الشوق
New member
والله أحبك موووت
لو يموت الصدق
في أحضان السكوت
والزعل يسكن بيوت
والفراق يصير عادي
والكذب في كل وادي
والفرح يلبس سواد
ويعلن الحب الحداد
ما يغير في فؤادي
قلتها بمليون صوت
أحبك موووت
******
خلني أوصف لك وأقول
قصة من أربع فصول
تبتدي بحرف الوله
وتنتهي بعشقي الخجول
نلتقي في دنيا الأماني
نهجر العالم ثواني
تشتبك ايدي في ايدك
ويحتفي بعطرك مكاني
أه يا أغلى البشر
حبك ما منه مفر
*****
أنا قلبي من كثر شوقي ملا صدري
وانا صدري من كبر قلبي نفد صبره
من صباح الخير لين الشمس ما تسري
ومن مساء الخير لين نصير في بكره
والغلا في داخلي مثل النهر يجري
ليتك تدري غلاك بداخلي وش كثره
******
يفز قلبي كل ما مر طاريه
فزة يتيم شاف من تشبه أمه
تذكر أمه يوم كانت تناديه
وحس بجفاها يوم عيت تضمه
مرت سنه من موتها من يراعيه
والدمع ما تقدر كفوفه تلمه
ابوه مات من الحزن من يواسيه
في هالزمن يا ناس من يلمه
*******
هذي رسالة غلا للصاحب الغالي
عساك تذكر غلانا يوم تفتحها
كتبتها يوم طيفك مر في بالي
ان كان ما جيت أنا في بالك امسحها
*******
لا بان برهان الغلا من يساويك
نجمك طلع ونجوم غيرك تهاوت
ولو شفت أحد مثلي يعزك ويغليك
اصرخ وقل ان الأصابع تساوت
******
الروح ذكرى وآخر العمر سكرات
يا كيف أبنسى روح فيها نجاتي
مادام بالذكرى تعيش ابتسامات
استأذنك تبقى ابتسامة حياتي
******
ودي أكتب والقلم عيا يطيع
مدري الأشواق والا انت السبب
كيف اعبر والحكي مني يضيع
اسعفيني يا قواميس العرب
ياحروفي أشعر بشي فضيع
في خفوقي نار واشواقي لهب
هذي أقلامي باكسرها جميع
في سكوتي تصبح أشواقي ذهب
******
أحب الليل
احب أسهر واشوف الغيم
أحب أكتب
أحب ارسم
أحب أطرب
واقول الويل
أحب أصرخ...حبيبي وين
احب أعتب واساري الزين
أحب أبكي
أحب أضحك
أحب الحب
لكن انته وين ؟!
******
كاس مليته بالوفا لا تكبه
خله يبلل بالوصل يابس الريق
صبه بقلبي ثم امله وصبه
وان كان تقدر اغرق قلبي تغريق
دام الهوا راسي وراسك يهبه
اغنم زمانك والدنيا توافيق
حلاة العمر مع من تحبه
شخص تريده من جميع المخاليق
******
أتعبت روحي واجب منك تطلبها
وياريت ماشفت زولك يانظر عيني
كني يتيم مع نفسي واعاتبها
محتمل الصد وصدك لي مشقيني
*****
ماشفت صورتك بين الرمش وعيوني
ماشفت سود الليالي كيف أقضيها
اشوف غيرك ولكن ما يهموني
عيني اذا ماتشوفك وش ابي فيها
ماهمني لو تعيش العمر من دوني
لكن دونك حياتي كيف أقضيها
*****
لو يطير الطير ولا ما يطير
ولو حدث بالكون فجوة وانقسام
ولو تبوك تصير في وادي عسير
ولو حدث تغيير في كل النظام
يستدير الكون كيفه يستدير
يحترق يشتب لو يصبح حطام
ماتغير قيمتك وسط الضمير
قدرها يزداد عام بعد عام
*******
سلام يا كاسب غلا كل مغليك
يامالك زمام المراجل بيمناك
الطيب ساسك والعرب عزها فيك
