رد مواطن كويتي على مسلسل دنيا القوي (( شررراايكم بكلامه ))

[حديثُ القمر]

الموضوع منقوووول لما فيه من كلام صحيح

بسم الله الرحمن الرحيم

السلام عليكم و رحمه الله وبركاته

انا مشاهد كويتي حبيت ان اوصل رساله الى كاتبه مسلسل دنيا القوي الكاتبه كبيره الاسم قليله الخبره والمعرفه باصول الكتابه والتأليف فجر السعيد.. و الى المخرج.. البيلي احمد.. و مروورا بالممثلين من صالح العالي الى اصغر فرد العمل... مهند..


بالطبع لكم مطلق الحريه بان تعتبروا رسالتي هذه نقد او نصيحه .. الامر متروك لكم لكني مشاهد كويتي عندي غيره على وطني.. و ماشاهدته في هالمسلسل اشمئزني و بالعامه بط جبدي او بالاصح لوع جبدي..


فجر السعيد

كاتبتي العزيزه.. هذي بعض الملاحظات على مسلسلج الفلته دنيا القوي.. على وعسى هالملاحظات تساعدج في كتابتج القادمه و ماتقصيين ويوهنا مثل هالمره..

لقد صورتي المجتمع الكويتي على انه مجتمع لا يعرف سوا القعدات والسهرات و الشرب و الرقص والخربطه مع االبنات .. و حياته كلهاا مقتصره على دقه تلفون و مسجات .. بس هذا يفسر شي واحد انج انتي تعيشين هالحياه وبين مجتمع يعيش في هالمزبله و على قولت المثل كل من يرى الناس بعين طبعه.. و انا اعتقد انج ما تقدرين تكتبين اكثر او احسن من جذي... ولا ابو و ولده و زوج بنته يقعدون قعده وحده و يضبطون حق بعض؟؟ وين صارت هذي.. والله قصيتواا ويوهناا وفشلتينااا .... انتي كنتي تقدرين انج توريناا انه في ناس جذي بطريقه الطف.. كانت التلميحات كافيه الناس مو اغبياء.. و اعتقد مره وحده كانت كافيه مو كل حلقه شنو حلوووووووى.. مو كل حلقه يبتيلناا رفيجاتج مادري خواتج و خليتيهم يترقصوون جدامناا بشهر رمضان.. اهماا و ملابسهم مالوت العصر الحجري.. اقول اخاف هذيل ملابسج ايام ماكنتي ترو حين هالقعدات؟؟. والله كل شي جايز..
صورتي المجتمع الكويتي على انه مقسوم قسمين.. القسم الاول.. الاغنياء واصحاب الفلوس والنفوذ.. واهماا الفئه اللي ناسيه ربهاا و دايسه الفقير بريولهاا .. و حياتهاا كله خربطه .. والقسم الثاني الفقراء اللي سميتيهم على قولتج الهيلق.. واللي ماعندهم كرامه.. و اللي يبيعون شرفهم برخيص.. لا يا ماماا اصحي.. الكويت فيهاا ناس اغنياء يسوونج و يسوون طوايفج.. ناس محترمين مصلين مسميين عارفيين ربهم.. و في ناس فقراء تاج على راسج.. اغنياء بغناه النفس والكرامه.. و مايبيعون بناتهم برخيص ولا عشان الفلووس .. ولا اكو بنت تقول حق اخوهاا زوجني رفيجك؟؟؟.. ولا تروح تفتح الباب و ادخل رفيج اخوهاا البيت؟؟ كواوله والله مو اوادم هذيل

الحوارات اللي بالمسلسل.. مقتصره على ثلاث جمل... ياربي شكثر اعاني ... واااااااااااي انتااااااااا.. و اخر شي الاغنيه المشهوره.. ياناا الخير ياناا و الفقر خلاناا يوم اللي نشوفاا مانقدر نعوفاا و نعيش بامانااااااااا.. بالله عليج هذي اغنيه؟؟ ماتستحين على ويهج.. مسلسل شافه كل كويتي و كل خليجي و عربي؟؟.. فشلتيناا ربي يفشلج دنياا و اخره قولي امين

