هذا رقمي || كلميني يالحلوة .!!!

[نهر الشوق]

هذا رقمي || كلميني يالحلوة .!!!

السلام عليكم وورحمة الله وبركاته .. والصلاة والسلام على أشرف الانبياء والمرسلين محمد وآله الطيبين الطاهرين ..
مساكم ورد وسكر واذا كان صباح فصباحكم فل وياسمين

بدآية .. هل لي بسؤال ؟؟
مآذا خطر على بالكَ \ بالك ِ حين سقطت عيناك على العنوان .. وهل ترجم عقلك هذا العنوان .. أم ترجته عاطفتك ؟؟؟

الجواب على هذا السؤال .. هو حقيقة .. هذه الظاهر اصبحت حقيقة في مجتمعنا وأصبحنا نأخذها بشكل كما يقال
"free"

فإن استخدمت قاموس عقلك لترجمتها فلوجدت نفسك نافرا منها لانك بالاساس على علم ويقين بما سيتعاقب عنها .. وان كان قاموس العاطفة هو المستخدم فأعذرني فلا بد من معاوده ترجمتها بعقلك ..؟؟

ربما الى حد الآن لم أصل للمغزى ولم يستوعب أحد ما أود الوصول له .. لذا هل لي بالتحدث بالعامية ؟؟

يا رجل وانت ماشي في السوق أو مجمع أو أي مكان .. وانت في طريقك لمحت لك بنت أستثارت مشاعرك .. او ربما حتى لم تجذبك ..مسكت ورقة وقلم وكتبت ******39 طبعا الباقي بتحصلونه في الورقة .. وقطيت الرقم على البنت .. ومشيت وانت تراقب اذا البنت اخذت الرقم أو لا ؟؟ ... أو يمكن ما افتكرت قطيت الرقم وانت ولاهامك اذا كانت بتاخده والا لا !! لان عندك البديل ..
البنت من المفترض انها اذا شافت هالنوع من الشباب تطنش ولا كنها جايفه قدامها شي لان اذا ما عملت هالشي السلبيات بتنعكس عليها وحدها ..
واذا كانت من النوع الضايع راح تآخذ الرقم بكل رقة والساعه 12 أو اي وقت متأخر راح تدق ع الرقم ومدري شيتقول .. بس شوي شوي راح يكبرالموضوع والبنت بطبيعتها تتعلق بأي انسان يعطيها الحب ويوقف معاها ويسأل عنها .. فبتحبه .. والشاب الله يستر علينا ضارب الدنيا جوتي مكلم له 1000 بنيه وهي عنده عند الرقم 999 .. طبعا ما بكمل لكم شبيصير بعدين لان الكل عارف .. هم خيارين فقط والبنت هي اللي بتختار .. يا توقف اللعبه يا اللي بيصير يصير ..

خلصنا من الترقيم في المجمعات . نجي للي يحبون من جد ويكلمون بعض .. ومنعنشين ومفرفشين.. انتي كبنت ضامنه انه هالشاب راح يتزوجش .. ضامنه انه ما راح تصير معاه ظروف تمنعه من القدوم على هالخطوة .. فكرتي انه في احتمال يتقدم لج شخص ثاني شبيكون موقفش على أي أساس راح ترفضين هالشخص وهو كمل والكامل الله .. هل فكرتي بكل هالاشياء
وانتِ تكلمين هالشاب ما تحسين بداخلش رجفة خوف .. ما تحسين انج مسويه شي اهلش اساسا موب راضيين ابه .. اساسا لو بنلاحظ في اشياء واجد تدل على انج خايفة

أولا ما بتتكلمين بصوت مرتفع لانج خايفة ..
راح تدورين لج أي مكان تقعدين فيه بروحج ليش ؟؟ لانج خايفة ...
راح تقفلين التلفون برقم سري ليش ؟؟ لانج خايفة ..
بتسمينه مريوم وهو اسمه حمود .. طبعا في التلفون


وفوق كل هذا بتحسين بالذنب في كل لحظة حتى لو كلمتيه وحسيتي براحه هذي الراحة اكيد بتزول ..

همسة : اذا في احد يحبج ماراح يخليج خايفة راح يوفر لج كل انواع الراحة خلي هالشي في بالج .. لا تصيرين خفيفه اثقلي شووي .. واذا يحبج اكيد بظل يحبج حتى لو ما كلمتيه صح والا آنا غلطانه ..

نجي للشاب .. آنا ما بقول اذا ترضاها على بنت الناس بترضاها على خواتك لان هالموال الشباب شابعين منه ومطنشيه .. واذا قلت لهم هالموال قالوا لك خواتي ما يسون هالشكل ليش بنت الناس ماعندها اخوان يعني ؟؟ .. والا يقول لك أنا ماعندي خوات .. هذي النكته اللي تضحك البنات

اساسا
انت ليش اقبلت على هالخطوة .. ما فكرت شبيصير بعدين .. ما فكرت بالنتايج .. انت قد هالخطوة يعني .. ماتعرف الصح من الغلط .. ليش تسوي روحك أعمى عن كل هالاشياء وانت تشوفها قدامك ..
بس شنقوول لاحول ولا قوة الا بالله

يمكن آنا بالهموضووع ما أقدر اغير اشياء اساسا راسخة في قلوب الناس ومقتنعين ابهاا بس اتمنى ان الفكرة وصلت وع الاقل أخذوا بشوي منها خاصة البنات ..

شوو رايكم بالصورة ؟؟؟

انزين
اذا ما طولت عليكم عندي كم سؤال

للبنات


لو حبيتي انسان وعرض عليج تكلمينه بالتلفون بتوافقين ؟؟؟ وليش ؟؟

تعرضتي لهالمواقف من قبل ( طبعا آنا ذكرت موقفين )) وشنو كانت ردة فعلج ؟؟

شرايج بالشباب اللي يسوون هالحركات ؟؟

شرايج بالموضوع ؟؟

للشباب

كم مرة قطيت الرقم على بنت ؟؟ واذا ما قطيت الرقم هل كان لك اسلوب ثاني عشان توصل للبنت ؟؟

لو كلمت بنت تحبها من جد ..هل راح تخطر في بالك هالجملة (( لو ما كلمت غيري ما جت وكلمتني )) ؟؟

شرايك بالبت اللي تكلم شاب ؟؟

شرايك بالمووضع ؟؟

وبس



حقوق الطبح محفوظة لدى نهر الشوق

واعذروني استخدمت العاميه بكثرة ... ​

 

[صدى الاحساس]

رد: هذا رقمي || كلميني يالحلوة .!!!

اولا ً : شكراَ على طرح الموضوع

ثانياَ بجاوب على اسئلتش


لو حبيتي انسان وعرض عليج تكلمينه بالتلفون بتوافقين ؟؟؟ وليش ؟؟
اكيد لا ... لان هالشي غلط وبما ان اهلي واثقين فيني ما ابغي استغل هالثقه وسوي شي هم مايرضون فيه
تعرضتي لهالمواقف من قبل ( طبعا آنا ذكرت موقفين )) وشنو كانت ردة فعلج ؟؟
اي .... طنش تعش تنتعش ولا كأني جايفه شي
شرايج بالشباب اللي يسوون هالحركات ؟؟
مايعجبوني ..ناس فاضيه ماوراها شي .. بس تأذي الناس
شرايج بالموضوع ؟؟

يجنن لان الي حاطتنها تجنن


مشكووره عالاسئله الخفيفه



لا حرمنا قادمكِ​

 

[أميرة الأحزان]

رد: هذا رقمي || كلميني يالحلوة .!!!

سلااااااام عليكم

كيف الحال ؟
إن شاءالله بخير


طلعتين خطيرة نهر اكو تكتبين مواضيع مفيدة

إنزين ..

بجاوب على كل سؤال سألتينه ..

مآذا خطر على بالكَ \ بالك ِ حين سقطت عيناك على العنوان .. وهل ترجم عقلك هذا العنوان .. أم ترجته عاطفتك ؟؟؟

طبعلاً وبِلا شك "ترقيم" ..