لاضاعت علوم الرجاجيل تنصاك
ربعك تفاخر بك وتفخر بطاريك
يعيش ابوك اللي على الطيب رباك
******
اذكرك واناظرك وانت معاي
تحتريني من شمال ومن يمين
في كياني انت يا أغلى غرام
صرت لي ذكرى على مر السنين
معك روحي يابعد روحي فداك
ومعك عمري يابعد عمري رهين
*****
لا تواخذني على قل الوصال
الامل مابي منك تقطعه
الوفا بيني وبينك لا يزال
ماخضع قلبي لغيرك وارفعه
كل شي فيك يناديني تعال
وكل شي في فؤادي يسمعه
لكن اعذرني على قل السؤال
في خفوقي لك حروف أربعه
******
حبيبي بسألك ليه الهوى منك وفيك
ليه المشاعر ماتعيش الا بساعة شوفتك
ليه المحبة والوفا وابيات شعري تهتويك
ليه انت بس اللي أموت بشوفة رسمتك
تدري لو مره اقول اني كرهتك وماابيك
يرجع عليّ صوت الصدى يقول ما اكبر كذبتك
*******
دايم ونفسي بالمحبة تناديك
ودايم حنين الشوق يمك خذاني
لا يا بعد عمري من الناس شاريك
أرخصت كل الناس قاصي وداني
قالوا لي العذال أبعد واجافيك
وحلفت انا ماانساك لو هي ثواني
*******
ان عاش راسي واسعفتني سنيني
بروي ظما قلبي بقربك واهنيه
لو يزرعون الغام بينك وبيني
نذر علي لامشي على الدرب واطويه
واشيل روحي في راحة يميني
ابيع عمري لجل شوفتك واشريه
*******
تحرقني الدمعة اذا مر طاريك
ابغي أشوفك كل وقتي واداريك
يحفظ ربي ويحفظ الله مباديك
واوعدك انا يا شوق ماني بناسيك
بعيش عمري دايم اذكر معانيك
وان سرت عني بعيد ببقى اناديك
مابي اتركك قلت مابي أخليك
مادامني اهواك واحبك واغليك
*****
اقضي مع الأفكار غربة وترحال
ذكرى تفرحني وذكرى حزينة
انت الفرح وانت السعادة والآمال
ببني لك في ضميري سحاب ومدينة
وانت الرفيق اللي مع الوقت ما مال
مثل البحر يا كم حمل من سفينه
******
زادت سهام البعد في قلبي طعون
وابطيت طعن الغلا ما تشافيت
كلك حلا كلك غلا كلك فنون
حبي لكم دوله وقلبي لكم بيت
ان جيت بك مجنون وان رحت مجنون
يعني انا في الحالتين استجنيت
*******
مايصير انساك لا ما يصير
وفي خفوقي لك معزه واحترام
قبلك الدنيا مثل حلم صغير
وعقبك الدنيا غرام في غرام
انت مثل النور في عين الضرير
لا لمحتك ما بقى حولي ظلام
فيك عمري فيك روحي والمصير
فيك كل ايام عمري والسلام
******
من رافقك والله حشا ما يخليك
لو عاشرك كل الدهر ما يملك
انا اشهد اني حرت مدري وش اسميك
كل الخصال النادرة ينتمن لك
الطيب كنه شابك ايديه فيديك
ان كان له صاحب فهو صاحب لك
******
سيدي أنا كنز أحاسيس مدفون
أنا أفكار ضائعة لمجنون
انا ذلك الثوب البالي
قسى عليه الزمان ولم يبالي
******
يامن على ثاير فوادي تولى
خلك على درب الكرامه شفوقي
ارحم عزيز في الهوى مستذلي
يسوق قلبه للمشاريف سوقي
اخترتك من الناس للقلب خلي
ياحيثك مرادي وكيفي وذوقي
مارحت ادور كل شخص تولى
لو منت تسوى ماعطيتك خفوقي
