دم العرب ارخص من (الماي) والتوت

[فيصل المريسي]

[poem=font="Simplified Arabic,5,white,bold,normal" bkcolor="black" bkimage="" border="double,10,red" type=0 line=0 align=center use=ex num="0,black"]
اسف ورب البيت ماكان قصـدي=اجرح شعـورك يالعروبه اذا فوت
لكن انا بسئلك يابعد جبدي=يرضيك حال الناس في زحمة الموت
واوضاعهم صارت تردي تردي=والبيت الابيض يهدي الطفل باروت
استعمرو الاوطان وانتي تهدي=نبكي على البصره ونحزن على الكوت
يا انك ترخيها او انك تشـدي=يكفي تعبنا حيل في صمت وسكوت
كيفك اذا ودك تردي.. تردي=وان مابغيتي اجهلي مصدرالصـوت
اسف فديتك صرت خجلان حدي=ضايق انا بالحيل والصدر مكبوت
يا انك تجـازيني او انـك تعدي=والا تحطيني بأاحظان تابووت
دامي كسـير ودايم الحظ ضـدي=كني مـثل بغداد والقلب بيروت
اخبـارهم صارت مجـرد تحـدي=واصواتهم ضاعت في (اص) وسكوت
يلعن ابو شارون وسلمان رشــدي=هذاك الاول حـول القدس حانوت
وسلمان بافكاره مرض صار معدي=لا يعرف المله ولا يعرف الموت
كافر وملحـد ليت موته بيدي=لاقطعه تقطيع واشوته شوت
وش عاد باااقي لا متى تستعدي=وغـزه تنادي ياعـرب ردوا الصـوت
وحنا نطالعهـا كما فلم هندي=تحيا بلا مئـوئ ولا ماء ولا قوووت
واطفالها تذبح وانتي تعدي=وحنا نفاخر بالكروزر وبالحوت
شلي يجيب الهم وشلـي يودي=واحناالعرب نحيا على ظغط ريموت
عشنا وشفنا الذل من عهد جدي=نحيا على الذله ونمضي على كروت
توقيعها من بوش الى كل جندي=دم العرب ارخص من (الماي) والتوت[/poem]

 

[أنوار الولايه]

رد: دم العرب ارخص من (الماي) والتوت

صح لسانك أخونا المبدع
أجدت الكتابه و أنا أهنئك
لمتلاكك هذا القلم الشعري
الثمين أعزك الله و أثابك

 

[عصام سامي]

رد: دم العرب ارخص من (الماي) والتوت

لاشك ان الواقع العربى اليم فلك جزيل الشكر يا اخى

 

[حنين الروح]

رد: دم العرب ارخص من (الماي) والتوت

السلام عليكم

صح لسانك
شكراً لتواصلكَ
و اهلاً و سهلاً بك َ في اسرة ملتقانا


تحياتي
حنين

 

[إشراقة الأمل]

رد: دم العرب ارخص من (الماي) والتوت

السلام عليكم


اخينا فيصل ..
نرحب بك بيننا ...

وتسلم على كلماتك الأكثر من رائعه


لا حرمنا الله من قادمك



تحياتي،