Follow along with the video below to see how to install our site as a web app on your home screen.
ملاحظة: This feature may not be available in some browsers.
أعضاء ملتقى الشعراء الذين لا يمكنهم تسجيل الدخول او لا يمكنهم تذكر كلمة المرور الخاصة بهم يمكنهم التواصل معنا من خلال خاصية اتصل بنا الموجودة في أسفل الملتقى، وتقديم ما يثبت لاستعادة كلمة المرور.
*&*الجزء الاول*&*
بيت ابو خالد:
ابو خالد**منصور**اب الاسره والي قريب بيصير جد وام خالد**ناديه** ام خالد من الرياض وعايشه في جده مع زوجها وهي اصلاً من لبنان وامها لبنانيه بس والدها سعودي......المهم عندهم ولدين وتلات بنات
_ خالد ابنهم الكبير وعمره27 سنه ولد وسيم ويشتغل طيار والكل يحبه ويحترمه وخصوصا اخواته لانهم يخافو منه لانه شوي عصبي بس هو حنون وخفيف دم لكن محد يدري عنه ويمووت في صديقه ماجد الي اصغر عنه بكم سنه بس يحبه ويموت فيه ((ماجد عمره 23 سنه ويدرس بالجامعه طب))وخالد تزوج قريب بحبيبته نهال وعايش في بيت ابوه وهادولا الاتنين عايشين اجمل قصة حب وبيرزقو عن قريب بطفل...
_مي البنت الكبيره بعد خالد عمرها 25 سنه بنت حلوه وجمالها مناسب واحلى شي فيها انها ام عطوفه ومتفهمه والكل يستشيرها لان عقلها كبيرر ومتزوجه من ولدعمها رائد الي حبته طول عمرها بس محد يدري عنهم ولا عن قصتهم وعندها ولدين يجننو احمد 5 سنين وفهد ولدهم البكر وسموه على جده فهد وهو اولى ابتدائي يعني عمره 7سنين...
_منــى بنتهم التالته وتؤم لأخوها امجد وعمرها17 سنه وهي ثالث ثانوي وعندها صديقتها الي لاصقه فيها ومن هم في الابتدائي**رهف رهف هادي قد منى ثالث ثانوي وبنت رقيقه وجمالها طبيعي وتحس البرأه في وجهها الطفولي بس ما شاء الله عليها اخلاق وادب والكل يعجب بها**منى بنت هاديه ويقولو عنها الي دمها بااارد بس رقيقه وعطوفه لأبعد درجه وهي بنت حلوه وجمالها اخااذ والكل يحبها برغم برودتها...
_امجد ثالث ثانوي تؤم منى بس ما يشبها بس حلو ومملوح وجماله يجننننننننن روووووووعه البنات يتخبلو عليه لانه يشبه امه فشكله صاير زي اللبنانين بس هوا ما يعطيهم وجه وماعنده حركات الاولاد الي زي عمره يحب دراسته ومخلص فيها وعنده خطط مستقبليه عظيمه...
_ورندا اختهم الصغيره اخر العنقود على قولتهم الي ثالث متوسط عمرها 14 سنه وهيا كمان اخده جمال امها وطالعه زي اللبنانين حتى بدأت تتكلم زي امها وهيا اكبر ملقوفه في العيله ويقولو عنها الساحره لانها تعرف كل شي بدون محد يقولها بس محبوبة العيله ودلوعتهم وصديقتها المفضله**مها اكبر منها بسنه اول ثانوي بس مقربه منها كتيـر واسرارهم عند بعض**ورندا الكل يعجب بشخصيتها القويه وهي معجبه بولد عمتها رامي تقول عليه يجنن متل جواد<<<ايه هادا الي مقطعكم يالبنات جواد وطقته...بس تقريبا بدت تنساه لانه صار لها زمان ما شفته
بيت ابو محمد:
ابومحمد*فهد* رب هالاسره متزوج من حبيبة قلبه ام محمد*نهى* برغم من كبر سن هالاتنين الا انهم متل العشاق ويموتو في بعض المهم
عندهم ولد وبنت
_ولدهم الاكبـر رائد ومتزوج من بنت عمه مي وعندهم ولدين كما سبق ذكره رائد حلو وجماله مناسب وهادي ومتفهم متل زوجته ويمووت عليها وما يقدر يبعد عنها يوم...
المهم
_وبنتهم التانيه لمــى وهادي جمالها مو طبيعي وجذابه وورقيقه والكل يعجب فيها بس يقولو عنها مغروره لانها دايما منطويه وما تخالط الناس كثيــر وهي عمرها 16 سنه وهي تاني ثنوي...
بيت ابو رامي:
ابو رامي**جمال** متزوج من ام رامي**غاده**
وعندهم ولدهم الوحيد رامي ولد حلووو ويجنن الكل وخصوصا اولاد عمه برغم من انهم اغلبهم حلوين الا انه احلى واحد فيهم لكن ما كان الكل يحبه لانه شوي مغرور المهم رامي عمره 21 سنه ويدرس بالجامعه هندسه وهو اقرب شي له خالد ولد عمه...
بيت ابو جابر(ابو جابر اخو ام خالد وساكنين بالرياض))
ابو جابر**هادي**متزوج من ام جابر**بسمه**
عندهم ولد وبنت
_جابر ولدهم الكبير بالجامعه عمره25 سنه اخر سنه حاسب آلي ولد عادي هادي وحبوب والكل يحترمه بسبب اخلاقه العاليه
_منال بنتهم الوحيده وهي اول سنه جامعه عمرها 19 سنه تدرس شريعه بنت مرجوجه عكس اخوها بس حبوبه واجتماعيه وصديقاتها كتيــر وهي ساكنه بجده في سكن الجامعه لظروف دراستها واذا عندها اجازه ترجع الرياض او تروح عند عمتها ام خالد تقعد عندهم وهي تحب وتموت في منـى الي مو مره معطيتها وجه...
المهم
نبــدأ قصتنا بعد هالتعريفات
رندا:يلااااااا عااااااد اتأخرنا على الاختبار بسرعه منووي <<<عندهم الاختبارات الشهريه
منـى: طيب طيب جااايه اصبري دقيقه
رندا: مافي حيبدؤ امشي قدامي يلا
منـى: الي يسمعك يقول الاوله على المملكه امشي يلا بس
رندا: اوووففففففففففف منك قووويه في التحيطم امشي وانتي ساكته يلا
منى: دا وانا اختك الكبيره اجل لو اصغر منك ايش كان سويتي
رندا: اممممم اظن بعطيك كفففف زي محا اسوي دحين لو ما مشيتي
منى: يالطيف سكنهم مساكنهم يلا يلا مشينا
وصلت منى رندا وراحت مدرستها مع السواق حقهم
ودخلت المدرسه متأخره كالعاده ووقفت في طابورها
منى: هااااي بنااات هاور يووو
البناااات: هايااات...بدري...ياهلااا<<ردود متفرقه
رهف وهي تنغز منى وبصوت واطي: كان اتأخرتي شوي حرام عليكي مره جايه بدري
منى: لا ياشيخه تستخفي دمك تدري رندا هلكتني هيا الي تأخرني<<<ايه ايه هين دحين رندا هي الي تأخرك
رهف: اي والله كيفها هالبنت وحشتني تصدقي
منى: اقول بس عن البكش دحين رندا وحشتك وكل ماتجي عندنا مضاربات وهواشات وصوتكم يوصل اخر الشارع اس بس اس ابغا اراجع والله صعبه الماده اليوم
رهف: اووففف والله انك ماتنعطي وجه طيب بسكت حتى انا براجع
منى تبتسم وتكمل مراجعتها ويختبرو ويخلصو حصصهم وتجي الصرفه
منى: ها ايش سويتي في الاختبار
رهف: والله الحمدلله ماشي الحال وانتي يا حضرة الدافوره
منى: احم احم ميه بالميه دافوره اناااا
رهف: هيهيهي صدقت عمرها المسكينه
لجين:اقوووووووووووووووووووووول بنااااااااااااات
منى: بسم الله من فين طلعت هاذي
رهف: بشويش بشويش فجعتينا
لجين:هههههههههههههههههههااااااي اااه ياقلبي على الرقيقات اقووول من منكم تتشطر وتوصلني...!!
منى: والله ياحياتي انا ما اقدر انا بروح اخد اختي رندا وانتظرها ساعه عشان تطلع فاذا تبي تجي تنتظري معايا تعالي<<<بكااشه اصلا رندا تطلع قبلها وتجي تاخدها
لجين:لالالا شنو انتظر ساعه والله مافيا خلاص بروح مع رهف...!!
رهف قالت في نفسها ايش هالبنت اللزقه ايش اقول لاخوي دحين يالله امرنا لله
رهف: اوكي اوكي تعالي معايا بسسسس....
لجين: بس شنوو
رهف:انا اخوي جايني يعني لو عايدي عندك تعالي معانا
منى ارتجفت يوم سمعت طاري اخو رهف وماتدري ليه السبب بس كان نفسها تشوفه زمااان ماشفته وكانت تحمله بعض المشاعر بس تقول مشاعر مراهقين ودحين تلاشت وهوا حاول معاها كم مره زمان بس هيا وقفته عند حده دايما تقول عايدي هوا زي اخويا فمن يوم ما سمعت الاسم قاعده تقول في نفسها زمان ما شفت هالادمي.....احس انه وحشني....لالا ايش هالكلام بس....اكيد احلو زياده.....هو كان اصلا حلو....يلا وانا وش دخلني خلني اروح بيتي وابعد هالافكار البايخه...
منى: يلا بنات مع السلاااااااااامه
رهف: استني فين طايره نخرج كلنا مع بعض
لجين: دقيقه اجيب شنطتي
رهف:طيب طيب بسرعه بس ...اوووووففففف للزقه هالبنت
رهف: اقول منوي اليوم بمركم العصر
منـى :تعالي حياك ولو انه مانبي نفتك من وجهك
رهف: ايش طيييييب اجل خلاص بطلنا ماني جيتكم
منى: لا والله ياحياتي امزح دنتي حتنوري البيت والله
رهف: تسلمي حبيبتي اجل خلاص اتفقنا
منى: اقول يلا اقلبي وجهك لا ياكثر
رهف..!!:دوبنا ياحياتي وش فيك قلبتي
منى: هههههههههههه والله ابغا اطلع ومأخريني حضرة جنابكم
رهف:هادي لجووون الله يرجها هي السبب
منى: ههههههههههههه الله يعينك عليها يلا يلا لجين اتأخرنا
لجين: يلا امشووو
ولمن طلعو شافت منى رهف ولجين يدخلو السياره بس ما قدرت تشوف اخو رهف ماكان باين حاولت بس ماقدرت... المهم ركبت السياره
رندا: ايش دااااااااااااا ساعتين وانا استناكي اووووووووف خدامة ابوكي وانا ما ادري
منى...........ساكته كان نفسها تشوف اخو رهف
رندا: هي انتي اكلمك انا
منى: اقول اسكتي الله يرحم والدينك تعباانه وواصله حدي يلا راجو روح البيت
رندا: ااووووففففف تتأخر وكمان لها وجه تتكلم....يلا راجو امشي
راجو:زين ماما
رندا: ماما في عينك انا اجيب واحد قدك امشي وانت ساكت
منى تبتسم في نفسها وتسكت وتكمل افكارها
وراحت البيت وعلى طووووووول على غرفتها واخدتها نومه مانامت من زمان مظبوط مع هالاختبارات.....
ام خالد: ها رندوو حبيبتي شو عملتي في اختبارك
رندا:الحمدلله يمه والله كان سهل مررره<<<البكاشه خبصت بس تكذب
ام خالد: وين اختك منى ما اشوفها
رندا:اوووووفففف منها بنتك هادي يمه هلكتني بس تتأخر كل يوم....خلاص خلو السواق يوصلني وبعدين يرجعلها....
ام خالد: لا شو ترجع مع السواق لحالها لاخليك استحملي هادي اختك
رندا ومبرطمه يعني زعلانه: يصير خير
ام خالد: طيب وينها الحين
رندا: والله مدري بس اكيد نايمه في ساابع نومه
ام خالد: الله يعينها بنتتي مسكينه حبيبتي متعبه عمرها مع الدراسه وماكانت تنام ايام الاختبارات الله يهديها
رندا:هييييي اقووول ترى انا اغااار اانا بنتك حبيبتك ووووووبسسس
ام خالد: هههههههههههه الله يقطع ابليسك والله انك حبيبتي ونص كمان بس يلا لا يكثر تعالي معي خلنا نسوي الغدا من شان ابوكي اخاف يجي واحنا ما خلصنا.......
رندا:طيب يلا
وتروح رندا مع امها
ويدخل البيت شخص غير منتظر......رامي ولد عم رندا والبنات وهوعند الباب الرئيسي للفله
ابو خالد: ياهلا والله هلا بالغالي ولد الغالي هلا رمووي حبيبي شخبارك
رامي وهو يبوس راس عمه:هلا بالطيب هلا بعمي الغالي تمام الله يسلمك كيفك انت..
ابو خالد:بخير بشوفتك
رامي: عسااه دووم ياارب
ابو خالد: الله يسلمك اقول حبيبي عندي مشوار اروح وارجعلك ادخل حياك البيت بيتك تدل الطريق كلها ربع ساعه وراجعلك اوكي
رامي:خلاص براحتك انا ادخل ادل الطريق استناك لاتتاخر
ابو خالد:الله يسلمك ياوليدي يالله مع السلامه
رامي:الله معك
رامي يروح للبيت ويدق الباب بس محد يرد فدخل....
رامي:ســـــــلام يا اهل البيــت هوووووووو ايش دا مافي بشر هنا
ويدور رامي بالبيت يدور على احد..بس مافي فايده البيت هادئ...
قرر يروح يشوف له تلفزيون في غرفة الجلسه وينتظر عمه ودخل وما كذب خبر قعد يتفرج ويحوس بي هالقناوات وفجئه تدخل رندا الغرفه عشان تحط الاكل لأبوها وتنصدم من وجود رامي وهو كمان انصدم
اتجمتد البنت من محلها ماهي عارفه ايش تسوي بس بعد ثواني استوعبت الوضع وطلعت تجري
رامي في نفسه !!!!!! من هالملااااك؟؟؟؟؟؟
استغرب رامي من هالبنت لانه في الاصل ما يشوف بنات عمه وما يجي هنا دايما بس جننه شكلها الملائكي والروعه اخدته الافكار فحاول ينسى الموضوع ويكمل تفريجه الا وينط عليه خالد
خالد:ياهلااااااااا بولد العم هلاااااا توه مانور البيت
رامي وهوا يسلم على ولد عمه ويحضنه:هلا فيك حبيب قلبي واحشني موووت
خالد:وحشتك العافيه بس لو وحشناك تجينا تمر علينا تسأل فينا ولا بس فالح في الكلام
رامي وبصوت واطي ساحر:هههههههههه والله اشغال يالغالي
خالد:اوووه اوووه ايش فيك ياولد الي يشوفك يقول مسحور ههههههههههه
رامي: لا والله هههههههههههههههههه..رامي في باله((الا خبلتني هالملاك الي كانت هنا من شوي))
خالد وهو يجلس:المهم اخبارك واحوالك ياولد العم
رامي:الحمدلله ماشي الحال انت شخبارك
خالد:نحمده الا ايش الموضوع مشرفنا اليوم
رامي:استحي على وجهك احد يقول كدا يعني ماتباني يلا انا خارج
خالد وهوا يمسك رامي من يده: هيهيهي يازينك وانت تتمصخر اقول اقعد بلا بياخه
رامي:لا والله تعال اديني كف احسن
خالد:بكل سرور.......
وفعلا يعطيه كف بس على خفيف شوي
رامي وهو مقهووور:من جد قليل ادب
خالد: هههههههههه اقول مو انت الي طلبت انا مالي دخل
رامي وهو ناوي ينهي الموضوع: طيب طيب اسكت بس
خالد: ايش فيك ياولد العم شكلك متضايق لاتكون زعلت
رامي:لا ايش شايفني ازعل لا بس ابوك قلي ربع ساعه وبيرجع وانا صارلي اكثر من نص ساعه هنا شكله نسيني يلا مو مشكله انا بروح واجيكم مره تانيه
خالد: لا والله احلف انت بس
رامي: ايش فيه؟؟
خالد:مافي روحه بتتغدى عندنا من متى ماجيتنا بالله غداك اليوم عندنا انتهى...
