موسوعة من المسجات

[أشلاء روح]

مسجات الحب

صدقيني أي كلمه تنطقيها .......... تعتبر في ذاتها معجم غرام

وأي نظره من عيونك ترسليها .......... ما يترجمها على أوراقي كلام

وأي بسمه في شفاتك ترسميها .......... منتهى أمن المولع والسلام

وكان ما نظرات عيني تفهميها .......... يصبح اسم البوح في شرعي حرام



سر ياقلم واكتب من الفكر ماطاب .......... واكتب كلام ترجمته الأحاسيس

على صديق غاب عني ولاغاب .......... أعيش في ذكراه وقت الهواجيس

الدمع في عيني حبسته بالاهداب .......... والهم في قلبي تعدى المقاييس



أحدن على ربعه شجرته مظله .......... وأحدن على ربعه سموم ولواهيب

وأحدن على ربعه عباله وعله .......... وأحدن سلامه يبري الجرح ويطيب

وأنت الذي يا مالك الطيب كله .......... تاج المها لا ما وجدبك عذاريب



أنت الوحيد اللي له القلب طوعت .......... منك أستلذ الجرح حتى عذابك

مت بغرورك كيف لامن تواضعت .......... أحس كن الكون قام وزهابك

قربك حياتي يافدى روح من طعت .......... فيك ابتدى معنى الغلا وانتهى بك



لو تسأل هالقلب جاوب على طول
قال أنت من بد المخاليق غالي

ولو تسأل العين فالعين بتقول
لولا غلاكم ما سهرت الليالي



حاولت أغيب صورتك عن خيالي .......... وعيا خيالي يبتعد عنك ويغيب

هذا خطا قلبي وعذري وحالي .......... وهذي جروحي من غيابك معاطيب

في غيبتك ما فارقتني الليالي.......... كني خلا والحزن في صدري الذيب

مقسى غلاك وغربتي وارتحالي .......... أنا أشهد ان الحب له سهم مصيب



أحبك كثر ما تسهر عيون العاشقين الليل
وأحبك كثر ماحن الغريب لشوفة أوطانه

وأحبك كثر حب البدو للقهوه بريح الهيل
ليا من صبها النشمي على ربعه وضيفانه

يا أطهر من مياه البحر وأعذب من مياه النيل
أحبك كثر ملح البحر أحبك كثر مرجانه



أنا غرضك الى انتخى فلان بفلان
وأنا لهبك الى انطفت يوم ضوك

طير تهده وان جت الحاجه حصان
وشلفا توردها محاني عدوك



لو قالوا ان الشمس توله وتشتاق
لقول ما غيرك حرقها من الشوق

والا القمر لو يفهم وعنده أخلاق
ما كان غيرك معتلي في السما فوق



أحبك كثر ما ضم البحر شمس الدفا بذهول
يا ليتك من وفا هالشمس باللقيا توافيني

وأحبك كثر ما عانق نسيم الغرب ورد سهول
وعد الوبل ما عانق فياضه والبساتيني

أحبك كيف يا عمري وهل يصبح من المعقول
بأن اللي معه روحه يقول أهواك يا عيني



يامن غدى شوفه كما حبة الكوع ........... لمسه قريب وحبته مستحيله

قلبي على شوفك ولاماك مطبوع ........... حيرتني ما عاد لي فيك حيله

خل العذر مالي من العذر منفوع ........... وقل لي وش أسباب الجفا وش دليله



أنا لست أحد سلاطين الحب

ولا ملكا من الملوك

ولا أملك عصى سحريه

كي أجبرك على محبتي

ولكنني..

عاشق مرهف الاحساس

لا أملك ما يملكه غيري من مال أو جاه

لكنني أملك قلب

لو نظرت بداخله

فلن تجدي أحدا غيرك


جمالك لعنبوا حيك جمال ما يجي بسطور

ويمكن بألف بيت وبيت أوصف خنصر ايدينك



أوعدك

دام الشجر يرقص مع هبة الريح

يبقى الوفى والصدق بيني وبينك



تبي تقرا كتاب من حياتي؟؟
وتكشف سر ما عمرك قريته؟؟
بقلبي ما معك بالحب ثاني..
أصل حبك بنى بالقلب بيته..
لقيتك نور في معتم زماني..
وغيرك نوره الصافي وطيته..
غرامك يا هوى بالي خذاني..
وحب غير حبي لك نسيته..


وقتي معاك ماينحسب بالدقيقة
وقتي معاك بفرحة العمر محسوب
بسمعي لصوتك تنفرج الف ضيقة
ولا شفت طيفك مابقى بعمري كروب
وصلك يبلل خافق جف ريقة
حرام لو هو معصيه مااشبع ذنوب



شخص تلاش صورته
"بعد فرقاه"
وشخص يموت بصورته
"مانسيته"
وشخص تباشر بالمطر
"يوم تلقاه"
ولو في يدك تعطيه
"عمرك عطيته"



احساسي من يمك غريب
عندي شعور بحيرتي
وتغلبني مرة غيرتي
ودي اجي مثل الطفل
احضنك وانسى دنيتي
مرات ودي املكك
ومرات ودي اعشقك
ومرات ياخذني الوله
ومن قلبي افقدك



انا وانت وش اوصفلك عجز عن وصفنا تعبير
مثل مدري ؟ مثل وشو! ولكن صعب تصويره
انا وانت بلاش انت "انا" لو بفقدك شصير
مجرد طاري الفرقا علي ياصعب تأثيره
احبك ايه احبك ذي بعد يبغالها تفكير!!
يخلف الله على عقل ملكت كل تفكيره



انا لا قلت لي شلونك وانا ضايق اقول بخير
مدامك سائلن عني اكيد ان ضيقتي راحت
انا من كثر ما احبك احسك في عيوني غير
تضيق النفس من غيرك ولامن شفتك ارتاحت


يــــتــــبــــع ​

 

[أشلاء روح]

رد: موسوعة من المسجات

مسجات اسلامية

تحلو الحياة بصحبة الأخيار

وتطيب رغم تعاقب الأكدار

يا رب فاجمعنا بدار قرار



إذا شعرت بالضيق

(اغمض عينيك )

(تنفس بعمق )

وردد (لاإله إلا انت سبحانك إني كنت من الظالمين )
وأخيراً .......
احمد الله انك كنت وما زلت مسلماً



إذا استصغرت ذنبا00فاعلم أنك ما قدرت الله حق قدره,وتذكر00
(وبدا لهم من الله مالم يكونوا يحتسبون)


القشة طوق نجاة يرسلها الله تعالى لمن دعاه مضطرا أيا كانت وجهته فلا تيأس



عندك هم ما تبدد
أو أمل ما تحقق
أو حزن يتجدد
أنا رصيدك لا تتردد
( صلاة الليل )



أن ذهاب يومك أنما هو ذهاب بعضك
فاستغل أخي وقتك بالطاعات



اللهم إملأ وجوهنا منك حياءا واملأ قلوبنا منك وجلاً
وأسكن في نفوسنا من خشيتك ما تحول به بيننا
وبين معاصيك وما تذلل به جوارحنا لطاعتك ياالله



إذا كنت تحبه فأدم ذكره وإذا ذكرته
فإنّه يذكرك...ويا لها من صفقة رابحة



هذي رسالة تدعي لك النفس فيها
يارب تسعد على الأيام قاريها
وصحبتك شمعة عسى الله لايطفيها



دعاء من حنايا الروح
وهمس بالعبير يفوح
أن تكون في حفظ الله
وين ما تروح



لكي تبحر في سعادة ليس لها ساحل
أركب زورق التقوى وليكن مجدافك ذكر الله


التكبير في هذه الأيام
سنة دفنت في زمن الغفلة
فأحييها وذكر غيرك بها



ذكرى

حاسب
نفسك
فالعمر محسوب
عجبا لنائم
وهو مطلوب
ولضاحك
وعليه ذنوب



إذا ابتليت فثق بالله ولا تجزع
وإذا عوفيت فاشكر الله ولا تقطع
وأذا وقف بك أمر فلا تيأس ولا تطمع
وفوض أمرك إلى الله فنعم المرجع
فإذا فعلت فقد فزت بخير الدارين أجمع



