السلام عليكم
اول شي راح اقول السالفة
يوم الاربعاء تاريخ 28/10 جت معلمة القصد وقالت ان باجر كل ابنية تجيب اكل بس ما يزيد عن دينار ،وتبيعه وراح اتجوف اي قد ربح انحصل "ع فكرة كان حق كل الصفوف " واللي احصل ازيد صف ربح راح اكون الفايز ..ففكرنا واني ورفيقتي ان انجيب ذرة بس سمعنا ان بنات واجد بجيبون واتفقنا على نفيش "سنما بنسوي " المهم يوم الخميس وديت مكينة النفيش والاغراض المدرسة
بس ....صارت قصة لينا .....
جبنا النفيش وقبل الفسحة طلعنا اندور كهربة
وبوم حصلناها قمنا اندور محول
وبعد العفيسة حصلنااه من المعلمات التجارية
جه الشغل
قمت اني اسوي ومشاعل توديه بره
وبنات الصف يعطيهم العافيه يبيعونه
اما الفراشات ما قصرو
ساعدونا وخلوه في اجياس
شوي ومشاعل جايبة لي ربيه
سألتها هذا اللي باعوه او بعتينه
قالت تجارتنه خاسرة يا خيه
وقفي ولا تكملي البقيه
قلت ليها بكمله وان ما انباع برجه
عقب ما كملت شلت اغراضي
الا والجرس طاق "بدت الحصة الرابعه"
بس قلت ماني راكبه الا اللين بعته
صدق كان علي اختبار بس اصريت
قمت الف وادور
يمكن احد يشتري
رحت للمعلمة وخبرتها
مشروعي فاشل ولا احد اشترى
ضحكت وحضنتني
وقالت ماعليه
رحت الصف ...
جفت المعلمة داخل ما دخلت رحت ادور على الصفوف اللي يمنا
بس كلهم عندهم معلمة
طلعت المعلمة من الصف وشافتني
ابتسمت ودخلت الصف
قبل ما توزع أنسة معلمة الاختبار
زينب عطتني فلوس
تقول هذا اللي بعته لج
استانست وشكرتها
كأني مزهوقة اقول ليها حلفي
المهم
الفلوس ما عطيتهم المعلمة واخذتهم حقي
كلهم دينارين
واحد لي والثاني الى مشاعل
وبجدي
كملت قصتي
في يوم الخميس
تاريخ 29/10/2009
اعرف مو معدله بس يعني حبيت اكتب ويش صار ليي---نأسف
ههههه\\:cupidarrow:
