الجاسم
New member
" قصة جمعة "
كنت لوحدي . .
قاعد بالبيت وأتعلل
ومساهر نجمات الليل
أكتب أشعار وأتغزل
جاني صوتٍ عالي ينادي
قتله : تفضّل
فات وسلم . .
قلتله اهـــلا
أخذت الدلــــة
صبيت الفنجان وقتله :
تفضّل . . قهوة ( أهلا وسهلا )
خذ مني الفجان . . وقلّي :
ما أشرب ألا . . . ؟
تكتب قصتي . .
وتسمـّعها العالم كلّه . .
قلت إبشر .. واشرب فنجانك . .
حيّاك الله . .
* * *
هز فنجانه . .
وغاب وسافر ويا احـــزانه
قال وطاحت منو الدمعه
إكتب عندك :
اسمي جمــــعة
بنيْ عم المغدورة حمـــدة
وانت تعرف منهي حمــدة
بنية عمي . . وهمها همّـي
دمها أحسّه يجري بدمـي
مثل اختي أمزح ويّاها
ابتسملها اِن جت من يمي
لكن ما مر يوم ببالي
آخذ غير بنية خالي
جت حمدة مرة وقالت لي :
اِش رايك بيّا . .
قلتلها مثل القداح . .
وأحلى من الوردة الجورية
قالت : . . إنت اِشْ رايك بيا
قلتلها اِشْ قصدك يا خية
قالت : خـيـــة . . تقلّي خيـّـة
ومصدقــة . . كل فكري أحسبك معجب بيّا
تصورتك فارس أحلامي . .
بعيوني طيفك ليلية
لو أقرا طيفك بكتابي . .
ولو أشرب طيفك بالمية
مني زغيرونة حبيتك . .
من امي تلبسني الصدرية
واستاذي لو يسأل عنك . .
أشعر إنــو يدري البيا
كنت بعمري عمري كلو . .
ثاري قلبك ماهو ليّا
روح ، امشي ، ما ودي اسمعها
تقطع قلبي ( كلمــة خيـّــــة )
وعدّت أيام وما جتنا
ولا شفناها ولا شافتنا
رحنا ليمهم آنا ، وأمي
وإن بالبيت بنية عمي
مرضانة وترجف بردانة . .
مثل الوردة بليّا اغصان ..
وشويّة ، شوية ذبلانة
وتعدنها ثلاث ليالْ
وظلت حمدة على هالحال
ظلت تذبل . .
ظلت تذبل مثل الوردة
وليلة سمعنا الصوت ينادي :
ماتت حمـــدة . .
وصلت ليمها . .
صاحت أمــها
ما أريد عيوني يشوفنك
إنت السبب بموتة حمــدة . .
سمعت هالناس بهالقالة
كل واحد فسرها لحاله
واحد يتصورني أحبها
والثاني يقوللوا جبرها
والثالث يحكي لجيرانه
ويقلهم : يمكن حيرها
والرابع للناس يدمدم
ياعالم مدري إش فسرها
وعمر الفرّا .. ذيج المرّة
فضح الدنيا بقصة حمـــدة
صار يسولف . .
والعالم كلّه يسمع لهْ
قالت حمدة . .
نامت حمدة . .
ماتت حمدة
إشْ صـــارت حمـــدة
روح اتفرج يوم الجمعة
العالم كلها مجتمعة . .
تتنى النور الطالع فوق
لفوق . . لفوق
لفوق اللي ما يعرف حده
ويصرخ يا جمعة ما اريدك
وما بي نور ومابي لمبة
كذبة بكذبة
صار ال يسوى وال مايسوى
لو مرني يقلّي ما اريدك
حتى بنية تقلّي . . لا ما اريدك
* * *
أرجو منك . .
إطفي النار ال بيّا مولعة
واكتب قصتي بين أشعارك
خلي العالم كلها تسمعه
وإحكي لكل الناس القصة
وقلهم هـــذي :
(( قصــــة جمعــــــــة ))
عبد المنعم الحاج جاسم
كنت لوحدي . .