الحمد لله الذي احيانا
فأوجد لنا مواسما للخير
ونفحات للايمان
وكل عام وانتم
أجد عملا
واكبر أملا
وألم شملا
وأسعد حالا
واوفر حلالا
واريح بالا
وأكثر فألا
والى الفردوس أقرب منالا



أذا كــانت عيني لاتــراك

فــــفي قــــــــلبي أرعــاك

ومن دعــائي لاأنســــــاك

سهـــل الرحمن خطـــــاك

أروع القلوب قلب يخشى الله
وأجمل الكلام ذكر الله
وأنقى الحب الحب في الله



الله يكتب لك بكل خطوة سعادة وكل نظرة عبادة وكل بسمة شهادة وكل رزق زيادة



اللهم إجعلنا ممن يورثون الجنان ويبشرون بروح وريحان ورب غير غضبان آمين


أجمل من الورد وأحلى من الشهد ولا تحتاج لجهد (سبحان الله وبحمده)



زودك الله من تقاك
ومن النار وقاك
و للفضيلة هداك
وللجنة دعاك
والفردوس مأواك



يــــتــــبــــع​

 

[أشلاء روح]

رد: موسوعة من المسجات

مــــســــجــــات الــــصــــبــــاح

محتار كيف أصبح
عليك أقول :
يا ورد صباح
النور
او يا نور صباح
الورد



صباح الشوق ياللي
من العسل أصفى..
و لو بيدي علاج الناس
لاخلي شوفتك ( وصفة )



يا
عطر
الشوق
يا
شهد
و ذوق
يا
نور الشمس
يا
صوت
الهمس
يسعد
صباحك..



صباحك نعمة الرحمن
صباحك خير للأنسان
يحفظك ربي المنان
بآيات من القرآن


ما في احلى من صباحك
و الشمس تنور حياتك
و اكون اول مسجاتك
و اقول يسعد صباحك



صباح الخير حياتي ..
أحلى صباح صباحك ..
أغلى حب حبك ..
و أجمل شي أنى أحبك



مدري اصبحك مدري امسيك
او اهني الوقت بوجودك
ربي يسعدك ويخليك للي يحبونك



صباح النور لا اكثر
صباح الورد بانواعه
صباح الشمس لي تظهر
ونور الفجر وشعاعه
صباح السحب لي تمطر
كل لحظة وكل ساعه
صباح الجوري لمعطر
بدهن العود واتباعه
وفوق اكثر ما تتصور
صباح الامر والطاعه



صبحت يا أعز المخاليق بالخير
كل الأمل تبقى حياتك سعيدة
أحلم بشوفك حلم عطشان للبير
وأحسب مسافات الليالي البعيدة
بس المهم تكون مرتاح وبخير
وألا اللقاء ملحوق ربك يجيبه



صباح الخير
لقلب من حلاه تضيع بلاد

صباح الخير
يا ورد لريحته غصب علي أنقاد

صباح الخير
يا أعذب من البسمة إذا جت في ضيق

صباح الخير
يا أصدق من الدمعة على خد مشتاق



( صباح الخير )
يا من يشغل التفكير صبح وليل

( صباح الورد )
يا ورد تفتح في شراييني

( صباح العمر )
يا من يستحق الحب والتدليل

( صباح الحب )
يا حب هويته دايم سنيني

( صباح الشوق )
يا ورد بحبه حيل يرضيني



يسعد صباحك " يا كامل الذوق "
وتسعد حياتك
" من صباحك لممساك "
مني سلام عانق الورد بالعود
كله عشانك والأمل كله رضاك
حتى لو أنثر على دربك " ورود "
تستاهل " كل الغلا " يا سيد الأحباب



يا صباح الحب كله...
وشمس عمري وظله..
مهما تغير الزمان حبك أنت في محله...


صباحك يختلف نوره...
تفتح ورده وزهوره...
تبشر بالهنا طيوره...
صباح الخير وسروره...



صباح الحب من قلب عشق روحك وتمناها...
عشق همسك عشق خطك ومراسيلك يتحراها ...



جمال الصبح بنظرة عيونك ونور الشمس مرسوم بجفونك
وكل الكون ما يسوى بدونك !!


صباح الورد يا غالي ...
كثر ما جيت في بالي ..
أحبك لو بعدت عني ..
أحبك يا بعد حالي...



ما في احلى من صباحك ..

