هل تتزوج هذه البنت ام لا............؟؟؟؟

[نجمة الأحزان]

1:البنت محترمة وماترضى تسوي اي غلط
2: زين ليش ما تتزوجها

1: لانها رضت تكلمني

2: بس انت تقول انها محترمة وانت تعمقت معها؟

1: صحيح وهي محترمة جدا لكن...

2: لكن شنو ؟

1: اكيد كلمت غيري لانها كلمتني

2: مو شرط

1: الا شرط

2: لكنك تكلمها من فترة طويلة ولما جا وقت الجد وقلنا زواج تهربت
وكنت تقول انك تحبها

1: صح لكن ....... عندي مبدا اللي كلمتني تكلم غيري وتخون

2:

1:

2:

ويستمر الحديث الذي لا ينتهي


.................................................................


شو رايكم انتوا يا شباب

هل ترضى ان تتزوجها؟

ابي ردود صريحة منكم واراء

نبي اراء الجميع المجربين وغير المجربين..... منعا للاحراج ههههه

طبعا اراءكم بتفيد الكثير من البنات

والبنات مدعوون للمشاركة ايضا


هل ينجح هذا الزواج

ام ان الشك يسيطر على الطرفين؟

لا تتهربوا..... جاوبوا


ابي الصراحة

لكم تحياتي....

عبيـــر

 

[الشاعر]

مشاركة: هل تتزوج هذه البنت ام لا............؟؟؟؟

اهلين اختي عبير
والله انا خلاص ودعة الحب ولا ابيه
ما فيه الا وجع القلب والله
الانسان الي خليته بقلبي طلع
ما يستاهل ولو كان يستاهل رضى فيني
وصبر علي

 

[نجمة الأحزان]

مشاركة: هل تتزوج هذه البنت ام لا............؟؟؟؟

أي والله الحب ما فيه إلا وجع القلب أو قليل أتلاقي أحد في هذا الزمن أحب من قلب أو يبادلك مثل الشعور

ياحسافه على هالزمن ما ضل فيه لا حب ولا صدق مشاعر ماضل فيه الا اللعب والتسليه والمرح والخيانه انعدم شي اسمه حب بهالزمن

أو مشكووور أخوي الشاعر على المرور والرد..


وبنتظار باقي الأعضاء..


تحياتي للجميع...

عبيـــر
(التي دار عليها الزمان)

 

[ضايق بالي]

مشاركة: هل تتزوج هذه البنت ام لا............؟؟؟؟

شكرا اختي عبير على طرح الموضوع

1- بصراحة انا شخصيا ماعندي مانع طبعا اكيد موشرط ان تكون الوحدة كلمتك كلمت غيرك وحتى كلمت غيرك لا تنسى ان في الوقت اللي راح ترتبط بها بتكون لك وحدك ولا شي غير وبكون حبكم شي عظيم ومحد يقدر يفرق بينكم وحتى لو ماكلمتها يعني شدعوا اذا كان الواحد راح يخطب وحده او شي مابيكلمها لازم بكلمها وبشوفها اذا كانت تصلح له اولا وحتى ولو راح وخطب وحدة وكانت تكلم احد من قبل شلون هو بيعرف عنها حتى لو سال في اشياء محد يعرف عنها شي والبيوت اسرار ..................

2- بالنسبه لنجاح العلاقة ونجاح الزواج طبعا هذي يعتمد على الاثنين شلون كانت علاقتهم قبل وشلون بتكون بعد الزواج يعني انا بصراحة عرفت ناس تزوجوا بعد علاقة دامت سنين وللحين والحمد الله من أحسن مايكون مع بعض وعندهم اولاد بعد....., وفي ناس بعد تزوجوا بعد علاقة بعد دامت سنين بس انفصلو بعد سنه من الزاوج بسبب المشاكل مع الاهل وبعد فتره رجعوا حق بعض وللحين الحمد الله............

بااختصار الموضوع بشكل عام يعتمد على شخصية الرجل والمرأة وكل واحد يحب تكون او يكون فارس الاحلام اللي في باله.........

