احمد البصراوي
New member
ما شايف قبل كون بحجم امتار
بس شفتة امس من رحت للعباس
من شفت الضريح يهلي بالناس
وشفتة اشلون نورة يضوي جن نبراس
لان لوما البدور انكلبت الاكوان
لان همة لارضنا همة صارو ساس
اي همة النفائس سمعو يلعذال
ولا تكلي ذهب لا ياقوت لا ماس
ولا تكلي حظارة وقدم لو تاريخ
هنا اصل الكرم والجود والنوماس
هنا توجد شجاعة ومقدرة واخلاص
هن يوجد حمية اهنانة يوجد بآس
هنا يوجد عزم بسوح القتال ابطال
وروح اسئل درعهم وسيفهم والطاس
هنا بيت الكرم هنا منبع الطيب
اهنانة ارجال اصبحو للدين حراس
واهنانة النساء تختلف عن الغير
هنا فاطمة وزينب وهنانة ام عباس
وهنا سكنة ورقية وهنا خوات حسين
هنانة ابنات مسلم اهنانة رفعة راس
جدا فرق ما بين القصد لحسين
عن اليقصد لغيرة وماكو كل مقياس
يتلكاه منو اليقصد لغير حسين
واليقصد حسين يضيفة العباس