و الشمس تنور حياتك ..

و اكون اول رسائلك ..

و اقول يسعد صباحك..



صباح الورد بكل ألوانه..

صباح الروح بكل أحساسه..

صباح الشوق بكثر أوقاته ..

وصباح الحب بكل جنونه ...



صباح الخير يالغالي..
ياحبي وكل امالي..
عساني مانحرم منك..
ولك ابقى وتبقى لي..



يــــتــــبــــع ........​

 

[أشلاء روح]

رد: موسوعة من المسجات

مــــســــجــــات قــــبــــل الــــنــــوم

حبيبي
أتمنى قبل ما أنام
تكون أخر إنسان
شافته عيوني



أتمنى ما أحلم إلا فيك
و لما أقوم
تكون أول ما أشوف



لو الإنسان يقدر يطلب الحلم
كان طلبت من ربي ما أحلم إلا فيك



حبيبي ساعات أخاف من الليل
هدوء و سكون ويبعدني عنك حيل



يا قمر طل على الحبيب و خبره
حبيبك سهران يعد النجوم و يدعيلك



يا نجوم أرسلي لحبيبي مرسال
و قولي له :
تصبح على خير ونام



روح و طل من الشباك
شفت القمر
هذا إنت حبيبي أسهر أتأمل فيك



يا ليل خف على الحبيب
و أرسله أحلى قمر و نجوم
ينورله ليله و يسليه



أنا لو أعرف إني كل ما أنام
بحلم فيك
كنت تمنيت من ربي إني ما أقوم



ياعمري الدنيا ماتسوى
تنام وخاطرك زعلان
ولابه شي يستاهل
يخلي قلبك يعاني
طلبتك كان لي خاطر
تبعد عنك الأحزان
فديت أعيونك الحلوه
تبسم لو على شاني
أضحي بعمري لعيونك
تنام انته وانا سهران
وانادي جروحك لقلبي
تجي واحد ورى الثاني



قبل نومك وقبل لايسرقك مني فراشك..
عساني أجمل أحلامك لانك أجمل احلامي!!



مرطيفك في منامي قمت ورديت السلام..
كيف لوشفتك أمامي.. تفتكر أقدر أنام؟



صيحة لوجه الله لا تمشي في الليل..
لأنه القمر حالف يقتل أي واحد أحلى منه..



مرني طيفك وأنا فوق المنام وما تركني في حالي حق أقدرأنام،، يحكي لي بكل لحظة عن حب وغرام،،
كيف تقدر تغمض عيونك تنام،، لاتعذبني ترى هذا حرااام..



أن كنت صاحي لك عيوني تسامرك..
وان كنت نايم برسلك فؤادي يغطيك..



فزيت من نومي وحبيبي على بالي..
قلت أرسل الأشواق تقول:نوم العوافي يا غالي..




يــــتــــبــــع ........​

 

[أشلاء روح]

رد: موسوعة من المسجات

مــــســــجــــات الــــزعــــل والــــعــــتــــب

خلنا نفترق
ولا تنسج لي اعذار
ولا ارسم لك اسباب
نقول نصيب
ونكتفي
وياما
فرق هالنصيب احباب



تبغاني اسلى عنك
واجفاك وانساك

عطني مثل قلبك واسوي سواتك



كنت بعيوني
غلاتي
كنت تسوالي
حياتي
للاسف كانت
اماني
لاكن خسارة
تضحياتي
الله يسامحك
رووووح
بس يكفيني
جروووح.



ياللي جاي تهدد تحسب انك
قدي
ولا عرفت من ابوي
وجدي
بعدك يابا ماشفت ولاعرفت
التحدي
عهد علي لأخليك تكلم نفسك وانت
ماتدري



أي محبه وأي عشره وأي حنان؟؟
وأي شوق اللي انت تتكلم عليه؟؟
يعني واثق ان باقي ك مكان؟؟
وإن قلبي يرد لو ترتجيه؟؟
قلبي اللي غلطته حبك وصان
لو يصافح قلبك كنت اقطع له ايديه
اي محبه بعد مافات الأوان؟؟
اي حنان اللي تبي تعوضني فيه؟؟
وين كنت يوم انا احتجتلك زمان؟؟
وين حبك يوم انا ميت عليك؟؟
روح للي لأجله بعت الحب زمان
بس لاتنسى تسلملي عليه!!!



