• أعضاء ملتقى الشعراء الذين لا يمكنهم تسجيل الدخول او لا يمكنهم تذكر كلمة المرور الخاصة بهم يمكنهم التواصل معنا من خلال خاصية اتصل بنا الموجودة في أسفل الملتقى، وتقديم ما يثبت لاستعادة كلمة المرور.

Daily and your day in Ramadan ❥

بسم الله الذي لا اله الا هو
اللهم صلِّ وسلم على محمد و آل محمد
السلام عليكم ورحمة الرحمن الرحيم

. شنو تسوي من تصبح ليين تناام ؟؟

اشتغل ويا الوالده و اساعد اخواني ساعات

. وش يعتبر رمضآن بالنسبة له ؟؟

احسن شهر لانه ما آكل شي نفس كل يوم
ههههه

. وش تفضل اكثر شي برمضآن ؟؟

اشتغل ويا الوالده و اسمع دعاء لو قرآن

. ومن متى بدأت تصوم يعني من كم سنه ؟؟

مادري بس من يوم صغير يعني

. تحب تقضي ليل رمضآن بالبيت مع الاهل والا برآ ؟؟

بروحي ومحد وياي لانه احس بالانزعاج ويا الجماعه

. موقف ما تنسآه بحيآتك مر عليك برمضآن من الرمضآنات ؟؟

ما في شي ما اذتكر شي!!

بشوو تحب تبدأ فطورك ؟؟

تمر و لبن

. يآترى تحرض على السحوور والا ماشي مع قآعدة
رمضآن موسم للرجيم ؟؟

ههههههههههههههه اي رجيم بعد!!
شهر صيام و قيام مو رجيم

. اذآ افطرت في رمضآن متى تقضيه ؟؟ في شعبآن مثلا
ويجي يوم الشك وانت باقي ماخلصت قضاء
والا تقضيه في شوال زي الشطآر ؟؟

اول 6 ايام اصوم عقب عيد الفطر انا
:)

وشكراً على اختياري​
 
السلام عليكم ..


موضوع رائع أختي نور ..


سلمتِ على الطرح ..


ولكِ ألف شكر ع الإستضافة ..



. شنو تسوي من تصبح ليين تناام ؟؟

امم .. صلاة يعني طبعاً .. أقرأ قرآن .. أطالع جم مسلسل وجم برنامج مسابقات .. وطبعاً أسوي حلويات .. جذي يعني هالأشياء .. طبعاً النوم عقب صلاة الصبح جذي على الساعة 4 أو 5 وأقعد الساعة 1 أو 2 ..

. وش يعتبر رمضآن بالنسبة له ؟؟

كل شي في هالشهر حلوو .. فأعتبره شهر للطاعة والعبادة .. وطبعاً صلة الأقارب يعني حلوة الجمعة في شهر رمضان .. نحس بها بروعة العائلة .. والديرة طبعاً في هالشهر غير يعني حتى لو كان الوقت متأخر نحس انه بعده وقت .. لأن الجو غير .. فمن جذي اذا خلص هالشهر نحس بوحشة مو طبيعية ..

. وش تفضل اكثر شي برمضآن ؟؟

جمعة الأهل .. والأدعية ..


. ومن متى بدأت تصوم يعني من كم سنه ؟؟

من 12 سنة ..


. تحب تقضي ليل رمضآن بالبيت مع الاهل والا برآ ؟؟

بالبيت مع الأهل ..


. موقف ما تنسآه بحيآتك مر عليك برمضآن من الرمضآنات ؟؟

وفاة أبويي كانت في 30 رمضان ..



بشوو تحب تبدأ فطورك ؟؟

بقلاص ماي باااارد ..


. يآترى تحرض على السحوور والا ماشي مع قآعدة
رمضآن موسم للرجيم ؟؟

اي بس يعني اشياء خفيفة آكل ما أثقل ..


