• أعضاء ملتقى الشعراء الذين لا يمكنهم تسجيل الدخول او لا يمكنهم تذكر كلمة المرور الخاصة بهم يمكنهم التواصل معنا من خلال خاصية اتصل بنا الموجودة في أسفل الملتقى، وتقديم ما يثبت لاستعادة كلمة المرور.

يوميات طالب وطالبة ملتقى الشعراء؟؟!

رد: يوميات طالب وطالبة ملتقى الشعراء؟؟!

اي والله صدقتي أميرة

على الأقل الحصص أهون من أيام المراجعة

بالتوفيق للجميع:)
 
رد: يوميات طالب وطالبة ملتقى الشعراء؟؟!

بنفتقدش أميرة اهني

بس عااد هاا مو تتعلين علينا ،، تعالي علمينا شصار في الجامعة

...............


اليوم نص الحصص مملة
اللي يبتلي بفرشتة وزهرة وسكينة وش يسوي غير يوكل أمره لله
 
رد: يوميات طالب وطالبة ملتقى الشعراء؟؟!

الويم اكره يوم لأنه علينه اقتصاد اسريه

اول حصة علينا عربي
ثاني حصة فن
ثالث حصة e
رابع حصة اسريه خذتنا معلمة الرياضيات لانه تبي تكلمنه لانه ما نبي معلمة غيرها

واني قمت اصيح اصيح اصيح حتى جاني زكام من الصياح

وبعدين طلعنه فسحة ورجعو معلمة الرياضيات الي نبيها

وبعدين دخلنا الصف و علينا حصة رياضيات اموت في الرياضيات

ويعدين علينا علوم

ويعدين علينا فن

في حصة الفن يات لي العاشقة وقمنا نسولف

لين ما دق الجرس شلنا اغراضنا

ورحنة الباص في الباص سيد زحمة تمينا 20 دقيقة في السيد

وبعدين جيت البيت تغذيت لانه باجر بصوم مو اليوم

وبعدين رحت اراجع اختي الى الساعة 3

ورحت ادرس

وبعدين جيت رحت بيت العاشقة

ويعدين تفطرنا>>>>>>>قعدت اتفطر واني مو صايمة

وبعدين طالعت مسلسلات في قناة سكوب سنتر

وبعدين جيت ليكم

والى القاء
ادري المفروض اكتب بس يومياتي في المدرسة بس احب الهدرة الزايدة والكتابة الزايدة شسوي خخخخخخخخ
 
رد: يوميات طالب وطالبة ملتقى الشعراء؟؟!

اليوم بل .. الجدول حده مأساة .. باجر أهون ..

كانت الحصة الاولى حيا الايض والاتزان .. يتني النومة .. بس الحمدالله ما نمت .. كان فيه تصحصح شوي .. الثانية دين .. دين 201 واحد (الزواج) البنات كلهم يشاركون .. والحصة عجيبة .. ( مولله ) خخخ .. والثالثة كيم 111 .. ماشي حاله الدرس زين .. طلعنا الفسحة .. وكان ملل وايد .. بعد صايمين ..بس نمشي .. .. والرابعة كان رشد .. قعدت أحل فيز الميكانيكا لأنه علينا اختبار باجر .. والخامسة كان علينا فيز الموجات .. صحصحت شوي ويا الفيز الدرس لأانه شوي حلو .. بعدين الفسحة الثانية .. رحت أدور .. ورجعت كان علينا انج .. ماعندنا كتب .. طبعت لنا المعلمة الصفحة مالت الدرس الاول .. ويت عن تشرح .. شوي شاركت .. مع إني لايعة جبدي من الحصة .. وأخيراً طق الجرس .. وطافت الحصة على خير .. والسابعة درس العرب كان يونس .. ماشي حاله ..زين .. يعني صحصحنا شوي .. وتالي كملنا لانه كان درس نحو .. وقعدت المعلمة ع الكرسي 1 وربع .. وسولفنا شوي .. وطق الجرس .. ومشينا .. وركبنا الباص ..وطقينا السوالف .. وبعدين وصلنا البيت ..

:p
 
رد: يوميات طالب وطالبة ملتقى الشعراء؟؟!

اليوم حدة تحفة ويا الإمتحان


دخلت متأخرة وكان الإمتحان صعب

طلع الدكتور وجاب لينا واحد يراقبنا يازعم

ماسوينا سوايا صار الغش على اصول ودخل الدكتور

وأحنا كل واحد واقف على راس الثاني ينقل وأني بنفجر من

الضحك على الدكتور .. وكملت الأمتحان وطلعت ورجعت البيت

ولا حضرت باقي المحاضرة خخخخخخخ >> عادي صار ليي جم

يوم على هالحالة أو أغيب أو أروح الكفيتيريا ولا أحضر المحاضرة

خخخخخخخ

اسبوع الجاي يكمل الكورس ونفتك افففففف


تحياتي
 
رد: يوميات طالب وطالبة ملتقى الشعراء؟؟!

