• أعضاء ملتقى الشعراء الذين لا يمكنهم تسجيل الدخول او لا يمكنهم تذكر كلمة المرور الخاصة بهم يمكنهم التواصل معنا من خلال خاصية اتصل بنا الموجودة في أسفل الملتقى، وتقديم ما يثبت لاستعادة كلمة المرور.

₪₪ شكـ..ـلج غلط ₪₪

ا

المجرمة

New member
إنضم
22 يوليو 2006
المشاركات
6,068
مستوى التفاعل
0
النقاط
0
العمر
35
الإقامة
بحر الهموم
شكلـج غلط!!

و إنتي لابسه عباه مفتوحه و الكشخه تحت العباه تبرق من بعيد !

.
.

شكلج غلط .!!
و إنتي تسولفين بالتلفون و تتضحكين و الرايح و الراد يسمع سوالفج !
.
.


شكلج غلط . !!
و إنتي مشغله المسجل بالسياره و حاطه أغاني بإيقاع و مطوله عليه و السيايير حواليج يسمعون الطقطقه
.
.


شكلج غلط . !!
قاعده بالمحاضره و تتعلكين
.
.


شكلج غلط . !!
قاعده بدرس ديني و ماسكه التلفون و شغاله مسجات !

.
.

شكلج غلط . !!
و إنتي حاطه صورة مغني ببوكج (محفظتج)!

.
.

شكلج غلط . !!
و إنتي داشه ببلعوم اللي بيع و تكاسرينه غصب ينزل بالسعر وصوتج يلعلع،، وتوصلين لمرحلة الهواش والسب مع الهندي

.
.

شكلج غلط . !!
لما تشوفين وحده تعرفينها ،، وتصددين مالج خلق تسلمين!

.
.

شكلج غلط . !!
و إنتي قاعده بالبيت و تنادين الخدامه شاندرااااااااااااااا جيبي لي ماي !

.
.

شكلج غلط . !!
قاعده بممرر الجامعه و تقشرين حب و تتفلين القشور !

.
.

شكلج غلط . !!!
تمشين و عباتج تسحب وراج !

.
.

شكلج غلط!!
تردين على أي واحد يغازلج ويقط عليج كلام بالسوق!!

.
.

شكلج غلط!!
تطولين لسانج على أهلج واللي أكبر منج على سبب تافه!!

.
.

>> و أخيراً <<

شكلج غلط !!
و إنتي داشه الموضوع و ماتردين


.
.

السموحه​
 
رد: ₪₪ شكـ..ـلج غلط ₪₪

صح واللـــــه صح ..

بس عاد يفهمون البنات ..

اللي يسمعني يقول دي مصدقة روحها:msn_tongu .. بس بعيداً عن المثاليات ..
الحمدللــه.. مااحس شكلي غلط وألف الحمدللــــه ..



شكراً خيتي المجرمة .. خله يسمعون اللي أشكالهم غلط صدق
 
رد: ₪₪ شكـ..ـلج غلط ₪₪

السلام عليكم

طرحٌ موفق ..
ابعدنا الله عن تلك الصفات ..


ولا حرمنا من قادمكِ خيتي المجرمة


تحياتي،،
 
رد: ₪₪ شكـ..ـلج غلط ₪₪

يا مكثرهم اللي أشكالهم غلط وبكل مكان ...والللي يزيد الطين بلة مو بس مطولة عالاغاني لا وسرعتها جنونية كأنها في سباق تتجاوز هذا وتقطع الطريق على هذا .......... تحسين بالاسى صج

مشكورة يالغالية على الموضوع الحلووو
 
رد: ₪₪ شكـ..ـلج غلط ₪₪

البنات الحبين اغلبيتهم غلط في غلط بس ما اقول الا الله يهديهم ورد ليهم عقلهم
يعطيش العافية خيتي
 
رد: ₪₪ شكـ..ـلج غلط ₪₪

حقا هكذا معظم البنات ولكن احمد ربي انا مو منهم
وشكرا لك خيتي عالطرح الرائع
يعطيك ربي العافيه


لا عدمناااك
 
رد: ₪₪ شكـ..ـلج غلط ₪₪

معظم الاشياء عادية بس الله يستر من زمن يصير فية الغلط بغلط
الله يستر وجيرنا وجيركم
تحياتي لكم
 
رد: ₪₪ شكـ..ـلج غلط ₪₪

يسلموووووووووو المجرمه على الموضوع الحلو


صح كلامج بس أنا مو من هالنوع الحمدلله

تــحـيـاتـي،،،
 
رد: ₪₪ شكـ..ـلج غلط ₪₪

يسلموووووووووو المجرمه على الموضوع الحلو


صح كلامج بس أنا مو من هالنوع الحمدلله

تــحـيـاتـي،،،
 
رد: ₪₪ شكـ..ـلج غلط ₪₪

ههههه ..... موضوع حلووو

يسلموووو
 
رد: ₪₪ شكـ..ـلج غلط ₪₪

اي و الله الحين بنات واجد غلط في غلط
يالله..........الحمدلله اني مو منهم
تحياتي
 
يجب تسجيل الدخول أو التسجيل كي تتمكن من الرد هنا.
عودة
أعلى