يوميات زينب ومحمد ((بالبحراني))

[بحر الابداع]

رد: يوميات زينب ومحمد ((بالبحراني))

هههههه وينك يا عزيز الجماعة تنطر الباقي قلت لك صبرا جميل

 

[بحر الابداع]

رد: يوميات زينب ومحمد ((بالبحراني))

أنا خلصت كل الحلقات بس وينك يا عزيز نتظر الباقي

 

[عزيز]

رد: يوميات زينب ومحمد ((بالبحراني))

هلللللاااااااااااااااااا
مسامحة بس قطعت عن المندى شوي
عالعمووم مشكورين على الردووورد فرحتووووووني
وشجعتوني عشان انقل الباقي..
يلا نحط المسللسل على قولتكم
يوم ثاني عطاهم ابوهم بيزات وراح علي يوديهم السوق

وهم في سوق شافت زينب محل الي فساتين

زينب : علي علي .. هكو هذا المحل كله الي الفساتين الحفلات خلنا ندخله

علي : ااوكي مدام هذا متخصص الي هذا شي لوي ما ندخل

ودخلوا المحل وشافت زينب فستان

زينب : ألااااااااي , ابي هذا لازم آخده

مريم : عيل اني بعد ابي مثله

زينب : انتين هادوي لصقة ريح عساش ريح

علي : مريومه شوفي هل الفستان حليو مال يهال قدش

مريم : ماني ماني ابي نفسها

زينب : عساش انشاء الله ويش اقول لا تاخدين مثلي تفهمييييييييييين

مريم : انزين لكن صبري عند ابويي

علي : بس عاد فشلتونه سكتوا

زينب : قول الي هذي البلوه

علي : المهم بسرعه

زينب : نعم نعم ,, بسرعه لالا بابا اني على راحه اشتري مو بسرعه بسرعه
علي : تدرين انا بروح وبرجع ليكم بعدين

مريم : لالا تالي ما بتخليني اشتري كل هي

علي : لا لازم يتخليش تشترين

وراح علي يداور في السيارة على ما يشترون

انزين مريم اخدت ليها فستان مال اليهال المنفوخ لكن قصير

وزينب اخدت الفستان الي كانت تباه

خلصوا واتصلت زينب الي علي

علي : هلا ويش خلصتون ؟

زينب : اي تعال لينا

علي : اي صوب

زينب: مكان الي وقفتنا اياه

علي : اوكي

تالي جا ليهم علي وركبو السيارة

علي : هدانا اقول ليكم من الحين مافي وحده تقول اوه هذا ضيق فسيح وهرار لا ما في ترجييييييع

زينب : لالا لا تخاف كلشي تمام

ووصلوا البيت وعلي طلع ويا الربع

الأم : مريوم

مريم : نعم

الأم : تعالي بشوف الفستان الي أخدتينه

مريم : انزين

الأم : هادوي لويش قصير

مريم : لالا أماه هذي الموضه

الأم : لالالا عمري احنا ما نمشي على الموضه الحين الحين ترجعينه

و زينب قاعده تسمعهم

زينب تقول في قلبها : بل عيل لو تشوف مالي ويش بتقول بي بي

مريم : انزين اما زينب اخدت اخس مني

الأم : نادي عليها بشوف فستانها

مريم : اووووكي (( مستانسه بصرخون على زينب ))

مريم : زينب

زينب : ويييي

مريم : تباش امي

زينب : ها .. انزين

وراحت زينب الي امها

زينب : نعم أماه ويش تبين

الأم : بشوف فستانش

زينب : اوكي لحظة

وراحت زينب تجيبه

زينب بخوف : هكو أماه شوفيه حليو لا

الأم : يووووووو عمتي تعالي شوفي ويش ماخده ليها هل الطايحت الحظ

زينب : يو أماه ويش فيش

الأم : ويش فيي الحين بتشوفين ويش فيي

اليده : ويش صاير

الأم : شوفي ويش ماخده ليها

اليده : هو اني اشوف أهو أهو باشوف ويش رنگته

الأم : هاش شوفي

اليده : بل بل بل بل وش دا هذا ما تلبسينه يعني ما تلبسينه

زينب : نعم نعم .. شوفوا شوفوا حبايبي اني ما ني طابه حفلة اختي الا بهذا الفستان عاد رضيتون ولا انرضيتوون