رامي:ههههههههههه الله يهديك انت وهالتسلط كل شي تقرره انت ماتخلي للواحد فرصه يتكلم بس يلا انا اصلا جوعان وابغا اكل<<<كذاااب بس لمن شاف ديك الملاك ماسكه الاكل قال اكيد هيا الي مسويته ويبغا ياكل من يدها وقال يمكن اشوفها تاني
خالد:هييييييي ابو الشباب فين رحت امشي معايا يالله
رامي:هاااا ايش تقول؟
خالد: لا والله انخبل الولد فين وصلت
رامي يبتسم ويقول بصوت واطي:للقمر
خالد:اوووه اووه قمر وحركات اقول بلا غباء امشي قدامي بوريك شي
رامي:ايش هوا
خالد:انت تعال وبعدين تشوف
رامي:اوووف خلاص طيب امشي
ويطلع خالد ومعاه رامي للحوش الخلفي
رامي: اوووففففف اوووفففففف ايش كل هالزين
خالد: ها ايش رايك حلوه مو كدا
رامي: الا تجنن من فين جبتها يابن اللذينا
خالد:شفت كيف مالي يومين مشتريها<<<يتكلمو عن سيارة خالد الجديده
رامي:يالله تتهنى فيها ياعم مين قدك
خالد:احم احم يلا عقبالك لمن تشتري وحده احسن منها
رامي:لا ياعم اانا حقتي عاجبتني ومو ناوي اغيرها ماكملت تلاته شهور خليني اتمتع فيها
خالد:اهااا اوكي الله يهنيك بس انتبي على نفسك ترى سرعتها خطيره
رامي:ادري مو عشان سرعتها اصلا اشتريتها
خالد:طيب اقول امشي نجلس هنا تحت المظله نشرب لنا عصير عبال الوالد ما يجي
رامي وهو يجلس على الكرسي:اهوه قعدنا
وخالد جلس قدامه وقال:اقول ابو الشباب فين رايح اليوم بالليل
في ديك اللحظه لمح رامي من الطاقه بنت جالسه على الكنبه وبتكلم بالتلفون وانصدم لمن عرف انها نفس البنت الي قابلها قبل شوي قعد يطالع فيها وهو مو مصدق اشوف هالملاك مرتين باليوم فينك عني من سنين......
رندا:الوووووو
.....:ايوه نعم
رندا:مهااا؟؟؟
مها:هااااا رندوووي ايش تبي
رندا:ايش دا من زمان ما كلمتك كدا تتقوليلي
مها:لا حبيبتي بس نايمه اكلمك بعدين اوكي
رندا:اووف طيب باي وتقفل الخط......
في الجهه التانيه....
خالد لاحظ شروده:هييييييي انت ايش صار فيك اليوم بس تسرح والله حااااااله اقووووول انا رايح اجيب العصير واجي
رامي:ها ها طيب سوي الي تبي وقعد يطالع في هالبنت الي دخلت مزاجه بقوووه برغم ان البنات ما يعجبوه كلهم راميين نفسهم عليه فجلس يقول في نفسه مين هادي ياترى....باين عليها انها صغيره...وقعد يسأل نفسه الف سؤال الين ما قامت من محلها وجات عند الطاقه انصدم رامي وغير تجاه نظره بسرعه خاف تشوفه
وانصدمت هيا نفسها من فين طلع دا.......
رندا في نفسها ايش الحكايه اليوم اشوفه مرتين بعد غياب سنتين حاولت تروح بس قالت في نفسها تلاقيه مو منتبه ليا خلني اشوفه زمان ما شفته هالحليووو بس انتبهت لنفسها وقالت بلا غباء وقامت تبي تمشي سمعت اخوها يناديها؟؟؟
رندا:هااااا نعمممم خاالد انا هناااا
خال:فينك انتي انهلكت وانا ادور عليكي
رندا ماعرفت ايش تقوله بالله تقوله بتفرج على ولد عمي قالت بسرعه:هنا بكلم صحبتي
خالد:اهاااااا اوكي قومي جيبي كاستين عصير
رندا بستعباط:ليه لمين الكاسه التانيه؟؟
خالد:ولد عمك رامي هنا
رندا بستعباط ازيد:اها اوكي دحين اقوم اسويلك
خالد:طيب بسرعه وارسيليه مع تيتا<<<هادي شغالتهم
رندا:ان شاء الله
وتروح تجري على المطبخ وضحك خالد على خبال اخته وراح عند رامي ولقاه سارح في افكاره وقال بسوي عليه رزاله..
خالد:بوووووووووووووووووووووووو
رامي:بسم الله الله يكافيك فجعتني
خالد وهوا فاطس من الضحك على شكل ولد عمه:ههههههههههههه والله انك غبي شوف كيف شكلك الي يشوفك يقول عاشق ولهان ههههههههههههههه
رامي انفجع واخد كلمة عاشق ولهان بجديه: ايش تقصد والله انك غبي اعشق مين واوله على مين صج انك ماتستحي
خالد وهو متعجب!!: ايش فيك يابني قلبت علينا بمززح حرام عليك لا اكيد فيك شي اليوم مضيع
وفي دي اللحظه جا ابو خالد...
ابو خالد:ايش فيكم يا اولاد صوتكم واصل اخر الشارع
رامي وهو متضايق مرره:والله شوف ولدك قاعد يعملنا حركات صبيان كأن عمره عشره سنين
خالد وهو يبوس راس ابوه ويغمز لرامي يقول: اخصرك منه يا ابويا قاعد يدلع
رامي حس نفسه يبغا يقوم يضرب خالد بس مسك نفسه قدام عمه فحب يغير الموضوع وقال:ايه صح عمي ليه اتأخرت؟؟
ابو خالد:السموحه يابوك والله الطريق كان زحمه..المهم قولي ايش اخبار ابوك؟
رامي:تمام يسلم عليك وهو الي ارسلني ليك
ابوخالد: الله يسلمه يارب واهااا يعني مو جي تسلم علينا جي عشان ابوك قلك تجي
رامي:لالالا ياعمي جي اسلم عليكم وجي كمان عشان اعطيك هالظرف الي يقول الوالد انه في اروق مهمه يبغاك تشوفها وقال يمكن يتصل عليك الضهر في مسأله تخص العيله
ابو خالد وهو ياخد الظرف:مشكور ياوليدي يعطيك العافيه
رامي:الله يعافيك
ابو خالد:يلا انا داخل اغير ملابسي والله الدنيا حر ادخلو انتو كمان انا اجيكم على الصاله و ترى يارامي غداك اليوم عندنا
خالد:ايه قله يابويا انا قلتله وهو مو راضي
رامي:ياكذااب والله رضيت عمي سيبك منه هو انا في ديك الساعه لمن اتغدى مع عمي حبيبي واكل من يد عمتي ام خالد ياعيني عليها تؤبرني هيا والفتوش بتاعها بيعقدددد<<<<بيقلد اللبنانين
الكل:هههههههههههههههههههههههههههه
خالد :ايه ايه علينااا يا نصاااب
ابو خالد:انتو على اي شي تتناقرو الله يهديكم يلا لا تقعدو هنا كتير مع السلامه
خالد ورامي:ان شاء الله
وراح ابو خالد وجات الشغاله بالعصير وتقول لخالد:بابا خالد خد هادا اصير
خالد:هاتي ياشيخه اصير في عينك وبعدين فينك ساعه اتأخرتي
تيتا:بابا هادا ماما رندا قول لازم هيا سوي اصير جديد عشان انت مافي يبغا اصير حار
رامي انتبه ماما رندا.....؟؟
خالد:طيب طيب هاتي وروحي انقلعي تبينا نشرب اصير حار الله يقرقك
هههههههههههه ها رامي تشرب اصير<<<يتريق على تيتا
رامي:هات يبويا مدام من ماما رندا<<<يتريق مايدري من ماما رندا
خالد:لا والله ماما رندا
رامي:اممممم يا سلااام رهيب العصير....ايه مو هادي الحرمه تقول كدا..الا صح من هيا ماما رندا هادي؟؟
خالد:احلف انت بس
رامي:ايش فيه؟؟
خالد:ماتعرف رندا مين!!
رامي:لا والله!!
خالد:اختي ياغبي كيف ماتعرف بنت عمك
رامي انشرق لمن عرف مين رندا هادي وقال معقوله تكون هيا
خالد:بسم الله عليك ايش فيك؟
رامي وهو يمسح العصير الي انكب على ملابسه:لا ولا شي بس من جد اختك اسمها رندا
خالد:والله ما الومك ماتجينا الا في السنه مره بس برضو لازم تكون عارف اسماء بنات عمك والله انك مخرف ياشيخ
رامي:اقول بشويش اكلتنا انا اعرفها اصلا<<ايه ايه صاادق
رامي:بس كنت بمزح معاك ما صدقت على الله تلاقيلك تهزيئه انت
خالد:اهاااا على بالي بعد ماتعرف بنات عمك
رامي:الا رندا الكبيره مو
خالد:لا رندا الصغيره الي في تالت متوسط
رامي:اهاااا الله يخليها لكم
خالد:اميــن وبعدين ايش دخلك في اختي اهمد يالله واشرب اصيرك على قولت تيتا عشان ندخل للوالد والله حرينا مع هالشمس
رامي: انت الي مقعدنا فيها محد غيرك يالله خلصت مشينا
واتغدى رامي مع عمه وراح البيت ورندا قاعده في غرفتها على السرير تفكر في الي صار معاها اليوم شافت ولد عمها الي ما شفته من سنتين وكل ماتفتكر شكله وهو مصدوم لمن شافها تموت من الضحك...
منـى:ها رندووو شووو فيك<<<متأثرين بلغة امهم
رندا...........
منى:انتيييييييي يابنـــــــت!!
رندا انتبهت لها:اوووفففف نعم ايش تبي؟؟
منى: ولا شي بس ما جات صحبتي رهف او ما دقت تلفون
رندا:لاء لو جات كان عرفتي ولو اتصلت كان قلتلك يلا فارقينا ايش جابك غرفتي
منى وهيا ماده بوزها شبرين يعني يعني انها زعلانه:طيب وانا اختك حبيبتك تسوي فيني كذا الله يرحم ايام زمان لمن كنتي تترجيني ادخل غرفتك....وتمد لسانها وتطلع من الغرفه
رندا:احسن فكه
رندا ما اهتمت لأختها وقعدت تحوس بأفكارها...
منى تطلع من غرفت اختها وتروح غرفتها وتقعد على الطاقه تتفرج على المسبح حقهم والخضار الي في بيتهم وكأنها تشوف بيتها لأول مره ويقطع سكونها وتأملها السياره الكشخه والرهيبه الي توقف قدام البيت شافت واحد نزل منها كأنه قمر يقول للقمر قوم وانا اقعد مكانك وخرجت من الباب التاني بنت كأنها مألوفه قالت مين هادي او من دا اصلاً....
شوي وافتكرت اكيد هادي رهف ياغبائي وراحت تجري تغير ملابسها طالعت في المرايه شافت نفسها مبهدله والشعر كشه منفوشه قعدت تظبط في نفسها وتتشيك ونزلت وهيا ونازله في الدرج شافت رهف في الصاله مع امها..
ام خالد:هلا ببنيتي رهف منوره البيت يابنتي
رهف:مشكوره خالتي النور نوركم
ام خالد:كيفك وشو اخبار امك
رهف:بخير الله يسلمك والوالده تسلم عليك
ام خالد:الله يسلمك ويسلمها وانا كمان وصليلها سلامي
رهف:ان شاء الله يوصل..امممم الا فينها منى؟؟
ام خالد:والله يابنتي مدري فينها بس هلاء بروح اندهلك هيا
منى:لا مايحتاج انا هنا
رهف تصفر وتقول:اوووه اووووه ايش هالشياكه ياعيني
ام خالد:بسم الله من متى وانتي هنا
منى:من ساعه وانتو مو منتبهين ليا
رهف:هههههههههه بنتك هادي مصيبه ياخاله
منى وهي تسلم على صحبتها وتغمز لأمها:بس مو انصب منك
ام خالد:ههههههههههههه الله يسعدكم يابنات يلا انا بدي اروح ارتاح لو تبو شي في عندكم تيتا انا رايحه مع السلامه
رهف:الله معاكي ياخاله
منى:اقعدي الله يرجك متى جيتي
رهف:من ربع ساعه تقريباً وبعدين تعالي تعالي هنا فين رايحه مع كل هالكشخه
منى:ولا محل بس اتكشخ واتشيك لصحبتي حبيبتي ولا ما يحق لي
رهف:لا يحق لك ونص كمان ههههههههههههههههههه
منى:هههههههههههه جيتي مع مين<<<تستهبل
رهف: مع مين يعني مع السواق
منى؟؟؟؟!!!:قولي والله
رهف:ايش فيكي انصدمتي كدا لا امزح مع اخويا
منى:اهااااا قولتيلي....اخوكي مين؟؟
رهف:وانا كم اخو عندي تدري ان اخواني مسافرين ومازن هو الوحيد الفاضي والموجود
منى:اهااا
رهف:وليه كل هالتحقيقات مو بالعاده!!
منى:لا ولا شي
رهف:اقووول تعالي نروح غرفتك ابغا افك النت بوريك شي رهييييييييب
منى:طيب يلا امشي
ويطلعو البنات الغرفه ويقعدو على النت كم ساعه ويتسلوو..
وفي المسا رندا تكلم مها بالتلفون مره تانيه...
رندا:والله ياحبيبتي اشتقتلك فينك ماتجينا
مها:وانا اكثر والله بس تدري ظروف الدراسه
رندا:تكفي الله يخليك ارحمي نفسك ههههههههههه يلي يسمعك يقول في التوجيهي وانا مدري
مها:لا ياعمري اولى ثانوي اصعب من التوجيهي المهم ماقلتيلي شخبارك واحوالك وعلوم جيرانك هههههههههههههههههههههههه
رندا: تستخفي دم حضرتك آآآآه لوتعرفي شو صار اليوم
مها:شو صار يا اللبنانيه<<<تتريق عليها
رندا:حزري مين شفت اليوم؟؟
مها:مين يعني ؟؟
رندا:رامـــــــــــــــــي
مها؟؟؟؟؟:ومين رامي دااااا
رندا:يؤ يؤ كيف ماتعرفيه نسيتي الي زمان كنت احكيلك عنه واقلك شكله يجنن
مها:اهاااااااا عرفتـــــه الي من ايام الطفوله هههههههههه هوا عايش
رندا:لا والله ايام الطفوله شو الموضوع ماله اكتر من سنتين
مها:طيب مو ياحبيبتي من سنتين كنتي طفله ومازلتي ههههههههههههههههههههههههه
رندا تعصب:مع السلامه
وتقفل رندا التلفون في وجه مها لانها من جد عصبت وهيا اكره ماعندها احد يقلها طفله او صغيره وهيا صحيح عمرها صغير لكن عقلها كبير ويوزن بلد.....<<<دا زي ماهي مفتكره.....
رهف ومنى نزلوو من غرفت منى يشوفو الاحوال....
رهف وهي تحضن رندا:وييييي فديتهااااا الزعلااااانه والمعصبه انااااا<<<رهف امها اماراتيه وماخده شويه من لهجتها...
رندا:هلا والله
رهف:ايش فيك
رندا:ولا شي بس دبوي اتزاعلت مع مها
رهف:اهااااا ولا يهمك مدام انا هنا انسيها هههههههههههههههههه
منى:الله يرجكم يارب والله انكم هبل اقول رهف تعالي نتفرج الفلم الهندي الي قلتلك عنه تلاقيه جا دحين
رهف:اوكي بس اخويا بيجي في اي وقت ان شاء الله الحق اشوفه
ويدق التلفون في هاللحظه..
رندا: الوووووووو
..........