******
سلام لك من صادق القلب مشروح
ياللي غلاك بداخل القلب ما راح
ناس تجي وتروح ما هزت الروح
وناس غلاها ثابت وسط الأرواح
ياللي بنيت من الوفا قصر وصروح
قصر مشيد مع هل الجود ما طاح
******
صدفه تذكرتك وانا ماني بناسيك
واشتقت لأيام بها كنت وياك
ذكرت حلم مات وأحياه طاريك
وحب غدى مابين همك وذكراك
ليتك تشوف اللي من الناس يغليك
مسجون بأسوار الزمن كيف يلقاك
******
ارسل مع الطير شوقي
وطيفك بالحشا موجود
وماني بقاطع رجا حبك
لو دربي بالهوى مسدود
احبك واحبك واحبك
ومابتلقى لمحبتي حدود
ياترى الرسالة وصلت
ولا جزء من النص مفقود
******
تشتت بالفكر عقلي تحيرت ونفذ صبري
نهيت الشوق لا يرحل وعيا لا يطاوعني
حبسته داخل ضلوعي منعته في قفص صدري
قهرني وكسر ضلوعي تجاوزها وتجاوزني
يعاندني ويحرجني ودايم ما يطيع أمري
واذا قرر يجي يمك يروح ومايشاورني
******
يحسبني يوم سلم ما سمعته
سامعه بس أتغلى عليه
قلت أبثقل بس ثقلي مااستطعته
وابتسمت وجيت لمعانق يديه
يحسب اني يوم ما رديت بعته
مادرى اني بكل عمري مشتريه
والصراحة يوم سلم ما سمعته
كنت أفكر كيف انا أسلم عليه
*****
ليت الوجع بعروق قلبي ولا فيك
وليت التعب غلطان ساهي ولاجاك
لو الشفا بضلوع صدري لا اداويك
واطحن جميع ضلوع صدري فداياك
الله من شر المقادير يحميك
والله يحفظك ياعيوني ويرعاك
******
أحبك كلمة قبلي وقبلك قالها العشاق
وانا وياك قلناها قصايد شوق مختاله
مع حروف الوفا تشرب معانيها من الاعماق
وعلى نهر الغلا صارت زهور واشواق مياله
احبك حب لو قلته تضيق بلحظه الافاق
احبك حب ماحبه سواي ولا حد قاله
******
سابع سنه حبهم عايش بوجداني
طموح واحلام ماتت من يعزيني
والله مدري انا ابكي بعد خلاني
والا على عمري اللي ضاع وسنيني
عنده رقم هاتفي واسمي وعنواني
ان غير الوقت رايه يتصل فيني
******
ماعاد يغريني القمر ليلة النصف
عادي طلع ولا تحجبه سحابه
من يوم غاب اللي ماشفت له وصف
صارت معي كل الليالي تشابه
مثل البليد اللي جلس بآخر الصف
مايدري وين الاسئلة من الاجابه
صرت ابحث عنه بين الناس والف
مدري كثر الشوق ولا وقته انتهابه
******
في خاطري شي ودي أقوله
مدري تصدقني أو تقول كذاب
قلبي يحسك دايم الدوم حوله
مع كل دقه يذكرك يااغلى الاحباب
تدري عليك الروح بالحيل توله
وتدري بعد طيفك عن العين ماغاب
*****
عطني من أوقات السعادة ثواني
واعطيك لو تطلب الوقت كله
ضاعت عيوني في سراب الأماني
وشط الأمل عجزت عيوني تدله
لاجيت أبسعد لحظة في زماني
قام الفرح يبخل علي بظله
*******
ياللي غلاك يفوق بكره وبعدين
على الوفا عطني على العهد يمناك
بمشي معك لو كنت مدري على وين
ماتنفصل عن خطوتي تالي خطاك
حظي يكون القلب منصوف نصفين
نصف يحبك ونصف ملزوم بهواك
*******
مابي جرح
مابي خوف
ولا أبي أحزان
أبي موقف
أبي كلمة
تهز اوطان