الأم : شوفوا مصاختها الي وين وصلت لكن حرسي اذا جا علي عجل فستان حالته حاله حتى الي في التلفزيون ما يلبسون مثله

زينب : لا عاد اماه بالغتين واجد ... ما صار فستان مزلط

الام : وهل الفتحه الي ورى وتطلع الظهر ,, وهل القصه الطويله تطلع عصاقيلش

زينب : اففففففف انتون ما تعرفون الموووضه ويش فهمكم بالدنيا ,, الناس راحت القمر وانتون توكم على فنرررر

اليده : يلا يلا مناك احنا محنا يهالوو عندش

زينب : انتين محد طلب رايش

الام : يلا سكتي ,, عيب هذي يدتش

اليده : اني ماني عندها على مكان تتحجى ويايي جني اصغر يهالها

الابو : السلام عليكم

الام : تعال يا ابو علي شووف بتك

الابو : ويش صاير بعد ؟ بيزات وعطيناهم

الام : جي على البيزات على هل النفنوووف الي ما خذتنه

الابو : زينب اذا الفستنا مو زين رجعيه

زينب : اهيء اهيء , ماني يعني ماني

الام : والله هل البت بلوى

الابو : وين ساره

الام : راحت وي حماتها يشترون اغراض الخطووبه

الابو: اهااا

علي : وي الفساتين زينين ؟

الام : لا .. بس القرووده مي راضيه ترجعه ,, روح يا حبيبي خذ اختك مريم وخله تاخذ ليها واحد طويل يصير ارتب

علي : انا قايل ما بوديهم مره ثانيه بس عشان خاطرش ,, يلا مريم امشي

مريم : ابغي هذا الفستان

الام : اي بس الطويل يصير ارتب روحي عمري انتين احسن من اختش زينب المقروده

مريم : ان شاء الله

وراحوا و رجعوووه واخذوو واحد احلى

راحت زينب تتصل الى محمد

محمد : الوو

زينب : هلاا

محمد: هلااا وغلااا ويش فيش اليوم كل ما اتصل لش ما تردين ؟

زينب : لان ما عندي بطاقه توني مشتريه ليي

محمد : اهاا

زينب : سولف .. ملل

محمد : امممممم وين رحتين اليوم ؟

زينب : السوق

محمد : ويش اشتريتين من السووق

زينب : فستان

محمد : اي لون ؟هههههه

زينب : اتوقع

محمد : اممممم بحري

زينب : لالا ,, لونه احمرررر و كشخه

محمد : اهاا . عاد ما اخذتين الا احمر

زينب : ويش فيه الاحمر,, اكشخ منه ما تحصل

محمد : عليش بالعافيه

زينب : الله يعافيك ,, محمد يلا باااي

محمد : ليش ؟

زينب : شكل اختي جت باروووح اشووف ويش اخذت من اغراض

محمد :هههههههه زين باي

راحت زينب تشووف اغراض ختها

زينب : الاااااي كشخه اغراضش

ساره : هههههه هذا مو بس ذووقي ذووق حماتي بعد

زينب : ههههههه ذوق حماتش مو سهل بعد

مريم : اماه

الام : ها يمى

مريم : اشتريت ليي فستان احلى

الام : باشووف ,, اي ويش حلاوته شوفي يا زينب جان اخذتين مثله

زينب : ههههههههه اني اخذ فستان جذي ؟ ,, ولا في الاحلام

مريم : ويش قصدش؟

زينب : لا ولاشي

الام : يلا حبيبتي روحي خشيه حق ليلة الخطووبه

مريم : انزين

ساره : اماه حجزت ليي صالووون

الام : اي زين

زينب : اي صالون اختذيت اني باروح وياش

ساره : صالون كذا كذا

زين : ايي هذا كشخه برووحه

الام : عجل اني واختش بعد بنرووح مدام حليو

ساره : اي عاادي

زينب : متى ليلة الحنه الحين؟

ساره : خليناها قبل الخطوبه بيومين

زينب : ليش ؟ المفروض قبلها بيوم

الام : احسن عشان لا يصير عليها ضغط

ساره : اي اني بعد قلت جذي

وقعدووووا يتكلموون عن موضوووع الخطووبه وكل شي


باي
1
2
3

 

[إشراقة الأمل]

رد: يوميات زينب ومحمد ((بالبحراني))

السلام عليكم




حلووو


واصل .. نحن معك ..