. اذآ افطرت في رمضآن متى تقضيه ؟؟ في شعبآن مثلا
ويجي يوم الشك وانت باقي ماخلصت قضاء
والا تقضيه في شوال زي الشطآر ؟؟


على حسب بس اذا صرت شاطرة عقب رمضان مباشرة ..
 
نورتي الموضووووع خيتوو أشلاء روح ..
مشكورة عـ الأجوبة الخفيفة ..
يعطيج العااافية ..


.
.

الي بعدوو

الإخت نور الدنياا
 
. شنو تسوي من تصبح ليين تناام ؟؟
اقوم اول شي اصلي طبعا الظهر ههه ... اسوي شربت واسوي طبخات امبيها واساعد امي .. 3.30 اطالع اميمة في الراي ... اكمل اشغالي .. اجي الحجرة اسوي اي شي اقرا دعاء او اي شي واقعد ع الكمبيوتر .. وبس يادن نفطر ونصلي ونتفطر ... عقب اقعد للمسلسلات الى الساعة 12 عقب اقوم اقعد ع الكمبيوتر .. الين يادن الصبح اصلي واكمل قراءة قرآآن .. عقب اقعد ع الكمبيوتر شوي وانام ونفس الشي يوم ثاني:blushing:
. وش يعتبر رمضآن بالنسبة له ؟؟
رمضان شهر الخير .. شهر الرحمة والبركا:idea:ت
. وش تفضل اكثر شي برمضآن ؟؟
قعدتنا ويا بعض في بيتنا .. والطباخ وكلشي
:bleh:
. ومن متى بدأت تصوم يعني من كم سنه ؟؟
ما ادكر بس في رابع ابتدائي اتوقع:blow:
. تحب تقضي ليل رمضآن بالبيت مع الاهل والا برآ ؟؟
مع الاهل اكيد:shiny01:
. موقف ما تنسآه بحيآتك مر عليك برمضآن من الرمضآنات ؟؟
ههههه مرة كنت بودي لبيت عمي قيمات اتعرقلت فوق الدرج بس ما قلت لاحد .. رجعت بالقيمات اصيح لاني تعورت وظليت فترة ما اودي بيتهم خوفا من الطيحة هع:evil_lol:
بشوو تحب تبدأ فطورك ؟؟
ماي واي شي موجود مثلا قيمات كباب اي شي
. يآترى تحرض على السحوور والا ماشي مع قآعدة
رمضآن موسم للرجيم ؟؟
ريجيم طللل في عيني ريجيم ههههههههههههههههه ناكل ولا نهتم:essen:
. اذآ افطرت في رمضآن متى تقضيه ؟؟ في شعبآن مثلا
ويجي يوم الشك وانت باقي ماخلصت قضاء
والا تقضيه في شوال زي الشطآر ؟؟

امممم عقب رمضان بالضبط .. ما أأجل بعدين انسى :showoff:


يسلمو خيتوو ع الموضوع
لا حرمنا جديدكِ​
 

. شنو تسوي من تصبح ليين تناام ؟؟

على حسب وقت اللي اقعد
اذا من وقت اطبخ ..
واغلب الوقت العصرية نايمة وبعدين اطالع التلفزيون

. وش يعتبر رمضآن بالنسبة له ؟؟


شهر التقرب لله
أحلى شهر في السنة
الواحد يحس روحه بين ناس يطلع يزور الاوادم

. وش تفضل اكثر شي برمضآن ؟؟

الفرقان تصير عامرة .. وحيه بذكر الله احلى شي

. ومن متى بدأت تصوم يعني من كم سنه ؟؟

من يوم عمري 9 سنوات عفر

. تحب تقضي ليل رمضآن بالبيت مع الاهل والا برآ ؟؟

الاهل

. موقف ما تنسآه بحيآتك مر عليك برمضآن من الرمضآنات ؟؟

واجد شذكرني


بشوو تحب تبدأ فطورك ؟؟

عادي اللي موجود

. يآترى تحرض على السحوور والا ماشي مع قآعدة
رمضآن موسم للرجيم ؟؟

اشجع السحوور وبقوة
وبلا رجيم وهرار


. اذآ افطرت في رمضآن متى تقضيه ؟؟ في شعبآن مثلا
ويجي يوم الشك وانت باقي ماخلصت قضاء
والا تقضيه في شوال زي الشطآر ؟؟

افضل بعد رمضان





يعطيش العافية على الموضوع
 
.
.

