اليوم ياي ومعاي لكم اشياء حلوة دخلو

[الشاعر]

السلام عليكم ورحمة الله وبركاته

اخواني اليوم عندي لكم صور صورتها في وزارة الزراعه

اممممم طبعا اول شي اني صورت من غير ما انتبه لتاريخ
بعدين عدلته لما شفته على الصور loool

كان اليوم حصاد البصل وكانت تجربة جدا ً ناجحة من ناحية
الأسمد ومن ناحية الري وطبعا ً مثل ما اهو واضح في التجربة
هذا الري بالتنقيط والبصل يخلوه على التالات يعني مرتفعات
وشيئ جميل بصراحه هذي التجربة من اعداد الشباب فقط
ما تشرف عليها ولا جهة ونجحت التجربة نجاح كبير جدا ً
لان بكل سنه تصير التجربة باشراف جهات مختصه ولكنها هذي المرة
اثبتت جدارتها لانها من اشراف الشباب فقط

كأني سولفت وايد المهم اخلي لكم الصور :harp:

شوفو البصل وش حلاته لما يكون تحت اشراف اشخاص بحرينين ويشرفو على التجارب براحتهم وبصراحه الي قايم بهذي التجربة فعلا ً انسان فنان في الزراعة

وهذي البصلة صورتها لحالها شوفوها وش كبرها ما شاء الله روعه
يمكن عندكم عادي بس لما تشوفوه على الطبيعه اكيد راح يعجبكم

هذي الصورة فيها الفني الي اشرف على التجربة طبعا اهو ما طلع شكله واضح
لان الصورة كانت من بعيد شويه اممممم يعني المشرف على التجربة اهو الشخص الي واقف واسمه حسين عطيه من سكان بني جمرة :harp:

وهذا البصل في السلال .. وبيني وبينكم كنت انتظر نخلص عشان اخذ الي منه :harp:

وهذي شكل التالة صورتها لكم وعليها البصل بعد الحصاد

وهذي بصلة حجم وسط ومخليها في الميزان وشوفو كم طلع وزنها

ها وش رايكم في وزنها حلو ؟؟؟؟

ادري خااطركم فيه عشان تاكلوه لما يكون عندكم غذى سمج مقلي او شي جذي
وبتقولو الي ليش يالشاعر ما يبت لنا اشوي

==============

الحين والبصل ختمناه طبعا ً كان حصاد البصل بس قلت باخذ لكم كم صورة بعد
من تجارب ثانيه عشان ما تملو

=============

هنا اتجهت الى تجارب الطماط ولو ان التجارب على وشك الانتهاء
اخذت لكم كم صورة شوفوهم

وبيني وبينكم لما وصلت لهذا الفرع من الطماط ما تحملت شفته احمر
ما قدرت اصبر صورته وعلى طول اكلت هذوله ثنتينهم هههههه

=============
امممممم صورت لكم كم صورة من شجر التوت ادري البنات الحين راح يموتو عليه
لان البنات يحبو التوت بشكل غير طبيعي اتوقع تطب علي حنين الشوق
او المهمومه وكم وحدة يسووون عليي انقلاب في الملتقى

وهذي رحلتي مع شجرة التوت واكلت منها شوي همممم صج لذيذ والله

==============

وطبعا صورة لوزة واكلتها بعد اليوم وايد اكلت :harp:

================

واخيرا ً انتهيت ها وش رايكم ؟؟؟
شي حلو صح ؟؟؟
مرة ثانيه بييب معاي بصل وكلشي وبخليه في قسم الطبخ
وبخلي بنات الملتقى يسوو لنا طبخة خضروات على كيف كيفكم
عندنا طباخات فنانين في قسم الطبخ :harp:

 

[أبو قوسين]

مشاركة: اليوم ياي ومعاي لكم اشياء حلوة دخلو

ماشاء الله الشباب البحريني فنانين في كل شي

( الشاعر فني زراعي بس ماحب يقول ليكم )

حليو البصل وشكثره وااااااااااجد على كم الكيلو ؟

الطماط البحريني بعد عجيييييييب احنا في البيت عندنا منه :$

اما التوووت مافي عليه

وهذي رحلتي مع شجرة التوت واكلت منها شوي همممم صج لذيذ والله

اهم شي طار لونه لما غسلت ايدك ؟

شكرا شكرا الشاعر اخذتنا في رحلة زراعية واحنا قاعدين في البيت

الله يخليك عزيزي

 