اشكرك قلبك كبير
مرهف احساسك كثير
اشكرك من كل قلبي
بعتني والله بضمير



أضحــــــك
مردك بيوم تواجه الدمعه
إما على جيتي،،
ولا على فراقي..



آسف إذا لك قلت انسى زماني
مهو بيدي قلبي اليوم ناسيك
حبك نسيته يوم قلبك جفاني
أبعد وانا أبعد ولا لي بطاريك
شلون احب انسان طبعه اناني
لا مايصير تبيع فيني واشريك
اتبع طريقك خلني في مكاني
يكفي جروح منك الله يخليك
ياما بكيتك لين دمعي نساني
ياما ترجتك ولا فايدة فيك
الحن جيت تقول انسى عشاني
جابك زمانك خلك اليوم
(ما أبيــــــــك)..



كافي صدمات بحياتي
جاي تصدمني بعد
والله هالدنيا غريبه
وش بقى فيها بعد
مابقى غير الجراح
وقلبي اللي ماستراح
عادي متعود حبيبي
حظي ياما طاح
غلطتي الطيبه ذبحتني
شوفها ودتني وين
اتضايق حيل منك
وأضحك وقلبي حزين...



خلقت لي شموخ
وهامه
ماطالها طويلين
الانفاس
وكونت لي عرش رفيع
مقامه
مايوصله جن ولا يوصله
ناس
ورفعت نفسي فوق هام
الغمامه
اشوف زلات البشر وارفع
الراس
واليوم كلن خصني
بإحترامه
واللي معاديني بالاقدام
ينداس...



حب يغيب وصاحبه
مابعد غاب
وحب يدوم وصاحبه في غيابه
وحب يذوب خافق مابعد
ذاب
وحب يداوي صاحبه من
عذابه
وحب حياته كلها لوم
وعتاب
وحب حقيقي مايضرك
عتابه
وحب بلا معنى وحب بلا
اسباب
يبدأ غريب وينتهي في
غرابه



هذا حظي
انت والدنيا دوووم ضدي
ماني مخطي
كل مافي الموضوع
احبك
وانت جارح ودي..


الحب كلمه عظيمه
كلها احساس ومشاعر
ماهو من قال احبك
وعقبها يجرح الخواطر



انا عمري بقايا شمع
احرقني الاسى والدمع
اذا مافيك ترحمني
احرق مابقى مني...



علامك مهملني؟؟
وفي رفك انا تذكار..
إذا كان الهدف بعدي..
انا حاضر وممنونك...


اذا طلع لك قلب وعرف تشتاق

تعال دورني تلقاني مكاني

وان كان قلبك نايم ما بعد فاق

خله الين يفوق مع جرح ثاني

ابشرك ما عاد يوجعني فراق

واقسى وجع فيني يزول بثواني



خطاي اني منحت الحب شخص وقابله بنكران

طمعت احسب طمع قلبي بحبك يكسب ارباحه

وعرفت انه ما تورثته من ابوي آدم طمع انسان

خسر ملك جنان وراحته باسباب تفاحه



ماعاد له داعي تجيني ولاجيك..مدام رحت
وخاطرك طاب مني....ياصاحبي قلبي ترى اليوم
ناسيك..خاب الرجا منك وخيبت ظني..غدرت بقلبن
كان بالحيل يغليك...غرك كلامي العذب مع صغر سني,,



هديت عرش الحب بيديك ... تبيعنا واليوم تبكي علينا..

ذاب الحنين بعين وقلب يراعيك... مثلك على النسيان والله قوينا..

ابحفظ عزة النفس ما ابيك... بالناس نلقى من نبيه ويبينا



يــــتــــبــــع ....​

 

[أشلاء روح]

رد: موسوعة من المسجات

مــــســــجــــات عــــيــــد مــــيــــلاد

كل عام و إنت بألف خير
يا أعز إنسان في قلبي الصغير
اليوم يوم ميلادك السعيد
نفسي و منى عيني أشيلك و أطير



يــاعيــد قلبي .. صاحبي عيد ميلادك ..
"العمـــركله" لــك .. فرحه وشرحه ..
عساني حي .. وأحضر كـــل أعيادك ..
واهديك وردات الـــغلا فوق صرحه ..
ازداد عمــــرك .. صح!.. لكنه ازدادك ..
في خافقي لك بالـــغلا ألف صفحــــه ..



