هواي الليل صار ايطول ابلياك\ بقلمي

[احمد البصراوي]

اهواي الليل صار ايطول ابلياك

وصرت انت الفجر وجن ما تريد اطل

تمر ساعة واكول اتهون ما ضل شي

وبمرت الساعة احس دهر تجفل

خلص دمع الجفن واشتدت الاهات

وابدال الدمع حسرات ضل يهمل

وصبح جمرة القلب وتلتهب حدر احشاي

جمرة بوسط صدري وما اضنها اتمل

وصبح فكري عليل وتاه مني الراي

كلي شلون فكري بفركتك ميعل

زل مرة بخطوتك وخل اشوفك طيف

لو حتى بأحلامي ما تريد اتزل

ضعف حيل الجسم وتطلع تريد الروح

لان ضلة بجسدها ما بعد تحمل

وراح الشوف مني وما اريد الشوف

لان عيني لغيرك ما رضت تبدل

وضاك الصدر مني واختنكت الانفاس

واظن النفس من يطلع بعد ما ينزل

مر مرت غيوم وخل اشوفك خير

لان انت بمجيئك الخير كلة يحل

مر مرت غيوم وغطي شمس الآه

الصارت تنخفض حد ما تروح الضل

​

 

[افراح المهدي]

شكرا جزيلا لك لطرح هذه الكلمات الجميلة

سلمت اناملك اخي احمد البصراواي

ولاحرمنا من قادمك

 

[الشاعر]

السلام عليكم

كلماتك رائعة اخي العزيز
القلم والكلمات هي الوسيلة التي يعبر بها الشاعر
عما يجول في خاطره وقلبه

وما دمت تملك هذا الشعور لا تقل عزيمتك حتى تصل
الى ما تصبو إليه

 

[إشراقة الأمل]

السلام عليكم



دمت متميزا اخي البصراوي
وتسلم الايادي ..



تحياتي،،

 

[احمد البصراوي]

جزيل الشكر لكم احبتي على المرور الجميل

منورين

ودمتم بخي​

ر