::: ظاهرة منتشرة بشدة :::

[المجرمة]

بسم الله الرحمن الرحيم





هذا الموضوع للنقاش و بابه مفتوح على طول ... نتناقش و نتحاور و الكل يقول رأيه بصراحة


و إحنا نتقبله بكل رحابة صدر



طبعا أحنا ما نروح مكان يكون فيه شباب و بنات إلا و في مغازل و ترقيم .... إلخ



و الحين اللي قع نشوفه شي مو طبيعي و تعدى كل الحدود و صارت الدنيا فوضى




الشباب وصلت معاهم قلة الادب ان يلمس البنت بكل وقاحة



و البنات ما شاء الله مو مقصرين باللبس




و لا في بعضهم اهم اللي يلاحقون الشباب مو العكس




شي قديم و كل من عارفه بس مو هذي المشكلة




المشكلة إن الناس صار عندها هالشي طبيعي محد يتحرك و يستنكر هالشي




خلاص ماتت الشهامة و الغيرة على شبابنا و بناتنا















إنزين يا ترى منو السبب و هذا السؤال اللي أبيه



منو الجاني ؟؟



الشباب و لا البنات



الشباب يقولون : البنات اهم السبب اهم اللي يخلوننا نتحرش فيهم يا أخي شوف لبسهم و مكياجهم و حركاتهم و مشيتهم جنهم يقولون لحقونا !!!!!!!


و البنات يقولون : و الله حتى لو تنقبنا راح يتحرشون فينا اهم يموتون على شي اسمه بنات



منو اللي على حق و منو اهو السبب في هالظاهرة الغريبة على مجتمعنا المحافظ



و البنات اللي يلاحقون الشباب هل هذيل صج عندهم عذر ...... شوف شنو عذر اللي تلاحق الشباب ..



البنت : شسوي بعد مملوح حييييييل ، ستايله و شعره و نظراته تيينن اللي ما يتينن ؟؟!!!!!!!!!!



ما أقول إلا الحمدلله و الشكر ، بناتنا و شبابنا فصخوا الحيا مرة وحدة





اللي بطلبه منكم شغلة وحدة بس


إنكم تجاوبون على هالاسئلة :



يا ترى منو الغلطان و منو السبب الشباب و لا البنات و لا الأهل ؟؟


شنو مفروض تسوي البنت علشان ما يكون عند الشباب سبب يخليهم يتحرشون فيها ؟؟


و شنو الحل الجذري حق هالمشكلة ؟؟






جاوبوني بكل صرحة و أنتظر ردودكم على أحر من الجمر





​

 

[أسير الأحساس]

رد: ::: ظاهرة منتشرة بشدة :::

أولاً أشكرك على طرح هذي المشكله الخطيره ودخيله على عاداتنا وتقاليدنااااااااا

وكل هذاااا يقال عنه حريه ودمقراطيه أذا هذي الحريه ما نبيهااااااا



يا ترى منو الغلطان و منو السبب الشباب و لا البنات و لا الأهل ؟؟

السبب الأول ولأخير التربيه وبعد التربيه اتجي فاصخات الحيااااه
أذا بتلبس لباس ملفت وحركات ملفته شلووووووون بخلونه الشباب ((لو ما كان تبي أحد يتحرش فيها ما لبست هلباس ولا سوت هلحركات ))

شنو مفروض تسوي البنت علشان ما يكون عند الشباب سبب يخليهم يتحرشون فيها ؟؟

تحشم لباسها وأخلاقها


و شنو الحل الجذري حق هالمشكلة ؟؟

الحل: تخصيص أماكن محدده للجنسين وبعد وهي الشي صارشبه مستحيــــل



تحياتي أسير الأحساس

 

[إشراقة الأمل]

رد: ::: ظاهرة منتشرة بشدة :::

السلام عليكم


العتب الأول والأخير على الأهل
الذين غفلوا عن خلق الوازع الديني في نفوس ابناءهم

ثانيا .. الحرية التامة التي منحوها اياهم ..