كل عام وأنت لقلبي مصدر النور
كل عام وأنت لروحي مصدر الفرح
كل عام وأنا أجمع كلمات الحب
لكي أصنع منها قلادة أهديك إياها
وبمشاعر خالية من التزييف
أقولك كل عام وآمالك وأمانيك تتحقق
كل عام وأنت أغلى ما في الحياة يا كل الحياة



نحتفل نضوي الشموع و نبتسم للحب
نجدد أيام السعاده و الهوى فينا
ونتسامر في وداد حلو صافي عذب
نجذب الحاضر إلى أيام ماضينا ..



اليوم ميلادك وأنا فيه موعود...
يا أغلا دروبي ياغلاي وودادي..
الكون ونجومة على حبك شهود...
كل المجرة تعرف ان مرادي..
اليوم ميلادك وانا اليوم مولود..
مدام حبك حب والنبض هادي..



ودعت بك عام مضى..
واقبلت بك عام جديد..
ياللي حياتي لك رضى..
يالله عسى عامك سعيد..



اليوم يوم ميلادك
و الكل فرحان علشانك
و من صميم قلبي أدعيلك
ربي يخليك و يطول عمرك



كل ما فيني يهني يا عسى عامك سعيد .. دايم وتعيش يا صدر المحبة و الغرام

يوم ميلادك حبيبي يوم ميلادي أكيد .. حيث لنه عرق قلبك في ضميري استقام

لو تبي مني حياتي يا محبي ما أحيد .. عنك لا ما أرد عمري لو غدى بك مستهام

اطلب الله في زماني ياخذ أيامي ويزيد..في زمانك عمر ثاني كل حول وكل عام



تفضل باقة ورودي في ليلة
:: !! عيد ميلادك !! ::
تفضل لك تحياتي بكل
شمعه أضويها..
تقبل صادق احساسي مناتي
لحظة اسعادك..
تمنى قول ماودك لك الدنيا
ومافيها....



في مثل هاليوم انخلق
في الليل قمره...
وانتثر حوله نجوم….
وابتدا بالحلم عمره …
والأمل يصحى وينوم…
ينتظر عيد السعادة …
في يوم ميلادك
تدري وش غاية مراده…
ضحكة عيونك يا( الاسم )
…يا أنا يا أنا ….
ياللي من حبك أحس انك أنا…
منيتي والله أهديك الهنا…
عمري والدنيا وزيادة ..



أنتي
حب الدنيا وضحكت خير
دامنا
ميلادك مختلف عن الغير
ياأجمل ورود العالم
كل عام
وحبك الطاهر
بخير



قلت أشوف بعض الناس قبل يحين ميلادك،،
وش اللي من هداياهم يليق بوجهك البدري..؟؟

هديتهم قفص وطيور...قلت بعيد ميلادك،،
أسوي مثلهم وأهديك طير في قفص صدري...



مرت سنة
وجات سنة
وراحت سنين
وبتجي سنين
وحبك بقلبي
محفوظ طول السنين
وكل عام وإنت بخير



اشعل شموع المحبه في هـــواك

واطفى شموع الحقد في رضــــاك

كل عام وانت يا الغالي بخــــــــــير

يا عسى كل عام تبقى لي عساك



حواسي خمس وانت
سادسها


والعجايب سبع وانت
ثامنها


ودنيتي وحده وانت
شاغلها


والأعياد ثلاثة وانت
رابعها


كل عام وانت بخير
((لا تقول في احد بارك لك قبلي))



من جديد


من جديد


والغلا دايم يزيد

أسبق العالم

وأقول

( كل عام وأنت بخير )



مرت سنة

وجت سنة

وراحت سنين

وبتجي سنين

وحبك بقلبي محفــوظ

في كل آن وحين

وكل عام وإنت بخير

يارب آمين!!



