خلونا نسولف شوي عن شهر رمضان

[الشاعر]

السلام عليكم ورحمة الله

احبتي في البداية اسمحو لي اتكلم بالعامي مليت وانا اتكلم بالفصيح :crutch:

امممم في بداية قدوم الشهر الفضيل شهر رمضان فعلنا القسم امم وفي نفس الوقت
افتتح هذا الموضوع عشان يتحرك الاقسم شوية في بداية قدوم شهر رمضان
عشان الكل يستفيد منه

طبعا شهر رمضان من افضل الشهور واليه ذكريات محفورة في قلوب الكل
فلو جلسنا مع بعضنا وفكرنا في ايام قبل الكل راح يشعر بان عنده ذكريات كثيرة

امممم والغريب في الأمر ان شهر رمضان ما يضل احد جوعان وااذا في قليل جدا ً

طبعا الشهر الفضيل يذكرنا باشياء وايد يذكرنا بالفقير ويذكرنا باهمية الأكل
يذكرنا بلذة الطعم الي نفتقدها في الكثير من الاحيان حتى ننسى نقول الحمد لله
بينما نجد بعض الاجانب لما ياكل يقول هممممممممم اي لاف يو ههه
يعني باين انه مستمتع بالاكل واما نحن ناكل ناكل سريع ولما نشوف شخص ياكل شوي شوي
نقول حشى وش فيك احنا راح نخلص الاكل وانت ما اكلت شي @@

أكيد (لأن) >>> الشلة متعودين ياكلون سريع من غير ما يحسو بطعم الأكل :taz:

امممم ذكرت شي زمااان الله يا ايام زمان
الجمعة الوحيدة الي كانت عشان لم شمل العائلة كانت قبل كم سنه
رحنا مسجد (أبو رمانة) كنا اولاد وبنات كنا صغار الله الجو كان حلو
حتى بنت خالي اذكر بلعت فص برميت قبل كنا نسميه برميت يعني
فص حلاوة بمصطلح العصر الحديث :goggles: طبعا مسوي فيها عبقري <<<< فص حلاوة
وضربها ولد خالي على ظهرها اخوها يعني ضربها على ظهرها وطلع الفص :stretcher
والغريب في الأمر ان الفص طلع لما ضربها وكلنا نطالع ونضحك الله على ايام زمان
اتمنى يلتم شمل العائلة من جديد ودايما في فكري اني اسوي عزومة كبيرة اتبرع فيها
بس عشان يلتم الشمل من جديد يالله الله كريم

الله ايام زمان

امممم اسمحو لي لاني سولفت وايد وابتعدت عن الموضوع الاساسي بس قلت اسولف معاكم شوي

المهم اخواني مثل ما انتو عارفين قدوم شهر رمضان قرب والكل قاعد يستعد لهذا الشهر
والبيوت يتفننو في اعداد المأكولات والحلويات والمشروبات ونذكر ايام قبل من العادات الحلوة
توزيع الاطباق وهذي الأمور تتذكرو صح؟
ايام حلوة؟؟

في هذا الموضوع خلونا نذكر قبل شنو كنا ناكل في شهر رمضان وحاليا ً شنو ناكل
وشنو العادات الي تذكروها :drunk:
عشان نسخن القسم شوية @@

شوفو هذا شهر رمضان وأنا ash:

في انتظار سوالفكم الي وحشتني من زمان ما تكلمت معاكم

 

[وردة الهوى]

رد: خلونا نسولف شوي عن شهر رمضان

اخي الشاعر
موضوع حليوة

عجبني
حليوة ايام يوم كنا صغار


لي عودة
لذكرى بعض المواقف المضحكة

 

[الشاعر]

رد: خلونا نسولف شوي عن شهر رمضان

السلام عليكم

اهلين اختي وردة الهوى " ننتظر ردك التالي


اكثر ما يعجبني في الأكلات هو الهريس هممم لو يسوو لنا كل يوم ما امل منه احبه
الكيك احبه ولكن لما تزوجت اختي الكبيرة صرنا ما ناكله في البيت الا قليل
لان امي مالها في طباخ الحلويات وهذي الاشياء ولما يجي الشهر الفضيل
اذكر اختي بكثرة لانها كانت تسوي لنا اشياء كثير حلويات وشغلات حلوة