شوو رايكم بالصورة ؟؟؟

فن .. راويت اختي تلفونها استانست عليه



نجي للجَد ..

أول شي مثل ما قلتين مواويل قديمة .. وسوالف قديمة .. وتمللنا منها .. وتمللنا نسمع هالقصص واجد ..
وموضة قديمة جداً جداً ..
الحين كل شي يصير ع المكشوف عادي ..

لو حبيتي انسان وعرض عليج تكلمينه بالتلفون بتوافقين ؟؟؟ وليش ؟؟

بعيد عن المثاليات ..
وبما إني بنت .. اكيد بكون عاطفية جداً .. وقلتين إذا شخص احبه بتأثر ..
بس مااعتقد بكلمه .. لأنها صعبة جداً ..
تخيلي تعيشين موقف رعب طول اليوم .. وسواس وتوتر ..
ونفرض إني وافقت .. وكلمته .. ما بسوي هالخطوة إلا بثقة .. مو أيّ شخص يستحق ..
وحتى لو كنت مثلاً اعرف إنه مو من نصيبي .. بس ممكن تكون تجربة .. الأهم فيها إن ماتأثر على نفسيتي مستقبلاً .. > قلت مستقبلاً لأن في الوقت الحالي طبيعي بتأثر ..
وقلت تجربة .. لأن تمر فترة من عمر البنت تغلط فيها .. طبعاً مو كل البنات .. بس مابستغرب خصوصاً في هالزمن ..
وهالشي أبداً مو معناته إن عادي أكلم واحد .. !
وأخيراً كل بنت تعرف شنو قاعدة تسوي .. وإذا غلطت .. أبداً مو نهاية العالم ..

تعرضتي لهالمواقف من قبل ( طبعا آنا ذكرت موقفين )) وشنو كانت ردة فعلج ؟؟

نجي للموقف الأول ..
طبعاً تعرضت ليه .. وكنت دائماً أطنش وبقوة .. لأن مااتخيل نفسي انزل آخذ رقم شخص ما يسوى ..
وأذكر مرة واحد مللني بشكل مو طبيعي .. كنا مسافرين "في الحَملَة" .. جريء في كل مكان يجي يقعد يقابلني .. ويعطيني الرقم .. لدرجة إن مرة مشى ويايي اني وبنت عمي في السوق وأخذ تلفوني من إيدي .. > كان مبند
آخر مرة حس بإحراج .. وقف في طريقي "إلا تاخذين الرقم" أخذته .. وشقيته قباله ومشي >> بطلة ..
بس يعني مااذكر موقف "إني أخذت رقم " أبداً ..


الموقف الثاني ..
ما صار وكلمت شخص وأني واثقة إنه من نصيبي
ومااتمنى أنحط في موقف مثل هذا .. يمكن أنصدم بعدين .. "ما كل ما يتمناه المرأ يدركه" ..

شرايج بالشباب اللي يسوون هالحركات ؟؟

والله العظيم نااااس فااااااضية ..
لا شغل ولا مشغلة ..
حلاة الرجال تجوفينه كله بزي .. ماعنده وقت لهالمسخرة ..
يااخي جوف شغلك .. دراستك ..
مو قاعد لينا من بنية لبنية .. بنات الناس مو لعبة ..

وإذا هذا إخطب عرس وفك عمرك ..

شرايج بالموضوع ؟؟

موضوع تمام لا ..
أكو هريت واجد بعد وش تبييييين

تسلمين خيو ..
ومسامحة على الهذرة الطويلة :$​

 

[نور الدنيا]

رد: هذا رقمي || كلميني يالحلوة .!!!

السلام عليكم وورحمة الله وبركاته .. والصلاة والسلام على أشرف الانبياء والمرسلين محمد وآله الطيبين الطاهرين ..
مساكم ورد وسكر واذا كان صباح فصباحكم فل وياسمين

هلا شخبار شمسوية بت عمووو وحشتيني​

بدآية .. هل لي بسؤال ؟؟

اوكي تفضلي عادي ​

مآذا خطر على بالكَ \ بالك ِ حين سقطت عيناك على العنوان .. وهل ترجم عقلك هذا العنوان .. أم ترجته عاطفتك ؟؟؟

بصراحة اول ما جفته ما صدقت قلت يووه ده ويش بصراحة الي ترجمته عواطفي ما احب اجدب سيده يعني احساسي غلط ههههه بعدين يوم قريته فهمت واول ما قريته عرفت ان عن حركات الشباب والبنات الهايتين هعهعهع

ربما الى حد الآن لم أصل للمغزى ولم يستوعب أحد ما أود الوصول له .. لذا هل لي بالتحدث بالعامية ؟؟

اي اي كله واحد تحدثي بالعامية بت عموو هههههههه حلاتش تستادنين بعد


أولا ما بتتكلمين بصوت مرتفع لانج خايفة ..
راح تدورين لج أي مكان تقعدين فيه بروحج ليش ؟؟ لانج خايفة ...
راح تقفلين التلفون برقم سري ليش ؟؟ لانج خايفة ..
بتسمينه مريوم وهو اسمه حمود .. طبعا في التلفون ​

ههههههههههااااااي صراحة كلامش مليون بالمئة صح جفت بنات واجد جدي اتسوي الغلط وتعرف ان غلط ليش ما ادري مو ادا تعرفين ان حرام وخايفة ليش اتسوين لو التقولين اليها اتقوول لا مو حرام الحب مو حرام محد قال الحب حرام بس الي انتين قاعدة اتسوينه حرام صح لو مو صح اتقول لا مو صح انزين ادا الي قاعدة اتسويه مو عيب ولا حرام بوجهة نظرها ليش اتخاف ليش اتخاف وترتعب بعد ما اتخاف الا لين عرفت ان الي قاعدة اتسويه غلط بكون اخرته غلط لكن ويش اتقولين ...بح صوتنا واحنا نقول عيب ومحد يسمع

اي نهروو 39999 عجبني الرقم بت عمو بس مو مكمل اكمله من عندي هههههههههههههههاااااااي امزح لحد يفهمني غلط

اذا في احد يحبج ماراح يخليج خايفة راح يوفر لج كل انواع الراحة خلي هالشي في بالج .. لا تصيرين خفيفه اثقلي شووي .. واذا يحبج اكيد بظل يحبج حتى لو ماو كلمتيه صح الا آنا غلطانه ..

الاه الاه الاه حلاتش بت عمي صح كلامش لا والله مو غلطانة مليون بالمئة صح وادا كان احبها ما بيرضى عليها


هالموال قالوا لك خواتي ما يسون هالشكل ليش بنت الناس ماعندها اخوان يعني ؟؟ ..
صح و الله قال شنو خواته ما يسوون هالشكل والله حالة.... كما تدين تدان مثل ما يسوي لبنات الناس بسوون لخواته واهله ​

شوو رايكم بالصورة ؟؟؟

كشوخي تجنن وخصوصا لانش انتين الي حاطتنها هههههههه​

انزين
اذا ما طولت عليكم عندي كم سؤال

لا ما طولتين عادي
للبنات اوكي ​

لو حبيتي انسان وعرض عليج تكلمينه بالتلفون بتوافقين ؟؟؟ وليش ؟؟

يحلم اول يطالع حلمة ادونه بعدين اكلمه هدا الي ناقص بعد اكلم واحد بالتلفون جيف اني صايعة اني وحدة ما اعتقد ان بصير هالموقف اليي هع بس لو صار في عندنا باب وفي شي اسمه زواج على سنة الله ورسوله يباني كان بها يجي يطق الباب بيسمع الجواب ادا يبي شي ثاني مثلا اني اكلمه يلحقث امه اني ما عندي هالسوالف البطاله اني وحدة محترمة نفسي واحب ان راس امي وابويي دائما مرفوع واحب اني ما اخون ثقتهم يعني اكيد ما بوافق هعهعهع​