أبي انسان
اذا طحت من طولي
يفز ويسند حمولي
يحس فيني قبل لشكي
يواسيني قبل لبكي
ومن قلبه اذا حنيت
ألاقي بداخله أحضان
دخيل الله أبي انسان
*****
ياغايب عنا لك الحب ماغاب
متى تجي وتشوف همي بعينك
ماطاب لي جرح ولاخاطري طاب
متى يديني تحضنها يدينك
ياصاحبي لو قالوا الوقت كذاب
يكفي كلامك ودافي حنينك
لو ان قصدي بالزمن كثر الاصحاب
ما قلت يا ساكن الروح وينك
******
مهما الخطاوي عن بعضنا تباعد
تبقى المشاعر للتلاقي مواعيد
ومهما تباعدنا لزوم نتواعد
بعدك عذاب وشوفتك عندنا عيد
اغليك ما قال الرشيدي مساعد
وافداك ما قالت نجاح المساعيد
******
هذي دروب الحب والحب سلطان
يامر علي وكني أصغر اخوانه
لا يا بعد كل الطوايف والأوطان
اقطع وريدي لو نبض بالخيانه
ثبت في خافقي ساس واركان
عن حب غيرك كن عندي حصانه
********
لو بغيت أصد عنك ما قويت
وان بغيت أفراقك قلبي خفق
من يقول اني على هجرك نويت
قله ان قلبي بحبك احترق
وقله اني في محبتك اعتليت
رافع الهامه على حد الشفق
وقله اني في بحر حبك رسيت
فوق مجداف الهوى قلبي غرق
******
لي قلب محد هز عرشه ولا جاه
ومحد تجرأ يطلع في كتابه
كم مر من عنده حبايب بدنياه
وكم واحد ينثر لقلبي اعجابه
لكن قلبي محد منهم اغراه
كل الوجوه اللي تمره تشابه
الا انت صوتك كل ما قلت بنساه
أحس لك وحشه وقدر ومهابه
*****
أرجي السنين المقبله تنصف الحال
عقب السنين اللي مضت لي حزينه
امشي مع الأيام ياخوك رحال
طال الشقى والحزن طالت سنينه
حتى رفيقي لانشدني عن الحال
أجامله بالرد وأقول زينه
*****
تقول الناس عينك وش بلاها
على خدك تنثر كل ماها
صحيح الناس مايدرون عني
ولاحسوا دموعي وش وراها
ولا يدرون ليش أسهر لحالي
ولا يدرون حالي وش براها
ولا عاشوا دقيقة في عذابي
لان النار تحرق من وطاها
******
ابكي قصيدة واشبك البيت بالبيت
واشكي قوافي الليل من كل ضيقه
وادخل بحور الشعر لا من تجليت
واغوص في وسط البحور العميقه
في حبكم لاني بحي ولا ميت
كني كسير الطير ماله طريقه
*****
أجيك مع نبض الهواجيس
أدق بابك والملا نعاس
اطريك وعيوني مراميس
وأنا عـ شاطي الشوق جلاس
كلك مثل جملة أحاسيس
صرت بغرامك نبض حساس
وان مر اسمك في المجاليس
بك افتخر في جلسة الناس
******
حاولت في قلبي وأنا أقول بنساك
واعيش دنيا في حياتي جديده
أثر الغلا ما تعجبه غير دنياك
القلب غيرك ما سكن في وريده
اشتقت لعيونك وصوتك ونجواك
واشتقت لظروفك ولو هي عنيده
*******
وش ذنب الناس دون احساس تشغلهم
وتحط بفواد كل من يعشقك حسره
ماتدري انك بصدك دوم تزعلهم
ياترى كم قلب تسببت انت في كسره
جيت اشتكي من ظلمك لانك اولهم
واقدم سجين لغرامك عايش بأسره
كنت احساس قلبي وبعد الملا كلهم
وكنت اخسر بك الناس الا انت ما اخسره
واليوم عرفت اني خسران الحين وبكره
المهم خسرتك خسرتك من بينهم كلهم