يوم الخميس يعني كان زين .. ماشي حاله أحسن بوايد من امس ..

بعد قعدت متأخرة 6 ونص .. هذا أحلى شي في رمضان ايام المدرسة .. الدوام من 8 الا ربع الى 1 وعشر ..

رحت المدرسة .. وجذي لازم من اصبح اروح للشلة ونقعد نسولف .. بعدين طق الجرس .. وركبت فوق يعني الطابق الثاني في المبنى العلمي .. صفنا يعني .. ويت معلمة الاجا .. وشرحت .. وخلصت .. وبعدين يت لنا معلمة احتياط لأنه كان علينا مصادر .. وجذي قعدوا البنات يسوون روحهم شطار يراجعون الفيز .. فروا مخي ولا عشر مرات يحلون مسألة .. وخلصت الحصة .. وبعدين يت معلمة العرب كان علينا تعبير .. وأني قايلة للبنات قبل لاتيي المعلمة .. لايكون بعطونا عن رمضان كأنه يهال .. مال الاول .. التعبير اللي عن رمضان .. وماطالعنا الاوراق الهو عن رمضان .. والثاني عن المجد مادري ويش .. وقمت قلت يا الله بكتب الثاني وايد احسن .. وقعدت أشلخ شوي .. وطق جرس الفسحة .. ورحت اتفسح خخخ .. مامدانا نمشي الا طق الجرس .. وبعدين الحصة الرابعة الفيز .. حلت ويانا المسائل وبعدين عطتنا التطبيق .. وتخربطت في الوحدات يعني صار عندي خطأ وطلع لي جواب غير .. لا وخلصت الحصة كله على التطبيق واخذت حصة من حصص الاثرائي كاملة وقعدت تشرح .. وبعدين الفسحة الثانية .. وتالي رحنا معمل الحاسوب مادري شسمونه هذا يعني الاثرائي اللي علي .. تقن .. بل .. قعدت احسب الدقائق .. تملل الحصة .. والمعلمة تييب النومة .. والحمدالله يت الحصة السابعة .. والكيم .. شوي كان حليو .. يعني أحلى من الحصص اللي طافت .. وخلصنا حصة الكيم ورجعنا البيت .. وخلاص ..

:)
 
رد: يوميات طالب وطالبة ملتقى الشعراء؟؟!

طبعا كالعادة دخلت الصف الصبح مامداني أحط شنطتي الا المعلمة ورايي

الحصة الأولى : كان عندنا حيا الاصفر وطبعا فرشته وهي تشرح ماليها حل ،، وطبعا طول ماهي تشرح اني ياما أضحك عليها أو سرحانة وفي عالم ثاني

الحصة الثانية : كان بعد عندنا حيا بس الاسود عااد ،، اليوم مادري شفيها داخلة معصبة احنا جذي ومانستحمل صوتها الصواية المزعج ومو بعد وهي تصارخ ،، مابنخلص المنهج الا وصايدنا صمخ منها ... وطبعا من الشطارة اليوم كنت بس اني محظرة والبنات الحلوات استحمقوا عليي ..

الحصة الثالثة : كنا نفكر عندنا عربي وماشفنا الا معلمة الكيم داخلة الكل انصدم لانه كان عندنا اختبار والمفروض الحصة تكون الخامسة لكن عطونا الاختبار ومضى على خير

الفسحة الاولى : قعدنا في الصف نسولف وماطلعنا

الحصة الرابعة: كان عندنا عربي وتأخرت شوي وقالت اليي مشرفة القسم اروح انادي عليها .. وشرحت الينا درس سهل وحليو ومايجيب النومة ... بس بصراحة هالايام افتقد الجندي كالاسد في شجاعته

الحصة الخامسة : فيز وماادراك مافيز كنت قاعدة زي الاطرش في الزفة ومو قادرة افهم شيء وسرابوو متفلسفة الينا على جم هالمسألة اللي تعرفهم .. وقبل مانطلع طبعا رحنا نصبغ فيها بجم كلمة

الفسحة الثانية : رحنا نبدل كتاب الحيا مال دريمر وطبعا عطولنا على مايعطونا هالمفتاح كل وحدة تتفلسف من صوب .. والله حالة

السادسة والسابعة : كانت مراكز ابداع يعني مااستمتع فيها وااجد


وسلامتكم
 
رد: يوميات طالب وطالبة ملتقى الشعراء؟؟!