وشنو اسامي اللي بالمسلسل؟؟.. اروى زياد فراس مهند هاني عصام .. مسلسل زلمات هذا.. اي عبالج بتطلعين طلعه يعني مغيره بالاسامي.. الحمدلله والشكر.. ترى اساميناا احناا الكويتين والله حلوه. شفيهاا لو واحد اسمه محمد ولا خالد ولا سعود ولا طلال ولا سالم ترى ماصار بالدنيا شي و بيتمون اغنياء.. ولا عشان اغنياء لازم اساميهم غير عن الكويتين الباجين.. للاسف تبين تطلعين بفناتق بس مو عارفه شلون..

ملاحظه على الاسامي.. ليش دوم تحطين الفقير في اطار خايس و وصخ في بيت قذر.. و اسامي شينه؟؟... ترى الانسان مايعيبه اسمه.. في ناس اساميهم غريبه و في ناس اساميهم كشخه بس عيال حرام و مايستحون على ويوهم.. و عبالهم روحهم شعراء و مألفين.... واللبييب بالاشاره يفهم..

بعدين تعالي اقولج قلناا العراق تحررت و رحتي زرتي امج.. بس عاد مو كل لقطه فيهاا طق اصبع.. لا واللي ابله من جذي اغنيه يانا الخير ياناا يعني طالعه فيهاا.. بس انا عرفت الغمنده.. هذي الاغنيه كنتي تغنينهاا انتي وامج لماا ياج الفرج و تزوجتي ... و شنو يرقصون بالشارع ويغنونهاا؟؟ هالدرجه اهماا عيال فقر؟؟... بس يا بنت السعيد مافي كويتي على ارض الكويت يتصرف هالتصرف الغبي هذا... مهما وصل فيهم الفقر... بس ما اقول الا حسبي يالله عليج..

بعدين تعالي من متى احناا الكويتين حفلاتناا و اعراسناا مختلطه؟؟.. و شنو هالاب ولا العم و الاخ الفلته اللي يخلي اخته تروح حفله فيهاا شباب وبنات.. مثل عيد ميلادي اروى .. لا واللي ابلى من جذي.. الهام الفضاله تدخل بحجاب و بنص الحفله تقطه وترقص .. شنو هالاحتراااااااااااااااااام و شنو هالادب.. ماشالله عليج كاتبه فلتتتتتتتتتته.. .. و لا عرس صالح العالي.. العروس تغني .. والله يا فجر حتى الكاوليه بعرسهاا تستحي تغني .. مو هذي امهاا مثل الخبله ترقص وتغني.. عفوا تهوس .. خو انتي بعتيهاا طق اصبع و تهويس شبقى بعد.. انتي شكلج مستانسه وايد بانه جسور المحبه نفتحت بيناا وبين العراق.. اي ما الومج الوالده هناك و الخوال.. حن عرجج..

تدرين شنو الي قهرني.. الياهل اللي في المسلسل؟؟ تكفين من وين يايبته؟؟ علم عيالناا قله الادب هذا مومتربي .. و تصرفاته و كلامه تصرفات عيال الشوارع اللي ماعندهم اهل و محد مربيهم.. يعني فوق ما مسلسلج سخيف هم في تعليم على قله الادب و عدم احترام الاهل؟؟.. ولا طول المسلسل زعلان على ابوه و مايحاجيه؟؟ يا الله عليج و على مخج المقفل اللي كتب هالقصه الخايسه

ترى ندري انه اخوج شاعر مو نص المسلسله مسجات باشعاره.. باطه جبده والله كاتبه بهالاسلوب واخونهاا يدعون البداوه.. يا خرطي

نصيحه لج حبووبه.. اخذي درووس من الكاتبه المبدعه ودااد الكواري.. شوفي شلون تخلي الفقير عزييز نفس وشوفي انتي شلون تخلين الفقير.. شوفيهاا شلون حتى البدون اللي في ديرتهاا خلته انسان مو انتي الفقير والبدون بالنسبه لج حيوان .. شوفي قصصهاا.. و مسلسلاتهاا من اول حلقه لي اخر حلقه كلهاا مشوقه و لهاا هدف.. بس انتي شنو هدفج من قصتج؟؟ ماعلمتيناا غير قله الادب و طق الاصبع..


