قصص واقعيه لليلة الزفاف خخخخخخخخخخخ

[دانية]

قصص واقعية......بليلة الزفاف...
هذه بعض القصص الواقعية ..الطريفة ..والتي حدثت لابطال القصة .. قبل ليلة زواجهم ..


****************************


@ فتاة قد تعودت هي وأخوتها إذا مـر أحدهم بجانب الثاني مـد رجله ليسقطه على الأرض ،،، فلما تزوجت وفي -الأسبوع الأول - من الزواج وحين نهض الزوج من وجبة الغداء لغسل يديه مــدت الفتاة رجلها - كالعادة - فسقط الزوج وكسرت ذراعــه .....واما الفتاة من شدة خجلـها من الموقف ذهبت لأهلهـا !!!!! @

عاده سيئة ..والنتيجة ..كانت اسوأ
****************************

@ واحد تزوج على زوجته ( ومن الحرة اللي فيها )... جت في ليلة عرسة خذت ثيابه اللي بيلبسها ومسحت عليها قشر برشوم " والبرشوم فاكهه لها أشواك رهيبة و

ياشيخ البرشومي ولا سحر الله يستر !
****************************

@ فيه وحده تقول في اول ايام زواجي طلب مني زوجي ان افتح له علبة بيبسي .... قمت وفتحت العلبة قدام وجهه و.. يا للهول طاااااااش البيبسي على وجه وملابسه والجدار .. وانا مع خوفي جتني حاله هستيرية من الضحك وأنا أشوف هالموقف .. @

تبي تكحلها عمتها ......
****************************

@ فيه وحده تخجل مرة مرة .. ولما تزوجت كانت تخجل حتى تتكلم مع زوجها .. وكانوا الحريم يلومونها على هالخجل الزايد ويقولون لها لازم تحكين مع زوجك و تمزحين معه تدفينه بيدك مثلاً .. وصممت هالمرأة على كسر هالحاجز من الخجل الزايد ...ومرة من المرات هي وزوجها بالسطح يوم جاء الزوج بينزل مع الدرج ألا وهي تسرع وتدفه ( تدفعه ) وهي تبسم .. تدحرج المسكين وترن ترن مع هالدرج الى ان وصل آخر درجة وهو بعد ما استوعب وش اللي صــــــار !! @

بعد مايبيله ....دفاااشه
****************************

@ وحده يوم عرسها بعد ما خلصت من التجميل والتسريحة .. جت تطلع على الحريم والرزة على المنصة .. شافت بعض ( الحمرة ) في يدها دخلت تغسل يدها وفتحت الحنفية .. ومـادرت الا والدش يصب على راسها !! @

ايه أحسن خلها تطلع على حقيقتها ههههه
****************************

@ وفيه وحده بعد تقول في الاسبوع الاول من زواجي حلمت اني العب مع اخواني وقام اخوي الصغير واخذ شي من اغراضي وقمت الحقه حتى مسكته وقمت اضربه واصفقه .. يوم توقظت لقيت اني اضرب زوجي !! @

أيه مو الاحلام صارت شماعه نعلق عليها حررررتنا !
****************************

@ هذي انخطبت وطبعا جاء العريس ووالده لاهل البنت عشان يتفقون على لوازم الفرح والذي منه ..المهم اللي حصل ان البنت واخواتها يبغون يشفون العريس وكان في غرفه مجاوره لغرفة المجلس يفصل بينهم باب سحاب البنت هذه واخواتها متجمعين عند الباب ومطفين النور وكل واحدة تدفع الثانيه تبغى تشوف وفي هذه المعمعه والدافع والمدفوع لشوفة العريس ولكثرة الضغط ودزني ودزك .. مادرت البنت الا وهي مدفوعه من الباب .. وطاحت على ويهها جدام العريس !! @

 

[ريحانة البحرين]

رد: قصص واقعيه لليلة الزفاف خخخخخخخخخخخ

هههههههههههههههههههه مواقف ولا احلى

مرة قرأت موقف رهييييييييييب

وهو انه في بنت خجولة جدا جدا ولما انخطبت هالبنت كانت تخجل انها تاكل قدام خطيبها
وفي يوم كانوا يحضرونه لعش الزوجية وكانوا طالعين يشترون اثاث البيت طبعا استغرق منهم
وقت طويل وكلما خطيبها يبي يعزمها على شي تاكله ترفض وتتظاهر انها شبعانة
وماصدقت لما وصلو البيت وهي ميتة جووع بس خطيبها نزل وياها "لانه يصير لهم " يبي يسلم على عمته وفعلا سلم على عمته بسرعة وطلع والبنت ماصدقت طيرااان على المطبخ وتاكل بشراهة "اتخيلها " عافسة روحها مثل الجهالو ههههههههههههههههههه
فجأة سمعت صوت ضحك الا هو خطيبها واقف يطالعها ويقول لها كل هذا جوع ههههههههههههه
طبعا البنت انحرجت انحراااج هههههههههههههه "خطيبها كان ناسي مفاتيحه ورجع ياخذهم "

الله يساعدها هههههههههههه
يسلموو دانية نترقب جديدك

تحياتي

 

[دانية]

رد: قصص واقعيه لليلة الزفاف خخخخخخخخخخخ

ههههههههههه

بصراحة وايد احراااج أشكرك ريحانه على المرور الكريم والذي يسعدني كثيرا كثيرا وتقبلي تحياتي
دانـــــــــــــــــية