طبعا رحت المدرسة

واني بدخل المبنى شافتني وحدة من بنات صف الخامس توها رادة من مصر
لانه امها من مصر انزين قامت تخربط علي وظهري انكسر من الشنطة
ورحت الصف قعدت افكر افكر وبعدين ظق الجرس
ورحنا الطابور واني ميتة من الضحك على العاشقة
وبعدين رحنا الصف
وييييييييييييع علينا اول حصة اجتماعيات لاعت جبدنا
وعقب رياضيات ماشي الحال
وبعدين تقانة حصتين تعلفت بالمعلمة هههههههههههه عجيب حصة التقانة
وبعدين فسحة طلعنا في الساحة قمنا نتمشة اني والعاشقة
وبعدين طق الجرس
ودخلنا الصف وكان عليي عربي امتحان مسحي عن صف الخامس
وبعدين كان علينا e لاعت جبدي واني والعاشقة متفقعين عليها من الضحك على المدرسة
وبعدين اخر حصة علينا عربي نكمل الامتحان بس اخر حصة علينا تعبير 3 مواضيع تكسرت ايدنا ههههههههه

هدرتي كملت والى اللقاء
 
رد: يوميات طالب وطالبة ملتقى الشعراء؟؟!

يومي الدراسي

يا زعم ابدي اول محاضرة الساعة 9 ومنها الي 2
واني طالعة من سكشن وداخلة بالثاني
تقولون قاعدة اناصف اعظم
بس احلى محاضرة فيهم الاولى المقرر سياسة بسياسة
والدكتور جلف يعني ضرب بالصميم
 
رد: يوميات طالب وطالبة ملتقى الشعراء؟؟!

يوومي
بدايه نووووووووووووووووووم
اول مره احس جذي اني ابغي انااااااام عددل
اليوم كله نايمه
ما ادري شلون حليت الاختبار خخ
اما في حصه العربي نكته خخخخ
احلى شي اخر حصتين
عنه نشاط اول حصه كاان هيامه ودواره مغامرت خخخ
اما الثاانية اني نمت فيهاااا اول مره اناام في الصف نمت صج نومه ولا حسيت بشي
لوو مو مداد ويه صديقتي قعدوني الى الجرس جاان ولا ادري بشي خخخ

هذاا يوومي نوم نوم نوم
 
رد: يوميات طالب وطالبة ملتقى الشعراء؟؟!

اليوم رحت المدرسة
ويوم دق الجرس
رحت الصف وبعدين رحنا مختبر الكمبيوتر
الحصة الاولى والثانية وبعدين رحنا الــe وع ملل
وبعدين علوم زينة الحصة كلا ضحك مع المعلمة
وبعدين رحنا فسحة تمشينا
دق الجرس رحنا الصف كان علينا رياضيات ويييييييع لاعت جبدي من المعلمة كلا تقول لي يالعيارة تقول لي انتي شاطرة وتقولين ما تعرفين
وبعدين كان علينا عربي بس المعلمة غايبة
وبعدين يت لنا معلمة احتياط وقلت لها بروح اييب اكتابي الدين من رفيجتي لانه صار تغيير في الحصص ورحت الى رفيجتي وقالو لنا انه معلمة الدين غايبة
ورحت الصف وقلت الى بنات صفي:عندي لكم خبر خوشي
قالو شنو لقت لهم معلمة الدين غايبة علينا الحصة السابعة فراغ وقمنا نصارخ وماري شنو ومستانسين
كملت الحصة السادسة قمنا نسوي اجتماع انا وبعض البنات في مكتبة الصف هههه

وبعدين دق جرس الفسحة ورحت الباص وييت البيت

وكمل يومي الدراسي
 
رد: يوميات طالب وطالبة ملتقى الشعراء؟؟!

أوو من زمان مادشيت هنيه ..

إنشاء الله عن قريب .. بكتب لكم اليوميات ..

:p
 
رد: يوميات طالب وطالبة ملتقى الشعراء؟؟!

اففففففففف


ملل بدون جامعة متى نرجع الجامعة

لاعت جبدي :( :(
 
رد: يوميات طالب وطالبة ملتقى الشعراء؟؟!

هههههههههههههههههههههه

مجرمة قصدج ملل الجامعة متى ........

يوم مثل الي قبله والله يستر من الي عقبه

محاضرات ورى بعض ..... مافي نفس

التركيز مفقود ....... والوضع ماشي
 
رد: يوميات طالب وطالبة ملتقى الشعراء؟؟!