تعرضتي لهالمواقف من قبل ( طبعا آنا ذكرت موقفين )) وشنو كانت ردة فعلج ؟؟الوقف الاول الصبح لين نوقف للباص واجد نتعرض ليه ولين اطلع مع بنات خالي اممم يعني اني مو بروحي اممم بس يعني نطنش ولا جنه نجوف خب بس يبون يتعلفون الحليوة والي مو حليوة هعهعهعهعهعهع ما نسوي شي
ومثل ما قالت صدايوو طنش تعش تنتعش لو كل واحد سوا هالحركة سوينا ليه سالفة جان الحين صارت البحرين كلها مشاكل لان صبيان واجد عندهم هالحركات

شرايج بالشباب اللي يسوون هالحركات ؟؟

فاضيين ما عندهم لا شغلة ولا مشغلة يبي ليهم اسطارات لو بيدي جان راويتهم مثل ما انك ما ترضاها على خواتك لا ترضاها على بنات الناس استح عااد .... لا والحين طالعة موضة جديدة لا وسمعتها باذوني وجفتها بعيوني تدرين ويش هي اقولون للمرة يا فلانة ولدش جايفينه يغازل اتقول خله على راحته هدا طيش شباب كل الشباب يسووون جدي .. ادا كبر بيعرف انه عيب هعهعهع ضحكتني المرة صراحة هههههه لين ما يكبر بتكون جم بنية اتادت منه الله المعين ... هع
شرايج بالموضوع ؟؟
يجنن نفس صاحبته ياعلي عجوبي طالعي انتين اقتبست الموضوع كامل وردودي شكثر يا بت عموو
الموضوع تحفة لا حرمنا من جديدك والى الامام تدرين لو تعبير بالمدرسة ما سويت هالقد

يسلممووو عومري على الموضوع​

 

[نهر الشوق]

رد: هذا رقمي || كلميني يالحلوة .!!!

السلام عليكم والرحمة

اخوتي درودكم اسعدتني كثيرا
لي عودة للتعقيب على كل رد انتظروني
وبانتظار آراء الاخوان ايضا ... وينكم كله البنات يردون واسئله الشباب من برد عليهااا . لا تفشلوني عاااد

شكرا مرة ثانية

 

[وردة الهوى]

رد: هذا رقمي || كلميني يالحلوة .!!!

لو حبيتي انسان وعرض عليج تكلمينه بالتلفون بتوافقين ؟؟؟ وليش ؟؟
ابصم بمليوووون لا
الان هذا شي مو عدل
ومثل ما قالوا خواتي اللي قبلي

تعرضتي لهالمواقف من قبل ( طبعا آنا ذكرت موقفين )) وشنو كانت ردة فعلج ؟؟

حتى لو تعرضت اليه اني وحدة مو مجنونه انزل واخذ شي ما يسوى
مو مثل البناات الله يستر عليهم
مجانين من اشوفوون رقم مفلوووت


شرايج بالشباب اللي يسوون هالحركات ؟؟

بطاليه
ما عندهم شي لا شغل ولا مشغله

شرايج بالموضوع ؟؟

اجننن له عجييب تسلمين خيووو
بس لو ويش انقول ويش انسوي ما بنتوصل الى نتائح

 

[ريحانة البحرين]

رد: هذا رقمي || كلميني يالحلوة .!!!

السلام عليكم ورحمة الله وبركاته

ماشاء الله خيتي نهر الشوق موضوع منسق بشكل ملفت وجميل
وافكارك متسلسلة في الموضوع

ابدعتي في طرح الموضوع ..

بدآية .. هل لي بسؤال ؟؟

مآذا خطر على بالكَ \ بالك ِ حين سقطت عيناك على العنوان ..
وهل ترجم عقلك هذا العنوان .. أم ترجته عاطفتك ؟؟؟
في الحقيقة تبادر الى ذهني ظاهرة مقززة منتشرة بالمجتمع
وهي ظاهرة "المغازل" والترقيم..


لو حبيتي انسان وعرض عليج تكلمينه بالتلفون بتوافقين ؟؟؟ وليش ؟؟

مااظن اني اقدر احط نفسي بالهموقف مثل ماقلتي
خوف ورعب وشي بالسر .. متعودت تكون بيني وبين اهلي اسرار
وغموض دايما واضحة معاهم وكل شي واضح على ملامح وجهي " ماقدر اخش شي"

تعرضتي لهالمواقف من قبل ( طبعا آنا ذكرت موقفين )) وشنو كانت ردة فعلج ؟؟

تعرضت لملاحقات من بعيد عدة مرات بس ماوصلت لمواجهات
انتهت على خير لحمدلله


شرايج بالشباب اللي يسوون هالحركات ؟؟

شباب يعانون من الفراغ .فراغ العاطفة وفراغ العقل
وفي كثير من الحالات الاهل مسؤوولين عن اتجاه ابناءهم
لهالحركات مثل ماذكرت الاخت الموقف اللي سمعته من احدى الامهات
وعدة جهات مشتركة بتغذية هالظاهرة
مثل الحكومات اللي تهمل الشباب ومشاكلهم
وتهتم بالتسلية فقط على حساب الثقافة والتوعية
والبرامج التلفزيونية والمسلسلات اللي تعلم الشباب فنون المعاكسة
او طرق السيطرة على الفتيات وايقاعهم في شبك الفتيان
والمآتم والمساجد اللي ماتستوعب بعض الفئات من الشباب خاصة
فنلاحظ الباب المترددين على المساجد والمآتم لهم هيئة معينة
ولو حاول بعض الشباب يترددون على المساجد والمآتم يتم تجريحهم او التعليق على هيئتهم
وهذا موقف سمعته من احد اخوتي وقد حصل لشاب من منطقتنا
والمجتمع مايرحم ودائما يصنف الاشخاص حسب مظهرهم وهذا من الاسباب اللي
تدفع الشباب للانطواء والانكفاء والتوجه لاماكن الترفيه اللي يشعر لشباب انهم ينتمون لها
وطبعا البنات لهم دور كبير في دفع الشباب للتحرش بهم
من خلال لبسهم وتبرجهم وحركاتهم


شرايج بالموضوع ؟؟
موضوع روعة مثل صاحبته
واحسنتي اختيار الصور المعبرة
تسلمين ونترقب المزيد من المواضيع الحوارية الرائعة منك
تحياتي

 

[نهر الشوق]

رد: هذا رقمي || كلميني يالحلوة .!!!

اولا ً : شكراَ على طرح الموضوع

وشكرا لكِ ايضا على الحضور
ثانياَ بجاوب على اسئلتش

ولي الشرف في ذلك


لو حبيتي انسان وعرض عليج تكلمينه بالتلفون بتوافقين ؟؟؟ وليش ؟؟

اكيد لا ... لان هالشي غلط وبما ان اهلي واثقين فيني ما ابغي استغل هالثقه وسوي شي هم مايرضون فيه

صح كلامج......وسالفة الثقة سالفه مو هينه .. موب حلوة تطلعين قدام اهلج صغيرة وهم جايفينش اكبر من هالشي .. الامر كلش مقزز ... ومثل ما قلتي لا تستغلون هالثقة يا بنات ... لاهي حلوة بحقش ولا بحق اهلج اللي ربوش ... <<<< احس الحديث موجه للبتات اكثر من الشباب

تعرضتي لهالمواقف من قبل ( طبعا آنا ذكرت موقفين )) وشنو كانت ردة فعلج ؟؟
اي .... طنش تعش تنتعش ولا كأني جايفه شي

هالمثل واقعي تصدقين صدى .. في كل محل ينحط .. وخاصة هالسالفة .. كلامج عين العقل


شرايج بالشباب اللي يسوون هالحركات ؟؟ مايعجبوني ..ناس فاضيه ماوراها شي .. بس تأذي الناس

صححح .. فاضيه فاضية لو مليانه ما سوت جذي ... زين يمكن البطاله لها شغل بهالسالفة اوحتى الفراغ .. فيا شباب اذا عندكم وقت فراغ .. ترى المسجد مبطل لكل الناس << ع الاقل تحصلون اجر بلا هاللعبه اللي تضيع الناسشرايج بالموضوع ؟؟


يجنن لان الي حاطتنها تجنن

شكرا حبيبيتي صدووي ... كلج ذوووق ورقة يا عسل

مشكووره عالاسئله الخفيفه


الله يسلمج خيووو <<<< الاسئله خفيفة بس عفر المووضوع شطووله
لا حرمنا قادمكِ ​

شكرا لكِ عزيزتي على التواصل
أسعدتني

 

[اوتار حزينة]

رد: هذا رقمي || كلميني يالحلوة .!!!

