مواقفكم أيام الدراسة ..

[أشلاء روح]

رد: مواقفكم أيام الدراسة ..

ريحانة البحرين
خخخخخ .. حدها فشيلة .. هذا أكيد وجهش صار طماطية
خوش خوش .. يعني مشت بدون شنطتها .. زين زين على قولة أميرة الدموع تغسل العين عبرتين عن شعورش شوي

إشراقة
ههههههه .. لو أني مكانش أموت أزيد منش .. اني أشوف فراشة أخاف عيل خفاش .. على طول في المقبرة

أميرة
الله يساعدج على هالدموع .. حتى في أقل المواقف تنزل .. بس من اليوم ورايح بسميج أم دمعة يناسب وايد عليج

المجرمة
صج يناسب عليج الاسم .. أني ما ضحكني الا الاقلام الي تتطاير فوق الرووس هههههههه حدها فلة
خخخخخ .. ضحتيني يوم تقولين ان زغردة مستانسة على عمرها بالويل جير ...

 

[المجرمة]

رد: مواقفكم أيام الدراسة ..

هلا أشلاء


انين لو تشوفينها وهي تركض فيه في الممر تضحكين عليها ضحك
أني في عز محنتي وجتني الضحكو على هبالها

 

[حنين الشوق]

رد: مواقفكم أيام الدراسة ..

هذا الله يسلمكم يوم كنت في اول ثنوي
كنت في الطابور أول وحده
خخخخخخخخخخخخخخخخخخخخخخخخخ
وكنت حاملة اكتابي وقاعده اراجع وهو السلام الملكي
واني قاعده اراجع وسولف وتعلج بعد
عقب ماخلصو السلام
الا ههههههههه اليي في الاذاعه اتقول البنية ام الكتاب الوردي
واني ولا على بالي واليي في المدرسة كلهم اطالعوني
وهي اتقول ويش عندش عمبالش انتين في بيتكم مآخذه راحتش
وهي اطالعني واني اسوي اليها تقصديني اني
ههههههههه
الا اتقول ايي انتي يالله روحي ورا بسرعه
عاد اني رحت ورا واني اضحك
الا المرشده جاية اليي اتقول اليي حنين ويش عندش
قلت اليها ما عندي شي
قالت شيلي العلوج من بوزش قلت اليها بلعته
قالت اليي اتكلم عدل لا عطيتش تعهد
ههههههههه والبنات اسكتوني
قلت اليها بتعطيني اعطيني يعني خوفتيني اني مااسويت شي
وراحت عني
هههههههههههههههههههههههههه

 

[إشراقة الأمل]

رد: مواقفكم أيام الدراسة ..

السلام عليكم

اممم خلني اطلع من ايام المدرسة
واجي الى ايام الجامعة ومواقف منها كلها بنفس الموضوع

لما كنت سنة أولى جامعة والبرنامج التمهيدي
كنا ندرس في مبنى بعيد شوي عن المكتبة والمرافق الاخرى
المهم وكان ايام مطر ونقع وحاله .. واني طالعة من محاضرة
عندي بريك بروح المكتبة او الكافتيريا ..
اختصارا للمسافة كنت ومجموعة من البنات تطوف من ارض بها رمل
وفوقه صاير ماء المطر شنو بصير ....!!!

المهم كنت لابسه صندل كله سيور ضعيفه جدا ..
زلقت رجولي ونقص واحد من لسيور ..
قمت امشي طول الوقت واني اعرج ..
زين انه استحملني شوي لين رديت البيت


المره الثانيه صديقتي انقص انعالها يعني ما في مجال انه يتماسك
ظليت قاعده وياها ليت اتصلت في ابوها وجاب لها نعال اخذت نعالي
وراحت جابت انعالها من عند ابوها وعدى اليوم على خير

المره الثالثه ويايي بعد العيب اللي في الكعب اذا طاحت القاعده
مالته وهذي على طول تحصل .. كنت امشي في مبنى وبالتحديد على الدرج
شفت قاعدة كعب اني ما اقدر اجود روحي من الضحك وصرت اضحك ..
لين ما كنا نمشى عقب انا ويا صديقاتي .. احس صوت البوت مالي
مو طبيعي حتى انه صوت مزعج فوق المعقول جيكت عليه
الا القاعده طايحه وكان الصوت من جذي

" من عاب استعاب " خخخخ

تحياتي،،

 

[المجرمة]

رد: مواقفكم أيام الدراسة ..