رندا:اوفففف لو انتي مها ما راح اكلمك اوكي يلا باي
......:لالا دقيقه انا مو مها اصبري الله يهديك
رندا:اجل مين انتي
.....:انا مناال يامجنونه
رندا:اهاااا منال ياهلا والله هلا بالغاليه
منال:دحين غاليه ودوبك كنتي تبي تقفلي السماعه في وجهي الله يهديك بس
رندا:اسفين يابنت الخال والله كنت احسبك صحبتي الهبله
منال:اوكي حصل خير كيفك وشخبارك
رندا:الحمدلله عايشين
منال:طب كويس خليكم عايشين للاسبوع الجي
رندا:وليه يعني للاسبوع الجي
منال:تترررااااااااا لاني انا حجيكم يلا اسسسسس لا تقولي لا احد بسويها سبرايز....
رندا:اوكي حياك
منال:الله يسلمك حبيبتي اقوول منى موجوده
رندا:ايه دقيقه اعطيك هيا
منال:اوكي
رندا:منــى استني لحظه لاتروحي خدي كلمي
منى:ميييين؟؟
رندا:كلمي وانتي ساكته
منـى:اووف منك هاتي خلنا نشوف رووحي رهف الغرفه وانا بلحقك
رهف:اوكي استناكي لاتتاخري
منى:طيب
وتكلم منى منال وتروح رهف غرفة الجلسه وتدخل وتقعد تتفرج الفلم وتندمج معاه 0هي مبسوطه...
وبرة البيت...........
خالد:هلا ابوو الامجاد
ماجد:هلا فيك حبيب قلبي
خالد:لك وحشه ياوحش فينك عني
ماجد:موجود كاني قدامك
خالد:يامرحبــابك يلا تعال ادخل البيت اليوم بيعرضو فلم هندي شي رهيييييييييب
ماجد:لا والله انا امووت على الافلام الهنديه
خالد:ادري فيك يلا امشي خلنا نشوفه
ماجد:مشينا بس بالله روح جيب لي كاسة مويه عطشاااااان
خالد:اوكي تامر امر من عيوني ههههههههه بس انت اسبقني على غرفة الجلسه
ماجد:لا والله ادخل البيت لوحدي لا حبيبي انت وصلني بعدين روح
خالد:يا اهبل عندك الباب الوراني مايحتاج تدخل البيت واعتقد انك تدل الباب
ماجد:طيب بشويش اكلتنا اهوه انا رايح استناك
خالد: طيب طيب
ويروح ماجد للباب ويدخل نفس الغرفه الي فيها رهف وهو بيلعب بالجوال ومو منتبه للجالس في الغرفه معاه ويقعد على وحده من الكنبات القريبه من الباب وشوي يقطع عليه لعبته ويظهر له...
الوالد
يتصل بك
ماجد وهو يرفع راسه:ايوه هلااا بالغـــ.....ويسكت من الصدمه ويطيح الجوال ايش دا مين فين طلعت هادي...من متى هيا هنا....كيف ما انتبهت لها..
*&*الجزء الثاني*&*
ورهف المسكينه الي كانت في حاله ماتنحسد عليها
هيا كمان انصدمت لمن سمعت صوته في البدايه ما انتبهت له كانت منتبها للفلم ومشدوده له وارتبكت لمن سمعت صوته وشافته ماعرفت ايش تسوي اتجمدت محلها وما قدرت تتحرك لان الباب بعيد عنها وجنبه.....
مرت حاولي ربع دقيقه وهما متجمدين حس ماجد بنفسه وفاق وقال ايش هالهبل كيف قاعد اطالعها وكمان جالس قام بسرعه وخرج برة الغرفه وقعد مو مصدق ايش دا البيت ومين دي لاتكون اخته وتروح تفضحني عند خالد والله مو ناقص مشاكل.....
ويجيه خالد...
خالد:بسم الله الرحمن الرحيم ايش فيك ياولد ليه كدا شكلك كأنه احد ضاربك كم كف على وجهك
ماجد:ها نعم ايش تقول؟؟؟
خالد:لااااا منت صاحي ايش فيهم اليوم الناس كدا لاااا وشف بعد كيف بتعرق هاك خد مسح عرقك وامشي ندخل
ماجد:لاااااااا استنى لا تدخل
خالد:ليــــه؟؟؟؟؟؟؟؟؟؟
ماجد في نفسه يا غبائي اخته ويكشف عليها انا اشلي....
ماجد وهوا يبا يهرب من الموقف:لا ولاشي بس دقيقه نسيت شي في السياره بروح اجيبه
خالد:طيب بسرعه
ويدخل خالد الغرفه ويشوف جوال ماجد مرمي على الارض فيشيله ويحطه على الطاوله
ويجي ماجد بعد ما اتعدل وضعه.....
ويدخل الغرفه وهو خايف شوي......
خالد:ها لقيت الي تبغاه؟؟
ماجد ما عرف ايش يقول فمسك جيبه:لالا مالقيته كنت ادور على الجوال حقي
خالد:ههههههههههههههههه ياغبي جوالك هنا
ماجد افتكر صح انه كان بيكلم ابوه بالجوال لمن شاف البنت....
ماجد:من جد فينه؟؟؟
خالد وهوا يعطيه الجوال:خد يابويا لقيته مرمي على الارض شكله طاح من جيبك وانت بتجلس
ماجد اخده وهوا يحمد ربه شكله خالد ماعرف شي.....
ويقعدو الاتنين مع بعض ويسولفو.....
وبره في الصاله...
رهف:منـــــــــــــى الحقينيييييييييي
منى وهيا بتكلم في التلفون:اوكي منال اكلمك بعدين يلا باي
رهف:وانتي للحين ماخلصتي تلفون سااااعه راميتني لوحدي
منى:افففففف منها هالبنت ها ايش فيكي وجهك مصفر و مخضر ايش صار يعني كلها عشره دقايق
رهف:ايش صار قولي ايش ما صار
منـى: اووففففففف ايش صار من جد؟؟
رهف: تعالي غرفتك بقولك
ويطلعو الغرفه....
منى:ها ما بتقوليلي؟؟؟؟؟
رهف:لا اول شي جيبي لي مويه
منى:لا والله وتتشرطي كمان
رهف:لا والله من جد ابغا مويه ريقي ناشف
منى: طيييب امري لله
وتروح منى وتجيب المويه....
اخدت الكاسه وبدت تشرب زي الي ماعمرها شافت مويه ويدها ترتجف...
منى:اوففففففف شكل الموضوع كبير ايش فيك رهووف حبيبتي شو صار؟؟؟
رهف وهيا تحط الكاسه على الطاوله:بقولك
....وتحكيها على الي صار.........
منى وهيا فاطسه من الضحك:هههههههههههههههههههههههههههههههه من جدك انتي خايفه من شان هالموقف البايخ
رهف: من جد دمك بارد ايش بايخ اقولك قعدنا قدام بعض يمكن اكثر من دقيقهظ
((تبالغ)) والاخ دا كمان ما نزل عيونه مني وجع في شكله يقهررررر بس تعالي لا يكون اخوكي
منى:لا ما اعتقد اخويا لانك لمن كنتي هناك جا اخويا عندي وطلب كاسة مويه لصاحبه يؤ يعني انتي شفتي مجوودههههههههههههههههههههه
رهف: لا والله ومين يطلع مجود دا؟؟؟؟؟
منى:ههههههههههه دا ماجد صاحب خالد الروح بالروح الله ياحظك شفتيه والله حليوه هالولد دايماً يحكينا عنه خالد
رهف:ياااااااااادمك والله لو اخويا يدري بالسالفه بيقتلني وبعدين مدري كيف دخل هالادمي ومن متى هوا موجود ؟؟
منى:ياهبله اكيد ما انتبهلك ولا كيف طاح الجوال منه لمن شافك
رهف:ايه صح.....
منى:شوووووو شكله عجبك؟؟
رهف:لا والله اقول اسكتي بس وهاتي جوالك
منى:ليـــــــه؟؟؟
رهف:ايش الي ليه بتصل على جوالي منه مدري فين سبته ابغا اتصل على اخويا
منى لمن سمعت اخويا خطرت ببالها فكره جهنميه:اهاااا طب مو مشكله خدي جوالي واتصلي منه على اخوكي ليه اللفه الطويله العريضه هادي؟؟
رهف وهيا بتاخد الجوال: اي والله صح
وتتصل رهف على اخوها ويقلها انه تحت عند الباب...
رهف:طيب مع السلامه دحين انزلك...وتفقل الجوال..
منى:هاااا ايش قلك؟؟؟
رهف:يقول هوا تحت يلا دوريلي على جوالي
منى:طيب هاتي جوالي اتصل على جوالك يمكن نلاقيه
وقبل ماتتصل تاخد الرقم وتحفظه عندها بأسم مراهقه...
وتتصل وتتصل وما يسمعو للجوال رنه ...
رهف:يووووووه تدري افتكرت حاطته على السايلنت
منى:يافرحتك دحين ايش نسوي امشي ندور عليه
ويدورو في البيت كله ولا يلاقوه...
ويطلع الجوال<<<تدرو فين اكييد.... بغرفة الجلوووس...
ماجد كان جالس قريب من الجوال وشافه لقا فيه مكالمات لم يرد عليها مسك الجوال.. وقعد يحوس فيه ولقى الاسماء المخزنه فيه كلها اسماء بنات يعني اكيد جوال ديك االبنت اووفففف ياحظي والله..
وماجد من جنانه مسك الجوال واتصل على رقمه وقفل الجوال ورجعه مكانه وراح لجوااله وحفظ الرقم بس للذكرى وكتب الصدفه...
وقال لخالد الي مندمج مع الفلم..
رامي:مو دااا جوالك يا ابو الشباب؟
خالد:هااا ايش لا مو جوالي
رامي:اجل جوال اختك
خالد وهو يشوف الجوال:لا مو جوال اختي اخواتي جوالاتهم مو كدا
رامي:اجل جوال مين؟؟
خالد:تلاقيه جوال وحده من صديقاتهم
رامي:اهاااا طيب وديلهم هوا تلاقيهم متعطلين عليه
خالد:اي والله صح هاته
ويروح خالد يودي الجوال لمنى ...
منى: فين لقيته؟؟؟
خالد:في غرفة الجلوس يلا خدي مو فاضيلك ابغا اروح اتفرج الفلم
منى:طيب هاته الله معك
وتعطي الجوال لرهف...
رهف:ايش في غرفة الجلوس
منى:ايوه ايش فيها
رهف:لا ولاشي
منى:طيب يلا روحي اتأخرتي على الولد حرام عليكي
رهف وهيا تبوس منى:طيب يلا بااااي
منى:بايات
وتدخل رهف السياره...
رهف:هااااي
مازن:هااي ساااااااعه سواق ابوكي وانا مادري
رهف:السموحه مزوون بس جوالي كان ضايع وكنت بدور عليه
مازن:ايه صح جوال مين الي كلمتيني منه؟؟
رهف:جوال منى
مازن فز قلبه لمن سمع طاري منى ومايدري ليه بس حس بشوق لها...
مازن كان يحبها زمان بس منى وقفته عن حده كم مره..
رهف:هيييي انت ايش فيك تبتسم؟
مازن:ولا شي بس افتكرت شي حلوو
رهف:شو هوا؟
مازن:مالك دخل
رهف:اوفف طيب امشي يلا
مازن:لا ما ابغا امشي ايش بتسوي
رهف:عايدي برجع عند منى واخلي اخوها يوصلني
مازن:لا والله يلا روحي ووريني!
طلعت رهف تجري من السياره وهيا تضحك وكانت حتنصدم بواحد كان واقف قدامها انصدمت لمن شافت وجهه<<<اكيد عرفتو مين.
رهف:سوري
.....:عايدي تعالي كل يوم هههههه
جات رهف ترجع السياره وسوت نفسها ماسمعت شي..
........ وبصوت عالي:معليه اختي اعتذر على الموقف الي صار اول
رهف ودا ايش دراه اني انا البنت الي كنت جوا...
رهف:لا عايدي
وراحت رهف ترجع السياره وهيا بتموووووت من هالادمي من فين يطلعلي في كل مكان.....
ماجد في نفسه ياقلبي عليها ايش هالصوت اكييد استغربت كيف عرفتها بس لو تطالع في المرايا تشوف الطرحه الي زي قلتها هادي شافه وجها...
ماجد بصوت عالي: الله معاااكي واسف مره تانيه
رهف ركبت السياره وهيا خايفه لا يكون اخوها شافها معاه..
مازن وهوا يلعب في جواله ومو منتبه لها اصلا:ها اشوف رجعتي ليه ما رحتي مع اخو صحبتك هههههههههههههههههههههه
رهف:لا ولا شي يلا ارجع البيت بسررعه تعبااانه
مازن : طيب خلاص اوكي
مازن شاف الرقم الي اتصلت منه رهف وسجله عنده باسم حب زمان وابتسم ومشي......
وفي بيت رهف.....
رهف:السلام عليكم يمه
ام مازن:هلا ببنتي حبيبتي
رهف وهيا تبوس راس امها:كيفك يمه؟
ام مازن:بخير انتي ايش سويتي في بيت ام خالد ان شاء الله انبسطتي؟
رهف:الحمدلله انبسطت وصح تسلم عليكي ام خالد
ام مازن:الله يسلمج ويسلمها يلا تعالي اتعشي
رهف:لا ما ابغا اتعشى ماليا نفس ابغا اروح انام
ام مازن:براحتج عيوني
رهف:تصبحي على خير
ام مازن:وانتي من اهله
مازن:مو بالعاده بنتج تنام بدري شسالفه
ام مازن:علمي علمك ياوليدي
مازن:اوكي تصدقي حتى انا تعبانه ابغا اروح انام
ام مازن:اوكي برايك الله معك واتغطى كويس
مازن:ان شاء الله يلا تصبحي على خير
ام مازن:وانت من اهله
ويروح مازن غرفته وتروح رهف غرفتها وتنسدح على سريرها وتحاول تنام بس ماقدرت ماتدري ليه موقف اليوم وداك الادمي شاغل بالها قالت تشغل نفسها بالجوال ومسكته واستغربت لمن مالقت المكالمات الي اتصلتها من جوال منى وشافت بالصدفه اخر مكالمه صادره وكان الرقم غريب!!؟؟؟ استغربت...
رهف في نفسها مين صاحبة هالرقم ما اعرف احد رقمه كدا وماهو مسجل متى اتصلت انا بي هالرقم امممممم وقعدت تحوس بأفكارها وفي الاخر قالت خلني اتصل واشوف مين واريح نفسي..
واتصلت بعد تردد...
رهف:الووووووو
.......:هلا والله
رهف:عفواً مين معي
........:<<<<اكيد عرفتو مين
ماجد:عفواً اختي انتي الي متصله مو انا
ماجد اتلخبط وماعرف ايش يسوي فقرر انه ما يقولها...
رهف:اممممم اوكي اسفه على الازعاج باي
ماجد:عايدي مو مشكله الله معك
رهف خلصت المكالمه وقلبها صار يدق ماتدري ليه حست انها تعرف هالانسان بس الي مستغرب له كيف جا رقمه في جوالها....وقعدت تفكر الين مانامت بدون ماتدري عن نفسها....
اما ماجد الي ماقدر ينام من سمع صوتها وحس انه بدا يحب هالادميه وانها ملكت قلبه بس كل ما يفتكر الموقف يقعد يضحك على نفسه وعليها بس البنت من جد عجبته وقرر يعمل عليها خطه وقال بصوت عالي:بنشووووف ايش بيصير ياقمررررررري....ومسك الجوال وغير الاسم وخلاه قمري
ونااااااااااااااااااااام......
وفي صباح اليوم التاني........