تحياتي،،

 

[walaa]

رد: يوميات زينب ومحمد ((بالبحراني))

روووووووووووووووووووووووووووووووووووووووعه يسلموووووووووووو


بسس ارجو تنزيل الجزأ اللي بعده اسرع

تحياتي

 

[بحر الابداع]

رد: يوميات زينب ومحمد ((بالبحراني))

ههههههههه
واصل ههههه خلصت الحلقة الرابعة

 

[بقايا حلم]

رد: يوميات زينب ومحمد ((بالبحراني))

واصل ... واصل ... ننتظر

 

[عزيز]

رد: يوميات زينب ومحمد ((بالبحراني))

مشكووووووووورين على الردود
الجزء القادم عماااااا قريييييب
بايييييييي

 

[شمعة البيت]

رد: يوميات زينب ومحمد ((بالبحراني))

يلا عزيز واااصل كملتها

ننتظر الباقي

 

[عزيز]

رد: يوميات زينب ومحمد ((بالبحراني))

الجزء الخامس ،،،


ليلة الحنه قالت زينب الي الحنانيه تحنيها حنا هندي
الا تقول مريم : اني بعد
زينب : وانتين كل نفسي لا يكون توأمتي واني ما أدري
الحنايه : عادي ههههههه
مريم : كل الناس عندهم عادي بس هذي
زينب تقول الي الحنايه : سكتي سكتي عنها هذي مشموخه
مريم : ليييييييي ... إهىء إهىء
وراحت تصيح ما هي راضيه تتحنى مستحمقه
الأم : ويش فيش يا حبيبتي
مريم : زينب كل تتعلف
الأم : حريقه حرقتش يا زينب بس هي شغلتها تتعلف بالياهله
مريم : قاعده تقول الي الحنايه ان اني مشموخه إهىء إهىء
الأم : صبري ليي شوي الحين اراويش فيها
والحنانيه تحني زينب
زينب : اح الحنه بارد و يدغدغ ههههه
الحنايه : اي هههههههه
الأم : زنبوووه
زينب : نعــــــم
الأم : ليش تسوين الى اختش جدي هذا يوم تشترون الفساتين والحين بعد ياطايحت الحظ
زينب : ويش فيش أماه سكتي
مريم : لويش تقولين عني مشموخه
زينب : اشوفش استقويتين عليي بعد
الأم : اي خلها ,, مره ديــبه انتين
زينب : روحوا صفقوا زين
الجده : هاداويش هل الحنه مرة حليو حنونه من حناكم ترى احنا نمشي وراكم خخخخخخخخخ
زينب : جدتي هذا حنا هندي تبين تصيرين هنديه ؟؟
الحنايه : هههههههههههههههه
الجده تقول الي حنايه : ويش رنگته هل الحنه .. يصبغ عدل ؟
الحنايه : اي
زينب : هادويش جدتي هل السؤال هذي الي حنت سارة اختي
الجده : عجل حنيني عقبها
مريم : جدتي اني قايله قبلش
الجده : كل واحد .. جدي جدي انتين بتتحنين
مريم : قولي الي روحش
الجده : انزيــــن طحنتكم طحنه
اتصل محمد وزينب تتحنه
زينب تقول في قلبه : ياعلي سكره بسرعه يوووو ويش اسوي چان مو يكشفوني
مريم : اني باشيل التلفون
زينب : لالالالالالالالالالالالالالالالالا
مريم : يــمه ويش فيش تصرخين ؟
زينب : هكو سكت بس خلاص .. هاش مريم قفليه
مريم : اوكي ,, هكو قفلته
زينب : عفيا علييييش
يوم ثاني قعدووو
مريم : زينب جيفه حناش حليو وغامق
زينب : سرر
مريم : عاد قووولي
زينب : هذي خلطتي السريه ما اعلم احد
مريم : ليش ما تقولين اني غير اختش
زينب : ادري بس ما ابغي احد يصير اغمق مني
مريم : يا عليي انانيه
زينب : اي كيفي
مريم :
زينب : الا صحتين هههههه
مريم : قوووووووولي
زينب : مو لازم اقووول ماني قايله
مريم : اماه ,, اماه
زينب : وانتين كل شي وقلتين الى امي
الام : ويش صاير
مريم : على حساب اقول ليها شلون حناش غامق سويي ليي الخطله الي عندش وهي تقوول ماني
الام : لويش ما تعطين اختش الخلطه
زينب : لان تالي بتصير حليو مثلي واني ما ابغي احد يصير مثلي
الام : اذا ما قلتين ضربه بتجيش على راسش
