الماسنجر .. وما ادراك ما الماسنجر

[حنين الشوق]

طبعاً الموضوع جفتة في بحرين اون لاين وعجبني وااجد فحبيت انقله ليكم

اشلون عرفت ايميلي ؟
من وين لك ايميلي ؟
ومنو انت ؟
أسألة قالها الكثير منكم ,, هل تذكرون متى وأين ؟

انه الماسنجر ,,
هو( الطرف الأول ) جالس على ذلك الكرسي مقابل شاشة الكمبيوتر في الشبكة العنكبوتية ,,, يقضي فيها وقت فراغه متنقلا بين ربوع المنتديات ... او يحادث أصحابه عبر الماسنجر

في تلك الليلة فتح برنامج المحادثة ( الماسنجر )فظهرت له اضافة ... لا يعلم من يكون ولكنه قبلها

جاء يوم آخر .. ظهر له صاحب هذا العنوان البريدي الجديد ( الطرف الثاني ) متصلا ...
سأحادثه .. نعم قالها الطرف الأول
ولكن الطرف الثاني بدأ أولا وكالمعتاد منا جميعا نبدأ حديثنا بالتحية ( السلام عليكم .. مرحبا ..هلا ... ألخ من العبارات )



كيف ستكون المحادثة بينهم ؟ سؤال يدعوا للتخيل اذا لم تكن قد عشت الموقف

اذا كنت الطرف الأول .. ماذا سيكون موقفك .. هل سترحب وتهلل به ,, ام سترد عليه السلام ومن غير ان تجعل له نفساً تسارع بسؤاله :
من انت ؟
ومن اين حصلت على ايميلي ؟
باختصار .. تفتح معاه تحقيق

وماذا لو طلب منك التعارف ,, هل ستقبله ؟.. ام انك ستصدمه بتلك الأداة وبذلك السلاح الذي يمنع اي متطفل للوصول إليك ألا وهي بلوك (حظر) بحجة انك لا تعرفه؟

دعوني أرى ما الذي ستفعلونه عندما تحادثون شخصاً لأول مرة
اتحفونا بآرائكم ... ما زالت في جعبتي أسئلة أخرى اود طرحها

اتمنى ان ارى التفاعل من الجميع
ودمتم

 

[أميرة الأحزان]

مشاركة: الماسنجر .. وما ادراك ما الماسنجر

أولا تسلمييين وردة ع الموضوع الفلتة
ثانياً..اللي بسويه لوول

صراحة مثل ماقلتي نسأل منو ومن وين لك ايميلي.. وشعرفك فيني وماادري شنو.......
بس طبعا اذا مالي خلق هذرة بعطيه بلوك ومع السلامة

واذا طلع واحد فاضي وماعنده سالفة بعد مع السلامة وبعطيه بلوك

بس اذا يعرفني اكيد ابي اعرف منو هذا يمكن احد من اهلي او صديقاتي مسوي فيني دقة..

صادني مرة هالموقف.. واحد ضافني وقال كل شي يعرفه عني من وين وشنو اسمي ومن امي وابوي وجم عمري كل شي كل شي... توقعت احد من اهلي..
بس قال اسمه غير ومنطقة سكنه غير.. وصدقته لان يبين مايشلخ
بعد جم يوم جفته اللي شاكه فيه
وقال لي كبرتي في عيوني توقعتش تفيسيني وجذي
قهرني وعصبت عليه
كككككككككككككككككككككككك


عموماً.. انقهر لما اجوف اضافة جديدة ولا ادري منو
والمفروض مااقبل إلا لما أتأكد,, لان يمكن واحتمال اتعرض لأخطاء واكلم شباب مااعرفهم

ومشكووووورة عمري ع الموضوع مرة ثانية

 

[عاشقة الحسين]