رندا:قوووووووومي منووووووي حبيبي يلا طفشااانه
منى:اووفففف ايش تبغي اليوم خميس خليني انام على كيفي
رندا:لا مافي والله ما اخليكي قاعده لوحدي بالبيت بموت من الطفش
منى:اوففففففف مو امس تطرديني من غرفتك ايش جايبك عندي دحين
رندا:انا كنت امزح معاكي وانتي على طول صدقتي ايش اسويلك يعني
منى:خلااااااص صحيت وربي
رندا وهيا فرحانه:يااااي شطوووره حبوبتي منى
منى وهيا تتعدل في جلستها:بعد ماتطيري النوم من عيني تقولي لي شطوره يلا ها نعم شو عندك؟؟
رندا:ابدا ولا شي قلت خلينا نروح السوق مع صحباتنا ونتمشى وناخدها فلله
منى:والله فكره حلوه بس تعرفي بابا محا يرضا
رندا:بابا خليه عليا دواه عندي ههههههههههههههههه
منى:هههههههههههه اوكي يادلوعة ابوكي انتي بس شوفي مايجي معانا خالد ولا احد من الاولاد نبغا بناتي بس
رندا:اوكي اصلاً دا المطلوب وانتي كمان شوفي مانبغا غير رهف ومها وبس مو تروحي تجبي لي ديك البنت المزعجه الي اسمها لجين
منى:لالالالااااا والله حرمت ما اجيبها لو ايش يصير انا اصلاً ما اطيقها بس ديك المره رهف جابتها مو انا فما قدرت اقلها شي
رندا:طيب اوكي قومي كلمي رهف قوليلها من دحين مو تحرجنا
منى:طيب بس نسيتي حاجه يافالحه
رندا:امممممممم ايش نسيت
منى:في شي في دا البيت اسمه ام على ما اعتقد ولازم نستأذنها
رندا:هههههههههههههههههههههه ياحليلها امي ههههههههههههه
منى:ليش بتضحكي؟؟
رندا:عشنك هبله تدري امي عندها ايزي وتخلينا براحتنا يابنتي هادي 90% لبنانيه 10 % سعوديه يعني عااادي جداً
منى:بس برضو مهما يكون لازم نقولها ماحنخسر شي من باب التقدير
رندا:اوفففففف منك معقده خلاص طيب براحتك انتي قوليلها انا استلم بابا وبس
منى:اوكي يلا قومي نفطر والله جيعاااانه
رندا:اوكي يلا
وفي بيت رهف**.....
مازن في غرفته وماسك الجوال وماهو مصدق اخيرا حبه ايام زمان رجع له وصار ممكن في طريقه يتواصل فيها معاها هالبنت...
بس هوا متردد كيف يتصل عليها بتقتله ولا اصلاً لو دريت رهف مو بتقتله الا تقطعه مية وصله وترميه بالشارع بس يلا قال بيتصل عليها في الليل ويشوف ايش الي حيصير وتقطع عليه سلسلة افكاره رهف......
رهف:صبااااااااااااااااااااااااااااااااح الخييييييييييييييير يا احلى اخ
مازن:بسم الله الرحمن الرحيم دايماً تفجعي الناس كدا ترى في شي اسمه دق الباب قبل ما تدخلي
رهف:عايدي اخويا وحبيبي ادخل وقت ما ابغا
مازن:لا اولله
رهف وهيا تقعد جنب اخوها وتتدلع عليه:ايه اخويا حبيبي ماعندي غيره
مازن:واخوانج الباقين ايش وظيفتهم
رهف:اممممممممم اعتقد السفر وتربية بزروتهم هههههههههههههههه
مازن:ههههههههه الله يرجك يارب
رهف:امين ويرجك معايا
مازن:يلا بس عاد اعطيناكي وجه زياده عن اللزوم ايش عندج
رهف بدلع :ماعندي شي حرام اجي وادلع عند حبيبي مزونه واقعد معاه
مازن:والله كل هالدلع والكلام في وراه مصيبه انا حاس كدا يلا اتكلمي بسرعه ولا بشيلج من شعرج وارميكي بره
رهف:طيب طيب خلاص اكلتنا وي محد يقدر يضحك معاك شويه
مازن:ايه ايه اطلعي على حقيقتج يابنت حصه
رهف: ما اسمحلك ترى حصه تسواك وتسوى عشره غيرك
مازن: ههههههههههههههههههههه ادري والله ادري بس يلا ايش الي عندج فكييناااااااا الله يخليكي
رهف:امممممممم بوس يدي اقلك
مازن وهوا يشد شعرها:لا والله دحين انتي الي جيه تطلبي وكمان تتشرط يالله يالله بررررررره
ودفها ويطلعها بره الغرفه...
رهف:دقيقه دقيقه الله يخليك خلاص بقوول والله
مازن وهوا يبغا يقفل الباب عشان ماتدخل:بسرررعه
رهف:اببغا اروح السوق مع صحبتي
مازن:مييييين صحبتج هادي ما شاء الله
رهف:منــــــــــــــــــــــــــــــــى<<<وقالتها بطريقه غريبه
مازن فرح لمن سمع اسمها بس غروره ما سمحله فقال: لاء طبعا
رهف:طب لييييييييييه عااااااد؟؟؟؟؟
مازن:امس كنتي عندهم واليوم كمان ما يصير كدا يابنت اتقلي شويه حرام عليكي
رهف:لا عايدي ومنى صحبتي من يوم ما وعيت على الدنيا مافيها شي
مازن:اوفففففف طيب سيبيني افكر
رهف:لا والله مافي بروح يعني بروح اليوم خميس وابغا اتمشى حرام عليك مازن
مازن:ومين الي بيوصلكم؟؟
رهف:امممممممم والله مدري بس اكيد سواقهم او اخوهم وانا ايش ادريني؟؟
مازن: خلاص اوكي بس انا محا اوصلج الا بعد العصر
رهف:اوكي مو مشكله ودا اصلاً المطلوب
مازن:طيب يلا فااااااارقي
رهف تبوس اخوها وتروح تجري ويقعد مازن يضحك على اخته ودلعها وهوا اصلاً ما يحب يزعلها او يرفض لها طلب لانها اخته الوحيده..
المهم في المسا وفي بيت ابو خالد وبعد ما اتجمعو كل البنات..
رندا:يووووووووووووووووه منى الحقي
منى:ايش في..
رندا:السواق يقول السياره انخربت وما يقدر يودينا...
رهف:لاااااااااا خسااااااااره
مها:يعني محا نروح ؟؟
منى:الا بنروووح بالغصب بالطيب
رندا:طب كيف؟؟
منى:امممممممم اممممممممممم
مها:وبعد الاممم هادي ايش؟؟
منى:كمان امممممممم
البنات:هههههههههههههههههههه
منى:لقيتهاااااااااااا
البنات في وقت واحد:هاااااااا ايش؟؟
منى:خاااالد
رندا:لااااااااا شو خالد خالد مو فاضي عنده ماجد اليوم
رهف لمن سمعت طاري ماجد حست برعشه في جسمها ماتدري ليه...
مها:طيب ايش فيها يوصلنا هوا وصاحبه مافيها حاجه؟؟
منى:ايوه والله صح مافيها حاجه
رندا:خلاص اوكي انا رايحه اكلم خالد
وتروح رندا عشان تكلم خالد....
و رهف قعدت ساكته ما حبت تشارك في الحوار وماتدري ليه ماهي قادره تقول لاء ولا ايوه...
رندا وهيا تدق باب المجلس:خااااااالد
ماجد:هلا بالشيطونه<<<هوا يسميها كدا من وهيا صغيره وعايدي يعتبرها زي اخته بس ما يكشف عليها
رندا من ورا الباب: هلا فيك مجوود اقوول خالد فين؟؟
ماجد:والله راح الحمام ودحين يرجع في شي اقوله هوا؟؟
رندا:امممممم ايوه قله واقنعه الله يخليك نبغا نروح السوق احنا وصحباتنا ونبغاه يوصلنا
ماجد:مين انتو؟؟
رندا:انا ومنى وصحباتنا
ماجد حس بنشوه قال اكيد هيا معاهم وقال:طيب فين السواق ليه ما يوديكم؟؟
رندا:يقول السياره انخربت واااااااء بالله عليك اقنع خالد حتى لو ماتبغو تقعدو معانا وصلونا وروحو
ماجد:فين تبو تروحو؟؟
رندا:جده مول
ماجد:تماااام انا دوبي كنت بقول لخالد نبغا نروح جده مول عشان ابغا اشتريلي كم حاجه يلا ان شاء الله ما يصير خاطرك الا طيب انا اتصل على تلفون البيت لو قلي القرار اوكي
رندا:تسلم مجووووووود الله يخليك لنا يارب
ماجد:يالله فارقي لا يكثر بس
رندا:هههههههههه ان شاء الله باي
وتروح رندا للبنات
رندا:بنااااااااااااااااااااااااااات فررررجت
البنات:ايش صار؟
رندا:كلمت مجوود
رهف!!!!!!!!؟؟؟؟؟؟؟:كيف تكلمي صاحب اخوكي ياهبله؟
رندا:عايدي هوا زي اخويا ومتعوده عليه ومتعود عليا
رهف حست بالقهرررر وماهي عارفه السبب وقطعت تفكيرها
منى وقالت:ايوه وايش قلك؟؟
رندا:طبعا ادلعت عليه ساعه وطلبت منه بعد التحقيقات ورضي وقال بيقنع خالد يودينا لانه هوا كمان يبغا يروح المول يشتري له كم حاجه والله انه خطيييير هالولد يارب يكون زوجي زيه هههههههههههههههههههههههههه
البنات كلهم الا رهف:هههههههههههههههههههههههههه الله يرجك يالهبله
رهف حست بقهرررر فظيع وماهي داريه لييييه ومستغربه من نفسها بس الي وعت له واتاكدت منه انه ماجد دا الي يقولو عنه بيروح معاهم السوق يعني بتشووفه.....!!!!!!!؟؟؟؟؟؟؟؟؟
رندا:مين يبغا عصير وكيك؟
مها ومنى:انا
رندا:وانتي رهف؟
رهف:اوكي طيب
رندا:طيب مها تعالي معايا المطبخ ساعديني
مها:يالله؟
ويروحو مها ورندا....
ويدق التلفون....
منى:هييييييي رهف ردي على التلفون ...
رهف:لا والله وانا اشلي بيتي ولا بيتي
منى: لامو بيتك بس هادي فاديه الزفته من الصبح تتصل تبغا تكلمني وانا ما ابغا اكلمها
رهف:اهااااا اوكي برد مدام فاديه
رهف:الوووووووو
.......:مرحبا اختي
رهف ارتجفت لمن سمعت الصوت نفس الصوت حق امس تقريباً...
رهف:هلا مين معي؟؟؟؟
........:<<<<اكييييييد عرفتوه ما شاء الله عليكم نبيهين..ماجد...
وماجد كمان ارتجف لمن سمع الصوت وقال كأني اعرفه...
ماجد:انا ماجد عفواً انتي رندا
رهف قالت في نفسها هوا حق امس الي كلمني بالتلفون انا متأكده يعني هوا الي اتصل امس من تلفوني على تلفونه ايا النصاب يعني رقمي عنده دحين مو وقته خليني اشوف ايش يبغا فحبت تلعب عليه وقالتله:ايوه انا رندا خير.
ماجد قال غريبه رندا مو كدا صوتها بس حاول يقنع نفسه فحس بأرتياح لأنها مو ديك البنت عشان لا تكشفه فتنهد..
رهف استغربت:ايش فيك تتنهد؟؟
ماجد:اسكتي ياشيخه
رهف؟؟؟!!:ايش في
ماجد:ها ولا شي المهم حزري ايش صار؟؟
رهف:شووو يعني<<<تحاول تخلي طريقة كلامها زي رندا...
ماجد:والله دخلت حرب مع اخوكي عشان يوافق يوديكم
رهف فرحت:والله من جد ماجد يعني رضي<<<ماتدري كيف طلع منها الاسم..
ماجد:ايه رضي ياعيون ماجد
رهف انقهرررررررت منه بس سكتت....
ماجد:الوووووو
رهف:نعم
ماجد:متأكده انك رندا؟
رهف:هههههههههههههه والله انك اهبل يعني مين يلا اقول مع السلامه ببلغ البنات
ماجد:مدري حاس في صوتك حنان كأني اعرفه منتي رندا صح
رهف ما اعطته فرصه وقفلت السماعه وهيا تبي تموت من الضحك...
رهف:هههههههههههههههههههههههههههههههههههههههههههههه هه
منى:ويييييييييييييييي مين كان وليه كل هالضحك
رهف وهيا ماسكه بطنها:ههههههههههههههههههههههههه والله وطلعت ممثله وانا ما ادري
منى:ايش سويتي؟؟
وتحكيها رهف ويقعدو يضحكو الاتنين.......
منى:الله يرجك يااارب ههههههههههههههههههه
رندا:هاااا ايش فيكم؟؟؟؟؟؟
منى:ولا شي بس رضي خالد يودينا يلا البسو عبايتكم دحين بسرعه قبل ما يغير رأيه
رندا:والله
منى:ايه من جد حتى ماجد دوبه اتصل وقلي
رندا وهيا تعطي كل وحده عبايتها:اها اوكي يلا بنات خدو البس عبيكم وخسارة الكيك والعصير الي تعبنا فيه
البنات:ههههههههههههههههههههههه
ويطلعو البنات الشارع ويشوفو خالد وماجد خالد كان لابس توب وغطره ومتشيك كأنه رايح فرح اما ماجد كان لابس بنطلون اسود وبلوزه بيج هنديه((من اقمصة انريكي)) وكان شعره شوي طويل واللحيه خفيفه فكااان شكله يجنن وريحة العطر منه لأخر الشارع .....
رهف لمن شافته كانت حتجن شكله يجنن خصوصاً ان البنات جنبها طول الوقت يمدحو فيه وفي شكله ورهف مقهوره.....
قطع عليهم كل دا خالد:يلا بناااات بنستنى هنا كتيـــر
منى:لا يلا جينا
خالد:امممم السياره محا تكفي بننقسم في سيارتين رهف قلبها وقف لا يكون تركب معاه وتقول في قلبها لااااا ياربي انقذني.....
منى تبغا تحرج رهف قالت:خلاص يلا انا ورهف مع ماجد ومها ورندا معاك يا خالد
ماجد قلبه وقف ويقول لنفسه رهف ومها مين فيهم ديك البنت يااارب تكون هيا الي معايا يااااارب...
خالد:خلاص اوكي يلا يا ماجد لا تسرع امشي ورايا
ماجد:اوكي
ورهف بتموت:منىىىىى ليش كدا ياكلبه
منى وهيا بتضحك:اسسس لا يسمعنا
ويركبو البنات في السيارات...
ويفتح ماجد الابواب للبنات <<<يعني يعني مؤدب ....
رهف تستغرب منه بس تدخل وماجد من يوم ما ركب السياره وقلبه بس يدق وسيارته كانت رهيبه وريحة عطره في كل مكان...
المهم لمن ركب ماجد السياره قال:هلا بمنى والي معاها
منى:تسلم ماجد
ماجد:الله يسلمك كيفك منى.
منى:بخير وانت .
ماجد:تمام التمام والله منورين السياره
ورهف شويه وبتموت خصوصاً انه منى خلتها تركب وراها فصارت تشوفه من المرايا وهيا شويه وتبكي....
ماجد لاحظ التوتر الي هيا فيه فعرف انها هيا البنت الي ملكت قلبه ففرح وحط كست اغنية حطيتك في بالي.....
منى لمن سمعت الاغنيه قعدت تضحك ورهف فهمت الحركه فقالت:ممكن تقفل الاغنيه راسي مصدع...
ابتسم ماجد لمن سمع صوتها وقال:تأمرين امر وسلامات واسفين على الازعاج
رهف استحت:شكـــراً
ماجد فرح لانه قدر يسمع صوتها فقال:العفووو ولوو
منى:بالله اسرع شوف خالد فين طار وانت قاعد زي السلحفه<<<ما اللومه قاعد مع حبيبة القلب.....
ماجد: لاتستهزئي سيارتي صاروخ بس خايف عليكم لا اكثر
منى:اها طيب ولا يهمك اسرع
ماجد ابتسم وقال:استعدوو
وطااااااااااااااااار بسررررررررعه فظيييييييعه خلت البنات من جد ينفجعو....
رهف لا شعورياً:لااااااااااا الله يخليك بطئ شويه مو مستغنين عن عمرنا
ماجد ذااااب لمن سمع صوتها فوقف السياره بطريقه تخوف..
وقال بصوت واطي:يابعد عمري انا...منى ماقدرت تسمع صوته بس رهف سمعت لأنها وراه وقريبه منه.......!!!!!!!!
