مشتاق لك..!

[خذني إلى نفسي]

[grade="FF1493 FF1493 FF1493 FF1493"][align=center] إيه انا مشتاق لك..!
ودي بعيوني اضمك .. ألمك .. ادخل بداخل عروقك .. واقلك..!!
فاقدينكـ حيل..حيل .. لاصديق ولا ونيس .. من بعدك الكل ضاع .. ابتدى رحلة ضياع..
وحيل انا محتاج لك...

..وين ذاك الحضن وين .. ياما بحضانك بكيت .. ياما بحضانك شكيت .. تعال ناظر وشوف .. مابقالي أي دمع .. حتى بجروحي حكيت .. مافهمني ولا سمع .. غير حظنك الكبير .. وين أولي وين أروح ..! وانت غيابك قاتل فيني الطموح ..

تعال..! أدخل لبيتك وشوف ..! الكآبه .. العذاب اللي طغى .. بكل جدارنه رسى .. كل مافيه يتكلم .. فاقدينك .. ناطرينك مهما طافت السنين .. مهما صاح بداخل الكل الأنين ..عاذرينك ..! وناطرينك ..! حتى بدموع الكلام حتى بأحلام الصغار شايفينك .. بس وينك انت وحنا وين..؟


يبه .. حتى آذان المساجد .. ترفع الله أكبر .. الله أكبر .. تنتظر أطهر بشر .. ماسمعها مامشى وكله تعب ..
يبه .. تذكر بآخر حياتك..؟
حتى والهم بجبينك .. والورم اتعب سنينك.. بعكاز.. بكرسي .. مايهم المهم انك تصلي .. بالصفوف الأولى دايم .... ركعتك كأنها صلاه من خشوعك .. ياااااه ليتني بحظنك انام .. ودي ابكي ودي اشكي ودي احكي بس وين ..؟ وانت غايب ..!

يايبه طافت شهور .. والألم فيني سكن .. وانا بعدي في مكاني .. ماتحرك ولا اروح .. أنتظر رجعة زماني ..؟ بداخل احضانك ابوح .. وين اولي وين اروح..!

شلون نفرح ومابقى للعيد شي ..! كلها ايام ويصير عيد هالناس الكبير..عيد فرحه .. عيد لمه.. بين اهلهم والضيوف.. شلون بفرح يايبه .. وانت غايب..

ليه تتركني وحيد .. بس اناظر واتفرج.. وشهو عيده .. مابقى فيني فرح..اي عيد..أي سعيد..قول سكين ورست بداخل جفوني وبكت..حتى احزاني من احزاني حزنت..اي عيد..أي سعيد..واي وصف وأي كلام.. يوصف احساسي ..؟ ويقول ولا حتى يسألك .. وأنت غايب .. لاجديد الألم كاهو بصدري ماطفى..!
كل مازاد الغياب كل مازاد العذاب .. ولا طفى . .يشتعل فيني ألم يخترق بضلوع قلبي ويحرق الحلم وسنينه وماهوى..

تكفى كافي يايبه..! حن بوليدك شوي..! [/align][/grade]

 

[أميرة الأحزان]

مشاركة: مشتاق لك..!

اخي

ارجفت جسمي كلماتك
وابكتني احاسيسك الرائعة

ابدعت,,
في قمة الروعة
بل الحزن....

احساس حزين جداً تجاه من تحب

بالتوفيق لك
واهلا بك وسط اسرتك

دمت موفقاً
وننتظر الجديد من هذا الاطراء الرائع لقلمك

 

[الشاعر]

مشاركة: مشتاق لك..!

شكرا لك اخي العزيز على الموضوع
كما اتمنى منك مشاركة اخوانك في مواضيعهم
لكي يصبح تعاون
اذا لم تكن تضع ردود ومشاركات مع اخوانك واخواتك
تصبح ردودهم قليلة عليك وهذه قاعدة

 

[خذني إلى نفسي]

مشاركة: مشتاق لك..!

[grade="00008B FF6347 DC143C 0000FF"][align=center]اختي أميرة الأحزان ..ابعد الله عنكِ وعن كل المسلمين الأحزان

اسعدني وجودك في صفحتي..


لاعدمت ردودك[/align][/grade]

 

[خذني إلى نفسي]

مشاركة: مشتاق لك..!

اخوي الشاعر...


نورت صفحتي وأضأت قناديل حروفي


لاعدمت حضورك