زينب: هههههههههههه الخلطه هييي دهن تخطلينه مع ليمون و تحطينه على الحنه
الام : ايي .. عجل امشي مريم عشان احط ليي ولش
مريم : يلاا
وراحو يسوون الخلطه
اتصل محمد الى زينب
زينب : هلااا
محمد : انتين ويش فيش هل الايام ما تعطين وجه ؟
زينب : ويش اسويي ,, مشغووله بخطوووبة اختي شسوي
محمد : يعني انتين ما تحبيني
زينب : محمد ويش فيك ؟
محمد : عجل ليش من اتصل تقطعينه في وجهي ومطنشتني
زينب : يوم اقطعه في وجهك كنت اتحنى قلت الى مريم تقطعه عشان لا يكشفووني ,, انت ما عليك ولا تفكر ما تقوول يمكن معاها اخوها او شي كل تحسب ان اني ما اعطيك وجه
محمد : بس لاعت جبدي ثلاث مرات اتصل كل نفس المنوال
زينب : بعد شسوي الظرووف تجي جذي
محمد : انا جزات الخير ان انا ما اقدر افارقش وانتين تقولين لي جذي
زينب : انت ما تفهم ؟ كل ما اشرح لك انت على ورى ؟
محمد : زين خلاااص خلاااص غير مره ما بتصل لش زين ؟
زينب : اني ما قلت جذي
محمد : مو هذا الي تبينه ؟
زينب : انت شفيك عليي ؟
محمد : انتين الي شفيش عليي
زينب : اهيء اهيء انت واجد صاير حساس
محمد : انتين بعد واجد صايره عصبيه
زينب : انزين ,, سامحني
محمد :
زينب : سامحني
محمد : مسموووحه
زينب : كل شي ولا زعلك يا الغالي
محمد : انزين انتين بعد لا تزعلين مني بس شسوي ما اقدر يمر يووم و انا ما كلمتش
زينب : ههههههه صدق ولد حلال
محمد : هههههههه ليش ؟
زينب : لانك مخلص ولا تقص عليي
محمد: ههههههه اقول لش شي
زينب :قوووول
محمد: انا كنت كل اتعلف بالبنات واغازل لكن بعدين لما دقيت رقمش واتعرفت عليش عقلت
زينب : يا بعد طوايف اهلي انت
محمد : هههههههه تدرين ليش؟
زينب : ليش ؟
محمد : لأني احبش
زينب : اني بعد
محمد : اي قد تحبيني ؟
زينب : يا علييييي ,, قد السما و الارض
محمد : ههههههه انا احبش قد الكوون بكبره
زينب : حلااااااااوتك يا حلوو
محمد : ههههههههه ربي يسلمش ليي يا رب
زينب : ويسلمك ليي ,, اقووول
محمد : هلا
زينب : اختك بتتعدل في خطوبة اختي ؟
محمد :ايي هكي امي و خواتي يجهزون الى ليلة الجايه
زينب : اها عجل بقعد مع اختك
محمد : هههههههه تالي بقعد كل اسألها عنــش هع
زينب : لالا بعدين بتشك
محمد : ليش خايفه ؟ خلها تشك
زينب: ماني استحي
محمد : عادي اذا شكت بقول ليهم ان انا ابغي اخطبش
زينب : ها
محمد : ايي ويش فيش ؟
زينب : لا بس اني تفاجئت بهذا الشي
محمد: عيل ليش انا اكلمش ؟ بس جذي ؟ انا مو لعوووبي احم
زينب :لا حاشاك انت سنع ولد اجاويد
محمد : والنعم ههههههههه
زينب : ههههههههه يلاااا بيباااي
محمد : وين بتروحين ؟
زينب :برووح اتغذى
محمد: ويش غذاكم خخخخخ
زينب : غذانا دجاج مندي
محمد : اممممم حلووو عجل امش طباخه
زينب : ههههه اييي طباخها فلله
محمد : بذوووقه ا ن شاء الله اذا صارت عمتي هع
زينب : ان شاء الله ههههههههه
محمد : يلا رووحي لا يهبسوون عنش
زينب : لا لا تخاف ,, انتون ويش غذاكم
محمد : سمج صافي مقلي
زينب : ههههههه احب الصافي
محمد : انا احب كل الاكلات البحريه ما تشوفيني احب حتى الگباگب
زينب : ههههههههه ايي مبين عليك
محمد : يلا روووووحي ويش تحارسين
زينب : زين هههههه انسى روحي وياك
محمد : اي وياش بسرعه يمر الوقت خخخخخ
زينب : ايييييي
محمد : هههههه
زينب : يلااا بااااااي
محمد : باااي