طبعا الثريد ما اكله ابد ويمكن اكله اذا كنت ناوي بس لاني احب العيش اكثر (( الرز ))

في اشياء وايد احبها

لي عودة ان شاء الله بعد ان نرى التفاعل من الاعضاء

 

[نهر الشوق]

رد: خلونا نسولف شوي عن شهر رمضان

السلام عليكم

والله الموضووع في محله
يعطيك العافية شاعرنا


الحين الشاعر دكرنا بالاكل جوعنا .. بكمل عليه اني
لازم اول يوم ثريد .. والله ما نحس بالشهر هع .. وكباب اللي ولا مرة استوى منتفخ ..هع .. والهريس من بيت الجيران امي ما تعرف تسوي فهم يجيبون لينا كل يوم وترك ...والوالد لازم قبل الفطور يسوي ليه عصير فررش .. خلطات يسوي واحا نشرب ... هع ..
وبعدين نقابل هالتلفزيون ولازم يكون فيه بققلاوة وزلابيه .. وقهوة ..
وما ننسى لمحلبيه والجيلي .. يا سلاام
صجج متعه تحس بالاناسة في شهر الله


واذا صار علينا اختبارات ندرس ليهم في الليل من 9 الى 10 هععهعهع والواجبات نحلهم واحنا نطالع التلفزيون
هعهعهع

 

[إشراقة الأمل]

رد: خلونا نسولف شوي عن شهر رمضان

السلام عليكم



ذكريات جميله ..
مع اطالة الشهر الفضيل ..

اتذكر اللحظات الجميله التي نقضيقها في بيت العود
وكانت العوده الله يرحمها .. تجهز الفطور ..
وترسل علينا نروح ناخذ لنا وبيت خالتي ..

وفي المغرب يكون تجمع الشباب هناك بعد الطور مباشره ..
الحين ما شاء الله كبروا والا تزوج والا عنده عيال ..
وبعد يتجمعون .. علشان لا يقطعون العاده ..

واحنا بعد البنات نروح عقب .. ونقعد نتابع التلفزيون
واحنا ناكل اجباس وبيبسي الا يسمع مو متفطرين ..
ونرد البيت ونكمل السهره .. وهكذا ..



مع جزيل الشكر لك اخي الشاعر على هذا الطرح



تحياتي،،

 

[أميرة الأحزان]

رد: خلونا نسولف شوي عن شهر رمضان

مرحباااا


خوش موضوع خيو الشاعر

هو في أحلى من رمضان وأيامه ..

صدق عجيب .. نحس بالحياة ..

خاطري في قيمااات حلاوة رمضان .. كباب .. هريس.. ساغو وبلاليييط

الله على الثريد .. لازم لازم كللل يوووم .. خيو الشاعر ماتوقعت ما تاكله إحنا لازم السفرة بالثريد ..




أيام صدق روعة ..
إحنا من اللعام تغيّر علينا رمضان ..
صراحة ما في مثل قبل .. الحين كل شي تغيّر .. الحال تلعوز ..حتى النفوس

بس يالله حمدلله غهو شهر الله وبس ..




لا تنسونا من دعاءكم ..
سامحونا وابروا ذمتنا إذا غلطنا أو شي ..

تسلم خيو الشاعر .. يعطيك العافية

 

[سراب الحزن]

رد: خلونا نسولف شوي عن شهر رمضان

السلاام..

السالفة فيهاا رمضان واكل واني اخر وحده هني..

صج موضوع روعه يسلمو اخوي..


صج رمضان عججيب اني ما اذكر اشيااء ما قبل وااجد..

احنه لزمن ع السفرة عيش لين مافي يعني يعني اخووي الكبير يعصب وحالة..

اذكرر مره امي ما سويت عيش اخووي عصب وحالة حتى طالع من البيت ولا تفطرت ...فاضي الاخ..

المهم طبعاا المهارات طلع في رمضان طبخات وحالة ...

قبل اني اصغر بنت في الفريج واني عادي ويه مال الفريج كلهم..

لين مرت جيرانه تبغي توزع واني اوزع اليهاا الفريج لانه هي ماكان عنها بنات..

كنت استانست اني اني البنت الوحيدة..

