ما هو السؤال الذي لا تحب أن يسألك به أحد

[طيور الفرح]

السلام عليكم ورحمة الله وبركاته

سوف نعتبر انفسنا في مواجهة صريحة مع النفس ونكتب هنا بصراحة عن رأينا فيما يلي :

اخواني واخواتي مــا هـــو السؤال الذي لاتـــحب ان يسالـــك به احد ؟؟

ولا تحب الا جابة علية؟؟؟

اريد تحديد السؤال !! وبدون احراج !!!!!!!

اي سؤال لا تحبون أن يسألكم احد به ... يلا ابتدوا ... من عنده الشجاعة ...

بعض النساء لا تحب ان يسالها احد عن عمرهااااااا؟؟؟ومن تفضلين ..الخ

وبعض الرجال لا يحبون ان يسالهم اي شخص مهما كان ( كم راتبك )!!!!!!! او هل تحب زوجتك ؟؟ او اسم زوجتك ؟؟؟ .....الخ

ارجو المشاركه وبصراحة....

__________________


______________

 

[إشراقة الأمل]

رد: ما هو السؤال الذي لا تحب أن يسألك به أحد

السلام عليكم


اممم اسأله كثيييييييرة ما احب احد يسألني
لان ناس همهم يتسالون وكأن تحقيق ..

وبالخصوص الاشياء الا مااحب
اسأل احد عنها ..


مثلاً ..
بكم مشتريه هالشيء .. ومن وين .. ؟؟
او اكون مشغوله مثلا .. مشغوله في شنو ..؟؟
اتكلم تلفون .. تكلمين منو ..؟؟



يعني لو بعدد اشياء وايد ..


شكرا اختي طيور الفرح
على هذا الطرح


لا حرمنا من قادمكِ



تحياتي،،

 

[سراب الحزن]

رد: ما هو السؤال الذي لا تحب أن يسألك به أحد

السلام عليكم...


امممم طبعا في اسئله وااجد..

بس احين ع بالي ..

اكره سؤال لين يسالون جم معدلش مااحب هذاا اسمع معدلي لالا والقهر لين اقول اليهم مابقول يسون روحهم يزعلون وحالة اووف ياكرهي حق هذي الاشيااء..

سلاام

 

[طيور الفرح]

رد: ما هو السؤال الذي لا تحب أن يسألك به أحد

أشكر تواجدكم في صفحتي

نورتوني غناتي

 

[أميرة الأحزان]

رد: ما هو السؤال الذي لا تحب أن يسألك به أحد

سلام


الله موضوع فن
حلاته :d


اممم

اشياء واجد مااحب احد يسألني عنها ..
لأني مو فصولية .. ولا أحب أحد يتدخل فيني ..

مثل:
جم معدلش في الجامعة ؟
وشنو تخصصش .. !؟
اسئلة عادية جداً جداً .. بس إذا حاك واحد يسأل بطريقة مقززة .. يحز بالنفس ..
وإذا جيت وقلت تخصصي .. يسألون "شنو مجال الشغل بعدين؟" إهني عن جد اترفز ..
أما المعدل .. فـ كان معدلي زين .. ونزل واجد فجأة .. فأتضايق لهالشيء جداً ..



أمممم

اسئلة غير .. مثلاً ..
"وش تسوين ؟؟ "
مااشتهي هالسؤال .. وش ليكم خص وش اسوي ..!!

"تكلمين من ؟" ..


"شفيش متضايقة..؟"
إذا فيني شي وأبي اقوله .. بقول فيني شي .. وإذا ماابي اقول .. خلاص يااخي افهمها ماابي اقول ..




أمممم


يعني بشكل عام مااحب أحد يتدخل فيني .. لأن جدي طبعي ..
أحس إن الشخص يقول اللي يبي من غير سؤال أفضل بواجد


:9

تسلمين خية ..ومسامحة طولت

 

[المجرمة]

رد: ما هو السؤال الذي لا تحب أن يسألك به أحد

أكره مافي حياتي تدخل بعض المقربين في حياتي الزوجية

 

[طيور الفرح]

رد: ما هو السؤال الذي لا تحب أن يسألك به أحد

شكراَ لكم اخواتي المجرمه أميرة الأحزان عطرتم صفحتي المتواضعه

تحياتي

 

[أسير الأحساس]

رد: ما هو السؤال الذي لا تحب أن يسألك به أحد

يلا خذو تدخل الشباب
كفانا

أجوبت بنات :zipped: محتلين الملتقى أحتلال

المهم


نرجع الى الموضوع

أولاً أشكر صاحب الوضوع
والطرح المتميز
الله لا يحرمنا من مواضيعك


بنسبه الى السؤال الي أكره أو ما افضل احد يسألني فيه

هي أكثر من سؤال


مثلاً
أكره وتضايق أذا احد سألني عن اسم بنت قريبه لي ... أكيد هذا السؤال بكون موجه من ولد

وما أفضل ولا أحب احد يسألني عن راتبي أو ما شابه من ماديات



وأكره الفضول الزائد بشكل عام


الأسئله الزيده تزعجني بشكل فضيع





وفي الختام سلام ....



تحياتي أخوكم أسير ،،

 

[أبو البراء]

رد: ما هو السؤال الذي لا تحب أن يسألك به أحد

ما احب احد يسألني كم عمرك
اكره سؤال عندي

شكرا على الموضوع

 

[قاضي الغرام]

رد: ما هو السؤال الذي لا تحب أن يسألك به أحد

مشكووورة
اختى ع الموضوع

هو شيئين
اول شيء
من وين جاااي ؟
والثاني
كم هو راتبك؟



تحيات