وبالنسبه للحب اخوي الشاعر وأختي عبير
((الحب ما فيه إلا وجع القلب أو قليل أتلاقي أحد في هذا الزمن أحب من قلب أو يبادلك مثل الشعور

ياحسافه على هالزمن ما ضل فيه لا حب ولا صدق مشاعر ماضل فيه الا اللعب والتسليه والمرح والخيانه انعدم شي اسمه حب بهالزمن))

انا اعتبر هذا الكلام غلط بصراحة لأن الحب موجود بس السؤال وين تحصله؟ ومع من؟ وهل الشخص يستاهل الحب ام لا؟

واذا احد فيكم جرب الحب ومانجح هذا دليل على ان العلاقة كان بها خلل من طرف احد منكم ولاتنسون ان الأصابع مب سوا يعني ليش كل الناس لا يعرفون الحب او لللعب بس ارد اكرر كلامي واقول كل شي موجود بس وين نحصله...

هذي رايي وسامحوني اذا قلت شي ماعجبكم

تحياتي
ضايق بالي

 

[الشاعر]

مشاركة: هل تتزوج هذه البنت ام لا............؟؟؟؟

اهلين فيك اخوي ضايق بالي
اخوي انا تكلمت عن فشل
الحب هذي الايام وانه صار شي عادي
من واقع حي ومن احصائيات
صحيح الحب شي عظيم بس الي
يبي يحب ويحب البنت يتقدم لها
وفي نفس الوقت اذا البنت تحبه
راح توافق فيه واما اذا كانت
ضروفه ما تسمح له يتقدم لها في الوقت الحالي
فهذا الشي معذور فيه ولازم يذكر الاسباب

 

[نجمة الأحزان]

مشاركة: هل تتزوج هذه البنت ام لا............؟؟؟؟

مشكووور أخوي ضايق بالي على المرور والرد...

بس حبيت اقول ليك أنه كلامك صح بس أني ما كان قصدي أنه مو موجود الحب بالعكس موجود بس صعب تلاقي احد يحب من قلب أو يبادك الشعور في هذا الزمن.

ياحسافه على هالزمن ما ضل فيه لا حب ولا صدق مشاعر ماضل فيه الا اللعب والتسليه والمرح والخيانه انعدم شي اسمه حب بهالزمن

هذا كلام صحيح الأنه هذا إلي صاير الحين كل واحد يكلم بنيه ويقول أنه يحبه و في الآخير يطلع ما يحبها ويكلم ألف غيرها وكل وحده يقول ليها مثل الكلام ولما يتملل منها المسكينه يقوم اطنشها وله يعطيها أي اهميه صايره مشاعر الناس عندهم لعبه كأنه البنات مثل السيارات أو التلفونات اذا تمللو منهم تركوهم أو شافوا غيرهم...


ولاتنسون ان الأصابع مب سوا يعني ليش كل الناس لا يعرفون الحب او لللعب بس ارد اكرر كلامي واقول كل شي موجود بس وين نحصله...

صح أنه الأصابع مو سوا لكن مثل ما قلت بس صعب تلاقي احد يحب من قلب أو يبادك الشعور في هذا الزمن..

يمكن 40% صادقين و 1000% الحب عندهم كله لعب وتسليه

وهذي مجرد وجهة نظري يعني...

مع تحياتي للجميع...

عبيــر

 

[فطوم]

مشاركة: هل تتزوج هذه البنت ام لا............؟؟؟؟

الصراحة رايي من راي عبير وصح لسانج عدمت في هالدنيا الوفى
والله الصراحة امشي في الجامعة اسمع عبارات مثل (والله راح اراويها وراح اشوه سمعتها) او (والله انا كلمتها مرتين صارت لصقة) يعني عبارات
والله بصراحة وحدة مايد الحب ولان اول شي الواحد موضامن الشخص الي يكلمة شنو نيته هل صافية ام سيئة والشي الثاني ان الصراحة في مجتمعنا تسوء سمعة البنت وعقب ماتسؤ شوف راح ياخدها ولا لا
وعاد تعرفون كلام الناس لازم يضيفون ملح وبهارات ووالله البنت اتكون هي الضحية

 

[الشاعر]

