اول مشاركة شعرية بقلمي في ملتقاكم

[احمد البصراوي]

خطرت لي فكرة هذه القصيدة عندما كنت اتابع مسلسل يوسف الصديق

واتمنى تعجبكم

يوسف كمر ويوم انولد بالكون

خظر وردة يوسف وبلا ارض ورد

مو حقها زليخا من جمالة اتحير

ونساء الحسان اتكص غفل باليد

يوم انولد حرر افكار الناس

ومن يوم الولادة دمر المعبد

ومن جبة لرحلتة لقصر العزيز ادروس

اجم عقل بيها الفطن وتسدد

ومن فتنة زليخا والالتفاف اعلية

يمر بينا الحجي حد ثوبه الي انقد

ومن سجنة بزاويرة وكل عذاب الشاف

لكن رغم هذا وما ركع لاحد

طلع من سجنة يوسف لقصر اخناتون

وعزيز اصبح وبعد العسر يسر امتد

فسر رؤية يوسف وكفت العقول

لان ربك ارداه يرتقي ويصعد

ومرت وفرة سبعة وانجمعت الخيرات

وبليله الكاهن الاعظم صار يتسهد

لان ربك يعلم انبياءه اسرار

حتى بعين كل كافر يحطهم ند

ذرو في سنبلة سر ربك انطاه

حتى القمح يبقى ويبقى ما يفسد

نقذ امة بذكائة ورحمة الرحمن

وبعقلة وجمالة العالم اتوحد

وضع ربك صفاتة بأنياءه نعم

لكنه بجمالة يوسف اتفرد

يوسف نعم مرسل وحير اهواي افكار

لكن حار فكره من سمع بأحمد

نبينة وتاج روسنا ومقتدانا الصار

كل صبح وظهر واغروب يتمجد​

 

[افراح المهدي]

كلمات جميلة

سلمت يداك اخي احمد البصراواي

ولاحرمنا من قادمك

 

[إشراقة الأمل]

السلام عليكم


اخي احمد البصراوي ..
كلمات جميله ..

لا حرمنا من قادمك ان شاء الله



تحياتي،،

 

[احمد البصراوي]

شكرا قواريرنا الجميلات على المرور الرائع​

 

[دموع القلب]

كلمات جميله بحق النبي يوسف

جعله الله لك شفيعاً يوم المحشر

مع تحياتي

><><دموع القلب><><​

 

[احمد البصراوي]

شكرا اخي وعزيزي على المرور الرائع

ودمت بألف خير​