اناا صراحه حاب اني اشكر بعض القنوات اللي قامت مشكوره بقطع لقطات الرقص والخربطه من المسلسل صج يصير ربع ساعه بس على الاقل ستروا عليناا
انصحج.. اعتزلي الكتابه حفاظاا على اسم الكويت وشعبهاا عشانج للاسف ماتستاهلين لقب كاتبه





المخرج.. البيلي احمد

المعروف انه المخرج هو من يدير دفه العمل.. و بايده الحل والربط في المسلسل.. و بمعنى اصح اهوو الامر و النهاي فيهاا..نقطه بسيطه حاب اقولهاا لك يمكن تساعدك في حياتك الاخراجيه القادمه.. ..



- عيش المشاهد في قصه حقيقيه بمشاهد واقعيه.. اللي قاعد نشوفه بمسلسلك مع فجر السعيد.. انه كل شي زياده عن اللزوم .. و فوق حده و مبالغ فيه.. ماحسيناا انه قاعد نشوف مسلسل وقصه لا.. شفناا بيوت خياليه.. ملابس مصميين مكياج و سيايير هذا اللي شفناه.. يعني لا تقول انك اخرجت مسلسل وتعبت فيه..







صالح العالي... غانم الصالح

الصراحه هذا الدور اللي خلك واطي بعيوناا بعد ماكنت صج عالي... والله بالله عليك بعد مشوارك كله اخر عمرك تمثل هالدور البايخ؟؟؟؟؟ و ترضى على نفسك انك تكون بين الكواوله تترقص وتشرب ؟؟.. للاسف طحت من عيوناا يا ممثلناا الكبير..



عصام.. ابراهيم الزدجالي



اوكي انت دورك حلو .. انسان ملتزم و مصلي وعارف ربه.. بس خربت الاالتزام كله في لقطتك مع الهام.. لماا دعمت سيارتهاا.. اهي تقولك عمااااااااااا بعينك.. وانت بقلبك تقول اللللللللله يازين البنيه هذي والله مؤودبه.. لوول حلوه هذي عيل لو تكفخك على عينك شتقول؟؟.. لا واللي ابلى من جذي لماا قالهاا بخطبخ.. قامت اتييب وهم للحين متمسك فيهاا.. و وعليه اخر شي صابته جلطه.. شنو هالتناقض..



زياد.. يعقوب عبدالله



املق انسان شافته عيني تكفه شنو هاللبس؟؟ غلطان يا الحبييب هذي ملابس حق اليهال والمراهقين.. ولا لماا يترقص بالشاليه.. بالله عليك هذا دور.. ماعليه لك حق تقبل بهالدور اصلا ماشفناك بغير مسلسلات بنت السعيد ولا انت طايح حظك .. مع الويه الاجلح جنك مهري



بدور.. زينب العسكري



تكفيييييين احناا مليناا من ويهج طول شهر رمضان ويهج بكل قناه بل عفيه رااااااااس يحفظ نصووص وعفيه جييب نترس فلووس بس يبا والله ملينه من ملاقتج و دلعج المصطنع .. بعدين تعالي اقولج وحده اخوهاا ميت ويهاا كله مكياج و حتى مو لابسه اسود؟؟ ..

صدقيني دورج كله كان مجرد عارضه ازياء تعرض بكل لقطه دراعه للمصممه و بس..

