رياض المالكي
New member
- إنضم
- 2 أبريل 2010
- المشاركات
- 27
- مستوى التفاعل
- 0
- النقاط
- 0
عذبني درب الشام هم وحزن والام
مسبيه خذوني -وبغربه ابعدوني -وبسوط اضربوني-وبولية الظلام عذبني درب الشام
*****************************************************************
بعد ماحركوا أخيامك يبو اليمه
سبونه ولليسر محد وكف يمنه
صغار كبار تصرخ كلهه ياعمه
اهالينا كضت ياهو اليظل يمنه
مسبيه خذوهم -ولاواحد رحمهم -محد بقه عدهم -وبولية الظلام عذبني درب الشام
**********************************************************
يخويه وبس عليل وياي الكيد مكطع امتونه
يخويه وراسك اعلى الزان لبيت ايزيد يردونه
يخويه منصرخ اه يحسين بسياط ويضربونه
وادم لاشرف لادين لا مذهب يعرفونه
سبونبي وبس عليل وياي -ومارحموا دمع عيناي -ولاناصر بقه وياي -وبوليت الظلام عذبني درب الشام
*************************************************************
يخويه وراسك اعلى الزان يخويه ايرتل القران
يخويه ونور البوجهك يخويه الحير الرهبان
يخويه وانظر الحالي يخويه وانظر الوليان
سبونه وعلهزل نحدي وحادينه ابن مرجان
مسبيه خذوني -وبغربه ابعدوني -وبسوط اضربوني -وبوليت الظلام عذبني درب الشام
***************************************************************
ومجلس يزيد الطاغيه اذكرتك
من شفت العصا تضرب على شفتك
وبوجه الكفر وكفيت انه اخيتك
ماذليت ابد وفضحت الي ضدك
وراويته المنيه انه الهاشميه -وسألهم عليه
مسبيه خذوني-وبغربه ابعدوني -وبسوط اضربوني -وبوليت الظلام عذبني درب الشام
*****************************************************************
بعد ماريدن اشكيلك يخويه اشكي عباسي
وكله الشمر بيده السوط يخويه وكطع انفاسي
وذكرنك يبو فاضل اذكرك مااظن ناسي
انته الي جبتني وياك ونته الي كفلت راسي
مسبيه خذوني -وبغربه ابعدوني -وبسوط اضربوني -وبولت الظلام عذبني درب الشام
**************************************************************
ونسالكم الدعاء
رياض المالكي
8