بعد الفطور على سااعه 9 اروح بيت امورة اكمل سهرتني هنااك نعلب قبل وحالة ايااااااام والله..

 

[الشاعر]

رد: خلونا نسولف شوي عن شهر رمضان

السلام عليكم

والله الموضووع في محله
يعطيك العافية شاعرنا


الحين الشاعر دكرنا بالاكل جوعنا .. بكمل عليه اني

اممم اتوقع صج قمتي تاكلي خيو صرتي يوعانه :fish:

لازم اول يوم ثريد .. والله ما نحس بالشهر هع .. وكباب اللي ولا مرة استوى منتفخ ..هع .. والهريس من بيت الجيران امي ما تعرف تسوي فهم يجيبون لينا كل يوم وترك ...والوالد لازم قبل الفطور يسوي ليه عصير فررش .. خلطات يسوي واحا نشرب ... هع ..
وبعدين نقابل هالتلفزيون ولازم يكون فيه بققلاوة وزلابيه .. وقهوة ..
وما ننسى لمحلبيه والجيلي .. يا سلاام
صجج متعه تحس بالاناسة في شهر الله

الله خيو اكلاتكم حلوة عصيرات بس انتي بعد تعلمي عشان تساعدي امج في الطباخ خيوو
عشان سفرتكم تكون منوعه انتو في نعمه يالبنات كلشي تقدرو تسووه وتتفننو فيه في المطبخ :crutch:

واذا صار علينا اختبارات ندرس ليهم في الليل من 9 الى 10 هععهعهع والواجبات نحلهم واحنا نطالع التلفزيون
هعهعهع

الله سوالفكم حلوة خيو بس حلو جارتكم خيو كلشي تسوي لكم بعد :eat:هممم
الله اذكر ايام قبل كنا نوزع اشياء وايد على الفريج واييبو لنا اشياء وايد الفريج
الله ايام حلوة وعادات حلوة الحين قلت هذي العادات قليل احد يتواصل مع الثاني
يارب يارب ترجع العادات كثل قبل :worthy: يارب يارب
مشكورة خيو على المشاركة في الموضوع ننتظر ردج التالي تسولفي معانه

السلام عليكم
ذكريات جميله ..
مع اطالة الشهر الفضيل ..

اتذكر اللحظات الجميله التي نقضيقها في بيت العود
وكانت العوده الله يرحمها .. تجهز الفطور ..
وترسل علينا نروح ناخذ لنا وبيت خالتي ..

وفي المغرب يكون تجمع الشباب هناك بعد الطور مباشره ..
الحين ما شاء الله كبروا والا تزوج والا عنده عيال ..
وبعد يتجمعون .. علشان لا يقطعون العاده ..

واحنا بعد البنات نروح عقب .. ونقعد نتابع التلفزيون
واحنا ناكل اجباس وبيبسي الا يسمع مو متفطرين ..
ونرد البيت ونكمل السهره .. وهكذا ..



مع جزيل الشكر لك اخي الشاعر على هذا الطرح

تحياتي،،

اهلين اختي اشراقة الأمل
الله اجمل شي في العوائل يكون لم الشمل لحظات سعيدة تكون والعائلة
الي ما تلم الشمل خسرانه والله والعائلة عندنا كل واحد بوادي ما يهتمو لبعض
محرومين احنا من الجمعة والقعدة مع بعض الله يسهل وييسر الحال ويلتم الشمل
بس خيو لا تذكريني بالجبس قبل والمينو كنت اكل منه بكثره احس حلووو
ولا بعد الفطور لما يخلص نقول الى امنا نبي فلوسنا هههه مثل ما قلتي خيو
ولا كأنا متفطرين ناخذ الفلوس ونروح نشتري ونرجع بعد الفطور ههه
خيو في انتظار تواصلج معانه في الموضوع

مرحباااا


خوش موضوع خيو الشاعر

هو في أحلى من رمضان وأيامه ..

صدق عجيب .. نحس بالحياة ..

خاطري في قيمااات حلاوة رمضان .. كباب .. هريس.. ساغو وبلاليييط

سوي الج خيو انتي بنيه يعني مو مثلنا احنا ما نسوي لنا شي الا اذا حسينا بطنا خالي izza:

الله على الثريد .. لازم لازم كللل يوووم .. خيو الشاعر ماتوقعت ما تاكله إحنا لازم السفرة بالثريد ..

