> ((( صورة من غير إحساس ))),

[sawsan]

راح الحب وقال مش راجع
مات الحب خلاص جوايا
هنسى وأعيش من تاني حياتي
ومش هندم إن أنا حبيتك
لأ دا أنا هضحك من جوايا
وهنسى إنك كنت معايا
كدب وظلم وجرح خيـــــانة
هنسى وأعيش من غير الناس
وهدوس على معنى الأحساس
مش هرجع أنا تاني ليك
ولا يوم هتشوفني عيننيك
مش هجرح ولا أحب جديد
بس هكون من غير إحساس
مش هرجع وأبص ورايا
مات الحب خلاص جوايا
أوعى تفكر إن أنا هتراجع
لأ دا قراري وجبت الأخر
هنسى الحب أوام وأتذكر
قسوة قلبك وأنا بترجاك
تفضل جنبي وأنا بحتاجلك
بعدت كتير وأنا بشتاقلك
أنا دوست كتير وهنت كرامتي
وأنت ياريتك كنت تقدر
بعت رخيص حبي الغالي
وأتأكدت إن أنت أناني
حاجة غريبة كانت قلقاني
عرفت أخيرا أنك بتداري
فهمت خلاص ماتخبيش عليا
باين في عينيك صورة مش ليا
لحقت أزاي وأختارتها أمتى
عشق بجد ولا غدر أكيد
بس الأكيد أنك أختارتها هيا
روح وبسرعة أجري عليها الجرح في الجرح جاي على أيديها
دورك تجني اللي أنت زرعته
دا أنت تعبت لما رويته
ذل وقسوة (( حــب أهــــــــانة ))

مش هرجع أنا تاني ليك ولا أهين نفسي على أيديك
بعت كتيـر وأنا بستحمل واللي يبيع عمره ما بيقدر
بعت مرة وأدي التانية ولو رجعت هتبقى التالتة
غبت كتير وجيت متأخر
مش هحس بشوق عينيك
ولا هزعل في يوم عليك

علمتني أضحك وأتألم((( صورة من غير إحساس )))​

 

[إشراقة الأمل]

رد: > ((( صورة من غير إحساس ))),

السلام عليكم

بداية ً نرحب بكِ اخيتي سوسن بيننا ..
واشكركِ جزيل الشكر على هذه الكلمات
الحزينة والجميله ..


لا حرمنا الله من قادمك ِ..

ودام نبض قلمكِ ..



تحياتي،،

 

[حنين الروح]

رد: > ((( صورة من غير إحساس ))),

اخيتي سوسن
كلمات رائعة و حزينة
دام نزف حبرك
هوناً على قلمك تريثي يا اختي قليلاً
تقبلي بصمتي هنا

تحياتي
حنين

 

[sawsan]

رد: > ((( صورة من غير إحساس ))),

بجد متشكره لردكم
تقبلو حزني كما فرحي لان الانسان هو مجموعة احزان وافراح ليكن انسان