السلام عليكم





اساساً السالفه مو سالفة حب ما حب والي يقول لك انا رقمت بنيه وحبيتها من اول نظره >>> هذا هرار لان مافي حب من اول نظره يمكن يكون إعجاب اييه .. لكن حب مستحيل ! وبعدين شلون تحبها وانت ما عرفت لا اصلها ولا فصلها , لا تنسى مستقبلك مصيره بعدين حياه وزواج وعشره وعياال ؟؟! وما اتوقع الا قاعد تسويه انت احين بترضاااه على عيااالك .. ولادك وبناتك .. الا بالسمعه الطيبه والاخلاق
واذا انت اليوم جيت ورقمت فلانه وعلانه وصارت من نصيبك وحدة من هالي رقمتهم باجر حياتكم شلون بصير والمفروض عارفها ياصبي ان أي بنيه تشيل رقم في الشارع او في مجمع او مكان عاام هادي لا تعرف الشرف ولا السمعه .


بالنسبه للبنات .. (قاعِده) في حياتهم ليش فلان خدعني بنتقم من الشباب .. وتفتر من واحد لواحد بغرض الإنتقام !! انزين ويش ذنب هالشباب لو واحد منهم تعلق فيش وش بصيده وانتي تدرين الشباب فيهم ميزه اذا حبوا انسانه ما عتقد ينسونها حتى لو تزوجوا بنت غيرش بتكون لهم كـ زوجه وبس مو حبيبه وما إلى ذلك !!!؟ والحب مسئوليه ولو كل شخص عرف هالمسئوليه ما اخدها لعبه في حياته حبني واحبك ..


نجي للأسئله ...


لو حبيتي انسان وعرض عليج تكلمينه بالتلفون بتوافقين ؟؟؟ وليش ؟؟

الصراحه ما اتفائل لهسوالف ولا اضمن للشباب لان ما منهم امان اليوم احبش وباجر احب غيرش سهله عندهم يعني واني اشووف ان الحب مشاعر حساسه ولو احد مسها اكيد بتنسجم مع الطرف الآخر ولو انها ما تدري بنوايا هالشخص لكن بتمشي بعواطفها وكـأنها تمشي في طريق وهي عميه (ما تشوف ) .

تعرضتي لهالمواقف من قبل ( طبعا آنا ذكرت موقفين )) وشنو كانت ردة فعلج ؟؟

المواقف واااجد لا تعد ولا تحصى ولو بقول كل موقف ما بتخلص السالفه لكن ولا يهمش
راح اذكر لش موقفين من المواقف ا لاتعرضت لها ..
من فتره كنت رايحه مجمع الدانه اني واختي قاعدين على الطاوله يم المطاعم بس صايرين على صوب وصارت صوبنه طاوله في ثنينه صبيان بس لبرائة الذمه ما بضن فيهم لان ما شفت فيهم حركات ولا شي غير انهم يطالعون المهم عاد الموقف الا صادني احرجني واااجد .. كنت حاطه التلفون على حضني واني قاعده على الكرسي بحيث اني بعدل الشيله وبشيل التلفون .. احين اني عدلت الشيله ونسيت ان في حضني تلفون والا صار توني بقوم ويطيح التلفون ويين !!!؟ تحت كرسي الصبيان الا كانوا يم طاولتنه .. وتفتك التلفون البطاقه في صوب والكفر في صوب واني ماني عارفه شسوي وهم من شافوا الموقف جدي قاموا يضحكوون واني انحرجت حدي حتى قلت ما باخده بخليه يولي وبمشي بس بعدين رحت اخدته وقمت على طول طلعت من المكان ... احراااج صراحه ..

الموقف الثاني مره كنت اتمشى في المنامه وجات قبالي سياره شوي وتدعمني اشرت ليه بإيدي بحركة وقف بطوف بعدين مش ... وقف واني مشيت في حالي وهو تم يمشي ورايي شوي شوي بالسياره وموقف وراه سيدااات سيايير وهرانه وحاله في الاخير فتح الدريشه الا يقوول شاايف ورده اناا وين ما اوووقف .. ! ما فيسته ولا عطيته وج شافني مغاوره اخد روحه ومشى .. اي بعد هالي قاصر افيس اشكال هالنمونه ..

وبس ....!

شرايج بالشباب اللي يسوون هالحركات ؟؟
طيش شباب وحركات مراهقين فاشله ..

شرايج بالموضوع ؟؟
الموضووع عجبني ومفيد ولو بالقليل ....


للشباب >>> ما شفنه اراء الشباب في الموضوع !!!!

ننتظرهم طبعاً ..

اعذريني اخيه حسب قوانين القسم العام .
ينقل لقسم الحوار الهادف







تقبلي مروري الثقيل هذا
تحـااااااياي​

​

 

[نهر الشوق]

رد: هذا رقمي || كلميني يالحلوة .!!!

سلااااااام عليكم

كيف الحال ؟
إن شاءالله بخير
ماشي الحال دام الغالين بخير آنا بخير

طلعتين خطيرة نهر اكو تكتبين مواضيع مفيدة

عبالش .. فيها قبايل هذي هع <<<< سامعتنها في مسلسل
إنزين ..

بجاوب على كل سؤال سألتينه ..

طبعلاً وبِلا شك "ترقيم" ..
فهمتيها ع الطاير



فن .. راويت اختي تلفونها استانست عليه
:d

اوو ... منن فرح جاهل فرح نبي ... هع ... عليها بالعافية

نجي للجَد ..


أول شي مثل ما قلتين مواويل قديمة .. وسوالف قديمة .. وتمللنا منها .. وتمللنا نسمع هالقصص واجد ..
وموضة قديمة جداً جداً ..
الحين كل شي يصير ع المكشوف عادي ..

والله هالتطور ما جاب لنا غير الاشياء اللي مو زينه ... قبل تشوفين 1% يكلم .. والحين اذا ما خاب ظني وصلوا 70% والستار الله



بعيد عن المثاليات ..
وبما إني بنت .. اكيد بكون عاطفية جداً .. وقلتين إذا شخص احبه بتأثر ..

بلا شك ... وبما ان البنت تتاثر واجد بكلام الشباب الحلو والملفق .. فمن الافضل انها ما تحط نفسها بهالمواقف
بس مااعتقد بكلمه .. لأنها صعبة جداً ..
صعبه على البنت تخون الثقة الا اذا كانت بايعتنها من الاساس
واذا مو عشان الثقة عشان نفسها هي .. هالواقع بتعيشه هي بنفسها حتى لو عاشه غيرها محد ببيتحمل مسؤليه كثرها
تخيلي تعيشين موقف رعب طول اليوم .. وسواس وتوتر ..

صحح .. ما اتخيل نفسي وانا قاعده اتعشى واحد يتصل ... <<< اسم الله عليي
ونفرض إني وافقت .. وكلمته .. ما بسوي هالخطوة إلا بثقة .. مو أيّ شخص يستحق ..
صححح كلامج .... آنا عن نفسي انعرض علي هالموقف واصحاب ثقة ... بس ليش احط روحي بخوف وقلق واني عايشة الدنيا بطمأنيتها .. بلاها ... احد يجيب التعب لروحه

وحتى لو كنت مثلاً اعرف إنه مو من نصيبي .. بس ممكن تكون تجربة .. الأهم فيها إن ماتأثر على نفسيتي مستقبلاً .. > قلت مستقبلاً لأن في الوقت الحالي طبيعي بتأثر ..
مو المشكله مو على تاثيرها في الوقت الحلي في المستقبل بعد ... وهذا الاصعب ,, شلون بتعيشين المستقبل وانتين عندج ماضي تحملينه وهالماضي اسااسا خطأ

وقلت تجربة .. لأن تمر فترة من عمر البنت تغلط فيها .. طبعاً مو كل البنات .. بس مابستغرب خصوصاً في هالزمن ..

