الشاعر محمدقاسم
New member
- إنضم
- 12 أغسطس 2009
- المشاركات
- 9
- مستوى التفاعل
- 0
- النقاط
- 0
نفسى أبكى لكن خايف
و لاأكنش مش عارف
جمد قلبى وجف العين
ولاالعين مهوش شايف
بكايا على إيه ولا مين
حالى حال المسلمين
العراق فلسطين
ولا المدبحين فالصين
بص وشوف بمرمى العين
حزن يكفى إيام وسنين
أبكى لما تهون الروح
ولالطفل مات مدبوح
شيخ ضربوه بصاروخ
وبيتى حطانه شروخ
خان ومات مسموم
مخلص وبات مهموم
وناس شاغلها النوم
بدعى يارب تقوم
كلاب علينا سعرانه
ودنيا ساكنه جوانه
وناس من حرق الدم
فعزالبرد حرانه
محتل بيقتل شعب
حكومات بتزرع رعب
لطموح الشباب بتهد
وفوشه الببان بتسد
والجعبه لسه مليانه
ويا الكلاب السعرانه
سجون بلدنا مليانه
بناس فهمومها غرقانه
وناس فرحانه ع الأخر
وبذُل الشعب تتفاخر
ياضلمة ليل ماله آخر
إمتى الضلمه تتاخر
وأقول نفسى آلاقى دموع
تبردحرقة الموجوع
عايزأصرخ بصوت مسموع
يملى الدنيا عالآخر
لكن برضه مش عارف
ولاأكيد أنا خايف