اييي خيو ما آكل ثريد مو بالمعنى ما آكله بس قليل اذا آكله اهم شي عندي على السفرة اهو العيش
امممم وبعد الهريس لاني اذا ما اكلت هريس على السفرة بقوم وانا شبعان بعدها ما باكل
اممم واحب آكله واهو سااااااخن لاني ما احب آكله واهو بارد epsi:

أيام صدق روعة ..
إحنا من اللعام تغيّر علينا رمضان ..
صراحة ما في مثل قبل .. الحين كل شي تغيّر .. الحال تلعوز ..حتى النفوس

ايي خيو عارف احساسج وفي شنو تفكري يالله وش نسوي خيو هذي الحياة
اذا كنتي سعيدة الي تحبيهم اكيد بكونو سعداء وصحيح معاج حق ان بعد بعض الاشخاص
عنا ممكن يترك فراغ كبير آآآآآآه لا تذكريني خيو قلبتي المواجع :no:

بس يالله حمدلله غهو شهر الله وبس ..


الحمد لله خيووو

لا تنسونا من دعاءكم ..
سامحونا وابروا ذمتنا إذا غلطنا أو شي ..

ان شاء الله خيو بدعي لكم امممم وليش اسامحكم خيو ما سويتو شي
بس وحشتونا من زمان ما شفناكم :yes:

تسلم خيو الشاعر .. يعطيك العافية

الله يسلمج ويعافيج خيووو

السلاام..

السالفة فيهاا رمضان واكل واني اخر وحده هني..

صج موضوع روعه يسلمو اخوي..


صج رمضان عججيب اني ما اذكر اشيااء ما قبل وااجد..

احنه لزمن ع السفرة عيش لين مافي يعني يعني اخووي الكبير يعصب وحالة..

الله اهم شي يكون عيش على السفرة مااا يصير ما في على السفرة عيش بس اذا ما كان في عادي ما اعصب بس مستحيل امي ما تسوي عيش واهي تعرفنا نحب ناكله على السفرة تعرف امي شنو نفضل ناكله izza:

اذكرر مره امي ما سويت عيش اخووي عصب وحالة حتى طالع من البيت ولا تفطرت ...فاضي الاخ..

المهم طبعاا المهارات طلع في رمضان طبخات وحالة ...

اي ورينا مهاراتج هذي السنه خيو في ملتقى الطبخ نبي نشوف مشاركتج مع الاخوات:tabletalk

قبل اني اصغر بنت في الفريج واني عادي ويه مال الفريج كلهم..

لين مرت جيرانه تبغي توزع واني اوزع اليهاا الفريج لانه هي ماكان عنها بنات..

كنت استانست اني اني البنت الوحيدة..

بعد الفطور على سااعه 9 اروح بيت امورة اكمل سهرتني هنااك نعلب قبل وحالة ايااااااام والله..

الله اكيد خيو لما تذكري ايام قبل وكيف كنتو تلعبو تحسي انج فقدتي شي عزيز عليج والله الايام الحلوة لما نذكرها نحس اننا فقدنا شي غالي غالي الله على الذكريات الحلوة
اذكر في شهر رمضان بعض السنوات يكون في آوان لعب التيلة أو الدوام فلما نصلي ونتفطر وكلشي نطلع نروح قريب بيت جدي وهناك نجتمع من كل مكان ونلعب التيلة او الدوام الله للحين اذكر قبل كم سنه ايام حلوة كنا نتجمع الى نص الليل ذكريات حلوة واوقات نجتمع بالسياكل احنا كلنا ونطلع من مكان الى مكان كلنا مع بعض ايام حلوة

في انتظار مروركم مرة ثانيه احبتي :flowers:

 

[إشراقة الأمل]

رد: خلونا نسولف شوي عن شهر رمضان

السلام عليكم



اممم برجع للوراء شوي وذكريات شهر رمضان ..
قبل سنوات .. في الشهر الفضيل ..

انتقلنا من بيتنا الأولي الى البيت الا احنا فيه الحين
يعني بنفس الديرة .. ولكن من فريج الى فريج ..


اتذكر بالرغم من اني كنت يمكن في اول ابتدائي
او ما دخلت المدرسه حتى ..