يمكن تكون تجربه .. وفي نفس الوقت عبره للبنت .. بس هي ليش ما تآخد العبره من غيرها اللي انحطوا في نفس الموقف قبلها ... بدل ما تخوض تجربه هي اساسا خلفيتها يمكن تكون مو واضحه عندها
اي والله هالزمن زمن الاهوال .. هذا جيلنا جدي عجل الاجيال الجاية شبيسوون ...

وهالشي أبداً مو معناته إن عادي أكلم واحد .. !



وأخيراً كل بنت تعرف شنو قاعدة تسوي .. وإذا غلطت .. أبداً مو نهاية العالم ..

صح مو نهاية العالم ...
الانسان مو معصوم عن الخطأ


---------------------------------
نجي للموقف الأول ..
طبعاً تعرضت ليه .. وكنت دائماً أطنش وبقوة .. لأن مااتخيل نفسي انزل آخذ رقم شخص ما يسوى ..

بلل قوويه ... اصلن احسهم يتطنزون على البنت لين اخذت الرقم .. هع
وأذكر مرة واحد مللني بشكل مو طبيعي .. كنا مسافرين "في الحَملَة" .. جريء في كل مكان يجي يقعد يقابلني .. ويعطيني الرقم .. لدرجة إن مرة مشى ويايي اني وبنت عمي في السوق وأخذ تلفوني من إيدي .. > كان مبند
آخر مرة حس بإحراج .. وقف في طريقي "إلا تاخذين الرقم" أخذته .. وشقيته قباله ومشي >> بطلة ..
معجب يختش .. جاي من الدريشة هع
لصقة بعد .. يا اخي افهمها وجه بليته
بس يعني مااذكر موقف "إني أخذت رقم " أبداً ..




الموقف الثاني ..
ما صار وكلمت شخص وأني واثقة إنه من نصيبي
ومااتمنى أنحط في موقف مثل هذا .. يمكن أنصدم بعدين .. "ما كل ما يتمناه المرأ يدركه" ..

صحيح كلامج ... كل شي قسمة ونصيب .. اللي من نصيبش تآخدينه بتآخذينه

-----------------------------

والله العظيم نااااس فااااااضية ..
لا شغل ولا مشغلة ..
حلاة الرجال تجوفينه كله بزي .. ماعنده وقت لهالمسخرة ..

ايواااااااااااااا .. عجبتني الجمله
يااخي جوف شغلك .. دراستك ..
واذا بطالي ... ؟؟
مو المشكله تجيب مشاكل غيرها
مو قاعد لينا من بنية لبنية .. بنات الناس مو لعبة ..
وإذا هذا إخطب عرس وفك عمرك ..

شدراني بدل ما تخسر كردت جمع ليك جمن بيزة وكمل المهر واخطب يه <<< كل شي له حل



موضوع تمام لا ..
أكو هريت واجد بعد وش تبييييين :d

ابي سلامتش يالغاليه

تسلمين خيو ..
ومسامحة على الهذرة الطويلة :$​

لا ولووو اخدي راحتش اكوو اني هريت في المووضوع وبعد اهر في الردود بتطفشون مني ....


تسلمين امووورة ع الحضوور
نورتي والله
كفيتي ووفيتي
عجبني تفاعلش في الموووضع

 

[نهر الشوق]

رد: هذا رقمي || كلميني يالحلوة .!!!

السلام عليكم وورحمة الله وبركاته .. والصلاة والسلام على أشرف الانبياء والمرسلين محمد وآله الطيبين الطاهرين ..
مساكم ورد وسكر واذا كان صباح فصباحكم فل وياسمين

هلا شخبار شمسوية بت عمووو وحشتيني

هلاااااااااااااااااااا
تمام التمام دامج بخير والغاليين بخير آنا بخير
وانتي اكثر ... فديتج ما يوحشش غالي يالغاليه


بدآية .. هل لي بسؤال ؟؟
اوكي تفضلي عادي

:shy:


مآذا خطر على بالكَ \ بالك ِ حين سقطت عيناك على العنوان .. وهل ترجم عقلك هذا العنوان .. أم ترجته عاطفتك ؟؟؟

بصراحة اول ما جفته ما صدقت قلت يووه ده ويش بصراحة الي ترجمته عواطفي ما احب اجدب سيده يعني احساسي غلط ههههه بعدين يوم قريته فهمت

ويش ؟؟ يعني ويه ؟؟؟

واول ما قريته عرفت ان عن حركات الشباب والبنات الهايتين هعهعهع


هوا ده .. حلوة هايتين .. الله يهديهم


ربما الى حد الآن لم أصل للمغزى ولم يستوعب أحد ما أود الوصول له .. لذا هل لي بالتحدث بالعامية ؟؟

اي اي كله واحد تحدثي بالعامية بت عموو هههههههه حلاتش تستادنين بعد

هههههههههههههههههه
تعلمي الدرابه مني يه

أولا ما بتتكلمين بصوت مرتفع لانج خايفة ..
راح تدورين لج أي مكان تقعدين فيه بروحج ليش ؟؟ لانج خايفة ...
راح تقفلين التلفون برقم سري ليش ؟؟ لانج خايفة ..
بتسمينه مريوم وهو اسمه حمود .. طبعا في التلفون

ههههههههههااااااي صراحة كلامش مليون بالمئة صح

خخخ أكتفي بالمئة بس

جفت بنات واجد جدي اتسوي الغلط وتعرف ان غلط ليش ما ادري مو ادا تعرفين ان حرام وخايفة ليش اتسوين

تتسلى تقول ليش ؟؟؟ بتقول ليش آخر شي بتركه ..أحد يتسلى على حساب روحه ؟؟ !!
يمكن مو حرام حرام ولكن ربما يأدي الى الحرام ... لذلك نفضل الابتعاد عن هالطريق تجنبا لما سيحصل ...

لو التقولين اليها اتقوول لا مو حرام الحب مو حرام محد قال الحب حرام

اصلن الحب شي نابع من القلب محد يقدر يقول لج حرااااااام .. حبي الانسان اللي يستحق حبش ..

بس الي انتين قاعدة اتسوينه حرام صح لو مو صح

بنت عموو ما نقدر نصدر احكام ونقول حراام أو حلال مثل ما قلت فووق هذا الشي يأدي الى الحرام ... وتفاديا للحرام يفضل تجنبه .. صحيح والا لا

اتقول لا مو صح انزين ادا الي قاعدة اتسويه مو عيب ولا حرام بوجهة نظرها ليش اتخاف ليش اتخاف وترتعب بعد ما اتخاف الا لين عرفت ان الي قاعدة اتسويه غلط بكون اخرته غلط لكن ويش اتقولين

ما اقول شي كلامج سكتني ... اللي اوله غلط نهايته غلط ...


...بح صوتنا واحنا نقول عيب ومحد يسمع

زي الاطرش في الزفة ... يا دافع البله والبلاوي ... يقولن ما ينصحك الا اللي يحبك .. هذلين مانصحوج الا لانهم يحبونج وخايفين عليج


اي نهروو 39999 عجبني الرقم بت عمو بس مو مكمل اكمله من عندي هههههههههههههههاااااااي امزح لحد يفهمني غلط

هههههههههه ... تآمرين عله بت عموووو... ما يغلى عليج
محد فهمش غلط ولووو شقايله


اذا في احد يحبج ماراح يخليج خايفة راح يوفر لج كل انواع الراحة خلي هالشي في بالج .. لا تصيرين خفيفه اثقلي شووي .. واذا يحبج اكيد بظل يحبج حتى لو ماو كلمتيه صح الا آنا غلطانه ..

الاه الاه الاه حلاتش بت عمي صح كلامش لا والله مو غلطانة مليون بالمئة صح وادا كان احبها ما بيرضى عليها

الحلاه مكنون فيج بت عمووو ... صح لساني ...


