تحبـيـــنه.....

[@حبر الحب@]

تحبـيـــنه
========================
حلفتني لي أحبك ليه ؟ ... ما دام إنتي تحبـينَهْ
وعينـك ليـه من الأول لدنـيا الحـب نادَتْـني
جرحتيني ولا همِّـك … كـل همِّـك تغيـظينَهْ
ولا فكّرتي بأحساسي .. وجـرحٍ يَـبْ يعـذِّبني
خـدعتـيني بكلمـاتك مـن أوّل ما تـلاقيـنا
وقلـتي لي :" يا أغلى الناس أحبك حيل صدِّقني"
وصدقتِكْ .. وأنا مادري عن الحب اللي تخفينَهْ
مشيتْ دروب كذباتك … وشوفي لْوين وَدَّتْـني
أثـاري قلبِـك لغيري … وحبِّك كلـه لعيـنَهْ
عرفتـيني .. وكل قصْدِك .. تشوفي غيرته مني
أحاسيسي غـدت لعبـة ما بين إيدينِكْ وإيدينِهْ
بطيـبة قلبي حبّيـتِك … وطيبة قلبي خانَتْـني
وأنا اللي كنت أشوف إنِّك أماني عمري وسنينَهْ
نسـى قصـتِك قلبـي ... ويضحَكْ لا تِذَكِّـرْني
أنا وش ذنبي في لعْـبك على ذاك اللي تَغْليـنَهْ
في يوم بْيِـنْتهي لعبك … وأنا بَبْقى على حزني
قتـلتي كـل أحـلامي لأجـلْ حلـمٍ تِعيـشينَهْ
ظَنِّـك بَنْسى كل ما صار إذا قلتي لي " سامِحْني"
خلاص أَبَبْـتِعِد عنِّك … وسوّي اللي تشـوفينَهْ
تِحبّيني .. تِحبّينه .. ما عـاد إحسـاسك يهِمْني

 

[اليوم الآخر]

مشاركة: تحبـيـــنه.....

شكرا لك...