تسسلميين قلبوو عـ الأجووبة الحلوة ..
عطرتي المتصفح ^^
يعطيج العافية



العضوو الجديد

هوو ..


مدييرناا l الشاااعر ^^
اتشرف بتواجدك في مووضوعي اخي ^^
حيــاكـ

.. ]

 
السلام عليكم

شكرا لك خيو على الموضوع الرائع
بارك الله فيج يارب

. شنو تسوي من تصبح ليين تناام ؟؟
ما اسوي شيء اتصفح المواقع واتعلم بعض الاشياء
اقرا قرآن لما اكون لحالي سواء القرآن المكتوب
او القرآن الي بالتلفون عندي
بس اكثر شيء اكون بالعمل وعلى الكمبيوتر
. وش يعتبر رمضآن بالنسبة له ؟؟

شهر رمضان بالنسبة الي اهو شهر توبة شهر يكون فيه
باب استجابة الدعاء مفتوح وهو الشهر الذي انزل فيه القرآن
اعتبر كل يوم من هذا الشهر يوم عظيم

. وش تفضل اكثر شي برمضآن ؟؟

كل شيء في شهر رمضان اعتبره مفض
القعدة على السفرة والطلعه والجو الي يشعرنا
انه جو ايماني اكثر مما يكون جو مسلسلات !

. ومن متى بدأت تصوم يعني من كم سنه ؟؟

ما اذكر من متى بدأت اصوم :blush-anim-cl:

. تحب تقضي ليل رمضآن بالبيت مع الاهل والا برآ ؟؟

الاثنين بالخارج او الداخل بس الكثير من الأوقات اكون مشغول
المشكلة ان عملي الخاص اهو استضافة وتصميم ودعم فني للمواقع
فكثير من الاوقات اتواجد لحل مشكلة عند هذا وهذا
كنت افضل القعدة في الخارج خارج المنزل كنت اروح البحر
ولكن الآن كل السواحل مدفونه !! والسمك خلص
وانا من النوع الي يحب الهدوء اما الجلوس عند البحر او الجلوس في حديقة
وفي بلدنا صار الاتجاه اكثره للمجمعات والمحلات التجارية !

. موقف ما تنسآه بحيآتك مر عليك برمضآن من الرمضآنات ؟؟
مواقع كثير مرت علي ولكن اميزها هو اني في رمضان 2006
كان عندنا بوفيه مفتوح في الوزارة بوفيه سحور
وكنت بذاك الوقت اعمل في وزارة الزراعة تحت وظيفة فلاح
في الأمسية هذي جلست مع مجموعة اشخاص يتناقشون في امور
الكمبيوتر وانا كنت موجود فكنت داخل عرض بينهم عسى ما يتكلم
واحد دخلت في الموضوع اسولف عن الكمبيوتر وماكنت اعرف
ان معلوماتي في الكمبيوتر ممكن تكون كبيرة جدا لاني اعتبرها عادية
ولكن في نهاية الامسية اتضح ان شخص قاعد معانا في الجلسه
انه رئيس قسم الكمبيوتر !!
وقالي لو طبتك تشتغل في قسم الكمبيوتر تقبل؟
قلت له نعم !!
وانتقلت الى قسم الكمبيوتر في بداية 2007 بعد اختبار في هذا المجال

بشوو تحب تبدأ فطورك ؟؟

اي شيء ما تفرق عندي حتى لو اشرب بس ماي

. يآترى تحرض على السحوور والا ماشي مع قآعدة
رمضآن موسم للرجيم ؟؟

والله كان قبل ما افوت اي سحور امي تتحمل فينا وايد
حتى بعض الأوقات تسوي لنا سمج او دجاج مقلي
اشياء مثل هذي امي عودتنا عليها حاليا ً افتقدها
مو لاني احب شي دسم لا ولكنها عادة انحرمنا منها

. اذآ افطرت في رمضآن متى تقضيه ؟؟ في شعبآن مثلا
ويجي يوم الشك وانت باقي ماخلصت قضاء
والا تقضيه في شوال زي الشطآر ؟؟

ما جربت افطر في شهر رمضان
ولكن لو فطرت انظر في الجانب الشرعي
لاني مو اذا فطرت يوم في رمضان بصوم يوم بعد شهر رمضان !