منى:انت يامره يامره ماعندك في النص ليه وقفت دحين
ماجد وهوا غير مستوعب:هااا لا ولاشي يلا مشينا
رهف ضحكت وفرحت في نفس الوقت من كلمته وحست بشعور غريب...
وفي السياره التانيه البنتين اخدين راحتهم على الاخر خصوصاً ان خالد متعود على مها ويعتبرها زي اخته...
رندا:غير الكست بالله عليك
خالد:ايش تبغي ياست رندا؟؟
رندا:امممممممم
مها:انا اقلك حط شريط راشد الماجد الجديد
وحط خالد وعلى طول طلعت اغنية...
......هالعيون السود اشلون املها سحر دوبني بغزلها بوسه من عندك حبيبي تسوى عندي الدنيا كلها.....
وانبسطو البنات مرره وماكان ودهم ينزلو من السياره لولا انهم وصلو..
واول من نزل من سيارة ماجد كانت منى ورهف من الربكه والخوف ماعرفت تفتح الباب حقها ماجد حاول يساعدها ويفتح لها الباب فأطر يدير وجهه ويصير وجهه عليها فأول ما شافت رهف عيونه حست انها خلاااااااص دااااااابت فيه عيونه كانت روووعه وفيها لمعه رهيبه..
ماجد:اعذرينا يالغاليه اتفضلي
وطلع من السياره وفتح لها الباب..
رهف شويه وتموت من الخجل وقالت:شكـراً
ماجد:عايدي لو تبي كل يوم تعالي...ويغمز لها..
رهف ضحكت غصبن عنها وراحت...
وماجد في نفسه يااااقلبي انا على هالضحكه بموووووووت ياهوووووووو ايش هالجمال
واجتمعو البنات ودخلو السوق
وفي السووق دق مازن على جوال منى دقه وفصل..
وكانو وقتها خارجين من السوق وبياكلو ايس كريم فمنى ما اهتمت وطنشت ماكان فيها تفتح الشنطه وهيا بتاكل الايس كريم وعدا اليوم بسعاده على الجميع ماعاد مازن الي قاعد في البيت وبيموت من القهر......
*&*الجزء الثــــــــالث*&*
رجع خالد مع البنات البيت.....
خالد:نهووووولتي حبيبتي فييييينك
نهال:هلا حبيبي وحشتني
خالد وهوا يمسك بيد حرمته:شكله بيت امك عجبك يومين ما تكلميني ولا تسألي فيني خلاص زعلت كدا ما اوحشك
نهال:والله ياحبيبي الوالده مره تعبانه ومافضيت عشان اكلمك...وبدت عيون نهال تدمع
خالد حس انه زودها فمسح على راسها:اسف حبيبتي امزح معك واذا تبي ترجعي تباتي عند امك عايدي والله
نهال:لا حبيبي بجلس معك كم يوم وارجعلها تاني
ابتسم خالد وطلع معاها لبيته الي فوق
منى:آآآآه ياقلبي انا من الحب
رندا:ههههههههههههههههه حب في عينك ايش فيكي يابنت
منى:شوفي كيف خالد يحب نهال ونهال كيف تحبه الله يخليهم لبعض ياارب
رندا:اي والله الله يخليهم لبعض....ماتدري ليه رند افتكرت رامي في هاللحظه...قاطعت سلسة افكارها منى
منى:هيييييييييي نسيييييت اقلك ماتدري قرر الوالد وعمي جمال يرجعو اجتماعات العيله
رندا: قولي والله
منى:والله
رندا:وااااااااو كوووول يالله الله لا يفرقنا
منى:امييييييييين اقوول رندووي انا بروح انام والله تعبانه رهف ماخلت مكان الا ودورتني فيه رجلي مره تعورني ولاتصحيني بكره بدري بصحى لحالي اوكي
رندا:اوكي بس لاتنسي صلي العشى قبل ما تنامي
منى:اوكي باي
وتطلع منى لغرفتها وتصلي العشى وتمسك جوالها عشان تشحنه وتشوف مكالمه لم يرد عليها وتنصدم لمن تلاقيها من مازن بس الموضوع ما اثار اهتمامها كتير وقالت يمكن غلط او رهف اتصلت عليا منه وعايدي ما اهتمت كتيـــر......
في الجهه التاني
مااااااازن بيمووووت من القههرررر ليه ما جاته الجرأه وكلمها وكيف من غبائه اتصل وهيا مع اخته فررضاً اخته شافت الرقم ايش بتقول عنه قرر في نفسه انه ينساها ويقفل على الموضوع لانه ما صار يستهويه لكن على ميييين ماقدر ينساها لحظه وكل كلامه فاضي
وبجنب هادي الغرفه تحديداً غرفة رهف.....
انوااااع الحييييره ايش حكاية الماجد دا معاها ولي اخد رقمها مررررره مقهووووووره من حركته هادي انه ياخد رقمها بس قررت تشوف ايش النهايه معاه وتنصدم لمن يقطع سلسلة افكارها اتصاله على الجوال وبعد تردد ردت
رهف.....
ماجد:الوووووو
رهف:ايوا نعم
ماجد:يسلملي هالصوت<<<عنده مخطط بباله
رهف:من جد قلة ادب....وتقفل السماعه
ماجد عجبته البنت وقوتها بس من دلاخته رجع اتصل تاني
رهف:نعمممم<<<تحاول تعمل مستقويه وهيا في الاصل تبي تموووت من الضحك
ماجد:عسى ما شرر ليه قفلتي السماعه في وجهي
رهف بهباله: لا والله اعررفك انا عشان يكون في بيني وبينك كلام
ماجد: لاااازم يعني
رهف:؟؟؟؟ ايش الي لازم
ماجد:انك تعرفيني
رهف ماعرفت ايش ترد عليه فقالت اي شي:اييوه لااااازم
ماجد:طيب لو قلتلك توعديني ماتسكي السماعه في وجهي
رهف فكرت وقالت نشوووف النهااايه معاااه هالادمي:طيب
ماجد:وعد
رهف:بكذب يعني
ماجد:لا بس اوعديني
رهف:اففففف طيب وعد يلا فكنا
ماجد:امممم انا ماجد
رهف بستعباط:مين ماجد؟؟؟
ماجد انقهر كيف ماتعرفه وقال في نفسه لا يكون ماتعرف اسمي لالا بس منى كم مره قالته قدامها اكيد تعرفه:اممم ماااجد الي.....
رهف:......الي ايش؟؟
ماجد:الي حبك وذاب فيك
مايدري ماجد كيف قال هالكلمه بس حس براحه لانه اعترف
رهف كانت شوي وتطيح في الارض من كلمته هادي بس حاولت تتماسك وتتظاهر بالقوه
رهف:لا والله حبيتني ماشاء الله الا صح من متى المعرفه عشان تحبني
ماجد:من يوم ما عيوني لمحت طيفك ومن يوم ما اذني سمعت همسك ومن يوم قلبي ما تعلق في قلبك....
رهف دااااااابت من هالكلام لا يكون دا الادمي شاعر وانا مادري
رهف سكتت ماعرف ايش تقول فتحمس ماجد وقال:اكيييد انك ماتقدري تكلمي ولد واانا متاكد اخلاقك اصلاً ما تسمحلك وانا متاكد انك مو من النوع اللعاب ولاتسمحي لأحد يلعب فيكي بس انا بوعدك بوعد
رهف:ايش هوا؟؟
ماجد:ما راح اكلمك مره تانيه
رهف..؟؟؟!!!حست رهف برجولته بس حز في نفسها انها ماتقدر تسمع صوته مره تانيه ماتدري ليه حست بشعور تجاهه
كمل ماجد:الا.....لمن انتي تأذني لي...وانا بس برسلك رسايل وراح اخليها الوسيله الوحيده الي بيني وبينك واتمنى ما ترفضيها واعتقد انه الرسايل ما بتضرك في شي عجبتك حفظتيها ماعجبتك حذفتيها ولا مو كدا
رهف:امممم والله مدري ايش اقول
ماجد: قولي موافقه ارجووووكي لاتبعديني عنك
رهف:شووف ماجد
ماجد:عيون ماجد امري
رهف ضحكت افتكرت المقلب الي سوته فيه بس كملت وقالت:انا مدري ايش الشعور الي جاك بي هالسرعه ولا ادري ايش الي وراك بس
ماجد:بس ايش وليه ضحكتي قبل شويه
رهف:لا ولا شي ....بس انا موافقه على حكاية الرسايل مدام صح زي ماقلت ماوراها ضرر وراح اشوف وعدك دا لي فين بيوصلنا
ماجد:والله والله العظيم ما راح اخليك تسمعي صوتي الاااا اذا
رهف بسرعه:الا اذا ايش
ماجد:الا مثلا لو قابلتك صدفه زي داك اليوم في الشارع ههههههههههههه
رهف ضحكت على خباله وقالت:لا والله تبي تفضحني داك اليوم ربك ستر واخويا ما شافني المره التانيه بيقطع رقبتي
ماجد:اوكي بسس في شي
رهف:ايش هوا؟؟
ماجد:ما قلتيلي اسمك
رهف:يعني ماتعرفه
ماجد:الا اعرفه سمعت منى تناديكي كم مره بس انا ابغا اسمعه بصوتك عشان احفظه في بالي واذني واكرره في قلبي بدل المره الف
رهف استحت من كلامه وقالت في نفسها يا نصاااب بس قالت له بصوت شوي واطي:رهف
ماجد:خلاص بتصيري رهف قلبي
رهف:لا والله ماتلاحظ انك زودتها شوي
ماجد استحى من ردها وسكت
رهف عرفت انها زعلته بس قالت احسن عشان ما يتمادى وقررت تنهي هالاتصال
رهف:يلا ماجد انا بنام تامر بشي
ماجد:ايه
رهف:ايش؟؟؟
ماجد:بشيين الاول انتبي على نفسك والتاني فكري فيني واحلمي فيني ولا تنسيني
رهف ضحكت عليه:لا و الله مين انت عشان افكر فيك واحلم فيك وما انساك هههههههههههه وبعدين دا مو امر دا الف واحد اقووول لا يكثر ويلا باااااااي
ماجد:........
رهف انتظرت رده بس ما رد
رهف:الووو
ماجد:نعم
رهف:ليه ساكت
ماجد:مو قلتي باي قلت بستناكي تقفلي عشان تكملي جرحك ليا دحين دا جزاتي اني احبك تعامليني بي هالطريقه
رهف ماحست بالذنب وقالت له:بااااااااي
وقفلت السماعه بدون ما تنتظر رده تقول مو فاضيتله هوا وخباله يحسب نفسه روميو زمانه وجي يلعب علي صحيح اني ارتحتله شوي لكن مجرد شعور عابر ومو ممكن اسمح لبناء علاقه بيننا بي هالشكل وقفلت الجوال وقررت تنام<<<رهف من النوع الواثق والي ياخذ بتفكير العقل قبل القلب....
وبعد كم يوم وفي بيت ابو خالد كان اجتماع العيله الاسبوعي الي انقطعو عنه من زمان بس هالاسبوع قررو يرجعو هالنظام
واليوم الكل فرحان وسعيد واخيراً العيله بترجع تتجمع من جديد
اول من وصل لبيت ابو خالد كان بيت ابو رامي....
طبعا رامي فرحان ومايدري ليه حس لأوله مره ان بيت عمه وحشه برغم يعني انه قرب ينسى الموقف الي صار معاه وتقريباً نسى انه شاف بنت عمه والي يهمه من الموضوع انه ابوه وافق له يسافر يكمل دراسته بره واليوم بيعلم العيله بي هالخبر الي بنسباله سعيد لانه بيحقق احلامه وطموحه...
دخلت ام رامي البيت وشافتها منى
منى:هلا والله هلا بخالتي غاده ونور عيوني<<<منى مره تحب ام رامي وتعتبرها زي صحبتها لان ام رامي ماهي كبيره بالسن لي ديك الدرجه
ام رامي:هلا حبيبة قلبي وحشتيني ياوحشه
منى وهيا تحضن مرة عمها:وانتي الاكثر
ام رامي:ايوه ايوه صح مررره باااين حتى انك كل يوم تتصلي عليا وتسألي عني وماتقصري تجيني كل اسبوع
منى استحت ماعرفت ايش تقولها:والله ياخالتي انتي ادرى بالظروف توجيهي وحوسه
ام رامي:آآآآه منك يا بنت ناديه دايماً تلاقيلك عذر يلا هالمره بمشيها مره تانيه مافي عذر اوكي
منى:ان شااااء الله مايصير خاطرك الا طيب
ام خالد:هااااا شو سامعه اسمي بالموضوع ايش بتقولو عني اعترفوو
ام رامي وهيا تسلم على ام خالد الي من زمان ما شفتها:نقول ياحبيبتي انك وحشتينا ومانقدر على فراقك
ام خالد:وانتي الاكثـر ياغاده بس تدري انو الدنيا اشغال وان شاء الله من اليوم ورايح بنرجع العيله المترابطه الي ما يهزها جبل
ابتسمتو الاثنين ام رامي وام خالد على المحبه الي بينهم
منى:الا فين بيت عمي ابو محمد
ام خالد:دوبي محاكيتهم وقالولي انهم بالطريق
منى:اهااا طيب انا بروح اتصل على مي مدري ايش فيها اتأخرت
ام خالد:اوكي براحتك بس لاتزعجيها
وتروح منى...
ام رامي:ياحليلها منى والله كبرت وسارت عروسه<<<ام رامي تبي تلمح لحاجه بس ام خالد ما فهمتها
ام خالد:اي والله بنتي حبيبتي قمر الله يسعدها يارب
ام رامي:امين الله يخليها لكم
في الغرفه التانيه
منى:الوووو ميويا فينك ياشيخه ليه اتاخرتي
مي:اووفففف منك يامنى خلاص اهوه انا قدام البيت تعال ساعديني في اشياء معايا
منى:طيب جيه باي
مي:بايات
وتروح منى وتسلم على اختها وتساعدها
واول من يدخل البيت احمد وهوا يصرخ
احمد بصوت عالي:ماماااا نااااااديه ماماااااا فييييييينك
ام خالد وهيا تحضن احمد:يااااابعد روح ماما ناديه هلا حبيبي هلا وحشتني
احمد:وحثتيني ايس هادا ماتزينا من زمان ما سفناكي<<<معليه لهجته على قده
ام خالد:يؤ يؤبرني شووو لزوز هالولد الله يحفظ حبيبي تعال اعطيك الهديه الي اشترتلك هيا
......:احم احم
ام خالد تلف راسها عشان تشوف الي يدقها من وراها.....وتضحك لمن تعرف انه فهد
فهد وهوا يسلم على راس جدته:هلا يمه كيفك
ام خالد وهيا تبوسه:بخير حبيبي كيفك انت
فهد يبوز يعني زعلان:انا زعلااااااااااان
ام خالد:ليه حبيبي شو فيك
فهد:بس يعني احمد الي ليه الهديا وهوا الوحيد الي يترحب فيه وانا الي ساعه ملطوع وراكم ماعبرتوني
ام خالد وهيا تحضنه:لا حبيبي انت الغلااا كله كييف بتقول هالحكي انا بس حسبتك رحت عند مجلس الرجال لأني ما سمعت صوتك
فهد وهوا يبتسم:يعني في ليا هديه<<<يموت بالهدايا اعذروه طفل
ام خالد:اكيد واحلى هديه كمان
احمد:لاااااااااااااااء ماااااافي انا اخد احلى هديه
فهد:انت اسكت بس انا الكبير ولازم اخد الاحسن
احمد:مافي مافي ايس هادا انا قلت لها من قبلك اهئ
ام خالد:خلااااص لا تتضاربو انا بعطي كل واحد هديته والي مابده مو لازم ياخد
فهد واحمد في وقت واحد:الاااا بدناااا<<<يحاولو يسايرو لهجتها
وفي الجهه التانيه من البيت مجلس الرجال تحديداً....يوقف خالد عشان يسلم على جوز اخته رائد
خالد:هلااااا والله بالغالي
رائد وهوا يسلم على خالد:هلا فيك
خالد:فينك ماتنشاف يابني كل هادي قطيعه ولا عشنكم في اخر جده ما تتفضلو علينا بالمشوار
رائد:لا ياحبيبي مو كدا القصد بس تدري الدنيا اشغال وانا هالايام مشغووول مره بمشرووع بنفذه بس ان شاء الله الجيات كتيــر
رامي وهوا يسلم على رائد:هلااااا بولد العم
رائد:هلا فيك يا ابو الشباب واحشنا وربي زمااااان عنك
رامي وهوا يغمز لرائد:الدنيا اشغال
رائد:هههههههههههه ياقلوووود والله انك ماتعقل
ابو خالد:هلا والله برائد تعال عندي سيبك منهم
رائد يسلم على عمه ويجلس جنبه وياخدو الرجال الجلسه بفرح ووناسه
ونرجع للجهة الحريم....
