• أعضاء ملتقى الشعراء الذين لا يمكنهم تسجيل الدخول او لا يمكنهم تذكر كلمة المرور الخاصة بهم يمكنهم التواصل معنا من خلال خاصية اتصل بنا الموجودة في أسفل الملتقى، وتقديم ما يثبت لاستعادة كلمة المرور.

يومياتكم .......... هنا!!

رد: يومياتكم .......... هنا!!

قعدت الساعة 5 لصبح

دخلت الحمام غسلت وتسبحت ورحت البس وبعدين صليت و تريقت لانه فاطره باجر بصوم وبعدين برزت قعدت اطالع المسلسل وكملت الساعة 6 رحت مشي المدرسة هربت عن الباص ووصلت المدرسة الساعة 6 و عشر ودخلت الصف بكف من رفيجتي ودرست الحصص وصار في المدرسة برجة من صياحي على معلمة الرياضيات وبعيد رديت البيت و بدلت وغسلت يدي وبعدين تغذيت وراجعت اختي ورحت الساعة 3 ادرس رديت من الدراسة الساعة5 بالضبط وبعدين رحت بيت العاشقة وبعدين اذن ورديت البيت تفطرت واني فاطرة ههه وبعدين طالعت مسلسلات وبعدين قمت اصلي وبعدين رحت اشتري الى اخوي دفاتر من بيت جيرانة وبعدين جيت اليكم

هدرتي ما تخلص لو تخلوني من اليوم الي عقب باجر بعد اواصل في الكتابة
 
رد: يومياتكم .......... هنا!!

السلام

أني توني قاعدة من النوم فماصار ليي شي

بكتب مال أمس


قعدت الساعة 9 تقريبا وطلعت أشوف إذا امي تبي شي ولا لا

بعدين قعدت عند التلفزيون للأذان .

العصر اتصلت في وحدة من اللي ويايي في الجامعة لأن كان عندنا عيدميلاد

وحدة من البنات وواحد من الشباب بس كانت مفاجاة لهم واتفقت وياها على

التفاصيل ..

بعد الفطور قمت وبدلت وجهزت الكيك واتأخرت شوي في الطلعة وخفت ان البنية

تروح الصف قبلي وتخترب المفاجأة .. اتصلت فيها وقلت ليها أبيش في الكفيتيريا

ضروري قبل لا تروحين الصف وقلت ليها ان أني يمكن أتأخر شوي .

ورحت الجامعة وطول الطريق هي تتصل فيني تبي تمشي وتروح الصف لأنها تمللت

ووصلت الجامعة وكنت أبي احد يشيل ويايي الكيك لأني ماأقدر أشيل الكيك والكتب بروحي

رحت السكشن وكان في وحدة من البنات وجم واحد من الصبيان وكلهم يسألوني

عن الكيك قلت ليهم ماجبته .. استجنو عليي قلت ليهم أني ماجبته الصف بس هو في

السيارة خخخخخ .. نزلت ويايي وحدة علشان نجيبه وحنا طالعين من مبنى الطلبة

دخلت وحدة من صديقاتي قلت ليها تعالي ويانا علشان هم يشيلون الكيك وأني أروح الكفيتيريا

بسرعة علشان اللي هناك مايتمللون ويروحون الصف .. واحنا طالعين من البوابة كان

واحد من الشباب داخل على طول قام يصرخ ماجبتين الكيك ؟؟ خخخخخخ قلت ليه تبيه تعال اخذه

هههههههه ارتاحت أعصابه وقال جان قتلتكم كلكم ..