ثالثا .. ضعف النفس .. وقلت الايمان بالله عز وجل


كلها دوافع تدفع الشباب والبنات لفعل ما يحلو لهم ..


***

البنت المتزنة المحافظة على حجابها ودينها لا يمكن ان يمسها الدنس من قبل ضعاف النفوس


***

لا حل غير تعزيز الايمان بالله عز وجل بداخل القلوب ..والابتعاد عن المغريات ..
التي تبثها الثقافات الغير اسلاميه بهدف ان تشوب المجمعات الاسلاميه ..



اخيتي المجرمة طرح ٌ موفق .. سلمت يداكِ ..
واتمنى ان اكون وفقت في طرح اجاباتي على ما تفضلتي به


تحياتي،،

 

[المجرمة]

رد: ::: ظاهرة منتشرة بشدة :::

أخي العزيز أسير الإحساس
أختي الغالية إشراقة الأمل


أشكركم على هذا المرور الطيب

 

[بحر الابداع]

رد: ::: ظاهرة منتشرة بشدة :::

يا ترى منو الغلطان و منو السبب الشباب و لا البنات و لا الأهل ؟؟
توقفت كثيراً عند هذا السؤال بالنسبة لي ولا أحد يزعل من حواء بصراحة البنات فهم لهم الدافع لأكبر إلي أخلي الشباب تتحرش فيهم،،
بعض الأحيان أقف حائر أمام نفسي وقول ما هذا اللباس بصراحة أستحي أشوف بنات هذه الزمان أفشلون حتى إلي تلبس الدفة أشوف دفيف هذا الزمان كأنهم فساتين سهرة تنصدمين إذا عرفتين إنها دفة،،
مرة كنت بسكشجن لاب بجامعة البحرين وكان هذا السكشن خلط والشباب قريبين من البنات يعني ماكو فرق بس كل واحد وحدة لازمة حدودها إلا الصدمة بعد أسبوع تدخل وحدة السكشن بداك اللباس إلي أفشل والنتورة إلي فوق الركبة لا بعد المصيبة تقعد صوب واحد مطوع طول المحاضرة منزل راسه من الفشلة تخيلوا صاروا الشباب هم يستحون والبنات راح الحية منهم،،

شنو مفروض تسوي البنت علشان ما يكون عند الشباب سبب يخليهم يتحرشون فيها ؟؟

مفروض وإلي لازم أسويه:
الحشمة،، عزة النفس،، كرامتها فوق كل شي،، لا تعير انتباه حق إلي طالعها،، الحقران ((أقطع المصاران))،،

شنو الحل الجذري حق هالمشكلة ؟؟

المحافظ على كل ما هو مذكور بالقرآن والسنة وغيرها من مصادر
مراقبة الأهل
قلة الاحتكاك بجنس الأخر
الحشمة
أشغال أوقات الفراغ بما هو مفيد ومنفع للفرد
المحافظة على العادات والتقاليد والعرف

ربما أعود وربما لا أعود أن عدت فلي أضافه جديدة وأن لم أعود يعني سأكتفي بهذه المداخلة
تقبلي مروري المجرمة بينا صفحاتك،،،

 

[نور الهداية]

رد: ::: ظاهرة منتشرة بشدة :::

بصراحة البنات و الشباب و الأهل هم غلطانين

و المفروض من البنات انهم ما يلبسون هالملابس الفاضحة ولا يحطون المكياج على الأقل يحطون مكياج خفيف مو ثقيل

و المفروض من الشباب انهم ما يلاحقون وراء البنات لأن بصراحة هذا الشي تافه جدا جدا
وقلالة ادب خل يخافون ربهم شوي

وثالث شي المفروض من الأهل انهم ما يتركون ابنائهم بهذا الشكل يلاحقون بنات الناس ولا البنات يلاحقون الشباب اصلا هذا دليل ان الأبناء مو مربيين عدل و من واجب الأهل من ناحية تربية اولادهم تربيتهم على الشيئ الحسن مو يتركون ابنائهم يتعودون على الأشياء الي ما لها معنى الأشياء التافه .