سلام ...



يقولون اليوم صف أموووورة وزغردة قامو يصيحون على معلمة الأجا .. خسارة بتطلع .. لكن على فكرة ترى هي بترجع لأنها بتروح بدل معلمة ثانية مثل معلمة الدين لما وضعت جابو معلمة ثانية ويم رجعت المعلمة الأصلية رجعت الثانية مدرستها .. ادعو معاي انها ترجع

 

[أشلاء روح]

رد: مواقفكم أيام الدراسة ..

حنين ..

طلعتين موسهلة ..شجاعة

إشراقة ..

إنشاء الله تعلمتين من الدرس

المجرمة ..
الله يرجعها لكم .. مو لشي بس عشان لا يصيحون زغردة وأميرة




تذكرت قصة من قصصي
هذا الله يسلمكم كان أيام اعدادي .. وكنت يعني مو متأخرة بس كان عمي يمر علي عاد مر علي الصبح وفي طريقنا الى المدرسة .. وصلنا عند باب المدرسة ما اشوف الا بنت عمي والبنات الي وياي فاطسين من الضحك .. استغربت أقول شفيهم .. الا يقولون لي طالعي رجولش لابسة نعال البيت .. وفي ذاك الوقت شسوي .. والوجه ما يحتاج صار أخس من الطماطية .. وتالي رجعت البيت مرة ثانية ولبست الجوتي وانطلقت الى المدرسة

 

[قتيلت الشوق]

رد: مواقفكم أيام الدراسة ..

بسم الله الرحمن الرحيم


السلام عليكم ورحمة الله وبركاته ...

هههههههه

المواقف جميلة وطريفه ....

رح اقل الكم موقف صار لي :

في يوم من ايام صف ثاني الإعدادي الفصل الأول كان عدنا رياضيات والمعلمه محد لانها مريضه المهم ماجابوا لنا معلمة احتياط وخلوني ووحده اوقف عليهم . عاد احنا بدل ماانهدأهم زيدنا الفوضى وقصوأ عليَ وقالوا اليُ (قتيلة ) تعالي اشوي رحت يقولون الي انتي تعرفين اتقلدين حركات قلد حركات مايكل جاكسون . واني خب سمعت كلامهم وقمت لبست بنطلون وكبوس وقعدت اقلد حركاته مااشوف الا معلمة الإحتياط جايه في وجهي وياها مشرفة القسم إلا اتقولي (قتيلة) ويش اتسوين لايكون احنا مخلينج عشان اتقلدين حركات الصبيان واحنا ماندري بي وداك الوقت صار وجهي احمر واني خب كله ادلع وأصيح .جان اتطيح ادموعي اربع اربع ..والله فشيله اتهزأني تحت البنات لكن بعدين اشوى طلعت ابنيه الا تقول لا احنا اللي قايلين ليها ودافعت عني لكن تالي المعلمة ابكبرها اعتذرت اللي ..

سوري طولت لكن استحملوني اشوي ترى عندي مواقف واجد ..

 

[أشلاء روح]

رد: مواقفكم أيام الدراسة ..

خخخخخخخخ ..

مسكينة ..

أني لو يصيدني هالموقف .. وجهي يصير أزيد من الطماطية

قمة الاحراج

 

[المجرمة]

رد: مواقفكم أيام الدراسة ..

هههههههههه صدق موقف فلتة



أذكر لما كنت في ثاني اعدادي في حصة الأجا من كثر ما أطلع أصوات
المعلمة طردتني وقالت وقفي عند الباب .. بس أني أحب العناد ويوم طلعت
برة رديت دخلت وقلت ليها معلمة متأكدة ماتبيني؟؟ قامت تصرخ وتقول : طلعي
برة .. وطلعت ورديت دخلت وقلت ليها معلمة ماراح تتراجعين عن موقفش
قامت تصرخ من قمة راسها مجرمة طلعي برة أحسن ليش .. وطلعت ورديت
دخلت وقلت ليها معلمة بصك الباب لأن صوتش يوصلني ويزعجني .. ذيك الحزة
حسيت المعلمة خلاص راح تنفجر .. وبدل لا أوقف عند الباب مثل ماقالت ليي
رحت الكافتيريا وشريت أكلات قد الدنيا وأول ماطق الجرس فتحت الباب بقوة
ودخلت أوزع الأكل على البنات والمعلمة تصرخ مجررررررررررمة
قلت ليها شصاير ؟؟ بدل وقفتي عند الباب رحت اشتريت للبنات أكل علشان
مايتمون واقفين في الفسحة في الطابور عند الكافيتيريا .. والمعلمة عصبت
وشالت أغراضها وقالت ماراح أرجع لكم قالو البنات أبركها ساعة يوم المنا
ومن يومها ولا ندري عن المعلمة ولا شي بس في ثالث عدادي المشرفة قالت
مو كفاية دخلتين الأستاذة نورة مستشفى الأمراض النفسية مادري العقلية وش
ناوية تسوين هالمرة ؟؟ سامحوني إذا طولت عليكم ..