******
لو يموت الصدق
في أحضان السكوت
والزعل يسكن بيوت
والفراق يصير عادي
والكذب في كل وادي
والفرح يلبس سواد
ويعلن الحب الحداد
ما يغير في فؤادي
قلتها بمليون صوت
أحبك موووت
******
خلني أوصف لك وأقول
قصة من أربع فصول
تبتدي بحرف الوله
وتنتهي بعشقي الخجول
نلتقي في دنيا الأماني
نهجر العالم ثواني
تشتبك ايدي في ايدك
ويحتفي بعطرك مكاني
أه يا أغلى البشر
حبك ما منه مفر
*****
أنا قلبي من كثر شوقي ملا صدري
وانا صدري من كبر قلبي نفد صبره
من صباح الخير لين الشمس ما تسري
ومن مساء الخير لين نصير في بكره
والغلا في داخلي مثل النهر يجري
ليتك تدري غلاك بداخلي وش كثره
******
يفز قلبي كل ما مر طاريه
فزة يتيم شاف من تشبه أمه
تذكر أمه يوم كانت تناديه
وحس بجفاها يوم عيت تضمه
مرت سنه من موتها من يراعيه
والدمع ما تقدر كفوفه تلمه
ابوه مات من الحزن من يواسيه
في هالزمن يا ناس من يلمه
*******
هذي رسالة غلا للصاحب الغالي
عساك تذكر غلانا يوم تفتحها
كتبتها يوم طيفك مر في بالي
ان كان ما جيت أنا في بالك امسحها
*******
لا بان برهان الغلا من يساويك
نجمك طلع ونجوم غيرك تهاوت
ولو شفت أحد مثلي يعزك ويغليك
اصرخ وقل ان الأصابع تساوت
******
الروح ذكرى وآخر العمر سكرات
يا كيف أبنسى روح فيها نجاتي
مادام بالذكرى تعيش ابتسامات
استأذنك تبقى ابتسامة حياتي
******
ودي أكتب والقلم عيا يطيع
مدري الأشواق والا انت السبب
كيف اعبر والحكي مني يضيع
اسعفيني يا قواميس العرب
ياحروفي أشعر بشي فضيع
في خفوقي نار واشواقي لهب
هذي أقلامي باكسرها جميع
في سكوتي تصبح أشواقي ذهب
******
أحب الليل
احب أسهر واشوف الغيم
أحب أكتب
أحب ارسم
أحب أطرب
واقول الويل
أحب أصرخ...حبيبي وين
احب أعتب واساري الزين
أحب أبكي
أحب أضحك
أحب الحب
لكن انته وين ؟!
******
كاس مليته بالوفا لا تكبه
خله يبلل بالوصل يابس الريق
صبه بقلبي ثم امله وصبه
وان كان تقدر اغرق قلبي تغريق
دام الهوا راسي وراسك يهبه
اغنم زمانك والدنيا توافيق
حلاة العمر مع من تحبه
شخص تريده من جميع المخاليق
******
أتعبت روحي واجب منك تطلبها
وياريت ماشفت زولك يانظر عيني
كني يتيم مع نفسي واعاتبها
محتمل الصد وصدك لي مشقيني
*****
ماشفت صورتك بين الرمش وعيوني
ماشفت سود الليالي كيف أقضيها
اشوف غيرك ولكن ما يهموني
عيني اذا ماتشوفك وش ابي فيها
ماهمني لو تعيش العمر من دوني
لكن دونك حياتي كيف أقضيها
*****
لو يطير الطير ولا ما يطير
ولو حدث بالكون فجوة وانقسام
ولو تبوك تصير في وادي عسير
ولو حدث تغيير في كل النظام
يستدير الكون كيفه يستدير
يحترق يشتب لو يصبح حطام
ماتغير قيمتك وسط الضمير
قدرها يزداد عام بعد عام
*******
سلام يا كاسب غلا كل مغليك
يامالك زمام المراجل بيمناك
الطيب ساسك والعرب عزها فيك