كان الوضع متغير علينا .. وكنت اظل مع جيرانا
القبلييين لان محد كان في فريجنا .. ألعب وياه ..


وبعدين كبرنا شوي والوناسه ..
اكثر شيء نكون انا وشمعه والغدير
يمرون علي البيت ونروح بيت العود ..

في شغله ما وضحتها قبل ساندويش الكبده ..
طلعتنا من بيت العود نروح نشتري للسحور ..
واوقات نرد البيت واروح مع بنت جيرانه ..

***

وقبل على ايام المسحر .. اتذكر بآخر الليالي من الشهر ..
يطلعوا معه الشباب واليهال ويصيرون ناس وايد ..
ما يظل قوطي في الفريج الا يدقون به ..

وكنا انا وبنت خالتي تبات في بيتنا
علشان بس نشووف لمسحر ..
ووقت الا يوصل فريجنا
كنا نطلع نشووف ..


راحت أيام لمسحر .. ومتأسفه ان قبل ما اجى في بالنا نصوره ..

اعادنا الله واياكم ان شاء الله ..



تحياتي،،

 

[وردة الهوى]

رد: خلونا نسولف شوي عن شهر رمضان

عدت

احنا في الفطوور اهم شي الثريد والعيش اما الاثنين او واحد منهم

الثريد مهم في رمضان ع الفطور والعيش مهم على السحوور هههه

جعت ما اكلت ريوووق


عجيب اكل رمضان تحسه غير ما ادري ليش معنا اكو بعد رجب وشعبان انصوم ونفطر لكن اكل رمضان غيرر
بعد الفطور ابوي اروح الى الحلاوة والتلفزيون مع طاش مطاش موعدكم.......

بيت ابوي العود ( جدي ) يقرون قرأن يوميا في رمضان واحنا اصير تجمعنا ليلة الجمعة يوم الخميس التلفزيون اشيلونه واودوونه الحجرة خدامة بيت ابوي العود اتجهز كل شي واتروح اطالع التلفزيون واحنا وياهااا .... في وفاة الامام علي احنا انجي تعااابه و الرجال في البيت كامل الان يقرون فيه الوفاة فما نقدر ندخل نقعد برة كأنه طراروة او نروح اي مكان الماتم نقعد............

فيوم من ايام تجمعنا عطونا سطل سمج حق السحوور واللي ما ياكل سمج سوو ليه شي غير
وقالو لي وبنات عمي ان انودي السمج دام عمومي محد طلعوا اخذنا روحنه واحنى نتمشى ما ضل سنوور الا ورانه (الله يغربل السمج اللي حاملينه ) وكل ما انشردهم يرجعون بطو جبدي في النهاية من وصلنا قائدي افلته على الهندي واشرد اول وحدة الاني طفشت من السنانيسر وبنت عمي جبانة لو كان السنور ع بعد ميل اتخاف منه فالسنانير ما قصرووو سو ليناا زفة بالسمج بس ثيابة صايروو كله ريحتهووم سمج .........................
هههههههههههه



هو بعد في هرار واااجد
واشياء وااجد
ونكت واااجد
بس هذا اللي دكرتا اللحين

 

[نور الدنيا]

