بهلوان

[عادل رستم]

لما تلاقي حد بيدعيلك
ويدعي عليك
وف يوم بيشكيلك
ويحكيلك
قد ايه حيران
تبقى ساعتها تحس
بنفسك تدعيلك
وتشيلك م الفوران
وتاخدلك حبه تساعدك
ع الفوقان
تبقى تفكر يومها
ومتحترتش وتقول
مين فيكم غلطان
وتلبس احمر وتعزي
روحك وتشيلك
من نفسك
ترميك ف بحر
م النسيان
وانت وذوقك
وبشوقك
هتكتشف غياب
الانسان
واسأل
وموت وأنت بتسأل
لغاية امتى
هتعب واجري
ع القضبان
سيبها للي خالقها
تبات في شان
وتصحى فى شان
هي كدا دنيتنا
يوم في ايدك
وعشره
ف خبر كان
صعب تصلح احوالها
ولو عشت فيها
بهلوان​

 

[افراح المهدي]

سلمت اناملك

ولاحرمنا تواصلك