الكويتيون : بدل البيت الواحد ، يملكون فللا في عاصمة لندن.
البحرينيون : بيوت آيلة للسقوط.
الكويتيون : كل خمس سنوات ، او قد يكون سنويا ، تبديل سياراتهم آخر موديل.
البحرينيون : مازالت سيارات الستينات والسبعينات(سمكرة وصباغة) حتى إشعار آخر.
الكويتيون : بدل الخادمة(خدم وحشم) ، مربية ، وطباخة ، وسائق ، ومنسق حدائق ، الى آخره.
البحرينيون : في حالة الضرورة القصوى(خادمة ام ساعة).
الكويتيون : الطالبات الجامعيات ، يوميا اكسسوارات وعطورات ، وثياب آخر موضة ، وسائق خاص ،او لديهن سيارات خاصة يسيل لها اللعاب .
البحرينيون : يقلهم للجامعة باص تاتا ، هذا اذا توفر ، لا تكييف ، ولا تنجيد ، وشكله يفشل.
الكويتيون : الشباب الجامعي مصروف الجيب الشهري للكماليات لا يقل عن 300 دينار .
البحرينيون : ديون وسلف وجمعيات علشان شراء كتب ، او دفع قيمة الكورس.
الكويتيون : كل فلة فيها ديوانية طول بعرض ، وحوش طول بعرض ، وحديقة للعب اليهال ، وملحق للسيارات والخدم ، هذا غير بركة السباحة ، وما خفي اعظم.
البحرينيون : حتى لطبيلة صارت حسينية للنسوان ، وحجرة الدرج صارت مخزن للغراض.
الكويتيون : ما يكاد تهب نسمة هواء حارة ، الا وحجزت التذاكر للبلدان الاوربية للنقاهة والترويح والاستجمام.
البحرينيون : الثلاجات خراب ما تبرد ، والمكيفات تبغي سرفيس ، وبالدقيقة انقطعت الكهربة ، والماء الي في الخزانات يبغي اليهم قوالب ثلج من زود الحرارة .
الكويتيون : حتى الي في الروضة والي في الحضانة عندهم حساب في البنك .
البحرينيون : الواحد يصير ويش طوله وويش عرضه ، ويادوب في جيبه نصربية لنقل العام.
الكويتيون : الواحد منهم من تتفتح عيونه في هالدنيا ، الا وكلشي يبغيه موجود ومتوفر.
البحرينيون : الواحد من صغره يشتغل كولي وحمالي ودريول ، ويصير عمره ويش قده وبعده ماتزوج ، وان تزوج فبالديون والقروض والمساعدات الخيرية ، ويظل طول عمره ساكن في شقة للايجار ، او في حجرة قرقور في بيت الوالد.
الكويتيون : كل نسوانهم الذهب عليها من فوق الى تحت ، وما يشبعون من التسوق والمشتريات والبطنات ، وكل وحده شيخة حبابة .
البحرينيون : كل وحده علمها بالذهب من يوم ما تزوجت ، والسوق ما تطبه ولا تدري عنه ، وتكرف في البيت طول اليوم ، وشكلها يكسر الخاطر.
الكويتيون : كل ولد من اولادهم حجرة خاصة ، وكمبيوتر وتلفون ودش وسيارة ورصيد في البنك ، وعقار مسجل باسمه ، هذا غير الدكاكين والبنايات والشقق المؤجرة.
البحرينيون : كلهم مندعسين في حجرة وحدة ، هي لاكلهم ولنومهم ، وتشوف الولد من اولادهم كل يوم هوشة ونجره مع اخوانه واخواته علشان يقدر يراجع دروسه .
الكويتيون : بيزاتهم وفلوسهم كله في الغبقات والحفلات والسهرات والسفرات والعطورات والاكسسوارات والثياب ، واعياد الميلاد ، وكلشي يشفون عليه يشترونه من الهند الى السند.
البحرينيون: كل واحد يفكر متى ينته الشهر ويطلع المعاش ، ومتى ينته قرض البنك والاسكان ، ويظل طول عمره يفكر ويحاتي ، ويصير عنده الضغط والسكر ، والجلطة ويموت .
الكويتيون : اذا طلع الواحد منهم تقاعد ، معاشه يمشي احسن من أول ، هذا غير التأمين الصحي ، والتأمين مدى الحياة ، وعلاوات وامتيازات وحوافز هنا وهناك ، ويعيش سلطان زمانه .
البحرينيون : اذا طلع تقاعد ، ثلاثة ارباع الراتب يروح ، وينهش منه بنك الاسكان ، واذا في قروض شخصية ، واذا في استبدال راتب ، وما يتبقى الا عكيش .
الكويتيون : يهالهم آخر تسريحة ، وآخر كشخة ، وتشوفهم كأنهم بنات من زود الدلع والدلال .
البحرينيون : اليهال من درام الى درام يدورون على قطعة حديد او الومنيوم علشان يبيعونها .
في واقع الامر لو اردنا الاسترسال في وجه المقارنة ، فسوف نطوي صفحات وصفحات ، لكن تكتف بهذا القدر المستطاع ، ولكن مالنا إلا ان نذكر قول الامام علي(ع) لو ان الفقر رجلا لقتلته .