و الحل ان البنات يحترمون نفسهم شوي
و الشباب يخففون من هالحركات الي ما لها معنى
و الأهل انهم ما يربون اولادهم على الحركات
و العادات الي مو حسنة و يحسنون تربية ابنائهم



مشكورة خيتي المجرمة عـ الموضوع الرائع


تقبلي مروري

 

[فنوني]

رد: ::: ظاهرة منتشرة بشدة :::

هلا وغلا اختي المجرمة

نعم موضووع خطير جداً

وبالامس القريب انا فتحت موضووع مشابه له في أحدى المنتديات
مضمونه((جرأء الشااب))

نعوود للموضووع
الشااب دائم المخطي أو بالغالب بوجهـت نظري
اله أذا حـدث أمر لمس الشاب للفتـاة وهو موضوعنـا الان،،،،،

فحين أذن يصبح المخطئ بدون تردد الفتـاة
الشاب لن يتجرأ على لمس الفتاة بدون إعطاء الفتاة الضوء الاخضر للشاب بدون علمها

السبب بوجهت نظري
وهو الشاااب راح يسوي كل أنــواع المضايقات للفـتاة اله التجرء عليـه بلمس جزء من جسدها بـدون أن تعطيـه الأذن بذلك،،،،
والاذن انــواع،،،،،

ليس بطريقة مباشرة ولكن بطريقة غير مباشرة

مفهمووم الشاب مع الاسف في بعض متجمعاتنـاً الخليجية ضيق ضيق ضيق جداً،،،،،

بمجرد أن يلمح إبتسامه من فتـاة اله وذهب ظنـه إلى السوء ولا إبلاغ أذا قلت ان البعض يطعن في شرف الفتاة((مقابل ماذا مقابل إبتسامة بريئة من فتاة))لا تعلم هي ماذا ينتج عن هذه الابتسامة وماذا دار في رأس الشاب نتجية هذه الابتسامة او النظرة او الضحكة أو أو أو إلـــخ........


أنـا لا أدقق كثيراً في اللباس
خاصـه إذا كانت الفتاة عارف نفسه وواثق من حاله مهما لبسته لن يتجرأ احد على لمسها وليس معاكستهـا
ولاتدع فرصه لإبتسامه صغيرة ينتج عنها تفكير سلبي لدى الشــاب

الكثيررر منـا يجهل ما تأثير الابتسامـه
ولو تكلمت عن الابتسامـه لخرجت عن الموضووع
لان الابتسامه بحق ذاته باب عبوور لأي قلب،،،،
الابتسامــة جواز سفر نعبر به قلوب الاخريـن،،،،
ومع الاسـف نمشي ونوزع ابتسامات على أي كان وهذا بحد ذاتـه قمة غبـائنـا


في الاخير أتمـنى أن نعي مانفعل وندرك ماذا نحن عليـه وأن نطور مـن ثقافتنـا ،،،،،،،


دمتم بوود

وسلامي قبل ختامي

 

[فنوني]

رد: ::: ظاهرة منتشرة بشدة :::

نسيـت فقرة مهـم
اله وهي دور الاهل والتربية

رأيت الكثير يركز على دور الاهل وان الاهل سبب رئيسي في الاهمال

نعم الاهل دور ولا نختلف عليه ولكن ليس رئيسي
صعب ان يقنع الشاب او الفتاة بما يريد من حولهم
خاص اذا كان هم يريدو شي أخرى
وبزماننـا هذا صعب ان تتحكم وتقنع شخص فتاة كانت او شاب بشي هم لا يريدونه

الكل أصبح مطلع من خلال النت او التلفاز او الاطلاع عن طريق من حواليهم اصدقاء صديقات مدرسة جامعة
بكل مكـان يستطيع الانسان الاطلاع

والشاب والفتاة يصلون الى مرحلة صعب التحكم على عقلهم وارغامهم على تفكير معين

خاصه اذا كان يوجد إعجاب او او او إلـــخ........