 

[شمعة البيت]

رد: يوميات زينب ومحمد ((بالبحراني))

كلمت الجزء الخامس بإنتظار باقي القصة


تــحــيــاتـي،،،

 

[بحر الابداع]

رد: يوميات زينب ومحمد ((بالبحراني))

تم الانتهاء من الحلقة الخامسةimp:
لكن رافعة ضغظتي:annoyed: المغرورة هذي زينوبه تبط الجبذ شايفة نفسها:crutch: مالت ما أقول الا مالت لو قدامي هذي:nono: ما هديتها المغرورة اوووووف ترفع الضغط عصبتني:cursing:

 

[عزيز]

رد: يوميات زينب ومحمد ((بالبحراني))

السلام عليكم والرحمة،،
بنزل ليكم هذا الجزء يمكن يكون قصير
بس ماعليه.. لان بنقطع عنكم جم من اسبوع
7
7
7
7
8
8
8
8

قعدت زينب يوم ثاني من النوم
زينب : اماه
الام : نعم
زينب : متى راحت ساره الصالون ؟
الام : ويييييي راحت من الساعه 10
زينب : اهااا ,, ويش الغذا ؟
الام : صالونة لحم ,, بنتغذى و تالي بنروح الصالووون الي فيه اختش
زينب : ادرري
الام : روحي قعدي اختش مريم البارحه ما نامت بس قاعده و تتخيل شلون بتصير في الحفله
زينب : هههههههههه صدق مينونه
و راحت زينب تقعد ختها
زينب : هههههههه قعدي يا الاميره
مريم : اني قاعده بس منبطحه
زينب : زين قوومي عشان نتغذى ونسوي شغلاتنا ونروح الصالووون
عقب ما تغذوا وكل شي صاروا جاهزين انهم يروحون الصالوون
علي : وي انتون جهزتوون , مو انا دريول عندكم
الام : بعد ويش نسوي يا خلف جبدي لو ما انت ما استوت كل هل الاغراض
زينب : اني جهزت
علي : وين هي مريم ؟
مريم : هذاني بس بلبس حجابي
وركبووو السياره و وصلهم علي الصالوون
دخلوا الصالوون
زينب : اماه هاكي سااره
الام : اييي
راحو كلهم الى ساره
زينب : من الصبح للحين ويش تسوين هني و شعرش توهم مبديين فيه
ساره : انتين تعرفين العروووس يبغى ليها اشياء واجد مو مثل وحده عاديه يا هبووول
زينب : هههههههههههه اهاا
وقعدوووا في الصالوون يمكيجوونهم و يسرحوون شعرهم
اتصل محمد
زينب : هلاا
محمد : هذا ويش هل الفوضى ؟
زينب : احنا في الصالوون
محمد : اي صحي , انتين جهزتين
زينب : اييي بس باقي اختي
محمد : بس توها وقت توها الساعه 8
زينب : لا وقت و لا شي على ما اصور وعلى ما نوصل الصاله جت 9
محمد : اوووو بعد بتصورين
زينب : ايي عجل ويش ,, يلا باااي بقوووم اصوور
محمد : باااااااي وان شاء الله يطلعوون حليوين
زينب :هههههه ان شاء الله
محمد : تعالي بقول لش شي
زينب : نعم
محمد : امي بتلبس بحري واختي بتشوفينها لابسه وردي
