سافر بو جميل وبعدو قلبو بهالأرض .. كتبلي وطلب من اكتبلو عن الضيعة ، وخبريات الضيعة وكل شي بيصير بالضيعة ، صرت أكتب لبو جميل ، وبعدني عم بكتبلو ...
يا بو جميل .. شفتك مبارح بالمنام
مطرح ما كنا شاقعين المشحرا
وطار من عيني الغفا .. وما قدرت نام
والنوم متلي طار .. من عين المرا
ليش قولك فيك عم بهدس كتير
بالبيت ، بالحقلة ، بفيّات القمر
بنقز من النسمة الجانحها حرير
وبرتعش .. وبخاف أسمع شي خبر
بجمعة المرفع جوّزت بنتا ( حبوس )
وبيّ العريس بعدو لهلق ما صحي
وكل ما أجو يرقّصو .. أخت العروس
أما تقلّن .. ( دشروها بتستحي )
ونزلت على الرقصة ( حلا ) وصار الحلا
يغمز عهزة خصر .. ها لاسما حلا
ولو كان شارب كاس ( تامر ) وقتها
كان السما بنار المعدّل شعّلا
ولبطت المرفع .. بنت أختك ( سيسبان )
وما عطوهن قول .. حتى شاوروك
الطبل صرلو ببيتهن جمعة زمان
وكان عرسها احلى من عراس الملوك
ومن بعد ما ترمّل .. سألتو ( لبو أمين )
إن كان بعد لها الدني عندو حنين
قلّي السترة .. مين ما بيحبها
عا شرط عمرا يكون فوق الأربعين
ومبارحا كنا خسرنا ( بو نعيم )
صار عالبيدر معو حادث أليم
نطحتو البقرة .. عا خاصرتو الشمال
كان مات لو ما يلحقو بسرعة الحكيم
ومالك المعمرجي اختلف هوّي ( وكتر )
قلاّ خلص .. بكرا عغيري فتّشي
غلطت وقالت : ( شد إيدك عالحجر )
تخلّق عليها وزتّ شاقوفو ومشي
المشروع طار وصار موالو عتيق
يرضى فريق .. ويعارضو تاني فريق
المختار طالع دقر ، الله يسامحو
لولاه وصّلنا عضيعتنا الطريق
وابنك جميل .. لي علم فكرو ( بياسمين )
وما بياخد غيرها .. حالف يمين
بيّا رضي تسافر على الغربة معو
وما كنت أعرف .. ليش هيك مطنشين
يا بو جميل .. لا تقول : نايم عاحرير
طير البإيدك .. يمكن لغيرك يصير
بيجوز شي عصفور ، خضر جوانحو
يحطها عجوانحو .. وفيها يطير
فرحة الضيعة .. نسيت إحكيلك عنا
دقو الجرس .. والناس عم يتجمعو
وصّل من ( النّايرك ) جريس بو هنا
وآلة التصوير جايبها معو
ولمّن وصل عالبيت ، مطرح ما ربي
طافت دموعو .. وكان لو نتفي ، غبي
تذكّر الكانت تغمرو وتسهر معو
وتحكي ألو حكايات عا هالمصطبي
مبارح مع مراتو اختلف ( حنا رشيد )
حرمة ( مشرّه ) لسانها بيهري الحديد
تافشّ خلقو .. راح قص المشمشي
وهدّ الخلية ، وكسّر خوابي النبيد
لا تلومني .. لو شفتن خباري قلال ..
بكرا عفضوة بال .. بكتبلك كتير
رايح أجلّك : ( جيب لحمار جلال
صار جرصة وبهدلة بين الحمير )
شاعر الضيعة اللبناني ( اسعد السبعلي )
يا بو جميل .. شفتك مبارح بالمنام
مطرح ما كنا شاقعين المشحرا
وطار من عيني الغفا .. وما قدرت نام
والنوم متلي طار .. من عين المرا
ليش قولك فيك عم بهدس كتير
بالبيت ، بالحقلة ، بفيّات القمر
بنقز من النسمة الجانحها حرير
وبرتعش .. وبخاف أسمع شي خبر
بجمعة المرفع جوّزت بنتا ( حبوس )
وبيّ العريس بعدو لهلق ما صحي
وكل ما أجو يرقّصو .. أخت العروس
أما تقلّن .. ( دشروها بتستحي )
ونزلت على الرقصة ( حلا ) وصار الحلا
يغمز عهزة خصر .. ها لاسما حلا
ولو كان شارب كاس ( تامر ) وقتها
كان السما بنار المعدّل شعّلا
ولبطت المرفع .. بنت أختك ( سيسبان )
وما عطوهن قول .. حتى شاوروك
الطبل صرلو ببيتهن جمعة زمان
وكان عرسها احلى من عراس الملوك
ومن بعد ما ترمّل .. سألتو ( لبو أمين )
إن كان بعد لها الدني عندو حنين
قلّي السترة .. مين ما بيحبها
عا شرط عمرا يكون فوق الأربعين
ومبارحا كنا خسرنا ( بو نعيم )
صار عالبيدر معو حادث أليم
نطحتو البقرة .. عا خاصرتو الشمال
كان مات لو ما يلحقو بسرعة الحكيم
ومالك المعمرجي اختلف هوّي ( وكتر )
قلاّ خلص .. بكرا عغيري فتّشي
غلطت وقالت : ( شد إيدك عالحجر )
تخلّق عليها وزتّ شاقوفو ومشي
المشروع طار وصار موالو عتيق
يرضى فريق .. ويعارضو تاني فريق
المختار طالع دقر ، الله يسامحو
لولاه وصّلنا عضيعتنا الطريق
وابنك جميل .. لي علم فكرو ( بياسمين )
وما بياخد غيرها .. حالف يمين
بيّا رضي تسافر على الغربة معو
وما كنت أعرف .. ليش هيك مطنشين
يا بو جميل .. لا تقول : نايم عاحرير
طير البإيدك .. يمكن لغيرك يصير
بيجوز شي عصفور ، خضر جوانحو
يحطها عجوانحو .. وفيها يطير
فرحة الضيعة .. نسيت إحكيلك عنا
دقو الجرس .. والناس عم يتجمعو
وصّل من ( النّايرك ) جريس بو هنا
وآلة التصوير جايبها معو
ولمّن وصل عالبيت ، مطرح ما ربي
طافت دموعو .. وكان لو نتفي ، غبي
تذكّر الكانت تغمرو وتسهر معو
وتحكي ألو حكايات عا هالمصطبي
مبارح مع مراتو اختلف ( حنا رشيد )
حرمة ( مشرّه ) لسانها بيهري الحديد
تافشّ خلقو .. راح قص المشمشي
وهدّ الخلية ، وكسّر خوابي النبيد
لا تلومني .. لو شفتن خباري قلال ..
بكرا عفضوة بال .. بكتبلك كتير
رايح أجلّك : ( جيب لحمار جلال
صار جرصة وبهدلة بين الحمير )
شاعر الضيعة اللبناني ( اسعد السبعلي )
