ههههههههههه لا مب يوعان بس دقايق
راح فهد بسرعه وياب ورده حمراء
فهد وهو ماسك الورده الحمراء : تفضلي يا اغلى وارق واحلىزوجه في الكون كله
ساره وهي تاخذ الورده وبابتسامه :تسلم يا فهد
فهد : تصدقين الورده مستانسه وايد
ساره : ليش
فهد : لانها لامست ايدينج الحلوه
ساره ويها احمر : فهد بس عاد
فهد : اوووه سوري نسينا ان الحلوه خجوله .. فديت الحيا منج
ساره وهي تمشي : فهد يالله بروح الشقه
فهد :لحظه لحظه بييه وياج

.. ساره في البدايه كانت قاسيه عليه وايد بس ما تقدر تقاوم رومانسيه فهد وكلامه وصدق احساسه.. بس هذا مب يعني انها نست خالد


ساره بعد ماراحت الشقه
ساره بدلت ملابسها ولبست جلابيه راقيه وحلوه بدرجات البيج ..
ساره راحت غرفة فهد وهي واقفه عند باب فهد : فهد فهد
فهد وفي ايده كتاب : هلا يا عمري تفضلي
ساره بخجل تدخل : سوري على الازعاج
فهد : يالله على هالرسميات .. يا حلوه انتي مرتي .. يعني لا ازعاج ولا شي.. بالعكس قربج هو اللي يفرح قلبي
ساره وهو تشوف الكتاب : شو في ايدك
فهد : كتاب اشعاري .. كل ما يستوي عندي شي احب اكتب
ساره /: يمكن اقرا ه
فهد : مممممممممممم مب الحينه ..خلا يتحقق اللي في بالي بعدين بعطيج
ساره : شو اللي في بالك
فهد : لاحقه يا عمري .. بعدين بخبرج ان شا ءالله
ساره : اوكي على راحتك .. فهد بتصل في امايه
فهد : اوكي يا عمري اتصلي فيها ..
ساره : بس ماعرف وين موبايلي
فهد : خلاص انا بتصل على موبايلج عشان تعرفين مكانه
فهد خذ موبايله ويتصل في ساره
ساره وهي واقفه عنده وتسمع صوت موبايلها: اسمع موبايلي يرن بس ماعرف وين
فهد : روحي شو في وينه اكيد بغرفتج
ساره راحت ادور موبايلها وحصلته في الصاله
فهد : ها حصلتي
ساره :هيه حصلت مشكوور
فهد : افا عليج ما سوينا شي
ساره راحت تتصل في امها .

امها يالسه مع ام خالد وهند
ساره : الو امايه
ام ساره : فدييييييييت عمرج يا ساره
هند تصد ومنقهره ..
ساره : شحالج امايه وشحال خالتي وبنات خالتي
ام ساره : الكل يسال عنج يا ساره انتي جيف حالج وحال فهد ريلج
ساره : كلنا بخير
ام ساره : وينكم انتو الحنيه في المانيا
ساره : لا ما بنروحها .. مستانسين وايد في بلجيكا قلنا خلا انتم هناك احسن
ام ساره : ان شا ءالله دومج تكونين مستانسه
ساره : ان شاء الله .. والله اشتقتلج يا امايه موووت
ام ساره : وانا اكثر يا عمري
فهد ياي عند ساره وياشر ان يبى يكلم ام ساره
ساره : اقول امايه لحظه فهد يبى يكلمج