البحرينيون : بيوت آيلة للسقوط.
الكويتيون : كل خمس سنوات ، او قد يكون سنويا ، تبديل سياراتهم آخر موديل.
البحرينيون : مازالت سيارات الستينات والسبعينات(سمكرة وصباغة) حتى إشعار آخر.
الكويتيون : بدل الخادمة(خدم وحشم) ، مربية ، وطباخة ، وسائق ، ومنسق حدائق ، الى آخره.
البحرينيون : في حالة الضرورة القصوى(خادمة ام ساعة).
الكويتيون : الطالبات الجامعيات ، يوميا اكسسوارات وعطورات ، وثياب آخر موضة ، وسائق خاص ،او لديهن سيارات خاصة يسيل لها اللعاب .
البحرينيون : يقلهم للجامعة باص تاتا ، هذا اذا توفر ، لا تكييف ، ولا تنجيد ، وشكله يفشل.
الكويتيون : الشباب الجامعي مصروف الجيب الشهري للكماليات لا يقل عن 300 دينار .
البحرينيون : ديون وسلف وجمعيات علشان شراء كتب ، او دفع قيمة الكورس.
الكويتيون : كل فلة فيها ديوانية طول بعرض ، وحوش طول بعرض ، وحديقة للعب اليهال ، وملحق للسيارات والخدم ، هذا غير بركة السباحة ، وما خفي اعظم.
البحرينيون : حتى لطبيلة صارت حسينية للنسوان ، وحجرة الدرج صارت مخزن للغراض.
الكويتيون : ما يكاد تهب نسمة هواء حارة ، الا وحجزت التذاكر للبلدان الاوربية للنقاهة والترويح والاستجمام.
البحرينيون : الثلاجات خراب ما تبرد ، والمكيفات تبغي سرفيس ، وبالدقيقة انقطعت الكهربة ، والماء الي في الخزانات يبغي اليهم قوالب ثلج من زود الحرارة .
الكويتيون : حتى الي في الروضة والي في الحضانة عندهم حساب في البنك .
البحرينيون : الواحد يصير ويش طوله وويش عرضه ، ويادوب في جيبه نصربية لنقل العام.
الكويتيون : الواحد منهم من تتفتح عيونه في هالدنيا ، الا وكلشي يبغيه موجود ومتوفر.
البحرينيون : الواحد من صغره يشتغل كولي وحمالي ودريول ، ويصير عمره ويش قده وبعده ماتزوج ، وان تزوج فبالديون والقروض والمساعدات الخيرية ، ويظل طول عمره ساكن في شقة للايجار ، او في حجرة قرقور في بيت الوالد.
الكويتيون : كل نسوانهم الذهب عليها من فوق الى تحت ، وما يشبعون من التسوق والمشتريات والبطنات ، وكل وحده شيخة حبابة .
البحرينيون : كل وحده علمها بالذهب من يوم ما تزوجت ، والسوق ما تطبه ولا تدري عنه ، وتكرف في البيت طول اليوم ، وشكلها يكسر الخاطر.
الكويتيون : كل ولد من اولادهم حجرة خاصة ، وكمبيوتر وتلفون ودش وسيارة ورصيد في البنك ، وعقار مسجل باسمه ، هذا غير الدكاكين والبنايات والشقق المؤجرة.
البحرينيون : كلهم مندعسين في حجرة وحدة ، هي لاكلهم ولنومهم ، وتشوف الولد من اولادهم كل يوم هوشة ونجره مع اخوانه واخواته علشان يقدر يراجع دروسه .
الكويتيون : بيزاتهم وفلوسهم كله في الغبقات والحفلات والسهرات والسفرات والعطورات والاكسسوارات والثياب ، واعياد الميلاد ، وكلشي يشفون عليه يشترونه من الهند الى السند.
البحرينيون: كل واحد يفكر متى ينته الشهر ويطلع المعاش ، ومتى ينته قرض البنك والاسكان ، ويظل طول عمره يفكر ويحاتي ، ويصير عنده الضغط والسكر ، والجلطة ويموت .
الكويتيون : اذا طلع الواحد منهم تقاعد ، معاشه يمشي احسن من أول ، هذا غير التأمين الصحي ، والتأمين مدى الحياة ، وعلاوات وامتيازات وحوافز هنا وهناك ، ويعيش سلطان زمانه .
البحرينيون : اذا طلع تقاعد ، ثلاثة ارباع الراتب يروح ، وينهش منه بنك الاسكان ، واذا في قروض شخصية ، واذا في استبدال راتب ، وما يتبقى الا عكيش .
الكويتيون : يهالهم آخر تسريحة ، وآخر كشخة ، وتشوفهم كأنهم بنات من زود الدلع والدلال .
البحرينيون : اليهال من درام الى درام يدورون على قطعة حديد او الومنيوم علشان يبيعونها .
في واقع الامر لو اردنا الاسترسال في وجه المقارنة ، فسوف نطوي صفحات وصفحات ، لكن تكتف بهذا القدر المستطاع ، ولكن مالنا إلا ان نذكر قول الامام علي(ع) لو ان الفقر رجلا لقتلته .