نصيحه رمضا ن الياي اخذي راحه يمكن نشتاق لج.. عشان صراحه لاعت جبودناا من ويهج.. وعلى فكره هدي من اللقافه شوي.. تراج حدج ملقوفه







ناصر.. ابراهيم الحربي



انت بالله الله دورك حده متناقض.. بنفس اللقطه تلعن و تتذمر .. و بنفس الدقيقه تتغزل في بدور ست الحسن والجمال؟؟ بالله عليك هذا دور؟؟.. بعدين تعال شحقى التلزق في بدور.. دريناا انهاا مرتك بس لا اتصدق عمرك ترى بس بالمسلسل اي اولله.. اتلزق واترقص .. صراحه دورك بابخ..

 

[حديثُ القمر]

مشاركة: رد مواطن كويتي على مسلسل دنيا القوي (( شررراايكم بكلامه ))

<<<<<<<<< يتبع

اروي.. شيماء علي



والله انا اقول ارحمي ويهج كل 5 دقايق عمليه.. بس اقول يا حلوه ترى الدكتور اللي سوالج الغمازاات غلط بمكانهم ولا بالله عليج في غمازه بهالمكان؟؟؟.. .. كل سنه تعدلين شي السنه اليايه تسوين عيونج حوله.. يمكن بعد تصير موضه.. بعدين لا تاكلين الحمره كل لقطه كيلو حمره على حلجج اللي جنه حلج سمجه .. بعدين اقول والله قصت عليج بنت السعيد.. ولا كل لقطه يا ربي شكثر اعاني حواراتج كلهااا هالكلمه ماتعبني بالحفظ ..





فراس.. فؤاد مادري شنو..



انت اولله كاسر خاطري انا عمري ماشفت صبي بيتوتي مثلك.. حتى اختك اروى تطلع اكثر منك من البيت..





مهند.. مادري شسمه



انا لو عندي صبي مثل مهند في البيت جان ذبحته.. ولا ولد قلييل ادب بهالدرجه انا ماشفت.. ولا ولد يقول يحاجي ابوه بهالاسلوب ؟؟ ليش مايعرف يعطيه كف على ويعه يطيح ضروسه عشان يتادب؟؟.. ولا في ولد يقول عن ابوه.. ابوي بس ياكل و يمش ايده بالطوفه؟؟؟ ..ولا يقول ابوي مليق لا ولا مايحاجي ابوه؟؟ و لماا خاله دق يسكر التلفون بويه؟؟ شنو قله هالادب هذي.. .. والله يا بنت السعيد اذا عيال بيت ال السعيد قليليين ادب و مايحترمون اهلهم جذي هذا شي ثاني.. عشان عيال ديرتناا يهال و فيهم كل برائه الطفوله .. و لو ابوه هاوشه الصبح بينسى العصر من كلمه حلوه من ابوه ولا ابتسامه مو هذا نتفه وشايل على ابوه.. عيل لو يكبر بعد شوي شيسوي؟؟؟ يطق ابوه؟؟





ماجد.. شي الامير.. هم ما ادري



هذا بالله حبييب العازه.. لي بغوا واحد حبييب و لا عاشق يابوه وياريت ويهه يساعد يكون عاشق . لا وحبييب وقت الازمات فقط.. بعدين ذبحتناا كل مسلسل نفس الدور التغير حلو





سميره



تكفين هذي ملابس تقابلين فيهاا الناس؟؟؟ و لا هذي ضروس لوعتي جبودناا؟؟ ندري تشربين تتن.. بس اولله عمليات الاسنان مو غاليه سوي وحده استري على نفسج... ولا شعرج. تكفين لا وبعد كاتبين الممثله القديره.. على شنوووووووووووووووووو على جم تهويسه هوست وعلى على جم اغنيه عراقيه غنت ولا على جم مره طقت فيهاا اصبع.. لا شكلج خاله فجر من جذي بترفع لج.. ترى عيب اللي قاعد تسوينه مره بعمرج المفروض تحترم عمرهاا مو تمثل بهالشكل المنحط هذا ولا بالله عليج ام ترقص بالشارع ولا ام تساعد بنتهاا و تخطط معاها شلون تتزوج الريال.. كفو والله و نعم الام..