وربما تكون لي عودة

وسلامي قبل ختامي

 

[عاشقة الأحزان]

رد: ::: ظاهرة منتشرة بشدة :::

يا ترى منو الغلطان و منو السبب الشباب و لا البنات و لا الأهل ؟؟

في بعض الاحيان يكونون الطرفين..!
الشباب بطيشهم والبنات بحركاتهم ولبسهم.
يعني لو البنت حشمت عمرها ومشت عدل محد بتجرأ يتقرب منهاا
وهذا اغلب الشباب يقولونه
وفي شباب الله يهديهم ماشين وراء شهواتهم << وهذا لاتعليق.!



شنو مفروض تسوي البنت علشان ما يكون عند الشباب سبب يخليهم يتحرشون فيها ؟؟

تحشم عمرهاا وماتطلع وتسير المولات بروحهاا وتكون بعد طاحه فول ميك اب؟!
وماتسوي حركات اذا جافت واحد حلو..!

و شنو الحل الجذري حق هالمشكلة ؟؟

يمكن لو البنت عدلت حركاتها والولد اسطلب وماركض وراء شهواته.!

والسموحه ع التطفل .!

 

[المجرمة]

رد: ::: ظاهرة منتشرة بشدة :::

مشكورين على المرور وعلى الآراء الحلوة

 

[بحر الابداع]

رد: ::: ظاهرة منتشرة بشدة :::

المسؤولية أولاً أخيراً تصب على الاهل لانهم دعمة كل أسرة ودعمة الأبناء
هم إلي أشجعون أبنائهم على الفسق والفساد
وقلة الرقابة والحرية المفرطة أتخلي الجيل في فساد دائما
تقبلوا قلم بحر في مواضيعكم

 

[فنوني]

رد: ::: ظاهرة منتشرة بشدة :::

مرحبا جميعاً

أتمــنى أن أرى رأئي كـاتبة الموضووع في الموضوع

فليس من المعقوول ان تكتب موضوع ولا يكون له تعقيب عليه
إلا إذا كـان .......!!!!

ننــتظرها على أحر مـن الجمر مثلمـا أنتظرتنا هي على أحر من الجمر..........!!!



دمتم بوود

وسلامي قبل ختامي

 

[بحر الابداع]

رد: ::: ظاهرة منتشرة بشدة :::

مرحبا جميعاً
أتمــنى أن أرى رأئي كـاتبة الموضووع في الموضوع
فليس من المعقوول ان تكتب موضوع ولا يكون له تعقيب عليه
إلا إذا كـان .......!!!!
ننــتظرها على أحر مـن الجمر مثلمـا أنتظرتنا هي على أحر من الجمر..........!!!
دمتم بوود
وسلامي قبل ختامي

معاك حق يا فنوني أنا بعد أستغربت من المجرمة أكتفت بالرد فقط

 

[بسمه آل علي]

رد: ::: ظاهرة منتشرة بشدة :::

شبابـ % بناتـ
اسعدكم الله بالسرور

شكرا على الطرحـ الجميلـ جدا.." و شلون تقولي انه صار شي محد ينفيه"
انتيـ قمتيـ بالواجبـ و زيادهـ
بسـ حبيت اخربش يعنيـ الي فيـ باليـ..و ليس سوى رأي خاصـ^^

انه اشوفـ البناتـ و الشبابـ ع بعضـ..
لو الشاب محترم و مؤدبـ ما راحـ يقبلـ ..
و لو البنتـ مؤدبه و محترمهـ ما راح تقبلـ؟؟
"""و الله انتيـ غلطانهـ""""
بس كل غلطـ يختلف عن الاخر
البنتـ اذا غلطت صعبـ تصححـ غلطها؟؟
اما الشابـ بس يندمـ اضنـ انه كفايهـ علشانـ الكلـ ينسى اليـ صار؟؟

و السبب الرئيسي بهالشي.. مبـ الاهلـ كفانا عاد من هالكلامـ ..
الاهلـ تربيـ على ما تتفهمـ و تستطيعـ ..
و نادرا ما يكونـ من الاهلـ..
احنا ما احنا صغار علشانـ من اهلنا..