الى هنا وانتهت الاجوبة
اعتذر خيو على السرعة في الرد
وعدم صياغة الكلام بشكل جيد

ولكني حيت اخرج عن الروتين واتكلم عامي

 
السلام عليكم..

مشكورة خيووتي على استضافتي..
وان شاءالله أكون خفيفه عليكم:blush-anim-cl:



. شنو تسوي من تصبح ليين تناام ؟؟
اول تكرمين أروح الحمام وبعدين اصلي وانزل اشوف الاوضااع وبعد ربع ساعه اروح المطبخ واشوف الماما شنو تبغي اسويها او اساعدهاا طبعا السلطة عليي واسويها واطالع التلفزيون وبعديهاا اسوي فطاير او اي شي ثااني وطبعا اول شي نصلي بعدين نتفطر وبعد الفطور ا يكون حيانا الغسال المواعين يكون عليي او على اختي يعني اقوم انظف المطبخ وجذي وبعدها اشرب جاي ويه السوين وبعدهاا اطالع المسلسلاات وساعه 10 نطلع أي مكان نرووح نتسحر بررره او اي شي..!! وبعدها ارد واطالع التلفزيون والى الاذان اصلي وأقرا قران وأدعيه وجذي وبعدها ارد على النت الى الصبح هذي اليومي المللل خخخ

. وش يعتبر رمضآن بالنسبة له ؟؟
شهر فضيل رغم استغفرالله في هذاا الشهر وااجد تجي مشااكل الينا وسيارات البابا مال الشغل يختربوون يمكن شهر التقرب الى الله والسهر وجذي...

. وش تفضل اكثر شي برمضآن ؟؟
كل شي ..

. ومن متى بدأت تصوم يعني من كم سنه ؟؟
امم من عمري 9 سنوات...

. تحب تقضي ليل رمضآن بالبيت مع الاهل والا برآ ؟؟
امم براا..

. موقف ما تنسآه بحيآتك مر عليك برمضآن من الرمضآنات ؟؟
خخخ مره الماما ما سوت عيش على الفطوور وطبهاا الاخ حبيب الماما ما يقدر ما يأكل عيش اخووي الكبير فززعه المكان واستحمق وطلع برره البيت وامي من يومها قامت كله تسوي عيش وهذي السالفة كل سنه في رمضان لزززمن نذكرهاا واخووي يضحك لين يذكرهااا ..

بشوو تحب تبدأ فطورك ؟؟
الفطااير او شورربة .
ي
آترى تحرض على السحوور والا ماشي مع قآعدة
رمضآن موسم للرجيم ؟؟

لالا ضروري سحوووور ببلا رجيم وبلا عوار بطن ..:shiny01:


. اذآ افطرت في رمضآن متى تقضيه ؟؟ في شعبآن مثلا
ويجي يوم الشك وانت باقي ماخلصت قضاء
والا تقضيه في شوال زي الشطآر ؟؟

ههههههه والله على حسب هذي بس صايره شاطره يعني اقضي في شوال من يخلص رمضان اقضي وافتك علشان بعدين اصوووم شعبان ورجب مستحب مو قضااه مال رمضان خخخخ




مشكووووووووورة خيووتي على إستضاافتي..
وإن شاءالله كنت خفيفه عليكم..

الله يعوده علينه ..
 
يجب تسجيل الدخول أو التسجيل كي تتمكن من الرد هنا.
عودة
أعلى