ناديه.. الهام الفضاله



صراحه بدعتي.. ولا بنت تقول حق اخوهاا زوجني رفيجج شنو هالاخلاق.. بعدين تعالي اقولج والله طلعتي خبره بطقه الاصبع و طقه الرقبه.. اشوف طلع العرج..والله ماعرفناا شنو اصلكم يا هالممثلات بس و الله شي.. بس فيج عيب شرعي .. خشمج عمليته فاشله الدكتور قص عليج ارجعيله ترى خشمج على صوب خربان.... بس بقولج سر خطير.. ترى الكبريس عليج يقول قطينييييييي .. الله يهداج متينه و اترصرصين بهالجنزات فشله والله خليج على الدراريع استر..



هاني.. مشاري البلام



انا اموت واعرف انت متى اتبطل ادوار الخبال هذي. لي متى وانت بتصير خبل؟؟؟ متى بتعقل؟؟ نبي نشوفك بدور سنع مره وحده ماكو.. مره مينوون و مره خبل و مره مو صاحي .. و لا هالمره بو السعابيل .. الحمدلله والشكر كفوك والله هالادوار.. بس انا ليش اتشره عليك اذا انت بالحقيقه جذي ولا بلقاء تقول ولدي طقني طراق خوش اب والله.. انا ما اقول الا مالت عليك و مالت على اللي سواك ممثل



بشاير.. شجون الهاجري



انا بعرف شي واحد انتي رحتي شريتي قمصان بالجمله كلهم طول المسلسل نفس القميص بس تغيرين الوان ماعرفتي تشترين شكل افضل ولا شكل بناتي على الاقل؟؟ .. دريناا انج بتصيرين كول بس مو بهالطريقه لبسج كله على بعضه يلوع الجبد.. انتي و هالكبريسات مستانسه عليهم ولا جواتي الرياضه.. الله يرحم ايام ما كنتي صبيك.. مادري شقلبج بنيه







همسه لكل مشاهد

الى كل مشاهد كويتي... خليجي ...وعربي... لقت صورت لكم الكاتبه اهل الكويت بصوره بشعه و وضعتهم بايطار مختلف تماما و بعيد كل البعد عن اهل الكوبت.. الحمدلله اهل الكويت ناس اشراف محترمين يعرفون الله و اصحاب قلوب طيبه و رحومه سوا الغني او الفقير و ناس شايفين خير حتى لو كان فقير ..



اعذرونا .. لكن للاسف يوجد خلل فني في مخ كاتبتناا.. و نرجوا ان يتم اصلاحه في اقرب وقت~_~- ~_~-

 

[عاشقة الحسين]

مشاركة: رد مواطن كويتي على مسلسل دنيا القوي (( شررراايكم بكلامه ))

اهو اكيد في مبالغة مو بس بالمسلسلات الكويتية حتى البحرينية بعد
اللعام بس فضحوهم باحدى المجلات عن مسلسلاتهم

بس عاد ما خلا شي هالكاتب كل ذم في ذم

تحياتي وشكرا للموضوع

 

[حديثُ القمر]

مشاركة: رد مواطن كويتي على مسلسل دنيا القوي (( شررراايكم بكلامه ))

العفو خيو

كلامه كله صح في صح


بس لو كان الاسلوب شوي مرتب

بس صج كلامه في محله طبعا مو في كل الاشياء
مثل الملابس وهالاشياء ما كان له داعي

بس تصرفاتهم في المسلسل له حق الواحد يعصب عليه

 

[دانة البحرين]

مشاركة: رد مواطن كويتي على مسلسل دنيا القوي (( شررراايكم بكلامه ))

كل المسلسلات فيها مبالغه مافي مسلسل ما يبالغون فيه
بس ويش نقول الله يهديهم
مشكوره اختي جوليا على النقل الرائع