لاضاعت علوم الرجاجيل تنصاك
ربعك تفاخر بك وتفخر بطاريك
يعيش ابوك اللي على الطيب رباك
******
اذكرك واناظرك وانت معاي
تحتريني من شمال ومن يمين
في كياني انت يا أغلى غرام
صرت لي ذكرى على مر السنين
معك روحي يابعد روحي فداك
ومعك عمري يابعد عمري رهين
*****
لا تواخذني على قل الوصال
الامل مابي منك تقطعه
الوفا بيني وبينك لا يزال
ماخضع قلبي لغيرك وارفعه
كل شي فيك يناديني تعال
وكل شي في فؤادي يسمعه
لكن اعذرني على قل السؤال
في خفوقي لك حروف أربعه
******
حبيبي بسألك ليه الهوى منك وفيك
ليه المشاعر ماتعيش الا بساعة شوفتك
ليه المحبة والوفا وابيات شعري تهتويك
ليه انت بس اللي أموت بشوفة رسمتك
تدري لو مره اقول اني كرهتك وماابيك
يرجع عليّ صوت الصدى يقول ما اكبر كذبتك
*******
دايم ونفسي بالمحبة تناديك
ودايم حنين الشوق يمك خذاني
لا يا بعد عمري من الناس شاريك
أرخصت كل الناس قاصي وداني
قالوا لي العذال أبعد واجافيك
وحلفت انا ماانساك لو هي ثواني
*******
ان عاش راسي واسعفتني سنيني
بروي ظما قلبي بقربك واهنيه
لو يزرعون الغام بينك وبيني
نذر علي لامشي على الدرب واطويه
واشيل روحي في راحة يميني
ابيع عمري لجل شوفتك واشريه
*******
تحرقني الدمعة اذا مر طاريك
ابغي أشوفك كل وقتي واداريك
يحفظ ربي ويحفظ الله مباديك
واوعدك انا يا شوق ماني بناسيك
بعيش عمري دايم اذكر معانيك
وان سرت عني بعيد ببقى اناديك
مابي اتركك قلت مابي أخليك
مادامني اهواك واحبك واغليك
*****
اقضي مع الأفكار غربة وترحال
ذكرى تفرحني وذكرى حزينة
انت الفرح وانت السعادة والآمال
ببني لك في ضميري سحاب ومدينة
وانت الرفيق اللي مع الوقت ما مال
مثل البحر يا كم حمل من سفينه
******
زادت سهام البعد في قلبي طعون
وابطيت طعن الغلا ما تشافيت
كلك حلا كلك غلا كلك فنون
حبي لكم دوله وقلبي لكم بيت
ان جيت بك مجنون وان رحت مجنون
يعني انا في الحالتين استجنيت
*******
مايصير انساك لا ما يصير
وفي خفوقي لك معزه واحترام
قبلك الدنيا مثل حلم صغير
وعقبك الدنيا غرام في غرام
انت مثل النور في عين الضرير
لا لمحتك ما بقى حولي ظلام
فيك عمري فيك روحي والمصير
فيك كل ايام عمري والسلام
******
من رافقك والله حشا ما يخليك
لو عاشرك كل الدهر ما يملك
انا اشهد اني حرت مدري وش اسميك
كل الخصال النادرة ينتمن لك
الطيب كنه شابك ايديه فيديك
ان كان له صاحب فهو صاحب لك
******
سيدي أنا كنز أحاسيس مدفون
أنا أفكار ضائعة لمجنون
انا ذلك الثوب البالي
قسى عليه الزمان ولم يبالي
******
يامن على ثاير فوادي تولى
خلك على درب الكرامه شفوقي
ارحم عزيز في الهوى مستذلي
يسوق قلبه للمشاريف سوقي
اخترتك من الناس للقلب خلي
ياحيثك مرادي وكيفي وذوقي
مارحت ادور كل شخص تولى
لو منت تسوى ماعطيتك خفوقي
******
سلام لك من صادق القلب مشروح