نهال:سلام عليكم
ام خالد:هلا نهوله شو فيكي اتأخرتي هيك
نهال:سوري ماما بس تدري الحمل مره متعبني
ام خالد:الله يعطيك العافيه يارب
مي وهيا تحضن نهال لانها زمان ما شفاتها:هلا والله بجوزة اخوي حبيبي
نهال:هلا فيكي مي والله مرررره وحشتيني يادبه
مي:انتي الدبه محد غيرك
الكل:هههههههههههههههههههههههههههه
ويقعدو الحريم يسلمو على بعض ويتكلم ويقطع عليهم كلامهم دخول ام محمد
ام خالد وهيا تقوم تسلم عليها:هلاااااا والله بنهى هلا
ام محمد:سلاااام عليكم يا اهل البيت ياهلااا ام خالد
وتدخل تسلم ام محمد على كل وحده....وبعد ثواني يتفاجئ الكل بدخول وحده طلتها زي طلة القمر جمال وذوق وشياكه...
منى:هلاااااااااااا والله هلااااااااااا بلموووو
لمى:هلا منى كيفك
منى وهيا تسلم عليها:تمام بشوفتك منورتنا والله
لمى:الله يسلمك النور نوركم
ام خالد وهيا تسلم على لمى:هلا والله بالقمر شو هالحلاوه يا لمى ما شاء الله كبرتي وسرتي عروسه
لمى:الله يسلمك ياخالتي
وتسلم لمى على الكل وتروح وتقعد جنب منى لانها اقرب وحده لسنها
منى:كيف دراستك لمى
لمى:الحمدلله تمام الا فين رندا
منى:دحين نازله الله يهديها دوبها بدت تلبس
لمى:اهاااا
وتقطع كلامهم رندا
رندا:هااااااااي
.....:هلا....هايات....اهلين رندوووه<<<ردود متفرقه
وتسلم رندا على الكل وتقعد مع منى ولمى وتصير الجلسه رووعه لمى ومنى ورندا مع بعض ونهال ومي مع بعض وام خالد وام رامي وام محمد مع بعض وحد يدري بالموضوع الي بين ام خالد اوم محمد....
وفي جلسه الرجال
ابو محمد:الا يا منصور فين ولدك امجد
ابو خالد:وي هوا انت ماتدري سافر من اسبوع مع اصحابه في رحله وراجع بكره ان شاء الله
ابو محمد:اهااا الله يرجعه بالسلام يارب وكيف عامل في دراسته
ابو خالد:الحمدلله تماام التمام ما شاء الله عليه مجتهد
ابو محمد:الله يخليه لك يارب
خالد:اقوول شايف امجد الي يخليه وانا فين رحت
ابومحمد:في القلب قبل العين
خالد:ايوه كدا الكلام اشوف تغيروه
ويضحك الكل على خبال خالد
ابو رامي:اقول رامي قوم صب القهوه
رامي انقهر اشمعنى هوا من بين كل الشباب<<<قلنا لكم مغرور
رامي بدون نفس:ان شاء الله
ويقعدو خالد ورائد يضحكو على ولد عمهم الي ما يحب احد يشغله
فنتهز رامي تسلط الاضواء عليه وقال:بقوولكم شي ياعماني
ابو خالد وابو محمد:تفضل
سكتو الشباب عن الضحك وانتبهو لرامي الي كان شكله يبغا يتكلم في موضوع مهم
رامي فرح لأهتمام الكل وقال:انا قررت اسافر امريكا بعد كم شهر
ابو رامي حز في نفسه وسكت لانه يدري بالموضوع بس خبا زعله عشان مصلحة ولده ولا هوا ما يقدر يعيش يوم من دون ولده
وابو خالد لا ارادياً اتجهت انظاره لأبو رامي لانه يدري قد ايش متعلق في ولده ويشوفه موطي راسه
ابو خالد:بس ياولدي ابووك
يقاطعه ابو رامي:مصلحت ولدي اهم شي في الدنيا اتمنى انكم تدعوله بالتوفيق.....وكلام ابو رامي يعني حسم للموضوع وانه صاير صاير ومايبغا احد يجادله فيه احترم الجميع كلامه ودعو لرامي بالتوفيق
خالد:طيب يارامي متى قلتلي السفر
رامي:اول يوم من الشهر الجديد
خالد:يعني ما بتعيد معانا
رامي:للأسف لاء
خالد:اهاااا طيب بس لاتقطعنا وبنفتقدك يالغالي
فرح رامي من كلام خالد وقال:اقطع الدنيا ولا اقطعكم ولو كم خالد عندي انا يؤبرني شوو حلووو<<<يتريق عليه عشان امه لبنانيه
ابوخالد:رامي احترم نفسك
رامي:ويييي على الي يزعل ولاتزعل عمي امززح بس
ابو خالد:مزح تقيل ما نبغا هيا اشوف اسكتو وقومو جيبو العشا من المطعم وودو نصه عند الحريم هيا خالد قوم يعطيك العافيه ياولدي
خالد:ان شاء الله يا ابويا
وينتهي اليوم بسعاده على الكل الاااا....لمــــى
لأن لمى سمعت ام خالد تقول لأمها انها تبغا تحجز لمى لولدها امجد ولمى ما تحب امجد ولاتطيقه وتحسه مررره متكبر وشايف نفسه وكأنه محد درس غيره.....المهم حاولت تنسى الموضوع وقررت لو امها فاتحتها بالموضوع بترفض بحجة انها صغيره وانها ماهي ناويه تتزوج الا بعد فتره طوويله....
وبعد كم يوم في بيت خالد
خالد:نهووولتي حبيبتي فينك
محد رد عليه...؟؟؟
خالد:نهااااااااااال فييييينك حبي
وماترد عليه فقرر يقوم يدور عليها ويدور وما يلاقيها
فيقرر ينزل بيت ابوه....
ويشوف منى
خالد:منى حبيبتي شفتي نهال
منى:ايوه شفتها تلبس العبايه وتطلع من البيت تجري مدري شو فيها
خالد:من جد
منى:اجل بكذب
خالد:طيب هاتي جوالك بسرعه ابغا اكلمها لايكون صار في امها شي
منى تروح تجري وتجيب له الجوال:خد
يتصل خالد على جوال نهال وماترد لانها نسيته بالبيت فيقرر يتصل على بيت عمته
خالد:الووووو
امينه:الوووو<<<شغالتهم
خالد:فين ماما نهال
امينه:ماما نهال مافي موجود هيا روه مع ماما كبير مستشفى عشان ماما في تعبان كتيـر
خالد يقفل السماعه في وجهها ويروح للمستشفى الي جنب بيت عمته لانهم اكيد فيها
خالد وهوا يجري في المستشفى:دكتور ماجات اليوم حرمتين المستشفى وحده فيهم تعبانه
الدكتور:الا والله جات حرمه مره حالتها صعبه ومعاها اظن بنتها والام توفيت قبل شويه والبنت حالتها تقطع القلب في اخر هالسيب الا انت تقربلهم شي
خالد انصدم وحس الدنيا تدور فيه خايف على جوزته وزعلان على عمته الطيبه الي كان يحبها ويموت فيها لانها كانت حنونه عليه وتحبه فلا شعورياً نزلت الدموع من عينه وبدا يبكي وراح يدور على حرمته خايف عليها وينصدم لمن يشوفها قاعده على الارض ومسنوده للجدر وتبكي والممرضات حولينها وهيا تصرخ بكل قوتهااا
نهال:امييييييييييييييييييييييي لاااااااااااااااااااااااااا لااااااااااا يامي ليه تسبيني ما اتهنيت فيكي يا امي امييييييييي حبيبتي تعااااااالي الله يخليكي ما اقدر اعيش بدووونك امييييييييي لااااااااااااااااااااااااااااااااااااااا لالالالا يا امي لا
كانت نهال مرررره منهااااااااااااااااره على الاخر.....
خالد حس انه شوي ويطيح في الارض ماعمره شاف حبيبته وزوجته بي هالحاله كان يبغا يروح يواسيها بس هوا يحتاج من يواسيه وخاف يروح لها تشوف وهوا بي هالمنظر بس سما بالله وراح لها ولمن قرب منها سمع صوت الممرضات يقولو :جيبوو سرير نقال بسرررعه حتموت الادميه بين يدنا
خالد لمن سمع كدا خاف على حرمته وصار زي المجنون
خالد بصراخ:يادكتوره ايش فيها حرمتي تعبانه ايش فيها
والدكتوره مو منتبه له وخايفه على نهال لان صحتها مره كانت تعبانه لانها حامل ولمن طاحت على الارض اثر عليها وعلى حملها
خالد:ياااااااااااا دكتووووووووره ردييييييي عليا حرمتي ايش فيهااااااااااااااااا
الدكتوره دوبها انتبهت له:مافيها شي بس بتنزف من الطيحه دحين تصير طيبه هدي اعصابك
خالد جن جنونه لمن سمع بتنزف وخاف على حرمته وما عرف ايش يسوي في هالمواقف فراح يتصل على امه هيا الوحيده الي تنقذه وتسعفه في هالمواقف
خالد وهوا يبكي:الوووووووووووووووو امي الحقييييينييييييييي نهاااااال بتمووووووووت
ام خالد انفجعت:خير ايش فيها نهال؟؟؟؟؟
خالد:ما ادري والله ما ادري بس الدكتوره تقول بتنزف وامها ماتت عمتي ماتت تعالي امي احتاجك بسرررعه
ام خالد ماهي مستوعبه الموقف:دحين اجي ياولدي بس فين المستشفى
خالد:مستشفى ..... في شارع..... تعــالي بســـرر
يقطع عليه مكالمته
الممرضه وببصوت عاالي:مستـــر تعااااااال بسرررررعه حرم انتا فييي.............
تطيح السماعه من يد خالد وما ينتظر يسمع كلامها ويجري على حرمته يشوف ايش فيها وهوا في نفسه.....
لا ياااارب لاتموووووت حبيبتي وعمري وحياتي وكل دنيتي يارب موتني بدالها ياااارب يارب خليها ليا يااارب يااارب لا يصير فيها شي ياااارب ارجووووك اتوسل ليك ياارب حياتي بدونها مالها معنى يارب لو صار فيها شي خدني قبل ما اعرف ياااارب احفظلي نهااااااااااااال يااااااااارب مالي حياه بدونها يااااااااااااارب.........
ويجري بشكل جنوني والدموع في عينه ولا كأنه رجااال لأن حبه لنهال مو طبيعي وما يتخيل حياته بدونها.....
ويوصل لغرفتها ويفك الباب وهوا زي المجنون
خالد:نهااااااااااااااااااااااااااااااااااااااااااا اااااال...................
*&*الجــزء الرابع*&*
لمن سمع خالد ديك الكلمه انجن معقووله لا لا مو معقوله خالد انبكم
وفقد اي كلمه ممكن يقولها في هالوقت
خالد في نفسه......
معقوله يااارب معقووله متأكدين سمعتو الي انا سمعته احس انه في نار بتجري في جوفي حاس نفسي طاير في السما معقوله لا ياهو مو معقول تدرو ايش سمعت......
سمعت انـــــــا هنــــــا حبيبي انا هنــا حبيبي من فم نهال انا هنا حبيبي يعني هيا هنا يعني هيا موجوده معايا يعني هيا مازالت في هالحياه وكلمت حبيبي يعني هيا حبيبتي يعني نهال موجوده يعني نهال قالتلي انا هنا حبيبي مو مصدق ياااااااااااااا لللللللللللللللللللللللللله الحمد لك ياااااااااااااااااااااااربي معقوووووووله ربي ما ضيع رجائي هدر حبيبتي في الدنيا لسه وانا الي اعتقدت انها راحت مني احس اني بطير في السما واحلق قلبي وحياتي لساتهم في هالحياه اشوفهم قدامي سمعت كلمتهم انا هنا حبيبي...الحياه ما زالت موجوده على هالسرير الابيض قلبي ما زال ينبض عمري كله قدامي بيكلمني اشكرررررررك يااارب ما خيبت ظني فيك اشكرك اشكرك اشكرك
قاطع تفكيره وكلامه وفرحه وسروره
نهال بصوت باااكي:حبيبي تعاال ابغاااك ابغا املي عيني منك قبل ما اموت
خالد وهوا يجري عليها:لاااااااااااااا تقووووووووووولي كدا عسى يومي قبل يومك
نهال:لا حبيبي ما اتحمل انا اشوفك كدا رووق وتعال عندي
خالد يقرب منها ويحط راسه على صدرها:حبيبتي انا معاكي لو ايش يصير انا وياكي والزمن مافي شي يفرقنا مهما كاااان....
نهال تبكي وتشهق من كتر البكا...
نهال:حبيبي لو رحت عود نفسك على عدم وجودي عيش حبيبي سعيد عشان اكون انا سعيده حتى لو انا تحت الترااااب
خالد اتألم وبدت دموعه تنزل:سعادتي معااااكي انا بدونك مالي سعاده ولا حياه
نهال:لاتقووول كدا حبيبي بس انا لو رحـ.....
يقاطعها خالد:لاااااااااااااااا والله لو تقولي هالكلمه مره تانيه انا بقتل نفسي قدامك
نهال:خلاص طيب ولاتزعل عمرك حبيبي....سكتو الاتنين ورجعو لحضن بعض
نهال قطعت السكوت وبعدته عنها شويه ومسكت وجهه بي يدانها الاتنين وقالت وهيا بتبكي وتشهق بين جمله والتانيه:خالد قولي ماما ما ماتت صح خالد صح ماما ما ماتت قولي الدكتوره غلطانه وقالتلي الخبر بلغلط قولي انه.....امي حياتي الي ربتني من يوم ما ابويه مات حيه...قولي انها قاعده بره خايفه عليا قولي ماما الي كانت بتنتظر مولودي يجي لهادي الحياه بفارغ الصبر وهيا خايف عليا.....قولي انها بتستناني بره عشان نروح مع بعض نشتري ملابس البيبي الجديد....خاالد قووولي ان ولدي بخيير قووولي خالد ماما حيه وبتستناني قولي خالد ماما تبغاني اروح في حضنها...قولي اني لو ارحلها دحين الاقيها تستناني وترحب بيا كالعاده... تفتكر لمن اروح عندها وتقعد تحضني كأنها لها سنه ما شافتني...يلا خالد قولي بكره نروح عند امي نتغدى زي كل جمعه وتأكلني بيدها كأني طفله صغييره وتحط ادنها على بطني عشان تسمع صوت النونو كالعاده وتقعد تزعق عليا لمن تشوفني مصفره وضعفانه لأني ما اكلت قولي خالد اميييي تحبني وما مااااتت قولي خالد ماما حييييييه ارجوووووووووك ابوس يدك قولي امي حيه وما تقدر تستغني عني........وانقطع صوتها وانهااارت نهال على الاخر ودخلت في نوبة بكاااء فظيييعه........
وخالد ما قدر يستحمل ما يقدر يقولها كل دا خطئ امك ماااااااتت امك ماااااااتت يا نهال امك تركت هالدنيا امك تحت الترااااااب امك مالها وجود وكل الي تقوليه خطأ في خطأ كيف اقلها كيف احطم قلبها كيف اعرضها للخطر كيييييييييف قولولي ياناس اسعفوووني حاس اني بدوخ ايش الي بيصير لنا ....يااااااااارب زوجتي قلبي وحياتي وانا تعبانين ياااااربي....ساااااااعدناااا
ويقطع عليهم صوت امه ودخولها مع منى.....