[حنين الشوق]

مشاركة: اليوم ياي ومعاي لكم اشياء حلوة دخلو

مبي لووووز وتوووت

عدنا في المدرسة طماطة ذاك اليوم اخذت وحده ونرعصت

مشكور خوك على الصور

بس امبي لوووز

 

[حكايا الشموع]

مشاركة: اليوم ياي ومعاي لكم اشياء حلوة دخلو

اني اقول اول ما دخلت الملتقى في ريحه الا هني بصل

مااا ابي تووت

ابي بس لوووز


عمل رائع من عمل الشباب
عساكم عالقوة
ويعطيك العافيه اخوي الشاعر على التصوير

 

[أميرة الورد]

مشاركة: اليوم ياي ومعاي لكم اشياء حلوة دخلو

عمل رائع...
مشكور أخوووي الشاعر على الصور.. والله يعطيك العافية

 

[أميرة الأحزان]

مشاركة: اليوم ياي ومعاي لكم اشياء حلوة دخلو

ياللــــــــــــه
شلون تاكلهم ولا تعطينا

يشووقووووووووووووووووووون

كشخة كشخة

بوديهم لمعلمة العرب.. عندنا درش عن التعجب
خله نتعجب منهم في الدرس
(مـــــــــــا أروع هذه الصور)
خخخخخخخخخخخخخخخخ

مشكووور اخوي

المرة الجاية نبي صدق مو بس صور وتحرنا


أمــــــا ابداع

 

[قوت القلوب]

مشاركة: اليوم ياي ومعاي لكم اشياء حلوة دخلو

يا سلام

وش صاير اليوم

الشاعر داش ويانا الواحة

ان شاء الله دووم الطله مو يوم

اووه حاط لينا صور عن البصل

المشكلة آنا ما أحب البصل

ألــــــــــف شكر أخووي على الطه الحلووة

الله لا يحرمنا منك

ويعطيك ربي العوافي

 

[نجمة الأحزان]

مشاركة: اليوم ياي ومعاي لكم اشياء حلوة دخلو

اني ابي هذي اللوزه ... حتى لو اكلتها مو مشكله ابي غيرها ... المهم شي
اسمه لوز هههههههههههههههه <<<< مشكله وياهم ذلين محد يصور ليهم شي

لووووول


عمل رائع
عساكم عالقوة

المرة الجاية نبي صدق مو بس صور وتحرنا

اي اني بعد مع أميرة الأحزان المره الجايه نبي صدق:harp:

 

[أميرة الأحزان]

مشاركة: اليوم ياي ومعاي لكم اشياء حلوة دخلو

[align=center]امي استخفت على البصل
تسوي نبي منه خوش شي واللــــــــه

[/align]

 

[محبوب]

مشاركة: اليوم ياي ومعاي لكم اشياء حلوة دخلو

عمل رائع...
مشكور أخوووي الشاعر على الصور.. والله يعطيك العافية

عاد اعزمناااا على اللوز وي التوت

مشكور حبيبي على الصور

تحياتي

محبوب

 

[الشاعر]

مشاركة: اليوم ياي ومعاي لكم اشياء حلوة دخلو

السلام عليكم


ما شاء الله متواجدين شايفين اكل

===========
اهلا وفيك ابو قوسين
يا خوي والله الشباب البحريني فيهم طاقات كبيرة بس يبي لها الي يقدرها والله
اممممم ومن ناحية التوت ايدي فعلا ً صارت الوان
لا تحرمنا من طلاتك

============

اهلين مشرفتنا حنين الشوق منورة والله
رعصتي الطماطية بعد ؟؟؟
الناس تاكلها مو ترعصها
مرة ثانية بزرع لكم شجرة لوز في الملتقى وبخلي الكل ياكل منها
طبعا ً بخليها بس لاعضاء الملتقى اما الزوار مالهم شي

=============

اختي المهمومه منورة
ريحة بصل ها ؟؟
بوريج الحين :director:

منشوف بعدين تطبخي الى زوجج ولا لاء
ما بيرد من الشغل الا ريحتج بصل احم احم
وانا اقول بخلي المهمومه تطبخ لنا لكن ما عليه نشوف امورة بعد فنانة في الطبخ