هالموال قالوا لك خواتي ما يسون هالشكل ليش بنت الناس ماعندها اخوان يعني ؟؟ ..
صح و الله قال شنو خواته ما يسوون هالشكل والله حالة.... كما تدين تدان مثل ما يسوي لبنات الناس بسوون لخواته واهله

الدنيا الدوارة .. حذاري يا شباب

شوو رايكم بالصورة ؟؟؟

كشوخي تجنن وخصوصا لانش انتين الي حاطتنها هههههههه
انزين عاااااااااااد احرجتوووني :shy:

انزين

اذا ما طولت عليكم عندي كم سؤال
لا ما طولتين عادي

اشوووه عن لاتستملوون

للبنات اوكي

لو حبيتي انسان وعرض عليج تكلمينه بالتلفون بتوافقين ؟؟؟ وليش ؟؟

يحلم اول يطالع حلمة ادونه بعدين اكلمه

هههههههه ضحكتيني .... يمكن يشوفها في المنظرة :kid:


هدا الي ناقص بعد اكلم واحد بالتلفون جيف اني صايعة
لا محد قاااااااال

اني وحدة ما اعتقد ان بصير هالموقف اليي هع بس لو صار في عندنا باب وفي شي اسمه زواج على سنة الله ورسوله
ايواااااااااااااا .... هذا الكلام العدل ... ذررر ...

يباني كان بها يجي يطق الباب بيسمع الجواب ادا يبي شي ثاني مثلا اني اكلمه يلحقث امه اني ما عندي هالسوالف البطاله
لو كل بنت تسوي سواتج جان والله خلصنا من هالبلاوي

اني وحدة محترمة نفسي واحب ان راس امي وابويي دائما مرفوع واحب اني ما اخون ثقتهم يعني اكيد ما بوافق هعهعهع

وهل في ذلك شك ...

تعرضتي لهالمواقف من قبل ( طبعا آنا ذكرت موقفين )) وشنو كانت ردة فعلج ؟؟
الوقف الاول الصبح لين نوقف للباص واجد نتعرض ليه ولين اطلع مع بنات خالي اممم يعني اني مو بروحي اممم بس يعني نطنش ولا جنه نجوف خب بس يبون يتعلفون الحليوة والي مو حليوة هعهعهعهعهعهع ما نسوي شي

اي والله ... وانتي الصداقة ...


ومثل ما قالت صدايوو طنش تعش تنتعش لو كل واحد سوا هالحركة سوينا ليه سالفة جان الحين صارت البحرين كلها مشاكل لان صبيان واجد عندهم هالحركات

ولوو حاجيتينهم بيردون الصاع صاعين ... مجرمين ..

شرايج بالشباب اللي يسوون هالحركات ؟؟

فاضيين ما عندهم لا شغلة ولا مشغلة يبي ليهم اسطارات لو بيدي جان راويتهم مثل ما انك ما ترضاها على خواتك لا ترضاها على بنات الناس استح عااد ...

وين يستحون راح زمان اللي الناس تستحي فيه .. احين اذا بتحصلينهم يستحون .. تلاقينهم يتدعسون ورا السياير ويتكلمون ... ترى الكل جايفه هالحركة ... ملحوظة ... عن يا زعم يستحوون شووي .. هذا حيه يتسمى ؟؟

. لا والحين طالعة موضة جديدة لا وسمعتها باذوني وجفتها بعيوني تدرين ويش هي اقولون للمرة يا فلانة ولدش جايفينه يغازل اتقول خله على راحته هدا طيش شباب كل الشباب يسووون جدي ..
ادا كبر بيعرف انه عيب هعهعهع ضحكتني المرة صراحة هههههه لين ما يكبر بتكون جم بنية اتادت منه الله المعين ... هع

هيه والله ... لو كل واحد غلط وقلنا ليه طيش شباب ... بيسوي اللي اعظم منه ..

شرايج بالموضوع ؟؟

يجنن نفس صاحبته
تسلمين والله بت عمي

ياعلي
يا محمد

عجوبي طالعي انتين اقتبست الموضوع كامل
هههههههههههههههههههه
شدراني ابج
يس عجبتني الحركة ...
وردودي شكثر يا بت عموو
هع بس حلووة للاااه

الموضوع تحفة لا حرمنا من جديدك والى الامام تدرين لو تعبير بالمدرسة ما سويت هالقد
هههههههههههههه
تحفة والا مزهرية
تسلمين والله
هع لا التعبير غير وهذا غير

يسلممووو عومري على الموضوع
الله يسلمج
شكرا على الحضور الذي ابهجني
افرحتي ناظري يا نورووو

كوني متواصله

 

[إشراقة الأمل]

رد: هذا رقمي || كلميني يالحلوة .!!!

السلام عليكم


طرح رائع ..
لفت انتباهي منذ طرحه ..

ولكن لم احصل المجال لقراءته ..
لأني لا اود الاقتصار على القراءة والرد
بل قراءة التعقيبات كذلك ..


بالنسبة لظاهرة الترقيم ..
سأقوم بالرد عليها باختصار وبشكل عام
من دون اقتباس الأسئلة ..


هي ظاهرة منتشره وبصور كثيره ..
منها الطرق المباشره ومنها غير مباشره ..

وكلها ترمي الى التلاعب بمشاعر الآخرين ..!
وكما اشرن الأخوات ..

لا تكون الا مصدر خوف وتوتر .. وعدم الراحه ..
" اللي يبي يدخل البيت يدخل من الأبواب .. !"

وهذيله الشباب الا يسوي جذي ..
لا يملكون الجرأة لهذه الخطوة ..


شكلي خلطت العامي بالفصحى ..
ولكن الأهم ان اختصرت ردي ..
واتمنى ان كفيت فيه ..


مع جزيل الشكر لكِ اخيتي العزيزة نهر
على الطرح الجميل جداً ..



تحياتي،

 

[أميرة الأحزان]

رد: هذا رقمي || كلميني يالحلوة .!!!

يمكن تكون تجربه .. وفي نفس الوقت عبره للبنت .. بس هي ليش ما تآخد العبره من غيرها اللي انحطوا في نفس الموقف قبلها ... بدل ما تخوض تجربه هي اساسا خلفيتها يمكن تكون مو واضحه عندها
اي والله هالزمن زمن الاهوال .. هذا جيلنا جدي عجل الاجيال الجاية شبيسوون ...

تعرفين إن الانسان إذا ما انحط في موقف بنفسه .. صعب يدركه ..
وصعب يقتنع بالغلط ..




امممم


اجوف واجد ردود مثالية في الموضوع
ما في إلا أني ..


يالله قود لاك ..

تسلمين نهر مرة 2 ..
حليو موضوعش ..

 

[نهر الشوق]

رد: هذا رقمي || كلميني يالحلوة .!!!

لو حبيتي انسان وعرض عليج تكلمينه بالتلفون بتوافقين ؟؟؟ وليش ؟؟

ابصم بمليوووون لا
الان هذا شي مو عدل
ومثل ما قالوا خواتي اللي قبلي
ونِعم الجواب ..

تعرضتي لهالمواقف من قبل ( طبعا آنا ذكرت موقفين )) وشنو كانت ردة فعلج ؟؟

حتى لو تعرضت اليه اني وحدة مو مجنونه انزل واخذ شي ما يسوى
مو مثل البناات الله يستر عليهم
مجانين من اشوفوون رقم مفلوووت

الله يهديهم يختش ..

شرايج بالشباب اللي يسوون هالحركات ؟؟

بطاليه
ما عندهم شي لا شغل ولا مشغله


شرايج بالموضوع ؟؟


اجننن له عجييب تسلمين خيووو
شكرا خيووو ..
الله يسلمج

بس لو ويش انقول ويش انسوي ما بنتوصل الى نتائح

اي والله بس ع الاقل 1% منهم يتأثر

ومشكورة حبيبتي ع المرور
ما قصرتي

 

[نهر الشوق]

رد: هذا رقمي || كلميني يالحلوة .!!!