زينب : هههههههههههه صدق
محمد : اي
زينب: اوووكي يلااااا باااااي
محمد : بااااي
عقب ما صورت زينب جا ليهم علي
زينب: اماه يلا وصل علي
الام : انزين الحين بلبس عباتي وبجي
مريم : اماه خااف البش حجابي و تتعفس التسريحه
الام : لا حبيبتي ما تتعفس البسيه الحين
ولبسوا و ركبوا السياره و وصلوا الصاله
وبدأو الناس يجوون الحفله وغناو وصفقوا و كل شي
الام : زينب هكي بنت خالتش ندى روحي وياها عن بروحها
زينب : ايي واني قاعده ادورها
ندى : هلاا زنوووب وينش فيه اني قاعده ادورش
زينب : سكتي اني بعد كل من قاعد يطالع فيني لهدره اني حليوه
ندى : يمكن لان فستانش حليو ومكياجش ومغيره لون شعرش مسويتنه احمر بعد
زينب : احم
عقب شوي وصلت ام محمد عليها بحري واخته عليها وردي
زينب : هي اكيد امه واخته
وراحت حضرتها كل حين تتدلع صوبهم
تالي جت العروووووووس
و قام التغني والتصفق والجباب
و فلتوا حلاااااااااوه و بيزات وقاموا الجهال يتلاقفوون
وتالي قاموا صورور اهل المعرس والعروووووس
وقصوا الكيكه
و مرررت الحفله على خيررر
تالي يوم راحوا البيت على طول راحت زينب تتصل الى محمد
محمد : هلاااا شخبار الحفله
زينب : الحفله روعه و شفت اختك وامك
محمد : هههههههههههه اي احلى انتين لو هم ؟
زينب : اني طبعا
محمد : ههههههههه بس هم كشخه بعد
زينب : اي
محمد : هكم جو يلا بااااي
زينب : ليش على حساب جو بترووح
محمد : باشوووف الي عندهم و بسمع سوالفهم و ويش صار في الحفله ويش ما صار
زينب : ما عندك سالفه
محمد : ههههههههههههههه الحين انتين بتنامين ؟ لو بتسهرين ؟
زينب : بانام فيي نووومه
محمد : اووكي عجل مع السلامه باجر بتصل فيش
زينب : زين باااي

 

[إشراقة الأمل]

رد: يوميات زينب ومحمد ((بالبحراني))

السلام عليكم






تحياتي،،

 

[شمعة البيت]

رد: يوميات زينب ومحمد ((بالبحراني))

يلا كملها فنن بالصراحه القصه


تــحــيــاتــي،،،

 

[um 3bood]

رد: يوميات زينب ومحمد ((بالبحراني))

يلا كملوا
ابي اجوف النهايه بسرعه

 

[عزيز]

رد: يوميات زينب ومحمد ((بالبحراني))

مشكوورين على مررووركم



ان شاء الله البارت القادم قريب..

 

[عزيز]

رد: يوميات زينب ومحمد ((بالبحراني))

هاااا انزل البارت ولا لا ؟؟

 

[الوردة الحائرة]

رد: يوميات زينب ومحمد ((بالبحراني))

مشكور اخوي على القصة الجميلة الله يعطيك الالف صحة وعافية يارب وايد جميلة
اختك ** وردة الحائرة **