============

يا هلا وسهلا اختي المغرورة وين الغيبات يا مطول اكيد في لنا غنايم

============

اهلين امورة منورة الموضوع
بتسوي درس عن التعجب ها @@
شفتو صار البصل والطماط وهذا مو شي سهل صار درس تعجب
امورة ها اشقلتي بتطبخي لنا صالونة خضرة؟؟؟
فيها بصل وبامية والو وطماط ومدري شنو
مرة اليايه بيييب لكم شي حلو احم احم حسودني على الوز الي اكلته

============

مشرفتنا قوت القلوب منورة اليوم
ها وين الغيبات يالقاطعه يبي لنا نخلي القبقب يعضج في اذونج
وين اختفيتي الج وحشه والله

============

امورة شفتي اقولج البصل يحبوه النسوان لما يكون زراعه بحرينيه احم احم
مرة ثانيه بودي الى امج شويه تستاهل ام اميرة

============

املحبوب اهلا وسهلا فيك منور الموضوع والله
المحبوب يبي لوز الله الله
يالله بزرع لكم شجرة في البنر في الملتقى عشان كل يوم اشوف واحد على غصن منها والبنات تقولكم ابي هذي الوزه وهذي وانتو كل واحد مسوي فيها رامبو وزورو وروميو تطيحو في الوز للبنات ويوم ثاني ارجع للوزة مكسرة

سلم راسك يا المحبوب نيييب لك لوز افا عليك

========

منورين جميعا ً

 

[سنوره]

مشاركة: اليوم ياي ومعاي لكم اشياء حلوة دخلو

ما شاء الله
الصور كشووووووووخي

واني اقول من وين هذا البصل اللي في بيتنا الا طلع من عند عمي يشتغل في الزراعة وصل لينا جيس

صدق والله عجيب

بمووووووووت خاطري في توت ولوز

لكن يوم الجمعه اذا رحت زراعة العود بجيب الى كل أعضاء الملتقى بس الشاعر ما في تاكل لانك اكلت ولا فكرة تجيب لينا


مشكورة على التعظية الكشوووخي
والله يعطيك العافية

 

[أميرة الأحزان]

مشاركة: اليوم ياي ومعاي لكم اشياء حلوة دخلو

[align=center]

اهلين امورة منورة الموضوع
بتسوي درس عن التعجب ها @@
شفتو صار البصل والطماط وهذا مو شي سهل صار درس تعجب
امورة ها اشقلتي بتطبخي لنا صالونة خضرة؟؟؟
فيها بصل وبامية والو وطماط ومدري شنو
مرة اليايه بيييب لكم شي حلو احم احم حسودني على الوز الي اكلته
============
امورة شفتي اقولج البصل يحبوه النسوان لما يكون زراعه بحرينيه احم احم
مرة ثانيه بودي الى امج شويه تستاهل ام اميرة
============

والله ان امي ومعلمة العرب بيستانسوون صدق
ههههههههههه

افا عليك اسوي لكم صالونة وسيشل بعد

هذا اذا طلع لها لون ونكهة اقطع ايدي من فووق
خخخخخخخخخخخخخخخ

مشكوور اخوي
ولاتبخل علينا
نبي اكثر
كشوووخي[/align]

 

[سراب الألم]

مشاركة: اليوم ياي ومعاي لكم اشياء حلوة دخلو

امي العودره الله يرحمهاا لو تشوف التوت تستخف

واللوز

مو عدله له اخوي تاكل ولا تجيب الى اخوانك

انا ذبحتني اللوزه والتوت

 

[أميرة الأحزان]

مشاركة: اليوم ياي ومعاي لكم اشياء حلوة دخلو

اي والله ذكرتني ابها يا سرااب
تحب هالاشيااء صدق

 

[الشاعر]

مشاركة: اليوم ياي ومعاي لكم اشياء حلوة دخلو

هذي المرة بيييب لكم

 

[The Master]

مشاركة: اليوم ياي ومعاي لكم اشياء حلوة دخلو

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخخ

حركاتك يا مستر هههههههههههههههههههههههههههههههههههههههههههههههههههههههههههههههههههههههههههههههههه




نزل ليهم صور من الكنار بس الي يقول يبي لا تعطيه