ياللي غلاك بداخل القلب ما راح
ناس تجي وتروح ما هزت الروح
وناس غلاها ثابت وسط الأرواح
ياللي بنيت من الوفا قصر وصروح
قصر مشيد مع هل الجود ما طاح
******
صدفه تذكرتك وانا ماني بناسيك
واشتقت لأيام بها كنت وياك
ذكرت حلم مات وأحياه طاريك
وحب غدى مابين همك وذكراك
ليتك تشوف اللي من الناس يغليك
مسجون بأسوار الزمن كيف يلقاك
******
ارسل مع الطير شوقي
وطيفك بالحشا موجود
وماني بقاطع رجا حبك
لو دربي بالهوى مسدود
احبك واحبك واحبك
ومابتلقى لمحبتي حدود
ياترى الرسالة وصلت
ولا جزء من النص مفقود
******
تشتت بالفكر عقلي تحيرت ونفذ صبري
نهيت الشوق لا يرحل وعيا لا يطاوعني
حبسته داخل ضلوعي منعته في قفص صدري
قهرني وكسر ضلوعي تجاوزها وتجاوزني
يعاندني ويحرجني ودايم ما يطيع أمري
واذا قرر يجي يمك يروح ومايشاورني
******
يحسبني يوم سلم ما سمعته
سامعه بس أتغلى عليه
قلت أبثقل بس ثقلي مااستطعته
وابتسمت وجيت لمعانق يديه
يحسب اني يوم ما رديت بعته
مادرى اني بكل عمري مشتريه
والصراحة يوم سلم ما سمعته
كنت أفكر كيف انا أسلم عليه
*****
ليت الوجع بعروق قلبي ولا فيك
وليت التعب غلطان ساهي ولاجاك
لو الشفا بضلوع صدري لا اداويك
واطحن جميع ضلوع صدري فداياك
الله من شر المقادير يحميك
والله يحفظك ياعيوني ويرعاك
******
أحبك كلمة قبلي وقبلك قالها العشاق
وانا وياك قلناها قصايد شوق مختاله
مع حروف الوفا تشرب معانيها من الاعماق
وعلى نهر الغلا صارت زهور واشواق مياله
احبك حب لو قلته تضيق بلحظه الافاق
احبك حب ماحبه سواي ولا حد قاله
******
سابع سنه حبهم عايش بوجداني
طموح واحلام ماتت من يعزيني
والله مدري انا ابكي بعد خلاني
والا على عمري اللي ضاع وسنيني
عنده رقم هاتفي واسمي وعنواني
ان غير الوقت رايه يتصل فيني
******
ماعاد يغريني القمر ليلة النصف
عادي طلع ولا تحجبه سحابه
من يوم غاب اللي ماشفت له وصف
صارت معي كل الليالي تشابه
مثل البليد اللي جلس بآخر الصف
مايدري وين الاسئلة من الاجابه
صرت ابحث عنه بين الناس والف
مدري كثر الشوق ولا وقته انتهابه
******
في خاطري شي ودي أقوله
مدري تصدقني أو تقول كذاب
قلبي يحسك دايم الدوم حوله
مع كل دقه يذكرك يااغلى الاحباب
تدري عليك الروح بالحيل توله
وتدري بعد طيفك عن العين ماغاب
*****
عطني من أوقات السعادة ثواني
واعطيك لو تطلب الوقت كله
ضاعت عيوني في سراب الأماني
وشط الأمل عجزت عيوني تدله
لاجيت أبسعد لحظة في زماني
قام الفرح يبخل علي بظله
*******
ياللي غلاك يفوق بكره وبعدين
على الوفا عطني على العهد يمناك
بمشي معك لو كنت مدري على وين
ماتنفصل عن خطوتي تالي خطاك
حظي يكون القلب منصوف نصفين
نصف يحبك ونصف ملزوم بهواك
*******
مابي جرح
مابي خوف
ولا أبي أحزان
أبي موقف
أبي كلمة
تهز اوطان
أبي انسان