 

[حنين الشوق]

مشاركة: رد مواطن كويتي على مسلسل دنيا القوي (( شررراايكم بكلامه ))

المسلاسات البحرينيه معروفة
يعطون الشيعه ادوار فاشلة وهم ياخذون الادوار العدلة
وكلام ده الكاتب كله صح في صح لان المسلسل كان بايخ حده

 

[رفيق الصمت]

مشاركة: رد مواطن كويتي على مسلسل دنيا القوي (( شررراايكم بكلامه ))

صج كلام الاخت وكلام الاخ

مسلسلاتهم كلها بايخه مثلهم

والله يهدي الجميع

زين سويت فيهم

مشكوره خيو والله

يعطيج العافيه........

 

[أميرة الأحزان]

مشاركة: رد مواطن كويتي على مسلسل دنيا القوي (( شررراايكم بكلامه ))

[align=center]صراحة انسان سخيف لدرجة
شنو هالاسلوب التافه

صدق كان المسلسل بايخ بس طبيعي يكون مو واقعي,, لأن نادراً مانجوف مسسلات واقعية وحسب علمي معظم اهل الكويت جذي,,

اذا بمثل لنا وبقول ان اهل الكويت مو جذي في المسلسل وكله تمثيل,, الحين المفروض يبيّض وجه الكويتيين مو يتكلم بهالاسلوب

وعلى فكرة حتى المسلسلات البحرينية جذي,, الحين احنا عندنا ناس بهالطريقة اللي يمثلونها,, يتطنزون ع البحارنة اسم الله عليهم

والكاتبة فجر السعيد والنعم فيها ومسلسلاتها الكشخة فديتها,,


والسموحة ع الاطالة[/align]

 

[الساهر]

مشاركة: رد مواطن كويتي على مسلسل دنيا القوي (( شررراايكم بكلامه ))

قويه

احم احم

مشكوره اختي جوليا على الموضوع

وانا ما راح اقول شي كفيتو و وفيتو

تحياتي

 

[روان]

مشاركة: رد مواطن كويتي على مسلسل دنيا القوي (( شررراايكم بكلامه ))

هييييييييييييه

وآنا مع الكاتب

عجل برمضان مسلسل متروس اغاني وين عايشين

بس هذا دليل على شخصية فجر

الله يهديها

زين اللي سواه الكاتب وآنا معاه

وملاحظة اختي اميرة الاحزان:

انتي بطريقتج هذي عميتي شعب لكويت كامل
وهذا غلط ولا تنسين ان من ضمن اعضاء منتدانا من لكويت


وسوري على الاطالة

 

[الدمعة الحائرة]

مشاركة: رد مواطن كويتي على مسلسل دنيا القوي (( شررراايكم بكلامه ))

كلام منطقي حده حده
زين ما سوى فيهم عجل هذا مسلسل بايخ حده
ومو بس هالمسلسل معظم المسلسلات جدي
ما يعرفوون يمثلوون حدهم بس يعلمون الناس على الخراب
يسلمو خيوو على الموضووع الحلوو
والله يعيطش العافية

تحياتي

 

[أميرة الأحزان]

مشاركة: رد مواطن كويتي على مسلسل دنيا القوي (( شررراايكم بكلامه ))

وملاحظة اختي اميرة الاحزان:

انتي بطريقتج هذي عميتي شعب لكويت كامل
وهذا غلط ولا تنسين ان من ضمن اعضاء منتدانا من لكويت

الحين بالله عليج,, هذا كلام يقوله
ولما قلت ان اهل الكويت جذي,, صحيح اللي اسمعه ان اهل الكويت فيهم هالحركات وطبعاً مو الكل فيهم الشين وفيهم الزين,,

واللي في المنتدى كللللللللهم على عيني وراسي
ومسامحة اذا فهمتوني غلط
لأني اصلاً مع اهل الكويت وماعجبني اسلوب الكاتب