مشاركة: هل تتزوج هذه البنت ام لا............؟؟؟؟

صحيح كلامج اختي فطوم
وهذا كلامي الي يبي البنت
ويحبها وكلشي يدق باب بيت اهلها
وويطلب يدها هذي الاصول
او نفرض انه كلم البنت
اذا يبيها يقولها راح اتقدم الج او شي
بس العلاقه اذا تطول مشكله
وخاصه اذا كانت بغير علم الأهل
ولا ننسى في حدود
وانا نفسي عزيت انسانه وخليت املي
فيها بس ما كانت تستاهل

 

[kamel]

مشاركة: هل تتزوج هذه البنت ام لا............؟؟؟؟

شكرا على الموضوع وثاني شي اذا ممكن اعبر يا عبير عن شي مهم للاسف ممكن هاذا الشي يصير بمجرد فتره وتخلص يعني بنهاية انا شخصيا سمعت ناس واجد كانو يدرون النهاية مجرد حلم جميل بفترة جميلة وبس... مدري يمكن بس بعد ممكن اقول انه البنات مظلومين ولصبيان السبب.. البنت تبي صبي واحد الصبي يبي اكثر من بنت
سامحوني شباب يعني بس هاذي الحقيقة

 

[الشاعر]

مشاركة: هل تتزوج هذه البنت ام لا............؟؟؟؟

اخوي كامل
انا مو مع البنت ولا الولد
ولاكن تبي الحقيقه الطرفين
فيهم ظلام وما يصير نحكم لطرف واحد

 

[فطوم]

مشاركة: هل تتزوج هذه البنت ام لا............؟؟؟؟

الدنيا جدي ياتصيب ياتخيب لازم في واحد مجروح ولازم في جارح من جدي مايد الحب لان ماحب اكون امثل احد الدورين وخصوصا اذا طالت العلاقة اهني المشكلة زيادة

 

[مخاوي سهيل]

مشاركة: هل تتزوج هذه البنت ام لا............؟؟؟؟

شكرا لكل من شارك وساهم في الرد
عبير: أنتي رائئئئئئئئئئئئئئئئئئئئعه وتستحقين الشكرا على هذا الموضوع الجرئ

اللي ضايق باله: بكل الحب ومع فائق أحترامي وتقديري لكل الأعضاء أزف لك من أعماق قلبي تحياتي الحاره على ردك الذي أعتبره ينم عن رجاحة عقلك فلقد كان ردك فيه من الحكمه والرزانه الشئ الكثير ولن أزيد الا أن هالكلام مايقوله واحد صج ضايق باله.

تقبلوا تحياتي

 

[صدى الاحزان]

مشاركة: هل تتزوج هذه البنت ام لا............؟؟؟؟

اهلين اختي عبير
والله انا خلاص ودعة الحب ولا ابيه
ما فيه الا وجع القلب والله
الانسان الي خليته بقلبي طلع
ما يستاهل ولو كان يستاهل رضى فيني
وصبر علي

وجع قلب اله اف انع ابو الحب
كنت افتكره شي ثاني
بس نفس ماقال الشاعر وجع قلب انصحكم لاتحبون
اذا كان حب نفسي

 

[ابن الخامنئي]

مشاركة: هل تتزوج هذه البنت ام لا............؟؟؟؟

السلام عليكم.....
شكرا لك اختي (عبير)
على هدا الموضوع الرائع والجريء منك
انا معاكم في ماقلتم اخوتي اخواتي
وانا بالنسبة لي خلاص عفت الحب
لاني حبيت وضحيت بس بدون نتيجه
ومن كثر ماحبيت شاب رأسي

والهم دخل داري
ومن الحب انا صرت مريض

مااقول الا اه ثم اه منك ايه الزمن الغريب
والقلب صار كله اجروح

ياليت احصل اللي يداويني
ويحبني؟؟؟؟؟؟؟؟؟

تحياتي:clap:
مشرف الصوتيات
[blink]....ابن الخامنئي....[/blink]

 

[ستراوية]

مشاركة: هل تتزوج هذه البنت ام لا............؟؟؟؟

اول شي هي طريقه للحب
وتكمله الحب تكون في الزواج
واني اشوف ان الشخص الي مو واثق في نفسه
لا يقعد يلعب على بنات الناس
البنت عندها مشاعر وعندها احاسيس
واذا ما كان يبي يتزوج وحده كلمته وكلمها قبل الزواج وكان بينهم علاقه
ليش يخدع البنت من البداية ؟؟؟؟؟
هذا شاب فاضي ومتهور
وما يعرف يحب
لان الحب مو بهاي الطريقه
جان قال ليها من البداية وصارحها
واني اشوف ان مو عيب ولا حرام وحده حبت واحد او هو حبها وكانت بينهم علاقه بس العيب ان مو كل شخص هالايام تلاقيه قد المسؤليه سواء من البنت او الشاب لان ما عادت في ثقه
وقليل من تلاقيه صادق في مشاعره ....