جو السيارة اخذوه وأني رحت الكفيتيريا ولا مافيها الا صديقتي والصبي الثاني اللي عيد ميلاده

وصديقه لأنه متفقين وياه قبل انه يوديه الكفيتيريا وبعدين إذا كمل كل شي فوق يتصلون لينا

ونوديهم .. وتمللنا من القعدة ومن التلفزيون اللي مافيه برنامج عدل ولا مسلسل نفس الناس

اتصلت في البنات اللي فوق قالو ان الدكتور قال أول بيعطينا درس بعدين بيسوون الحفلة

وقلت ليهم يقومون الصف ورحنا الصف وكان الوضع جدا عادي علشان مايشكون في

الموضوع لأن أغراض الحفلة وديناها الصف الثاني .. وخلال الحصة وحدة من البنات

طلعت وقالت ليي تعالي أبيش شوي وطلعت وكان في صبي من السكشن موصل حده

سألته وش صاير قال انه ماراح يكون ويانا في الكورس الجاي لانه بعيد الصف مع انه

درجاته واجد اوكي .. وتضايقنا من اللي صار وقال لا تحطون في بالكم علشان حفلة

سارة وحسن .. وقعد يسأل شلون بتجيبونهم الصف ووش بتسوون قلت ليه بنقول للدكتور

يقول ان فيه بريك و انت اخذ حسن وأني باخذ سارة وبنروح الكفيتيريا وبعدين يتصلون فينا

بعدين اكتشفنا ان مافي صحون للكيك خخخخخ قلت ليهم جيبون شنطتي من داخل بروح البرادة

اللي عند الجامعة قال واحد من الشباب وش تبون ؟؟ انا بروح البرادة .. وراح

والدكتور قال بريك ونزلنا اني وسارة وحسن وصديقه ورحنا الكفيتيريا وبعد شوي دخل واحد

منهم وقال قومو الدكتور يبيكم وبالذات سارة وحسن مادري وش مسوين .. سارة بغت

تموت من الخوف خخخخ بروحها جبانة سوي وتصيح وقالت أني ماسويت شي قال حسن

تعالي وبنشوف وش صاير واحنا راكبين على الدرج ولا واحد من الشباب واقف وقال

الكتور يبي سارة وحسن خلهم يدخلون أول بعدين احنا حسن كان قدام وسارة وراه فتح

الباب ولا الكل يقعد يصرخ : سربرايز .. ولا يقول الصف مو صفنا ياجماعة هههههه

قال سارة شنو ذي ؟؟ قلت ليها عيد ميلاد .. قال حسن لو يدري ابوي ان مسوين لي عيد

ميلاد جان ذبحني خخخخخ .. واستانسنا ويا بعض لانه كان أخر يوم وكمل الكورس وسلمنا

على بعض واخنا ايميلات وأرقا بعض وطبعا كان الصياح شي رئيسي في القعدة خخخخخ

ورجعنا البيت واتصلو فيني يشكروني على الكيك وعلى الحفلة لان اني كنت صاحبة

الفكرة واني اللي اعددت ليها خخخخخ وكانت حفلة حليوة حدها وقالو ليي بيون صورهم

علشان طرشها ليهم على الإيميل وبعدين بطرشهم ليهم


أدري واجد هدرت بس ماعليه خخخخ

باااااي
 
رد: يومياتكم .......... هنا!!

ســـلام عليكم


يا ليتنا كنا معكم خيتو المجرمه


مثل العاده قعدت الصبح غسلت وغيره ورحت أدور من شركة الى شركة عن شغل

أفلت أوراق وصور زايدين عندي خخخخ
وبعدها رجعت البيت صليت ونمت وما قعدت ألا ويا الاذان صليت وتفطرت وقعدت ويا البيت أشوي وبعدها طلعت ويا الشباب نشتري أثياب وكان أقتراحنا انروح سوق المنامه لأنه من زمان ما رحنا المهم رحنا المنامه ساعه على ما حصلنا بارك وفوق هاذا ما حصلنه شي يعجب الشباب ذوقهم واجد رفيع طلعين عليي وخلص اليوم
رجعت البيت وكاني قاعد وياكم

تحياتي أسير الأحساس
 
يجب تسجيل الدخول أو التسجيل كي تتمكن من الرد هنا.
عودة
أعلى