يــــتــــبــــع .....​

 

[أشلاء روح]

رد: موسوعة من المسجات

مـــــســــجــــات شــــوق

ما يزعج النفس إلا بعد غاليها
ولا يسعد القلب إلا شوفت أحبابه
يا عين خلي دموعك فيك خليها
القلب يكفيه من الأحزان ما صابه
يكفي حياتي غلا الغالين ما ليها
لا شفتكم زال كل الضيق وأسبابه
وعشت السعادة بأولها وتاليها



قل للعيون اللي شكت بعد الأحباب
وقل للدموع اللي من الشوق هلت
وقل للشعور اللي من الهم منصاب
وقل للجروح اللي بالأحساس حلت
وقل للخفوق اللي عجز عنه الأطباب
ترى المشاعر من عنا البعد ملت



أنا اللي في ضلوعي " قلب " يهوى حيل كلماتك
أنا اللي في عيوني " دمع " يعاني طول غيباتك
أنا اللي في لساني لك " قصيد " يطرب شفاتك
وكل هذا ومثله زود سببها هو غلاتك


ما شفت صورتك وسط الرمش بعيوني
ما شفت سود الليالي كيف أخاويها
أشوف غيرك ولكن ما يهموني
عيني إذا ما تشوفك وش أبي فيها
ما همني لو تعيش العمر من دوني
لكن حياتي بدونك كيف أقضيها



يكفيني بس أنت لا من قلت وشلونك ..
تطيب كل الجروح ويختلف لوني ..
إن غبت عني شعرت بلذة طعونك ..
وإن شفت زولك شعرت بقيمة عيوني ..
يمكن أنا أكون أعز الناس بعيونك ..
بس أنت والله كل الناس بعيوني ..



الصراحة

أنت وحدك تمتلك شوقي وحبي

لو بغيت

أحكي شعوري مدري شوصف لك وأخبي

قرب

أسمع نبض قلبي

لما ... أتذكر كلامك
لما ... أشعر باشتياقك
في عيونك وابتسامك وفي هيامك

أرجع أهمس لك وأقول

أنك أغلى من حياتي



" سيدي " لو غبت عني أنت غالي
وإن ضاق " صدرك " روحي له وسيعه
دام في دنياك ... إنسان يعزك لا تبالي
والزمن لو ما طاعك لا تطيعه
قلت لك من أول وأقول تالي
" أنت " عندي تسوى ,,, هالعالم جميعه ,,,



عودتني لو غبت عني تتصل فيني ..!!
ومهما تكون ( ظروفك ) ما تقاطعني ..!!
حاولت أدور في غيابك من يسليني ..!!
لكن قلبي بصراحه ما يطاوعني ..!!
كلمة ( اشتقت لك ) لو هي بمسج منك تكفيني ..!!
قول بس ( اشتقت لك ) حيل تقنعني ..!!



لك في خاطري وحشه ما لها حد !
وفي غيبتك كل المشاعر تنادي
كل الوجوه اللي غدت عني تصد !
أقول .. روحوا لا تردون عادي
إلا أنت
اشتاق لك موت من جد !
أحس لك غيبة تقطع فؤادي


مشتاق له يا ناس مقدر أخليه
الله يرحم حالتي في بعاده
عيني وقلبي ومعها الروح تغليه
حــبــه بصدري فارش له وساده
لا مر طيفه في خيالي وطاريه
شفت الحياة أجمل وزادت سعاده



يا ترى تشتاق لي وأنت بعيد ؟
تبغى قربي مثل ما أتمنى لقاك
يا ترى حبك مثل حبي يزيد
يا ترى تحتاجني دايم معاك ؟
ودي اسأل خافقك هذا السؤال ؟
واعتبر يا سيدي هذا فضول
هل صحيح تحبني أو هو خيال
أنشدك بالله جاوبني وقول ...؟



يا ويل قلبي كل ما جيت أبنساك
ألقاني أتعلق بك أكثر << وأكثر >>
واللي خلقني ما قوى البال ينساك
لا نامت عيوني [[ لك ]] القلب يسهر
وشلون أبنسى العيش والملح وياك ؟!
" أطلع رخيص الأصل "
إن قلت : أقدر !