و الكل يفهم الصح و الخطأ..

تقبلوا خربشاتي الفنتكه

بنتـ العليـ^^​

 

[أشلاء روح]

رد: ::: ظاهرة منتشرة بشدة :::

السلام عليكم ..

يا ترى منو الغلطان و منو السبب الشباب و لا البنات و لا الأهل ؟؟برأيي .. الأهل ربوا وتعبوا اي .. وينصحون وجذي .. لكن هالأيام محد يسمع كلام الأهل .. واعتقد ان الغلط يترتب على الشاب والفتاة .. فالبنية .. تحشم نفسها .. محد بيقدر يتحرش فيها .. وحتى لو تحرش فيها شاب.. فاذا كانت عاقلة بتنطشه .. والشاب .. اذا شافوا بنية بعد .. لازم يحسون على نفسهم شوي ويتأدبون .. يعني بصراحة ماقدر أحكم على الفتاة والشاب.. الغلط منهم اثنينهم ..

شنو مفروض تسوي البنت علشان ما يكون عند الشباب سبب يخليهم يتحرشون فيها ؟؟

اللي اقدر اقوله بس .. طنش تعش تنتعش .. والحشمة في البداية طبعاً ..

و شنو الحل الجذري حق هالمشكلة ؟؟

كل واحد عاقل .. يعرف شنهو الحل بنظره .. كل واحد افهم بنفسه .. ما يحتاج أحد يقول لهم شنو الحل .. لأنه الحين محد مايفهم .. الكل يفهمون .. والأصح .. إن البنت تبعد نفسها .. عن الأماكن اللي يتواجدون فيها الشباب .. والشباب كذلك ..


يعطيج العافية خيو ع الموضوع ..

 

[المجرمة]

رد: ::: ظاهرة منتشرة بشدة :::

أول شي مشكورين على ردودكم ومروركم

واعذروني للتقصير في الرد


يا ترى منو الغلطان و منو السبب الشباب و لا البنات و لا الأهل ؟؟

أني أشوف ان الأهل وطريقة تربيتهم هم السبب
لأن الأهل اللي ربو أولادهم وعلموهم الصح من الغلط راح يكونون أولادهم واعيين
بس الأولاد اللي ماحصلو اللي ينصحهم ويوجههم ماراح يعرفون الصح من الغلط

شنو مفروض تسوي البنت علشان ما يكون عند الشباب سبب يخليهم يتحرشون فيها ؟؟

اللي عليها انها تحتشم في لبسها وفي مشيتها بس هذا ماراح يخلي الشباب مايطالعونها
لان الشباب غلطانين مثل ما البنات غلطانين

و شنو الحل الجذري حق هالمشكلة ؟؟

المفترض ان من البداية تكون التربية الصحيحة من الأهل وبعدين البنات يسنعون مشيتهم
والشباب يخافون على بنات الناس مثل مايخافون على خواتهم لأن دلين بنات ناس مثل
ماخواتهم بنات ناس واللي مانرضاه على بناتنا مانرضاه على بنات الناس


والسموحة منكم

 

[دانة البحرين]

رد: ::: ظاهرة منتشرة بشدة :::

يا ترى منو الغلطان و منو السبب الشباب و لا البنات و لا الأهل ؟؟
كلهم غلطانين
الان اكيد في خلل في التربيه
الشباب والبنات المفروض يغضون النظر مو الله امر بغض البصر
يعني المشكله في الاساس قله الوعي في الدين
والغزو الفكري والثقافي وابتعادهم عن الدين

شنو مفروض تسوي البنت علشان ما يكون عند الشباب سبب يخليهم يتحرشون فيها ؟؟

تستر روحها وتكون محتشمه


و شنو الحل الجذري حق هالمشكلة ؟؟

توعيه الشباب والبنات بالندوات والكتيبات وبكل الوسائل الي تكون متاحه
وتذكيرهم بالاخره وبعذاب القبر وعقاب الاخره