ام خالد:نهااااااااااااااااااال فينك يا نهال
ويجي الكل ويشوف نهال قاعده على السرير وشكلها مررره ما يطمن والكل حولينها ويسلمو عليها وخايفين وهيا تبكي وتسألهم فين امي فينها ويحاولو يهدوها ويواسوها
خالد ماقدر يستحمل وطلع من الغرفه ويجري ونفسه يموووت او يصير له اي شي بس اهم حاجه ما يشوف عمره قدامه كدا يبكي ويتقطع....
صدم في الدكتوره وهوا طالع قالتله تبغا تكلمه كلمتين
خالد:نعم اتفضلي
الدكتوره:تدري ان وضع نهال مررره صعب والطفل في حاله خطره واحتمال فقدانه 97%
خالد..........
الدكتوره تابعت كلامها:ولازم نتخلص منه عشان صالح صحة نهال
خالد:لااااااااااااااااااااا ولدي مستحيل اتخلى عنه او اتخلص منه انتي ايش بتقولي اتجننتي
الدكتوره:بس يامستر ما ينفع لا صحة حرمتك ولا ولدها مؤهلين للحاله الي هم فيها ومررره صعب وجود هالطفل وامه في وقت واحد انت تبغاااهاااا تمووووووت نهال في حاله خطره جدا تفهم ايش يعني.....
خالد انبكم لمن سمع كلمة تمووت اخر شي يتوقع تقوله هيا الدكتوره وكيف بي هالطريقه
الدكتوره حست انها غلطت عشنها قالتله دا الكلام وبي دي الطريقه فقالت في نفسها بس لازم يعرف ان حرمته ممكن تموت في اي دقيقه لو ماطلعنا الولد من بطنها دحين وحالاً
خالد وهوا يبكي ودموعه تجري على وجهه:سوي الي تبي اهم شي حياتي وعمري ما تروح من هالحياه....
الدكتوره فرحت لكلامه وراحت تجري تلحق على الحرمه وفتحت الباب ودخلت شااافت منى قاعده جنب نهاال وهيا تهزها
منى:نهااااااااال حبيبتي ردددييييييي عليااااااا نهااااال ققووووومي شوووفي امك جااااات نهااال حبيبتي لا تخلي خالد نهال لا تخليني انا...دكتوره الله يخليكي تعالي شوفي نهال...يلا نهال انا ما اقدر اعيش بدونك نهال قومي يلا ياوحشه حعطيكي داك الروج والشنطه الي تبغيها من زمان ودايماً تضاربيني عليها بس قومي يلااااا ترى والله ما اخليكي تجي معانا السوق نروح انا ورندا لحالنا ونسيبك طفشانه في البيت نهااااااال قووومي يلااااااااا.....
الدكتوره:بعدي يابنتي شويه خليني اشوفها
منى:شوووفيها يادكتووره اللحقيييييي نهاال
ام خالد:بعدي يامنى خلي الدكتوره تشوف شغلها
الدكتوره تجس نبضها وتنصدم وتجري تروح تجيب معاها ممرضتين وياخدوها ويجرو زي المجانين
منى:دكتوره على فين اخدين نهاال دكتوره استني
وتختفي الدكتوره في باب مكتوب عليه ممنوع الدخول غرفة العمليات
وتقعد تنتظر منى وامها عند الباب وهما خايفين على نهال خايفين تموت خايفين يصير فيها شي
منى:ماما انا حاسه انه نهال بتموت
ام خالد وهيا تحضن بنتها:لاتقولي كدا يابنتي حرام عليكي تفاولي عليها ان شاء الله بتصير بخير وترجع احسن من الاول
منى:الله يسمع منك بس عندي شعور غريب والله يخيبه ان شاء الله...
وبعد اكثر من ساعه تطلع لهم الدكتوره ووجها شاحب
الدكتوره :عظم الله اجركم
منى تطيح على الارض وتتسند على الجدار:لاااااااااااااااااااااااااااااااااااااااااا اا نهااااااااااااااااااال
ام خالد:لا حول ولا قوة الا بالله انا لله وانا اليه راجعون....
منى:لااااااا ياماما معقوله نهال راحت راحت نهال راحت الغاليه راحت نهووله الوحشه العنيده راحت نهال الشيطونه الي تعكر عليا نووومي قووومي نهااااال لا ما اصدق نهال حيه انا متاكده يادكتوره اتأكدي مظبوط الله يخليكي حراام عليكي لا تعذبينا
الدكتوره:هدي نفسك يابنتي دا قضاءه الله وقدره وانا ما بيدي شي
منى: مااا اقدر هادي نهااال تفهمي يعني ايش نهال هادي نهال الغاليه الي يحبها خالد الي ما يقدر يعيش بدونها هوا الي خلاني اخطبها له هوا الي عرفني عليها انا الي كنت انقل رسايلهم لبعض انا الي كنت اظبط مواعديهم مع بعض انا الي قربتهم وجوزتهم من بعض
خالد لو دري بيمووت تدري يا دكتوره ايش يعني يموت نهال حياة خالد وخالد حياة نهال ونهال راحت يعني خالد راااااااح لاااااااااااا اخويه حبيبي
الدكتوره تضم منى لصدرها وهيا خايفه عليها:هدي اعصابك يابنتي ولاتقولي هالكلام خلي ايمانك في ربنا كبير
منى:والنعم بالله بس خالد...
وشويه يسمعو الاتنين صوت صرخه تجي من جهة ام خالد:ااااااااااااه
وتطيح ام خالد على الارض......
منى:ماماااااااا......امي قوووومي الله يخليكي شوو فيكي ماما لااااااا ياربي ما ابغا افقد عيلتي كلها بيوم واحد ليه كدا ياربي ليه.....
الدكتوره تجس نبضها:هدي اعصابك يابنتي حرام الي بتقوليه امك مافيها الا الخير بس ارهاق ودوخه قوومي كلمي اخوكي خليه يجينا وينقذنا من هالوضع اخاف تطيحي عليا انتي كمان والله مو ناقصين
منى:طييييييب هاتي تلفون ولا جوال ولا اي شي
الدكتوره:هاك خدي جوالي
منى:بس انا نسيييييت الرقم<<<من الربكه نسيت كل شي
الدكتوره:نعممم ايش بتقولي
منى:لالا خلاص افتكرت بس ان شاء الله يكون صح
منى تدق الارقام بيدين ترتجف....
وفي الجهه التانيه....يدق الجوال عند خالد بس مايرد عليه خالد هوا ماشي بسيارته بسرعه جنونيه في طريق مايدري عنه والدموع في عينه ووجهه وقاعد يقول في باله نهولتي حبيبتي الله يخليك لي يااارب يااارب لاتحرمني من اخر امل لي في هالحياه يارب انا فقدت ناس كتيــر لاتخليني افقد نهال حبيبتي وحياتي وقلبي<<<خالد فقد ولد عمه محمد الي كان اكثر من اخ له من قبل سنتين
وفجئه حصل شي لفت انتباه خالد وقف الجوال عن الدق ما انتبه انه يدق الا لمن فصل<<اعذروه عقله وقلبه مو معاه
شاف الرقم بس ماعرف مين المتصل فقال:ناااس فاضيه الله يلعنكم...فدق الجوال مره تانيه فقام مسك الجوال ورمااااااااه من الطاقه من كتر ماهو معصب
منى:دكتووووره قفل جوااااله الحقيني شو اعمل
الدكتوره:يااااربي وانا ايش الي حطني في هالبلوه
منى رجعت تبكي على امها وحبيبة قلبها وصديقتها نهال وماهي عارفه اييش تسوي اخوها اختفى وخايفه يصير فيه شي تقول في نفسها مو بعيده عن هاليوم المنحوس
خالد حس فجئه ان قلبه انقبض فقاال خليني ارجع المستشفى اشوف ايش صارلهم اخاف نهولتي صار فيها شي ورجع وهوا كله خوف ورجا انها تكون بخير
فاقت بعد فتره ام خالد:منـــى....نهاااااال...خااااالد
منى:ماما ماما حبيبتي انتي بخير فيكي شي ازهم الدكتوره
ام خالد:لا حبيبتي انا بخير بس وين نحنا
منى رجعت تبكي....
ام خالد:شو فيكي يابنتي شو حصل
منى:نسيتي ياماما فقدنا الغاليه وامها وخالد طلع ولا دارين فينه
ام خالد نسيت كل الي صار ودوبها استوعبت الي حصل فبدت تبكي مع منى ودخلو الاتنين في نووبه شديده في البكاء وبدت الدموع والاهات والاحضان ويدخل عليهم خالد وهو شكله يفجع وشكله كان اكبر خمسين سنه فشاف سرير نهال فاضي لانهم كانو بنفس الغرفه الي كانت فيها نهال
خالد:لااااااااااااااااااااااااااااااااااااااااا نهااااااااااااااااااااااااااااااااااال فيييييييييييييييييييييييييييييين منىىىىىىى فيييييييييين نهال قولي لي فينهااااااااا
منى.....لمن شافت اخوها راحت تجري عليه وضمته من الفرحه
منى:الحمدلله انك بخير فيييييينك ادورك من ساعه عشان اقلك......
وقالت بصوت واطي فقدنا الغاليه وبكيت ودفنت راسها في حضن اخوها.......
خالد اظنه ما سمع او سوى نفسه ماسمع وقعد يسأل ويجنن نفسه
خالد وهوا يبعدها عنه:منى حبيبتي لاتمزحي معايا قولي لي فين نهال يلا بسرعه اشتريت لها البسبوسه الي قالت لي انها متوحمه عليها ابغا اعطيها هيا
وزااااااد بكاااا منـــى.....
خالد طاح على الارض وصار على ركبتيه ويطالعها لفوق بعيون كلها رجا وخوووف وتوووسل
خالد:يلااا منوووي حبيبي يلا قوليلي نهاااااااال فييييييييييييييييييين ارجوووووووووووووووووكي
منى ما قدرت تستحمل وطلعت تجري من الغرفه منى اول مره تشوف اخوها كدا اول مره تشوفه ضعيف اول مره تشوف الدمع في عيونه اول مره تسمعه يترجاها ويجلس عند رجلها بدا الشكل
ماااقدرت تستحمل ابداً هالمنظر
وبداخل الغرفه.........
خالد:امي امي حبيبتي نهال فين الله يخليكي<<ما انتبه انها على السرير او انها تعبانه من اصله
ام خالد:حبيبي هدي الله يخليك لاتسوي في نفسك كدا نهال عند الي افضل مني ومنك
خالد:مييييين الي افضل مني ومنك ماما بلاش من الالغاز وقولي لي فينها ابغا اعطيها البسبوسه حقتها الله يخليكي قوليلي
ام خالد تأشر بأصباعها لفوق:عند ربي وربك
خالد دوووبه يشتوعب فعرف انه فقد حبيبته وقلبه وفقد حياته فقد عمره فقد نهااااااااال وفقد معاها عقله........
خالد:لاااااااااااااااااااااااااااااااااااااااااااا اااااااااااااااااااااااااااااااااااااااااااااااااا ااااااااااااااااااااااااااااا
ال(لا)هادي هزت المستشفى بلي فيهااااا....
منى رجعت تجري للغرفه وشافت اخوها طايح على الارض ويبكي زي الاطفال خاافت عليه وراحت ضمته وتسمح على شعره وقعدت تهدأ: فيه خاااااالد حبيبي هدي نفسك ادعيلها بالرحمه
خالد وهوا اُصيب بحاله جنونيه:تدري يعني ايش نهاااااااااال نهااااااااال حياتي كلها نهااااال عمري الي ما اتهنيت فيه نهااااااااال الحياه الي ابد ما اقدر اعيش بدونها نهال قلبي وروحي وكل وجداني نهااااااال الانسانه الي ما قد شفت لها مثيل انسانه كلها حب وحنان وعطف انسانه مليئه بالمشاعر الطيبه انسانه لو تجي علي رشة مويه تخاف وتبكي نهال عمري وجنوني وقلبي ودموعي نهال حياتي حيااااااااتي تدري يعني ايش يعني انا مالي عيش بدونها تفهمي ايش تعني هالكلمه......نهااااااال ارجوووووكي ارجعيلي حبيبتي ما اقدر اعيش بدونك لاااااا يا نهاااااااال لا تسبيني غررررريب في هالدنيا نهال انتي الهوى الي اتنفسه انتي الدم الي يمشي بعروقي انت القلب الي ينبض بجووفي نهاااااال ارجووووووكي ارجعيلي يانهال ارجعي ياحبي ياعطفي يا شوقي ارجعي لييييييييييييييييييييييييه ماقولتولي ليه تخلوها ترحل وانا بعيد عنها ليه ما ودعتني لييييييييييه يانهال ليه تسبيني بي هالطريقه مو اتواعدنا ما نفترق مهما صار ومهما كان السبب نهاااااال فيييييييينك يانهااااااال فينك ياقلب وروح خالد فينك يلي بعدك مالي وجود فييييييييييييييييييييييييييييينك....... خالد صار يسبح في بحور من الدموع والاهات والالم
منى وهيا شويه وتموت من البكا:خلاااااااااااااااااااااااااااااااص خااااااااااااااااالد حرااااااااااااااام عليك لا تعذبنا معاك لاتسوي في نفسك كدا شوف ايش سويت في امي شوف حالها شوفني انا ترى حالنا مو اقل من حالك.....
وخالد الي كان ما يشوف شي خالد فقد الحياه وفقد النظر من بعد ما رحل حبه فقد كل شي في هالدنيا بعد ما راح عمره وحياته نهال كانت الدنيا بنسبى لخالد ما اهتم لكلامها ولا للي قالته.....وكمل احزانه والامه وجريان انهار دموعه....
وامه المسكينه الي انهارت اول مره تشوف ولدها كدا ماعمره كان ضعيف امه الي ربته طول عمرها ماشفته بي هالحال...خالد الي كان لمن ينضرب وهوا صغير ما يبكي..خالد الي ماعمره خاف ولازعل..خالد الي دوم البسمه تملي وجهه..خالد بسمة البيت ونور وحياة هالعالم..خالد الانسان الي الكل يتكلم عن عزته وشموخه وكبريائه وقوته وصبره في هالمواقف تشوفه بي هالشكل مستحيييييييل.......
وفجئـــه تدخل عليهم الدكتوره:مستر خاااالد تعاااااااال بسرررررررعه.......
*&* الجزء الخامس*&*
قام خالد معاها بدون ما يسأل قام يجري وجريت معاه دموعه واماله الي كلها رجا ان كل الي قالوله هوا يكووون غللللط وانهم كذااااااااااااااابين كذاااااااااابين......
الدكتوره تاخده لغرفه كبيره وفيها ناس كثير بس هوا مو منتبه لأحد غير للدكتوره وللي راح ينطلق من فمها...
وببسمه شاحبه على وجه الدكتوره:اسفــه نسيت ابلغكم ان المرحـووومـه تركت لكم ولد عســــووول وزي القمـــر
خالد...................!!!!!!!!!!!!!!!!!!؟؟؟؟؟؟؟؟؟ ؟؟؟؟؟؟؟؟؟؟؟؟
خالد جا معاها على امل انه نهااال حبيبته حييييييه.....بس كلمة (((((((المرحووومه))))))حطمته وحطمت قلبه الي دوبه بنا سور امل لقياها من جديد...امل انه يسمع حرف من لسانها....امل انه ياخدها ويرجع البيت ويده في يدها....وامل انه يقلها بس كلمة احبــــــــــــــــــــــــــــــــــــك.....امل انه يقدر يضمها لصدره للمره الاخيره ويسمع كلماتها المعتاده الي تقوله هيا كل يوم وكل ثانيه......
(((احبــــك حبيبي حتى لو ماني فوق الارض.....
احبـــك حبيبي مدام في جسمي قلــــــب.....
احبـــــــك حبيبي مدام اني انسانه لها روح ودرب....
احبـــــــك حبيبي مدام حروف هالكلمه تنطق من لسان كل محـــــــــب .....
احبك وربي احبك احبك احبببببببببببببببببببببببببببببببببببببببببببببببب بببك ياخااااااااااالد يا اغلـــى انسان بالوجود)))<<<دايما تقول الجمله الاخيييره بصوووووت عاااااالي حتى لو كانوو فين.....
