الليل من دونك

[الجفيري]

السلام عليكم ورحمة الله وبركاته



الليل من دونك..ترى شين ومخيف
وشلون ابقضي باقي الليل ..دونك؟
عذب الحديث وهمسنا ..والسواليف
ومحاولة تبديد..غيمة ضنونك
ماقد خبر وسط الشتا ياتي الصيف
وماظن شخص يحب مثلك..يخونك
ماودي أنك.. عابر كنك الطيف
واني انا نجمة.. وطاحت بكونك
ودي أكون البحر لك وانت لي سيف
وأكون لك .. عمرك وقرة عيونك
وأصير لك ديوان شعر ..وتوصيف
وفي وسط صحرا الحب تهطل مزونك
لا تخاف لامافيه..شك وتخويف
انا معك في رحلة العمر .. عونك
نضمت عمري عقد..لاتقول لي كيف؟
أيام عمري مالها ..طعم دونك
وعطني بحبك أي وصف وتعريف
بس أني ابقى ..نظرة في عيونك

 

[ستراوية]

مشاركة: الليل من دونك

بداية جميلة وموفقة خيو
فالى الامام دوما
وجميعنا معك
بوركت على هذا الموجود الرائع
تحياتي لك

 

[فدك الزهراء]

مشاركة: الليل من دونك

الله يدوم المحبة ان شاء الله

ويعطيك الف عافية على الكلام الحلوووو


تحياتي لك

 

[قوت القلوب]

مشاركة: الليل من دونك

مشكووووووور أخوي

يا الشااعر

والله وكلمات حلووووة

نابعة من احاسيس صادقة

وقلب صافي




قوت القلوب

 

[رفيق الصمت]

مشاركة: الليل من دونك

مشكووووور خوي

والله الصراحة كلمات

مالها وصف من التعبير

على هذه الكلمات

الرائعه والجميله

والمعبره وتحياتي

لك اخي العزيز

الجفيري

وننتظر جديدك

وسلمت اناملك على ماخطت لنا...........

تحياتي..........