رد: خلونا نسولف شوي عن شهر رمضان

صراحة شوقتوني اكتب

رمضان صراحة احسه احلى شهر


امي تسوي الينا كل شيئ حلو


في رمضان مافي فوق الثريد

ودائما اللقيمات والكباب صوبه

ادكر قريب الادان يعني ابويي ياخد اختي واخويي ووديهم المدفع


يوم كنت صغيرة كنت اروح


حليو اهناك


صوب الحديقة انروح

نلعب شوي في الحديقة وادا جفنا جابو المدفع نروح انطالع


اني في رمضان اسوي السلطة والشربت


ادكر مرةبسوي روحي شاطرة قمت بسوي اللقيمات يعني بقليه


لاني اخاف من النار الغز قمت افلت في المقلى


عاد عفست المطبخ عفاس


وغير هدا يوم شلت اللقيمات طاح من عندي فضطريت اني افلته


امي زفتني زف


هههههههههههههههه


احب لين اطالع امي وابويي يقرون القران قريب ادا ن الصبح باالليل



ولين اتقعدني امي للسحور



ساعات اتكون فيي نومة


فاقول ليها ما امبي


ويوم ثاني ما اقدر اكون جوعانة اقول ياليت تسحرت البارحة



مافيي على الهريس الي تسويه امي العودة (عودو) عجيب


وعقب الفطور نقعد على التلفزيون على المسلسلات


وادا كانت علينا مدرسة اكون اخر همنا الكتب والدراسة


ادكر احنا مانحل الواجبات تصرخ المعلمة ثانوي ليش ما تدرسون وتحضرون


لان احنا ما يعطونا واجبات في رمضان اقولون قرار من الوزارة


احنا تكون اجوبتنا يا ما نقدر احنا صايمين يا نسينا

عفر طلعت عن الموضوع


بس رمضان ليه سوالف واجد

لا تعد ولا تحصى


ههههههههههههههههههههههه


ولا ليلة القدر تقريبا محد يقعد في بيته

كلا في المساجد والماتم يصلون

عجيبة هالليلة


نحس باناسة فيها


احب لين اجوف بت عمي نهرو في الماتم
مانتباعد عن بعض ولا دقيقة
ههههههههههههههههه

رمضان عجيب ولو بكتب عنه ما بخلص

بصراحة اخي الشاعر موضوعك حلو

 

[فديتـه]

رد: خلونا نسولف شوي عن شهر رمضان

طااالع !
ما ظل احد في الملتقى ما جه كتب شي
و آخر الناس اني !! حشى عليي هع

اول يسلموو اخوي الشاعر ع الموضوع البديع
و متباركييين كلكوووم بما إنه ما باقي شي عليه


و ببدي اهر ..
خب اني بعد كان رمضان عندنا غير
لأن تحوّلنا من بيت لبيت .. فتغير علينا رمضان واااجد
حيث إن احنا ما نعرف احد في فريقنا الحالي
فلا نودي أكل و لا يجيبون لينا اكل هع هع
بس يا زعم اول رمضانية مرّت علينا من جينا .. قمنا نودي وبعدين قطعينا خخخ


و استغربيييت من شغلة اني !!
الفطووور عندكم ؟!
احنا ما يتسمى فطور الا بالثريد
ما يمر يوم في رمضان الا و الثريد موجود << ابوي و اني ما نستغني عنه

ههههههههه
و لا عاااد اذا قريب الادان
تجوفون كل وحدة من خواتي واقفة تسمع الادان و في ايدها بلعة هعهعهع
و من يقول " لااااااااا إله الا اللــــــــه " كل وحدة تعلوّج


خخخ بس ..
هادي هدرتي هالمرة
المرة الجاية بجي بعد هع


سلملم

 

[فديتـه]

رد: خلونا نسولف شوي عن شهر رمضان

اييييييه صحي
ما انسى ليلة القدر و لا انسى سواياتي
بيتنا يذلوووني ذل عشان يودووني بيت باباعود
لأني ما اطيق هني


و حلييييييييوة الاجواااء تصير في الفريق
و مااا نظلع منه الا نص الليييل
بلااااوي و الله


خخخخخ نوروو
اني بعد في رمضان اسوي الزلاطة و الشربت هع هع هع
بس اسوي بعد قيمات و كباب و غيره مو مثلش عوبة


في رمضان اني عليي سالفة السويت و الخرابيط
امي عليها الوجبات الرئيسية هعهعهع

احترق شوقاً لأسوي الشعيرية خخخخخخخ

 

[أميرة الأحزان]

رد: خلونا نسولف شوي عن شهر رمضان

حلاوتكم وحلاوة سوالفكم ..

إيـــه تشجعووون ..





خيو الشاعر .. إنتون إذا هاجت بطونكم تسوون لكم شي .. إحنا لو نموت من الجوع مانقوم نسوي >>>> خيابة ..
اني اتحدى الجوع ولا اسوي ليي شي بروحي .. إلا إذا احد ويايي في البيت العود اتشجع


يالله عدّوا الأيام .. ماباقي شي ويشرفنا شهر الخير والبركة

 

[وردة الهوى]

رد: خلونا نسولف شوي عن شهر رمضان

عجبتي سوالفكم امايي
حليوة

فن رمضان حليو



افا عليش اميرة بنعد
يلا 1
2 3 4 5 6 7 8 9

ههههههههههههههههههه
عجبتني السوالف

 

[نور الهداية]

رد: خلونا نسولف شوي عن شهر رمضان

السلام عليكم ..