مشاركة: الماسنجر .. وما ادراك ما الماسنجر

اما اني اول ارد السلام والحمد لله وسالت عنكم العافية
وتالي منو انت ؟ من وين الك ايميلي
قام يلف ويدور قلت االيه يالله ادلف سوني رحم الله والديك بلوك ودليت لاني بسويك
اتصيدني مواقف واجد جذي
مرة صديقتي وحصلت سهمها مني بالماسنجر وعقب يوم كلش بسويها بلوك واعترفت
امممم مرة سوو الي مثلج اميرة قالوا الي كل شي عنه لا وهو صبي ويحبني ومهتم فيني يوم بغيتاسويه بلوك اعترفت انها عمتي
هههههههه اما مرة واحد يقول انا وهابي وانت شيعية وابي اعرف عن الشيعة كل شي اقول له اسفة ما اقدر اخلي وهابي عندي باغض الى اهل البيت بايميلي ما تحوشة البركة طلع واحد ممن خيلاني
موااااقف واجد

لكن على البنت تكون صااارمة

طولت وهدرت واااجد

مشكوورة خيو


تحياتي

 

[سنوره]

مشاركة: الماسنجر .. وما ادراك ما الماسنجر

أني لو احد يضيفني ولا اعرفه اقبل إضافته بس من أشوفه اون لاين
اسأله من معاي قبل كل شي
رد وقال من هو اوكو قعد يلف ويدور حظر وحذف ومع السلامة

وهالموقف صار لي بس مرة وللحين فيني حومه ابغي اعرف هالايميل الى من

 

[أميرة الأحزان]

مشاركة: الماسنجر .. وما ادراك ما الماسنجر

ككككك

اني مرة ضافني بريطاني
عطيت الايميل ولد عمي لان يعرف احسن مني انجلينزي
وقام البريطاني يسب رايح في ولد عمي
استحمق الا يسوي حذفيه بسرعة لا بجي بعطيش طراقات,, خفت ولا ادري شالسالفة
تالي طلع لسانه قذر يقط كلاام مأسااااة
........>>>>.. ماعليه شره اجنبي يهودي

 

[مصباح الدجى]

مشاركة: الماسنجر .. وما ادراك ما الماسنجر

توه الحين صايدني موقف .. الحين الحين .. fresh

واحد ضايفني .. و اول ما قال how are you ..

انا قلت بالانجليزي زين .. انت من ؟؟

قعد اسب و يشتم ..

قلت له باي باي و سويت له بلوك و دليت .. و لا عطلت بعد ..

صادتني مواقف مماثلة ..

و بتصيدني في المستقبل بعد ..

شكراًَ اختي حنين على إتاحة الفرصة ..

بارك الله فيش ,,

تحياتي

مصباح

 

[أميرة الأحزان]

مشاركة: الماسنجر .. وما ادراك ما الماسنجر

ههههههههههههههه

ذكرت..

مرة سويت دقه في بنت خالي..
قلت لها إني بنت اعرف عنها كل شي ومعجبه فيها بكل فضييييييييع
وخجلانة اتعرف عليها,, فدورت إيميلها قلت اكلمها..
وقمت اشلخ وألف وأدور صار لي وياها اسبوع يمكن
ولما جفتها قالت لي واني خاشة الضحكة,,
يوم ثاني قلت لها,, ع المسنجر يعني الشلخة,, إني ابي اخطبها حق اخوي وجذي
اهني عصبت وقالت لي حذفيني واذا انتي مرة واجهيني مو تقعدين تتطنزين ع الناس واني توني صغيرة,,,
واعليا كسرت خاطري وقلت لها,, هاوشتني وزفتني وقاطعتني جم يوم ما تبي تكلمني

لوووووووووووول

ككك

 

[قوت القلوب]

مشاركة: الماسنجر .. وما ادراك ما الماسنجر

كلشي ليه فوائد ومضار

كذلك الماسنجر له فوائد ومضار

كل وااحد يعرف الطريق السليم لاستخدامه

وآنا عندي الماسنجر مسلي وقت المللل

وووقت ما نشتاق الى الاصدقاء

بسسسسسس ما يعرف ليه الا أصحابه

واني بالنسبة لييي اذا جتني اضافة

اضيفها واذا شفت الشخص اكلمه اقول له من انت

واذا تأكدت اني اعرف الشخص بسس اخليه

واذا ما اعرف اسوي ليه بلووك ودليت

مشكووووووووورة خيو عالموضوع الحلوو

يعطيك العافية