ولنا عودة ومواقف دراسية جديدة

سلامي

 

[عابر سبيل]

رد: مواقفكم أيام الدراسة ..

صح كلمش اختي الزم كل واحد يراجع لكي المتحان يجيب علام زينه
حتا المتفوقين يراجعون ويداكرون الى المتحان

 

[قتيلت الشوق]

رد: مواقفكم أيام الدراسة ..

يسلمووو ع المواقف ..

اذكر لمن كنت في ثاني اعدادي كنت رح اللقي في الطابور وفي ذاك الوقت كانت وحده مجوده المكرفون ومخلتنه في وجهي ماني عارفه حتى اقول شيء عاد وش هالبلوة ماكنت مستعده كنت اقرأ اللي في الورق ومااشوف الا دبانه رايحه جايه اقول للي تحتي باعديها ولا كأنها تسمع قمت اباعده وطارت الأوراق باااال طار قلبي وياها ويش اقول واني ماادري ويش السالفه قم الحق وراهم لين ماصدتهم ورديت القي قعدوا البنات كلهم يضحكون واذكر كانوا يصورون فيديو بعد ويش هالفشيله ...

ولي عووودة مع المزيد من مواقفي

 

[فنوني]

رد: مواقفكم أيام الدراسة ..

هههههههههههههههههههههههههههههههه

قتيـله عـجل رحـتي تلحقي الاوراق ههههههههههههههههههه خوش خووش
خـليـهم يطيرو ألفـفي وشلخي مـن مخـج اي شي
ههههههههههههه

نننتـظر جديدك

وسـلامي قبـل ختـامي

 

[أشلاء روح]

رد: مواقفكم أيام الدراسة ..

المجرمة ..

خخخخ حرام مسكينة وديتينها مستشفى الأمراض العقلية.. هذا من اعدادي انتين جذي عيل الحين في ثانوي أكيد وديتين وحدة منهم المقبر دايركت

قتيلت الشوق ..
ههههه .. هذا الذبانة لازم ما تيي الا في المواقف الحرجة
أتخيل موقفج وانتين تركضين وراء الاوراق ..لوول

 

[أميرة الأحزان]

رد: مواقفكم أيام الدراسة ..

ههههههههههه

صدق ذكرياات


اني اذكر طفولتي "الابتدائي" بالصياح بس
داك الي م البنات يتذكرون روحهم لما كانوا في الابتدائي.. اني اقول ليهم مااذكر إلا صياحي..
صدق كنت اصيح بشكل غير طبيعي..
بيييييييي.. اتفشل اذا اجوف معلماتي ويذكروني.. يقولون لي للحين تصيحين
خخخخخخخخخخ
ولا عاد معلمة الريض والعرب والدين

ويلي جهالوووو

 

[ريحانة البحرين]

رد: مواقفكم أيام الدراسة ..

مواقف رهيبة الصراحة

اذكر موقف لما كنت في الاعدادي عاد خبركم ايام الاعدادي
اذكر كنا نجي نقط الشنطة ونهيم خصوصا في شهر محرم
بعد مانفتحها خير شر
ونحل الواجبات الصبح في الباص ههههههههه
عاد اني داك اليوم ماسويت واجب العربي ولا مداني اكتبه في الباص
المهم جت حصة العربي وصدفة داك اليوم اللمعلمة كانت مهتمة وقامت تدور البنات تجيك الواجب.. ابتدت من البنات اللي ورى وهي جاية قدام اني كنت في الوسط
مرت من صوبي الملمة واخذت دفتري تطالعه واني منزلة راسي مستحية منها
ماجوف الا طراااااااااااااخ

ضربة قوية على راسي بالدفتر ابو 200 ورقة ..
ماقدر اوصف لكم اثر هالضربة هههههههه
بس المضحك في السالفة اني من داك اليوم حبيت المعلمة وحبيت اللغة العربية
وصرت اهتم بهالمادة اكثر من غيرها ..
عاد للحين افكر لاويش حبيت المعلمة هههههههههههههههههههههه
شر البلية مايضحك

يالله ننتظر مواقفكم

 

[إشراقة الأمل]

رد: مواقفكم أيام الدراسة ..