خووووش موضوع .. شكرا اخي الشاعر ..


يلا ببدي سوالفي خخخخ

طبعا اني مثل فديته كان عندنا رمضان غير ..
لان تحولنا من بيت لبيت .. بس كانوا يجيبون لينه اكل خخخ
لان صوبنة بيت بي بي >> افهموها لانه احنه ما انقول الا بيت بي بي يعنييي وش اقوول يعني بيت بابا عوود اوكي ..
و بيت عمي بعد صوبنه ..


فهيك ..

كانت امي ما اتخلي طبخة ما اتسويها لينه .. كل ما لذ و طااب ..

قيمات .. كباب .. ثريد على قولتكم احنه انقول فريد خخخخ بس ابوي يسميه تليت ههههههه يضحكني ..


بس يمكن احنه عندنا شي غير عنكم .. ما ادري

اول ما ياذن نتفطر على القيمات و كباب
و اذا في اشياء غير و ماي طبعا شي خفيف..
و بعدين نصلي نرتاح شوي و بعدين ناكل الفريد و اذا في شي مثل الهريس ..


ما اذا كان عندكم نفس الشي او لا ..

لان في ناااس عندهم بس وجبة وحدة ..


بس عجيييييييييب شهر رمضان ..

عندي احلى شهر ..

اني و دمعوو لين قرب الاذان نقعد بره نحارس لين ما ياذن
و اذا اذن ندخل نتراكض اذن .. اذن .. و احنه انصارخ و سيدة نرووح نبلع .. هههههه


وه يلا خلصوا السوالف ..

لي عودة ^^

 

[فديتـه]

رد: خلونا نسولف شوي عن شهر رمضان

ههههههههههههه
نوور احنا بعد نقول فريد
بس الحين سويت روحتي اترقى و قلت مثلهم " ثريد " عشان ما يفشلوني
هعهعهع

يوو خخخخخخ
يضحّك نظامكم
يسوي الواحد متين عفر ههههههههههه
جيفا وجبتييين !


خخخ اييه و الله فن رمضان

 

[الشاعر]

رد: خلونا نسولف شوي عن شهر رمضان

السلام عليكم

ما شاء الله الاعضاء مسوين جو حلوووو

برجع لكم بس اكمل امور الملتقى واضبطه

 

[نهر الشوق]

رد: خلونا نسولف شوي عن شهر رمضان

هههههههههههه

ايوو واني عبالي بس اني اقول فريد .. اكوو في ناس بعد غيري ... هع والله صعبه ثريد ما تطلع من البوز ..هع

انزين يعني هالشهر لازم يصير في المدرسه والمدرسه يهدونه من وقت فننن يصير .. بس المشكله باصات المدرسه مو مكيفين يهلكونا هلاك ما نوصل البيت الا سيده على المرقد طبعا عقب ما نصلي

وولازم على الفطور في سلطه ...
وساعات في العصر نقعد انلف سمبوسه .. وهالاشياء
وحزة الادان اللي يادن يقرا دعاء قبل الادان .. نحارسه لين ما يوقف ونرز عند الباب نحارسه يقول الله اكبر

يوم الخميس في الليل يوم العيد عدنا .. يتغير النظام في هالشهر من يوم الجمعه الى يوم الخميس نروح بيت العوود .. فنن الفريج تحسه حي .. المجالس مفتوحه .. والقرآن والادعيه .. ولا ادا قروا الجهال قرآن يصير حليوو ...

 

[نور الدنيا]

رد: خلونا نسولف شوي عن شهر رمضان

اي والله


اي رمضان في المدرسة صدق نهلك بس حليووو


في المدرسة خب ما نتحجى الا عن الاكل

الكباب واللقيمات


في البيت انحارس الادان اني ويا اختي محارس

امي تستحمق ما ترضى نفطر الا لين ادن كامل

يعني خلص الادان نفطر اتقول احسن


نفطر وبعدين انصلي ونتفطر


في فرق بين نفطر ونتفطر<<مسوية روحي فيلسوفة

ههههههههههههههههههههههه