 

[سدرة المنتهى]

رد: ::: ظاهرة منتشرة بشدة :::

أولا عندي تعليق بسيط هني
المشكلة إن الناس صار عندها هالشي طبيعي محد يتحرك و يستنكر هالشي
خلاص ماتت الشهامة و الغيرة على شبابنا و بناتنا
اذا جاء اي احد وتكلم بسكتونه وبقولون ليه انت ما ليك دخل فينا وما الى ذلك من كلام وهالزمن ما صار فيه امر بالمعروف والنهي عن المنكر

يا ترى منو الغلطان و منو السبب الشباب و لا البنات و لا الأهل ؟؟

أولا التربيه تلعب دور يعني لو البنت والولد تربوا على قاعدة الفري بكون هالشي عندهم عادي نو بروبلم ( أصلا لو ما اعتبروه عادي بيعتبرونهم متخلفين ). وبعض التربيات تعلم الاولاد على المنع التام فبالتالي ان الضيق يولد الانفجار فتجوفونهم أعظم من غيرهم . وبعد ممكن ما تكون التربيه هي السبب لان ناس واجد اهلهم ربوهم احسن تربيه لكنهم هم الي خربوا نفسهم يعني ممكن تكون نفسهم ضعيفه وما عندهم وازع ديني وممكن بعد الشباب يخربون بعض.وبعدين ننتقل للبنات بصراحه تكون البنت هي السبب في بعض الاحيان يعني لو البنيه تحشم نفسها الصبيان ما بطالعونها مو شرط انها تلبس حجاب ( وهذا مو تحريض على عدم لبس الحجاب) بس تلبس ثياب محتشمه. وبعدين الصبي بعد لازم يغض البصر يعني شلي يميز اللي يغضون بصرهم عن الي ما يغضونه. وسائل الاعلام مثل ما نجوف انها ماهي مقصره حتى القنوات العربيه تعرض اشياء فاضحه. القنوات ما قامت تفرق وتحط اي شي بل انها قامت تدور على الاشياء الي تخلي الشباب يقلدها , لدرجة ان ما في مسلسل ما يحط ليهم قصة حب واللبس الغير محتشم امتد حتى في الاوساط الخليجيه

شنو مفروض تسوي البنت علشان ما يكون عند الشباب سبب يخليهم يتحرشون فيها ؟؟
تحشم نفسها وتغظ بصرها وهو بعد نفس الشي ( بس كأنكم تقولون ان البنت هي السبب دائما يعني ان السؤال قاعد ياخذ راي شخصي)
بصراحه اللبس المحتشم ما يكون بس للبنت احنا في زمان كلشي طقوه لنا هرمونات ويزيدون هرمونات الشباب فيخلون الغريزه تزيد عندهم وما شاء الله القنوات مو مقصره يعني لو الولد بعد لبس لبس مو محترم البنيه بتطالعه ومثل ماهو معروف عندنا كله منقلبه الايه هالايام فبتطبق البنت "ان كيدهن عظيم " فبصير نظرة فابتسامة .......ما يحتاج بعد نكمل

و شنو الحل الجذري حق هالمشكلة ؟؟
انتباه الاباء لابناءهم بسكم اهمال بتنسألون عنهم يوم القيامه خافوا ربكم فيهم حرام ان يروح شبابهم في ذنوب هم في غنى عنها وخل الشباب ( بنات وصبيان ) يلتفتون لروحهم ويصحون ملك الملوت مو بعيد عنهم مع ان ما اعتقد بخافون من هالشي اذا ما خافوا من ربهم الي هو اقرب ليهم من حبل الوريد
واهم شي الحصانه النفسيه وغض البصر

والله يوفق الجميع ان شاء الله ويهدينا

​

يسلموووووووو على الطرح وفقتم
موضوع كلما انعرض للعلاج بعد ما فيه فايده وياهم جنهم نمل يزيدون يوم بعد يوم بس سبحان الله يمكن يصادف وان شخص يجوف الموضوع ويهتدي