°•.♥.: من مطبخنا كل شي طيب :.♥.•°

[ريحانة البحرين]

رد: °•.♥.: من مطبخنا كل شي طيب :.♥.•°

ミ♡ 彡 اشراقة الامل ミ♡ 彡 ]

هلا وغلا خيتووو شكرا على المتابعة

ان شاء الله يعجبكم الطبق اللي اخترته >>ناس واجد يمكن مايحبونه
بس هو مفيد وااجد

ورهيييب


ويعطي مجال واسع للتفنن فيه

حيرتكم له .. طبقنا الله يسلمكم هو

"العدس "




يالله يابنات قولو لينا شلون تسوون العدس
واللي ماتعرف تسال الوالدة >>فيها الخير والبركة نبي نتفنن

بانتظاركم

تحياتي​

 

[إشراقة الأمل]

رد: °•.♥.: من مطبخنا كل شي طيب :.♥.•°

السلام عليكم


العدس ..؟؟؟

والله شهيتيني له مع اني توني يمكن من يومين ماكله


اتذكر مره من 3 سنوات بيتنا امسافرين واني ظليت بالبيت
ويا العوده جت ويايي قعدت وكنت اطبخ لاني ما ارضى اتعبها

سويت مره عدس علمتني اختي والعوده بس ما اتذكر الطريقه
والحين الماما تطبخ ما بروح اشوشها

برجع لكم بعدين بطريقة الماما لصنع العدس

تحياتي،،

 

[ريحانة البحرين]

رد: °•.♥.: من مطبخنا كل شي طيب :.♥.•°

سلام..
للرفع ولي عودة باذن الله

 

[ريحانة البحرين]

رد: °•.♥.: من مطبخنا كل شي طيب :.♥.•°

°•.♥.: هلا وغلا فيكم :.♥.•°

المعذرة على التاخير في الرد ..

المهم .. عندي 3 طرق للعدس وكل مرة احضر العدس بطريقة
مختلفة احيانا بسبب الوقت >>يعني اختصر الوقت

هههههههههه وترى حتى الوان العدس تختلف من جدي حطيت صورتين
وحدة لعدس بلون اصفر ووحدة برتقالي..

اول شي نغسل العدس ونخلي فيه ماي حلو >>لازم ماي حلو
لان الماي المالح يطلع فيه طعم وبعد الماي الحلو يخلي العدس بسرعة ينضج
وتدوب الحبيبات ..

انزين اذا نضج العدس عندي 3 طرق لتحضيره ..



الاولى : اكون مجهزة بصل مفروم ناعم
وطماط +بصل ثوم+فلفل اخضر "فلفل رومي" >>مفرومين ناعم
وبعد عندنا الخضار اللي بنخليها في العدس تقريبا بس 3 اصناف او اكثر او اقل
او حتى بدون خضار حسب الرغبة .. الخضار هي (يقطين "بوبر", آلو , جزر)
الخضار مقطعة باحجام متوسطة عشان ماتدوب

طريقة التحضير:

نحمص البصل الين يصير لونه اصفر وبعدين نحط عليه الطمام المفروم مع البصل ثوم والفلفل
نضيف البهارات وونخليهم يدوبون مع بعض يصير عندنا صلصة ناعمة بعدين نضيف معجون الطمام"صلصل" ونحرك الخليط عشان يتجانس وبعدين نحط العدس اللي طبخناه بروحه من قبل
ونحركهم مع بعض عشان العدس ياخذ لون بعدين نمرق العدس " نحط الماي" واخر شي نضيف الخضار ونخليه يطبخ على نار هادية الين ماتنضج الخضار .. نسيت اذكر اهم شيئين
مانستغني عنهم في الطبخ "تابل &سبنت" نخليهم في نفس الوقت مع الخضار عشان
تطلع نكهة عجيبة في العدس ..

وهذي الطريقة الاولى خلصناها ..

الطريقة الثانية :>>>للمستعجلين

المقادير ماتختلف بس الطريقة او يمكن نستغني عن الخضار
او نحط نوع واحد منهم على كيفنا اووه بعد نسيت اقول هالطريقة مافيها بصل نستغني عن البصل
المهم عاد لازم نكون متابعين العدس عشان نشيل الزبد لانه فيه شوائب وزوائد

بعد ماينضج العدس نحط عليه الطماط وربعه اللي مفرومين وياه فرما ناعما ويكون الطماط وربعه مبهرين ووياهم معجون الطماط
نقدر نستعين بالفرامة اليدوية تسوي لينا خليط عجيب.. وتوفر الوقت والجهد >>مثل ماعلمونا في مادة الاقتصاد ههههههههه

انزين نضيفهم على العدس ونخلطهم وياه ونحط الخضار بعد وطبعا ماننسى الملح والتابل والسبنت اذا تفضلون..

وخلاص نخليه على نار هادية 10 دقايق او 15 دقيقة بالكثير ..

الطريقة الثالثة :

الطماط وربعه هو البطل فيها ..
اذا تبون توفرون الوقت عدل جهزوا الطماط وربعه وبهاراته ومعجون الطماط
وخلوه على نار هادية كلش مع التقليب
بين فترة والثانية لين ماتستوي عندنا صلصة ناعمة ... وفي نفس الوقت يكون العدس ينضج في الصوب الثاني .. الصلصة ماتاخذ وقت تقريبا ربع ساعة ..

والعدس يعتمد على النوعية في نوعية ينضج بسرعة ربع ساعة بعد او 25 دقيقة بالكثييير

المهم نضيف العدس على الصلصة ونقلبهم مع بعض نضيف شوية ماي والخضار ونخليه يطبخ على نار هادية ..

صحيح كل هالطرق تتشابه في المقادير تقريبا لكنها تختلف في النكهة والطعم ..>>مجربة

نسيت اقول نقدر نستغني عن معجون الطماطم اذ نبي لون العدس اصفر

يالله كملت اللي عندي واللي تبي تضيف شي حياها ..

واللي تبي تقترح طبق جديد بعد تتفضل

شكرا جزيلا لكم ..

تحياتي ريحانة ​