فديت من كان لغيابي يعاني ..
فديت أنا ممشاه وخطاويه ..
ماني بقاطع رجاه لو دهري جفاني ..
هوتاج راسي وبعيني أدرايه ..
شوفته تسوى كل عمري وزماني..
وجرحه بدموع عيني أداويه ..
لوطلب فوق عمري عمر ثاني أموت وأنخلق لجل ما أخليه..



لا تقول إني قاطع ..
وبوصلي دوم أتغلى ..
تراني شخص متواضع ..
وبالحب ما اتسلى ..
يمكن ظروفي تمانع ..
ويمكن مستواك أعلى ..
ولو بلف الكون لك راجع ..
والعين فوق الرمش ما تعلى ..



ليتـــك تحــس بلهفــة خاطـــري في غيــــابـك

حتـــّي الشفـــايف تهمــس بشــووف وأنيــن:

يا قلـــب ويـــنهم احبـــــابك ؟!؟

يا تـــري نســـوا الوصـــل وشــوقك والحنيــن؟



لا تفكرني
مختفي

أو بالرسايل
مكتفي
قلبي
مشتاق
لشوفتك
ولجلسه
فيها نلتقي...


سألني بعضهم إلى أي مدى تحب من تشتاق إليهم؟؟


فأجبت إلى المدى الذي يجعلني

أهديه إحدى عيني معتذرا
عن الأخرى حتى أراهم بها..



خل السوالف أنا مشتااااق لعيونك..
عجل وشف لك طريقه نلتقيى فيها..
لاتخلي الشوق يذبح حال مجنونك لاجتك فرصه طلبتك لا تعديها ...
إترك ....هلابك ؟ وكيف الحال ؟ وشلونك؟
(جلسه معك تسوى الدنيا ومافيها)


أحتاجلك لا ضيق الوقت صدري..
أبيك تمسح عن عيوني شقاها..
وأحتاجلك إذا الفرح ضم فجري..
ودي تحس بفرحتي ياهناها..
أبيك تسأل عنحياتي وتدري..
عن ضحكة أيامي ووافي عناها..
أحتاجلك في كل لحظة بعمري..
لا صرت روحي كيف أبحيا بلاها..



العين تبكي ودها تشوف طيفك...
إما تجي أو تاخذ العين وياك...
دنيا بدونك عجل الله فناها...
و عمر مع غيرك عسى الموت يطويه...
مب كل من ياني عطيته على الكيف...
إلا إنت لو تطلب عيوني عطيتك...


خلصنا
تحياتي ..
أشلاء روح​

 

[زرقاء اليمامة]

رد: موسوعة من المسجات

تفضل باقة ورودي في ليلة
:: !! عيد ميلادك !! ::
تفضل لك تحياتي بكل
شمعه أضويها..
تقبل صادق احساسي مناتي
لحظة اسعادك..
تمنى قول ماودك لك الدنيا
ومافيها....


مسجات بمنتهى الروعة
تشكرين اختي اشلاء روح على هذا المجهود

 

[أشلاء روح]

رد: موسوعة من المسجات

مشكورة خيو على مرورج
اسعدتيني بتواجدك في صفحتي

 

[أكليل]

رد: موسوعة من المسجات

مسجات بمنتهى الروعة
تشكرين اختي اشلاء روح على هذا المجهود

 

[أشلاء روح]

رد: موسوعة من المسجات

تسلم اخوي ....

 

[خيّال الشعر]

رد: موسوعة من المسجات

الـــــــــــــــــــــف شـكـــــــــــــــــــــــــــــر

مسجات روعة ولان مـنـــــــك صارت المسجات اروع

طلب اتمنى ان ما ترفضيه ممكن اخزن المسجات في كومبيوتري الشخصــــي

اذا سمحتي لي

بانتظار ردك

 

[أشلاء روح]

رد: موسوعة من المسجات

عادي
كله واحد اخوي
ما يغلون عليك

مشكوور على المرور

 

[سراج]

رد: موسوعة من المسجات

مشكوورة خيو و ما تقصرين

وعساج عالقوة ..

 

[ايهاب]

رد: موسوعة من المسجات

مشاركه راااااااااااااائعه يااختي اشلاء روح
مشووووووووووووووووووووووووووووره
تحياتي

 

[أشلاء روح]

رد: موسوعة من المسجات

سراج
الله يقويش

ايهاب
العفو
تسلم