اذا طحت من طولي
يفز ويسند حمولي
يحس فيني قبل لشكي
يواسيني قبل لبكي
ومن قلبه اذا حنيت
ألاقي بداخله أحضان
دخيل الله أبي انسان
*****
ياغايب عنا لك الحب ماغاب
متى تجي وتشوف همي بعينك
ماطاب لي جرح ولاخاطري طاب
متى يديني تحضنها يدينك
ياصاحبي لو قالوا الوقت كذاب
يكفي كلامك ودافي حنينك
لو ان قصدي بالزمن كثر الاصحاب
ما قلت يا ساكن الروح وينك
******
مهما الخطاوي عن بعضنا تباعد
تبقى المشاعر للتلاقي مواعيد
ومهما تباعدنا لزوم نتواعد
بعدك عذاب وشوفتك عندنا عيد
اغليك ما قال الرشيدي مساعد
وافداك ما قالت نجاح المساعيد
******
هذي دروب الحب والحب سلطان
يامر علي وكني أصغر اخوانه
لا يا بعد كل الطوايف والأوطان
اقطع وريدي لو نبض بالخيانه
ثبت في خافقي ساس واركان
عن حب غيرك كن عندي حصانه
********
لو بغيت أصد عنك ما قويت
وان بغيت أفراقك قلبي خفق
من يقول اني على هجرك نويت
قله ان قلبي بحبك احترق
وقله اني في محبتك اعتليت
رافع الهامه على حد الشفق
وقله اني في بحر حبك رسيت
فوق مجداف الهوى قلبي غرق
******
لي قلب محد هز عرشه ولا جاه
ومحد تجرأ يطلع في كتابه
كم مر من عنده حبايب بدنياه
وكم واحد ينثر لقلبي اعجابه
لكن قلبي محد منهم اغراه
كل الوجوه اللي تمره تشابه
الا انت صوتك كل ما قلت بنساه
أحس لك وحشه وقدر ومهابه
*****
أرجي السنين المقبله تنصف الحال
عقب السنين اللي مضت لي حزينه
امشي مع الأيام ياخوك رحال
طال الشقى والحزن طالت سنينه
حتى رفيقي لانشدني عن الحال
أجامله بالرد وأقول زينه
*****
تقول الناس عينك وش بلاها
على خدك تنثر كل ماها
صحيح الناس مايدرون عني
ولاحسوا دموعي وش وراها
ولا يدرون ليش أسهر لحالي
ولا يدرون حالي وش براها
ولا عاشوا دقيقة في عذابي
لان النار تحرق من وطاها
******
ابكي قصيدة واشبك البيت بالبيت
واشكي قوافي الليل من كل ضيقه
وادخل بحور الشعر لا من تجليت
واغوص في وسط البحور العميقه
في حبكم لاني بحي ولا ميت
كني كسير الطير ماله طريقه
*****
أجيك مع نبض الهواجيس
أدق بابك والملا نعاس
اطريك وعيوني مراميس
وأنا عـ شاطي الشوق جلاس
كلك مثل جملة أحاسيس
صرت بغرامك نبض حساس
وان مر اسمك في المجاليس
بك افتخر في جلسة الناس
******
حاولت في قلبي وأنا أقول بنساك
واعيش دنيا في حياتي جديده
أثر الغلا ما تعجبه غير دنياك
القلب غيرك ما سكن في وريده
اشتقت لعيونك وصوتك ونجواك
واشتقت لظروفك ولو هي عنيده
*******
وش ذنب الناس دون احساس تشغلهم
وتحط بفواد كل من يعشقك حسره
ماتدري انك بصدك دوم تزعلهم
ياترى كم قلب تسببت انت في كسره
جيت اشتكي من ظلمك لانك اولهم
واقدم سجين لغرامك عايش بأسره
كنت احساس قلبي وبعد الملا كلهم
وكنت اخسر بك الناس الا انت ما اخسره
واليوم عرفت اني خسران الحين وبكره
المهم خسرتك خسرتك من بينهم كلهم
******