ستراااااااااوية

 

[مخاوي سهيل]

مشاركة: هل تتزوج هذه البنت ام لا............؟؟؟؟

تسلمين ياستراويه
و فعلا قليل من تلاقيه صادق في مشاعره ...

تحياتي لج

 

[kamel]

مشاركة: هل تتزوج هذه البنت ام لا............؟؟؟؟

مرحبا بس تذكرو شي انه كل هلفترات بفترة المراهقة البنت والصبي عندهم انجذاب وحتى لو فكرو بزواج الزمن يلعب بلوراق ولا تظنو انه الشي هين وسهل على الشباب
تحياتي

 

[عاشق أهل البيت]

مشاركة: هل تتزوج هذه البنت ام لا............؟؟؟؟

بسم الله الرحمن الرحيم
اللهم صلي على محمد وال محمد

انا بصراحه حبيت انسانه دخلت قلبي من طيبها واخلاقها
بس حتى لو كلمتها مو معناتها انها كلمتني يعني كلمت غيري هذا الشي مو شرط يصير
وحتى لو كلمت غيري وانه واثق فيها وهي واثقه فيني معناتها بتكون لي وبس
ومثل ماقال اخوي الشاعر اذا واحد يبي وحده يروح لها من باب بيتهم
وصح كلامكم الحب عذاب

اسأل مجرب ولاتسأل طبيب هههههههه

الله يوفق الجميع

ومشكوره خيوتو على طرح هذا الموضوع


تحياتي للجميع ............... اخوكم عاشق

 

[عروج الروح]

مشاركة: هل تتزوج هذه البنت ام لا............؟؟؟؟

مشكورة خيو عبير عالموضوع الحساس
و اللي يقدر الواحد يطرح وجهة نظره...

الحب في هذا الزمن موجود بس نادر الوجود و القليل من يقدره و الباقي عندهم لعبه و لا ويفتخرون انهم يكلمون أكثر من وحدة تقول دعاية و كل وحدة يقولون حقها نفس الكلام انهم يحبونها و عندهم و عندهم و ما ادري شنو يقصون على بنات الناس..

و الله انا شفت بعيني بنات بعد يكلمون اكثر من واحد و يقولون يحبونهم حشى القلب صار شقق مفروشة للحب القلب لازم يملكه واحد بس مب عشرة...
في هالزمن الحب صار للعبه و تسلية...

أنا اعرف وحدة حبت واحد من قلب اهو في بداية الامر لو تشوفون أسلوبه و كلامه تقولون ما يجذب و يحب البنت بس يوم البنت تقدم لها واحد قالت له قال لها اذا تحسين احسن مني اخذيه ما ابي اتعسج و سعادتج من سعادتي و منها ما كلمها و اهي ما وافقة على الصبي اللي تقدم لها عقب اهو وصل له الخبر انها ما تزوجت رجع يبي يرد لها اهي ما رضت كل شي و لا كرامتها عرفت انه يلعب عليها يوم درى برفضها قام يغلط عليها و انها و انها و انتهى كل شي بينهم و الحين اهي اخذت واحد غير و قالت له كل شي و الحمد لله عايشين بمعزة و حب كبير يجمعهم اما اللي كانت تحبه للحين ما تزوج و اعتقد من بنت لبنت بعد...

بس الشباب اهم اكثر خيانه و جذب من البنت لان قليل منهم اللي يقولون الصج و ما يجذبون...

الله يهدي الجميع...

عروج الروح

 

[نجمة الأحزان]

مشاركة: هل تتزوج هذه البنت ام لا............؟؟؟؟

وأني معاج أختي فطوم:الدنيا جدي ياتصيب ياتخيب لازم في واحد مجروح ولازم في جارح

ألف شكر لكم أخواتي وأخواني على مروركم و أرائكم

تحياتي لكم جميعاً

أختكم...عبير