قاعد بالبيت وأتعلل
ومساهر نجمات الليل
أكتب أشعار وأتغزل
جاني صوتٍ عالي ينادي
قتله : تفضّل
فات وسلم . .
قلتله اهـــلا
أخذت الدلــــة
صبيت الفنجان وقتله :
تفضّل . . قهوة ( أهلا وسهلا )
خذ مني الفجان . . وقلّي :
ما أشرب ألا . . . ؟
تكتب قصتي . .
وتسمـّعها العالم كلّه . .
قلت إبشر .. واشرب فنجانك . .
حيّاك الله . .
* * *
هز فنجانه . .
وغاب وسافر ويا احـــزانه
قال وطاحت منو الدمعه
إكتب عندك :
اسمي جمــــعة
بنيْ عم المغدورة حمـــدة
وانت تعرف منهي حمــدة
بنية عمي . . وهمها همّـي
دمها أحسّه يجري بدمـي
مثل اختي أمزح ويّاها
ابتسملها اِن جت من يمي
لكن ما مر يوم ببالي
آخذ غير بنية خالي
جت حمدة مرة وقالت لي :
اِش رايك بيّا . .
قلتلها مثل القداح . .
وأحلى من الوردة الجورية
قالت : . . إنت اِشْ رايك بيا
قلتلها اِشْ قصدك يا خية
قالت : خـيـــة . . تقلّي خيـّـة
ومصدقــة . . كل فكري أحسبك معجب بيّا
تصورتك فارس أحلامي . .
بعيوني طيفك ليلية
لو أقرا طيفك بكتابي . .
ولو أشرب طيفك بالمية
مني زغيرونة حبيتك . .
من امي تلبسني الصدرية
واستاذي لو يسأل عنك . .
أشعر إنــو يدري البيا
كنت بعمري عمري كلو . .
ثاري قلبك ماهو ليّا
روح ، امشي ، ما ودي اسمعها
تقطع قلبي ( كلمــة خيـّــــة )
وعدّت أيام وما جتنا
ولا شفناها ولا شافتنا
رحنا ليمهم آنا ، وأمي
وإن بالبيت بنية عمي
مرضانة وترجف بردانة . .
مثل الوردة بليّا اغصان ..
وشويّة ، شوية ذبلانة
وتعدنها ثلاث ليالْ
وظلت حمدة على هالحال
ظلت تذبل . .
ظلت تذبل مثل الوردة
وليلة سمعنا الصوت ينادي :
ماتت حمـــدة . .
وصلت ليمها . .
صاحت أمــها
ما أريد عيوني يشوفنك
إنت السبب بموتة حمــدة . .
سمعت هالناس بهالقالة
كل واحد فسرها لحاله
واحد يتصورني أحبها
والثاني يقوللوا جبرها
والثالث يحكي لجيرانه
ويقلهم : يمكن حيرها
والرابع للناس يدمدم
ياعالم مدري إش فسرها
وعمر الفرّا .. ذيج المرّة
فضح الدنيا بقصة حمـــدة
صار يسولف . .
والعالم كلّه يسمع لهْ
قالت حمدة . .
نامت حمدة . .
ماتت حمدة
إشْ صـــارت حمـــدة
روح اتفرج يوم الجمعة
العالم كلها مجتمعة . .
تتنى النور الطالع فوق
لفوق . . لفوق
لفوق اللي ما يعرف حده
ويصرخ يا جمعة ما اريدك
وما بي نور ومابي لمبة
كذبة بكذبة
صار ال يسوى وال مايسوى
لو مرني يقلّي ما اريدك
حتى بنية تقلّي . . لا ما اريدك
* * *
أرجو منك . .
إطفي النار ال بيّا مولعة
واكتب قصتي بين أشعارك
خلي العالم كلها تسمعه
وإحكي لكل الناس القصة
وقلهم هـــذي :
(( قصــــة جمعــــــــة ))
عبد المنعم الحاج جاسم