السلام عليكم ورحمة الله وبركاته

وعليكم السلام والرحمة

ماشاء الله خيتي نهر الشوق موضوع منسق بشكل ملفت وجميل
وافكارك متسلسلة في الموضوع

تسلمين والله ... فرحتيني ... :shy:

ابدعتي في طرح الموضوع ..

شكرا

بدآية .. هل لي بسؤال ؟؟

مآذا خطر على بالكَ \ بالك ِ حين سقطت عيناك على العنوان ..
وهل ترجم عقلك هذا العنوان .. أم ترجته عاطفتك ؟؟؟
في الحقيقة تبادر الى ذهني ظاهرة مقززة منتشرة بالمجتمع
وهي ظاهرة "المغازل" والترقيم..

بالفعل مقززة كما قلتِ ..
لو حبيتي انسان وعرض عليج تكلمينه بالتلفون بتوافقين ؟؟؟ وليش ؟؟

مااظن اني اقدر احط نفسي بالهموقف مثل ماقلتي
خوف ورعب وشي بالسر .. متعودت تكون بيني وبين اهلي اسرار
وغموض دايما واضحة معاهم وكل شي واضح على ملامح وجهي " ماقدر اخش شي"
صحح .. وثانيا لمتى بتخشين هالشي .. مردش بتنكشفين .. يعني مافي مفر ثاني
تعرضتي لهالمواقف من قبل ( طبعا آنا ذكرت موقفين )) وشنو كانت ردة فعلج ؟؟

تعرضت لملاحقات من بعيد عدة مرات بس ماوصلت لمواجهات
انتهت على خير لحمدلله
الحمد لله ... يسوون أكشن مخيفة ... هم مجرد ما يطللعونج تربكين ما تعرفين تمشين مو بعد لاحقينج ...

شرايج بالشباب اللي يسوون هالحركات ؟؟

شباب يعانون من الفراغ .فراغ العاطفة وفراغ العقل
فراغ العاطفة لفتتني .. بس شلون ييملون هالفراغ ؟؟
زين اذا انت بتحب مثلا.. خل حبك شي من داخلك انت .. مجرد مشاعر واحاسيس .. لا تطلعه بأفعال وسلوكيات مو مسموح بها في الاسلام ...

وفي كثير من الحالات الاهل مسؤوولين عن اتجاه ابناءهم
لهالحركات مثل ماذكرت الاخت الموقف اللي سمعته من احدى الامهات

أنا وياج ... الامهات لما يجوفون أولادهم يسوون هالحركات حتى لو منعوهم من هالشي ... ما راح يكون المنع منع كما يُقال .. يعني مو مو بطريقة حازمة ...
بس لما نجي للبنت أهلها يوقفون لها بالمرصاد وتحديرات وهرار .. من يوم واحنا صغار كانوا يقولون لنا .. لا تركبون مع فلان .. لاتسوون جذي وجذاك .. التركيز صاير اكثر على البنت من الشاب .. مع ان الساب هو اللي مفروض يكون التركيز عليه لانه الاساس في المشكله

وعدة جهات مشتركة بتغذية هالظاهرة
مثل الحكومات اللي تهمل الشباب ومشاكلهم
وتهتم بالتسلية فقط على حساب الثقافة والتوعية
:yes: كلامج منطقي 100%

والبرامج التلفزيونية والمسلسلات اللي تعلم الشباب فنون المعاكسة

صحح ..
او طرق السيطرة على الفتيات وايقاعهم في شبك الفتيان
أساسا في مشاكل واجد تفاقمت من هالمسلسلات والبرامج .. يعرضون الشي باطار غير لائق ..
والمآتم والمساجد اللي ماتستوعب بعض الفئات من الشباب خاصة
يمكن الشباب يبتعد عن هذا النطاق ..

فنلاحظ الشباب المترددين على المساجد والمآتم لهم هيئة معينة
ولو حاول بعض الشباب يترددون على المساجد والمآتم يتم تجريحهم او التعليق على هيئتهم
وهذا موقف سمعته من احد اخوتي وقد حصل لشاب من منطقتنا
دايما جذي .. طيب الشاب الله هداه .. خطوة خطوة وراح يصير اووكي .. ليش تستيقون الاشياء

والمجتمع مايرحم ودائما يصنف الاشخاص حسب مظهرهم وهذا من الاسباب اللي
تدفع الشباب للانطواء والانكفاء والتوجه لاماكن الترفيه اللي يشعر لشباب انهم ينتمون لها
وطبعا البنات لهم دور كبير في دفع الشباب للتحرش بهم
من خلال لبسهم وتبرجهم وحركاتهم
صحح .. المشكله موبس في الشباب في الطرفين .. لازم الطرفين يآخدون احتياطاتهم عشان نتفادى هالمشلكة

شرايج بالموضوع ؟؟
موضوع روعة مثل صاحبته
الروعه في حضورج المميز

واحسنتي اختيار الصور المعبرة
شكرا جزيلا ... <<< مجمعين في البكجر يلا نستغلهم
تسلمين ونترقب المزيد من المواضيع الحوارية الرائعة منك
تحياتي

الله يسلمج
الشر يصلكش أخيه
تواجدكِ رائع وله رونق خااص
كوني للتواصل واصله
يعطيج ربي العافية
وشكرا مرة ثانية

 

[إبنة آدم]

رد: هذا رقمي || كلميني يالحلوة .!!!

لو حبيتي انسان وعرض عليج تكلمينه بالتلفون بتوافقين ؟؟؟ وليش ؟؟
ما بوافق،،

لأن العلاقة بدون عقد الزواج حرام!!

و البنت لها سمعتها إذا طاحت ما تقوم

و فوق كله رضى الأهل و سمعتهم
تعرضتي لهالمواقف من قبل ( طبعا آنا ذكرت موقفين )) وشنو كانت ردة فعلج ؟؟
وافقت للأسف..

و صارت أشيا مب زينه..


شرايج بالشباب اللي يسوون هالحركات ؟؟
صراحه ما يعجبوني..

يعني العمليه تبتدي من عندهم لان البنت أبد ما تدق الباب ع الصبي..


و الغلط فيهم يوعدون بنوقف معاج وووو و ما بنهدج عقب إذا صادوج اتجوفينه غير الرقم او صكه او شرد

ما فيهم رجوله للأسف
شرايج بالموضوع ؟؟


جميل فضفضنا شوي


يسلموو..

 

[انين الطفوف]

رد: هذا رقمي || كلميني يالحلوة .!!!

لفت عيني العنوان ..
في بداية الامر الشكر الجزيل موصول اليكِ عزيزتي نهر الشوق على الطرح الجميل
وفي صلب الموضوع اقول: بأن مسالة الترقيم في الاساس غلط بغلط ومن يدعون الحب من اول نظرة لا نعترف بهم فهم في صميم الكذب والخداع ولا نعمم على الجميع وانما نقول للبعض ومن يريدون الحب من اول نظرة
فهذا الفعل مخالف للواقع واتمنى اني بينت راي بعدما اتحفونا الأخوات بتعقيباتهم الرائعة
ولكم جزيل الشكر..

 

[نهر الشوق]

رد: هذا رقمي || كلميني يالحلوة .!!!

السلام عليكم


وعليكم السلام والرحمة

اساساً السالفه مو سالفة حب ما حب والي يقول لك انا رقمت بنيه وحبيتها من اول نظره >>> هذا هرار لان مافي حب من اول نظره يمكن يكون إعجاب اييه .. لكن حب مستحيل !
بس المشاعر تختلف من شخص لآخر
وبعدين يقدر يحبها من غير ما يكلمها .. شي مو ضروري يعني

وبعدين شلون تحبها وانت ما عرفت لا اصلها ولا فصلها ؛

بس احيان يكون الكتاب مبين من العنوان
لا تنسى مستقبلك مصيره بعدين حياه وزواج وعشره وعياال ؟؟! وما اتوقع الا قاعد تسويه انت احين بترضاااه على عيااالك .. ولادك وبناتك .. الا بالسمعه الطيبه والاخلاق
:wink1:

واذا انت اليوم جيت ورقمت فلانه وعلانه وصارت من نصيبك وحدة من هالي رقمتهم باجر حياتكم شلون بصير والمفروض عارفها ياصبي ان أي بنيه تشيل رقم في الشارع او في مجمع او مكان عاام هادي لا تعرف الشرف ولا السمعه .