خالد اتحطم بقووه وطااااااااااااااااااااااااااااااااح على الارض..........................
.................................................. ......................
في وقــــــــــــــــــــــــــت لاحــــــــــــــق وبغرفة العنايه المركزه
يفتح خالد عيوووونه.......
خالد:نهااااااااااااااااااااااااااااااااااااااااااا ااااااااااااااااااااااااال
منى تجري عليه وهيا تبكي:خاااااااااالد حبيبي انتا طيب فيك شي ازهملك الدكتور
خالد:فين نهااااال يامنى نهاااال فييينهااااا
منى بكيت وماعرفت ايش تقوله خافت لو قالتله يغمى عليه مره تانيه....
خالد قام وعدل جلسته والدموع في عينه وقال:يعني خلاااااص اكييد راااحت الغاااليه راااحت راااااااحت آآآآآآآآه يالغاليه آآآآآآآآآآآآآآآآآآآآآآآآآآآآآآآه.....
ويبكي ويضم رجليه بيده ويحط راسه بينهم ويقعد يبكي زي الاطفال.......
منى وهيا بتمسح على شعره :خالد حرام الي بتسويه انت رجال كبير ومؤمن وتعرف قضاء الله وقدره ودا حكمه مايسير تعترض بي هالشكل كلنا متأثرين وانا زيك بس مهما كان الانسان لازم يكون عنده صبر وقوة ايمان عشان يستمر في هالحياه
خالد:اطلعييييييييييييي بررررررررررره يامنى ما ابغاااااااااااااا اشووووف احد انتي فاهمه اطلعي برررره
منى:بس ياخــ...
يقاطعها خالد:قلتلك اطلعي بررررررره ماتفهمي انلقلعي من قدااااامي يالله آآآآآآآآآآآه.. ويتجهش صوته بالبكا وشويه ويموووت نفسه من كتر البكا......
منى ما قدرت تتصور اخوها الي يحبها يكلمها بي هالطريقه صحيح انه متأثر وما يقدر على فراق نهال بس مو بي هالطريقه ولا بي هالشكل يعمل في نفسه كدا او حتى يعاملها كدا....طلعت منى من الغرفه تبكي وراحت تجري لغرفة امها الي كانت نايمه فيها لان سكرها انخفط مره فأطرو يخلووهااا شووي الين ماتتحسن...
وتفتح الباب وتجري على حضن امها.....
منى وهيا بتموووت من البكااااا:الحقي ياماما خلااااص خالد راح عقله...اتجنن....خالد ياماما خالد رااااح ضاااع خالد رااااح بعد ما راحت نهااال....الحقي خالد ياماما خالد ضاع مننا ياماما الحقيه سووي له اي شي بس ما يضيع خالد ما يروح...آآآه فييييييييييينك يانهااااااال تعااالي شوووفي حالنا بعدك فيييييينك يانهاااااال آآآآآآآآآه ياماما آآآآآآآه
ام خالد.......الي ماقدرت تقول ولا كلمه هيا الوحيده الي محد حاس فيها
هيا الوحيده الي بتتألم بصمت نهال كانت زي بنتها ووحده منهم وكانت تعزها كثير وماتقدر على فراقها يوم....كانت مثال للبنت الحنونه والبنت المؤدبه والحبوبه كانت نهال عطر البيت الي محد يستغني عنه هيا الي كانت ترعا ام خالد وتدور عليها وتعطيها ادويتها وماتنام الا لمن تنزل من بيتها وتبوس راسها وتسلم عليها قبل ماتنام وهيا الي كل يوم صبح لازم تصبح عليها وتساعدها في الفطور....نهال كانت ركن من اركان البيت وركن من اركان قلب ام خالد وولدها.....وام نهال كمان كانت صديقة ام خالد انسانه لها معزززه كبيييييييييييييره جدا عند ام خالد كانو الاتنين من افضل واقرب الصديقات كانو ما يتفارقو عن بعض ودايم يسألو عن بعض....ووو بعد كل دا خااالد ولدها ضناها ولدها الكبير الي تحبه وتموووت فيه شافته بشكل ماعمرها اتوقعت تشوف به انسان شافت ولدها قدامها يتقطع ويموووت ويتألممم وهيا ماهي قادره تسويله شي....شافت الكل منهااار الا هيا ماقدرت تنهااار انهاااااارت من الداخل بكيت واتألمت من الخارج بس هيا في الاصل انقضا عليهاااااا من كثر الالم والحزن وقعدت قويه وثابته من الخارج لكنها من الداخل مهزوزه وضعيفه تحتاج لحضن ترمي نفسها فيه وتبكي وتحزن زي الاطفال زيها زيهم.....
ام خالد:خلاااااااااااص يابنتي حرام عليكي شو عملتلك كدا ارحميني ليه بتقوليلي هالكلام
منى...؟؟؟!!! منى ما فهمت الي بتقولها هوا امها هيا ايش سوت فيها ما سوت لها شي
ام خالد:مو لاني ساكته ومتحمله يعني ماعندي احساس والله يامنى البي بيتقطع من كلامك ومن كلام غيرك بس نفسي وذاتي ماتسمحلي اسوي متلكم لاتحسبي يامنى اني كبيره وعجوزه يعني اني ماعندي احساس ولا اتألم ولا اشعر بالعكس انا اشعر واتألم ضعف ما انتي وخالد والي بالكون كله تشعرو وتحسووو انا اتألم إكتيــر فقدت صديقه غاليه وبنت حنونه وولد بااار شو تبيني اعمل اكتر من هيك واسيتك إكتيــر بس انتي بتزيدي ألمي بكلامك دا الله يخليك ارحميني...وبكيت ام خالد
صعقت منى معقوله كل هالكلام يطلع من امها فقالت في نفسها
مسكينه يا امي والله من جد ظلمتك معايا تناسيت وجودك وجود قلبك وكيانك انتي ام لها قلب قبل ماتكوني انسانه تضمني بحنانها ورعايتها انتي انسانه شعورك مرهف وحساسه اذكر انك تزعلي وتبكي لمن كنت اتعور جرح بسيط وتزعلي عمرك عشان بس جرح بسيط اجل دحين كيف حالك وناسك واهلك ضايعين آآآآآه يا امي والله ما اقصد كان كل همي افرغ حزني والمي وافكاري على اي انسان القاه وكنتي انتي الوحيده الي قدااامه آآآآآه يا غاااليه آآآآآآه......
منى وهيا تحضن امها وتبوس راسها:اسفه يا ماما والله اسفه ماكنت اقصد بس انتي الي بقيلي في هالحياه انتي الصدر الحنون الي ادور عليه من بين كل الناس انتي الي مالي غيرك انتي الوحيده الي تقويني واستمد القوه منك انتي امي انتي اغلى انسانه عندي ارجووك اعذريني
ام خالد تسمع دموعها وتقول:خلاص يابنتي انسي كل هالكلام ويلا قومي انتي نسيتي شي مهم وانا كمان نسيته
منى:شووو
ام خالد:ولد خالد الي جا ولا أحد يدري عنه ولا حتى سألنا عن صحته قومي خلنا نروح نشوفه
منى:اي والله صح نسيييت آآآآه يا خالد نسيتني كل شي بسبك الله يعينك يا اخويه بس ليه يامام ما فرح لمن سمع الخبر ولا بان على وجه اي شعور بالفرح او الاهتمام
ام خالد:والله مدري يابنتي دحين قوومي يلااا ساعديني اوقف مافيني قووه
منى:يلا تعالي معي
وتحط يد امها على كتفها ويروحو عشان يشوفو المولود الي تركته نهال في هالحياه تركته وحيد بلا ام ويمكن بلا اب ويمكن بلا سعاااده ولا قلب تركته ورااااااااحت......
منى:شووووفيي ياماما كيف شكله والله يجنن
ام خالد:اي والله بيعقد هالصغنون بيشبه الغاليه
منى:ايه والله بس مرررره لزوز يااارب يحفظه ويخليه لخالد
ام خالد زعلت وحزنت لمن سمعت اسم خالد مدري ليه حاسه انه خالد ما بيرجع الأولي وان حياتهم بتتغير...بتتحطم...بتتحول...وخالد الي تعرفه ويعرفه الكل بيرووووووووووووح....
الدكتوره اتفضلي يا ام خالد شووفيه من جوا ادخلي معايا
ام خالد:طيب
وتدخل ام خالد مع الدكتوره للغرفه وتشيل النونو ومنى تقعد برا تشوفهم من القزاز
امجد: منــــىىى
منى:هلا امجد تعال شووف هالقمر...
امجد جا بسرعه لمن سمع الخبر من رندا وكان مررره حزييين وزعلاااان على اخووه والي بيصير فيه فجا بسرعة البررررق وهوا مايدري انه خالد جاه ولد.....
امجد:مين دا
منى:يؤ شو مابتعرف هايدا ولد خالد
امجد:من جد محد قلي ان نهال ولدت قبل ماتموت
منى بدت ملامح الحزن على وجهها ووطت راسها لمن سمعة تموت وقالت:ولا احنا عرفنا الا لمن خالد جا والدكتوره بلغته
امجد:وطييب فين خالد دحين
منى.....:في العنايه المركزه
امجد انفجع:ليييييييييييه شووووووو فيييييييييه
منى:ولا شي بس زاد ضغطه ومدري شو صارله وداخ واغمي عليه ودخلوه العنايه المركزه بس دحين صحته احسن الحمدلله روووح شوفه الله يخليك تراه مررررره تعباااااااان وخايفه يصير فيه شي تدري مو بعيده عن هاليوم النحس
امجد وهوا بيطالع على النونو:بس الفرح الوحيد الي في هاليوم هوا هالقمــــر<<يأشر عليه
منى تبتسم لانه فعلاً قمر ومره شكله حلووو...
امجد يلااا انا بروح اشوف خالد وانتي ارجعي البيت مع امي شوفي السواق جبته معايا تحت..
منى:لا انا ما بدي اروح بدي اقعد مع خالد
امجد:منىىىىىى اسمعي الكلام وامشي ماتشوفي امي كيف شكلها تعبانه امشي روحي البيت هلاء وارتاحو وتعالو بكره ماتشوفي الساعه دحين كم بيأذن الفجر وانتو هنا يلا روحو وبعدين رندا لحالها في البيت كمان...
منى:طيب اوكي بس انت دحين روح لخالد اهم شي
خالد:طيب وخدي جوالك جبتلك هوا قلت يمكن احتاج اكلمكم ولا حاجه ومو حضرتك ناسيته في البيت
منى وهيا بتاخده:طيب شكرا وايوه مو عشان خالد كان يكلم فيه وانا نسيته على الطاوله
خالد:طيب مو مهم يلا بااي
منى:باي
تاخد منى الجوال منه وتشووف فيه مكالمات لم يرد عليها كتيــر وتنصدم لمن تشوف بينها كذا مكالمه ورساله من اسم((مراهقه)) عصببببت مررررره كيف يتجرئ و يتصل عليها ويرسلها كمان...يبغا يكرر الي سواه زمان والله لأوريه شغله هالوقح...وهيااااا بتفكر وتتوعد ومقهوره تلاقي الجوال يدق ترفع السماعه بسرعه وبعصبيه.....
منى:نعمممممم
مازن:سلام عليكم
منى:خييرررر مين معي
مازن:اممم انا واحد ماتعرفيه بسس...
تقاطعه منى:انت واحد قليل الادب وماعندك ذرة دم وياويلك تتصل مره تانيه انت فاهم
مازن:بس انا يامنـ....
منى:قلتلك قليل ادب كمان تبغا تنطق اسمي وتكلمني هيا شوف يلي ماعندك ذرة اخلاق والله لو تتصل مره تانيه لأقول لاختك وابهدلك يا وقح ....وتقفل السماعه في وجهه وهيا ترتجف والشرر طاير من عيونها وتقول من جد ناس قليلة ادب.....
مازن اتحطمممممممممممممم بقوووووووه ليه عاملته كدا وليه قالت كل هالكلام هوا ما سوا لها شي ومالحق يقول لها حرف واحد بس........
مازن في نفسه لييييييييييييه كدا يامنى لييييييه تحطميني من قبل ما انبني ليه تعامليني بي هالطريق والله قصدي شرريف وبريئ لييييييييييه يامنى لييييييييييييييييه خساارة حبي فيكي واخلاصي لك كل هالسنين...اول ماشفتك دخلتي قلبي ومارضيتي تخرجي منه حاربت الكل عشانك قطعت جميع انواع البنات عشانك انتي بس كنتي حبي العذري والاول والاخير ضعتي مني مره وبعدين لمن الاقيكي مره تانيه تسوي فيني كدا والله حرااااااااااااااااااااام.....وحس نفسه مخنووووق ونفسه يبكي بس غروره ما سمح له يبكي عشان وحده عاملته بي هالطريقه......
منى وهيا في السياره مع امها قعدت تحوس بأفكارها وتقول في نفسها...ليه قلتله كدا والله حرام ما سوا شي...يمكن رهف قالتله يقولي شي...لالا شو تقوله هيا عندها جوال وتقدر تكلمني...بس معقوله حفظ رقمي عنده...يووووووه اخاف اكون زعلته اكثر من اللزوم والله ما اقصد بس هادي والله مو ظروف يقدر يتصل فيها......افففففففف خلاص تعبت من التفكييير خليه يولي الي سوته هوا الصح والي مو عاجبه يدق راسه في الجدر...حست في راحه لانها خلصت ضميرها من هم كبير وكملت طريقها وهيا تتسأل عن مصيرها ومصير اخوها ومصير عيلتها من بعد اليووووم........
وبعد اكثر من شهرين....
ام خالد:منـــى يلا يابنتي قومي اكلي محمد<<<<<ولد خالد
منى:ماما ما اقدر ابغا اروح اذاكر الاختبار بعد يومين نسيتي الاختبارات النهائيه ما اقدر اسوي شي والله انا من اليوم الى مدة اكثر من اسبوعين اانا نت هييرررر اعتبرووني مسافره ماني موجوده مت ماني حيه اي شي اوكي يلااااااااا انا طالعه غرفتي لحد يزعجني..باااااااااااي
ام خالد:الله يوفقك يابنتي خلاص انا بأكله....
ومنى وهيا طالعه الدرج تشوف في جوالها
رهوووفه
يتصل بك
تبتسم منى:هلاااا والله بحيبية قلبي هلاااا وغلااا
رهف:ياوحشه فيييييينك عني كدا ماتستحي اربعه ايام ماتكلميني<<<المدرسه اعطتهم اسبوع اجازه عشان يذاكرو واربعه ايام بنبسى لصديقتين زي منى ورهف كتيييييير
منى:والله ياحبيبتي الناس يقولو السلام عليكم او كيف حالكم او هاي ولا حتى الاحباب يقولو وحشتيني ولا احبك ولا شي زي كدا ههههههههههههه مو كدا خبط لزق زيك وحشه ومدري شووو
رهف:ههههههههههههههههه خلاص ولاتزعلي والله انك وحشتيني اسمعي انا جيتك اليوم
منى:لا والله عزيمه مدفوعة التكاليف عشان تقولي كدا قولي ممكن ياحلوه طيب
رهف انقهرت منها:خلاص بطلت ماني جيتكم
منى:ياهبله لاتسوي غباء تدري اني امزح يلا الساعه كم بتجي
رهف:لا خلاص ماني جيه<<<تدلع تباها تراضيها
منى فاهمه رهف مظبووط.....
منى:طيب براحتك ما ابغا اغصبك انتي حره
رهف:ادري فيكي قليلة ادب وماتستحي على وجهك ماتصدقي تجيكي من ربنا لا ياحبيبتي جيه جيه ابغا اراجع معاكي الفيزيا وجع مررره صعبه وماني فاهمه شي منها<<<كدااابه هيا جيه عشان شي تاني...اكيد عرفتو ايش...جيه عشان ماجد قلها انه بيجي اليوم عند خالد فحبت تجي تشوفه لها اكثر من شهرين ما شافته...
منى:خلاص طيب تعالي وقت ماتبي انا دحين ابغا اخد لي شاور تبي شي
رهف:اوووفف طيب خلاص روحي الله معاكي
