:::: [][][] درس عمل اطار الجزء الاول[][][] ::::

[ريحانة البحرين]

:::: [][][] درس عمل اطار (1)[][][] ::::

دروس مفيدة وسهلة ورائعة حبيت انقلها لكم للاستفاد

السلام عليكم

ان شالله الكل بخير

حبيت احط 3 دروس مختلفه عن كيفية عمل اطار

طبعا الافكار مأخوذه من اكثر من مصدر

اول شي نبدا بايطار بسيط و حلو

مادري شسمه بس سميته

Ocean frame

اول شي تفتحون صفحه يديده بالمقاس اللي تبونه
وتعبون الصفحه باللون اللي تبونه كإطار وانا اخترت الوردي

وبعدين تختارون شكل المربع من اداة الاشكال باللون اللي تبونه

وترسمون المربع بنص الصفحه
وبعد ما تضبطون المربع تطبقون الفلتر
filter>blur>Gaussian Blur
وضبطو الـ Radius على 5

بعدين دمجو الليرات (Ctrl+E)
وبعدها طبقو الفلتر
filter>Distort>ocean Ripple

و ضبطو القياسات على 9

وكررو الفلتر مرتين او 3 مرات او لحد ما يناسب شكل الاطار على ذوقكم

:::


يتبـ ع الدرس الثاني ..


منقولللللل​

 

[همس القلوب]

رد: :::: [][][] درس عمل اطار الجزء الاول[][][] ::::

مشكوووورة أختي على الشروح

الذي أفادتني كثيرا

جزاك الله خيرا

وهذا عملي

 

[مداد الحروف]

رد: :::: [][][] درس عمل اطار الجزء الاول[][][] ::::

اليوم اني متشيطرة واجرب الدروس

لكن ولا واحد ضبط معااي .. لأنه أول مرة افتح الفوتشوب
فاذا تقدرون تخلون دروس دقيقة في الشرح اكثر يكون احسن

على العموم ريحانة استمتعت بدروسش وااجد ..
بس نفس ماقلت اليكم اني ماعرف للفوتشوب خير شر .. فعندي سؤال
في البداية قلتي نعبي الصفحة
انزين شلون نعبيها ؟؟
هذا مالزم .

 

[همس القلوب]

رد: :::: [][][] درس عمل اطار الجزء الاول [][][] ::::

1) نفتح نافذة جديدة أو خلفية ( شفيفة ) ( Background )
ملف ( File ) ---> جديد ( New )

2) تعبئة الصفحة بأي لون شئت .. بوعاء الدهان الموجودة في يسار الشاشة .

3) نختار شكل المربع الموجودة أيضاً على يسار الشاشة .

4) نرسم مربع في وسط الصفحة .

5) بعد ذلك من مرشح ( إضافات ) ( Filter ) ---> تمويه ( نقطة الماء ) ( Blur ) ---> تمويه ضبابي ( Gaussian Blur ) نضبط ال " شعاع " ( Radius ) على "5" بيكسل
( Pixels )

6) ندمج الخلفية + الطبقة ( شكل1 ) ( Layer ) ..

نضغط بلوحة المفاتيح Ctrl+E

7) كذلك من مرشح ( إضافات )( Filter ) ---> تشويه ( Distort ) ---> تموج المحيط
( Ocean Ripple ) نضبط القياس .. حجم التموج ( Rippleb Size ) تسعة , مدى التموج ( Ripple Magnitude ) تسعة

8) نكرر الطريقة رقم (7) مرتين أو 3 مرات ( على حسب ما ترغب ) حتى يتناسب مع أذواقكم

والكتابة من عندي

ملاحظة :
هناك مصطلحات للكلمة الواحدة الموجودة بين الأقواس ( على حسب إصدار البرنامج )

 

[مداد الحروف]

رد: :::: [][][] درس عمل اطار الجزء الاول[][][] ::::

واااي أخيرا استوى شيء تعبت وأنا أحاول أطبق جم درس ولا واحد نجح

لكن هذا ضبط معااي

شكرا همس القلوب تعبتش معاااي .. تسلمين على هالشرح الرائع

 

[الشاعر]

رد: :::: [][][] درس عمل اطار الجزء الاول[][][] ::::

السلام عليكم

اختي مداد الحروف وين التطبيق؟؟؟
نبي نشوف الثمرة

 

[ريحانة البحرين]

رد: :::: [][][] درس عمل اطار الجزء الاول[][][] ::::

همس القلوب اشكرك من اعماق قلبي على
المتابعة مع اختنا العزيزة مداد الحروف

وشكرا على التطبيق

مداد الحروف شكرا على المتابعة واتمنى تستمر
نترقب التطبيق ادري من زمان بس شوقتينا له


تحياتي