السلام عليكم

ههههه ريحانة ..
اوقات كثيره تتكون من العداوة او البغض محبة

امورة ههه والدموع .. انا للحين

اللعام في الكورس الثاني .. سلمونا نتايج المنتصف للأنج
وكانت نتيجتي صدمة .. لان الامتحان عدة نماذج
وعاطيني اصعب نموذج .. والبنات مهتمين
يعرفون درجتي .. واني حزتها كنت معصبه
ويا الاستاذ عشانها وحده جت ليي قولي
لي كم خذيتي .. قلت لها ما بقول لانها
مي عاجبتني .. اصرت تعرف اخذت
الورقة مني حتى انها انشقت >> يعني غصب

حزتها ثااااار دمي رميت الورقة عليها وقمت طلعت من السكشن
واني اصيييح .. تخيلوا قدام بنات وصبيان وحاله ..
واغراضي كامل مكانهم ..

وما رديت رجعت المحاضرة طبعا لين كملت صديقتي جابت اغراضي ..
وبعدها المحاضرة الجاية الاستاذ كلمني .. وزيدني درجات لانه
يعرف مستوايي وان انظلمنا بالنموذج اللي عطونا اياه


تحياتي،،،

 

[أشلاء روح]

رد: مواقفكم أيام الدراسة ..

ريحانة البحرين ..

والله زين بعد هذا الموقف خلاج تحبينها .. كشخة لكن الضربة ما تعور
أني من يضربوني فوق راسي أخاف تتبخر المعلومات

إشراقة الأمل ..
أني الصراحة أنقهر إذا درجتي مو أوكي ويت لي وحدة تصر أنها تعرف الدرجة ... أنذبح في ذيك الحزة

 

[المجرمة]

رد: مواقفكم أيام الدراسة ..

أشلاء روح.. أصلا أني ماوديت احد مكان ولا شي
والمشرفة تشلخ من عندها .. المعلمة بروحها راحت
مستشفى الأمراض العقلية .. اصلا أني مااسوي شي
كلة يتبلون عليي .. اني بريئة :insane: :spider:

 

[فيزياء المحبة]

رد: مواقفكم أيام الدراسة ..

بي انه لي موافق شكثر
بس بحاول احط بعضهم
اول موقف لي كنت بأول ابتدائي خخخ يوم ماانساه
كان على اختبار وماكنت ادري ولا درست وچان احط لكتاب بالدرج وكل شوي اطلعه وتصفح فيه ادور الصفحه كان نوع الاختبار املاء

شافتني المعلمة وخذت لكتاب طقتني على راسي بالكتاب (فديتني خخخ) بعدين كتبت ورقة
وقالت لي هذي عطيها ابوج يوقع عليها اوكي
قلت لها انزين
في الورقة كانت تشتكي على إني غاشه نيهاهاها علبالها انه هبله بروح الى ابوي براويه اي بالمشمش

المهم يوم ثاني شافتني

قالت لي ها عطيتين ابوج الورقة يوقع عليها
قلت لها اي بس نسيتها باچر بجيبها
قالت لي اكيد
قلت لها اوكي
واليوم اللي بعده كتبت اسمي وقمت ارسم عليه دوائر << يزعم توقيع
وعطيتها الورقة شافتها الا
تقول لي هذا شنو
قلت لها توقيع
قالت من موقع
قلت لها ابوي
قالت لي اي بس ابوج اعرف توقيعه مو جذي
قلت لها اي معلمه ابوي غير توقيعه
هههههههههههههههه
الجهاله هباله

 

[أشلاء روح]

رد: مواقفكم أيام الدراسة ..

المجرمة ..
اي كلش باين ..

فيزياء ...
جكوش .. بس حلو آخر شي خطرت على بالش الفكرة وقلتينها (غير توقيعه)