اليوم حده ممل .. زين مني مانمت في المدرسة ..

الحصة الاولى كان انج الحمدالله طافت على خير .. والثانية دين خخخ ماحضرت وقومتني المعلمة وعطتني نظرة خلتني انزل راسي شسوي .. ماليي خلق لأنه علينا اليوم اختبار اجا .. فاني اخاف تتبخر معلومات الأجا وتظل معلومات الدين .. والثالثة عرب كان الدرس حليو لانه نحو .. جذي تفاعلنا .. وحليوة كانت الحصة .. بعدين طلعنا الفسحة مع إني ماحسيت بها كنت أراجع هالعلة الأجا .. وبسرعة طق الجرس .. ورحت الصف علينا كيم .. وجذي بعد الدرس عجبني خخ .. وتالي ريض 210 الدرس ممل ويلوع الجبد خخخ ضحكنا ضحك .. المعلمة مادري شلون .. انفصخ نعالها عاد أشلاء وشايفة معلمة فاصخة نعالها طول الحصة اني اضحك .. بعدين الفسحة الثانية .. قعدت اعيد ع الاجا ويا ريت ماعدت لان خربطت في الاختبار سويت زين فيه بس نقطتين انجازات مادري منو حطيتها لواحد ثاني وخسرت درجتين .. وياني اكتئاب قهرر .. وبعدين الحصة السابعة ريض 201 زينة مافيها شي الحصة وخصوصاً لاول مرة المعلمة تضحك .. وطلع تقوميها خخخخخخ ..وجذي طافت الحصة بسرعة ورحنا البيت ..

وخلصت يوميات اليوم ..

والباقي قريباً ..

:)
 
رد: يوميات طالب وطالبة ملتقى الشعراء؟؟!

صدى الجراح قال:
هههههههههههههههههههههه

مجرمة قصدج ملل الجامعة متى ........

يوم مثل الي قبله والله يستر من الي عقبه

محاضرات ورى بعض ..... مافي نفس

التركيز مفقود ....... والوضع ماشي
أنقر للتوسيع...

هههههههههههههه


لا خيو صدق ملل بدون جامعة ولوعة جبد بعد متى تكمل هالعشرة الأيام اففففففففف
 
رد: يوميات طالب وطالبة ملتقى الشعراء؟؟!


المجرمة ..

الجامعة بدت من زمان ..

شلون ملل بدون جامعة ..؟؟
 
رد: يوميات طالب وطالبة ملتقى الشعراء؟؟!

يوم الإثنين الدوام


افراااااااااااااااااااااااج
 
رد: يوميات طالب وطالبة ملتقى الشعراء؟؟!

وأخيراً .. مبرووك عيل ..


يومياتي اليوم .. يعني ماشي حالها ..

الحصة الاولى أجا .. ماحضرت بس يعني فهمت الدرس .. والكتاب بعد كان مفتووح ووزعوا أوراق الاختبار وانصدمت بالدرجة كنت مفكرة اني ناقصة لكن الحمدالله الدرجة حدها تمام التمام .. وبعدين حصة المصادر اخذتها معلمة الكيم وعطتنا تمارين .. وبعدين تطبيق .. والحصة الثالثة عرب .. نحسب انها بتعطينا القصيدة .. ماشفناها الا ناطة على درس النحو .. وكملت الشرح وعطتنا استماع والحمدالله سوينا زين .. بعدين الفسحة .. رحت تمشيت شوي .. بس جم دقيقة وطق الجرس .. يت حصة الفيز ..وبعد حلينا التمارين .. وبعدين حصة التقن افف اكره حصة في هالفصل .. حدها تنووم .. ماظنيت تخلص ورجعت لمبنى العلمي .. الفسحة الثانية .. جذي رحت لربعي .. وسولفنا شوي مامدانا نقول شي وطق الجرس ورديت رجعت للتقن .. وجذي على الكمبيوتر بعد دشيت على الملتقى لكن ماسجلت دخول .. بس تفرفرت شوي عن لا تصديني المعلمة وصكيته .. بعدين طق جرس الحصة السابعة .. وطلعنا .. عاد رحت المبنى قلت ماني رايحة الصف بمر على الصفوف شوي خخخ .. وسلمت على جم صف وركبت فوق كانت المعلمة قاعدة .. جذي وقامت تشرح .. وبعدين قمنا تجهزنا .. لطقة الجرس .. احلى شي إنه اليوم الخميس .. باجر عطلة ..

وبس ..

:)
 
يجب تسجيل الدخول أو التسجيل كي تتمكن من الرد هنا.
عودة
أعلى