:wink1:

بالنسبه للبنات .. (قاعِده) في حياتهم ليش فلان خدعني بنتقم من الشباب .. وتفتر من واحد لواحد بغرض الإنتقام !! انزين ويش ذنب هالشباب لو واحد منهم تعلق فيش وش بصيده وانتي تدرين الشباب فيهم ميزه اذا حبوا انسانه ما عتقد ينسونها حتى لو تزوجوا بنت غيرش بتكون لهم كـ زوجه وبس مو حبيبه وما إلى ذلك !!!؟ والحب مسئوليه ولو كل شخص عرف هالمسئوليه ما اخدها لعبه في حياته حبني واحبك ..

:wink1:


نجي للأسئله ...


لو حبيتي انسان وعرض عليج تكلمينه بالتلفون بتوافقين ؟؟؟ وليش ؟؟

الصراحه ما اتفائل لهسوالف ولا اضمن للشباب لان ما منهم امان اليوم احبش وباجر احب غيرش

مو سالفة يحبش ويحب غيرش .. اذا حبش ما بحب غيرش .. بس نقدر نقول اليوم وياج يلعب وباجر يلعب على غيرج :wink1:

سهله عندهم يعني واني اشووف ان الحب مشاعر حساسه ولو احد مسها اكيد بتنسجم مع الطرف الآخر ولو انها ما تدري بنوايا هالشخص لكن بتمشي بعواطفها وكـأنها تمشي في طريق وهي عميه (ما تشوف ) .
صحح آنا وياج ... ومثل ماقالت اختي اميرة البنت عاطفية ةأي انسان تحسه مهتم ابها راح تنسجم وتتأقلم وياه ..



تعرضتي لهالمواقف من قبل ( طبعا آنا ذكرت موقفين )) وشنو كانت ردة فعلج ؟؟

المواقف واااجد لا تعد ولا تحصى ولو بقول كل موقف ما بتخلص السالفه لكن ولا يهمش
راح اذكر لش موقفين من المواقف ا لاتعرضت لها ..


من فتره كنت رايحه مجمع الدانه اني واختي قاعدين على الطاوله يم المطاعم بس صايرين على صوب وصارت صوبنه طاوله في ثنينه صبيان بس لبرائة الذمه ما بضن فيهم لان ما شفت فيهم حركات ولا شي غير انهم يطالعون المهم عاد الموقف الا صادني احرجني واااجد .. كنت حاطه التلفون على حضني واني قاعده على الكرسي بحيث اني بعدل الشيله وبشيل التلفون .. احين اني عدلت الشيله ونسيت ان في حضني تلفون والا صار توني بقوم ويطيح التلفون ويين !!!؟ تحت كرسي الصبيان الا كانوا يم طاولتنه .. وتفتك التلفون البطاقه في صوب والكفر في صوب واني ماني عارفه شسوي وهم من شافوا الموقف جدي قاموا يضحكوون واني انحرجت حدي حتى قلت ما باخده بخليه يولي وبمشي بس بعدين رحت اخدته وقمت على طول طلعت من المكان ... احراااج صراحه ..

اكيد احراج .. :shy:


الموقف الثاني مره كنت اتمشى في المنامه وجات قبالي سياره شوي وتدعمني اشرت ليه بإيدي بحركة وقف بطوف بعدين مش ... وقف واني مشيت في حالي وهو تم يمشي ورايي شوي شوي بالسياره وموقف وراه سيدااات سيايير وهرانه وحاله في الاخير فتح الدريشه الا يقوول شاايف ورده اناا وين ما اوووقف .. !
هههههههههههه
ما فيسته ولا عطيته وج شافني مغاوره اخد روحه ومشى .. اي بعد هالي قاصر افيس اشكال هالنمونه ..


طيش شباب
خخخخخخخ


وبس ....!

شرايج بالشباب اللي يسوون هالحركات ؟؟
طيش شباب وحركات مراهقين فاشله ..

من وجهت نظري احس ان الشباب في هالمرحلة يحبون لفت النظر ليهم فيسون أي طريقة عشان يكونون في الواجهه ... بس خلنا نلفت النظر لشي يستحق ... موب نلفت النظر على أشياء غلط

شرايج بالموضوع ؟؟
الموضووع عجبني ومفيد ولو بالقليل ....



وهذا المطلوب لو يفيد بأقل القليل هذا شي تمام :quylao:

للشباب >>> ما شفنه اراء الشباب في الموضوع !!!!

ننتظرهم طبعاً ..

اتمنى ذلك .. بس يالله بعد اذا قروا الموضوع خير وبركة ...
زين ع الاقل قولوا وجهة نظركم بهالسالفة :welcomean
اعذريني اخيه حسب قوانين القسم العام .
ينقل لقسم الحوار الهادف

لا اوووووووكي ... شكرا ع النقل


تسلمين خيووو ع المرور
سعدت بمشاركتكِ
دمتش بود





تقبلي مروري الثقيل هذا
تحـااااااياي​

​

ولووووو موب ثقيل ولا شي
شكرا لكش كرة أخرى عزيزتي
<<< احس روحي مضيعة مرة فسحة ومرة عاميه .. :rasta:

 

[نهر الشوق]

رد: هذا رقمي || كلميني يالحلوة .!!!

السلام عليكم


طرح رائع ..
لفت انتباهي منذ طرحه ..

:shy::shy:

ولكن لم احصل المجال لقراءته ..
لأني لا اود الاقتصار على القراءة والرد
بل قراءة التعقيبات كذلك ..





بالنسبة لظاهرة الترقيم ..
سأقوم بالرد عليها باختصار وبشكل عام
من دون اقتباس الأسئلة ..
:thumbup1:


هي ظاهرة منتشره وبصور كثيره ..
بالضبط ..
منها الطرق المباشره ومنها غير مباشره ..

وكلها ترمي الى التلاعب بمشاعر الآخرين ..!
وكما اشرن الأخوات ..

لا تكون الا مصدر خوف وتوتر .. وعدم الراحه ..
" اللي يبي يدخل البيت يدخل من الأبواب .. !"

وهذيله الشباب الا يسوي جذي ..
لا يملكون الجرأة لهذه الخطوة ..


شكلي خلطت العامي بالفصحى ..
ولكن الأهم ان اختصرت ردي ..
واتمنى ان كفيت فيه ..


مع جزيل الشكر لكِ اخيتي العزيزة نهر
على الطرح الجميل جداً ..



تحياتي،

كفيتي ووفيتي يااشراقة ..
وأنا معاج بكل كلامج اللي ذكرتيه ..
العفوو ولووو

يعطيج ربي العافية
وشكرا على الحضور والتعقيب المميز

 

[نهر الشوق]

رد: هذا رقمي || كلميني يالحلوة .!!!

تعرفين إن الانسان إذا ما انحط في موقف بنفسه .. صعب يدركه ..

أكيد حتى لو تصور الاحداث اكيد ما بيحصل اللي تصورته بالضبط

وصعب يقتنع بالغلط ..

شلون يعني ؟...
اممم على فكرة مدري هذا اللي تقصدينه والا لا .. في ناس قبل ما يحصل لها شي تقول لا هذا غلط ومستحيل اسويه وكذا وكذا .. بس لما تنحط بالموقف ماراح تقول انها غلطانه .. بس يمكن انه هي من الافضل تتفادى الشي بأساسه ....اهي مو مجبورة تخوض تجربه مو مفتنعه بنتايجها



امممم


اجوف واجد ردود مثالية في الموضوع



ما في إلا أني ..


:locked:

يالله قود لاك ..

u2

تسلمين نهر مرة 2 ..

وانتي بعد تسلمين على المتابعة ..

حليو موضوعش ..

وجودكم الاحلى
يعطيج العافية